|
Re: إفطار بورداب جدة الخميس 16 رمضان - فندق الرمال (Re: وليد عبد اللطيف)
|
Quote: الاخ نصر الدين مودتى
الغارفو انا .. الكابتن سبت دودو
فقط لاغير مودتى تانى |
العزيز جداً معاوية
أرجو مراجعة أخر مداخلة للأستاذ نور الدين الفحل والمؤكد عليها من قبل الاستاذ فايز ود القاضي لتلافي أي قصور
هناك هرم إعلامي كسلاوي الاستاذ عبدالجليل محمد عبدالجليل ضيفاً على هذا الإفطار .
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: ادم شحوتاي)
|
ادم شحوتاي
Quote: هناك هرم إعلامي كسلاوي الاستاذ عبدالجليل محمد عبدالجليل ضيفاً على هذا الإفطار . |
كسلا كاسلا كاسلا مرحب بضيوف كسلا واهل كسلا بيننا لكن اخوك وصديقي خالد صحراوي زعلان منكم وقال لم تعزموه الافطار ويهدد بقفل (البوابة ) ود القاضي سمعت كلام خالد صحرواي دا
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد العوض)
|
ياعصام دهب ويا الجزولي انت مبادرة التكريم دي دايرين تاكلوا فيها الزول ( ملح ) التكريم دا ما داير ليهو درع علي الاقل ووشاح وكم هدية عينية لو يدكم قصيرة وما بتقدروا علي النقدية ؟ ما عارف انتو عملتو شنو في الموضوع دا ؟ ولا تكريمكم لسبت دودو ياهو الفطور بتاع الرمال ؟
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: اساسي)
|
الاخ ادم
مودتى وتحياتى العتب على النظر و الكبر الحصل
مليون مرحب بالجميل الهرم الاخ عبد الجليل محمد عبد الجليل ومرحب بشباب التاكا من طرف لك العتبى حتى ترضى
الترحيب بالتاكيد لايشمل المدعو فائز ود القاضى وانشاء الله ينوم يصحى بعد السحور عشان يعطش اليوم التانى
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: اساسي)
|
Quote: أخونا خالد عطا
سلام
يا أخونا صيدك شنو نحنا ما عاوزين مفاجآت
بالمناسبة عدد الكراسي لازم اليوم يتحدد ناس الفندق ديل بيحسبوها بالكراسي
وما عاوزين نحجز أكثر من العدد لأن أي كرسي زيادة يساوي 110 ريال
يعني لو زادت 20 كرسي ديل 2200 ريال
لذا ننوه للجميع أنه اليوم الثلاثاء هو آخر يوم لحصر العدد
ورجاء بعد اليوم لا داعي للإحراج لأنه لا نستطيع أن نضيف ولا نحذف أي شخص
فيجب أن يقرر كل من يريد المشاركة اليوم قبل الإفطار وبالتالي يؤكد حضوره وبذا يكون ملتزم بسداد المبلغ حتى وإن لم يحضر
وبعد إقفال الحصر اليوم أيضاً نعتذر عن عدم إمكانية تقبل أي شخص إضافي وهذا حسب ما ذكرته لنا إدارة الفندق أن يوم الخميس تحديداً من الصعب
إيجاد مقاعد خالية بعد بدء الحفل
للأهمية نرجو إكمال الحصر اليوم
الأخ وليد عبد اللطيف: أرجو التركيز على هذا الجانب خلال اليوم حتى تستطيع الحصول على حصر دقيق للعدد
مع تحياتي
عاصم فقيري |
والله يا عاصم فقيري كلامك دا كلام ما بتبلع زاتو انا للاسف ما قريتو الا الان , ياخ ما للدرجة دي كمان !!! بغض النظر عن اي حاجة انت ما سوداني ؟ ياخ والله عيب عديل في حقنا وحق ضيوفنا , بعدين ياخ الفندق دا تسعة نجوم ما فندق من فنادق جدة دي ؟ يعني تغلبنا الفين ريال حتي لو حصلت نقابل بيها ضيوفنا ياخ عادي طوال اجتماعيتنا الفاتت الميزانية بتقصر اكتر من الف والف ستمائة الشباب ديل زااتهم ما بقصروا وكل واحد بخت الفيها النصيب وبتكتمل الحكاية بدون نوع الكلام البايخ الاتكتب فوق دا اصلي واجي راجع ان شاء الله
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: اساسي)
|
بعدين ياخ الفندق ( المقدس ) دا لو ما فيهو امكانية لي ضيوفنا مافي حاجة جابرانا عليهو , لدرجة انه نقول زي الكلام الفوق دا , احزنني جدا قراءة هذه المداخلة من الاخ عاصم فقيري في حق اخونا خالد العطا والذي يشرفنا لاول مرة في بورداب جدة ومعه اخ كريم اخر وهو زعيم بورداب الخرطوم والذي لم يقصر مطلقا في الاحتفاء وتكريم كل ضيوف الخرطوم لا نطمح ان تكون الفسالة وشح ذات اليد هي عنوان افطارنا يا جداب
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: اساسي)
|
أخي السماني (أساسي)
Quote: ياعصام دهب ويا الجزولي انت مبادرة التكريم دي دايرين تاكلوا فيها الزول ( ملح ) التكريم دا ما داير ليهو درع علي الاقل ووشاح وكم هدية عينية لو يدكم قصيرة وما بتقدروا علي النقدية ؟ ما عارف انتو عملتو شنو في الموضوع دا ؟ ولا تكريمكم لسبت دودو ياهو الفطور بتاع الرمال ؟ |
الظاهر إنت ما متابع البوست مظبوط دا كان سؤالي لي دهب في إحدى المداخلات
Quote: ما هي مقترحاتكم لتكريم هذا الرجل ولا يجي ساي يعضي ويشتت خشمه ملح ملح
|
ودا كان رده
Quote: : مقترحاتكم لتكريم هذا الرجل ولا يجي ساي يعضي ويشتت خشمه ملح ملح
سؤال وجيه يا خالد ..
تم عمل درع تكريمي جميل بإسم بورداب جدة .. و المشاركة مفتوحة لكل البورداب في التكريم ..
|
أصحى يا بريش
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: خالد حامد الجزولي)
|
اخونا السماني
Quote: بعدين ياخ الفندق ( المقدس ) دا لو ما فيهو امكانية لي ضيوفنا مافي حاجة جابرانا عليهو , لدرجة انه نقول زي الكلام الفوق دا , احزنني جدا قراءة هذه المداخلة من الاخ عاصم فقيري في حق اخونا خالد العطا والذي يشرفنا لاول مرة في بورداب جدة ومعه اخ كريم اخر وهو زعيم بورداب الخرطوم والذي لم يقصر مطلقا في الاحتفاء وتكريم كل ضيوف الخرطوم لا نطمح ان تكون الفسالة وشح ذات اليد هي عنوان افطارنا يا جداب |
كيفك ياطيب بيني وبينك الكلامك ناشف شوية ولكن اكيد مايقصد ما رميت اليه لان حسب وضع الفندق وعصرنا الراجل بأن لازم نحدد له العددية بالظبط لان في البداية انا قلت ستين نفر اربعون من الاعضاء والباقي ضيوف وتم حجز صاله معينة وعندما غيرنا العددية تغير الوضع الى صاله اخرى حتى في النهاية وعدم ظهور الناس للتأكيد وكل مره الواحد ماشي الفندق وماقادر يعطي الرقم الحقيقي للمشاركين يعني يا اساسي مافيها شيء لو اي واحد دخل البوست دا واكد حضورة ممكن التأكيد يكون مكرر ولكن في سبيل الحصر فقط المهم يازول اهم شيء النفوس تكون طيبة والناقصة بتتمه ماتشيل هم وان شاء الله يكون يوم ممتع وجميل وفطور مبارك
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: وليد عبد اللطيف)
|
Quote: بيني وبينك الكلامك ناشف شوية ولكن اكيد مايقصد ما رميت اليه |
في البداية شكرا للاخ اساسي الذي قام مشكورا بالاتصال والاعتذار نيابة عن الاخوان
الاخ وليد / لو تلاحظ انا لم ارد حتى الان بزعل وتشنج حتى لا اتسبب في تحوير موضوع البوست
ال اشياء اخرى هذا ليس توقيتها
ثانيا اخي وليد
تفتكر لو اتصل عصام فقيري في الجوال بدل ما يشيل حسنا اسفيريا مش كان احسن
علما بان رقم الجوال موجود في نفس البوست
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد عمر الفكي)
|
في واحد هنا في البوست دا دعى دعوة كدة والظاهر جات فيني أنا اتصلت على شقيقتي وقالت انهم وصلوا هي وزوجها لجدة وذلك لأداء العمرة الآن أنا في طريقي إليهم عشان اخذهم البيت وأقوم بالواجب من فطور وشريحة سعودية وغيره كان بودي أكون معكم .. الظروف أحياناً أقوى من الإنسان ... سوف أحاول بقدر الإمكان ولو بالسرقة أجيكم سرييييع بعد الفطور أمر الكابتن سبت دودو سوف اسنده للأه/ معاوية الصائم (شيال التقيلة) مودتييي
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: طارق جبريل)
|
الأخ اساسي رمضان كريم الموضوع بسيط جدا و لم تكن المشكله ماديه اطلاقا و لكن لحرص الأخوان على انجاح اليوم بطريقه تليق بالجميع و حتى يكون الإحتفال فخر لنا و يكون مرتب ومنظم طلب الإخوان حصر الأعضاء حسب طلب إدارة الفندق و زي ما قال الأخ وليد كان عدد الضيوف المقدر 20 و بالعكس يفرحنا جدا مشاركه أكبر عدد من الضيوف و مرحباالف مرحبا بالإخوان خالد عطا و محمد عمر الفكي و المسلمي و ضيوف الشرف الكابتن سبت دودو والهرم الإعلامي القامه عبد الجليل محمد عبد الجليل و إذا ما شالتكم الأرض نشيلكم في عيونا ونحن بورداب جده على استعداد لاستقبال اي عدد من الضيوف والى اللقاء بالفندق ان شاء الله
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: صلاح عثمان)
|
الاستاذ/ صلاح عثمان كتر خيرك وبارك الله فيك؟ انت يا سيد معاوية ، حارس الكمبيوتر دا عندك شنو؟ ما تقوم تمش تجهز فطورك.
بالمناسبة يا جماعة اتصل على خالد العطاعشان امشي معاه، بس اعتذرت لانه الوقت ضيق ولايسمح وخصوصاً انه انا في العمل وليس في البيت وتاني مداوم المساء فنرجوكم المعذرة.
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: جعفر محي الدين)
|
والله العظيم كنا مشتاقين نجي ونتشرف بلقائكم جميعاً يا بورداب جدة، لكن نسوي شنو في الظروف وخصوصاً انه رمضان موسم في مكة، لكن معوضة باذن الله وكل بوردابي تطأ قدمه ارض مكة فليعتبر ان له بيتاً ثانياً في مكة وحبابكم مليون. اعتذر فقد اغيب عنكم بضع ساعات نسبة لارتباطي بسفرية عاجلة مساء اليوم في رحلة طيران تستغرق 6 ساعات متواصلة وسوف اعود الي مكة فجر يوم السبت باذن الله
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: جعفر محي الدين)
|
سيارة المهندس علاء انطلقت مصارعة للوقت قبيل موعد اذان المغرب
لازلنا في طرقات جدة صوب شارع التحلية الذي يسمى هنا شانزلزيه جدة (طبعاهو ليس الذي في الصورة)
وصنا بعد الاذان وكانت الجميع منشغلا عن التحية بما امامه محمد حسن العوض وعادل عبد العزيز وشبله
الكتور سيف ومنتهى المزمزة
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: كمال ادريس)
|
الطاولات وقد امتلأت بالاحباب بورداب جده
نصر الدين ومجدي ابو قصي وعصام يوسف ومجدي في احلى لمة
عصام يوسف وصديقته الكاميرا
معاوية عبيد الصائم ود. سيف والاطباق لاتزال ممتلئة
البشير دفع الله يسترسل وعادل عبد العزيز يستعد للهجوم من جديد
العمدة شحوتاي ... دايما حضور مميز
المستشار الابهة عصام دهب
معاوية، سيف، عصام، خالد العطا
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: كمال ادريس)
|
وليد عبد اللطيف، اساسي، الطفل المعجزة علاء
صديق رحمة : محل مايسري يمري يارب
لايزال التهديد قائما لود القاضي باستحضار (ع.ق) رغم التلويح بالشوكة والسكين (يها خنجر ماتقول)
الرفاعي : كانت كلمته في اللقاء انقى من قميصه الابيض... دعوة للتسامح ولم شمل البورداب وبالاسم قال : كنت اتمنى وجود السماني عمارة وايوب وسيف الدين عيسى.
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: جعفر محي الدين)
|
اسماء نجوم جده البهية ( جدة غير )
وقوف من اليمين البشير دفع الله ومجدي شبندر وعلاء الدين و جمال الباقر و محمد حسن واحمد عبسى واساسي ونورالدين الفحل و جمال السنوسي ووعارف عرفان وسيف النصر وخالد العطاوعصام فقيري وادم شحوتاي وعصام دهب و الرفاعي حجر جلوس من اليمين صديق رحمة النور وعادل عبد العزيز واحمد التجاني وعصام محمد يوسف ووفايز ود القاضي وجعفر محي الدين ووالطفل محمد صلاح عثمان
| |
|
|
|
|
|
|
|