|
|
 اكــلات ســودانيـة ...............(الدعـوة عامــة)
|
منو القال المائدة السودانية فقيرة ؟؟
حسب وجهة نظرى المائدة السودانية غنية وغنية جدا . فقط ينقصها البريزينتيشن الجيد والبروبقاندا المصاحبة ......
خلونا نغير النظرة الدونية البنشوف بيها روحنا وبنشوف بيها حاجاتنا ونبدا نفكر نشوف وسائل وطرائق جديدة نقدمها بيها .......
ملاحظة ...
توجد اكثر من خمسة مطاعم سودانية بالدوحة ولكن ولا مطعم سودانى واحد يرقى لمستوى مطعم وروداها السودانيين والعزابة تحديدا
وهى عبارة عن (كناتين ) قديمة يعنى ما سوبر ماركت.. و لا يمكن ان تتجرا وتعزم ليك زول ما سودانى على مطعم سودانى هنا .....
السبب شنو يارب ؟
عجبتنى فكرة قروب الاكلات السودانية بالفيس بوك فلطشت الصور وقلت اغيظكم شوية فى رمضان ونفكر مع بعض ونشوق صينيتنا دى مشكلتها شنو؟
رايكم شنو نبدا بشاى الصباح ؟
شاى سادة باليقمات ..
بسكويت مع شاى لبن مقنن (شاى اللبن المقنن من عندكم)
وفى ناس بتشرب قهوة الصباح برضو ...
|
|
 
|
|
|
|
|
|
|
 Re: اكــلات ســودانيـة ...............(الدعـوة عامــة) (Re: osman righeem)
|
بت الشيخ وحاة ربي بالغتي..
في رمضان كدي!!
بعض الجدية:
موضوع البريزنتيشن بالجد في البيوت السودانية
مفقود بل ومستنكر كمان..
انا طوالي مع أمي الحاجة في النقاش ده..
هي تنشدالجودة والكثرة وانا بتاعة اللي قلتي عليه ده..
لكن بيني وبينك عاملني ونسة ساااااي..
رمضان كريم عليك يا حبيبة..
تصومي وتفطري على خير..
| |
|
|
|
|
|
|
|
|
|
Re: اكــلات ســودانيـة ...............(الدعـوة عامــة) (Re: أميرة فاروق عبد العال)
|
اميرة فاروق ياسمية ..بركة بالشوفة
شنو شغالة بنظام غيب وتعال ................
زى ما قلتى يا اميرة تقريبا معظم البيوت السودانية شغالة بالمثل البقول عيب الزاد ولا عيب سيدو
يعنى المسالة كوانتاتى فى المقام الاول وكواليتى فى المقام التانى عند البعض ودا لطبيعة بيوتنا
المفتوحة والاسرة الممتدة احتمال فرضت علينا كدا ...
لكن حان الوقت تحن نهتم بكلو كواناتيتى وكواليتى وبرينزينتيشن...
تعرفى اختى الصغيرة فى البيت عندها اهتمام موبالغ بالمسالة دى
ابسط شئ لما يكون عليها تخت الغدا والله العظيم حتى السلطة الخضراء دى بتقطعها بشكل مختلف تماما
ونفس الاكل البنعملو كل يوم بس بترصو بطريقة مختلفة لما تحيرنا ليك
حتى اخوانى يشتغلوها ليك شنو يا حنكشة ..شنو يا فلهمة....واييييك لما يعقدوها مرات
| |
|
|
|
|
|
|
|
|
|
Re: اكــلات ســودانيـة ...............(الدعـوة عامــة) (Re: Amira Elsheikh)
|
| Quote: شاى سادة باليقمات .. |
من الصباح شاي سادة ليه؟ .... طاقاني عقرب؟
شاي الصباح كان ما بقى بي لبن (حليب طازج)، ما بيبقى شاي ..... ويا ريت كمان يكون (مقنن).
بعدين يكون بما تيسّر: يعني لقيمات، بسكويت زي حقك الفوق ده، كعك .... أو أي من أنواع الخبيز.
وفي الحالة دي بالله أخري لينا الفطور شوية ((عشان ننجزو ليك بي ضمير))
| |
|
|
|
|
|
|
|
|
|
Re: اكــلات ســودانيـة ...............(الدعـوة عامــة) (Re: محمد فضل الله المكى)
|
بت الشيخ ... تحياتي ورمضان كريم
كويس انو الواحد خش البوست ده بعد الفطور
ومع اني لاهط قراصة 5 بوصة بملاح تقلية بعد ده كلو جوعتا تاني
ولعابي سال وكرهتا اليوم الدخلني البوست وما تنسي اخوك عايش
عذابي اليومين ديل ولو شفتي المطاعم السودانية عندنا في السعودية
تدي ربك العجب بس كلام هاشم صديق بتاع مطعم الجنة الفريدة وجوه قدرة
فول وحلة وموية للعطشان في قلة ... خفي علينا شوية
احتراماتي
| |
|
|
|
|
|
|
|
|
 Re: اكــلات ســودانيـة ...............(الدعـوة عامــة) (Re: احمد العربي)
|
يا أميرة
صباحك ابيض,بتوقيتكم في تالا الخليج
**
أكلنا جميل و مُسبك و مُبَهر,ومستوي جداً,و مُكلِف جداَ
وكل من تذوقه من معارفي و أصدقائي غير السودانين ,شهد بجمال و تفرد مطبخنا السوداني,ولكن العيب ليس في الآخر!!!
العيب فينا نحن ذاتنا,(اصحاب الشئ ذاتو)..بمعني:
1- بعض أصحاب( المطاعم السودانية) لايهتمون بالنظافة والتقديم و شكل الأكل,وايضاً نوعية الآكل التي يمكن أن تقدم وفي أي وقت؟؟
2- انبهارنا بالغير,وهذا ليس في الاكل فقط و لكن في كثير من الاشياء!.
3-الاكل جزء اساسي من الثقافة و الثقافة غير محايدة,بمعني لكل جنس او مجموعة ثقافتها,وبالتالي ليس مطلوب ان نقدم وجبات لبنانية او سورية او سعودية, او او اوحتي نصير في مصاف العالمية
لالالالالا, أبداً,بل كجزء من ثقافتنا هي أن نقدم مأكولاتنا بشتي أصنافها و اختلافاتها. ولكن بشكل جميل و جذاب.
4-عبارة أننا كسودانيين فقط من نأكل (اللحم النئ ـ المرارة وأم فتفت) وحتي الكمونية...هذه عبارة خاطئة تماماً,وشاهدت عدد من الشعوب,يأكلون الكمونية والمرارة ولكن بشكل مختلف
وفي اسيا مثلا بعض الشعوب يأكلون اطراف الدجاج,يعني ما نقطعه نحن ونرميه,هم يصنعون منه شوربة!!.(لكل شعب ثقافة علينا احترامها,ولكن في الآول نحترم ثقافتنا).
5-
6-
.
.
بجيك ليهم تاني راجع ,عشان ما أطول الكلام
وتسلمي علي عرض أكلنا الجميل و الطاعم وشكراً للمجموعة في الفيس بوك,فقد استطاعو ان يبهرو كثير من الجنسيات الاخري ,ودونكم تعليقات غير السودانيين .
ـــــــــــــــــــــــــــ
لدي تجربة شخصية سوف احكيها لاحقاً.
يا أخونا عندنا اكثر من 120 مليون راس من الحيوانات,وتقولو لي (المشـــــــــــــاوي لبنانية) ياخي لبنان فيها كم خروف؟؟
ما أجمل شية الجمر و السَلات ....مع الشطة الخضراء بالدكوة
| |
|
|
|
|
|
|
|
|
 Re: اكــلات ســودانيـة ...............(الدعـوة عامــة) (Re: هواري نمر)
|
اخخخخخخخخخخخخخخخ..... وحآت ربي لآمن حنكاتي إتلون.
يا جماعة إنتو ما عارفننا قاعدين في واغ الواغ (واغ الواغ دي زي الغاغا كده)
بصراحة يا بت الشيك، الزول الإكتشف الحلومُر دا، والله المفروض يدوهو
جايزة نوبل للمشروبات الروحية والغير روحية. يا اخي دا فات البيعمل
من الفسيخ شربات زاااااتو... مبآآآآآآآآلغة بس...
| |
|
|
|
|
|
|
|
|
|
Re: اكــلات ســودانيـة ...............(الدعـوة عامــة) (Re: معاوية المدير)
|
Quote: بصراحة يا بت الشيك، الزول الإكتشف الحلومُر دا، والله المفروض يدوهو
جايزة نوبل للمشروبات الروحية والغير روحية. يا اخي دا فات البيعمل
من الفسيخ شربات زاااااتو... مبآآآآآآآآلغة بس... |
المدير ..كيفك...
بالضبط الحلو مر دا مشروب خرافى ومافى زول فكر يطورو ولا يضيف عليهو حاجة
ولو دا حصل ممكن ينافس عالميا .....
تعرف هنا كل ما اقدمو لزول ما سودانى يقول يشرحو ليهو الطريقة شان يعملو
وانا ادخل فى ضفورى واقوم اشرح واشرح ولما افتر يقولو لى يو ار سيريص ؟؟
اقول يس ايم سيريص .....الرد الاخير انو المسالة فرى كومبليكيتت بت ات نايس
شان كدا لو فى طريقة يتعمل كعصير جاهز بكون افضل ..
تحياتى
| |
|
|
|
|
|
|
|
|
|
Re: اكــلات ســودانيـة ...............(الدعـوة عامــة) (Re: هواري نمر)
|
هوارى وزوار البوست الكرام ..اعتذر للتاخير فى الرد بسبب انشغالنا بافطارات رمضان
عدنا......
تعرف يا هوارى اعداد السودانيين المقيمين بالخليج اعداد كبيرة جدا لا يتفوق علينا من حيث العدد الا الاسيويين (الهنود ..الفلبينيين ..البنغالة)
لكن حضورنا ضعيف جدا وخاصة فى سوق العمل الخاص واعنى بذلك المطاعم تحديدا ...
اديك مثال .. سوق واقف(فلكلورى ) هو سوق حى ورائج ومتنفس للكثير من الاسر والافراد ومكان اساسى يزوره المقيميين والسياح
تاكد لو جيت الدوحة اول مكان ممكن نوديك ليهو ...
سوق واقف مشهور بالمطاعم واماكن الشيشة والعصائر والوجبات الخفيفة ...اها المطاعم مصصمة بشكل جميل وكل بلد بتزين المطعم
بتاعها بالاشياء التراثية حقتها
توجد مطاعم مفربية ..عراقية ..... شامية ...مصرية .... هندية .... ودول قد لا تخطر على بالك والمطاعم دى بتقدم اكلات خاصة
بيها وممكن يستعصى عليك حتى قراية المنيو لكن بنغامر وبنجرب وبنلقى روحنا خلقنا علاقة مع مطعم محدد وانوع اكل من غير مايكون
عندنا بيهو علاقة قبل ...
الملاحظة ..فى هذا السوق المشهور والمكتظ بالعرض والطلب للاسف لايوجد مطعم سودانى واحد ...
فى نقطة مختصة بالتسويق وايضا روح المغامرة ...ديل بجيك ليهم
| |
|
|
|
|
|
|
|
|
 Re: اكــلات ســودانيـة ...............(الدعـوة عامــة) (Re: nazar hussien)
|
أميرة.. حبي أنا..
ياخي دا بوست شهي جداً
أنا زيك يا أميرة .. متعصبة للأكل السوداني.. و برضو بأقول انو مشكلتنا في طرق التقديم.. و يمكن أتيكيت المائدة بشكل عام..
و بتفق مع هواري.. في مجموعة النقاط اللي لخص بيها مشكلتنا..
فعلاً نحن بنبخس حاجاتنا مهما كانت حلوة.. و بتخلعنا حاجات الناس التانيين و بنقلد تقليد أعمى..
عليك الله يا أميرة.. أشرحي لي ظروف الصورة دي لو عارفاها..
يعني دي مرارة الفي النص دي؟ و وصلوها مبردة (وسط تلج) و لا كيف؟ طبعاً شايلة هم زول يشيل الصورة دي و يطبق النظريات الفيها بلا تفكير.. و يموتوا أهل العريس.. بالمرارة 
لكن و الله الشيء الأبيض (المنثور) بفوق ليهو (زيتون؟ عنب؟ كرز؟) مااااا فرزتو!! ياخي أختك طلعت كيشة كياشة..
نوريني ..نوريني.. 
| |
|
|
|
|
|
|
|
|
|
Re: اكــلات ســودانيـة ...............(الدعـوة عامــة) (Re: Sana Khalid)
|
أميرة ازيك
جوعتينا ..
مشكلة المائدة السودانية هي الأكل الجماعي بالأيدي في طبق واحد
سلبيات اقتصادية وصحية ومزاجية بالكوم !
لماذا لا نخصص طبق لكل شخص؟ ..
أولا عدم اتلاف الطعام .. بعدين كل واحد ياخد قدر حاجته
ونظيف .. واقتصادي ..
كل المأكولات السودانية ممكن تناولها كل واحد في صحنو !
حتى القراصه ممكن يتم تقطيعها زي البيتزا .. أو صاعتها بمقاسات
أصغر بدل قراصه 10 قدم دي .. وحتى الكسرة ممكن تقطيعها..
أعتقد الظروف الاقتصادية والهايجينية والذوق السليم تتطلب الاقلاع
عن الاكل في صحن مشترك ..
وبالله بلاش حكاية {بارك الله في طعام كثرت فيه الايادي"
يا ريت يا الأميره تفتحي حوار ..
الأجيال الجديده لازم تتخلص من هذه العاده ..
--------------------------------------------
أنا غايتو من طفولتي أطالب بصحن خاص ..
طبعا طلبي ببقى مشكله لمن الاسرة تكون معزومة ولا أنتازل
عن صحني المنفرد أو أضرب عن الطعام !!
| |
|
|
|
|
|
|
|
|
|
Re: اكــلات ســودانيـة ...............(الدعـوة عامــة) (Re: سالم أحمد سالم)
|
استاذنا الجميل ..سالم احمد سالم .....تحية واحترام ...
ومرحب بيك وبحضورك وبمشاركتك ..
Quote: يا ريت يا الأميره تفتحي حوار ..
الأجيال الجديده لازم تتخلص من هذه العاده ..
|
البوست دا ممكن يكون بداية لحوار وحوار مفتوح ويحتمل كل الافكار والمقترحات فيما يتعلق بممارساتنا وعاداتنا وتقاليدنا
الايجابى منها والسلبى ..وممكن نصل لى مقترحات قد تساهم فى تغيير شكل المائدة السودانية للافضل ..
Quote: لماذا لا نخصص طبق لكل شخص؟ ..
أولا عدم اتلاف الطعام .. بعدين كل واحد ياخد قدر حاجته
ونظيف .. واقتصادي ..
كل المأكولات السودانية ممكن تناولها كل واحد في صحنو ! |
غايتو هنا انا بختلف معاك فى تخصيص طبق لكل شخص ..مجتمعنا السودانى دا
لازال فى بدايتو وهو مجتمع ريفى فى الاصل .. وحركة الاكل فى مجاميع وكذلك الونسة والزيارات ..الخ
وحركة الاكل فى صحن واحد مستمدة قوتها من نظام الاسرة الممتدة وطبيعة المجتمع التكافلية البحتة ..
مسالة كل زول يشيل لهيو صحن وياكل براهو دى بعيدة ونفسيا ما مهيئين ليها ...
انا خير مثال ما بعرف اكل براى نهائى يعنى عكسك تماما ...
Quote: حتى القراصه ممكن يتم تقطيعها زي البيتزا .. أو صاعتها بمقاسات
أصغر بدل قراصه 10 قدم دي .. وحتى الكسرة ممكن تقطيعها.. |
عجبتنى فكرة تقطيع القراصة زى البيتزا دى وومكن تشتغل كويس اذا فكرنا انو نقدم اكلنا السودانى دا للاخر الما سودانى
ويمكن تطويرها من خلال المطاعم الموجودة وبافكار زى دى ممكن نتطور ونكون موجوديين وننافس فى سوق الطعام الرائج جدا
خلال الاعوام الاخيرة
لك محبتى وتقديرى
| |
|
|
|
|
|
|
|
|
|
Re: اكــلات ســودانيـة ...............(الدعـوة عامــة) (Re: Sana Khalid)
|
سناء خالد ..ما لاقيه بوست مناسب اعبر فيهو عن اعجابى الشدييييييييد بيك وبطريقتك فى الكتابة والتحاور
وغزوة ذات المقاشيش التى تجلت فيها حكمتك كانت فرصة وض يع تها ....
نرجع لاكلنا ..
| Quote: فعلاً نحن بنبخس حاجاتنا مهما كانت حلوة.. و بتخلعنا حاجات الناس التانيين و بنقلد تقليد أعمى.. |
بالضبط يا سناء تنقصنا الثقة بانفسنا ودا بنعكس على تعاملنا مع اشيائنا
بنخاف من ردة فعل الاخر لذلك لانقدم على المبادرة والمغامرة ....
والغريبة لو مشينا حتة واتقدمت لينا حاجة ممكن نجامل ونطلع الحاجة دى السماء بس لانها ما سودانية
عليك اللله اديك مثال بسيط ..
الرقاق العادى حقنا دا انا بحسو احلى من الكورنفليكس وممكن يكون صحى اكتر لانو خالى من المواد الحافظة
ومرات اصاب بحالة من الغرور كدا واتخيل الكورنفليكس فكرتو مسروقة من رقاقنا الواحد دا ....
شفتى كيف التعصب ؟
Quote:
يعني دي مرارة الفي النص دي؟ و وصلوها مبردة (وسط تلج) و لا كيف؟ طبعاً شايلة هم زول يشيل الصورة دي و يطبق النظريات الفيها بلا تفكير.. و يموتوا أهل العريس.. بالمرارة |
ياسناء اهل العريس والعروس بكونو جيران ما تصعبيها ياخ (وش ما لاقية )
بخصوص الحاجة المع الزيتون دى يخيل جبنة ...اى والله جبنة ...
الصينية دى ملفوحة يا سنوية شان كدا ماعارفة مناسبتها ومن يومها وانا بسال فى ناس القروب شان ينورونى ومازلت منتظرة
تسلم ياخ
| |
|
|
|
|
|
|
|
|
|
Re: اكــلات ســودانيـة ...............(الدعـوة عامــة) (Re: nazar hussien)
|
Quote: غايتو ديل محرقين البصلة...وحاولو يغطوا حريق البصلة
بي زيادة صلصة...عشان كده طلع اكلهم لونه ديدباني...
والمكرونه زاتا...خلو مويتا حست...وزادوها من موية
السخان... |
والله يانزار حسين جانى احساس انك شيف وشيف كبير كمان
يا كمان بقت عليك حكاية الكديسة قطع شك....مالقت البصلة قالت محروقة
| |
|
|
|
|
|
|
|
|
|
Re: اكــلات ســودانيـة ...............(الدعـوة عامــة) (Re: محمد الكامل عبد الحليم)
|
اخونا محمد الكامل عبدالحليم ..سلام وتحية
Quote: اوافقك الراي اننا لا نجيد تقديم انفسنا ..ولا نجيد عرض اشياءنا..هذا السلوك يتعافي بالتداخل والتواصل بين الثقافات ..الطيور المهاجرة لها دور في تغيير ماهو تقليدي اوساكن غير متحرك...
|
نحن لا نجيد تقديم انفسنا للاخر بشكل جيد دى نقطة اوفقك عليها تماما... مسالة تقديم انفسنا دى مرتبطة بالماركتينق ..صح؟؟؟؟
ودا مجال نحن ماعندنا فيهو اى ريكورد بشكل عام وفى الخليج على وجه التحديد ....
الحاجة التانية غالبية المغتربين فى الخليج دخلو كموظيفين دولة ( استاذة ..اطباء ....قانونيين ..عساكر ..الخ )
يعنى اكتفو بالوظيفة فقط ولان العائد المادى مجزئ ويكفى متطالبتهم واسرهم ..
الشق التانى من المهاجرين اكتفو بمهن هامشية ومتوسطة ....
من الكلام الفوق عايزة اصل لنقطة محددة وهى نحن كسودانيين (مغتربين تحديدا) لا توجد لدينا روح المغامرة
وروح المغامرة دا هى المطلوبة فى مجال البيزنيس الخاص ......
ولك التقدير والاحترام.........
| |
|
|
|
|
|
|
| |
عبدالرحيم أبراهيم العبيد
نادر النور آدم
osman righeem
محمد علي شقدي
ابوعبيدة حسن محمد
أميرة فاروق عبد العال
محمد عبد الماجد الصايم
Mubarak Eltayeb
وليد عبد اللطيف
محمد أبوالعزائم أبوالريش
عفاف الصادق بابكر
طارق جبريل
معاوية الزبير
خضر حسين خليل
فايزودالقاضي
tmbis
عبد اللطيف عبد الحفيظ حمد
Abdlaziz Eisa
محمد فضل الله المكى
معتصم ود الجمام
عماد الشبلي
جمال محمود
احمد العربي
هواري نمر
معاوية المدير
محمد الفاتح خالد حسون
هجو الأقرع
محمد الكامل عبد الحليم
سالم أحمد سالم
قاسم المهداوى
زهير عثمان حمد
Omar Bob
حافظ كنجال
smart_ana2001
خالد فهمي
فيس بوك
تويتر
انستقرام
يوتيوب
بنتيريست