|
Re: يا هيثم كابو ... ياخي إنت ثقيل ثقالة (Re: baha eassa)
|
يا عزيزى جمال السنوسى كل سنه وانت طيب بالله عليك ماشفت برنامج ( الأستاذ والتلميذ) فى فضائية المحور وكيف يكون الحوار والأدب والظرف والفكاهه بين الممثل الأستاذ الكبيراحمد رمزى والممثل الفدير الشاب أحمد السقاوتعال شوف ماذا يقدم لنا هيثم كابومن كل انواع الصلف والركاكه والتربص بالضيف كانما هو أمام محكمه من محاكم التفتيش للتعريض بالضيف والتقليل من مكانته الشخصية والفنيه ولما يمكن تسميته بأنه (إغتيال معنوى )Character Assasination ولكى يخرج هيثم كابو منتصرا...كما أن طريقة كابو فى إدارة الحوار مع ( نفسه الحار)باستمرار يحول الضيف إلى صحيه يتعاطف معها الجمهور إذ المفروض أن تكون المواجهة بين الجمهور والمستضاف في كل ما يتعلق بالجوانب التى تهمه كنجم جماهيرى... ثم أن البرنامج فى ظنى لا يلقى الضوء على مسيرة المستضاف بما يمهد للحوار ويهئ الجمهور للمتابعةبإقناع ... الفنانه جواهر كانت والحق يقال على مسنوى عال من الأدب والصبر والحصافه على عكس مقدم البرنامج...أما أسطورة نشر الأغنية السودانية التى مللنا إستماع الحديث عنها بسبب وبلا سبب ومرد ذلك ضحالة حركة النقد والتأريخ ... سيد خليفه إنتشر لأنه غنى للمستمع العربى وإسماعيل عبد المعين غنى فى فرنسا وقدم تجربة موسيقية فريدة قبلها الآخرون وبخسناها نحن وكذلك حمزه علاء الدين نشر الموسيقى النوبية ( سودانية أو مصريه) ووجد الإعتراف والتقديرفى أمريكا واليابان إلا فى السودان رحمهم الله ... ولنسأل بصراحه يا هيثم كابو وغيره من ذوى المزاج ( التابلويدى) لماذا لم تنتشر أغنية الوسط الأمدرمانيه فى مصر القريبه دى مع أن أعدادا كثيره من مطربينا غنوا فى مصر ومنهم من سكن ومات فيها ومنهم من لجأ إليها ومنهم من يتردد عليها بإنتظام؟ الإجابه بسيطه فنحن السودانيين عموما لا نسمع إلا صدى أصواتناولا نملك القدرة على أن نُسمع الآخرين صوتناولا نتحمس لنستمع للآخرين... نحن منغلقون على أنفسنا فى كل شئ ولا نريد أن نخرج من القمقم الذى حبسنا فيه أنفسنا ... إذا أرادت جواهر أن تغنى فى القاهره على طريقة الأغنية السودانية كانت حتى الآن تجرى ولهث لتغنى فى حفلات السودانيين ولم يسمع بها أحد من الجمهور المصرى الذى أجازها ...إن شاءت جواهر تغنى باللاوندى فهى لا تحتاج لرخصة من أحد.... فى النهايه يا هيثم كابو جواهرلم تغن (راجل المره حلو حلا) والباقى معروف فأرجو ان يتعامل كابو مع ضيوفه باريحية وإحترام حتى لا يتحول البرنامج إلى ( كـــــــــــــابـــــــــوس)
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: abubakr)
|
Quote: شكرا الفنان انس لقد عبرت بصدق عن وجهة نظر اشاركك فيها وحاولت في مداخلات اخري ان اشير لها علنا نخرج من تقوقعنا والاقصاء الذي نمارسه ضد الاخر حتي ولو كان احد منا او يشاركنا وطننا ... |
ابوبكر يا جميل
رمضان كريم
فعلا الاقصاء هو سبب المشاكل
والله يجازي اللي كان السبب
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: انس العاقب)
|
Quote: يا عزيزى جمال السنوسى كل سنه وانت طيب بالله عليك ماشفت برنامج ( الأستاذ والتلميذ) فى فضائية المحور |
العزيز انس العاقب
كل سنة وانت طيب
مشكلتنا التقليد ذاتو ما بنعرفو
يعني مفروض نبدع بشي جديد
ونبتدي من حيث انتهى الاخرون
اخير من يجيك واحد زي كابوس ده يجيب ليك كثافتك
الله يجازي اللي كان السبب
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: baha eassa)
|
Quote: اخي جمال رمضان كريم .. .. الاسئلة التي يطرحها وطريقة الاسئلة مستفزة جدا وكان الضيق ظاهر من الفنانة جواهر ولكنها حاولت قدر الامكان الاجابة علي كل الاسئلة بهدوء .. .. |
عزيزي بهاء
يا جميل انت
رمضان كريم
جواهر قابلت زي كابو ده كثير
وسمعت كثير
يعني كانت جاهزة لثقالة زي دي
عشان كده اتخارجت ونجحت في ردودها
زي ما نجحت في الوصول للقمة مع العرب (بدون السودان)
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: خالد)
|
هيثم كابو عليل
يترصد النساء في كتاباته لخلل بين
يعادي كل نجاح بحقد اعمي
بل يكاد يبدو مختنقا امام الناجحين
مسطح وخائر فكريا
وهو نموذج جيد لما اسميه باالخيابه الصحفيه
التي تطارد التفاصيل الهايفه لفتيات الغناء والمسرح
وهو نموذج مقذذ في الصحافه للعاطلين عن الموهبه
ويمثلهم في الاحياء اولئك المصنقرين امام البقالات متصيدين للقواله والنميمه والشتيمه من قله الحيله والحياء
اهدر الكابو كثيرامن وقت الناس في الاكاذيب بحثا عن الشهره الحرام
وهي حاله نفسيه عصيه
الشهره باي ثمن
حتي ان مجرد فتحكم لهذا البوست
يسعده
في سبيل الرغبه في الشهره
الشهره والسلام
حتي ان كانت شهرة ال
اجاركم الله
لن اتركه
لكن ليس الان
مكتبي يواصل عراكه القانوني معه
تبقت جلسه ختاميه ثم النطق بالحكم
هو احد شخصين فط في العالم
اشعر عند سماع اسماءهم
بالغثيان
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: عوض محمد احمد)
|
Quote: مجرد الكتابة هنا تعطى هذا الجاهل معدوم المواهب قيمة لا يستحقها هذه هى احد المصائب التى انتجتها (دار) اولاد البلال على ان اللوم و العتب ينصب على كتاب الفن الحقيقيين الذين اخلوا الساحة للفاقد التربوى اين كمال يوسف؟ اين اروى الربيع؟ اين انس العاقب؟ اين الموصلى؟ |
عوض يا جميل
رمضان كريم
ياخي ما الكتاب براهم
الفنانين ذاتهم خلو اجهزة الاعلام الرسمية
وين ابوعركي في الـ 21 سنة الفاتت
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: البشير دفع الله)
|
والإصرار على مُواصلة البرنامِج ، دليل على إنو الإبداع غَير مُتَوفِر ... وبعدين لو "جواهِر" ما إسم مؤثر ، مُسْتضيفا في برنامجو ليه؟ ما عارِف "هَيثم كابو" دايِر شنو مِن "جواهِر" بالضبط ... يا ربي يِكون دايِر "جواهِر" تغني في مِصر "دخلوها وصِقيرا حام" ولا شنو؟ ياخ المصرِيين غير "البامبو السوداني" خِلال الـ50 سنة الفاتت ما بعرفو عن الفن السوداني حاجة ، بِرغم أنف ، كُل الأسماء -شُعراء وفنانين- الإحنا بنحْتفي بيها ... تقوم يا هَيثم كابو ترمي عدم إنتِشار الأُغنِية السودانِية على "جواهِر"
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: معاوية عبيد الصائم)
|
جمال السنوسي
Quote: هيثم كابو عليل
يترصد النساء في كتاباته لخلل بين
يعادي كل نجاح بحقد اعمي
بل يكاد يبدو مختنقا امام الناجحين
مسطح وخائر فكريا
وهو نموذج جيد لما اسميه باالخيابه الصحفيه
التي تطارد التفاصيل الهايفه لفتيات الغناء والمسرح
وهو نموذج مقذذ في الصحافه للعاطلين عن الموهبه |
ياخي هيثم ( خابو) ياخ انت تكون متابع تتخيل دي الكمرة الخفية ياخي دي عوارة وعباطة لكن الكردنال جيهو كويس
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: Nader Abu Kadouk)
|
والله زى ما قال معاوية
دىما مشكلة كابو المشكلة مشكلة التلفزيون الما داير يدى فرصة لمبدعين والبلد عامرة بالكفاءات والكوادر القادرة على ادارة حوار مثقف وجميل
كابوياها دى قدرتو وقدم ما يشبه هذا البرنامج فى هارمونى غلطان البيدى زول محدود الموهبة ومدعى مساحات قدر دا عشان يتفسح فينا
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: mohmmed said ahmed)
|
Quote: والله زى ما قال معاوية
دىما مشكلة كابو المشكلة مشكلة التلفزيون الما داير يدى فرصة لمبدعين والبلد عامرة بالكفاءات والكوادر القادرة على ادارة حوار مثقف وجميل
كابوياها دى قدرتو وقدم ما يشبه هذا البرنامج فى هارمونى غلطان البيدى زول محدود الموهبة ومدعى مساحات قدر دا عشان يتفسح فينا |
محمد سيد احمد
ماياهو دي
يجازي اللي كان السبب
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: حبيب نورة)
|
Quote: لاحظت للحتة دي كم مرة في حفلات الفنانة آسيا مدني ! بتشوف الجمهور المصري بتفاعل أكثر في المناطق الإيقاعية الثريّة وببدأ يحس بالعمل الفني ! |
حبيب نورة
أشهد لك بذلك
وقد حضرت معك ومجموعة من البورداب احدى مشاركات آسيا مدني في جمعية فنية بعابدين في القاهرة في عيد الاضحى الماضي
وبمجهودها الخاص
وشاهدنا كيف كانت استجابة الجمهور لغنائها
بالرغم انها الفنانة السودانية الوحيدة بين كل المصريين المشاركين
يا جماعة فكونا من دخلوها وصقيرا حام
العالم اتطور
يجازي اللي كان السبب
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: معاوية الزبير)
|
Quote: بالإضافة إلى ما كتبه طارق الأمين
فإن الحق ما علي كابو الحق علي اللي جابو التلفزيون وأداهو المساحة دي |
معاوية الزبير
البرنامج ده مفروض يقدم للتلفزيون اضافة جديدة
تشد المشاهدين للقناة
ولكن حقيقة ده خصم على القناة
وضياع لمجهودات سعد الدين ونسرين سوركتي في ادب التحاور مع ضيوف القناة
الله يجازي اللي كان السبب
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: هشام المجمر)
|
Quote: برنامج ومقدم برنامج مجردين من الذوق والادب
فكرة البرنامج مسروقة
من برنامج محمود سعد
لكن فرق كبير بين محمود سعد وهيثم كابو
اسوا حاجة أن تقلد ويكون تقليدك فاشل |
هشام المجمر
الهلالابي الجميل
كل رمضان وانت طيب
فرق كبير بين العندهم والعندينا
الجري والطيران كيف مع ناس كابوس ديل
لا لحقنا الجري ولا قدرنا نطير
والله يجازي اللي كان السبب
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: طارق الأمين)
|
Quote: هيثم كابو عليل
يترصد النساء في كتاباته لخلل بين
يعادي كل نجاح بحقد اعمي
بل يكاد يبدو مختنقا امام الناجحين
مسطح وخائر فكريا
وهو نموذج جيد لما اسميه باالخيابه الصحفيه
التي تطارد التفاصيل الهايفه لفتيات الغناء والمسرح
وهو نموذج مقذذ في الصحافه للعاطلين عن الموهبه
ويمثلهم في الاحياء اولئك المصنقرين امام البقالات متصيدين للقواله والنميمه والشتيمه من قله الحيله والحياء |
طارق الامين
طارق الفنون
انا بيك مفتون
واخاف عليك من العيون
لانك بعيد عن الظنون
عشان كده ناس الشمارات ديل ما بيخلوك
بدفاراتهم
بجرايدهم
ديل اسمهم
اعداء النجاح
والله يجازي اللي كان السبب
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: خالد)
|
Quote: هو فكرتو صاح لكن ما مع جواهر |
خالد شنو الفكرة ياخ
هو في فكرة
ده تسلق هلامي
علا نجاحات ي ناس بنوا نفسهم
وشقو طريقهم بصعوبة نحو المقدمة
وعندما وصلوا
يجوك ناس كابو وامثاله
يقوللو ليك سودانية الغناء
ياخي البنات باعو موبايلاتهم عشان يحضرو حفلات ايهاب توفيق في الخرطوم
هسه منو الببيع موبايلو عشان يشتري تذكرة يخش بيها حفلة لفنان سوداني في القاهرة
الله يجازي اللي كان السبب
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: ALGARADABI)
|
حضرت الحلقه وارتفع ضغطي 300 وقربت الحق الاخره 000 هل يعقل ان الشعب السوداني فيه بشر مثل هذا الشخص مقدم البرنامج 0000 لا حول ولا قوه الا بالله العلي العظيم 000 تدهورت حالتنا منذ عام 1950 الي عام 2010 لان في الشعب السوداني مثل هذا الوباء مقدم البرامج ولا اعتقد ان هذا انسان بل هو كائن غضروفي يعيش في اعماق المحيطات ويرغب في بث سمومه الي اليابسه 000 وليس الحق عليه انما علي الذين مكنوهو في هذه الفرصه 0000 لا حول ولا قوه الا بالله
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: محمد العوض)
|
اخي جمال السنوسي رمضان كريم وتحية طيبة
ياخي بحق كما ذكرت الرجل سخيف يحاسب الناس علي نجاحهم وكل اتهاماته طلعت فشوش مما يؤكد انه يسعي فقط للتدمير وليس البناء بواسطة النقدالهادف والتشريح المفيد
بحق استمعت للحلقة وبرغم عدم حبي لغناء جواهر الا انها وبتهذيبها وصراحتهاوعفويتها جعلتني انظر اليها بعين اخري
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: تولوس)
|
جمال وزوارة الكرام سلااااااام ورمضان كريم يا اهلنا يا حليلي انا يا جيمي رمضان ده الا اقرأ ليكم هنا طبعا ما شفت الحلقة لكن من خلال مداخلاتكم يعلم الله جاتني خمة نفس وهذا الكابو لا ينزل لي من الحلقوم اطلاقا الله يجازي ناس التلفزيون عدييييييييييل بدون لف ولا دوران لانهم هم السبب
وكل عام وانتم بخير
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: اسماء الجنيد)
|
Quote: جمال وزوارة الكرام سلااااااام ورمضان كريم يا اهلنا يا حليلي انا يا جيمي رمضان ده الا اقرأ ليكم هنا طبعا ما شفت الحلقة لكن من خلال مداخلاتكم يعلم الله جاتني خمة نفس وهذا الكابو لا ينزل لي من الحلقوم اطلاقا الله يجازي ناس التلفزيون عدييييييييييل بدون لف ولا دوران لانهم هم السبب
وكل عام وانتم بخير |
سوما المهضومة (باللبناني)
والله بقينا ماسكين الريموت زي تعشيقة العربية
تعشق بين القنوات
قوون
النيل الازرق
الشروق
هارموني
السودان
والامل
زي السواقة في سوق امدرمان
هنا شوية وهنا شوية
تتابع شنو ما تعرف
تشوف شنو ما تعرف
غايتو فاتك المولد وبنات حواء
شوفي ليك نت واسكايبي
عشان نفتح ليك تتفرجي معانا
بس بدون الزول الثقيل ده الاسمو كابووووووووووس
كل سنة وانت طيبة
يجازي اللي كان السبب
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: mohmmed said ahmed)
|
اخي جمال التحيه لك ولضيوفك الكرام
اولا لدي اعتقاد جازم بان الدور الذي لعبته وتلعبه ستونا وجواهر في ساحة الغناء اكبر من دور وزراة الثقافة والاعلام
ان كانت وزارة واحده او اثنتين
واكبر من دور أي فنان علي الساحة حاليا.
فنحن السودانيين عموما لا نسمع إلا صدى أصواتناولا نملك القدرة على أن نُسمع الآخرين صوتناولا نتحمس لنستمع للآخرين... نحن منغلقون على أنفسنا فى كل شئ ولا نريد أن نخرج من القمقم الذى حبسنا فيه أنفسنا ...
كلام جميل دكتور انس العاقب
هو احد شخصين فط في العالم
اشعر عند سماع اسماءهم
بالغثيان
طارق الفنان
انقر منو؟؟؟
يعني لو سمعت اسمو مرتين معناتا حتتلحس عديل
صديقي وليد عبد اللطيف
والله ضحكتني جنس ضحك في قصة تجييه الكاردينال
اامن علي ما ذكره الاساتذه قبلي فان العتب علي التلفزيون نفسه
و بجرد حساب بسيط للشخصيات التي تستضاف حتي علي نطاق كل القنوات
هي نفس الشخصيات تلعب لعبة الفات الفات في ايدينو سبعه لفات ومن قناه لقناه
والمشكله انو لسه الجبه ما وقعت في البير
لكن بالتاكيد صاحبها واحد خنزير
والله يا اخوانا صقيرا حام دي بتعمل لي حساسيه ما عارف ليييييه
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: حبيب نورة)
|
Quote: الجعيلي أفصِح
تعدمني كان فهمت حاجة!
ــــ ياخ كل سنة وانت طيب يا جميل |
يا حبيب نورة
الجعيلي كلامو واضح
هو اول من قدمه هذا الكابوس من قناة فضائية
ولكن كابوس صدق الموضوع وبقى نجم فضائي
باقي ليهو يشغل( العداد )عشان( يحسب ) السرعة
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: جمال السنوسي)
|
Quote: اولا لدي اعتقاد جازم بان الدور الذي لعبته وتلعبه ستونا وجواهر في ساحة الغناء اكبر من دور وزراة الثقافة والاعلام
|
طارق ميرغني
رمضان كريم
آخر حفلة للفاتح حسين ووليد زاكي الدين وحسين الصادق في الاوبرا
تداول الاعلام انها لم تحظى بالحضور الجماهيري
ترى لو كانت هناك حفلة بجواهر هل ستفتقر للجمهر
الفن اصبح صناعة
والصناعة عايزة مهارة
والمهارة تتطلب ذكاء
والذكاء الفني
هو ما يفتقده الفن في السودان
ملحوظة :
قارن ذكاء عمرو دياب في نوعية اغنياته والحانه وحتى هندامه وطريقة تقيدم نفسه كنيو لوووك بن فترة وفترة
وسؤال تاني : هل يمتلك عمرو دياب اجمل صوت واجمل الحان واجمل كلمات
الفرق كبير
ونحن لسه بدري علينا
خلونا في سودنة الغنا تقول الغنا ده كان مستعمر
ويجازي اللي كان السبب
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: جمال السنوسي)
|
يا جماعة رمضان كريم وتصوموا وتفطروا على خير أعتقد أن هيثم كابو إنسان جيد خفيف الظل ولاعب مراوغ فقط عليه تعديل طريقته ... غايتو ما عندكم صليح أبداً ... البتة ... يا هيثم كابو أسمع نضيحتي عدل طريقتك ... دي ولا تستخدمها إلا مع قيقم ... بالله جواهر قمة النجاخ محبوبة الصعايدة ذنبها شنو
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: othman mohmmadien)
|
Quote: يا جماعة رمضان كريم وتصوموا وتفطروا على خير أعتقد أن هيثم كابو إنسان جيد خفيف الظل ولاعب مراوغ فقط عليه تعديل طريقته ... غايتو ما عندكم صليح أبداً ... البتة ... يا هيثم كابو أسمع نضيحتي عدل طريقتك ... دي ولا تستخدمها إلا مع قيقم ... بالله جواهر قمة النجاخ محبوبة الصعايدة ذنبها شنو |
عثمان
جيد مين يا جميل
الجود بالموجود
ده لو في موجود
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: تولوس)
|
جمال والمتداخلين تصوموا وتفطروا على خير
كابو ليس كبيرا على النقد .. لكن أجدكم تجاوزتم جواهر وكأنها خليفة أم كلثوم .. أو منى الخير زمانها .. رغم ان جواهر نموذج صارخ للاستلاب والشعور بالدونية .. هل يعني ذلك أن مقولة الوصول للعالمية يبدأ بالمحلية لا تنطبق على كل الشعوب أم ان العولمة تجاوزت تلك المقولة البالية ؟ .........
| |
|
|
|
|
|
|
Re: يا هيثم كابو ... ياخي إنت ثقيل ثقالة (Re: حبيب نورة)
|
سغيل ولا عوير؟؟ شاهدت اكثر من تلاته حلقات وقلت امكن عنده حاجه لقيتو معلم الله ...لكن يا جماعه كابو ده جزء من منظومه(اعلاميه) كامله تجد فيها هيثم والهندى عزالدين وكل من تقطعت بهم السبل ليصاروا وابلا من البؤس على رؤس الشعب السودانى ...للحقيقه اقول ان من البرامج الناجحه التى شاهدتها مؤخرا ( برنامج مراجعات ) والذى يقدمه الاستاذ الطاهر حسن التوم فالشاب بالرغم من حداثة تجربته فقد استطاع ان يحاور شخصيات كمنصور خالد والصادق المهدى وغازى العتبانى واستطاع عبر مسيرة برنامجه ان يطور تجربته خلافا لكابو الذى يجعل من برنامجه مطارده اشبه بتوم وجيرى ويجعلك وضيفه فى حالة لهث ودونما طائل.
| |
|
|
|
|
|
|
|