|
|
|
 Re: نحتفل الثلاثاء 8 رمضان بالعروسه تماضر شيخ الدين والفارس وليد المبارك الشفت (Re: طارق الأمين)
|
سأبدأ بالاجابه علي السؤال الثاني
وليد المبارك
لا اعرفه الا عبر هذا المنبر
التقيته عبر لقاءات بورداب الخرطوم فقط
ظل وليد عبر ثلاث سنوات مضت يقف وقفه صلبه ضد اي ظلم تعرضنا له
ولم يقف عدم معرفتي به حاجزا امام ان يبدي رأيه محتجا ومساندا لنا دون مصلحة يبتغيها
هو شخص قد تختلف معه
في كثير من ماهو مطروح
لكنك لاتملك الا ان تحترمه
في زمان اللهث وراءالمصالح
والخوف من غضبه السلطه
والصحف الصفراء
وقف الشفت بقلمه مدافعا حتي في وجه اصدقاءه
وهنا اذ احتفي به ممثلا لكل من ارتفعت اصواتهم في الحمله ضد انتهاكات النظام العام للقانون
اخترته ممثلا لكل من شاركنا في تلك الحمله والتي بدأت بعض نتائجها في الظهور للعلن
بعد اجتماع الامس المطول بين والي الخرطوم وشرطه النظام العام والذي اردته سونا في صحف اليوم
حيث طالب الخضر قوات الشرطه بالتزام المهنيه والعلميه
وعدم المساس او التعريض بالاسر والافراد حفاظا علي سمعه الناس
ولازالت معركتنا ضد انتهاك الحقوق مستمره
وينظر المجلس التشريعي لمحليه بحري في مسأله مستعجله تم تقديمها بواسطه عضو المجلس
السيد مسيانق جون احد جيران ورواد بيت الفنون من كتله النواب الجنوبيين
واجمل ما في مساندته لنا دعوته لنا بنقل بيت الفنون الي جوبا واتصاله بالسلطات هنالك لتسهيل الامر
شكرا للاخ مسيانق وقد وعدناه بدراسه مقترحه وابدينا الموافقه علي ان تكون جوبا مقرا لبيت الفنون
او مقرا لفرع رئيسي منه علي اقل تقدير
المهم ياتبارك
وليد الذي لاتربطني به صله مباشره او قديمه او مصالح
كان من اكثر المتفاعلين في حملتنا بالمشاركه فيها
وعبره احيي كل من شارك في تلك الحمله الناجحه من داخل وخارج السودان
وليقبلو بوليد ممثلا لهم في احتفائي بهم مستأذنا
شكرا وليد واسمح لي ان اشهد انك خال من الغرض والكتابات الشلليه والبوستات المصلحيه
اكرر شكري لكل من ادلي بكلمه في تلك الحمله من بورداب الداخل والخارج الذين يمثلهم هنا وليد المبارك
وعلي الذين يطيقونه ان وجدوا ولا اظنهم كثر
ان يعرفو ان كتابه الظلاميين عن انتهاكات النظام العام اشد مراره
فالحق من افواههم اجمل واكثر دويا
ووليد اصبح الان عندي ظلامي مستنير
يس في قصص الكوره دي لو انستر كمان شويه
ممكن يطلع مستنير جد جد
ثم ياوليد
البنيه مبرووووكه
ادتنا فرصه نعبر عن تقديرنا الكبير
ثم قالو دي البنيه التالته
يعني كده اخدت القرين كارد بتاع الجنه
بس فضل ليك الجواز
محبتي
| |
 
|
|
|
|
|
|
|
|
Re: نحتفل الثلاثاء 8 رمضان بالعروسه تماضر شيخ الدين والفارس وليد المبارك الشفت (Re: طارق الأمين)
|
ولماذا نحتفل بالفنانه تماضر شيخ الدين
تماضر شيخ الدين جبريل
سليلة اسرة جبريل المبدعه
عضو موقع سودانيز اون لاين
طالبه كليه العلوم بجامعه الخرطوم قسم الرياضيات
معلمه رياضيات بمدرسه كرري الثانويه بامدرمان
درست وتخرجت غي المعهد العالي للموسيقي والمسرح
وتخصصت في التمثبل والاخراج
عملت بمعهد تدريب المعلمين بامدرمان كمعلمه للدراما
شاركت في الكثير من الاعمال المسرحيه والاذاعيه والتلفزيونيه
محطه التلفزيون الاهليه
زي بيتكم مع العميري
دنيا صفا دنيا انتباه
نبته حبيبتي
وادي ام سدر
الخازوق (هل انت بخير)
نواصل
| |
|
|
|
|
|
|
|
|
|
Re: نحتفل الثلاثاء 8 رمضان بالعروسه تماضر شيخ الدين والفارس وليد المبارك الشفت (Re: طارق الأمين)
|
Quote: لها اربعه شهادات جامعيه
في اربعه تخصصات مختلفه
الرياضيات
المحاسبه من جامعه القاهره بالخرطوم
كلية المعلمات دبلوم
معهد الموسيقي والمسرح
شاعره
كاتبه قصه
مخرجه
مترجمه
مشرف ومخرج فرقه عرايس النيل للرقص السوداني
والتي تمارس نشاطها في الولايات المتحده
وقد طافت بها الي
انجلترا
النمسا
اسيانيا
كندا |
.
الاخ الكوميدي طارق الامين..
سلامات يا رجل يا فنان..
طبعا العارف لا يعرف..
تماضر شيخ الدين..هذه القامة السودانية الأصيلة..من الذي لا يعرفها فنانة حتى النخاع..سليلة أسرة فنانة حتى أغمص جذورها..بنت امدرمان الأنيقة..
ونحن اولاد امدرمان ودنوباوي..نعرف جيداً عمق المحتوى الرصين في هذه التماضر..شقيقها الصادق شيخ الدين كان زميلاً لي في قصر الشباب والأطفال غير انه ابن منطقتي ودنوباوي شمال وانا من ودنوباوي جنوب..وكنا نعرف تماضر ونحن صغاراً مع القامة عبدالعزيز العميري وكنت اشعر حينها أن هذا الثنائي المبدع العجيب كان يمثل رمزاً للعفاف ولعلاقات الحب والمودة والطيبة والأصالة التي تربينا عليها، كانوا جموعاً في سماوات الأبداع فخرجوا من نطاقامدرمان للقومية الواسعة والكبيرة.
كلما ذُُكرت لي كلمة تماضر تذكرتها، وتذكرت تلك الايام الجميلة حينما كنا نطارد الحفلات والايام الثقافية وعروض التخرج بمعهد الموسيقى والمسرح، وحفلات محمد احمد عوض وابوعركي البخيت عندما كان يسكن في شارعنا(شارع الخور) بالقرب من مسجد الشيخ قريب الله..وكنا ايضا نطارد الحوليات الكبيرة - حولية الشيخ قريب الله- والشيخ الجعلي- وشيخ مرسي- والختمية - والشيح حمد النيل في الأربعين - وشيخ دفع الله الصائم ديمة في امبدة..ووووووووو.
تماضر شيخ الدين في مخيلتي ترتبط بأشياء كثيرة في حياتي وخاصة ايام دراستي الموسيقى..وشلة الموسيقى بقصر الشباب والاطفال..أولاد برعي احمد دفع الله.. زرياب وتغريد.. وبنات الحكم الدولي عثمان البشير- مريم واخواتها- وبنات فرح خليل فرح.. أيثار وايناس- وبنات استاذنا محمد آدم المنصوري حواء المنصوري ونجاه وانتصار- وأولاد عجاج اكبر اسرة فنية في الوسط الموسيقى آنذاك من أستاذنا محمد عجاج وزميلي عازف الساكسفون مي ألطو الفقيد وليد عجاج .. وعازف الليد جيتار سيف الدين عجاج وآخرين..
وكان بيت ناس تماضر نقطة إلتقاء للكثير من المواهب الموسيقية والغنائية والمسرحية..
تماضر دي تذكري عمنا الفقيد الشاعر عثمان خالد في أغنية رحلة عيون
أصلوا المُحبين الحُنان لا بنسوا لا بحولوا..
باختصار تماضر دي السودان ذاتو بكل ما فيه من تنوع ومن مشاعر جميلة ودافئة..ومن إبداع إنساني رصين..
ياااااا طارق الامين معقول أنا كتبت الكلام الفوق ده كلووو..
لكن ما قلت لي علاقة وليد الشفت بإبداع تماضر شنو..؟؟
| |
|
|
|
|
|
|
|
|
|
Re: نحتفل الثلاثاء 8 رمضان بالعروسه تماضر شيخ الدين والفارس وليد المبارك الشفت (Re: ناذر محمد الخليفة)
|
Quote:
يا طارق .. لو الفقرة نمرة إتنين دي في البرنامج وإنت مصر عليها :
تسجيل غياب وعدم حضور من هسي ..!! |
LQuote:
يا طارق .. لو الفقرة نمرة إتنين دي في البرنامج وإنت مصر عليها :
تسجيل غياب وعدم حضور من هسي ..!! |
معليش ياحبايب
نازر جاب في روحو بلنت
كده مفلوب واحد صفر
نشوف انعام
_________________________
نازر بيني بينك
لقيتك ماعندك حرفنه بي تعريفه
انا لو محلك
ودا موقفي
بطنش بوست زي دا
هالص خالص
تقدير لي انو البوست دا بوست محبه
بوستات المحبه مابكتبو فيها كلام الشكل
كدي تاني القاك فاتح ليك بوست عن السلام
ولي الوحده
ولي الوفاق الوطني
ولي الوحده العربيه زاتو
تحياتي
وسلام ياحبه
| |
|
|
|
|
|
|
|
|
عجييييييييييب !
مبروك لوليد العروسه التالثه ..
و الاستاذه تماضر نبارك ليها الحجه انشالله يارب !
ورمضان كريم يا طارق
(عدل بواسطة عبدالله كع on 08-16-2010, 12:19 PM)
(عدل بواسطة عبدالله كع on 08-16-2010, 12:21 PM)
| |
|
|
|
|
|
|
|
|
 Re: نحتفل الثلاثاء 8 رمضان بالعروسه تماضر شيخ الدين والفارس وليد المبارك الشفت (Re: طارق الأمين)
|
يا طارق ود اللمين
يا خوي انا والعوض سمنة علي عسل...
اذن استبدل الفقرة الأولي ...
برقصة من عرائس النيل .. فرقة الأستاذة المبدعة تماضر..
Quote: هو شخص قد تختلف معه
في كثير من ماهو مطروح
لكنك لاتملك الا ان تحترمه
في زمان اللهث وراءالمصالح
والخوف من غضبه السلطه
والصحف الصفراء
وقف الشفت بقلمه مدافعا حتي في وجه اصدقاءه
|
التحية لوليد الشفت ..
والف مبروك البنية يا صديقي ...
وربنا يحفظهم جميعا ....
| |
|
|
|
|
|
|
|
|
|
Re: نحتفل الثلاثاء 8 رمضان بالعروسه تماضر شيخ الدين والفارس وليد المبارك الشفت (Re: ahmed haneen)
|
لما قريت الكلام الكلام فيما يخص الفقرة سرحت وفكرت لمدة ثواني وقررت (والله العظيم) اني اقبل بما جاء في الفقرة ..
ولما كملت الكلام المكتوب في البوست ولقيت كلام ناذر (ألمني جدا) ..
اتذكرت الكلام القلتوا لي تبلدينا اني اديته اكتر من فرصة بس ما استثمرا ..
ناذر الخليفة برغم الخلاف البينا انا حريصة جدا اسلم عليه (عشان نفسي في الاول ، عشان اكون مرتاحة )
ناذر الخليفة برغم الخلاف البينا اخر كلام كتبه لي لما لاقيتو تاني يوم قلت ليهو (ناذر الشكّال ازيك)
برغم ما بدر منه وما يبدر منه دوما تجاهي ، الا اني لا احمل جواي تجاهه اي شي .. والله اعلم بذلك ..
ياناذر انا عافيه ليك حقي وربنا يغفر ليك لو اخطأت في حقي .. والعفو والعافية
وتعال البرنامج ما تغيب منه عشان (فقرة) صلح بينا
ورمضان كريم ..
Quote: اذن يا طارق استبدل الفقرة الثانية ...
برقصة من عرائس النيل .. فرقة الأستاذة المبدعة تماضر.. |
| |
|
|
|
|
|
|
|
|
|
Re: نحتفل الثلاثاء 8 رمضان بالعروسه تماضر شيخ الدين والفارس وليد المبارك الشفت (Re: ahmed haneen)
|
سلامات
طبعا تماضر بتسلم علي الجميع
بعدين الناس البجو السودان بيكتشفو انو مافي زمن للحاجات اليوميه البعملوها بره البلد
زي متابعه التلفزيون وسودانيز اون لاين
وانو الزمن مابكفي
دي اول مفاجاه للقادمين في العاده
المفاجاه التانيه بالنسبه للفنانه تماضر
كانت طريقه الدعوه وعنوان البوست والخرمجه
وطبعا قلت ليها انت شفتي حاجه؟
معايير بورداب بره ماعندنا هنا
يعني مثلا انا بكتب عناوين مرات اخبار
زي البوست بتاع ليبيا وافتتاح كاس العالم
مافي زول اتجرأ جا هنا قال لي وين مصدرك
اتذكرت صاحب جا من بره مديت ليهو
مويه صحه
قام فتش تاريخ انتهاء الصلاحيه
ودا شي عندهم عادي
لكن نحن بنشربا من الحفير
والحفير مافيهو ديباجه
عشان كده معايير نهي وخرمجه الف
ومرحب بعروس الدراما السودانيه
والبوست الجاي ممكن يكون عنوانو
تماضر شيخ الدين في دار الرياضه تنتقد اداء منتخب بري
يعني بقينا عليك في الخرمجه ياتماضر
انا وتبارك
ربنا يعينك
ويمرقك من حلتنا دي بالسلامه
ومبروك عليك الخرمجه
وعدم المعيار
مش كويس الماقلنا ليك داون داون يو اس ايه
احتسبي بس
لحدي تنتهي الاجازه
فولي حسبك حسيك
يوهوووووووه
| |
|
|
|
|
|
|
|
|
|
Re: نحتفل الثلاثاء 8 رمضان بالعروسه تماضر شيخ الدين والفارس وليد المبارك الشفت (Re: طارق الأمين)
|
Quote:
ياناذر انا عافيه ليك حقي وربنا يغفر ليك لو اخطأت في حقي .. والعفو والعافية |
انعااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام
نازر ياصاحبي
ماعجبني ليك
مغلوب عشره صفر
تعال لغينا ليك الفقره
بس عجبتني رجاله انعام دي
غالبا اطلع المسرح اصالجا انا
بدون غبينه
انعام
شكرا ياخ
نازر
مرحب بيك
| |
|
|
|
|
|
|
|
|
|
Re: نحتفل الثلاثاء 8 رمضان بالعروسه تماضر شيخ الدين والفارس وليد المبارك الشفت (Re: طارق الأمين)
|
الاخ الكوميدي طارق الامين..
سلامات يا رجل يا فنان..
طبعا العارف لا يعرف..
تماضر شيخ الدين..هذه القامة السودانية الأصيلة..من الذي لا يعرفها فنانة حتى النخاع..سليلة أسرة فنانة حتى أغمص جذورها..بنت امدرمان الأنيقة..
ونحن اولاد امدرمان ودنوباوي..نعرف جيداً عمق المحتوى الرصين في هذه التماضر..شقيقها الصادق شيخ الدين كان زميلاً لي في قصر الشباب والأطفال غير انه ابن منطقتي ودنوباوي شمال وانا من ودنوباوي جنوب..وكنا نعرف تماضر ونحن صغاراً مع القامة عبدالعزيز العميري وكنت اشعر حينها أن هذا الثنائي المبدع العجيب كان يمثل رمزاً للعفاف ولعلاقات الحب والمودة والطيبة والأصالة التي تربينا عليها، كانوا جموعاً في سماوات الأبداع فخرجوا من نطاقامدرمان للقومية الواسعة والكبيرة.
كلما ذُُكرت لي كلمة تماضر تذكرتها، وتذكرت تلك الايام الجميلة حينما كنا نطارد الحفلات والايام الثقافية وعروض التخرج بمعهد الموسيقى والمسرح، وحفلات محمد احمد عوض وابوعركي البخيت عندما كان يسكن في شارعنا(شارع الخور) بالقرب من مسجد الشيخ قريب الله..وكنا ايضا نطارد الحوليات الكبيرة - حولية الشيخ قريب الله- والشيخ الجعلي- وشيخ مرسي- والختمية - والشيح حمد النيل في الأربعين - وشيخ دفع الله الصائم ديمة في امبدة..ووووووووو.
تماضر شيخ الدين في مخيلتي ترتبط بأشياء كثيرة في حياتي وخاصة ايام دراستي الموسيقى..وشلة الموسيقى بقصر الشباب والاطفال..أولاد برعي احمد دفع الله.. زرياب وتغريد.. وبنات الحكم الدولي عثمان البشير- مريم واخواتها- وبنات فرح خليل فرح.. أيثار وايناس- وبنات استاذنا محمد آدم المنصوري حواء المنصوري ونجاه وانتصار- وأولاد عجاج اكبر اسرة فنية في الوسط الموسيقى آنذاك من أستاذنا محمد عجاج وزميلي عازف الساكسفون مي ألطو الفقيد وليد عجاج .. وعازف الليد جيتار سيف الدين عجاج وآخرين..
وكان بيت ناس تماضر نقطة إلتقاء للكثير من المواهب الموسيقية والغنائية والمسرحية..
تماضر دي تذكري عمنا الفقيد الشاعر عثمان خالد في أغنية رحلة عيون
أصلوا المُحبين الحُنان لا بنسوا لا بحولوا..
باختصار تماضر دي السودان ذاتو بكل ما فيه من تنوع ومن مشاعر جميلة ودافئة..ومن إبداع إنساني رصين..
ياااااا طارق الامين معقول أنا كتبت الكلام الفوق ده كلووو..
لكن ما قلت لي علاقة وليد الشفت بإبداع تماضر شنو..؟؟
| |
|
|
|
|
|
|
|
|
|
Re: نحتفل الثلاثاء 8 رمضان بالعروسه تماضر شيخ الدين والفارس وليد المبارك الشفت (Re: khalid abuahmed)
|
!!!!!!
Quote: اتذكرت الكلام القلتوا لي تبلدينا اني اديته اكتر من فرصة بس ما استثمرا ..
|
وإنتي من متين بقيتي قسيسة وبقيتي توزعي صكوك غفران ؟؟!!
ومنو زاتو القال ليك تديني فرصة ولا تديني سمنة ؟!!
في واحد قال ليك داير يستثمر منك فرص ؟!!
Quote: ياناذر انا عافيه ليك حقي وربنا يغفر ليك لو اخطأت في حقي .. والعفو والعافية
|
أنا اخطأت في حقك ؟؟!
خلاص دايرة تقلبي الاية ؟!!
إنتي فاهمة وأنا فاهم المشكلة وأسبابا وأي زول جاني وإتوسط لي حل الخلاف وريتو الحصل شنو وشروطي شنو ..!!
أنا ما بنسى حقي أبدا .. وحقي أبدا ما بيسقط بالتقادم الطبيعي ..
ومرارة السنين ما بتمحيها تلاتة دقايق طلوع في المسرح وسلام يحصل والناس تصفق ..
| Quote: ياناذر انا عافيه ليك حقي وربنا يغفر ليك لو اخطأت في حقي .. والعفو والعافية |
وأنا أصلو ما عافي ليك حقي وربنا لا يغفر ليك بالعملتيهو معاي ..!!
وإرشيف المنبر موجود .. والماموجود أنا حافظو عندي عشان الناس تشوف منو الإستن سنة مقاطعة المخالفين إجتماعياً في المنبر دا ..!
ومش إنتي الإستنيتي السنة دي ؟!.. عليك تتحملي عواقبا وتعرفي سياسة التحريض والكذب والدهنسة بتوصل لي وين ..!!
| |
|
|
|
|
|
|
|
|
|
Re: نحتفل الثلاثاء 8 رمضان بالعروسه تماضر شيخ الدين والفارس وليد المبارك الشفت (Re: حبيب نورة)
|
| Quote: تماضر تبلدية يا طارق |
باربى وليد ده ما بعرف تماضر؟
تبلدية شنو؟
قول فرع حنه... سنديانه..بانه برتكانه
ياخى دى مفراكه من مفاريك الله الخلقها عشان تلايق
الدنيا وتطعمها..وتسوطها بحنية وموده بحذاقه..
زوله بارده على البطن زى السليقه فى عزالحر
او قول طماطم بالدكوة بزيت سمسم..
ياربى ان شاء الله اكون بشكر فيها البنية دى
باقى انا بريدها و بغير عليها وبطعن فيها عديل
رغم انف تبارك الذى بيده المشاكل
ورغم انف هشام والصادق زاتو
تماضر عليك الله اتذكرينا لو طلعتى من الباب الشرقى او الغربى
ثمح...
حفظ لله هذه التماضر فى الحل والترحال،،،
| |
|
|
|
|
|
|
|
|
|
Re: نحتفل الثلاثاء 8 رمضان بالعروسه تماضر شيخ الدين والفارس وليد المبارك الشفت (Re: طارق الأمين)
|
الجميل طارق الأمين
تعرف البورداب ديل بقيت أتعامل معاهم بحذر وحساسية ، أنا ما عارف ليه يا طارق؟ على العموم إحتفاءك بتماضر هو تكريم لآل شيخ الدين وشرف لنا ما بعده شرف ، ربنا يحفظك ويجزيك عنا خير الجزاء وسامحنى على حساسيتى المفرطة وسوء ظنى الذى جعلنى أفكر بطريقة شريرة ، وهو أحد عيوب نفسى علماً بأننى يا طارق كلى عيوب وسوؤات وبلاوى متلتلة أسأل الله أن يطهرنى من كل هذا الخبث والسوء لأعود إنساناً سوياً ولك العتبى حتى ترضى
أخوك هشام (البكر) ولعل هذا هو السبب فالبكر دائما عوير يا طارق ، بالله عليك تعذرنى
| |
|
|
|
|
|
|
|
|
|
Re: نحتفل الثلاثاء 8 رمضان بالعروسه تماضر شيخ الدين والفارس وليد المبارك الشفت (Re: Abdlaziz Eisa)
|
Quote: الجميل طارق الأمين
تعرف البورداب ديل بقيت أتعامل معاهم بحذر وحساسية ، أنا ما عارف ليه يا طارق؟ على العموم إحتفاءك بتماضر هو تكريم لآل شيخ الدين وشرف لنا ما بعده شرف ، ربنا يحفظك ويجزيك عنا خير الجزاء وسامحنى على حساسيتى المفرطة وسوء ظنى الذى جعلنى أفكر بطريقة شريرة ، وهو أحد عيوب نفسى علماً بأننى يا طارق كلى عيوب وسوؤات وبلاوى متلتلة أسأل الله أن يطهرنى من كل هذا الخبث والسوء لأعود إنساناً سوياً ولك العتبى حتى ترضى
أخوك هشام (البكر) ولعل هذا هو السبب فالبكر دائما عوير يا طارق ، بالله عليك تعذرنى |
ههه المداخلة دي عجبتني ..
وعرفنا من مصادرنا بالخرطوم الدكتورة نبراس اعلنت حضورك الثلاثاء يعني حا تحضر معانا فطور بورداب الخرطوم في بيت الفنون ..
وحا نكون فرحانين بي جيتك شديد ..
| |
|
|
|
|
|
|
|
عبد المنعم سليمان
saadeldin abdelrahman
ahmed haneen
أبو عبيدة البصاص
عثمان محمد كرار
Hadeer Alzain
osman righeem
عبدالله شمس الدين مصطفى
يسرى معتصم
khalid abuahmed
وليد محمد المبارك
رشا سالم
Ahmed musa
Adil Osman
معاوية عوض الكريم
شهاب الفاتح عثمان
doma
ناذر محمد الخليفة
محمد عادل
هشام كمال
زهير عثمان حمد
Hussein Mallasi
خدر
عمر ادريس محمد
فايزودالقاضي
عبدالله كع
انعام حيمورة
سفيان بشير نابرى
حاتم كاهن
محمد المسلمي
العوض المسلمي
عفاف الصادق بابكر
حبيب نورة
صديق الموج
يازولyazoalيازول
humida
بكري الخير
اسماء الجنيد
Abdlaziz Eisa
فيس بوك
تويتر
انستقرام
يوتيوب
بنتيريست