|
|
|
 Re: يا خوانا عليكم الله..لو لقيتو ليكم سوداني..عرفوني بيهو !!!!!!!!! (Re: طارق الكوتش)
|
| Quote: انعل ابو ده بلد الكلها مطر |
كوتش سلامات..ورمضانك كريم..
.
الواحد هو وجوا يشتم..بس الطيارة ترك بيهو في مطار برة يبدأ يتنخج ويقشقش في مخاخيتو..الحنية
كاتلاهو..
ياخد ليهو سنة يدلي البلد..يقول ليك..جينا للبلد القرف دي!!!!
.
.
الجوة يشتم في السودانيين والبرة يشتم في السودانيين..
عليكم الله وروني..السودانيين البتشتمو فيهم ديل منو؟؟؟؟؟!!!!!
| |
 
|
|
|
|
|
|
|
|
Re: يا خوانا عليكم الله..لو لقيتو ليكم سوداني..عرفوني بيهو !!!!!!!!! (Re: الخطاب مساعد الماحي)
|
السودانيين النحن ما منهم
والسودان الما حقنا
Quote: بلادي امان بلادي حنان وناسا حُنان
يكفكفوا دمعة المفجوع
يحبوا الدار
يموتو عشان حقوق الجار
يخوضو النار عشان فد دمعة
كيف الحال لو شافوها سايلة دموع
ديل اهلي ديل اهلي
يبدو الغير علي زاتم
يقسموا اللقمة بيناتم
يدو الزاد حتى ان كان مصيرم جوع
ديل اهلي البقيف في الدارة وسط الدارة واتنبرواقول للدنيا ديل اهلي
عرب ممزوجة بي دم الزنوج الحارة
ديل قبيلتي لمن ادور افصل للبدور فصلي
اصحاب روحي والاحساس وسافر في بحار شوقم زمان عقلي
اقول بعضي الاقيهم تسربو في مسارب الروح
يقو كلي
محل قبلت القاهم معاي معاي زي ضلي
وكان ما جيت من زي ديل واسفاي وا ماساتي وا زّلي
تصور كيف يكون الحال لو ماكنت سوداني
واهل الحارة ما أهلي
|
| |
|
|
|
|
|
|
|
|
|
Re: يا خوانا عليكم الله..لو لقيتو ليكم سوداني..عرفوني بيهو !!!!!!!!! (Re: عبدالرحيم أبراهيم العبيد)
|
| Quote: بالمناسبة انا سمعت شعوب كتيرة بتسب وتلعن فى نفسها |
أخونا حامد..
ما في شعب ما فيهو عيوب..وما في انسان ما فيهو اختلاف من اخوه الأنسان..
وقمة الحضارة انو الناس تناقش عيوبها بالواضح عشان تصل لنقاط الإختلاف..
دي ما المشكلة..
المشكلة انو اي واحد فينا لمن يبدأ يشتم في الشعب المسكين دة اول حاجة بيعملها
انو يطلع نفسو منهم..يقول ليك (ما اصلو السودانيين ديل...) كانو هو جايي من المريخ..
ولا اقول ليك عشان ناس خليل ما يزعلو..كأنو جايي من (الهلال)!!
.
.
المصريين مثلا لمن يحبو يتكلمو عن عيب فيهم يقولو:
(دووت احنا المصريين...)..يعني هو جوة!!!!
| |
|
|
|
|
|
|
|
|
|
Re: يا خوانا عليكم الله..لو لقيتو ليكم سوداني..عرفوني بيهو !!!!!!!!! (Re: بكري عباس علي)
|
الرائع علاء الدين وكل المتداخلين:بوست اكتر من رائع
مثلك اخي ناقشت هذه المشكله-ان صح تسميتها كذلك مع الكثيرين-
والعجيب نفس الاشخاص الذين يشتمون السودانين...يمكن ان تسمعهم بعد لحظات من ذلك وهم
يجعلون من السودانيين افضل جنس في العالم:الافارقه...ديل عبيد ما بفهمو
اخليجين ديل عرب متخلفين...المصريين الحلب الما عارف شنو...الخواجات ال....
ونحن الرواد في كل المجالات!!!!!
هم البسوك دثار خز ناعم الانغام....
سموك تاج العز...فخر العز.. عز العز...صبو في دماك عصاره الكذب المخيف
المشكله في رائي ذات شقين:
اطلاق الكلام علي عواهنه وهذه سببها الاساسي البداوه وغالبييتنا ما زلنا بدو_عرب ساكت_
وان سكنا في المدن وتعاطينا مع التكنلوجيا-ترييف المدن
والمشكله الثانيه:مشكله مركبه ما بين السياسه والاداره والثقافه,فالسودان منذ استقلاله وحتي الان
لم يستقر سياسيا...ونتيجه لذلك تدهور تدهور مريع في الجوانب الاداريه...وبهت صوره الشخصيه السودانيه
ورجعنا القهقري الي زمن القبيله وخشم البيت!!!!!
ما هو الحل؟؟
نواصل انشاء الله
| |
|
|
|
|
|
|
|
|
|
Re: يا خوانا عليكم الله..لو لقيتو ليكم سوداني..عرفوني بيهو !!!!!!!!! (Re: علاء الدين محمد بابكر)
|
الأخ العزيز ابوهريرة..
| Quote: مثلك اخي ناقشت هذه المشكله-ان صح تسميتها كذلك مع الكثيرين- |
هي ما مشكلة وبس..هي كارثة..
الحضارات بتبدأ صياغتها من (صغار) الكلمات..وكذلك (زوالها)..
نحنا بنحطم في أنفسنا من دون وعي..
Quote: لم يستقر سياسيا...ونتيجه لذلك تدهور تدهور مريع في الجوانب الاداريه...وبهت صوره الشخصيه السودانيه
ورجعنا القهقري الي زمن القبيله وخشم البيت!!!!!
ما هو الحل؟؟ |
طول ما عندنا رغبة في اننا نكون عايشين كسودانيين، لازم يكون في حل..
الحل بيبدأ من الصدق مع انفسنا، ورغبتنا الجادة في ايجاد حل..
هل الصفات البنقول فيها دي فعلا فينا؟؟
هل فعلا هي صفات سيئة؟
هل فعلا عندنا رغبة نغيرها؟؟
لو دة كلو في..يبقي في الأول نرصها كلها قدامنا ونعرف اكتسبناها من وين، ونعرف
عاوزين نكون شنو......
| |
|
|
|
|
|
|
|
|
|
Re: يا خوانا عليكم الله..لو لقيتو ليكم سوداني..عرفوني بيهو !!!!!!!!! (Re: علاء الدين محمد بابكر)
|
سلامات علاء ورمضان كريم
كثير من السودانيين الـ فى نيورك عندما تجمعهم مناسبة ينزلوا شتيمة فى البلد والحكومة ويرجعون سبب تخلف البلد الـلى هى السودان الى انعدام الحرية والديمغراطية ويقولوا لو كان السودان فيهو حرية وديمقراطية كان الناس ابدعت وكانالناس عملت وعملت وعملت وعملت. انا دائما اقول لهم :
اها انتوا العايشين فى بلد الحرية والديمقراطية دى عملتوا لنفسكم شنو?
والله ياعلاء الدين لينا سنين نجمع فيهم عشان نعمل رابطة تخدم الناس الـ مقيمة فى نيويورك غير تكسير المقاديف مالقينا منهم شئ ,, بس فلاحتهم السفير قال السفير فعل السفير ترك ,, المؤتمر الوطنى خبز والمؤتمر الوطنى رمد ,, ياخوانا نحن دايرين نعمل حاجة للناس القاعدة هنا السياسة ماعندنا بيها دخل ,, راسن والف سيف علا السياسة تنحشر وسطهم ,, وسبحان الله كل واحد فيهم عندو حل لمشاكل السودان وبيفهم فى السياسة.
علا تحت تحت ياعلاء ورنى السمح عندنا شنو عشان انت تزعل قدر ده ,, امسكها من الكورة لغاية التعليم ,, بس عيب الناس اللى انت بتقول عليهم ديل انو الواحد فيهم بسل نفسو من الموضوع زى الشعرة من الخمارة.
انا فى راى نجيب وزراء محترفين ونديهم الجنسية السودانية زى ناس كلتشى وده لزوم الإحتكاك الإدارى وكده ,, وكت اصلو نحنا غلبتنا.
| |
|
|
|
|
|
|
|
|
|
Re: يا خوانا عليكم الله..لو لقيتو ليكم سوداني..عرفوني بيهو !!!!!!!!! (Re: عبدالعزيز الفاضلابى)
|
الأخ الفاضلابي:
| Quote: ياخوانا نحن دايرين نعمل حاجة للناس القاعدة هنا السياسة ماعندنا بيها دخل ,, |
Quote: علا تحت تحت ياعلاء ورنى السمح عندنا شنو عشان انت تزعل قدر ده ,, امسكها من الكورة لغاية التعليم....
.
ز
.
. ,, بس عيب الناس اللى انت بتقول عليهم ديل انو الواحد فيهم بسل نفسو من الموضوع زى الشعرة من الخمارة. |
أخونا عبدالعزيز..
وفقا لمشاركتك، انت من المهاجرين..مش كدة؟؟؟!!!
امريكا بتفرق من دول الخليج في انها بعد زمن معين واجراءات محددة بتحولك لمواطن كامل..صاح؟؟
نفترض انك مواطن امريكي كامل الحقوق..
هل نسيت وطنك؟
هل حاولت تتخلي عنو؟؟..طبعا انا جوابي انو (ما اظن).. لأنو الإنتماء بينمو مع الأنسان، يعني اولادك قطعا انتماؤهم
حا يكون لوطنهم (امريكا)، والحاجة دي ممكن تأرقك وتأرق كثيرين امثالك..
عشان كدة انا زعلان..لأنو عندنا البلد الممكن يلمنا لكن بنشيل ونشتم فيهو، بدل ما نحاول نصلح نفسنا....
والواحد بيشتم وزي ما قلت ينسل زي الشعرة من الخمارة..مش كدة عيب؟؟؟
لو لقيت ليك نفر معاك وحاولتو تعملو حاجة مفيدة للجماعة الهناك..الناس بتبدأ تتلم..لأنو الإنسان بتحركو المصلحة
وليس العواطف...
| |
|
|
|
|
|
|
|
|
|
Re: يا خوانا عليكم الله..لو لقيتو ليكم سوداني..عرفوني بيهو !!!!!!!!! (Re: علاء الدين محمد بابكر)
|
الأخ علاء الدين محمد بابكر ... سلامات ولك الشكر على غيرتك على الوطن وسكانه. إليك هذه القصة التي حدثت في طرابلس الغرب في العام 1982. لا داعي للأسماء لأنها شخصيات أصبحت معروفة. زرت صديقي الذي كان يعمل طبيباً في مستشفى في طرابلس ليبيا. صادف تلك الأيام وصول عمالة سودانية للعمل في بلدية طرابلس ككناسين للشوارع وجمع القمامة. أشهد الله أن أولئك العمال كانت ظروفاً قاهرة جعلتهم يقبلون بتلك الوظائف. كنت عندما أمر أمام أحدهم تجده يتجه الجهة الأخرى محاولاً إخفاء معالمه حتى لا تعرفه، خجلاً من وظيفته والتي أعلم أنها وظيفة شريفة ومال حلال.
وجدت شخصاً سودانياً يقوم بالحلاقة لصديقي الدكتور. كان الرجل ماهراً في عمله. قلت له من باب المداعبة: حقو يا فلان تفتح ليك دكان حلاقة في طرابلس لأن الحلاقين التوانسة ما بعرفوا يحلقوا شعرنا الخشن دا. ردّ الرجل بصلف وغرور كبيرين بدرجة أذهلتني. قال: ديل سودانيين الكرور ديل. ديل الواحد ما يتشرّف يسلِّم عليهم. شغالين أعمال واط.... واصل مكملاً: أنا لي سبع سنين في ليبيا ولم أتعرف على أي سوداني جديد. ولا يشرفني أعرف النوع دا من الناس.
كلام الزول حرقني ولكن قلت الصبر طيِّب. سأبدأ معه بالمنطق وأكمل معاه بالفارغة والمقدودة. سألته قائلاً: قلت ليك كم سنة ولم تتعرّف على سوداني واحد، ما هي مواصفاتك لتتعرّف على السودانيين؟ وسأبدأ لك بنفسي يا ترى هل أنا ممن يستحقون معرفتك أم لا؟ وصفت له نفسي قائلاً:
أعطيته الاسم كاملاً. مكان عملي: شركة بترول أمريكية تعمل في ليبيا. تخرجت في الجامعة. درست هندسة بترول في هيوستن بتكساس. أمي بت عم أبوي. حافظ في القرآن لحد سورة النور. طولي مترين. ووزني 90 كجم. أها أنا دا بستحق معرفتك ولا كيف؟ لم يجر جواباً.
وفي نبرة تحد لأن الراجل زعلني قلت له: إنت ما قريت في الجامعة. ولا قريت في المعهد الفني.(على زمننا لا توجد جامعات- كانت هنالك الجامعة والفرع والمعهد الفني (اسمه جامعة السودان حالياً). وأتحداك جيب شهادة مرتبك ومرتب الدكتور البتحلق ليهو دا وصاحبو القاعد معاهو دا وأجمعها كان ما لقيت مرتبي أكثر منها جميعاً أنا أديك مرتب شهر. وأنا مرتبي بالدولار وإنت بتاخد بالدينار. وأتحداك أثبت أنك عندك فلوس في أي بنك في العالم والله لو الشيكات الشايلها في جيبي ما طلعت أكتر من رصيدك أعطيك إيّاها. يا أخي ما تخلّوا الخلق لخالقها.
تدخل صديقي الدكتور وحاول فض الإشتباك. فقلت له: يا دكتور فلان نحن من ابناء الريف. أتيحت لنا فرصة التعليم ووجدنا وظائف ممتازة، لكن ما هي الوظيفة المناسبة لزول لا يفك الخط ورمت به الظروف في الغربة؟ يشحت أم يسرق؟ الناس بتخدم ضراعها فلماذا يتنمّر عليها مثل صاحبك هذا ... هو كان زولاً فاهم ما بقيس الناس بوظائفها. أنت سيد العارفين جراح المخ يحتاج للزبال أكثر من حوجة الزبال له. وعليه قِس. كثيرون بُلي بهم الوطن يتأففون منه وهم لا حيلة لهم غيره. أعتبرهم مساكين وفاقدين هوية. خاصة أن الإغتراب ساوى بين الناس حيث أصبح الإغتراب مهنة. العريس شغال شنو؟ مغترب. والآن جات موضة المهاجرين. واحدين أتوهموا لدرجة أنهم بهجرتهم أصبحوا حاجات تانية حامياني. والواحد فيهم ما عرف التكتح وكمان جايي يتفاصح ويقول شنو وشنو ما عارف.
وأخيراً أقول لك: لو لم أكن سودانياً لتمنيت أن أكون سودانياً. وأهل الحارة ديل أهلي. والوطنية مربوطة بالفهم والفهم قسمة ونصيب. قول يا كريم وربّك يُسهِّل. وفتناك بعافية على أمل أن يصحى ضمير الموهومين
كبـّـاشي الصـّـافي
| |
|
|
|
|
|
|
|
|
|
Re: يا خوانا عليكم الله..لو لقيتو ليكم سوداني..عرفوني بيهو !!!!!!!!! (Re: cantona_1)
|
| Quote: امريكا بتفرق من دول الخليج في انها بعد زمن معين واجراءات محددة بتحولك لمواطن كامل..صاح؟؟ |
مساء الخير علاء
غايتو يمكن الكلام ده يكون صاح مع بعض الناس لكن انا ان شاء الله متكامل البلد قريب ,, انا وبنياتى بس راجى ولدى الكبير يتوهط فى الكلية اللى حايبداها بإذن الله الإسبوع ده. وحتى هو عندو نزعة الرجوع للسودان والحمدلله طلع زول صحراوى واندرش فى البلد دى وعرفناهو انو ينتمى لوطن كبير اسمو السودان .
| |
|
|
|
|
|
|
|
|
|
Re: يا خوانا عليكم الله..لو لقيتو ليكم سوداني..عرفوني بيهو !!!!!!!!! (Re: عبدالعزيز الفاضلابى)
|
أخونا كباشي الصافي..
الف سلام..
| Quote: أشهد الله أن أولئك العمال كانت ظروفاً قاهرة جعلتهم يقبلون بتلك الوظائف |
العمل في حد ذاتو قيمة انسانية ودينية ما دام عملا حلالا..فطوبي لهم..
| Quote: خجلاً من وظيفته والتي أعلم أنها وظيفة شريفة ومال حلال |
البيخجل يا الكباشي يا خوي ما نوع العمل، انما المخجل عدم العمل تكبرا علي نوعه، ودي التنقعة في الفارغة..
| Quote: ديل سودانيين الكرور ديل |
شفت زي ما قاعد اقول، اول شي طلع نفسو من الشعب الإسمو سودانيين دة، وبعد داك شتمهم(كسودانيين-- شعب كامل!!!)
اتخيل انو مصري ولا ليبي ولا اي جنس تاني يسمع سوداني بيشتم المجتمع السوداني كلو انو (كروور) حا يكون رايو شنو فينا، وبدءآ بالشاتم
نفسو؟؟؟
| Quote: والوطنية مربوطة بالفهم والفهم قسمة ونصيب |
الفهم يالكباشي ما قسمة ونصيب..الفهم تربية وتربية وتربية، وقبل التربية اعتراف باننا محتاجين للتربية..
| Quote: على أمل أن يصحى ضمير الموهومين |
عشان نصحي ضمير الموهومين محتاجين في الأول نقعد في الواطة دي ونعترف اننا موهومين..
لأنو ( رحم الله امرءا عرف قدر نفسه).. في الأول نعرف قدرنا صاح، وبعدين نصلح الشي الغلط فينا..
فقبل ما نشتم شعب كامل، لازم اولا نعرف اننا جزء من الشعب المشتوم دة..
في حديث في ما معناه:
(قال الرسول: لايشتم الرجل أباه، وسألوه: كيف يشتم الرجل أباه؟؟
قال ليهم: يشتم ابا رجل، فيرد عليه ذاك الرجل بشتم اباه)
| |
|
|
|
|
|
|
|
|
|
Re: يا خوانا عليكم الله..لو لقيتو ليكم سوداني..عرفوني بيهو !!!!!!!!! (Re: علاء الدين محمد بابكر)
|
| Quote: أنا من عطبرة بالمناسبة.... |
اوووه علاء الدين وانا الزمن ده كله اقول النجاضة دى جابها من وين?
عطبرة والفاضلاب حاجة واحدة خاصة بعد الكبرى ماربط بينهم بقينا اقرب لقلب عطبرة من ناس الحصايا.
| Quote: ربنا يوفقك للفيهو الخير ليك ولي اولادك في الدنيا والأخرة.. |
اميييين ياعلاء.
خارج النص
ياخوى فى مشروع كده متعلق بالكمبيوتر داير اعرضوا عليك والغرض منه إفادة ابناء السودانيين المقيمين فى الدول الناطقة بغير العربية.
قبل كده سألت منه اخونا معاوية حسين فوجهنى الى الإستعانة بخبراتـك.
كان موافق اطرح عليك الفكرة ده الإيميل بتاعى [email protected]
| |
|
|
|
|
|
|
|
|
|
Re: يا خوانا عليكم الله..لو لقيتو ليكم سوداني..عرفوني بيهو !!!!!!!!! (Re: عبدالعزيز الفاضلابى)
|
| Quote: كثيرون بُلي بهم الوطن يتأففون منه وهم لا حيلة لهم غيره. |
يا خونا ود الصافي:
لو هم وعيو انهم لاحيلة لهم غيره، كل شي بتغير،
لكن المصيبة الناس التقعد تكسر فيهو، وتتخيل انو في حتة في العالم حا تقبل بيك طوالي..
واللحظة الينهار نتيخة الخبط المستمر زي ما بنسميهو ال fatique، العالم كلو يقبل مننا
وشو، كأنو ما كان بيدينا المعول البنهدم بيهو..
حينها لامجال للندامة.........
| |
|
|
|
|
|
|
| |
علاء الدين محمد بابكر
khaleel
الخطاب مساعد الماحي
حامد محمد حامد
عبدالرحيم أبراهيم العبيد
بكري عباس علي
الطيب رحمه قريمان
عبدالعزيز الفاضلابى
cantona_1
فيس بوك
تويتر
انستقرام
يوتيوب
بنتيريست