تـبـيـدي : أنا لم أطلب عضوية سودانيز أون لاين ولا أقرؤه وليس لي رغبة في الكتابة فيه .. ولن أكتب

Quote: ماعارف الكتب الكلام ده منو وما ظنيت عطش اليوم الضكر ده بديني فرقة اكوس.. بس ده كلام مردود وان كان اصلا في اصول فقه الاثبات.. البني ادم لو ختا نفسو في مظان الشبهات فهو مدان الى ان تثبت براته .. ثمة اعتراف مسلم بيهو ان تبيدي كان موظف(ضابط، سكرتير، سواق) المهم جزء من جهازالامن في عهد الانقاذيين الذي شهدوا بانفسهم بتجاوزات الجهاز.. وجودوا ولي لي يوم واحد بين موظفي الجهاز وبما للجهاز من سمعة مشرفة في مجال اللانسانية بينة كافية ليكون تبيدي جزء من تلك الترتيبات اللاانسانيةعليه فان تبيدي مطالب باثبات براءته من هذه التهم... موش الناس مطالبة بانها تثبت صحة الادعاءات تجاه تبيدي.. ليس معلوما عن جهاز الامن رعايته للشتول في شارع القصر ولا اهتمامه بي تحسين بذور البطيخ الاصفر في الشواك.. جهاز الامن عندو صورة واضحة لاتخفى على زول سوي.. جهاز الامن جهاز ترويعي..المعلوم عنو والصورة التي نقلها افراد الجهاز هي الاعتقال والجلد والكفيت.. البشتغل فيهو مابكون قاعد فيهو عشان يحاجز او يقرر مدى الرحمة في الكف الواقع على خد الادمي.. الم يقل الرسول الكريم إن الحلال بيّن، وإن الحـرام بيّن، وبينهما أمـور مشتبهات لا يعـلمهن كثير من الناس، فمن اتقى الشبهات فـقـد استبرأ لديـنه وعـرضه، ومن وقع في الشبهات وقـع في الحرام، كـالراعي يـرعى حول الحمى يوشك أن يرتع فيه، ألا وإن لكل ملك حمى، ألا وإن حمى الله محارمه، ألا وإن في الجـسد مضغة..الخ الحديث الكريم دي من بواطن الشبهات والمظنة ومن وقع فيها مطالب بان يستبري لوطنة ودينه..