|
|
 Re: ابو البنات .. شرفتنا الان بحضورها الى الدنيا البنت الثالثة (Re: وليد محمد المبارك)
|
ألف حمداً لله على سلامة المدام
مبارك تشريف الأميرة
جعلها الله تعالى قرة أعين لكما
وحفظها وأخواتها وأخوها
________________________
( ود ) اسم جميل لكنه معرض للقراءة الخاطئة
يقرأ مثلاً بفتح الواو فيصبح ود وليد كأنه ( ولد ) وليد
تخطئ صديقات كريمتي ( ومضة ) في نطق اسمها
فتأتينا ثائرة من الباب
" خلاص الأسامي في الدنيا دي خلصت ما لقيتو لى إلا الإسم الكلو شبك دا ؟؟ "
| |
 
|
|
|
|
|
|
|
|
Re: ابو البنات .. شرفتنا الان بحضورها الى الدنيا البنت الثالثة (Re: naeem ali)
|
الأخ وليد عملت شوية بحث و زي ما قلت ليك فوق الصحيح أن ترسم شذا و ليس شذى فإذا بقيتو على الاسم دا اكتبوه صاح في شهادة الميلاد. سبب انتباهي للموضوع أن أختي الصغرى اسمها شذا و متذكر طشاش طشاش أيام ولادتها صادف أن علق المرحوم بروفيسور عبد الله الطيب رحمه الله و أحسن إليه في التلفزيون و نبه على أنه من الخطأ كتابتها شذى. و للكلمة معان كثيرة أجملها حدة ذكاء الرائحة و المسك و نقل صاحب لسان العرب عن الأصمعي قوله: الشذا من الطيب و يكتب بالألف.
| |
|
|
|
|
|
|
|
|
|
Re: ابو البنات .. شرفتنا الان بحضورها الى الدنيا البنت الثالثة (Re: مجدي نقد)
|
مبروك سعادة النقيب أركانحرب ديش ، وليد ..
ألف مبروك والله ، وحمد الله على سلامة أمها ، وربنا يحفظها ليكم ويحفظكم ليها
أسمع كلام الحكومة، وعمك خدر ، والتزم بحرف الشين
ودي ما داير ليها شورى
تصدق وتؤمن بالله يا مواطن ؟؟
أنا كان نفسي في بنية اترقي بيها من ملازم أول لنقيب ركن طبار بوليسي
الجنة مضمونة يا أصلي ، لكن ربك رزقنا بضكر والحمد لله
الأناتي حلوين والله...
ما يجونا (الجنادر) يخلو ريحتنا طير طير ..
| |
|
|
|
|
|
|
|
|
|
Re: ابو البنات .. شرفتنا الان بحضورها الى الدنيا البنت الثالثة (Re: Awadallah Bashir)
|
مبروكـ يا وليد ياخي وحمداً لله ع السلامة
بختكـ كده الجنَة مع حبة إجتهاد منكـ ( ضمنتها ) 
بعدين كده ضمنت ليكـ تلاتة بيوت تجيكـ بعدين ( بس أًصبر شوية ) وصبِن الشرتيت من حسي
ديل الله يديهم العافية بياخدن بس
الليلة كان سد مال آخر أخواتي الخمسة
أبوي دقَ لي تلفون بعد اللمة انتهت وقال لي بعد ده أملأ حقتي صعوط وما في زول عندو حاجة عندي وأديها نومة دون هم 
| |
|
|
|
|
|
|
|
|
|
Re: ابو البنات .. شرفتنا الان بحضورها الى الدنيا البنت الثالثة (Re: لطفي علي لطفي)
|
حمدلله على سلامة امها وربنا يديها العافية
والثالثة ثابتة يا وليد .. وكفاااك والله كفاك ,,
عارف يا وليد عندى صاحبتى (معروفة لديكم لوووول )
بتقول : الزول بطلقوا على اسم عشان يتميز
عشان يميزوه من الناس الحولو لما يقولوا لى يا فلان
يتلفت هو هلى وجه التحديد .. اها تكرار الاسامى دا
قلل من الحكمة فى التسمية ذاتها .. يعنى اتخيل ولدك
دا فى الصف لما ينادوا بى اسمه (فقط) كم طالب ح تشملهم
المناداة دى ؟؟؟ عييييييك ياقول عمو بشاشا
شذى اسم حلو لكنه كتر ، بقى كتييير اى زول داير يتفلهم
بى لا سيما وانو فلهمة الاسامى دى مجانا .. لووووووب
لكن (ود) دا اسم رهيييب والله حلو عديل كدا ومافى ،، نادر
ودا الاهم .. وما افتكر انو امها ح تمانع بى
شوية حنك كدا هى ذاتها ح تكون مبسوطة ،، حاول غايتو
وح يكون ليك اجر المحاولة ل دينا ,,,
ــــــــــــــــــــ
انا ما كلمممممتك قلت ليك حسادتك دى بتولدك
البنات ؟؟
انت فى الخلفاء الراشدين ولا فى
بتى العايزين نعرسها لمحمد ال ابت تمرق دى !!!
من المدفع ابت تمرق ومن الخاذوق ابت تمرق
وغايتو ابت تمرق ابت تمرق كلو كلو ! لوووووبوووب
| |
|
|
|
|
|
|
|
|
|
Re: ابو البنات .. شرفتنا الان بحضورها الى الدنيا البنت الثالثة (Re: Adam D.El-Asha)
|
The Wood is beautiful, dark, and deep
And I have promises to keep
And miles to go, before I sleep
انا مع دينا خالد ... يا ودود ... يا ابو الود ...
ولمّن تكبر قول ليها "زماااان كنّا بنشيييييل الود .... ﭽك ﭽك"
(عرِّفا بالألف واللام ... زى اسامى حبوباتنا "النخيل" "البراق" "الحرم" "السيدة" "السعيدة" ... سمّيها "الود الوليد ..... محمد المبارك")
عشان ما تقعد ليك "شذى زهرٌ .... ولا زهرُ" ....
انشالله ربنا يغتّى عليكم ويخليهم ليك ويخلّيك ليهم .... وتهانينا للوالدة ...
... المهم ....
| |
|
|
|
|
|
|
|
|
 Re: ابو البنات .. شرفتنا الان بحضورها الى الدنيا البنت الثالثة (Re: Abdelrahim Elamin)
|
يـــا تلتمية ألف مــرحــبـا بمقدم البنوتة العسل يا صاحبي..
حمد لله ع سلامة مامتها.. وبارك لأخياتها وأخوها الملك..
ما عارفة إخترتو الإسم ولا لسة.. لكن لو سميتها "زينة" حلق الدهب يصلها بكرة بالدي أتش أل (0:
بعد ده ضمنت ليك مقعد في الجنة جنب ود الصايم (3 بنات وكده..).. خلو بالكم بس من السندس والأستبرق لغاية ما ننضم ليكم..ههههههه
مــــبـــــروك،،
| |
|
|
|
|
|
|
| |
عاطف عمر
البشير دفع الله
BAKTASH
وليد عبد اللطيف
بدر الدين اسحاق احمد
أيزابيلا
الصادق ضرار
الشفيع وراق عبد الرحمن
بكري عباس علي
amir jabir
talha alsayed
طارق جبريل
كمال عباس
naeem ali
خضر حسين خليل
محمد على طه الملك
Al Sunda
Elawad
ABDALLAH ABDALLAH
ALGARADABI
ابو جهينة
Ashraf el-Halabi
هجو الأقرع
محمد عبد الماجد الصايم
Awadallah Bashir
حسام يوسف
عمران حسن صالح
دينا خالد
محمد الجزولي
saadeldin abdelrahman
rosemen osman
ناصر احمد الامين
محمد المرتضى حامد
كمال سالم
mekki
JAD
Hadeer Alzain
عمر التوم
Adam D.El-Asha
تبارك شيخ الدين جبريل
عبد الله كسلا
motaz
محمد علي شقدي
الشاذلى خيرى عبد الله
انعام حيمورة
إدريس محمد إبراهيم
أبوعبيدة محمد الأمين
امير مصطفى احمد
حافظ حسن ابراهيم
مرتضى احمد عبد القادر
سلمى الشيخ سلامة
النذير حجازي
إسماعيل التاج
نيازي مصطفى
Hussein Mallasi
mayada kamal
Abdelrahim Elamin
Raja
محمد إبراهيم علي
عمر عبد الله فضل المولى
Shams eldin Alsanosi
أحمد الصديق
سناء عبد السيد
doma
داليا الكباشى
ناذر محمد الخليفة
HAYDER GASIM
محمد مكى محمد
HAIDER ALZAIN
الصادق خليفة
الفاتح ميرغني
خالد عبد الله محمود
haroon diyab
هاشم نوريت
خالد العبيد
ماجدة عوض خوجلى
السمؤال بدرالدين
معتصم دفع الله
ibrahim alnimma
أمين محمد سليمان
فيس بوك
تويتر
انستقرام
يوتيوب
بنتيريست