|
Re: إفطار بورداب الرياض السـنوي ما أحـلاها من لمـة .. (Re: محمد عمر الفكي)
|
Quote: الزول دا دقس .. في صور أخطر منها! |
إنها الحرب إذن .. .. تعرف يا بيض انا لافي الرياض دي من الساعة عشرة يادوبك جيت داخل المكتب .. والله الواحد لو ما قلبو حار ساااي حسع دي كان تلقاهو يقرطع في المشكل قرطعة شديدة .. بي صورة أوضح لو كان شوية كدا لي وراء .. حسع الواحد كان قطع ليهو سلطة بتاعت دكوة وعجنه ليك بي كسرة بي شطة خدرا واعقبها بي سجارة برنجي .. وجهجه ليك رمضان دا ,. لكن الواحد حسع بقى عاقل بس ..
Quote: لم يتطرق احد لباسطة المعلم باباكوستا... ان شاء الله ما تنفعكم المره الجايه حلوا بي قنقليس.. |
يا طارق .. والله لكن العدة الجديدة عملت شغل عجيب خلاص .. بلاي الجماعة ديل الذائقة الحلوية عندهم معطلة في شهر رمضان دا .. ياخ انا والله اتطرقت ليك تطرق شديد خلاص لي موضوع الباسطة دا مش قاليك (المؤمن حلبي) ... على كل حال .. انا تاني جيب لي باسطتي براي... بي صورة أوضح: الجمعة الجاية فوزية تجيب لي باسطتي براي .. والله الباسطة العجيبة دي عمران ومحمد الشيخ ما خلوني افهم اي حاجة فيها .. كل دقيقة والتانية محركين الصحــن.. والله حسع دي الواحد كان خطاها ليك في التلاجة كدا .. تكون باااااااردة تضربة مع لبن بااااارد بدون سكر
| |
|
|
|
|
|
|
Re: إفطار بورداب الرياض السـنوي ما أحـلاها من لمـة .. (Re: abdulhalim altilib)
|
Quote: بعدين شايفك حتلت في البوست بتاعنا عارف السبب شنو عشان نحن ناس باسطة |
يا دكتور هسي عليك صحن الباسطة انا جبت سيرة ناس الرياض بحاجة كعبة؟ انا قلت ما عندكم فطور !!!! غلطان؟ اردمو الصور وسكتوا نوعنا انا ورفيق درب نضالي (دا واحد باكستاني). بالجد الباسطة كانت سمحة؟ غايتو دي الحاجة الوحيدة الشفناها وشايف الصحن محتكر.
| |
|
|
|
|
|
|
Re: إفطار بورداب الرياض السـنوي ما أحـلاها من لمـة .. (Re: Osman Musa)
|
الاستاذ الفاضل طارق جبريل السلام علكيم ورحمة الله وبركاته،،، وبعد بمناسبة صحن الباسطة ارجو ان تسمح لي ان اطلق على هذه المناسبة العظيمة مناسبة "الصحن اليتيم" ملحوظة لاعلاقة للاسم بسعد اليتيم تشابه اسامي زي حلة كوكو وكبشور كوكو. املين كريم موافقتكم على هذا الطلب. انت مسئول من الخير!!!! اهل الصحن ديل مشوا وين؟
| |
|
|
|
|
|
|
Re: إفطار بورداب الرياض السـنوي ما أحـلاها من لمـة .. (Re: Osman Musa)
|
Quote: شكلك في الصورة اصلو ما عمران |
ياخي زاتي قلت كده يا خلي ياخي دي كمرة تمبس الجديدة ، ياخي دي تغيِر شكلكـ زاتو بس الله يكفينا شرها بعدين الحامض حميدة قال لي انت كبرت ياخي ده شنو فنلة الوليدات اللابسه دي عليكـ أمان الله كان التصاوير دي حا تشتغل زي ده كان جيت لافي الخمسة متر ديكـ وشايل عكازي بعدين بيني وبينكـ ده ضهب العذابة ، اليومين دي الرقابة مأجِزة تحياتي لكـ وللأسرة يا هندسة
| |
|
|
|
|
|
|
Re: إفطار بورداب الرياض السـنوي ما أحـلاها من لمـة .. (Re: طارق ميرغني)
|
استاذ طارق، والله ينقطع لساني قبل ما اقول حاجة في الباسطة لو عارف المدام هي العملتها، غايتو كتر خيركم السديتو بيها الرمق "رمق دكتور محمد حسن" والله زي ما قال ود جبريل اكلها بجاي والشنب انعدل بجاي.
بالمناسبة انا نقدي هادف يرمي الى التجويد وتحسين الاداء ان شاء الله لجنة تمبس دي تفتح عيونا ويبطلوا لعب البينغ دا ويشوفوا ليهم تربيزة المرة الجاية. تحياتي
| |
|
|
|
|
|
|
Re: إفطار بورداب الرياض السـنوي ما أحـلاها من لمـة .. (Re: طارق جبريل)
|
برقية اولي
التحية لبورداب الرياض وللجنة بورداب الرياض علي المجهود المقدر. واحي علي وجة الخصوص الاخوين ادريس علم الهدي وزير الري ود. محمد الحسن علي حضورهما المبكر ومجهودهما المقدر .
والشكر والتقدير للاخ ايهاب نميري علي وقفتة الجميلة معنا في تلك الليلة .
برقية ثانية . تتوشح بالق الابداع وتوهج علما و معرفة نرسلها للمفكر القامة د. صلاح فرج الله . برقية اخيرة , تكتسي بحلة الجمال وتتدثر بثوب الادب والشعر نرسلها للمبدعين الذي شكلوا حضورا انيقا وهم الاصدقاء الجميلين . 1 - نصار الحاج 2 - عصام عيسي رجب 3 - محمد جميل .
| |
|
|
|
|
|
|
Re: إفطار بورداب الرياض السـنوي ما أحـلاها من لمـة .. (Re: yasir Abdelgadir)
|
Quote: أرفعوا أيديكم عن باسطة د. محمد حسن....أنا أحد الشهود..,والله باسطة خطييرة جدا
أما باسطة طارق ..ماشفناها..ولا مرت بي جنبنا
|
يا دكتور ياسر
والله انت فعلا مطشش واظنها رفعت ليك السكر
محمد حسن شنو وشنبو في المصيده شنو؟؟؟
دي يا ابو اليا باسطتنا ذاااااااااااااااااااتا
محم حسن ليهو بس كتر خيرو اجر المناوله
| |
|
|
|
|
|
|
Re: إفطار بورداب الرياض السـنوي ما أحـلاها من لمـة .. (Re: Kostawi)
|
الأحباب معتصم دفع الله وبورداب الرياض سلامات وتحايا نواضر... ورمضان مبارك عليكم وتصوموا وتفطروا على خير إنشاء الله...
يعلم الله ويشهد إني سعيد جداً يوم الجمعة الماضي أن تعرفت عليكم وقابلتكم بعد لقاء دام سنتين عبر التواصل الإسفيري...
معظم البورداب تربطني بهم علاقات أُسرية وصداقة والحمد لله إلتقيت لأول مرة بقريبي عمران ونسيبي طارق ميرغني وود الصائم والختمي العامل كوز ود الباوقة ونائب القنصل قير تور والحبيب محمد حسن والأرباب خالد سعيد والشيخ السماني وعلم الهدى وحميدة...
شكراً صديقي إسماعيل عباس وشكراً لجنة البورداب لهذه المساحة الطيبة وإنشاء الله نتواصل معكم بإذن الله تعالى...
| |
|
|
|
|
|
|
Re: إفطار بورداب الرياض السـنوي ما أحـلاها من لمـة .. (Re: Kostawi)
|
Quote: بالظبط البوست دا عن شنو? و دايرين تقولوا شنو? |
يا كوستاوي عليك الله هسي بعد التعب دا كلو ما عرفتنا نحن عايزين نقول شنو .. أها النوريك وحاة الله أنا القدامك دا من أهلنا عودونا نشيل صينية الفطور ونمشي بيها بره الشارع تاني الحاجة دي ما وقفت عندنا .. والفطور زاتو كان ما كان في الواطـة دي والناس كانت ( متفنة ) وماخده راحته الأكل زاتو ما بنفعنا .. والنوريك كمان المحلات الخمسة نجوم دي بتعمل لي زغللة وجع مصران يا قول أميرة الشيخ يعني أكل الفنادق دا ما بندورو .. وتاني قعدنا وإتفاكرنا وإتسامرنا والوطن كان بيناتنا حكينا عنه زي ما شايلنه في قلوبنا .. أها دي كانت قعدتنا ولمتنا الفي البوست دا .. وتاني كيييييييه كده فيك نحن الأول ونستحق وسام الجدارة عارف ليه .. لأن فكرة الإفطار دي أول ما بدأت كانت هنا في الرياض ومن الرياض .. يعني نحن لينا الريادة وحق نفتخر بيه .. وتاني أي فطور يقوم فكرته بتكون من هنا .. وكان ما أدتينا الأول بكون التحكيم فااااااشل
| |
|
|
|
|
|
|
Re: إفطار بورداب الرياض السـنوي ما أحـلاها من لمـة .. (Re: طارق ميرغني)
|
Quote: يا ود الصايم صورك دي مشفرة ولا شنو !! ما ظاهر نهائي |
بعدين يا ود الصايم الناس دي قاعد تجيبه من وووين ..؟ عاين زي دا يجيك يقوليك الصور مشفرة وما ظاهرة .. هو الوحيد الفي البوست دا يقوليك الصور ما ظاهرة .. يعني مصورة الصور دي بي فلم سري ..؟
غايتو الله إني صايم بس .. لكن بالجد بكري يخم لينا بي جهة .. وود الصايم يخم لينا بالجهة التانية ..
| |
|
|
|
|
|
|
Re: إفطار بورداب الرياض السـنوي ما أحـلاها من لمـة .. (Re: معتصم دفع الله)
|
الشفيف معتصم كانت جلسة ما منظور مثيلا والله ما منظور مثيلا ،، ولمه حلوة جداً ومما زادها ألقاً حضور الأستاذ الموقر أحمد يوسف محمد هذا الرجل الرائع الذي يجبرك على إحترامه .. أما المحاضرة فكانت قمة في الإبداع فجزى الله عنا الدكتور صلاح فرج الله كل الخير على هذه الإضاءات الجميلة والمفيده ،، على الرغم من أنني حضرت وكنت اود الذهاب سريعاً لظروف المرض ولكن اجبرتني هذه اللمه على البقاء حتى إنفض سامر هذه الجلسة الجميلة ، آسف على التعليق المتأخر لكن مازلت أعاني من المرض لذا كنت بعيد عن الكي بورد طيلة الفترة الماضية ،، وأتمنى أن تتحسن حالتي الصحية وأتمكن من الحضور يوم الجمعة لنستمتع بقضاء وقت جميل معكم ..
تحياتي : ياسر العيلفون
| |
|
|
|
|
|
|
Re: إفطار بورداب الرياض السـنوي ما أحـلاها من لمـة .. (Re: طارق ميرغني)
|
الأخ الشفيف معتصم والأستاذ القامه طارق ميرغني أتمنى أن تسعفني العافية وأقدر أحضر لاني إلى تاريخ كتابة هذه السطور اليوم الخميس كنت عندي مراجعة مع الدكتور وعملت أشعة والحمد لله الحصوة صغيرة بس أعطوني علاج وعندي مقابلة بعد العيد لو ربنا أحيانا .. لك ودي وشكري ,, ساحاول جادي الحضور..
تحياتي : ياسر العيلفون
| |
|
|
|
|
|
|
|