|
الصُورة التي هزّت الضمير الإنساني ...!!!!
|
نُشرت هنا ... أظن من كاميرا الزميل صالح عمّار وعلّق عليها الريّس بكري أبوبكر من شرق السودان من طوكر من عمق المأساة وتداولتها البوستات ونشرتها بعض الصُحُف وهزت الضمير الإنساني ... وربما عرش الرحمن ... عزّوجلّ
|
|
|
|
|
|
|
|
Re: الصُورة التي هزّت الضمير الإنساني ...!!!! (Re: Ahmed musa)
|
الاستاذ احمد موسى انت تغالط الجن غالبك ما تتخيل الزول الكبشر الصورة دى غرضو شنو ؟؟؟ هوى يا ناس هوي حدنا معاكم البشير والعصابة المعاهو كتالين كُتلا وتسقط عصابة الخرطوم الحاكمة الآن ! بس تجيبو لينا زول قاعد ليه فى أرض أن " بال " فيها ساهى ياكل رطب بدون مايهز الشجرة الأكل منها ........................
ضمير إنسانى ماهزتو المجازر والإغتصابات الحاصلة يهزوا زول فى أتم الصحة والعافية ولم تنقصه سوى قولة بسم الله، وياناس شوف همكم وين وياهو دة ضراعى أأأأأأأأأأأأأأأأخخخخخخخخخخخدر وإن ما اكلت منو حرام على تفاح المنابر. وأدفنونى محل غلبنى أقوم منها
| |
|
|
|
|
|
|
Re: الصُورة التي هزّت الضمير الإنساني ...!!!! (Re: ابراهيم عوض عمر)
|
الاخ ابراهيم عوض عمر تحية طيبة زمان كان الناس بزرعو لانه فى تقاوى بتصلهم من الوزارة الكان اسمها وزارة الزراعة قبل ان يهجم هؤلاء التتار ويحيلو حياتنا الى بلقع زمان كان المزارع بيعرف متين يزرع ووين وكيف ؟ لانه قادر على شراء التقاوى من البنك او الوزارة هسى عليك الله الزول القاعد دا بقدر يسند طوله ؟ خليك من زراعة ولا غيرها بقدر يمشى خطوتين ؟ تناقشت مع كثير من المزارعين فى بلادهم اى مزارعهم التى اكلها البور قالو اننا ما بنزرع لانه ما بدخل لينا شوال من زراعتنا كلها بتمشى ضرايب واتاوات تخيل ؟
| |
|
|
|
|
|
|
|