|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: صديق عبد الجبار)
|
سلام اهلنا علي الضفتين والجزر اللي بيناتها
يااللي بتذكروا في الجابراب. انا عندى حبوبه ((ربنا يرحمها ويغفر لها)) كانت تعتقد ان من بيان صلاح اولاد جابر ومعجزاتهم الممتده وصلتها بهم انهم لايردوها خائبه ابدا. لذ لقبت بالصلحه عوضا عن اسمها الاصلي . هي من اوسلي القوز ولها مساجلات في تللك النديهه والتي تتضرع فيها ونحن نظر اليها باندهاش عند استجابة الدعوه. ربنا يرحم موتانا من جدودنا اجمعين.
يا نصرالدين : هذه هي هي الجده التي حكيت عنها ولها علاقه قويه بالباسا. حتي انني كنت اعتقد ان الباسا جزء من اوسلي عبدالواحد بيكون ادرى مني بهذه العلاقه
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: صديق عبد الجبار)
|
Quote: سرة عتولي بالحامداب |
عتولي دا جدي عم ابوي لزم لكن يا عبد العظيم إنت ليه جايب النسبة من ست زينب... ليه ، يعني علشان عتولي رجع الجزيرة تنقسي وإتزوج من هناك وبقى مداوم أهله التلبناب طيب النحدثك فتوحات منطقة الحمداب هاجر اللمين ،والباهي ، وبخيت ، وعتولي . في البداية عملو ساقية الباهياب ، ثم عبر بخيت النهر الي الجزيرة وأسس ساقية أم قحف لحق به اللمين وعتولي ، تزوج بخيت من المسراب أولاد الخزين تجاه الجزيرة من الشرق وأيضا عتولي لكنه رجع ليتزوج مرة أخرى من جزيرة التلبناب .
أنا عبد المنع ابراهيم الحاج بابكر بخيت محمد الأمين تنقسي الجزيرة التلبناب ثم الحمداب ثم كسلا البخيتاب على خور سوميت .
سلامات ياابوفواز
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: mehairah)
|
Quote: ها جنا .. مالك نسيت الدتي والله يعني عشان صغيره وكلها جبال؟ عمك عبدالرحمن عثمان من الجامعاب في الدتي .. أمي الله يطول عمرها من العيداب الفي الشكيل .. تربطنا علاقة بي ناس كورتي وأراك ود سورج .. ناس الأستاذ علي الأسباشة والحاجة فردوس الحاج صديق حبوبة ناس علي قاقرين وحيدر وعباس أها جنا .. نجيب قراصتنا ونجي والله نتوكل علي الله ونفطر مع ناس استراليا ديل؟ عمك عبدالرحمن |
عمنا عبد الرحمن .. جيداً جيت يا الحبيب .. مرحب حبابك ألف .. ناس الدتي وأهلنا الجامعاب أحلى ناس وزيهم كمان الكوارتة وأراك ود سورج عترة الرمح الملتهب ..
الله يديكم الصحة والعافية ، وإنشالله أستراليا ما تكون قاسية عليكم ، وعندنا معاكم هناك بنيةً بي راجلها وعيالها أبقوا عليها عشرة ، ، ،
كل عام وأنتم بخير ورمضان كريم
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: Abdalla Gaafar)
|
Quote: يا طارق جبريل : ناس الريح ديل فرع في اوسلي معروفين ومشهورين.
ويمكن نورالدين الفحل اللي تداخل بالامس دا ذكر ان والدته الله يرحمها ويغفر لها من ناس الريح ود المللك
وافتكر نفس الاسره.
|
محاسن كيفنك يا الزيني كان كدي دربي مرق تب لااااعند أوسلي
Quote: اها يا ود جبرين (قريبي)
انا خالا ل عيسي بروي، وعيسي يقرب لي الجماعة ديل كلهم بي امو ، رائك شنو .؟؟ سلامي الكتير
|
جمال منصوري قريبي سبحان الله الدنيي دي اتاريها صغيري خلاص
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: أبوبكر طه)
|
Quote: خد عندك أبوبكر طه محمد بابكر دويم ودحاج اللار من دويم ودحاج أم وأب حديد اصلي............ |
حديد أصلي تمام .. وشغل إنجليزي كمان ..
مرحبتين أبوبكر .. إنت دحين ماك وليداً لي ناس "شيخ بابكر" ..؟؟
أظن الأستاذ / كامل شيخ بابكر .. خالك أو عمك .. إنتو ناس أهلنا شديد ياخي ، حبوبتنا بخيتة بت إدريس في الحسبي خالةً لي أبواتكم ...
تحياتي لكل الأهل .. قول لهم السلام جاييكم من صديق ود عاشة يوسف ..
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: ليلي عثمان عبيد)
|
Quote: بريد ابودوم وناس ابودوم محل الجار يعز جيرتو ومحل العيب تموت سيرتو ليلي عثمان عبيد من ناحية ابوي حواشبية كاملة الدسم زمامابية ملخبطة بي شقاقيق من ناحية امي حاجابية من تنقاسي الرويس تسلم يا كابتن ومشكور كتير علي الفكرة دي والله البلد بي خيرا واتارينا مانا هينين تقبلو مودتي |
إزيك يا بت أخوي ، ليلى بنية عثمان ود عبيد .. مرحبتين حبابك واليوم السعيد الليلة جابك ...
رمضان كريم وكل سنة وأنتي طيبة ... ولا تقطعي الطلة ...
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: صديق عبد الجبار)
|
سلام اهلنا الزينين كما يقول طارق جبريل.
انا جد حاسه اننا قاعدين في سهله كبيره وسط نخلاتنا وفارشين قلوبنا اتساع ومحبه ...انشاء الله دائما.
عاوزه في الاول اسجل صوت اعجاب بمنطقه من ما قمت وشفتها وانا طفله علي ضفة النهر ونحن عابرين بابور البحر في طريقنا لمنطقتنا وحتي هذه اللحظه ويمكن لبكره ...احي القرير واحي خضارها وجمالها.
وليكم يا اولاد القرير سلام مربع وتبلغوه للباقيين. جمعتني ظروف السكن والدراسه بجزء من قوز قرافي ..زياريت تحياتي تصلهم.
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: نورالدين الفحل)
|
Quote: جدى ابو ابوى عثمان ود سعيد الفحل من مساوى فحلابى من جعل مساوى ومن الحنكاب وحبوبتى ام ابوى امنة بت على ود طمبل من طمبلاب الحجير كافوتة وجدى ابو امى الريح الملك الحاج محمد سليل الملك كدفور من اوسلى وحبوبتى ام امى ام الخير بت ود سعيد الفحل من فحلاب مساوى عليهم جميعا شبابيل الرحمة قطع شك هنالك الكثير من الاواصر ووشائج القربى بين الناس هنا ستظهر تباعا فى هذا البوست راجع بمهلة فهذا البوست من الاهمية بمكان ان نتجول فية بحثا الى ماشاء اللة. . |
حبابك ألف نورالدين ود الفحل .. وحباب جملة الفحلاب وكل ناس مساوي والحنكاب والطمبلاب وناس أوسلي الزينين كلهم ...
ود أخوي نور الدين .. نحن أصلنا في الاول ترابلة وناس غنا .. علا إرادة المولى ساقتني وبقيت طيار .. أسوي شنو مع المقدور ؟؟
على كل نرحب بكل السادة والسيدات المتنقلين معنا على متن هذا البوست ونتمنى أن نستضيفهم دائماً على متن إحدى راحلاتنا ...
تحياتي بالكوم
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: نورالدين الفحل)
|
Quote: جدى ابو ابوى عثمان ود سعيد الفحل من مساوى فحلابى من جعل مساوى ومن الحنكاب وحبوبتى ام ابوى امنة بت على ود طمبل من طمبلاب الحجير كافوتة وجدى ابو امى الريح الملك الحاج محمد سليل الملك كدفور من اوسلى وحبوبتى ام امى ام الخير بت ود سعيد الفحل من فحلاب مساوى عليهم جميعا شبابيل الرحمة قطع شك هنالك الكثير من الاواصر ووشائج القربى بين الناس هنا ستظهر تباعا فى هذا البوست راجع بمهلة فهذا البوست من الاهمية بمكان ان نتجول فية بحثا الى ماشاء اللة. . |
حبابك ألف نورالدين ود الفحل .. وحباب جملة الفحلاب وكل ناس مساوي والحنكاب والطمبلاب وناس أوسلي الزينين كلهم ...
ود أخوي نور الدين .. نحن أصلنا في الاول ترابلة وناس غنا .. علا إرادة المولى ساقتني وبقيت طيار .. أسوي شنو مع المقدور ؟؟
على كل نرحب بكل السادة والسيدات المتنقلين معنا على متن هذا البوست ونتمنى أن نستضيفهم دائماً على متن إحدى راحلاتنا ...
تحياتي بالكوم
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: Mohamed Ibrahim Ahmed)
|
Quote: ديل اهلى وديل ناسى
ود عبدالجبار وكل اهلنا فى البوست المبروك كيفنكم رمضان كريم وتصومو وتفطرو علي خير....
خد عندك محمد ابراهيم احمد سعيد من جرا الوالد عليه رحمة الله من جرا والوالدة بت خالو لكنها( من منازلهم) من مارنجان مدنى |
وأقول للدنيا .. كل الدنيا .. ديل أهلي وأكان ما جيت من ناس ديل وأسفاي وا مأساتي وا زلي
حباب محمد ود ابراهيم ود احمد .. لا داخل .. أدفر الباب متاقة ..
أهلاً بالحبايب ناس جرا .. وجملة يا زول في مدني وما رنجان ... أحلى ناس ..
تحياتي
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: صلاح غريبة)
|
Quote: الاخ صديق
امسك عندك
ممثل آل غريبة في تناقسي السوق وسمعريت الدهسيرة والزومة وفتني والقرير
وناس بغدادي في شبا والبركل
وناس حجار
وما ننسى ناس التركي عندك في مروي
محمد علي واخوانه ابوبكر وعمر وعثمان .... وحاجة بدرية ( نسيبتي ) وبالمناسبة هي معانا الايام دي في الرياض وتسلم عليك
يعني حوش ناس الغرايبة
صلاح غريبة - صاح متربي في الابيض بس الاساس من تنقاسي السوق |
أهلاً بالغرايبة .. نسابتنا وجيرانا وحبايبنا الروح بالروح ..
حبابك ألف أخوي صلاح .. بالله بلغ تحياتي الحارة للحاجة العزيزة بدرية وكل الأخوان ، عرفت أنه عثمان هنا في الخرطوم لكن ما قادر ألم فيه ..
كتر خير إبننا عادل غريبة معانا في سودانير .. قاعد يديني الأخبار أول بي أول ..
تحياتي للجميع
وكل عام وأنت بخير
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: صديق عبد الجبار)
|
تحياتي ابو فواز وجميع المتداخلين والقراء احمد علي سردوب مروي المربعات جوار المستشفي مربع 12 الوالد علي سردوب من مروي و الوالدة زينب علي رحمة من القرير حي السوق الرحماب الوالد والوالدة من العونية وبقية الاهل بالاضافة لمروي والقرير من الحلة البيضاء كورتي حلة العونية واوسلي ولنا اهل من عونية الزومة وقنتي يعرفهم الوالد الله يرحمه بالمناسبة زميلي في الدراسة من الابتدائي عبد الجبار حسن احمد سعد من الجباراب هل هو قريبك يا ابو فواز د. احمد علي سردوب - ايرلندا
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: جمال المنصوري)
|
Quote: يا جماعة ، سؤال خارج النص للأخ : عثمان رغيم الحسن.
يا خوي رمضان كريم وسلام شديد.. عندي سؤال محرقني من زمان عاوز اسألك ليه، ممكن ؟؟
يا خوي ، ابراهيم رغيم يبقالك، ولا اسم علي اسم..
محبتي |
اخونا جمال المنصوري
سلام وتحية
اسم رغيم متدوال بين عوائل الكندقاب في كل من
تنقاسي السوق
وقري و قلعة ود مالك ناحية حجر العسل
و رفاعة
واظنك تفصد رغيم ابراهيم الحسن
و هو ابن عمي وله محل بالسوق العربي الخرطوم
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: احمد سردوب)
|
Quote: بالمناسبة عنوانك زكرني بص جاهوري من القرير قوز قرافي كان مكتوب عليهو قريب من عنوانك مروي تنقاسي القرير مساوي و بالعكس |
وبص جاهوري هذا .. ورث هذا العنوان من كومر "احمد طه" والذي كان شهيراً بـ "أبولو 11" ، وهو من أوائل الين اشتغلوا في طريق إمدرمان - مروي باللواري والكوامر .. وهو إبن أختي الآن في السعودية ربنا يرد غربته . وطبعاً عندما كتبته كانت في الخاطر هذه الأشياء ...
تحياتي
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: احمد سردوب)
|
Quote: تحياتي ابو فواز وجميع المتداخلين والقراء احمد علي سردوب مروي المربعات جوار المستشفي مربع 12 الوالد علي سردوب من مروي و الوالدة زينب علي رحمة من القرير حي السوق الرحماب الوالد والوالدة من العونية وبقية الاهل بالاضافة لمروي والقرير من الحلة البيضاء كورتي حلة العونية واوسلي ولنا اهل من عونية الزومة وقنتي يعرفهم الوالد الله يرحمه بالمناسبة زميلي في الدراسة من الابتدائي عبد الجبار حسن احمد سعد من الجباراب هل هو قريبك يا ابو فواز د. احمد علي سردوب - ايرلندا |
يا ألف مرحبة أخي أحمد سردوب ، ويا مرحبة بكل الرحماب والعوناب ...
عبد الجبار حسن أحمد سعد .. إنا في الحسبة عمه وخاله ... والده حسن أحمد سعد إبن عماً لينا وجهم الكبير هو "سعد أبرعد" المبين مقابر الجبابير في مروي تحت "القديمة" وهو "عبد الجبار أب عنقريباً طار" أبناء عم وكلهم شيوخ وفقراء وينحدروا جميعاً من الشيخ نور الدائم الكبير وله قبة في فداسي الحليماب بالقرب من مدني السني.
أما والدته فهي ستنا سليمان سعد ، أمها زينب محمد طه الكوج ، شقيقة والدي لزم.
تحياتي بالكوم
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: عفاف علي ميرغني)
|
Quote: ينفع بالحيل .. إنتو قرايبنا ونسابتنا .. ماكم بديرية دهمشية واللا أنا غلطان ...
حبابك ألف أخونا عبد القادر ...
تحياتي العطرة ورمضان كريم |
لحيل بديرية دهامشة و (ونصنا عجيمية ) كمان يعني نسابة و زيادة كمان و كتيرين مننا اعضاء هنا اتمني ان يظهروا ويبانو و عليهم الامان و كل سنة و انتم بالف خير ولمة دايمة و ياريت توحد تام و مشاورات للاحسن و دمتم انت و كل المتاخلين في نعمة الله
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: عفاف علي ميرغني)
|
السلام عليكم
.... تحياتي مرة أخرى أخ صديق
رحم الله شهداء رمضان وجميع موتانا وموتى المسلمين
أرجو رجاء خاص أن نحافظ على هذا البوست بعيداً عن السياسة
فما يجمع رواد هذا البوست هو المنطقة والتواصل الإجتماعي مع اختلافهم السياسي
يمكن لمن يريد أن يتكلم عن السياسة أن يفتح ما يشاء من بوستات توضح وجهة نظره السياسية ، ويمكنه أن يجادل من يشاء ويتخذه عدواً أو حليفاً ولكن عند الدخول لهذا البوست
فرجاء خلع عباءة اللون السياسي خارجاً ثم الدخول أهلاً وأخواناً وأصدقاء فقط
...
لك تحياتي .
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: عوض عبدالله طه)
|
Quote: السلام عليكم
.... تحياتي مرة أخرى أخ صديق
رحم الله شهداء رمضان وجميع موتانا وموتى المسلمين
أرجو رجاء خاص أن نحافظ على هذا البوست بعيداً عن السياسة
فما يجمع رواد هذا البوست هو المنطقة والتواصل الإجتماعي مع اختلافهم السياسي
يمكن لمن يريد أن يتكلم عن السياسة أن يفتح ما يشاء من بوستات توضح وجهة نظره السياسية ، ويمكنه أن يجادل من يشاء ويتخذه عدواً أو حليفاً ولكن عند الدخول لهذا البوست
فرجاء خلع عباءة اللون السياسي خارجاً ثم الدخول أهلاً وأخواناً وأصدقاء فقط
...
لك تحياتي |
أؤيدك تماماً أخي عوض عبد الله ..
وأتمنى أن نخلع ثوب السياسة في هذا البوست ..
أنا حقيقة وجدت نفسي ملزماً تجاه أخونا على جويلي وهو يطلب منا الترحم على شهداء رمضان .. فالترحم على الأموات سنة ..
ولكن أرجع وأقول طلبك مشورع وأنا أؤيدك فيه ..
تحياتي وتقديري
| |
|
|
|
|
|
|
|