|
Re: إفطار بورداب جدة الخميس 16 رمضان - فندق الرمال (Re: عصام دهب)
|
Quote: لكن بالغت يا البشير ..
والله لو ربنا مد في العمر ما بخليك تركب ليموزين حتى لو اشيلك في عنقرتي ..
أفو.. |
سلمت وغنمت سعادة المستشار
لي عظيم الشرف والله
بينا التلفون باذن الله
------------------------------
الحضور كان لازم عشان الواحد يقابلك ويقابل امثالك
في مناسبة لا تتأتى الا كل عام , لذا نويت الحضور رغم ظروفي الصحية .
احترامي وتقديري
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: البشير دفع الله)
|
Quote: الأخ فقيري وكل الأخوة المتداخلين رمضان كريم
اتفقنا على الموقع والمبلغ لكن الأهم هو إثبات الحضور للإتفاق مع الفندق يعني أي زول يؤكد حضوره ويلتزم بالمبلغ حتى لو غاب لأي ظرف ..
ان شاء الله حاضرين وهاتفي 0501945990
يا فقيري ويا اساسي ويامعاويه أكرر تأكيد الحضور مهم جدا حتى نستفيد من تجاربناالسابقة |
..
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: وليد عبد اللطيف)
|
المؤكدون للحضور حسب البوست ...
1- بشرى الفاضل 2- آدم شحوتاى 3- وليد عبداللطيف 4- علاء الدين صالح 5- عاصم فقيري 6- صلاح غريبه 7- خالد العطا 8- جمال الباقر 9- معاوية عبيد الصائم 10- جعفر محي الدين 11- ايوب خليل 12- نورالدين الفحل 13- فايزودالقاضي 14- عبدالدائم سيد احمد 15- نصرالدين عثمان 16- اساسي 17- قمر الانبياء عبدالحي 18- عصام دهب 19- جمال السنوسي 20- احمد التجاني احمد 21- السماني عمارة 22- محمدعلي ياسين 23- الرفاعي حجر 24- صلاح عثمان 25- ادريس البدري 26- عارف عفان 27- كمال ادريس 28- مجدي عبدالرحيم فضل 29- خالد حامد الجزولي 30- مجدي شبندر 31- البشير دفع الله 32- سيف النصر محي الدين 33- الفنان الطيب عبدالله 34- الكابتن سبت دودو
نرجو من الاخوان اضافة الذين وافقوا تلفويناً .
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: إدريس البدري)
|
إدريس البدري
Quote: شباب ســـلام
تأكيد الحضــور وكدة
بس بالله الكروكي لانو الوضع ما بتحمل اي توهان |
سلام
تأكيد الحضور فيه تكتب رقم جوالك وتتصل على أرقام معاوية عبيد المنشورة في هذا البوست
زي ما شفت شعار معاوية عبيد (إتصل نصل)
كيفك إنت يا راجل من زمان وما لاقيناك تاني
مع تحياتي
عاصم فقيري
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: Sidig Rahama Elnour)
|
ضيف شرف الإفطار صقر السودان كابتن / سبت دودو دمور ..
Quote: المعجزة التي لن تتكرر الصقر الأسود سبت دودو
(14) عاماً عطاء بلا حدود.. والذود عن عرين الهلال والفريق الأهلي السوداني 1953م - 1967م صقر قريش ... الصقر الأسود ... العملاق الأسود المارد الأسود ... واسبوع بحاله .... مجموعة ألقاب حاز عليها خلال مسيرته الرياضية أو حارس مرمى لأول فريق أهلي سوداني 1956م شارك في الدورة الإفريقية للأمم 1959م بالقاهرة 1963م بغانا وفي التصفيات المؤهلة لكأس العالم بالسويد 1958م وتم اختياره لمنتخب النجوم العرب 1965م
صقر قريش، الصقر الأسود، المارد الأسود، ياشين إفريقيا، بعبع المهاجمين، ملك الخشبتين، العملاق الأسود، الجنرال ... كلها ألقاب أطلقت على (سبت دودو) معجزة حراسة المرمى التي قد لا تتكرر ثانية ... إنه إعجاز وساحر كروي واخطبوط قل أن يجود بمثله الزمان ليس في سوداننا فحسب بل على مستوى إفريقيا بأسرها. لعب للهلال وللفريق الأهلي السوداني (14) عاماً خلال الفترة من عام 1953م - موسم 66/ 1967م حيث أبعدته الإصابة عن الملاعب فاتجه إلى مجال التدريب ولا يزال مغترباً بالخليج يقدم عصارة خبراته وتجاربه الرائدة للنشء متعه الله بالصحة والعافية.
بطاقته الشخصية: الاسم: عيد دودو دمور لأنه ولد في يوم عيد صادف يوم سبت فأطلق عليه والده اسم عيد دودو دمور وهو اسمه الرسمي في شهادة الميلاد ولكن طغى اسم (سبت) عليه منذ صغره. الميلاد: الخرطوم 1930م اسم الشهرة: الصقر الأسود، صقر قريش، العملاق الأسود، الجنرال.
المراحل الدراسية: الأولية مدرسة الخرطوم الغربية والوسطى الصناعية بأمدرمان ثم الثانوي العالي بالمدارس الليلية (مدرسة إبراهيم سوميت)،وكان للأستاذ أحمد المبارك الفضل في مستوى سبت التعليمي.
الوطن: الدلنج نادي المقرن الرياضي بالخرطوم 1952م. نادي الهلال 1953م. لعب نحو (155) مباراة رسمية. لعب نحو (105) مباراة دولية وضد فرق أجنبيه مع الهلال والفريق الأهلي السوداني خلال الفترة من عام 1953م - 1967م. كابتن الهلال 1963م كابتن الفريق الأهلي السوداني 1964م.
الحالة الاجتماعية: متزوج. المهنة: موظف بشركة شل ثم التحق بالقوات المسلحة. مثله الأعلى في الكرة: عبد الخير صالح لاعب الهلال الفذ وأسطورة الميادين السودانية.
مسيرته الرياضية: سبت دودو دمور أو عيد دودو دمور نشأ منذ صغره محباً لكرة القدم وبدأ في ممارسة هوايته منذ المرحلة الأولية وكان يدرس في مدرسة الخرطوم الغربية وفي ساحتها بدأ يداعب كرة القدم ثم تفتحت موهبته وهو في المرحلة الثانوية بالمدارس الليلية، مدرسة إبراهيم سوميت وكان نشاطه مقتصراً على الكرة وحدها ويكرس باقي وقته للدراسة وكان للأستاذ أحمد المبارك الفضل في مستوى سبت التعليمي ثم بدأ سبت دودو يلعب بفريق المقرن بالخرطوم منذ مطلع الخمسينات ولم يبدأ حياته الرياضية كحارس مرمى بل كان مهاجماً ثم جناحاً أيسر بالتحديد وكان شقيقه محمد دودو لاعباً ممتازاً بفريق الجيش بحلفا ثم لاعباً بسلاح الإشارة ببحري لكنه اعتزل في أوائل الستينات ثم بدأ (سبت دودو) يلعب مع فريق وزارة الدفاع بعد التحاقه بالقوات المسلحة وكانت أول مباراة يلعبها كحارس مرمى هي مباراة وزارة الدفاع أمام النقل الميكانيكي عام 1952م وبرع فيها كحارس مرمى مما لفت أنظار إدارة الهلال إليه فسعوا لكسب توقيعه ووافقت إدارة نادي المقرن ووقع سبت دودو في كشوفات نادي الهلال عام 1953م ومنذ توقيعه لنادي الهلال ظل مستواه في تصاعد مستمر حتى نال من الشهرة والمجد مالم ينله سوى عدد محدود من أفذاذ الكرة السودانية وتم اختياره لأول فريق أهلي سوداني يتم تكوينه عام 1956م وواصل مسيرته بمستوى رائع على مدى (14) عاماً .... ت قلد خلالها كابتنية نادي الهلال 1963م - 1967م وكابتنية الفريق الأهلي السوداني 1964م - 1967م اعتزل الكرة عام 1967م بعامل الإصابة وكان عمره نحو (37) عاماً فاتجه إلى التدريب ثم هاجر إلى الخليج حيث استقر بالمملكة العربية السعودية.
ألقاب سبت دودو: خلال سنوات لعبه أطلقت ألقاب عديدة على الحارس الفذ سبت دودو. - صقر قريش: أطلقت عليه الصحافة والجماهير (السورية) لقب صقر قريش عام 1957م حيث تألق في لقاء الإياب للفريق الأهلي السوداني أمام الفريق السوري يوم الجمعة 24 مايو 1957م في تصفيات كأس العام في اللقاء الذي انتهى تعادلياً 1/1 أحرز هدف السودان (السد العالي سليمان فارس) وكان السودان قد فاز في لقاء الإياب بهدف دون مقابل عصر الجمعة 8/ 3/ 1957م أحرزه الأمير صديق منزول.
الصقر الأسود: أطلقت عليه الصحافة الكينية لقب الصقر الأسود لتألقه في لقاء الذهاب بين السودان وكينيا في تصفيات إفريقيا للأمم عصر السبت 1 يونيو 1963م ويومها فاز السودان بهدف أحرزه (وزة).
اسبوع بحاله: أطلق عليه هذا اللقب المذيع الرياضي المرحوم/ طه حمدتو في لقاء السودان وكينيا عام 1963م حيث وقف سبت دودو بالمرصاد لكل القذائف الكينية فقال طه حمدتو: ( إنت مش سبت إنت اسبوع بحاله).
العملاق الأسود: أطلق عليه هذا اللقب الصحفي الرياضي المرحوم كوركين أسكندريان - صحيفة الرأي العام.
الجنرال: أطلقت عليه الصحافة الصينية لقب (الجنرال) لأن (دودو) باللغة الصينية تعني (الجنرال) وكان ذلك خلال رحلة الفريق الأهلي السوداني إلى قارتيِّ آسيا وأوربا في عام 1957م.
أشهر حراس المرمى الذين زاملوه: انتقل كما ذكرنا إلى نادي الهلال عام 1953م وكان حراس المرمى في ذلك الوقت فيصل السيد (النيل) مصطفى حمد (المريخ) فضل بريمة (الموردة) نصر الدين (الهلال) يوسف ود المفتش (عطبرة) عبيد يس (الكواكب) عثمان حاكم (أبوعنجة) محمد محمود (الأهلي) وكانوا جميعهم أشهر حراس المرمى في السودان.
سبت دودو وحراسة المرمي: كان (سبت دودو) يمتاز بالطول الفارع والقوام المتناسق والبنية القوية ولعل طبيعة عمله بالقوات المسلحة أكسبته تلك الصفات بجانب المرونة والشجاعة والسرعة واللياقة البدنية العالية وكان سبت دودو يمارس بجانب كرة القدم ألعاب القوة، السلة، السباحة، الجمباز.
أول مباراة لسبت دودو ضد المريخ: بعد توقيعه للهلال عام 1953م خاض سبت دودو المباراة التي أقيمت عصر الأحد الأول من نوفمبر 1953م بين الهلال والمريخ علي كأس همفري وفاز الهلال يومها 3/ 1 (أحرزها عكاشة، القطر، برعي) وأحرز قرعم هدف المريخ وكان (سبت دودو) نجم المباراة ومنها أنطلق نحو النجومية المطلقة.
وشارك سبت دودو في أكثر من (50) لقاء للهلال أمام المريخ وتعتبر أسوأ مباراة لعبها سبت دودو أمام المريخ هي التي خسرها الهلال 6/ 3 وكان سبت من أسباب الخسارة عصر الجمعة 30 مارس 1956م ولكنه عاد سريعاً وقاد الهلال للفوز بكأس الدوق هرر بعد انتصار الهلال على المريخ 1/ صفر (أحرزه علي محجوب) يوم الثلاثاء 10/ إبريل 1956م.
أروع مباريات سبت دودو أمام المريخ : تعتبر مباراة الهلال والمريخ التي جرت يوم الجمعة 17 أغسطس 1956م وفاز بها الهلال 6/ 2 من أعظم وأروع مباريات (سبت دودو) والتي يعتز بها دائماً.
سبت دودو والفريق الأهلي السوداني: تم تكوين أول فريق أهلي سوداني عام 1956م وكان يتكون من سبت دودو، فيصل السيد، عبد الحميد (الأبيض)، القرود، عثمان الديم، سليمان فارس، الهادي صيام، حامد الشيخ (الأبيض)، علي أحمد طه، كننه (عطبرة)، الإسيد، الجاك عجب، يوسف محمد أحمد (عطبرة)، سيد مصطفى (مدني)، عبد الله عبيد (عطبرة)، معني، منزول وكانت أول مباراة لفريقنا الأهلي السوداني عصر الأحد 13 مايو 1956م أمام إثيوبيا ويومها فاز السودان 5/ 1 أحرز الأهداف على التوالي علي أحمد طه، برعي (2)، عبد الله عبيد، كننه.
وسافر سبت دودو مع الفريق الأهلي السوداني عام 1957م إلى قارتيِّ آسيا وأوربا ولعب السودان (8) مباريات فاز في أربعة وخسر مثلها ودياً خلال الفترة من 1/ يوليو - 15 أغسطس 1957م وتألق سبت دودو في تلك الرحلة في حراسة المرمى بجانب العملاق فيصل السيد، كما شارك في تصفيات كأس العالم ضد سوريا عام 1957م استعداداً لكأس العالم بالسويد 1958م وشارك في الدورة الإفريقية الثانية عام 1959م بالقاهرة والرابعة عام 1963م بغانا وسافر مع الفريق الأهلي السوداني إلى تشيكوسلوفاكيا والاتحاد السوفيتي عام 1961م كما سافر معه أيضاً إلى رومانيا وبلغاريا عام 1963م وتقلد كابتنية الفريق الأهلي السوداني عام 1964م حتى عام 1966م.
مسيرته مع الهلال: منذ توقيعه للهلال عام 1953م ظل الصقر الأسود سبت دودو يشارك بانتظام في جميع مباريات الهلال خلال الفترة من 1953م - 1966م / 1967م هو والحارس العملاق فيصل السيد الذي انتقل من المريخ إلى الهلال عام 1957م.
وبجانب المباريات المحلية خاض (سبت دودو) مع الهلال مباريات خالدة مع الفرق الأجنبية التي زارت السودان والتقت مع الهلال وهي: بانا ثيكوس اليوناني 1954م، أدمير النمساوي 1954م. الترسانة المصري 1954م، الأهلي المصري 1955م، وينر النمساوي 1955م، الهونفيد المجري 1956م، الأشغال المصري 1956م، أودا التشيكي 1957م، جفارديا البولندي 1958م، تنتيستين الصيني 1958م، أوكرانيا الروسي 1958م، الردستار التشيكي 1959م، آيك السويدي 1960م، بيوغراد اليوغسلافي 1960م، فاسكوداجاما 1963م، إسبارتاك التشيكي 1965م تاتران التشيكي 1965م.
الهلال وفاسكوداجاما 1963م: تعتبر مباراة الهلال وفاسكوداجاما والتي فاز بها الهلال 2/ 1 أحرزها الأسطورة (جكسا) مساء الجمعة 7 يونيو 1963م من أعظم المباريات التي تألق فيها (سبت دودو) وأفسد كل قذائف نجم فاسكوداجاما الخطير (أسبيرا).
بطولة الأندية الإفريقية الأبطال 1966م: شارك مع فريق الهلال في أول مشوار للأندية السودانية في بطولة الأندية الإفريقية الأبطال عام 1966م وأقعدته الإصابة عن تكملة المشوار وعجلت باعتزاله.
سبت دودو ومنتخبات العرب: تم اختياره لمنتخب العرب مع نجم النجوم أمين زكي والجناح النفاثة جقدول وتألق في لقاء منتخب العرب ضد الإسماعيلي المصري وقاد منتخب العرب للفوز على الإسماعيلي 5/ 1. يوم الثلاثاء 20 يوليو 1965م ونال نجومية المباراة بجانب نجم النجوم أمين زكي. اعتزاله: أعلن الصقر الأسود اعتزاله اللعب بنهاية موسم 66/ 1967م واتجه إلى مجال التدريب وخلفه في حراسة مرمى الهلال العملاق (زغبير) والذي كان خير خلف لخير سلف |
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: Sidig Rahama Elnour)
|
الاسماء الاتية تم الاستلام منهم (للتوضيح ) وسوف نعمل تحليل كامل شامل واعلان كل الاسماء التي شاركة وتحديد الناس الذين تم السداد من قبلهم حتى الناس تكون على علم بكل شيء تم بخصوص هذه المناسبة وفقنا الله واياكم ... وتصوموا وتفطروا على خير
1- صلاح عثمان 2- علاء الدين صالح 3- عصام فقيري 4- السماني عمارة 5- جعفر محي الدين 6- سيف النصر 7- الوليد عبد اللطيف
------------------ قسم المالية .. وليد عبد اللطيف + معاوية عبيد الصايم
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: اساسي)
|
Quote: اذكر فيما اذكر انه في اخر اجتماع لانتخاب اللجنة التنفيذية لبورداب جدة ان تم تعيني السكرتير المالي لهذا التجمع تقلعوها مني كدا يا وليد عيني عينك |
مايقلعوها منك كيف وكت الــ60 من فايز والـ10 من الشباب ..ظروفك مابتساعدلاختيارك ..
Quote: الشيرنق اربعين ريال مني وستين ريال من فايز ود القاضي وعشرة ريال تبرعات من الشباب |
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: علاء الدين صالح)
|
Quote: الأخوة الأعزاء .. والاعزاء جدا بورداب جدة تحية وأحترام وتقدير
عندما نجتمع فإننا نجمع السعادة .. فالسعادة بتلك الوجوه النيره جنة على الارض .. فكم وودت أن أكون بينكم لان لقاء الأحبه شعلة تشعل القلب توهجا وخصوصا فى هذه الايام المباركة لكن ما باليد حيله .. ففى هذا التاريخ المجيد يوجد لدى موعد مسبق .. لذلك لاأستطيع الحضور .. فأرجو قبول عذرى وأعتذارى .. لكن قلوبنا معكم ومع هذه الجمع الكريم .. وكل عام وأنتم بألف خير ورمضان كريم .
أخوكم / تاج السر |
الغالي تاج
نأمل لقاؤك يارجل اذا لم يتوفر في بنود موعدك المسبق شرط جزائي خالف وتعال هذه لمة يسيل لها اللعاب عديل كده .
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: ادم شحوتاي)
|
الاخ شحوتاي
Quote: الغالي تاج
نأمل لقاؤك يارجل اذا لم يتوفر في بنود موعدك المسبق شرط جزائي خالف وتعال هذه لمة يسيل لها اللعاب عديل كده . |
كان تقول اعتذارك مافيدك احكي ليك شوية بمناسبة الشروط الجزائية في يوم من الايام كان يدرب فريق التحرير المدرب القدير ( سليمان فارس )المشهور بالسد العالي ومن ضمن شروط عقدهم في حال فسخ اي واحد منهم لشروط العقد يتحمل مبلغ مالي واختلفوا مع بعض واي واحد خايف من شروط العقد يقوم يحضر سليمان فارس الملعب مع لعيبة نادي التحر ويدخلهم الملعب وهو لم يتفرج على الكورة اي المباراة وهو داير وجهه الى مقصورة الجمهور ومنظر مضحك جدا الى ان وصلوا في النهاية الى حل والخاسر هو نادي التحرير طبعا لكثير من المباريات بهذا السبب
------------------------ الاستاذ تاج السر نحن في انتظارك
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: جعفر محي الدين)
|
يا بورداب جدة الاوفياء اى زول عندو كورية او جك او صحن او كمشة زيادة يجيبه معاهو لجمع اكبر عدد من هكذا زوايد وارسالها لاخوانكم بورداب المغرب الفقراء . ودفع خمسة ريال صدقة عمل خير لهولاء المساكين ؟ نرجو عدم التعامل المباشر مع المدعو طارق جبريل لانو طاشى شبكة ليهو اسبوع شاكرين حسن التعاون يا بورداب البر و الاحسان ؟ بجدة ودمتم لفعل الخير
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: وليد عبد اللطيف)
|
الراقى والجميل الكابتن / وليد عبداللطيف
ياكابتن قلوبنا واحاسيسنا معاكم فى جده .. كنت اتمنى من كل قلبى الحضور .. لكن وجودى خارج المملكه .. مش حرمنى من اللمه الجميله وبس
لكن كمان خلانى أفطر بعدكم بفرق يصل تقريبا الى اربعة ساعات .. والجو البارد قرضنا بالجوع فى رمضان قرض .. يعنى احنا لما نفطر انتو
تكونوا قربتوا تخلصوا التراويح .. بعد ما ناس اساسى يكونوا نضفوا العده ؟؟؟؟؟؟؟؟؟؟؟؟
ارجوك بلغ تحياتى وسلامى لكل المجموعه ... وهناك سلام خاص امانه ياوليد .. توصلوا لكابتن السودان .. سبت دودو .. الرجل القامه الرجل
الانسان
تخريمه : ما شايف اسم الريس ضمن الحضور .. شوفوه وين الزول ده .. وكمان اخونا ..يازول يازول
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: جمال الباقر)
|
ود القاضى قاطع 4 اشارات حاليا فى الحفظ والصون ؟؟
انشاء الله رمضان الجاى ينزل الكروكى بدرى
عموما عمود مزبط بصلو فى التمنة مفروض يطلع الجمعة لو مافى سوابق ؟؟؟؟
ارتحنا منو باقى واحد بس لو ربنا سهل ليهو و قطع 5 اشارات فاليوم بكون ممتع جدا جدا
ويحيا قانون المرور العادل لامثال هولاء ؟؟؟
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: معاوية عبيد الصائم)
|
يا سلام على بورداب جدة ولمتهم الجميلة خصوصا عندما تصفو الأرواح فى شهر الخير والبركات شهر رمضان المعظم ،
أخوكم (يعنى شخصى الضعيف) على أعتاب سفر للسودان ، ولذلك لعلى لا أتمكن من حضور هذه الجلسة المباركة بجسدى ولكن لا شك قلوبنا معكم ونحن بينكم حضور ،
والله يا جماعة لحدى الآن ما عارف سفرى متين عشان جارى فى أمور ترتيبات السفر وتحنيس إدارة الشركة لزوم أخذ إجازة فى أحلك ظروف عمل الشركة
عشان كده محتاج دعواتكم
وكان سفرى تم بعد الخميس ، قطع شك بكون معاكموإلا فالعفو والعافية راجياً لكم أمسية رمضانية تحفكم فيها الملائكة ويذكركم الله فيمن عنده
وتقبلوا تحياتى لكم ولأسركم فردا فردا
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: Asim Fageary)
|
الاخ عصام فقيري
لما قلت معاي صيد ثمين ليس قصدي ضيف احضره معاي دون علم الجميع ليكون كرسي زيادة ويكلف علي الاخرين
وما تشيل هم الصيــــــــد بمعنى لي الفخر ان اصطحب معي الشيخ العوض المسلمي وهذا هو صيدي
ثانيا انا اكدت حضوري منفردا
بعـــــد هذا التعديل
Quote:
Quote: (14) خالد العطا (مكة المُكرَّمة) – 0555507740 – 3 أشخاص (ضيوف)
تم التعديل جاي براي
|
اكيييييييييييد انشاء الله الشرينق بجيبوا معاي
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: معاوية عبيد الصائم)
|
كتب عصام فقيري
Quote: أخونا خالد عطا
سلام
يا أخونا صيدك شنو نحنا ما عاوزين مفاجآت
بالمناسبة عدد الكراسي لازم اليوم يتحدد ناس الفندق ديل بيحسبوها بالكراسي |
وكتب معاوية الصائم
Quote: وتسلم يا ود العطا لهكذا صيد |
ثم كتب عصام دهب
Quote: مراحب ألوف بكم يا خالد العطا أنت و الأخ الكريم ضيف الشرف العوض المسلمي و جميع بورداب مكة و سنكون أسعد بلقائكم .. جيبوا لينا معاكم زمزم للفطور .. .. |
وللجميع انا والله العظيم قصدت رفع البوست وقصد الصيد بمعني هنالك مفاجاءة واعرف كم هي معزتك لشيخ بوردراب الخرطوم
ويا عصام دهب زمزم معاي انشاء الله ويا معاوية 111 كيف تكون العوض شفرة جديدة ويا عصام فقيري ما كنت عاوز اكشف عن الصيد انت الخليتني اكشف ووللجميع فائق الاحترام والود
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: معاوية عبيد الصائم)
|
Quote: يمكن اشتراها دايرة يرسلها الديرة بتاعتهم ...وليد ده قبل كده مرسل كبري خشب ... |
ههههههههههههههه ياخي ديل كل يوم سايقهم موقع الفندق امس كمان راحو ان شاء الله يرحوا كمان يوم الفطور بعد ما استلمنا قروشهم علاء الدين الاشاره الاولى بتبدا من تحت الكبري يعني (اولون )و ( تانيون ) و( تالتون ) شرحناها ليك بالحجلة دحين عرفت كم اشاره
معاوية
Quote: اصلا مافى داعى وليد يشيل كبرى من غير ما يشترى بحر عالم غريبة ؟ |
درقن درقن درقن
ود القاضي ياخي انتظرناك كتير على الكروكي لما ود العطا قرب يحرد الجية انا قلت ارسمها ليهم بيدي لكن فشلت مشكور ياراقي على الكروكي
------------------ معاوية اصحابك رايحين امس قربت ابلغ الانتربول
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: علاء الدين صالح)
|
لظروف خارجة عن الارادة اخوتى الكرام اعتذر عن الحضور
وذلك نسبة لوصول الاخ والبوردابى زهير الزناتى من الخرطوم
حيث كنت امنى نفسى بالحضور ومعى زهير ولكن مواعيد الطيران حرمتنا
من لمة الحبايب ، على الاقل كان بعد ما ناكل ندردق شوية فى الرمال
اتمنى لكم صوما" مقبولا" وافطارا" هنيا"
والعاقبة عندكم فى المسرات
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: معاوية عبيد الصائم)
|
معاوية :
Quote: غايتو يا وليد فى بالى سبعة لو يوم الفطور ضاعو من الفندق ده حيكون اسعد يوم رمضانى فى حياتى |
يازول خلينا نضمن قروشنا اول اذا من الدافعين خليهم يروحو
Quote: على راسهم ما يعرف بفائز القاضى ولا المحامى ما عارف المهم يروح |
ما مشكله نعمل ليهم اعلان تاني نقول ليهم الفطور في ابحر الشمالية احكي ليك : زمان لما يكون عندنا كورة في الحلة وضيوف جاين من بره في واحد في الحله اذا الكورة يوم الخميس بنقول ليهو يوم الجمعة دحين ناسك ديل قول ليهم الفطور في ابحر الشمالية
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: معاوية عبيد الصائم)
|
الارباب صلاح عثمان يشهد الله جاد الله يلحق يصل الفندق ده اى كفيل حائم يركبو عكاز ؟؟
غير كدى جاد الله رافع شعار البك الحراق حتى العودة تلاتة وجبات بيك
شاى الصباح ذاتوووو بنهكة البيك
مودتى يا ارباب
شاحد ربى فائز واساسى وحجر ومجدى يكونو راكبين مع بعض ويقطعو اشارة يمسكو السائق والباقين يمسكهم تستر ويفكهوم بعد السحور ؟؟
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: معاوية عبيد الصائم)
|
دعوات خاصة بهولاء فقط
1 فائز ود القاضى 2 حجر 3 اساسى 4 مجدى عبد الرحيم
اللهم سلط عليهم مكالمات من الميناء او المطار قبل الافطار بضيوف عمرة ؟ اللهم بنشر كفراتهم قبل الافطار بربع ساعة اللهم اجعلهم ينسوا عفاريت سيارتهم ؟ اللهم اجعلهم ينامون ويصحون بعد السحور ؟ اللهم شتت نظرهم وما يجدو فندق الرمال ؟ اللهم سهل طريقهم لشارع الاسكان وما يحصلو فول مصلح ولا موية فول ؟
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: معاوية عبيد الصائم)
|
الارباب صلاح
Quote: الارباب صلاح عثمان يشهد الله جاد الله يلحق يصل الفندق ده اى كفيل حائم يركبو عكاز ؟؟
غير كدى جاد الله رافع شعار البك الحراق حتى العودة تلاتة وجبات بيك
شاى الصباح ذاتوووو بنهكة البيك |
دير بالك ترى معاوية دا كان ممثل زمان مع صوصل وراعيهم عبد الوهاب الحاج ( الشعبية ) وفي الحلقة الاخيرة عرفنا عبد الوهاب كان بياكل عدادهم
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: يوسف محمد يوسف)
|
يا فايز رسمتك بتاعت اللكوبري دي غلط ..
الكوبري على طريق المدينة و ليس شارع التحلية ..
بعدينك أنتا ما رسمت تحت الكوبري لييييه ؟؟
يعني الناس حتدخل لي شارع التحلية كيف بس ؟؟
بعدين أعتبرني جايي من ( البحر ) حوووت عديييل كدة .. حأمشي بالوصف بتاعك دة كيف ؟؟
ياخي بالله لو ما بتعرف توصف ما تجازف ..
الفنق بنوصله لكن الفيك اتعرفت ..
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: عصام دهب)
|
استاذنا دهب ...سلامات
Quote: يا فايز رسمتك بتاعت اللكوبري دي غلط ..
الكوبري على طريق المدينة و ليس شارع التحلية .. |
عبارة (كبرى البيبسي) تشير لموضع الكبري بين الشارعين ولا اعني بها تحديداً إتجاه الكبرى ....
Quote: بعدينك أنتا ما رسمت تحت الكوبري لييييه ؟؟
يعني الناس حتدخل لي شارع التحلية كيف بس ؟؟ |
انا فرشت الشارعين في الارض وعملت منهم كوبي عشان كدي تحت الكبرى ماظهر عندي ..بعدين انت عايز من تحت الكبري شنو ؟!! انت رجل مرور ولا شحات كرامه ...ههههههه
Quote: بعدين أعتبرني جايي من ( البحر ) حوووت عديييل كدة .. حأمشي بالوصف بتاعك دة كيف ؟؟
ياخي بالله لو ما بتعرف توصف ما تجازف ..
الفنق بنوصله لكن الفيك اتعرفت .. |
اهلنا بقولو (سبب سلام عليكم ) ..وبقصدوا بيها الزول وكت يكون داير ليهو سبب لاى حاجة او اى مشكلة ومايلقى ليهن مدخل يقوم يمسك في السلام عليكم وكيف تسلموا عليه وتقوم الحرابة ..يازول قول عايز تزوغ وكايسلك مخرج ...
تبقى حووت تبقى سيجانة تجي ماتجي ياكا دافع الشيرنق ..
| |
|
|
|
|
|
|
Re: إفطار بورداب جدة الخميس 16 رمضان - فندق الرمال (Re: فايزودالقاضي)
|
Quote: انا فرشت الشارعين في الارض وعملت منهم كوبي عشان كدي تحت الكبرى ماظهر عندي ..بعدين انت عايز من تحت الكبري شنو ؟!! انت رجل مرور ولا شحات كرامه ...ههههههه |
ههههههه ود القاضي انتهيت من زولي
يااستاذ دهب ورواد الشيشة اتطمنوا تم الترتيب يا اخوان على حجز كراسي الى اربعون شخص فقط (40 شخص ) خلاص الان ذهبت الى الفندق وعملت اللازم اعادة الله علينا وعليكم بالخير والبركة
| |
|
|
|
|
|
|
|