|
|
 Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
الاخ العزيز ود العباسية
لك خالص الشكر مع وافر التقدير للإستجابةأعلاه بخصوص بشير عباس .
النقد والتعليقات التي تصحب هذا البرامج "اغاني واغاني"
من عمنا السر قدور او خلافه في اعتقادي لها اهمية كبري كما الاغاني نفسهاوهذا
ما نتطلع اليه.
تعليقاتكم والنقدالطريف في هذا البوست اضاف ابعاد جمالية لهذا البرنامج.
تحية للجميع.
تحية خاصة للاخ سفيان بشير نابري علي متعة التعليق..حقيقة انسان ممتع جدا
في طريقة نقده مع كمية الظرافة والطرافة المتدفقة .
اكرر شكري
عوض شيخ ادريس حسن
| |
 
|
|
|
|
|
|
|
 Re: برنامج اغانى واغانى فى دورتة الخامسة على النيل الازرق وعلى المنبر (Re: خالد حامد الجزولي)
|
سلام يا شباب ورمضان كريم تصوموا وتفطروا على خير
جاتكم نجيضة من الإيميل بتاعي
Quote: الاخ الفاضل ود الصائم رمضان كريم
ارجو ان تدى النجيضة دى لبوست اغانى واغانى وبالمرة لعمك قدور
اغنية الليلة وين يا بنية
كلمات الشاعر عوض جبريل
الحان وغناء الفنان خلف الله حمد
الليلةوين يا بنية
مساهر الليل والنوم ابى ليا
يا الخدرة الروية جروفة
لى شوفتك رويحتك لهوفة
اصلو الكية لى مخلوفة
اصلو القسمة ما معروفة
بموية الشباب رويانة
كاتلة قلوبنا ما دريانة
الناس بى وراك تعبانة
كنك عارفة ومكاويانا
شعرك ليل ضميرك قبضة
سنك لونا زى الفضة
حبك فينا كزز وعضى
لو كان نابى او كان ان نرضى
دايما بمشى ليها برايا
وما بهتم للحراية
ام خدا كانو مراية
نسانى العقاب بى ورايا
اما اغنية الليلة وين انا الفى عصر مرورو فهى من كلمات شاعرة قروية اسمها نفيسة بت بياكى والحان خلف الله حمد تداولها الناس بعد ذلك حتى رست فى مرسى اغنية بنات بالطبع كان فبها الكثير من التعديل باضافة وحذف ابيات هذه المعلومة سمعتها من المرحوم عبد العزيز عبد الله عازف الايقاع فى فرقة الوالد رحمهما الله
شكرا لزوار البوست الكرام وللاخ عباسية وشكرا ود الصايم ساكتب كلمات اغنية الليلة وين الفى العصر مرورو
يا ود الصايم ما نزلت الرسالة ليه يااخى
اخوك الحبر خلف الله حمد
فرجينيا |
الحبر يا عمكـ
معليش والله .. أخوكـ مرات بكون خارج الشبكة وكـدا
بعدين الخميس والجمعة ما قاعد أقرّب الإيميل دا ليه ما عارف!
قاعد يعمل لي خمّة نفس
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: محمد عبد الماجد الصايم)
|
اخونا ود الصائم حبابك ،،
والف مرحب بى الحبر خلف الله حمد ،،،وهو يتابع البوست من على البعد ،،
ونتمنى انه يواصل معانا فى التوثيق اكيد هو ملم بى كثير من الاشياء ،،
والله يا سفيان ،،،
فكرتك جميلة بتاعة نحدد نجم للحلقة ،، انا كنت بخت رابط للتصويت على الاغنية
فى موقع الفيس بوك وقروب اغانى اغانى هناك ،،
لكن مافى مانع نعمل برانا تصويت هنا عن النجم البكون فى الحلقة من حيث الاداء
والحفظ والملبس ،، والحضور فى الحلقة ،،
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: خالد حامد الجزولي)
|
Quote: أخونا/ ضياء .. كلامك أدناه .. ريحني جداً
Quote: اختلف مع سفيان حول اداء صباح هذه اللية لانه كان بديعا
لأن تعليقي أدناه ..
Quote: الغريبة ... صوت صباح هنا جميل جداً ... ولا فقط بالصدفةإتناسب مع الأغنية ؟؟؟
صوت صباح مغطي على صوت طه ؟؟ ولا أنا سمعي طش ؟؟؟..
تعليقي ... بتاع زول عنقالي ساي ...
وسفيان نابري فطس لي كلامي ...
غايتو الحمدلله ... سمعي كويس .. الظاهر كده ...
|
ابداً يا فرد الاتنين محتاجين تسمعوا الاغنية دي تاااااني
صباح نشاز تمام وجيدة جداص دائماً في النشاز ده وباصرار
عجيب خالص خالص .
واهم حاجة في مداخلة ضياء دي هي انها بتأكد الوضع العام
لصباح بانه سئ الآداء والدليل أنه لوهلة واحدة ضياء اداها
امتياز في الاغنية دي (وامتياز ضياء ده وضع نفسي معين في
لحظة سمع ضياء للاغنية دي) .
صباح يا ضياء وحاتم ليس هي العنصر الذي يستمر ابداً إذا
كان الاستمرار هو جودة الصوت والآداء .
Quote:
تحية خاصة للاخ سفيان بشير نابري علي متعة التعليق..حقيقة انسان ممتع جدا
في طريقة نقده مع كمية الظرافة والطرافة المتدفقة
|
والله يا ود الحسن (اوضعته تخاجلنا) رسمممممي ياخ وما عارف اقول ليك
شنو ذاتو !!!! بشكرك شديد ياخي واهو الواحد بيعبر عن رايو بصراحة
وحرية ومعليش مرات بكون حاد شديد لانو بالجد في اغنيات مابتقبل
الخرمجة واللعب البيبقي فيها ده ياخ .
وبالجد ما عندي اي حاجة أو موقف ضد واحد من الفنانين أو الفنانات
ديل وبقدرهم وبحترمهم وكل هدفي انهم يمشوا قدام بالغناء السوداني
ويسقونا معاهم .
محبة شديدة ياخ ويدك معانا .
اها يا شباب مقترح :-
رائكم شنو من هنا لي قدام نسمي نجم أو نجمة الاسبوع في برنامج اغاني واغاني؟؟؟!
بالمناسبة ...
أمس الركز منو مع بتاع البيز؟؟؟!
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
Quote:
سلام يا شباب ورمضان كريم تصوموا وتفطروا على خير
جاتكم نجيضة من الإيميل بتاعي
Quote: الاخ الفاضل ود الصائم رمضان كريم
ارجو ان تدى النجيضة دى لبوست اغانى واغانى وبالمرة لعمك قدور
اغنية الليلة وين يا بنية
كلمات الشاعر عوض جبريل
الحان وغناء الفنان خلف الله حمد
الليلةوين يا بنية
مساهر الليل والنوم ابى ليا
يا الخدرة الروية جروفة
لى شوفتك رويحتك لهوفة
اصلو الكية لى مخلوفة
اصلو القسمة ما معروفة
بموية الشباب رويانة
كاتلة قلوبنا ما دريانة
الناس بى وراك تعبانة
كنك عارفة ومكاويانا
شعرك ليل ضميرك قبضة
سنك لونا زى الفضة
حبك فينا كزز وعضى
لو كان نابى او كان ان نرضى
دايما بمشى ليها برايا
وما بهتم للحراية
ام خدا كانو مراية
نسانى العقاب بى ورايا
اما اغنية الليلة وين انا الفى عصر مرورو فهى من كلمات شاعرة قروية اسمها نفيسة بت بياكى والحان خلف الله حمد تداولها الناس بعد ذلك حتى رست فى مرسى اغنية بنات بالطبع كان فبها الكثير من التعديل باضافة وحذف ابيات هذه المعلومة سمعتها من المرحوم عبد العزيز عبد الله عازف الايقاع فى فرقة الوالد رحمهما الله
شكرا لزوار البوست الكرام وللاخ عباسية وشكرا ود الصايم ساكتب كلمات اغنية الليلة وين الفى العصر مرورو
يا ود الصايم ما نزلت الرسالة ليه يااخى
اخوك الحبر خلف الله حمد
فرجينيا
|
لا حولااااااااااااااااااااااااا
يا ود الصايم نجيضتك توقف القلب
رسممممممي والله !!!!
معقووووول الكلام ده!!!! معقووووول!!!! أنو عمنا قدور يقول معلومة غلط زي دي بدون يرمش ليهو جفن ساااكت !!!!
الحالة دي بيقولوا برنامج توثيقي!!!! بالجد يا جماعة لابد من رفع مذكرة بكافة الاخطاء بتاعة التوثيق (الكلام
ده انا قلته في الصفحة الخامسة تقريبا) وبرشح انو اعضاء جمع الاخطاء يكونو :- اخونا أحمد القرشي - ومحمد المرتضي
حامد و أحمد الامين) الموضوع خطير ياناس وما تتجاهلوهوا.
شكراً يا ود الصايم
وشكري لاخونا الحبر بفرجينيا.
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
على مدى الحلقتين من البرنامج لم يذكر السر قدور اسم البلابل اطلاقا"
بينما ذكر بشير عباس اسم البلابل عرضا" عندما اتت سيرة الشاعر جعفر فضل المولى
اما عن الفنانين انا ما عارف اى حوت واى حودة انتو بتقصدوه
تأسفت وتحسرت على اغنية كنوز محبة بهذا الاداء الباهت من محمود
وتألمت ايضا" عندما غنى فرفور اغنية بالى مشغول لزيدان فى حلقات سابقة
معقولة يا ناس ديل فنانين ، كنوز الغناء السودانى ما حافظنو وبيقرو من الورقة
والله حصة الاناشيد فى الابتدائى ما كنا بنقرأ من الورق ، الفنان تايه ما بين قرأة
كلمات الاغنية وما بين اللحن .
للمعلومية اغنية حب وامل ( الليلة مسافر للدار مقادر ) هى من كلمات
الشاعر على سلطان وليس جعفر فضل المولى
صباح بتمط الجملة اللحنية اكثر من اللزوم وهندها فرق زمن عجيب
فرفور ضحكنى فى اغنية رجعنالك ، لا اداء ولا حفظ كلمات ولا حفظ لحن حتى ..
منار وريماز نجحو لحد ما فى البيسأل ما بتوه ، بينما رماز تعسرت كثيرا فى نسيتنى انا
شريف الفحيل برافو عليهو فى طير الجنة
عموما" اسعدتنى طلة بشير عباس عبر الشاشة ممع تمنياتى له بدوام الصحة والعافية
ولسنجك الغناء السودانى اقول عل الاصل دوووور
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: عبد الدائم سيد أحمد)
|
Quote: صباح بتمط الجملة اللحنية اكثر من اللزوم وهندها فرق زمن عجيب
|
سلام يا عبد الدائم ياخ
وكلامك ده قلناهو فوق ضياء وحاتم شالو حالي
هاهاهاهاهاها
عليك الله كلمهم تااااني وخليهم يركزوا .
عجبني كلامك شديد ياراجل وعجبني وضوحك فيهو
كمان .
اما معلومة علي سلطان وجعفر فضل المولي دي
مصيبة كبيرة تتبع للمصائب بتاعة توثيق قدور
وعليكم الله اعملوا لينا بوست بتوثيق اخطاء
التوثيق .
ارقد عافية .
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
أهلين .. ياشباب ..
اليوم من بدري ...
..
عن موضوع التصويت للأفضل ...
أنا بصراحة لي كم يوم بفكر في بوست عن الأضعف خلال الشهر ..
بحيث يتم إستبعاده في الموسم القادم ...
الفكرة الأساسية
- الأضعف في أغاني وأغاني 2010م .
1- يتم ترشيح 3 مطربين و3 مطربات كـ الحلقة الأضعف في المجموعة .
2- توضع KPI's واضحة لقياس الأداء - يتم الإتفاق عليها بعد الرجوع للفنانين في البورد .
3- يتم فتح باب الترشيح لأعضاء البورد والمتصفحين عن طريق إيميل موحد ، ويمكن الإستعانة بالـ Face book
4- أي أفكار أخرى .
وفي النهاية يتم رفع النتيجة النهائية
رأيكم شنوووو؟؟؟
؟؟
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
مقطع من الزهور والورد... عصام وتالاهون ....
الحوت ... وإبتسامة خفيفة..
وفرفور سرحان في ملكوت الله ...
ومحمدية منفعل وبغني ...
__
الحوت ...ومقطع من أذكري أيام صفانا ....
وااااضح جداً ... عدم الحفظ ...
معقول بس ياحوت ...
____
الزهور نايمة وإنت صاحي ... أحمد الصادق ...
بصرااااحة ...مافهمت أي حاجة ... الأغنية دي سمعتها قبل كتير ...
بس أول مرة بالصوت ..والأداء ده ...
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
نعود للحلقة بعد دعايات كتيرة وبايخة
يتحدث السر قدور عن اغنية في الضواحي
وقال انها تغنت بها المرحومة فضيل
الله والسر يغنيها بطريقة عجيبة ومحمود
يضحك ضحك شديد (والله ياهو البيضحك)
عاصم البناء يغني من محاسن حسن المحاسن
وطبعاً ده مسح عاصم زي ما قال محمد المرتضي
وعاصم بمهارة فائقه يغني الجزء الذي غناه .د
طه ابضر يغني اغنية العبادي شوف محاسن حسن
الطبيعة (يا جماعة طه بدون صباح) ...
طه يغني بمزاج وامتياز ودويتو مع صاحب
المسبح ( عاصم) حاجة جميلة جداً .
عصام ونادر واغنية الشفيع الخالدة (الزهور
والوردي) دخول ممتاز وكورال جماعي ممتاز
وعصام يستلم ويغني بدرجة امتياز( يا جماعة
عصام الليلة في احسن حالاتو الحركية والحيوية
وده ظهر في الاغنية) نادر يستلم وتنتقل له
حركة عصام مما يدي آداء نادر امتياز بس حشر لينا حبيبو.
السر قدور يتحدث مع محمود انك بتغيب حلقة وتظهر حلقة
محمود الامبراطور يغني اذكري ايام صفانا ومحمود شغال
بامتياز (رغم البخرة) .
واغنية ود الريح الزهور صاحية وانت نايم يغنيها أحمد
الصادق بآمانة أحمد الصادق عجبني في الاغنية دي واشتغل
فيها بدرجة ممتازة والاستديو مبسوط جداً ومحمود منتشي
من الاغنية ومحمدية وعازف العود اخر انبساطة وبالجد
آداء قمة الروعة .
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
صباح وداك الصباح اهو لاح للشاعر عبد المنعم عبد الحي ...
ويدخل معها فرفور والكوبليه الاول يستلمه فرفور ويغنيه بشكل جيد (يتخيل لي انو فرفور بيتعب في حتات معينة لدرجة انو عرقو رقبته تظهر ويهز رأسه بشدة) صباح تستلم ويا جماعة للمرة المليون صباح دي صوته فيهو مشكلة والمرة دي انا شاعر بيهو مشرط مشرط .
ريماز وفرفور ووجه القمر سافر و آداء ريماز مية المية وممتاز حفظ واستلام .
اغنية اللوان الزهور لعبد الرحمن الريح وشموس قطع شك نجمة هذه الحلقة دون مناز البت فنانة وتحس الغناء وخلت فعلاً الاغنية اللوان للذهور
زعمكم محمدية واسماعيل اخر كيف ومزاج وشموس مرتااااحه في الآداء من غير ضيق أو تشنج لا في العالي لا في المنخفض .
ختام مسك رسمي من شموس.
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
غايتو محمود بشتن في الضواحي وكوجما كوجمة ما يعلم بيها إلا الله ...!!!
وألذ حاجة لمن السر قدور بيختم في الحلقة ..!!جايبين وراهو محمود وهو بيتثاءب ونعسان ..!!
التقول عمل حاجة تنعس ...!!
غايتو يا ناس قناة النيل الازرق شوفوا ليكم حداد ولا نجار يفرتق المرجحانيات الخاتنها تحت الكراسي دي ..!!
الكراسي دي ما صحية اطلاقا ولا مريحة لي زول داير يغني ..!!
وخاصة لو كان عندو ساقين طوال وشرابات لونا أبيض ..!!
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حامد محمد حامد)
|
Quote: Quote: KPI's
متابعين
|
حامد أخوي ... مساك خير ...
ياخي كتر خيرك على المتابعة ...
الفكرة .. ممكن تنجح بإمتياز ..
الخطوة الأولى نتفق على تحديد مؤشرات الأداء للمغنين المشتركين في البرنامج ..
وبعديها نبدأ في القياس من خلال تقيم البورداب والمتصفحين في إطار القيم المعطاة أعلاة ..
الحاجة الأساسية ... ضرورة إدخال مؤشرات مقترحة من الزملاء الفنانين ...
وطبعاً برضه مؤشرات للناس العاديين (السميعة) عشان يكون فيه نوع من التوازن ..
وبعديها ... نحصر ونحسب ...
..
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: saadeldin abdelrahman)
|
الملاحظ تشابه الألحان فيما بين: الضواحي, و محاسن, و محاسن التانية
بس الأولى قادلة و ناس محاسن جاكين, ما هو رأي ود القرشي هنا!
الملاحظ كذلك أن موسيقى الأغنية السودانية أمتع في الأغنية الخفيفة (الزهور صاحية مثلا)!
أحمد الصادق و ريماز نجم و نجمة الحلقة..
وجه القمر أكثر الأغنيات تطريبا, كلمات و ألحان..
عمر القصاص و نسيبو سعد الطيب شغالين بمزاج, و مرحب بعودة القصاص
حكاية البخرات و عدم الحفظ ظاهرة سيئة و سببها قرب موعد الإعداد و البروفات من موعد بث الحلقات في رمضان, بالإضافة إلي الكسل!
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: awad hassan)
|
| Quote: يا عبده الكمنجات ما موزونة منشزة عديل خاصة بتاعت عمك محمدية تصدق |
حبيبنا ديد الف حمدالله علي السلامة ورمضان كريم ياخ
القصة بقت اقرب لام كيكي للاسف الشديد
| Quote: اما يا ود العباسيه محمود عبد العزيز لا يقارع في الاداء وصوت جميل ومدهش لكن اليوم غني اغنيه من اصعب اغاني زيدان والشي اللي ما عاجبك كما ذكرت انه وللاسف لاول مره اسمعه يخرج من الزمن ولاكثر من مره... |
الاخ طارق ميرغني تحية واحترام
اتفق معاك في الكلام الفوق لكن
الا في حكاية خروج محمود من الزمن
محمود ماطلع نهائي راجع الاغنية
مرة واتنين وكما زكرت يبدو ان
محمود عبد العزيز لم يوقع الاغنيه مع الاوركسترا
للمرة الكم لو محمود غني وهو واقف ممكن يكون
مرتاح اكتر من القعدة الكعبة دي.
تحياتي اخي طارق
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: عبد الرحمن حمد النيل)
|
Quote: ولكن ارى افضل من غنى لهم اذا كان اصوات نسائية او رجالية
افضلهم الفنان الشاب ( مصطفى حمزة) |
وليد عبداللطيف سلامات ياخ لكن
هاي ماحبيتا منك ابنوب
Quote: ستمعت لمصطفي حمزه قبل عدة ايام
مع المذيع الطيب عبد الماجد
صوت رديء واداء زي الزفت
لا ادري ان انتم تقصدون هذا الصوت ام صوت قديم غير ذلك |
الاخ طارق ميرغني والله كتر خيرك ياخ
وكانت الحلقة في نفس يوم حلقة
الاستاذ بشير عباس بالنيل الازرق
مصطفي فارق فراق الطريفي ل...
وبما انكم الاتنين من بحري ومصطفي حمزة من بحري
مخصوم من بحري 50 نقطة
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: عبد الرحمن حمد النيل)
|
ود العباسية ..
رمضانك كريم رغم تاخيري في المداخلات
لكن مرور انا يوميا قبل ما اعمل اي حاجه بمر على تعليقاتكم على الحلقات
شكرا ليك وياهم ديل ناس العباسيه (وانشاءالله تكون شرق طرمبة عابدين وكدا
المهم دا مرتع صباي ..في الايام الخوالي
شكرا كمان لكمين واحد واخص العزيز سفيان (الغشوه المراكبيه )وطلع هو برضو غشاش ....(خارج النص )
الحلقه المضت كانت جميله
ضحكة محمود ....جعلتني
انوم قريرة العين ...
محبتي
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
اؤيد بشده حديث الاخ ناذر
فهذه الكراسي لا تصلح لمطربين
تصلح لعشرة ونسه او لكبار رجالات الدوله او لغيرهم بالمعاش
محمود صار يغني كانه عايز يقلع ضرس
اخي عبد الرحمن حمد النيل
الاخ طارق ميرغني تحية واحترام
اتفق معاك في الكلام الفوق لكن
الا في حكاية خروج محمود من الزمن
محمود ماطلع نهائي راجع الاغنية
مرة واتنين وكما زكرت يبدو ان
لا من ناحية في طلوع من الزمن ...في
يمكن ان تقول الطلع منو ؟الاوركسترا ولا محمود لكن في طلوع
وانا اندهشت لاني علي ثقة تامه بان محمود من اقوي الفنانين زمنا
استمع الي الاغنيه مرتين وتلاته
ولو في اخر مؤيد او معارض فليؤكد
________________________
بالفعل اخي عبد الرحمن حمد النيل
والراجل ده ضرسني عديل
الخصم ده ما بنرضاهو
لانو الشباب البيطربونا ديل معظمهم من بحري
فرفور ومحمود وطه سليمان وحتي شموس كمان
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: محمد مكى محمد)
|
Quote: اختي تيسير عووضه
تقصدي طارق ابوعبيده ولا طارق ميرغني
وفي الحالتين مشكوره
وبامانه محمود عبد العزيز حالة ادمان |
أستاذنا طارق ميرغني
أنا كان قصدي طارق أبو عبيدة
لكن دا ما بيمنع إنك برضو فنان ورأيك محل تقدير و كمان اسمك طارق 
تحياتي وتسلم ،،
ـــــ
Quote: وبرضه من حسنات الإغنية أرجعت لدينا قدامى اللاعبين في البوست ..
أختنا / تيسير ، وأخونا المعز ... |
والله يا حاتم العبيد يا خوي الحالة ما مطمنة كلو كلو
يوم تمام ويومين لأ
شي بخرات وشي ألوان كيف كيف
جهجهونا زاتو
لا وبعد دا ما غنوا بتعرف إني من أجلك
ياخ دا من أعظم الألحان العملها بشير عباس
لكن نقول شنو بس !
ـــــــ
خدر والخير
شايفة عجبتكم حكاية رجل ذويقة دي
لكن ما مشكلة
بجي الخريف والأخ تايسا حيقول ما راجع 
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: تيسير عووضة)
|
أبو الفن ( طارق ميرغني )
Quote:
لا من ناحية في طلوع من الزمن ...في
يمكن ان تقول الطلع منو ؟الاوركسترا ولا محمود لكن في طلوع
وانا اندهشت لاني علي ثقة تامه بان محمود من اقوي الفنانين زمنا
استمع الي الاغنيه مرتين وتلاته
ولو في اخر مؤيد او معارض فليؤكد |
الحوت يقود ولا ينقاد
الاوركسترا لم تستطيع مجارات محمود لعدم عمل بروفات أكيد
لذلك طلعت من الزمن وحاولت تلملم نفسها
وكما معروف عن محمود ( الحوت الذي لايموت ) يفرض استايلة ولونيته في الغناء
وغناها بطريقة تختلف عن اداء الحقيبة ( اولاد الموردة ) وكما تم توزيعها موسيقا بطريقة لم تختلف عن اللحن الاول غير ادخال الاوركسترا
والحوت غناها يا احباب بطريقة يتذوقها فقط من يسمع محمود جيدا
واكيد الناس لانها تعودت سماعها بطريقة وغناها محمود بطريقة مختلفة تماما
لذلك الناس شعرت بفرق في الاداء وظن لهم انه طلع من الزمن ..
(وما قتلوه وما صلبوه ولكن شبهه لهم ..)
تيسير عووضه
Quote:
لكن كل يوم من سيء لأسوأ
معقولة ياخ!
البت لا صوت
لا حضور وتفاعل
لا روح
لا لبس
وكمان ما حافظة!
دي شنو الكآبة دي؟؟ |
الله يكون في عونها البت دي
لكن رايك شنو في شموس (ياجماعة ما قلنا بحري ساكنها جان )
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: وليد عبد اللطيف)
|
يا وليد عبد اللطيف وكل الاخوان
في تقديري انو شموس افضل صوت
نسائي في حلقات برنامج اغاني
واغاني .
بسم الله ماشاء الله البت نفسه
مرتاح وتجاوبه اللحني والموسيقي
مية المية مع خيال جيد جداً في
توزيع مقدار النفس في مخارج الحروف
اضافة للخيال الصوتي في الحليه
التطريبية مع وقف ومد بالمقياس
ماشاء الله عليها البت خطيرة وعندها
حضور طاغي وحيوية قمة في الروعة .
لي قدام يا شموس وفعلاً نجمة
(دائماً بنقول نجمة ونجم فالنجوم
لها بريقها الاخاذ) .
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
Quote: في تقديري انو شموس افضل صوت
نسائي في حلقات برنامج اغاني
واغاني .
بسم الله ماشاء الله البت نفسه
مرتاح وتجاوبه اللحني والموسيقي
مية المية مع خيال جيد جداً في
توزيع مقدار النفس في مخارج الحروف
اضافة للخيال الصوتي في الحليه
التطريبية مع وقف ومد بالمقياس
ماشاء الله عليها البت خطيرة وعندها
حضور طاغي وحيوية قمة في الروعة .
لي قدام يا شموس وفعلاً نجمة
(دائماً بنقول نجمة ونجم فالنجوم
لها بريقها الاخاذ) . |
مية مية يا ابوالسيوف
الراى دا كنت عايز اكتبه من بداية البوست
لكن لاوزت من الفطاحلة الحايمين هنا...
البت مولودة بي سنونها.
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
الكشيف سفيان نابرى
Quote:
يا وليد عبد اللطيف وكل الاخوان
في تقديري انو شموس افضل صوت
نسائي في حلقات برنامج اغاني
واغاني .
بسم الله ماشاء الله البت نفسه
مرتاح وتجاوبه اللحني والموسيقي
مية المية مع خيال جيد جداً في
توزيع مقدار النفس في مخارج الحروف
اضافة للخيال الصوتي في الحليه
التطريبية مع وقف ومد بالمقياس
ماشاء الله عليها البت خطيرة وعندها
حضور طاغي وحيوية قمة في الروعة .
لي قدام يا شموس وفعلاً نجمة
(دائماً بنقول نجمة ونجم فالنجوم
لها بريقها الاخاذ) . |
ياخي الشابه دي متابعها من زمان عندها زمن وصوت مبالغ به
بالله شفت امس لما تغنت الناس مندهشه كيف
واغاني عثمان الشفيع بالزات ما اي واحد يغنيها ممكن يطربك
وفي هذا البرنامج تعتبر شموس ومنار في المرتبة الاولى
ورماز الثانية والثالثة صباح و الرابعة اميمة .
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: وليد عبد اللطيف)
|
Quote: أميمة دي عبارة عن شنو يا جماعة؟
حاولت من بداية البرنامج ما أقسو عليها وألقى ليها عذر
وقلت يمكن أول ايام ما متعودة على الكاميرا القريبة وقفلة الأستديو
بإعتبارها متعودة أكتر على غناء المسارح ..
لكن كل يوم من سيء لأسوأ
معقولة ياخ!
البت لا صوت
لا حضور وتفاعل
لا روح
لا لبس
وكمان ما حافظة!
دي شنو الكآبة دي؟؟ |
الله يبارك فيك يا تايسا
ختفتي الكلام من خشمي.
.......
ملاسي يا تيسير قال دا وقار...
لكنه لا شيء غير كآبة و قتامة و تقل دم عجييييييييييب
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ناذر محمد الخليفة)
|
شباب .... مساء الخير ...
حلقة جديدة ... أبوقطاطي ....
نبذة ... عن أبوقطاطي ...
وبداية الفينا مشهودة ..
وفردتنا ...
أنا شخصياً ... بعجبني جداً عاصم في نوعية الأغاني دي ..
__
* المزازيك .. جميلة جداً ... وذكرتني المواسم السابقة ... الحاصل شنو ؟؟
* الجماعة الفوق ... وخصوصاً تيسير وممكونة والمعز ... مكانكم والله شاغر .. بركة بالشوفة ...
صديقي ..سفيان .. هل أنت معي ..
...
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
السر يتحدث عن علاقات ابو قطاطي مع كوريا الشمالية
فرفور يغني درب المحبة واغنية متعود عليها فرفور
و آداء ممتاز من فرفور ويتبادل معه عصام وعاصم
وتحت تحت صوت صباح عامل رترته (رترته دي بتشبه
حركة الصوت بتاعه ).
طه سليمان يغني بسحروك والاغنية متعود عليها طه
جداً ويغنيها باستمرار في حفلاته و آداء ممتاز
من طه و آداء قمة في الامتياز من الفرقة الموسيقية
وحيوية وتفاعل من طه ابضرس .
وانتهت وقامو علي مهلم يا ود العباسية .
اها كيف يا حاتم؟
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: Tabaldina)
|
Quote: يا وليد عبد اللطيف وكل الاخوان
في تقديري انو شموس افضل صوت
نسائي في حلقات برنامج اغاني
واغاني .
بسم الله ماشاء الله البت نفسه
مرتاح وتجاوبه اللحني والموسيقي
مية المية مع خيال جيد جداً في
توزيع مقدار النفس في مخارج الحروف
اضافة للخيال الصوتي في الحليه
التطريبية مع وقف ومد بالمقياس
ماشاء الله عليها البت خطيرة وعندها
حضور طاغي وحيوية قمة في الروعة .
لي قدام يا شموس وفعلاً نجمة
(دائماً بنقول نجمة ونجم فالنجوم
لها بريقها الاخاذ) . |
سفيان .. كيفنك ..
كلامك تمام 100% .. شموس كانت إبداااااع .
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: عبدالله كع)
|
يا جماعة ...مساءكم خير
ودالعباسية وضيوفوا الكرام
نحن البرنامج دا ...ما عارفه مجبورين عليهو كدا ليه ..انا لدرجة اني بنتظروا وبرامجي بتكون بعدو ....
البنات اميمه وصباح ديل انا ما فاهماهم فجاة لقيتهم ....وخاصه اميمه دي ...وقلت في نفسي لا ني غائبهعن البلد زمن يمكن تكون قنبله ما دام جات كدا بلا احم ولا دستور مع السر قدور والذي اعرفه جيدا ...
اتخذلت خذلت عوكم وبقيت يدي في قلبي كل ما عيون عمنا قدور تدور لاختيار مغني اقول ياارب يارب ماتكون اميمه او صباح
شموس ومحمود ديل اصلا ما شبعت منهم حتى الكمرة تجي لمحه عليهم ما عارفه الحكايه شنو
رايكم شنو ايام ليلة القدر دي نبتهل ل...الله ...يغني محمود فقط ومرات شموس
لكم الود
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
تسلم يا حاتم ياخ ومساءك خير
الحلقة مع صلاح مصطفي ...
(صلاح ده يلحن نعم يغني لا)
واستقبالاً تم التغني مجموعة باغنية بعد الغياب .
يستهل الحلقة احمد الصادق ونادر خضر باخر عهدي بيهو
و آداء متوسط ...
يا جماعة اغنيات صلاح دي عند اي زول غير صلاح بتطلع حلوه جدا ومناسبة (الله يستر صباح ما تفشل لي نظريتي دي) .
منار تغني من الاعماق (اها يا حاتم البشاااااارة وحاة الله في كورال الاغنية قبضته ليك أميمة مبتسمه)
منار تغني بمزاج شديد و آداء جيد جدا – الاغنية في الاساس جميلة ولحنها سريع وخفيف – بل ممتازه وزمنه مية المية .
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
عشان كده انا حبيتو يغنيها فرفور وعاصم (عاصم مبخر) آداء في قمة الروعة ومتجانس جميل جدا
والاستديو مبسوووط .
اغنية عيش حياتك لاسحاق الحلنقي وعصام محمد نور ...
(لحنها ابداع والكمنجات بتلعب حاجة جميلة)
عصام مبخر بس هو من الحلقة الفاتت بقي يتفاعل وحيوي مع الغناء
والليلة حيوية شديدة وابتسامته ذاته حية ويغني بامتياز (تداخل صلاح
مصطفي لخبط شوية ).
الحديث عن علاقة محجوب سراج وصلاح مصطفي (محجوب سراج
آلم يعتصر قلبي يا جماعة فهذا الرجل قدم لنا ارق الاشعار ويحتاجنا
لكنا اهملناه ) .
الماضي والحاضر طه اب ضرس ومحمود - دويتو غير موفق نهائي ومحمود
سيفرض كارزميته علي طه - الاغنية دي اولي بيها تالاهون - محمود يغني
بلونيته الفريدة وبشكل جيد جداً - طه يستلم - يا جماعة ده شعر عديييييييل ومحنة
وقلب محب فعلاً ويذوب من الوله (اضعناك يا محجوب سراج) طه يقني بشكل
متزن جداً ومحمود ماسك زمن صح مع الموسيقي وصلاح مصطفي اخر انبساطه
تاااااااااني .... ياخ ده شعر عجييييب وحب اعجب ... محوب سراج ده قلبوا من
شنو يا ناس !!!!!!؟.
صلاح مصطفي يستلم الاغنية ويختمها .
ومحجوب سراج وبعد الغياب (لحن فريد يا صلاح مصطفي وكلمات افرد كعادة
محجوب سراج الانسان المظلوم) يغنيها صلاح مصطفي و أميمة (يا حاتم)
- الاغنية دي اولي بيها الحوت - في اول كوبليه أميمة نشزت رسمي و آداء
باهت جداً مقارنة باللحن والموسيقة .
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
يا ود العباسية
حالياً انا بالجد بفكر اعتزل البرنامج
ده واعتزل الكتابة فيهو هنا ده .
ياخ ده كلام فارغ البيحصل ده مش ممكن
خالص خالص البهدلة وعدم الحفظ والنشاز
وعدم الزوق ده!!!
معقول لحدي هسي مافي شاب او شابة في البرنامج ده
يقول للسر قدور تلت التلاته كم!!!!
معقوووول ياخ !!!!
مفروض اي شاب او شابة يقولوا للسر قدور الاغنية
الفلانية دي هي المناسبة معاي اقلاهو ياخ .
بعدين الحلقات ماشي تبقي اصغر واصغر .
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
سفيان وحاتم ،، الله يديكم العافية ،،
يا شباب كان خليتونا انا زاتى بخلى البوست دا ،،
ما نحن لينا اكتر من موسم بنتكلم عن الموضوع دا ولكن ،، لا حياة لمن تنادي ،،
وبعد دا كله البرنامج اكثر مشاهدة فى جميع القنوات السودانية ،، بالرغم من كل
الكلام البتقال عليه ،،
انسو موضوع الحرده بتاعتكم دي ،، بالله ،، وكلها باقى ايام والمولد يخلص ،،
انا شايف انه حلقة بكرة حا تكون اجمل ،، من الليلة ،،
حلقة الليلة احسن ما فيها مناااار ،، اداء ثابت وحفظ ميه ميه ،،
محمود وطه سليمان ،،، افتكر انه الثنائيات دي تكون بطريقة مدروسة ،،ويراعو فيها
تقارب طبقات الصوت للفنانيين ،، عشان ما يطلع زي الليلة ،، وانا بصراحة احى طه سليمان
لانه سكت وخلى محمود يغنى ،، ولو كان محمود غنى معاهو الكوبلى التانى دا بكون الوجع
الخرافى زاته البقولو عليه ،، لكن الحمدالله ،، كل واحد كوبليه وتم الباقى سيد الاغنية
الشى التانى ،،
الفنان صلاح مصطفى ما خلى الناس تغنى تداخل فى اي اغنية ،، وانا افتكر التداخل من
عدم حفظ الفنانيين لبعض المقاطع ،، بس اعيب عليه انه وقف لى اميمة فى حلقها فى
الاغنية والبت لبدت ،،
على العموم حلقة تحت الوسط ،، ونشوف بكرة البحصل شنو ،،
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
اخوتي سفيان ونابري واعزائي
صلاح مصطفي كما ذكرت من قبل شانه شان التاج مكي يجيد التلحين ولكن في الغناء ظروف معينه خدمتهما في ذلك.
بعد الغياب تم ذبحها تماما بمشاركة اميمه مع صاحبها صلاح مصطفي ويا ليت لو سمعناها من محمود .
اما محمود مع طه سليمان
لا اعتقد ان محمود يصلح ان يغني مع اي احد غير نفسه لان له طابعه الخاص ولونيته
التي يفرضها حتي علي اصحاب الاغنية نفسهم لذلك لا اعتقد ان يصيب اي اغنيه النجاح يغنيها
مع اي احد اخر واحترمت في طه صمته عندما بدا محمود يصدح بالاغنية.
| |
|
|
|
|
|
|
|
|
 Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
Quote: أخونا/ ضياء .. كلامك أدناه .. ريحني جداً
Quote: اختلف مع سفيان حول اداء صباح هذه اللية لانه كان بديعا
لأن تعليقي أدناه ..
Quote: الغريبة ... صوت صباح هنا جميل جداً ... ولا فقط بالصدفةإتناسب مع الأغنية ؟؟؟
صوت صباح مغطي على صوت طه ؟؟ ولا أنا سمعي طش ؟؟؟..
تعليقي ... بتاع زول عنقالي ساي ...
وسفيان نابري فطس لي كلامي ...
غايتو الحمدلله ... سمعي كويس .. الظاهر كده ... |
يا زول ما عندك عوجة تب سمعك نضيف
حاتم ما تنسى وصيتى ليك بشأن صلاح القدسى
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ضياء الدين ميرغني)
|
Quote: الغريبة ... صوت صباح هنا جميل جداً ... ولا فقط بالصدفةإتناسب مع الأغنية ؟؟؟
صوت صباح مغطي على صوت طه ؟؟ ولا أنا سمعي طش ؟؟؟.. |
والغريبة كمان درجة تطريب عالية ومخارج واضحة مصحوبة بثقة شديدة.... انا شخصيا كدت
كدت ان افصح باني ظنى قد خاب فيها ولكن بعد اداءها لهذه الاغنية وبهذه الطريقة الرايعة غيرت
رايي تاااااااني واظن ان خامة صوتها خامة فيها تميز بس محتجة لتمارين صوت تقدر منها تستفيد
في اخراج هذه الخامة التي اظن ان بها تميز.....
اما بعد
فشموش اطلت هذا العام علينا اطلالة كاجمل مفاجأة للكم التطريبي المتمكن والبديع والكاريزما
الغنائية المصحوبة بالحضور الذهني الذي تحمله...... شموش نجمة تجبرك علي الاستماع لها
بنفس واحد..... اخشى/ اظن ان يطفئ وهجها بريق ريماز التى تحكرت في قلوبنا وجلست فيها مجلس
حسن.
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ضياء الدين ميرغني)
|
حاتم و سفيان و ربما ود العباسية
مالكم ياخوانا!
إنتو بالطريقة دي ما حتستمتعوا, أعني بالشروط الدقيقة دي
رمى ضان (تقرأ بقر) أظنه دخل في العضام!!
ليه?!
أنحنا في البلد الما وراها ناس دي بنشاهد الفيديوهات دي بعد ما
إنتو تفطروا و تشاهدوها و تكتبوا و تنوموا و يمر عليكم المسحراتي
بنقرأ كلامكم و بالتالي نستعد لحلقة مبشتنة بعد ما يحين وقت إفطارنا
فإذا به نفاجأ بأنه الحكاية ما زي خليتونا نتوقع, يبدو لي إنتو أحيانا بتتوقعوا تسمعوا الأغاني حسب الذاكرة الغنائية الساكناكم لكل أغنية مع أنه دا برنامج مرور عام على الأغنيات دون حاجة إلي (تجويد تام) زي البحصل مع التسجيل الأصلي لكل أغنية مع اتفاقي معاكم حول مسائل مثل الحفظ و توزيع الأغنيات بحسب طبيعة الأصوات (ما أعتقد يا سفيان أن للسر قدور دور في الحتة دي!)..
كمثال مثلا حلقة صلاح مصطفى دي ما بطالة و أعتقد أنه نجمها هو صلاح مصطفى نفسه لأنه و زي ما حصل مع ترباس و حمد الريح ثلاثتهم أكدوا مقولة (سمح القول في خشيم سيدو) و زي ما حصل مع إبن البادية و شرحبيل و زيدان و عبد العزيز المبارك (و غيرهم) (باستثناء تخريب أغنيات الطيب عبد الله في غيابه!)
معظم الأغنيات كانت لطيفة بما فيها دويتو أميمة مع صلاح مصطفى و عدا (لحظة) ال"تريو" بين محمود و طه و صلاح مصطفى الأنقذ الأغنية باستلامه ليها! إضافة لمساهمات عاصم و منار و فرفور و عصام كلها كانت جيدة!
لاحظت أنه صوت أورغ عمر القصاص كان عالي نوعا ما فهل دي فاتت على مهندس الصوت!
ألزموا الجابرة, كلها كم يوم و رمى ضان قايم!
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: المعز ادريس)
|
ياجماعة الوصية في الزمة
الزولة الإسمها صباح دي غنايةوصوتاعاجبني شديدخاصة في أغنية قمر العشا
اعتقد صوت رئع ومعبر وفيه امكانيات فنية اكبر من كدا محتاجة الي من يكتشفها.
بالمناسبة دي انا برضو عندي قمر عشاوعايز اهديها للزولة صباح اتمني زول يوصلا ليها
امكن تعجبا....... مرة تانية .. الوصية في الزمة
الشكر لي من يقوم بمهمة توصيل هذه القصيدة لصباح.
قمر العشا
...............
وين بتلقي
أبكيهو يا عمري الشقي
قمر العشا
السابني ومشي
خلا العيون متعطشه
شايله الدموع حرقة حشا
........................
ولَف قليبي وفات نسي
خلاني سابح في الاسي
سارح مع طيفو المسا
.......................
كان الوداع
يوم الضياع
موكب ضحايا وإلتياع
....................
يوم جاني طيفو مع المنام
بإحترام قال لي سلام
مني انفرط عقد النظام
مطر الدموع سبق الكلام
حمه الغرام صلت العظام
لو شوفت كيف الإبتسام
فرة بسيمو مع الظلام
كيف البرق وسط الغمام
...........................
ياعيوني من بعد الدموع
اجريهو دم
ياقلبي اغرق في الألم
يا ليلي طول
علك فصول
من السأم
..................
شنو الفضل
بعد القمر
سابني ورحل
....................
كان منيتي وشوق دنيتي
راجيهو بحلم ومنتظر
كان شمعتي الشَالت معاي ليل دمعتي
وطول السَهر
كان كلمتي وسر غنوتي
الضَوَت دروبي علي الشَعر
كان سلوتي
في ليل عذابي وبلوتي
ومر الأمر
كان لي غمام ودعاش مطر
عزَ السَموم والدنيا حر
كان وكان لامن يضيق بي المكان
وقسي الصبر
أبكيني ياعمري الشقي
قمر العشا وين بتلقي
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: awad hassan)
|
يا جماعة ...
(منار دي صوتها اقل من عادي ..ممكن يكون زمنو مزبوط وخالي من النشاز ...لكن مسيخ وخالي من التطريب
(وعامله فيها سمحه )..نجوميه شنو كمان ..
صلاح مصطفى كان مهموم باغانيه لدرجة انو حارس (خشوم الفنانين ويهمهم ويتمتم ..بمتابعة عجيبة )رغم البخرات ..
حوده كعدته اعاد للحلقه الحيوية بل الحياة وال> حاجه ما اشتغل بطه وغنى كما يريد طه وقف بابهار
اميمة ..اميمة (احي واحي وتاني احي )قال كمان ايه ليموني بالبنبي ..والليمونه الليلة وين ...
محبتي
| |
|
|
|
|
|
|
| |
awad hassan
المعز ادريس
خالد حامد الجزولي
محمد عبد الماجد الصايم
ودالعباسية
سفيان بشير نابرى
عبد الدائم سيد أحمد
ناذر محمد الخليفة
وليد عبد اللطيف
حامد محمد حامد
saadeldin abdelrahman
نعمات حمود
محمد مكى محمد
تيسير عووضة
ايوب عبدالرحيم
Elmuiz Haggaz
mamkouna
عفاف الصادق بابكر
عبدالله كع
ضياء الدين ميرغني
الخير محمد عوض
فيس بوك
تويتر
انستقرام
يوتيوب
بنتيريست