أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرناه، أهلو طردونا

Quote: يا أمين أنا بكتب في منبر سودان فور أوول وكتبت فيه بعد ما حردت الكتابة في سودانيز أون لاين وكنت زي وزيك وزي أي زول هنا في سودانيز أون لاين بسمع كلام الناس اللي بطردوهم من سودان فوور أوول ويجوا يولولو بي هنا لووول، والله العظيم يا أمين كنت بكتب وخائف في أي لحظة يطردوني، وبالمناسبة أنا ما خائف من الطرد، ولا حتى بخاف إنو يشوتوني طلقة، بس كنت خايف من التصاوير لووول، وأهلنا بقولوا الما بتشوفوا في بيت أبوك بهجمك، والطرد من المنابر جربناهو والطلقة زاتها جربناها، بس والله كنت خائف خوف من الكاركتيرات لووول، تعرف يا أمين والله العظيم لقيت إدارة سودان فوور أوول أحسن إدارة وصبورين وبعدين تفاتيح جداً وبعرفوا يقروا الزول كويس، وبحترموا الناس، وفي البداية كنت بشعر إني غريب بيناتهم لكنهم بالجد عكس ما يقال عنهم هنا، وبعدين يا أمين ناس فوور أوول وصفتهم بوصف جائر بأنهم غير عاقلين، يا أمين إنت عايش في دولة غربية ومفروض تعرف إنو الناس لازم تحترم القانون، وهذا هو مربط الفرس،وأنا عضو بسودان فوور أوول وبعتبر نفسي عاقل، وعندي لوائح وقوانين لازم احترمها وهذا ما أفعله في حياتي في المنابر أو في الحياة الطبيعية، احترم القوانين وأمشي عدل، أو زي ما بقولوا أهلنا "أمشي عِدل يتحير عدوك"