أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرناه، أهلو طردونا

Quote: عزيزنا عزام سلامات ورمضان كريم! تعرف يا صاحب كل المفصولين من سودان الجميع، فصلوا لأسباب واهيَّة لا ترقى حتى لتوقيف، ناهيك عن فصل نهائي، ولكن يا عزيزي هذا لا يجعل من المنبر غير ديمقراطي؛ العلاقة بينكم هي علاقة بين صاحب حق وضيف، كل الكتاب -غير ثلاثتهم- ضيوف؛ مثلاً لو إفترضنا أنّ منبر الحوار التابع لسودان الجميع يقام بصالون بولا أو حسن، مثلاً، ولم يروق لهم حديثك، وقالوا ليك: يا عزام تاني ما تجينا في صالونا ده، بدون أي سبب، مزاج ساكت، هل ده ممكن نقول عليه صالون غير ديمقراطي؟ ممكن تقول عليهو نادي صفوي، للأعضاء فقط، ومن يصطفونهم؛ ولكن لو كل الكتاب شركاء كأسنان المشط، عليهم ما عليهم من الواجبات والحقوق، حينها يكون فصلك وفصل طارق وخدر وعصام ومحسن فصل غير ديمقراطي، ولا شنو يا عزام؟