|
الليله سهره للغناء الهابط على هارموني
|
تقدم قناه هارموني مساء اليوم وفي تمام الحاديه عشر مساء
سهره عن الغناء الهابط ومن الإعلان الترويجي للسهره
يظهر الصحفي طارق الشريف وبعض الفنانين مثل قرقوري
وأحمد البنا وثلاثه آخرون لم أتعرف عليهم
تعرض نماذج من الغناء الهابط مثل مهند ونور وغيرها
|
|
|
|
|
|
|
|
Re: الليله سهره للغناء الهابط على هارموني (Re: فدياس نجم الدين)
|
Quote: الغريب في الإعلان الترويجي إن واحد من هؤلاء الشباب يقول
إنهم يعملون وسط الشباب كمصلحين بهذه الأغاني |
فدياس سلامات ورمضان كريم الشاب دا من جيلنا كان بدرس اقتصاد فى جامعة الخرطوم وكان مشهور فى الجامعة بى اسم ايمن عيون كان كادر خطابى ومتحدث رئيسى للبعثيين فى الجامعة وشكلو مصطلحات المرحلة ديك لسا مأثرة فيهو عموما هو حاليا شاعر معظم الاغانى المتداولة وسط الجيل الحالى والمصطلح على اطلاق لفظ هابطة عليها زى بنات الجامعات بتحبو
| |
|
|
|
|
|
|
Re: الليله سهره للغناء الهابط على هارموني (Re: محمد عبد الماجد الصايم)
|
لا نزال نطرب لأغاني مصطفى سيد أحمد الذي لم نره على مسرح
ولا نزال نتابع عقد الجلاد ويطربنا من الشباب محمود عبدالعزيز
وتعرفنا على العمالقه من خلال غناء جمال فرفور لهم
وأحببنا الكاشف من خلال عصام محمد نور
فعزراًَ أنتم لا تمثلون إلا أنفسكم وبعض ممن يعجبهم هذا اللون من الأداء
سنتابع هذه السهره الفريده ونعود لنكتب عنها
| |
|
|
|
|
|
|
Re: الليله سهره للغناء الهابط على هارموني (Re: أيمن دياب)
|
يا خي احضر الحلقه .. لو بتضحك .. اضحك ولو بتبكي واعك تبكي .. اضحك ولو بتبكي وبتضحك .. برضو اضحك بس !
ـــــــــــــــــــــــــــ من شجره واحده نصنع الملاين من اعود الثقاب وبعود واحد نحرق الملاين من الاشجار والقال الكلام السيد برناردش
واللــــــــــــــــــه معـــــــــــــــــــاك - شديد
| |
|
|
|
|
|
|
Re: الليله سهره للغناء الهابط على هارموني (Re: أيمن دياب)
|
Quote: وفي بالي طبعاً هيثم كابو.. ونسرين النمر.. ولبنى خيري.. ونادية مختار.. وفاطمة الصادق.. |
أيمن دياب
كالعاده تأتينا الأفكار من شمال الوادي
هذه الموضه لو صحت التسميه بدأت في مصر
بإبراهيم عيسى ووأئل الأبراشي وغيرهم
ونحن طبعاً ملوك التقليد
| |
|
|
|
|
|
|
Re: الليله سهره للغناء الهابط على هارموني (Re: فدياس نجم الدين)
|
بدأت السهره الآن والشاب الذي ظهر في البرموشن بيقول إنهم مصلحين
طلع شاعر وإسمه أيمن بشير
ذكر بالحرف إنه كتب مهند ونور لمحاربه ظاهره الإستلاب الثقافي
التي إجتاحات البلد بعد عرض المسلسل التركي
غايتو وجهه نظر
من الفنانيين اللقيناهم في السهره نزار المهندس وفنان إسمه سامي
هسه قرقوري بيغالط في إنه مهند ونور ما هابطه وإنهم كشباب دي لغتهم
وبالتحديد كلمه يا منقه كلمه عاديه بيتخاطب بيها الشباب
أنا شخصياً ما عارف الشباب البيتكلم عنهم قرقوري ديل منو
| |
|
|
|
|
|
|
Re: الليله سهره للغناء الهابط على هارموني (Re: فدياس نجم الدين)
|
يا خينا فيداس سلام عليك
شنو الجوطه والفوضى العامله لينا دي !!!
يازول نحنا قلنا ليك احضر!!!!
براك بي ييدك وشديك شلته الرموت وطبظ دسته وحضرته فاستحمل ياخ !!! يا فيداس يا اخوي العقُل زينة لكن مامشكلة اهو المعرفة بتجي بالتجربة .
ياخ نحنا ناس اغاني واغاني ديل في تلتله تجي تقول لي قرقوري ومقص !!!؟
| |
|
|
|
|
|
|
Re: الليله سهره للغناء الهابط على هارموني (Re: سفيان بشير نابرى)
|
Quote: ملاحظه على شكل الشباب ديل
حديده في اليد على شكل إسوره
وسلسل في الرقبه وختم كبيره
غايتو ال19 ديلك إتجلدوا ساكت
غناء الشباب ديل يستحق الجلد مع التغريب عن البلد لمده عشره سنوات |
بالله شوفوا الكوز الموهوم دا ... يسقط قانون النظام العام ... ويسقط المنادين به ... والمتسربلين بذهنيته الإستعلائية الهابطة ..
(بالمناسبة يا فدياس "الغناء الهابط" دى منّك؟ ... ولاّ من قناة هارمونى؟ ... باقى كوزنتك ما بتتفرز من كوزنة هارمونى بى سهولة ...)
... المهم ....
| |
|
|
|
|
|
|
Re: الليله سهره للغناء الهابط على هارموني (Re: dardiri satti)
|
صاحب البوست سلام ورمضان كريم
اولا فنان اسم قرقورى ياخى دا شكل مصارع وبعدين كلام كل بتاع ناس عيشان فى عالم غريب وغناء اغرب معقول وصل الحال فى السودان الى هذه الدرجة من الهبوط فى الاستماع حتى استمع لمثل هولا المسمين انفسهم فنانين والله مهزله بجد قمة فى العبط بالله دا غناء ( مهند ونور ) وغير من الاغانى الهابط بالله ارحمونا يا ناس القنوات من الاشكال هذه والدنيا رمضان لو جبتوا مدائح او اى برامج ثقافية احسن من هذا العبط
تحياتى ...
| |
|
|
|
|
|
|
Re: الليله سهره للغناء الهابط على هارموني (Re: خالد درق)
|
لا نزال نطرب لأغاني مصطفى سيد أحمد الذي لم نره على مسرح
ولا نزال نتابع عقد الجلاد ويطربنا من الشباب محمود عبدالعزيز
وتعرفنا على العمالقه من خلال غناء جمال فرفور لهم
وأحببنا الكاشف من خلال عصام محمد نور
فعزراًَ أنتم لا تمثلون إلا أنفسكم وبعض ممن يعجبهم هذا اللون من الأداء
لو كل الشاب يفكرون مثلك اخي فدياس
لما وجد هذا الغناء ارضيه يعمل عليها
ولا سماء ينتشر فيه
شكرا اخي ولك عاطر تحاياي وودي
| |
|
|
|
|
|
|
Re: الليله سهره للغناء الهابط على هارموني (Re: طارق ميرغني)
|
Quote: لو كل الشاب يفكرون مثلك اخي فدياس
لما وجد هذا الغناء ارضيه يعمل عليها
ولا سماء ينتشر فيه
شكرا اخي ولك عاطر تحاياي وودي |
أخي طارق ميرغني
كثير من الشباب لهم نفس رأي هذا
لكن أصواتهم لا تصل
لأنه دائماً البراميل الفارغه تحدث صوتاً أعلى شكراً على كلماتك الطيبه
| |
|
|
|
|
|
|
Re: الليله سهره للغناء الهابط على هارموني (Re: فدياس نجم الدين)
|
Quote: أخونا خالد در ق
قرقوري صاحب صوت أقرب لصوت الفنان جمال فرفور
وممكن يبقي فنان كويس لو لقي شعراء وملحنيين كويسين
|
الاخ فدياس تحياتى
بس لكن قرقورى هذا شكل رافض ان يغنى غناء جميل وراقى والدليل طريقة جلوسوا فى الاستوديو والبث على القناة وطريقة الكلام يعنى بصراحة وده راى منى انا ممكن يكون مخلف للكثير بس دا مايصلح يكون فنان واحسن يشوف شى ثانى غير الغناء
مودتى لك اخى فدياس ...
| |
|
|
|
|
|
|
Re: الليله سهره للغناء الهابط على هارموني (Re: خالد درق)
|
Quote: والدليل طريقة جلوسوا فى الاستوديو والبث على القناة وطريقة الكلام يعنى بصراحة وده راى منى انا ممكن يكون مخلف للكثير بس دا مايصلح يكون فنان واحسن يشوف شى ثانى غير الغناء
|
يا خالد
لاحظ إنه ده أول ظهور ليهو في قناه تلفزيونيه
ولاحظ كمان إنه ما عندنا معدين برامج ولا مخرجين بيشرحوا للضيوف
الطريقه المثلى للظهور في الشاشه
وعندك محمود عبدالعزيز وظهوره الباهت في أغاني وأغاني كمثال
القصد يا خالد
لو سبنا الشباب ديل على حالهم ده
راح يفتكروا إنهم الصح
ودي مصيبه تضاف لمصايب البلد
تشكر يا ملك على المتابعه
| |
|
|
|
|
|
|
Re: الليله سهره للغناء الهابط على هارموني (Re: سجيمان)
|
أها يا فدياس ... شلناها ليك المضحك فى المداخلة ... عشان لا تضحك فينا لا نضحك فيك .. نتحاور حوار مثمر (زى غنا مصطفى سيد احمد) ...
Quote: Quote: ملاحظه على شكل الشباب ديل
حديده في اليد على شكل إسوره
وسلسل في الرقبه وختم كبيره
غايتو ال19 ديلك إتجلدوا ساكت
غناء الشباب ديل يستحق الجلد مع التغريب عن البلد لمده عشره سنوات |
بالله شوفوا الحكيم دا ... يسقط قانون النظام العام ... ويسقط المنادين به ... والمتسربلين بذهنيته الإستعلائية الهابطة ..
(بالمناسبة يا فدياس "الغناء الهابط" دى منّك؟ ... ولاّ من قناة هارمونى؟ ... باقى حكمتك ما بتتفرز من حكمة هارمونى بى سهولة ...) |
الموقف من النظام العام وذهنيته لا زال كما هو .... والسؤال عن "الهبوط" لا زال كما هو ...
... المهم ....
| |
|
|
|
|
|
|
Re: الليله سهره للغناء الهابط على هارموني (Re: أيمن دياب)
|
Quote: الأشعار الجيدة موجودة .. والألحان الرائعة على قفا من يشيل
هؤلاء المسانيح اختاروا بمحض ارادتهم الأغاني المايعة وأغاني القاع .... |
الاخ منتصر محمد ... تحياتى
وكلامك صح هم الذين اختار الاغانى الهابط ومن المفترض انو القنوات ما تبث مثل هولا الشباب ال ........
مودتى ...
| |
|
|
|
|
|
|
Re: الليله سهره للغناء الهابط على هارموني (Re: تبارك شيخ الدين جبريل)
|
Quote: الموقف من النظام العام وذهنيته لا زال كما هو .... والسؤال عن "الهبوط" لا زال كما هو ...
|
تبارك
طبعاً لا بد من الإعتراف بإني ما فاهم بالضبط إنت عايز تصل لشنو ؟؟
لكن على قدر فهمي البسيط راح أرد عليك
موقفي من النظام العام يتلخص في إن الفكره كانت جيده لكن شابها سوء في التطبيق وإستغلال لتصفيه خلافات شخصيه
بمعنى أنني أدنت ما قام به النظام العام في بيت الفنون لكنني معهم في القبض على المتفلتين
والمتشبهين بالنساء ..
سؤالك عن الهبوط طبع ما فهمته خالص
كيف هبوط مني ولا هبوط من هارموني
طبعاً يا تبارك الفهم قسم ً
ومن الواضح إن البعض هنا يتحدث لغه عاليه
فاعفو لينا إن لم نستطع أن نصل لمستوى فك شفرات لغتكم
وأخدوا الآجر في ترفيع فهمنا المتواضع حتى يصل لمستوى تفكيركم الخلاق
وبرضو شكراً لوقتك الثمين
| |
|
|
|
|
|
|
Re: الليله سهره للغناء الهابط على هارموني (Re: سجيمان)
|
Quote: والله لا هابط ولا حاجة
علا كان داير تهبطو انت اها بس!!
|
يا دكتور عادل
طبعاً المفروض رأيك يكون كده لأنه الغناء ده يشبه شديد
طريقه كتاباتك يعني لو قدر أن يتم تلحين ما تكتب فما راح يطلع من غناء الشباب ديل
سعدت بمرورك
| |
|
|
|
|
|
|
Re: الليله سهره للغناء الهابط على هارموني (Re: فدياس نجم الدين)
|
فياس .. الحراس.. الغالات
راجع اغاني الحقيبة
وما قبل وما بعد الحقيبة
الحقيبة المفتكرنها مقدسة ..
( عاجبني فيك جوز النهود)
( نهيداتا بُرتكان يافا)
( اعاين فيهو واضحك وامشي واجيهو راجع) مع ملاحظة ان الحبيب ضاجع.....( ضاجع غير راقد غير مكوع ).. وجات منها المضاجعة
( دردق بي اللوري) مع سواقو عبد الحي.... من كسلا لي تسني.... صعودا و(هبوطا)
اما كتابتنا انا وبّرة تجد قراء لاحصر لهم....وتجد من يسرقها بفضل الله.... ( بمفرداتها)
و( رسائل) الكاشف فهي من ( رجل) الي (رجل).. وتمعن ما فيها من لواعج الوجد اليدخل في الضفور... اعتقد دي مادة بحث ليك لو مهتم ... وبعدين كوس مع صاحبك الفاتح لعدد جريدة الخرتوم الودران... وما تنسى برضو البكا الشال الكشف حقو وزاغ بيهو!!
مع تحيات بُرة العُرة
| |
|
|
|
|
|
|
Re: الليله سهره للغناء الهابط على هارموني (Re: سجيمان)
|
الاخ فدياس نجم الدين
Quote:
بصفتي من الجيل الذي يقول هؤلاء الشباب إنهم يمثلونه
أقول لهم ... لا وألف لا إنتم لا تمثلوني ومعي على ما أحسب الكثيرين |
وانا اقول لهم بل تنهم يمثلوننا ومعنا الكثيريين يا اخ دع الشباب يعبروا عن واقعهم بالطريقة التي يرونها مناسبة عليك الله اسمع اخر اغنية لحسين الصادق ادقك يا قلبي ولا في صدري اسجنك امسكك بيدي واعصر عليك واعجنك.
| |
|
|
|
|
|
|
Re: الليله سهره للغناء الهابط على هارموني (Re: سجيمان)
|
Quote: راجع اغاني الحقيبة
وما قبل وما بعد الحقيبة
الحقيبة المفتكرنها مقدسة ..
( عاجبني فيك جوز النهود)
( نهيداتا بُرتكان يافا) |
دكتور عادل
سلام
موضوع أغاني الحقيبه وما به من صور حسيه تم مناقشته هنا على نطاق وأسع
وهو لو سلمنا إنه شئ غير جائز لا أعتقد إنه مبرر بإن يأتي أحدهم ويكتب كلاماً ساقطاً
رسائل الكاشف دي جديده علي وما دام عندك رأس الخيط ممكن تكتب لينا عن الموضوع ده
وأهو فرصه الزول يقرأ ليك معلومه جديده وما يطلع بهتان ساكت
بالنسبه لصاحبي الفاتح كما أسميته فهذا ليس البوست المناسب للحديث عنه
| |
|
|
|
|
|
|
Re: الليله سهره للغناء الهابط على هارموني (Re: فدياس نجم الدين)
|
Quote: تبارك
طبعاً لا بد من الإعتراف بإني ما فاهم بالضبط إنت عايز تصل لشنو ؟؟
لكن على قدر فهمي البسيط راح أرد عليك
موقفي من النظام العام يتلخص في إن الفكره كانت جيده لكن شابها سوء في التطبيق وإستغلال لتصفيه خلافات شخصيه
بمعنى أنني أدنت ما قام به النظام العام في بيت الفنون لكنني معهم في القبض على المتفلتين
والمتشبهين بالنساء ..
سؤالك عن الهبوط طبع ما فهمته خالص
كيف هبوط مني ولا هبوط من هارموني
طبعاً يا تبارك الفهم قسم ً
ومن الواضح إن البعض هنا يتحدث لغه عاليه
فاعفو لينا إن لم نستطع أن نصل لمستوى فك شفرات لغتكم
وأخدوا الآجر في ترفيع فهمنا المتواضع حتى يصل لمستوى تفكيركم الخلاق
وبرضو شكراً لوقتك الثمين |
دا بالضبط الأنا بقصدو ... انو انت من حيث المبدأ ملكى أكثر من الملك ... تؤيد تدخّل الشرطة فى الحريات الشخصية ... وتؤيد تقنين الأمور التى تحكمها الثقافة المحلية والإرث الحضارى للمجتمع ... مما يحوّل المجتمع من مجتمع تعددى يحترم بعضه بعضاً ... الى مجتمع تفرقة تحكمه وجهة نظر أحادية معضدة بقوة القانون ... يعنى انت كوز!
السؤال عن "هبوط" الغنا مافى داعى ليهو ... بما انك كوز! (الهبوط لغةً هو الإتجاه من أعلى إلى أسفل وهو نقيض الإقلاع فى مصطلحات الطيران)
وهكذا .. سقطت ورقة توت ....
... المهم ....
| |
|
|
|
|
|
|
Re: الليله سهره للغناء الهابط على هارموني (Re: عبدالفتاح أبوشيمة)
|
Quote: أنا الحاجة الغايزاني في رمضان دا
ليه كتر الغنا أكتر من الكلام ذاته؟
لك التحية يا بني |
الأستاذ عبدالفتاح
في مساحات لا بأس بها للآداب في برامج الشروق
وهناك أحاديث الشيخ المرحوم محمد سيد حاج في كثير من القنوات
لكن كما قلت فالغناء هو الغالب
يا عمك
رأيك شنو في الإتهامات المجانيه بتاعت تبارك دي
قال آيه ... قال كوز
كوز ذره
| |
|
|
|
|
|
|
Re: الليله سهره للغناء الهابط على هارموني (Re: فدياس نجم الدين)
|
تابعت ردود الأفعال خلال الأيام الماضيه لهذه السهره
وذلك من خلال الصحف اليوميه والمواقع الإلكتورنيه
والحمد لله الكثير من الكتاب الشباب في مختلف الصحف
أجمعوا على رفضهم لهذا الغثاء
كما أن الكثيرين في المواقع السودانيه المحترمه
أكدوا إن هذا الغناء لا يمثلهم
النسبه العاليه كانت للرفض
القليل والقليل جداً من أصحاب نظريه خالف تذكر كان لهم راي آخر
عليه نحمد الله كثيراً إن آذاننا لا زالت بخير
| |
|
|
|
|
|
|
|