يرحمكـ الله جدي على ود أرباب ، زولاً كلس لامن فاتكـ يا دنيا الغرور مات والضهر انحنى وصل قصاد ( ركبيهو) متعة الدنيا عندو كانت " قدح " الفطير باللبن ساعة لمة العشاء قمح طااااازج ساهم بى منجلو فيهو رغم " الضهر المال " يطمس إيدينو جووووووه القدح تقول يقدو إن بقى في ضيوف ( حينا كان للصيف إجازات ) بيقوموا يزيدو الحاجات في الصينية البيض والفول والشعيرية جنو وجن يختو حاجات زي دي في صينية العشاء بسميها اللغاويس وبتقصر العُمر الأكل يا قراصة بالدمعة أو الويكي يا فطير باللبن كنت أراقب طريقته وهو يأكل وهو يغسل يديه بعد الأكل طبعاً لو حصل نادى وقال تعال يا ولد القيامة اليوم داكـ تقوم مفروض تتحركـ بمجرد أن تحس بيهو شبع حتى ولو كانت اللقمة خانقاكـ القاعد ليها شنو وجدكـ شبع عايز يغسل إيديهو ؟ أها البرنامج ده كلو كوم وكباية الشاي كوم تاني طريقة الطاقية فوق الراس والرجل مخلوفة فوق التانية وتسمع تشووووووط تشوووووووووووط صوت " شفطة جقمة " الشاي من الكباية " عثمان حسين " شاي أسوووود وملآن سُكَر يخت الكباية ودخانه يلوي وهاهاهاهاهاهاها يفكها يا ديكـ الضحكة إنبساطة ساااااااااي سبحان مغير الحال باقي لي لو شرب ليهو كباية شاي في حديقة الزول المرطِب ده كان لى حسي بيكون قاعد يشفط في الشاي ويضحكـ " إلا لون ضحكتو ما بعرفو إلا أشوفه " ____________________ حليلكم جدودي ، لامن فتو للآخرة ما فتو الفطير باللبن وكباية الشاي الحارة شرطاً تكون عثمان حسين إن شاء الله تعوضو في الجنة الزيكم ده مااااااابشوف ليهو نار إن شاء الله ________ بريدكـ ياجدي ياخي وبسال ليكـ رحمة ربي في شهر الرحمة
08-22-2010, 09:10 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
حكي مقنن يا عمران رحم الله جدك وجعل مثواه الجنة ببركة الشهر الفضيل
الشوايقة والشاي حكاوي جميلة
قبل سنة كدة سافرت الجنوب مع مهندس فاضل من عنديكم يحب الشاي عنده ما فيه هظار..وعلي اساس نرجع مساء نفس اليوم طلعنا دغشا بدري ... صلينا في مسجد في الجبل الصبح واتوكلنا...المهندس لقيته متجرس جدا،وصلنا القطينة قال للسواق اقيف هنا قلت ليه ليه..قال نشرب الشاي ونمش...قلت ليه هندسة الناس دي ما مرقت خلينا نكسب الزمن الواطة لامن تصبح شوية كدة زي تمنية بنكون في كوستي قال لي انت مجنون؟؟نزلني هنا وامش المهم انتظرنا اعتقد قريب ساعة ظهرت اول ست شاي...هندسة ده قام خت الكانون وبدا يهبب هو،وانا مستغرب وانا اضحك المهم تمت الامور بسلام وانا اديتها نص قهوة ومشينا..قال تعرف انا كنت خايف يحصل عارض وتكون ناسية حاجة أتاري اول حاجة عملها عمل جرد سريع في عدة ست الشاي خاف تكون ناسية السكر ولا اللبن ولا الشاي قال
08-22-2010, 09:52 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
قمر بوبا يا حبيب المزعلني انو ناسنا ديل نكهة الشاي عندهم معروفة ، وبالإسم ، كان اتغيرت أو اتغير نوع الشاي العنكبة والاحتجاج يحصل حسي شوف حديقة الزول البيجقم في الشاي فوق ده ياخي دي طعم الموية الحارة فيهو " بينضاق " شاي سؤالي يا ربي جدي كانت الدعاية بتقنعوا ولا الطعم المتعود عليهو ؟؟؟
08-23-2010, 00:23 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
زمان أقصى أماني دعايات حاجات البلد تصل الشفع يقوموا يرددوها في الشارع وهم بيلعبو بتذكر دعاية وصلت الناس الكبار حتى طلعت فيها نكتة أذكر انها بتاعة لبان " لبان لو تنفخو طق بيطق ، سندباد ، سندباد " تكلفة الحاجات دي كان قليلة مقارنةً بالمكان والزمان والقوى الشرائية والناس البشتروا وكانت تجارة ناسه معروفين ومحدودين السلطان لامن يكون مرطب وماسكـ تجارة البلد بواسطة الموالين والهتيفة والباقين بيكونوا بس متابعين دعاياتم ومنتجاتم صدقوني تاني إلا الكريم حسي تكلفة دعاية الشاي الفوق دي وشكل البيت المصورين فيهو ده حق ناس تاني بيمشوا بالساهل أحلموا فالأحلام خيال مثير للنفس ( والشفقة )
08-23-2010, 00:26 AM
khaleel khaleel
تاريخ التسجيل: 02-16-2002
مجموع المشاركات: 30134
Quote: ما عارف شاي الترابلة ده انت جربتو واللا لا لكن اهم حاجة فيهو يكون ناره نار كروق و عويش و اشميق لانه العسكاره بتاعت لهب الخليط ده بتدي الشاي نكهة مبالغة
يا قريبي ما للدرجات دي كمان نحن ارتباطنا ارتباط طين ونخيل بس الإستقرار بعيد هو الما خلانا ناخد النكهات على أصوله . تسلم يا عمكـ
08-23-2010, 03:15 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
فلسفتنا في طعم الحاجات مستمر ومنها الشاي العجيب ده شاي المناسبات دايماً ليهو محل مختلف في روح الزول البنات البسوهو دايماً أحلى بنات الحلة شاي البيت دايماً عندو أخت مختلفة في سواته ليهو ومهما اجتهدوا التانين فالطعم المميز تظل صاحبته واحدة وسرها في بير لن تعطيه لأخرى الغربة دايماً الطعم فيها رايح رايح حتى على مستوى الشاي الحب
08-24-2010, 02:26 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
يا عمران سلام تعرف البنجقلي انا والله ما بعرف اكتبا لكن بقدر انطقا البنجقلي علي ما اظن شراب الشاي بالبلح صادفت في اجازة من اجازتي بالقرير انعدام السكر فكان يشرب الشيخ بالبلح ... كان غلطان صلحوني سلام
08-26-2010, 11:21 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
عمران ( ود الزهرة) سلامات والله انا بعد قريت جدي علي ود ارباب حتي وقعت لي من يوم قريت في بوست صديق انك من ابدوم قدر ما نحت راسي ما عرفت ليك جيهة . ياخي نحن بالمناسبة اهل شديد وانا مازلت اتزكر جدك الله يرحمو ونحن شفع لمن نمشي ليهو في الدكان او تجي الاجازة نودي ليهو ورق الكراسات عشان يدينا بدلو طحنية ( قبل تجي اكياس البلاستيك الممحوقه دي) اما حكاية اهلنا الكبار مع الشاي دي حكاية حبوبتي الله يرحمها فطمة بت احمد ود شقاق دي كانت مشهورة بي ريدتها لي الشاي وكتيير انا كنت بشوفها رابطها راسها من وجع الراس وتقول عيونها طششن ( دا لو بس الشاي اتاخر) ما بعرفو كان بقي مافي كانت تسوي شنو. كبابي عثمان حسين وكبابي البنور وراس السكر وشاي التلقيمة كلها اسماء نحتت في ذاكرتنا ونحن صغار غايتو نحن ناس ان بقي سادة سوهن تسعة وان بقي بي لبن اسكت كب تقبل تحياتي
08-26-2010, 12:51 PM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
العزيز عمران، لجدك الرحمة ببركات هذا الشهر الفضيل، اما حديث الشاي هذا فكاني اطرش في زفة، لاني ما عندي اي علاقة معاه، لقيتو بشربوا ما لقيتوا مابسال عنه، واذا جيت انت وتمبس مكة فمن هسي ومنعاً للاحراج الداير فيكم شاي يقوم يسويهو بنفسو والبيسالني فيكم من شاي الا اخسره. غايتو جنسكم دا احسن حاجة فيهو القراصة
08-26-2010, 01:14 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22554
وصلتي تب يا نادية ، بس كسلا حتى 1986 شالت التاريخ كلو بس الإجازات عوضت والوالدة الله يديها العافية برفقة ابي ببحري شمبات في الوقت الحالي . والحبوبة ست البنات طه ( شقاق) ، شفتي كيفنها الحكاية ؟ الغريبة وانا بقرأ في مداخلتكـ جاتني مكالمة من نصر الدين عباس ( شقاق ) ، مؤكد كوم الشقاقيق كبير
08-26-2010, 01:42 PM
ليلي عثمان عبيد ليلي عثمان عبيد
تاريخ التسجيل: 12-21-2009
مجموع المشاركات: 64
سلام ود اهلي نصر الدين دا في الحسبة عمي لانو ابوهو خال ابوي وزي ما قلت كوم ال شقاق كبير تحياتي للاهل وعلي فكرة انا احسان درستني وبعرف اميمة وكلهم عاطر الود والتحايا
08-26-2010, 01:47 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
انت يا قريبي تضحكـ ليهو كمان ؟؟ شايفكـ العربي ده ( راتي ) ليهو شديد بس عشان اتفق معاكـ في بوست افطار ولاد الرياض !! عموماً العربي ده ما يفكها فيكـ ، كدي شوف خلقتو التحت دي يمكن تغير رايكـ
08-26-2010, 02:45 PM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمران حسن صالح
GamarBoBa
khaleel
osman righeem
معتصم ود الجمام
طارق جبريل
ليلي عثمان عبيد
محمد عمر الفكي
فيس بوك
تويتر
انستقرام
يوتيوب
بنتيريست