|
Re: إفطار بورداب جدة الخميس 16 رمضان - فندق الرمال (Re: وليد عبد اللطيف)
|
يا بورداب جدة الاوفياء
اغيثوا فقراء المغرب ؟ فانهم فى حوجة ماسة لكم؟
رغم علمنا بان المدعو طارق جبريل المنتف لايستحق اى حسنة وذلك لانه تطاول على رجالات البر والاحسان بجدة ولكن دائما نحن فى جدة لانلتفت للمهزومين البتة ؟؟
تبرع الاستاذ صلاح عثمان بكافة عدة مطبخ اسرته دعما للفقراء ؟
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: طارق جبريل)
|
شوهد المدعو طارق جبريل فى مطار الرباط الدولى وهو يمتطى امجاد مغربية محملة بعون غذائى مرسل من الصفوية اميرة الحسين ؟ عبارة عن متلجات مختلفة متعددة الانواع ولكن يقظة جمارك المغرب الشقيق اكتشفت ان بعض من المواد منهية الصلاحية ولكن شفقة المدعو طارق جعلته غير مصدق للمعونة فهرولا بها مسرعا تجاه فقراء المغرب ؟
نشكر رجالات الجمارك
لليقظة ؟
مع تحيات الاعلام الخارجى لبورداب جدة ؟
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد عمر الفكي)
|
محمد عمر الفكي تصوم وتفطر على خير
Quote: يا ناس جدة سلام عليكم السنة الفاتت وعدت اخونا جعفر محي الدين انه اجي افطر معاهم بس الظروف ما سمحت والسنة دي مادام انا سنجل فعشمي عند الله كبير انه اجيكم. على الاقل انقل الصورة لطارق جبريل عشان نحكم بينكم وبين ناس الرياض. |
كتر خيرك يا راجل والله نكون سعيدين بطلتك وخصوصا إنت أصبحت متردد بين جدة ومكة
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: معاوية عبيد الصائم)
|
Quote: تبقى حووت تبقى سيجانة تجي ماتجي ياكا دافع الشيرنق .. |
أسمع أنت عشان عندكم بحر في الشرق و لقيتني غرابي ساكت داير تعمل لي أستفزازات كمان ؟؟ أسمعني كويس عشان أوريك الغتاتة أنا جايي و كمان جايب معاي تمانية أبناء سبيل و ما دافع هللة .. سجن .. سجن .. و العازمنا يجي يطردنا ..
د. طارق أخوي .. معكم و نشد من حللكم .. أقصد أرزكم .. قصدي أزركم ..
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: معاوية عبيد الصائم)
|
لظروف خارجة عن الإرادة نعتذر عن الحضور وأتمنى
لكم إفطار جميل ويكفي حضور الشباب وعلى رأسهم عبدالدائم
وجمال السنوسي ومولانا عصام دهب وود القاضي والزول السمح وليد عبداللطيف .
إلا الولد بتاع حفرة الدخان ليل المغرب داك نضميهو كتير،،،
ود جبرين كان جيتنا عمره بتشوف جده غير وناسا غير ,,,,,,,,,,,,,,,,
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: طارق جبريل)
|
ياكى شبه ود الجعلى كلكم كادحين يسال منك الخير تراهو مدموس فى الخلاء؟ برضو بنرسل ليهو المعونة زيك ؟ واحد . لامن يطير عطبرتو ديك ؟ هسى مفكرين نرسل ليهو مراجيح وشوال تمباك وراد السنجك ؟
هسى هو فى اجازة وعاملين ليهو دورة قبيض سمك بسنارة الكهرباء ؟ شان لامن يرجع البلد يكون عندو مهنة ياكل منها كسرة بموية
بس ربنا يسهل الكهرباء بهناك مع سد مروى ؟؟؟؟
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: ميسرة سيد أحمد)
|
كتب الوليد بن عبد اللطيفQuote: يااستاذ دهب ورواد الشيشة اتطمنوا تم الترتيب يا اخوان على حجز كراسي الى اربعون شخص فقط (40 شخص ) خلاص الان ذهبت الى الفندق وعملت اللازم
|
يا فردة.. أنا خايفك تكون حجزتا أربعين شيشة.. ونسيت الكراسي والطاولات
إنتا ومعاوية لمَّن تكونوا صايمين، نِهائي ما بضمنكُم
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: عصام محمد يوسف)
|
صلاة النبى عينى باردة يا بورداب جدة
الله يطول ايامكم لعمل الخير ودعم المنتفين وفقراء المغرب؟
ماتنسوا اى عدة قديمة مفيدة حتى لو ملاحة مفيدة ؟
دعم رهط ود جبريل واجب منبرى ؟
معلبات سارية الصلاحية ما تكون منتهية زى بتاعت الصفوية اميرة الحسين ؟ رغم انهم بيضربوا اى حاجة بس نحن نعمل بالاصل
مشكورين
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: وليد عبد اللطيف)
|
Quote: أنا خايفك تكون حجزتا أربعين شيشة.. ونسيت الكراسي والطاولات |
غايتو لو عمل كدة يا علاء تكون حاجة مووووبالغة.. و رغم إني زول لسة علامي في الشيشة .. لكن اليوم داك أكيد حيكون يوم فلة على قولهم .. ما أحلى الفرجخة لشراب الشيشة .. ..
مراحب ألف بالبوردابي الجميل و الزول المبدع / عصام محمد يوسف .. وفرصة طيبة لتواصل دائم مع بورداب جدة ..
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: طارق جبريل)
|
Quote: وفطوركم ((ابو شيشية)) دة مخستك مخستك |
أهة يا دكتور نقيتو فيها لآمن جبتو كسافتا .. قالوا ليك شيشة مافي .. إن شاء الله تكون أرتحت يا فايز .. ؟؟
طيب عادي يعني شنو لو ما في أنا ذاتي زول جديد في الشغلانة وعلامي ساكت .. عادي مافي أي مشكلة .. بس صبوا لينا المدخنين و أبعدوا عننا القهوة ..
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: طارق جبريل)
|
ميسرة سيد احمد
Quote: لظروف خارجة عن الإرادة نعتذر عن الحضور وأتمنى
لكم إفطار جميل ويكفي حضور الشباب وعلى رأسهم عبدالدائم
وجمال السنوسي ومولانا عصام دهب وود القاضي والزول السمح وليد عبداللطيف .
|
اين انت ياطيب كان يطيب بيك المقام وتملانا بهجة وفرح بحضورك اها انا لابت لزهير الزناتي اصلو ياخي هو ماكان يقدم مواعيد جيته من السودان شوية حتى يكون مفجأة الحفل يعني كدا حرمنا من شوفته وحرمنا من إطلالت النضيف عبد الدايم
ود جبرين
Quote: ود دهب يا حبيبنا ياخي ناس جدة ديل خربوا طبعك |
ياخي صاحبك جننا شيشة شيشة معناها هو البخرب طبع الناس
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: Asim Fageary)
|
تجرى مشاورات جيدة مع مقهى ليالى الحلمية لمد فندق الرمال بخراطيم شيشة بطول
7 كيلو متر مشيش من وسط البلد الى حى الحمراء وذلك لراحة بورداب جدة المرطبين وقد كلف المشروع مبلغ بسيط دفع من فائض ميزانية حفل الافطار ؟
وصرح الاستاذ صلاح عثمان بان ماتبقى من مالية سوف يصرف فى شراء معدات رياضية لبوساء المغرب فى اطار الرجيم الناتج من كثرة الفول و العدس ؟
وسوف يقوم المدرب الوطنى فائز ود القاضى خبير الرجيم والخصخصة
بجولة انسانية لفقراء المغرب ؟
انتهى
مكتب شيل الحال لبورداب جدة
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: Asim Fageary)
|
حبيبنا ود فقيري
Quote: ياوليد
إنت بقيت ما تشوف ولا شنو من البطن إتحولت للعيون
ما تشوف المداخلة القبل مداخلتك الأخيرة على قمر الأنبياء بتلقى مداخلتي
ربنا يفتح البصيرة
|
ههههههههههههههههه على قولك ربنا يفتح البصيرة عاد لكن ياود امي نقعد نشرح لغتنا العربية كمان ياخي ماتخليك مفتح ومنقطة زي صاحبك معاوية الصايم طيب اشرح ليك : انا اقصد روحتكم من الفندق وليس البوست لان حبيبنا معاوية من امنياته كم واحد كدا يروح يوم الافطار وشغال في الكلام دا يومين .. اصحي بابريش اصحى .
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: Asim Fageary)
|
Quote: المفروض تعرف البنك السعودي الأمريكي
وتعرف الكافيه بتاع تيتانيوم
وتعرف حاجات كتيرة في شارع التحلية عشان الواحد لو دخل من أي شارع فرعي إلى التحلية يعرف هو وين
مش بس الإشارات تحسبها أصلو نحنا حأنجي راكبين مترو ؟
وصفك سيئ جداً |
حبيبي وصفي خلو انا جبتك تنقش تنقش تنقش الفندق برضو تروح انت كنت سارح وين انت اصلا البوديك شارع التحلية شنو بنك شنو وتاتنيوم شنو انا ختيتك خت في الفندق تقول لي الديش الامريكي عشان تاني ماتروح لما تصل اشارة البنك الامريكي يمينك حجز مرور ويسارك البنك الامريكي ( سامبا ) اكتل ملف يسار مع الاشارة واحسب يمينك الدخلة الاولى والثانية ادخل بيها وامشي سيدا تلاقي الفندق امامك (الرمال ) بس ماتفوت ملعب بن محفوظ بتلاقي واحد منتظرك جنب الباب لابس قميص احمر اسالوا قول ليهو بورداب جدة فاطرين هنا اليوم بقول ليك لا فطروا امس ...
----------------------------------- سلامة ولدك ان شاء الله يكون بلغ الصحة
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: خالد حامد الجزولي)
|
الاخ خالد الجزولي
رمضان كريم
الكابتن سبت علم وقامة ونسال الله ان يمد في ايامه وتكريمه واجب على الوطن من كبيره الى صغيره . ولكن انا ارى ان الوقت والزمان والمكان غير ملائم وغير كافي لتكريم هذا العملاق ، وحضوره يزيد المكان القاً0
ما شايف انت الحلل بتتخابت ، يعني الجو ما جو تكريم 0
يمكن تكوين لجنة للاعداد لتكريمه ونحن حاضرين 0
بالمناسبة الكابتن سبت صديق وزميل للوالد من ايام سلاح المهندسين وكنا جيران في مدائن الفهد.
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: معاوية عبيد الصائم)
|
يا اخي انا من ما دخلت البوست حقكم دا شغالين شيشة وع .ق ودخاخين، تصدق حاجة انا فندق الرمال دا وين ما عارفه وان كان اسمه بيدل على حاجة من اتنين اما انه جنب البحر او في الصحراء البعد المطار وانت ماشي على المدينة. بعدين يا فردة انا واقف مع ود جبريل من مسالة مبدأ وليس لدنيا قد عملنا. فهمت؟!!!
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: معاوية عبيد الصائم)
|
اتصل الاخ السيد / مصعب نائب القنصل بقنصلية جدة يعتذر عن دعوة الافطار التي قُدمت لهم وهذا لارتباطهم في نفس اليوم بوداع وزير الاوقاف وكنا نتمنى حضورهم المشرف للحدث الاجتماعي الذي يجمع بمن يتفق معهم ومن يختلف معهم سياسيا وفكريا في مائدة واحدة شكرا اخي مصعب اتصالك الجميل الراقي كما نشكر الاخ تاج السر ولكم منا الاف التحايا ..
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: معاوية عبيد الصائم)
|
الاخوان وليد ومعاوية وباقى البورداب نهاركم سعيد
تأكيد حضور كسلاوى مميز انشاء اللة بقيادة شيخ العرب ادم شحوتاى صديق رحمة النور فايز ود القاضى نورالدين حسن الفحل وضيفنا الصحفى الكسلاوى المتميز عبد الجليل محمد عبد الجليل المعلوم عند الدخول وقبل العضة والاذان
مسئولين من الخير يااخوانا فنانين البورداب وين محمود مصطفى محمود وحسن خليفة لا اسكت اللة لهم حسا.
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: ادم شحوتاي)
|
وضيفنا الصحفى الكسلاوى المتميز عبد الجليل محمد عبد الجليل
الاستاذ عبدالجليل محمد عبدالجليل القادم يوم امس من ارض الوطن هو من اعلام كسلا ورموزها الخيرين وماذكر جبل التاكا والقاش والسواقي الا وذكر الاخ عبدالجليل ...واحد من رجالات كسلا الذين اسهموا في تطور الاعلام الرياضي والرياضة وهو المشرف على صفحة كسلا الوريفة في جريدة الخرطوم ومن مراسليها الرياضيين بكسلا وكذلك مراسل الاذاعة في برنامجها الرياضي ..
التحية لكل الضيوف ...
مساهمتي ستصلكم يوم الجمعة بعد التأكد من خلو الجسد من اى سموم ..
تجيبوا شيشة نجيب سفروك ...
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: فايزودالقاضي)
|
Quote: فايز ود القاضي... تدفع لي الشيرنق ولله اجيب ( ع.ق) معاي!! عموما قال حينتظرني تحت الفندق لانو ما صايم وممكن باشارة يطلع فوق (لزوم الهرشة) كاااااااااااااااااك
والله لقيت فيك فرصة ماتتعوض فاما الشيرنق واما (ع.ق)
-------------------------------- معليش ياشباب الكلام مشفر لزوم ضمان الدفع وكده |
ياخي مامعقولة ياكمال ...اخيراً عشة قزازة* بت كيلو 8 في جدة ..ياخي دي مفاجأة ولا في الاحلام .. عليك الله تجيبها معاك وانا بدفع حقها ..وانت ادفع حقي ...
ــــــــــــــــــــ قزازة فاضية ياعاصم ..
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: فايزودالقاضي)
|
Quote: تصل الاخ السيد / مصعب نائب القنصل بقنصلية جدة يعتذر عن دعوة الافطار التي قُدمت لهم وهذا لارتباطهم في نفس اليوم بوداع وزير الاوقاف وكنا نتمنى حضورهم المشرف للحدث الاجتماعي الذي يجمع بمن يتفق معهم ومن يختلف معهم سياسيا وفكريا في مائدة واحدة شكرا اخي مصعب اتصالك الجميل الراقي .. |
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد على حسن)
|
قلت لي تشريف البورداب في حضور كيزان القنصلية صحيح مرسى الزينات مات يا رجالة
فائز امانة عليك تحية خاصة للاستاذ عبد الجليل محمد عبد الجليل ذلك الرجل الذي يعود بنا الى الزمن الجميل تعرف يا فائز عبد الجليل ده بيرجع بي لايام الثانوية العامة و readers و الله يعز و يكرم البورداب و ايام الحمير اي و الله الحمير و الحمير لمن لا يعرف علوم الحمير اصناف و انواع اقول و على ذمة المراجع البيطرية في بيطرة جامعة الخرطوم افضل الحمير " الحمار الدنقلاوي" و اسوء الحمير الدارواي نعود للحمير و الثانوية العامة و الاستاذ عبد الجليل لاحقا
قلت لي تشريف البورداب في حضور كيزان القنصلية صحيح مرسى الزينات مات يا رجالة
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد على حسن)
|
Quote: الاستاذ حضوري مع ضيوف الشرف الكيزان!!!!!!!!!!!!!!! اعتقد ان اللمة شرفها و تشريفها في البورداب !!!!!!!!!!! |
سلام يا / محم علي و رمضان كريم .ز
كدة يا دوب يا محمد علي حسن حثبت لي إنك شبح ..
وأنا صراحة كنت منتظر إنك تبدي حسن نية و تحضر هذا اللقاء الإجتماعي البحت .
ما تعمل لي سبب عدم حضورك كيزان تأمين و نضال و كلام فارغ ..
لو إنت صحي محمد علي حسن تعال و أظهر و أعتبر نفسك ضيف شرف ..
و إن لم تحضر فتأكد أن سيرة الشبح هذه المرة سوف تلاحقك حنى تستغيث و تقول الروووووووووب .
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: عصام دهب)
|
الاستاذ عصام رمضان كريم واله العظيم ما مناضل و لا تامين و لا اي كلام من القلتو انا راجل غلبان و في حالي لك كامل تقديري و احترامي
استاذ عصام ليه تطلع كلامي كلام فارغ و في رمضان و في رمضان في الساعة الاخيرة في صيام يوم حار با اخ انت راجل محترم و محامي و سياسي كبير على العموم رايك و احترم رايك
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: عصام دهب)
|
Quote: يا محمد علي حسن ..
انا لا أقصد أن كلامك فارغ في حد ذاته ..
أنا أقصد أن توهماتك هي الـ كلام الفارغ ..
ياخي أنت من زمن الناس ما بقعدوا مع الكيزان ؟؟ لا حولاااا
و عموماً لك العتبى ..
و نحنا عايزين الناس تجتمع بس و تتعارف ..
و كلو زول في خياراتو وقناعاتو ..
و الدنيا دي ما فيها التكتح .. و آخرها كوم تراب ..
ياخي حتى لو بتعتبر الكيزان أعداء برضو تعال .
إن شاء الله من باب ( أعرف عدوك ) ياخي ..
|
الاستاذ عصام دهب في تقديري في حديثك الاخير اصبت في الكثير و قد اعود بالتفصيل عدت ام لم اعود لك تقديري و احترامي يا استاذ
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد على حسن)
|
Quote: .ولو بتاع شيشة نعمل ليك ثنائي شيشي مع دهب ... |
بتاع شيشة و بتاع فنجان جبنة بشمالوا تعرف يا استاذ فائز معرفة الاستاذ عصام معرفة بوردابية فقط لكن بالرغم من هذا لدي القناعة ان الراجل صادق في توجهه و امين مع نفسه و اعتقد مع الاخرين اعتقد دي لان المعرفة بوردابية و الصفات دي جزء من حاجات كتيرة جايبها من حلفا دغيم و لا باريس حيث ارض النوبة اوع ما نكون خشينا في الجهوية و القبيلية المنتنة !!!!!!!!!!! التحية لك و للاستاذ عصام دهب
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد على حسن)
|
المدعو / محمد علي حسن
Quote: معرفة الاستاذ عصام معرفة بوردابية فقط لكن بالرغم من هذا لدي القناعة ان الراجل صادق في توجهه و امين مع نفسه و اعتقد مع الاخرين |
شوف البوست دا فيهو جميع الالوان مؤتمرجي شويعي جنوبي حزب امه يعني اي شيء بتلقاهو معانا يوم الخميس وكلهم يشرفونا واسي ماعايزين كلام فارغ سبق وانت قليت ادبك معاي وحذرتك وما تعمل فيها بتاع قناعات وكلام فاضي معاك لو عايز تجي تجي بأدبك وتمشي بأدبك واقولها ليك بالواضح الصريح بكرة بتلاقيني قبل الضيوف موجود لو عندك فهم تاني اتفضل بلاش كلام فارغ معاك .. وما تقول لينا كيزان وفيران .. واقولها ليك تاني بالواضح بجي اول واحد وبمشي اخر واحد ولو راجل تعال وقابلني ولو انو عارف انك مافيك صفة من صفات الرجال ..
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: وليد عبد اللطيف)
|
الاستاذ وليد لا حظ انت قلت لي" المدعو " فارجو انتقاء كلامتك و انت الذي نصبت ب روحدك متحدث رسمي باسم بورداب جدة و مشخصاتي البورد اسمع انا اقد منك في البورد و اكبر منك سنا اتمنى صادقا ان تتفرغ لانجاح يوم بورداب جدة
بعدين جدا انا لدي القناعة ان الاستاذ مصعب بتاع قنصلية المؤتمر الوطني هو الذي يتشرف بالافطار مع بورداب و ليس العكس كيف لا و هو الذي كان سيكون مع القامة الديب القاص د بشرى و الدكتور العلم العلامة عارف عارف و غيرهم من الذين يسدون قرص الشمس و في النهاية ده راي و انت عندك رايك انا احترمت رايك و ان اختلفت فهنالك الاختلاف الذي لا يفسد قضية و رمضان كريم
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد على حسن)
|
Quote: واسي ماعايزين كلام فارغ سبق وانت قليت ادبك معاي وحذرتك وما تعمل فيها بتاع قناعات وكلام فاضي معاك لو عايز تجي تجي بأدبك وتمشي بأدبك واقولها ليك بالواضح الصريح بكرة بتلاقيني قبل الضيوف موجود لو عندك فهم تاني اتفضل بلاش كلام فارغ معاك .. وما تقول لينا كيزان وفيران .. واقولها ليك تاني بالواضح بجي اول واحد وبمشي اخر واحد ولو راجل تعال وقابلني ولو انو عارف انك مافيك صفة من صفات الرجال .. |
من المؤسف و المحزن حقا ان تخرج مثل هذه العبارات من الاستاذ وليد الذي قدمه بورداب جدة . و المدهش حقا ان كل هذه العبارات خرجت من الاستاذ وليد ردا على راي كتباته هنا و حتى في تلك المداخلة لم اعرض للاستاذ وليد لا من قريب و لا بعيد احترم راي وليد لكن لدي قناعتي و الراي الخاص بي و التي ليست الضروة متطابقة مع راي الاستاذ وليد وليد سامحك الله في هذا الشهر الفضيل و دعواتي الصادقة بنجاح يوم بورداب جدة
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد على حسن)
|
الحلوين ولى و محمد على الكورة واطة يا شباب واضح انو فى سوء فهم بسيط كده وخلاص رمضان كريم ومن هسى يشهد الله تربيذتكم وووووووووواحدة باكر ؟ وانا التالت وعشان ما يسحرونا نخط ود القاضى من العين ؟ واحات الخوة تانى و لامداخلة بخصوص ما حدث ؟ مودتى للكل ؟ باستثناء المدعو ود القاضى تحديدا ؟؟
وليد و محمد حسن اتفقنااااااااا ؟
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: معاوية عبيد الصائم)
|
Quote: شوف البوست دا فيهو جميع الالوان مؤتمرجي شويعي جنوبي حزب امه يعني اي شيء بتلقاهو معانا يوم الخميس وكلهم يشرفونا |
و لهذا يا استاذ وليد كان اعتراضي على دعوة مصعب بصفته الاعتبارية اي كقنصل في قناعتي الشخصية مصعب بقي قنصل لانو كوز مش لانو مؤهل لكن حضوره بصفته الشخصية على راس الجميع من فوق ارجع لتاريخ نشاط البورداب ما في رسمي بصفته الرسمية كان ليهو وجود وسط البورداب و بعدين يا استا ذ وليد انا بحق الاقدمية و السن سهمي اكبر من سهمك في جسم بورداب جدة
معليش يا استاذ انا في راي الشخصي القناصل دول بقو قناصل لانهم كيزان و بالتالي في علامة استفهام كبيرة في حتة التشريف والشرف و بعد ده كلو انت حر في الرأي الخاص بك و غيرك حر و انا احترم جميع الاراء و راي الاغلبية هي الغالبة تصوم و تفطر على خير دعواتي بنجاح اليوم و في انتظار الصور خاصة من الاعلامي القدير عصام و عمالقة البورداب
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد على حسن)
|
Quote: الحلوين ولى و محمد على الكورة واطة يا شباب واضح انو فى سوء فهم بسيط كده وخلاص رمضان كريم ومن هسى يشهد الله تربيذتكم وووووووووواحدة باكر ؟ وانا التالت وعشان ما يسحرونا نخط ود القاضى من العين ؟ واحات الخوة تانى و لامداخلة بخصوص ما حدث ؟ مودتى للكل ؟ باستثناء المدعو ود القاضى تحديدا ؟؟
وليد و محمد حسن اتفقنااااااااا ؟ |
الجميل معاوية رجاءك امر الكورة في الواطة و راجع للحمار الدنقلاوي و الاستاذ عبد الجليل محمد عبد الجليل و readers و الزمن الجميل و الحمار الدنقلاوي ذكرني بالفلتة ابراهيم زريبة و ابراهيم زريبة ده قصة حاحكي ليكم لو في البوست باقي باقي الجميع من اجل نجاح اليوم فوق
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد على حسن)
|
الاخ محمد علي حسن ( ومن غير استاذ والمدعو)
Quote: اسمع انا اقدم منك في البورد و اكبر منك سنا اتمنى صادقا ان تتفرغ لانجاح يوم بورداب جدة |
ياخي والله البوست دا ما حل هتافات انت مشكلت ناس الموتمر يعني مابشرفوك صحيح ودا رايك خلاص ياخي على الاقل عشان خاطر عين اكرم الف عين وانت قلت مقتنع بعصام دهب او على الاقل عشان خاطر الناس الموجوده واللمه الجميلة المتعدده الاشكال التي تتجمع يوم الخميس . وفي اليوم ده بالزات مافي حاجة اسمها مؤتمر وللا مناضل يامحمد على حسن الله يهديك ياخي عشان اليوم ينجح تعال واتفضل واترك البندقة والحجارة بتاعتك واترفق مع اخوانك والله اخرتها كوم تراب ودع كل الكلام والوسواس الذي يعشعش في راسك مؤتمرجية ويشرفوك وما يشرفوك . ياخي انا لا متفق معاك ولا مختلف معاك ولكن اتمنى ان تجتمع مع اخوانك وتعرف ناس جداد وعن نفسي اتشرف بمعرفتك ومقابلتك ياخي انت بتعرفني . في يوم جاي شايتني في بوست رفاعي حجر من غير سبب وتاني جاي داخل البوست وتقول في كلام عجيب وانا قصتك شنو ماعرفها للان .. ياخي دا شهر كريم ويفترض الناس تصفي القلوب به ودا المهم
--------------- اشكرك على لفت انتباهي لانجاح الافطار بالله يدك معانا واكيد مابتقصر
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد على حسن)
|
Quote: سوف نقوم بعرض شريط مصور يؤكد ما ذهبنا اليه ؟؟ ولا نامت اعين الخونة و المندسين ؟ |
الشرائط انواع كدي اختار لك واحد فيهم شريط افتتاح شريط دينا وحسام ابو الفتوح شريط حسن نصر الله ولا شريط صوتي للرجل الثاني في تنظيم القاعدة؟
غايتو فطوركم البدا من هسي بتجهيز ال ع.ق والشيشة دا الله يعديهو على خير ساهي. اهم حاجة يا معاوية ما تنسوا الترابيز، عشان يمكن تحتاجوا لكتابة اسكور او شئ من هذا القبيل. هي هي هي
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد عمر الفكي)
|
الاخ محمد علي
Quote: الاستاذ وليد لكم اعتذاري ان كان هنالك من يستوجب الاعتذار في كل مداخلاتي لكم كامل احترامي و تقديري و دعواتي الصادقة بان تكلل جهودكم المقدرة (خاصة جهدك المقدر جدا ) بالنجاح مجدددا لكم الاعتذار و دعنا نتجازو هذا المنعطف الى طريق النجاح شكرا |
ياخي كل مداخلاتك السابقة يادوب قريتها ولنا لقاء يوم غدا وسوف تجدنا نكن لك كل الاحترام والتقدير
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: وليد عبد اللطيف)
|
Quote: بس في حاجة الفندق عباره عن مبنيين أول مكتوب اسم الفندق باللون الأخضر ومدخل جواره مكتوب اسم الفندق باللون الأحمر و.. عاوزين وليد يفتينا نخش بي ياتوووو؟؟؟؟؟
|
الأخ خالد الجزولي كل عام وأنتم بخير ورمضان كريم الأول على يمينك دة مطعم تابع للفندق (دة معاوية عبيد عاملو مقلب لثلاثة أشخاص مُعينين لم يُفصِح عنهم.. إبتعِدوا عنه قدر المُستطاع).. المدخل التاني هو مدخل الفُندق الرئيسي وصالة الإفطار بتجي على اليمين وإنتا خاشي.. تحيّاتي
وليد لِقيت أخوك كيف في الوصف؟
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: محمد عمر الفكي)
|
الأخ/ محمد عمر الفكي
Quote: الاستاذ / خالد الجزولي رمضان كريم
Quote: إذا أنت جايي من البلد وماخذ طريق المدينة الطالع من تحت كبري البيبسي تأخذ يمين على شارع التحلية في اتجاه الكورنيش ... جميل
غايتو انا الساكن مكة دا وحسب اعتقادي انه شمال ما يمين ولا ما كدة؟ |
مظبوط تاخذ يسار تم التعديل
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: جعفر محي الدين)
|
Quote: : الإخوة القائمين على هذا الأمر: وليد، عاصم، معاوية
نأمل التكرم بتزويدنا بأسماء ضيوف شرف هذا الإفطار
مع فائق مودتي وتقديري
نأمل الإجابة على التساؤل أعلاه .. هل هناك دعوات تم تقديمها؟ وإذا كانت الأجابة بنعم .. فمن هم الذين تمت دعوتهم؟ |
آمل الإجابة على التساؤل .. إلا إذا لم يكن هناك ثمة مشروعية لطرحه!؟
| |
|
|
|
|
|
|
|