الإتهامات المجّانية .... تدل على فقر حجّة أصحابها ....
فقد اتهمنى الصحفى المرموق "سالم احمد سالم" بأننى "الصبى بياع الكاندوم" ... وأننى اتلقّى "ثمناً بخساًَ" من "فئة مؤثرة" داخل المؤتمر الوطنى ... نظير التشويش على نقده البنّاء الذى أفاد المؤتمر الوطنى فى تصحيح المسار والإنتباه لمواطن الضعف ....
والله احترت .... انبح فيهو نبيحة عادل عبدالعاطى فى الشيوعيين ... ما جاية ...
افتح فيهو قضية تشويه سمعة .... ما جايبة همّها ...
قلت استشير "بُرة" العُرّة!
لاكين خايف من سى جى يجى يقول لى "الحقوق الأدبية" و "الأوهام التجارية" ....
... المهم ....
08-17-2010, 03:47 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
طبعاً متوقع منك مداخلات مطر في البوست داك على أساس أنو لا حياء في الحياة الغربية...لأنو في غتغتة كدة حاصلة والناس بقت جدود وحبوبات في أمريكا... ورونا المستقبل شكلو كيف في تقديراتكم...لأنو الموضوع ده فيهو إتهامات مجانية كما يقال ومنتشر!
___________ الفرق في الأكسنت ما بين الدال والضاد...يديك إحساس بفروقات الفلايفر والملمس الخارجي...ويخليك محتار هل هو مصمم له، أم لها؟!
المهم...
08-17-2010, 11:15 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
بنينة هييي بنبن النبين يا بينا يا بنينة هييي برز الثعلب يوماً في ثياب الواعظينا وبنبن النبين يا بينا يا بنينة هييي ونحمد ربنا الشوفنا مواعظ دُخرينا بنبن النبين يا بينا يا بنينة هييي حَرَقك يا عشااااي… حَرَقك يا عشاي فَرَّحَنا شاحد الله الكريم في بوستك اتريحنا
08-20-2010, 02:36 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: بنينة هييي بنبن النبين يا بينا يا بنينة هييي برز الثعلب يوماً في ثياب الواعظينا وبنبن النبين يا بينا يا بنينة هييي ونحمد ربنا الشوفنا مواعظ دُخرينا بنبن النبين يا بينا يا بنينة هييي حَرَقك يا عشااااي… حَرَقك يا عشاي فَرَّحَنا شاحد الله الكريم في بوستك اتريحنا
... بائس ....
08-20-2010, 02:46 AM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
Quote: فقد اتهمنى الصحفى المرموق "سالم احمد سالم" بأننى "الصبى بياع الكاندوم" ... وأننى اتلقّى "ثمناً بخساًَ" من "فئة مؤثرة" داخل المؤتمر الوطنى ... نظير التشويش على نقده البنّاء الذى أفاد المؤتمر الوطنى فى تصحيح المسار والإنتباه لمواطن الضعف ....
مش قلت ليك انت بتجيب الكلام لنفسك ساكت... انت محتاج تبطل قلت ادب في الاول، وتبطل الاندلاع في خلق الله ساكت، عشان الناس ما تقل ادبها عليك وتحترمك ذي بقيت اخواتك و اخوانك.. . . سالم... " صبي بياع كاندوم" دي شنو؟
حياتي ما شفت لي صبي بيبيع لو في كاندوم، الكانادم هنا عندنا بتلقاهو معروض في المحلات زي ملابس الحريم الداخلية او " الهس" او اي شكلاتة او سلعة اخري غير السجائر، طبعاً السجائر عندنا هنا ممنوع يتعرض بيكون مقفول في الدولاب.
عارف يا سالم... خليتني اسرح بخيالي شديد زي الزول الراكبلو فيل... اتخيلت انو كمية الشفع الفي السودان ديكـ، البيبيعو اكياس النايلون والسجائر في الاسواق بقو يبيعو كنادم... حتي بياعين الظهرة، الاسبرو، و الحصن الحصين برضو. Is that going to be a GOOD thing or BAD ???????????
08-20-2010, 03:45 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
واسأل معاهو: علاقة تبارك شيخ الدين بى "الصبى بياع الكاندوم" شنو؟ وأحاول اعرف الإجابة ... قبل ما أقول الكلام دا:
Quote: مش قلت ليك انت بتجيب الكلام لنفسك ساكت... انت محتاج تبطل قلت ادب في الاول، وتبطل الاندلاع في خلق الله ساكت، عشان الناس ما تقل ادبها عليك وتحترمك ذي بقيت اخواتك و اخوانك..
تكون انت استعجلت لى الشينة ساى ... هسى انا اضيف "قليل أدب" منك بالإضافة لى "الصبى بياع الكاندوم" من سالم احمد سالم؟ ولاّ النظرية شنو بالضبط؟
لى معلوميتك "الصبى بياع الكاندوم" دى ظاهرة كانت فى اوروبا أيام سالم احمد سالم كان فى باريس وما قبلها ... هسى ما عارفا موجودة ولاّ اختفت ... انا آخر عهدى بى اوروبا سنة 89 ... لاكين الظاهرة دى ما ظهرت فى السودان لأنو لمن كانت الدعارة قانونية فى السودان - زى اوروبا - ما كان فى زول بيشترى كاندوم زاتو ... أهو منها تكون جاتك حتّة تثقيفة تنزّلك من الفيل ... لأنو سالم احمد سالم ما حا يجى البوست دا يرد عليك ... وقليل الأدب دايماً بيكون الما عندو وش يواجه بيهو الناس ...
... المهم ....
08-20-2010, 03:58 AM
rani rani
تاريخ التسجيل: 06-06-2002
مجموع المشاركات: 4637
Quote: لى معلوميتك "الصبى بياع الكاندوم" دى ظاهرة كانت فى اوروبا أيام سالم احمد سالم كان فى باريس وما قبلها ... هسى ما عارفا موجودة ولاّ اختفت ... انا آخر عهدى بى اوروبا سنة 89 ... لاكين الظاهرة دى ما ظهرت فى السودان لأنو لمن كانت الدعارة قانونية فى السودان - زى اوروبا - ما كان فى زول بيشترى كاندوم زاتو ... أهو منها تكون جاتك حتّة تثقيفة تنزّلك من الفيل ... لأنو سالم احمد سالم ما حا يجى البوست دا يرد عليك ... وقليل الأدب دايماً بيكون الما عندو وش يواجه بيهو الناس ...
طيب جميل... طيب هي كانت ظاهرة كويسة ولا كعبة؟ وهل هي نبذة؟ والفرق شنو بين واحد بيبيع كنادم و واحد شغال في 711 ولا Wall-Mart ؟ . . بالمناسبة السؤال دا كان مفترض يكون ليهو.. لكن شايفك قلت ما بيجي تاني.
08-20-2010, 04:12 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
تكون انت استعجلت لى الشينة ساى ... هسى انا اضيف "قليل أدب" منك بالإضافة لى "الصبى بياع الكاندوم" من سالم احمد سالم؟ ولاّ النظرية شنو بالضبط؟
لا وحاتك صدقني ما استعجلت لي الشينة ولا حاجة... بس لاني عارفك جنك طبيز، وبتكون طبظت ليك طبظة في مكان.. كدي خلينا من دا انت طبزة بيكتبوها كيف؟ طبزة، طبظة، ولا ولا واحد في الاتنين؟
غايتو ...المهم.. لو خليت الحاجة الانا ما قادر اكتبها فوق دي.. صدقني مافي واحد نصيح حيقدر يقول ليك قليل أدب..
واحتمال كبير جداً.. انو الاستاذ سالم يعمل ليهو منظمة انسانية تتكفل بالصبية بايعي الكنادم في "الولايات المتحدة الاوربية" وفي سوق ام دفسو والخرطوم بحري كشك الشعلة الثورة بالنص ويزرع شجرة كندم في كل حتة ويجي يعتذر ليك هنا دا. . . . . . . سالم .. بالجد انت قاصد شنو بـ "الصبى بياع الكاندوم" دي. وحاتك اكان ما دخلت ورديت علي!
. . راني السماني
08-20-2010, 04:35 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: فقد اتهمنى الصحفى المرموق "سالم احمد سالم" بأننى "الصبى بياع الكاندوم" ... وأننى اتلقّى "ثمناً بخساًَ" من "فئة مؤثرة" داخل المؤتمر الوطنى ... نظير التشويش على نقده البنّاء الذى أفاد المؤتمر الوطنى فى تصحيح المسار والإنتباه لمواطن الضعف ....
حاجة مؤلمة جداً .. عليه الإعتذار عن هذا الإسفاف ( أو كما قال ملاسي ) .
08-20-2010, 03:02 PM
rani rani
تاريخ التسجيل: 06-06-2002
مجموع المشاركات: 4637
هى نعت الحب ومظاهره بالإباحية ... ونعت من ينادى بهم بالفسوق ... وتحمّل مسؤولية الجهاد من أجل نشر "قوانين ابن العثيمين وفتاويه" ... وتحجيب النساء ... وقطع يد ورجل السارق ... وجلد الزانى والزانية من غير المحصنين ورجم المحصنين ... ونعت المخالفين للرأى بالمرتدين والمارقين ورجمهم ... وقتل المفكرين ودعاة الحرية ... وقتال غير المسلمين (حوالى 85% من سكان كوكب الأرض) بالتفجيرات الإنتحارية ... وتغيير أسماء المصطلحات المصرفية ... وأكل الحلوى ....
وإذا كان الدين المعاملة، فالشريعة الإسلامية هى المعاملة وفق هذه الطريقة القبيحة فقط، وهى ليست من الدين فى شئ ... فإذا كانت المعاملة عندكم فى كوريا هى أن لا تطغوا فى ميزان العقل ... وأن تنصفوا هو أقرب من اتباع الأهواء ... والاّ تأكلوا أموالكم بينكم بالباطل أيّاً كانت المسميات ... وأن تلبسوا ما يوارى سوءاتكم مما أنزل عليكم ربكم .... وأن تأخذوا زينكتم عند كل مسجد، فقد زين للناس حب الشهوات من النساء والبنين والقناطير المقنطرة من الذهب والفضة والخيل المسومة والأنعام والحرث .... وأن تتقوا الله فى الحركة والسكون ابتغاء فضله ... فدعنى أفاجؤك بالحقيقة المُرّة .... انتم إذن لا تطبقون "الشريعة الإسلامية" فى كوريا ... ربما تكونون أقرب للدين من الشريعة الإسلامية ...
(ودعونى أنسب "أكل الحلوى" فى ممارسة الشريعة الإسلامية ... للدكتور بشرى الفاضل؛ إن هو قبِل نسبتى له إيّاها)
... ورمضان - شرعاً على المذاهب الأربعة - كريم ...
... المهم ....
08-21-2010, 10:10 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
Quote: هى نعت الحب ومظاهره بالإباحية ... ونعت من ينادى بهم بالفسوق ... وتحمّل مسؤولية الجهاد من أجل نشر "قوانين ابن العثيمين وفتاويه" ... وتحجيب النساء ... وقطع يد ورجل السارق ... وجلد الزانى والزانية من غير المحصنين ورجم المحصنين ... ونعت المخالفين للرأى بالمرتدين والمارقين ورجمهم ... وقتل المفكرين ودعاة الحرية ... وقتال غير المسلمين (حوالى 85% من سكان كوكب الأرض) بالتفجيرات الإنتحارية ... وتغيير أسماء المصطلحات المصرفية ... وأكل الحلوى ....
أكل الحلوى دي ما لقيت ليها مخارجة غير أنصار السُنة يا عمك... كتنميط لا أقبله على نفسي، ولكنه سائد زي بتاع كل مسلم شرق أوسطي =إرهابي... هاك ده أضحك مع جوبراني
بالضبط يا تبارك...وصفك هو الأدق...هنا وحتى عندكم الناس أقرب للدين...الدين المعاملة... الجميل في الموضوع أنو فعلاً معظم الأهل ما عارفين الحكم ده ماشي كيف زاتو...! وزي ما قال حمور زيادة...أسع لو قلنا ليهم نلغي الشريعة الإسلامية -رغم عدم وجودها من الأساس- إلا في أجهزة الإعلام وأصحاب الحلاقيم الضخمة...إلا أنهم سيقولوا لا لأ...دايرين شريعة...خلوها...! والأجمل من كدة، مضادات الشريعة كمستحق للوحدة الجاذبة!!! مشتبك لي إشتباك عنيف مع أخ عزيز "إنفصالي" كشّر عن وجه آخر لا أعرفه منذ أن طلع كلام إعلان الإستقلال من البرلمان داك... زولك لغتو بقت مختلفة وغيّر الخط! قال شنو...قال لي لازم تلغوا قوانين الشريعة الإسلامية...قلتا ليهو حليلك، أنحنا كايسنها وما لاقينها إلا مع لبنى وطارق الأمين والذي منو...!
_________ يا راني ما تحكها لمن تجيب الدم ياخي... بكتب وأنا صايم...بقرا مداخلاتك دي وأنا فاطر... لو رديت ليك حا تكون صايم...فا...رمضان كريم
لو مُصرّ شديد...خد أسوأ الظن - عينة قاصدك وكدة- وقول الفيهو النصيب The Worst Case وسلام للأمورة ربنا يحفظها....
08-21-2010, 11:54 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: قال شنو...قال لي لازم تلغوا قوانين الشريعة الإسلامية...قلتا ليهو حليلك، أنحنا كايسنها وما لاقينها إلا مع لبنى وطارق الأمين والذي منو...!
يا مان قوانين النظام العام دى خدعة من النوع ابو لستك ... ومصممة لتشتيت الكورة والنأى بالحوار السياسى عن القضايا المحورية ... وبى سبب الإمعان فى استفزاز المواطنين وعاداتهم وتقاليدهم بيكونوا مضطرين يدخلوا فى حوارات تشتيت الكورة الما عندها معنى دى ...
هسى بعد الإنتخابات ... القوانين دى بقت In Collision Course مع الدستور وشرعية الدولة والسلام عموماً ... وفى رأيى الخاص ... اثناء حساسية المرحلة السياسية الحرجة الحالية (فى انتظار انفراج أزمة دارفور ونتيجة استفتاء الجنوب) يجب التخلص من القوانين المتناقضة مع دستور الدولة المؤسسية الحديثة بأسرع ما يمكن ... والإبتداء بغربلة القوانين والإجراءات الجنايئة والأوامر المحلية المؤقتة التى تتعارض مع الدستور ... ترسيخاً لهيبة الدستور والقانون ... واستعداداً لكل الإحتمالات الممكنة من المفاوضات والإستفتاء ... وكخطوة جادة نحو حسم أزمة الحكم المزمنة المبنية على مركزية ثقافة الدولة ودينها ....
ويجوك ناس الصحفى المرموق سالم احمد سالم يقولوا ليك دايرين استفتاء شعبى بقيادة "زعماء" الأحزاب! الدفنناهو دا كان "كيبل"؟ تاااانى نرجع لى ما قبل الدستور وما قبل السلام ونقعد نكوس فى "زعماء" أزمة الحكم المزمنة؟ طيب الجاب لينا "نحن جند الله" ضقلا يكركب ديل منو؟ ... قال "الصبى بياع الكاندوم" قال ...
... المهم ....
08-22-2010, 00:46 AM
AnwarKing AnwarKing
تاريخ التسجيل: 02-05-2003
مجموع المشاركات: 11481
Quote: هسى بعد الإنتخابات ... القوانين دى بقت In Collision Course مع الدستور وشرعية الدولة والسلام عموماً ... وفى رأيى الخاص ... اثناء حساسية المرحلة السياسية الحرجة الحالية (فى انتظار انفراج أزمة دارفور ونتيجة استفتاء الجنوب) يجب التخلص من القوانين المتناقضة مع دستور الدولة المؤسسية الحديثة بأسرع ما يمكن ... والإبتداء بغربلة القوانين والإجراءات الجنايئة والأوامر المحلية المؤقتة التى تتعارض مع الدستور ... ترسيخاً لهيبة الدستور والقانون ... واستعداداً لكل الإحتمالات الممكنة من المفاوضات والإستفتاء ... وكخطوة جادة نحو حسم أزمة الحكم المزمنة المبنية على مركزية ثقافة الدولة ودينها ....
ده كلام صاح الصاح...وفي شبه إجماع عليهو من الجميع...بس المفقود بالفعل هو القيادة يا تبارك...من هذه الزاوية شايف كلام الأستاذ سالم أحمد سالم منطقي...رغم أنو أنا كافر بكل ما تقدم من قيادات...وأجد مكانها الطبيعي الآن هو الخلاوي أو مراكز التأريخ والقيادة الروحية....
كدي سؤال من بيت الكلاوي كدة: جاك إحباط زي الجاني لمن ياسر عرمان إنسحب (أو سحبوه غصباً عنو) والخ...؟
08-22-2010, 06:34 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: كدي سؤال من بيت الكلاوي كدة: جاك إحباط زي الجاني لمن ياسر عرمان إنسحب (أو سحبوه غصباً عنو) والخ...؟
فى الحقيقة انا قفلت روحى يوم كامل عشان ابكى .... ياسر عرمان زيو زى غيرو ما مميّز لى درجة الإحساس بالخسارة على انسحابو ... لاكين الملايين الما عندهم صوت العلّقوا آمالهم عليهو هم الحرقونى .... وبيعتهم رخيسين فى صفقة سياسية خسران هى الخلّتنى ابكى اليوم كلّو ... يعنى ناس الأصقاع الليهم الله وعيشة السوق ديل تانى يقبّلوا وين ...
بعد داك استغفرت وطمّنت روحى ... الشعب السودانى لا زال خصب وولود .... وزى ما جبنا شهيد السلام جون قرنق ... بكرة بنجيب الأحسن من ياسر عرمان ألف مرّة ... ودى ممكن تكون إجابة لى سؤالك عن القيادات ...
أزمة "الزعامات" مع ضياع السلطة ممكن تنتج اشكال سالم احمد سالم أو أى حاجة تانية ما يهمّنى ... لاكين أزمة سودان الريف مع ضياع الصوت والمشاركة قطع شك حا ينتج قيادات مولودة من رحم الأزمة ... ودا البهمّنى ...
سيف النصر مين مين ... كل سنة وانت طيب يا دكتور ...
Quote: هسه البوست ده عن الكاندوم و صبيانو و للا عن الشريعة و للا عن ياسر عرمان؟؟
ماهو سالم احمد سالم داير يحشر لينا "الزعامات" فى مشكلة الشريعة والنظام العام والجماعة الاتهجّموا على بيت الفنون ...
لمن قلنا ليهو كدا انت بتبيع قضايا الشعب لى مصلحة "الزعامات" ... ردّ على وقال لى "الصبى بياع الكاندوم" ومشترياك جهة نافذة بى تمن بخس ...
أها دا موضوع البوست ... سمك لبن تمر هندى ... _____________________________________________________
محمد عمر جبريل ... البوست دا رداً على الإتهامات المجانية ... وفضحاً لها ... لا كايس فيهو اعتذار ... لا كايس فيهو تضامن ... لا كايس فيهو رد حقوق مسلوبة ... بوست لوجه الله تعالى الغرض منو عرض القضية على القراء ... وأىّ زول ممكن يدلو بدلوو ويقول رايو فى الشريعة الإسلامية والزعامات وأزمة الحكم وقانون النظام العام والكاندوم وتبادل الإتهامات ... تقول البريّحك ... وما شرط تستنّى ردى ...
فلو عندك راى مستقل قايم بى ذاتو ... أدلو بى دلوك يا حبيب ... منعول أبو حرية التعبير زاتو ...
(وما تسألنى عن الفرق بين "ذاتو" و "زاتو")
تصوم وتفطر على خير ...
... المهم ....
08-22-2010, 05:43 PM
malik_aljack malik_aljack
تاريخ التسجيل: 02-05-2002
مجموع المشاركات: 1348
ذكرني ردك على أنور كينق نقاش دار بيني و بين أختي السلفية
و في اثناء النقاش استشهدت (في دفاعها عن الشريعة و إلقاء اللوم على المسلمين)
أن جمال الدين الأفغاني عندما زار أوروبا قال قولة شهيرة
(ذهبت الغرب فوجدت اسلام بلا مسلمين و تركت في الشرق مسلمين بلا اسلام)
فسألتها
هل كان الغرب يطبق الشريعة ؟
ثم قلت لها
لا يمكن أن لا ينجب المسلمين على مدار هذه القرون من يقنعنا إن الشريعة تؤدي إلى رفاهية الناس و رغد العيش , اعقبتها أن القرآن هو من يفعل ذلك و ليس الشريعة
فلم تجاوبني إلى الآن
لأن الإجابة المنطقية تعني عندهم كفر صريح وجب بعده الاغتسال و دخول الإسلام من جديد
08-22-2010, 07:22 PM
السيد المسلمي السيد المسلمي
تاريخ التسجيل: 11-27-2008
مجموع المشاركات: 4954
ياخي دي بالمناسبة أجمل خلقة ممكن الإنسان يكونا... على كيفي!
كان لقبي في فترة من الفترات...لأنو كنتا بكررا بصورة درامية ما بتتوصف، لكن لو عندك خيال ممكن تشقلب نخريك وتفتحهم كُبار زي البندقية الخرطوش، وتلوي خشمك زي الداير تتكلم مع زول من تكساس، وتبدا التون من أعلى وأنت نازل: على كيفي!
Quote:
على كـيفي ... للشاعر عبد القادر الكتيابي
على كـيفي ...
أرقع جبتي أولا أرقعها..
أطرزها من الالوب .. ألبسها على المقلوب.
أخلعها .. على كـيفي .
أنا لم أنتخب أحدا...
وما بايعت بعد محمد رجلا .
ولا صفقت للزيـــف ..
لماذا أعلنوا صوري؟
لماذا صادروا سيفي..؟
أنا ما قلت شيئا بعد حتى الآن ..
حتى الآن أسلك أضعف الايمان..
ما أعلنت ما أسررت ما جاوزت في الأوبــات ..
سرعة زورة الطيـــف
أهرول بين تحقيقين أصمت عن خراب الدار ..
عن غيظ مراجله تفك مراجل الجــوف
سئمت هشاشة الترميز
ما بعد الزبى يا سيل من شيء ..
لمن يا طبل والخرطوم غائبة و أمدرمان والنيلان يختلفان ..
والأطفال في الخيران والحرب الدمار الجوع
كيف الحال ؟ لا تسأل عن الكيف ..
حبيبي أنت يا وطن النجوم الزهر .. سلهم كيف ؟
سل عني ..
لماذا لم يخلوني على كيفي ..؟
أنا والله ضد نخاسة الأحرار باسم الذين ..
ضد الضد والضدين ...
ضد جهاز خوف الأمن .. ضد الأمن بالخوف ..
...
أنا في هذه الدنيا على كيفي ..
إلى أن تكمل الأشراط دورتها .
بمهدي حقيقي لينقذنا من الدجال والتمثال .
والإشراك والحيـف
سأبقى ما حييت أنا على كــــــيفي
إلى أن تطهر الدنيا وينزل سيدي عـــيسى
لأن طريقتي في الحب يا وطني
على كـيفي ....
المهم...
08-23-2010, 05:32 AM
AnwarKing AnwarKing
تاريخ التسجيل: 02-05-2003
مجموع المشاركات: 11481
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
تبارك شيخ الدين جبريل
AnwarKing
Hussein Mallasi
humida
محمد عبد الماجد الصايم
saif massad ali
محسن خالد
حسبو عكاشة
rani
محمد عمر جبريل
malik_aljack
فيس بوك
تويتر
انستقرام
يوتيوب
بنتيريست