|
|
|
 Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
رواد بوست اغاني واغاني الاعزاء
رمضان كريم وتصوموا وتفطروا على خير
برغم مع اتفاقي مع كثير من الاراء حول زحمة البرنامج واحساس كانه الواحد في صالون صبحية بكثرة الالوان والمشاركين
الا انه لا يمنع انه في طرب لحد كبير
حلقات الفنان كمال ترباس كانت ممتعة خاصة الاولى والثالثة( التانية صراحة كانت مملة شوية والمشاركين زي غلبهم التعب)
بس عندي سؤال هنا هل في تغيير حصل بانه كل ضيف يتم منحه اكتر من حلقة عكس السنوات الفاتت ؟
عاصم البنا بالامس ابدع في ياريت واضاف لها من لمسات طبقات صوت ال البنا الكثير
وكما قال الاستاذ محمد المرتضى ( كلمة تعبت في ياريت) بالامس اخدت حقها ونصيبها لما قالت بس
امبارح اول مرة اعرف انه كلمات الاغنية من تأليف الاستاذ السر قدور
ملاحظة : في اتنين من المشاركات وعذرا ما عارفة اسمائهم واحدة غنت بالامس لابسة اسود والتانية قعدة جنب طه سليمان
ياريت لو اكتفوا بهذا القدر من المشاركة لانهم صوتهم ضعيف جدا وما كان في داعي يتم ارهاق اصواتهم باغاني تقيلة تحتاج لامكانيات صوت اكبر
شريف الفحيل السنة دي فرحان شديدعنده حالة فرحة زايدة يعني شوية محتاج لظبط حالة الفرحة العنده حتى لا يفسد جمال صوته وادائه
فرفور قلل شويييية( شوية حبة بس) من الرشاقة الزايدة نأمل المزيد بمرور الحلقات
مرة تانية يبدو ان التسجيل لساعات طويلة بيفسد احساس المشاركة والتجاوب لنجد انه عدد من الفنانين سرحانين في وادي والباقيين في وادي تاني ( عصام محمد نور مثالا في حلقة امبارح وعاصم البنا اول امبارح)
وما زالت ضحكة عمنا السر قدور التي تفاجئنا تدخل السرور الى النفس
| |
 
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
عثمان محمد ين
Quote: معي كمية من التشاديين في الشركة التي أعمل بها ...
والناس ديل واقعين في القنوات السودانية
وما عايزين يشاهدوا غيرها ...
وبيحبوا الغنى السوداني لدرجة الموت
*****
بس زعلانين من وجود فرفور ...
في برنامج أغاني وأغاني
ويطالبوا بإزاحته عن البرنامج
وأنا بالجد متضامن معهم
ليس بسبب غير أنه آساء إليهم
في برنامج قناة هارموني الذي تقدمه نادية عثمان "بالدليل القاطع" ....
وذلك حينما انتقلت الكاميرا لأخذ آراء المشاهدين عبر الكاميرا
وهي آراء مصطنعة لإختبار الضيف ومدى تحمله والتي فشل فيها فرفور بإساءته لشعب بأكمله ....
بإعتبار أن الذين أنتقدوه تشاديين وليسوا بسودانيين ... مع العلم أن الآراء مأخوذة من مواطني العاصمة السودانية
واحدة ممن علقن عليه بسلبية قالت "فرفور يبقى لي بالعمى" لن أشاهده او أستمع اليه أنا سودانية كيف يقول تشادية
عبارة تفوح منها عنصرية بغيضة ... نتنة ... يا أبا الفر
لا يجب أن يكون الفنان عنصرياً ***** فهو ملك للجميع ...
وليس للموسيقى والفن حواجز أو حدود ... يا أبو الفر ...
رمضان كريم |
ليكم حق تزعلوا من صاحبنا جمال فرفور في وقتها تحدثت معه عبر الهاتف
وقال انا لااقصد الاساء لهم بدليل اني البس زيهم كثيرا
في الحفلات العامة والخاصة وتأتي اليه من تشاد مباشرة هدايا من بعض المعجبين
وكويس بحضورة هنا شاف مداخلتك وانت تنوب عنهم
فقال لوكنتوا قراب كان باس راسكم احتراما لهذا الشعب
الذي تأثرت بتقاليد زيهم الجميل ..
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
ود العباسية كيفنك ابوي
ما عجبني عصام في ما تهتموا للايام
تحس بيهو عناها كدة ز البيسمع في محفوظات
احمد الصادق غناء ترباس ما جايي مع بحة صوته
عاصم البنا هجج بي اغنية يا ريت صاح
بس الكوبلي بتاع (تعبتة) ما قدر عليه زي ترباس
لانه الكوبلي دة بالذات بيغنه بي طريقة بنت لبون كدة
طه سليمان دة لو ما مناسبنا في المنبر كان فكيت مغستي فيهو
لكن معرس بتنا عاد ما بنقدر نقول شي (اقصد غناهو)
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق جبريل)
|
.... تحياتي ود العباسية... ....... كمال ترباس صاحب حضور رهيب وصوت طاغ وكثيف وحنجرة ساحرة وأداء آسر ومتفرد تصعب مجاراته وتقليده... وعشان كدة ترباس بتعب من يغني معه أو من يغني له ......... الوحيد الذي خرج من سطوة وجلباب ترباس هو المبدع محمود عبد العزيز لأنه نجح في وضع لمساته وطابعه الخاص علي أغنيات ترباس ولكن للأسف أفتقدناه في هذه الحلقات...
... شاهدت حلقتين عبر الأنترنت و لاحظت:-
- بعضا من الهرجلة والزحام وسوء في الأعداد والتجهيز وإلاخراج
- أداء نمطي ومدرسي ومرتجل ومتوتر لبعض المشاركين - وكان يمكن تلافي هذا الخلل بتوزيع المشاركين الشباب علي حلقات البرنامج أو تقليصهم - أداء مقدم البرنامج الأستاذالسر قدور- بصورة عامة - جمع بين المهنية والتلقائية والعفوية والسرد التوثيقي الجميل والبراعة في إستنطاق ضيوفه وتوزيع الإهتمام بهم .. فقط يعاب عليه الإعتماد علي الذاكرة وإهمال جانب الاعداد النظري لمادة البرنامج ...
- ترباس برضو كان عفوي ومرتاح خالص أمام الكاميرا والحضور
- مارس قدرته المهوولة في التطريب وسرقة الكاميرا ومعها قلوب المشاهدين .......
-- إختيارالأغاني كان موفقا ومنتقي بشكل جيد حيث غطي مراحل مختلفةمن رحلة ترباس الفنية وتميزت الباقة المنتقاة بالروعة والإدهاش.....
.............
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق جبريل)
|
ود جبرين ..رمضانك كريم ...
| Quote: احمد الصادق غناء ترباس ما جايي مع بحة صوته |
لا غنا ترباس .. ولا غنا أي زول .. ماجاي مع أي حاجة منه ..
Quote: طه سليمان دة لو ما مناسبنا في المنبر كان فكيت مغستي فيهو
لكن معرس بتنا عاد ما بنقدر نقول شي (اقصد غناهو) |
أهااااا ده كمان .. مش لو معرس بتنا!!! ... والله لو أخونا عديل ... متسلبط ساي على الغنا ..
ياخي الإثنين ديل + نادر .. ديل طوالي يتخارجوا ...
وبعدين البنية بتاعت ساورا وعقد الجلاد دي .. أي زولة غناية ... لكن في برنامج تاني ..مش مع ناس فرفور وعاصم ...
___
ياخي .. ودخالي /صلاح الأحمر مختفي من البورد ... ماتشوفوه وين غاطس ..؟
..
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
بكل أمانة البرنامج بقى بايخ
روتيني ومكرر وإجترار للأفكار....
كان الأجدى التنويع وتوزيع كوم المهرجين على حلقات بدل الخمة الكتيرة دي بي جوقة.
أول حاجة أنا لا أطيق ترباس ولا فرفور ولا الاسمه طه ده ولا الاتنين الجداد ديل!!!
وافتقدت محمود...... والذي لا يناسبه هذا البرنامج لأن محمود يحب أن يغني علي مزاجه وليس على مزاج قدور!!!
ونادر رائع......
وكذلك عاصم وعصام... ومنار الصديق
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: محمد المرتضى حامد)
|
بوست زي المنقة
برنامج اغاني واغاني من غير بوستينا السنوي دا
بكون ما عندو طعم....
ملاهزات:
1- زوووووووووول فيكم فقد السلطانة سميرة دنيا مافي
2- زووووووووول فيكم فقد المبدعة عن حق وحقيقى اسرار بابكر مافي
3- زوووووووول فيكم قال البت بتاعة عقد الجلاد طلعت بنضورة وكشفنا دورا مافي
4- زوووووووووول فيكم قال البت شموش دي خطيرة خطيرة خطيرة خطيرة مافي
الشكل العام للبرنامج يبدو اكثر نظاما ويبدو انهم فعلا قد استفادوا من
اخطاء السنة الماضية خصوصا فيما يتعلق بالهندام لكن لسا قصة القمصان الفاكنها
ساكت بدون شكة دي حركة ما كويسة ولا شيتين فحقو يعني يراعو حنانا فيها وكدا...
وتاني يا ريت لو الاستاذ السر قدور يتيح للفناين ديل يأدوا بعض الاغني
الخاصة بيهم ويخلي كل واحد فيهم يختار الغنية البقدر ينداح لينا فيها
عشان نقدر نفرز كيمان سمعنا جد تحس انو الواحد فيهم عندو امكانيات مخنوقة
كدا وما قادر يطلعا بارتياح.
ولنا عودة
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: محمد المرتضى حامد)
|
المعلوم أن الشيخ كشك عليه الرحمة كان قد انتقد ترباس
بسبب عنوان و كلمات أغنية (البعبدها) وليس للسبب الذي
ذكره السر قدور (أ تعبدها يا قفل وقيل إفل ؟؟؟!!) ..
أتمنى أن يتم حذف كل مشاركات محمود المسجلة في هذا
البرنامج وذلك حفاظا على (صورة) محمود القديمة ..
وجهة نظري أن هذا الأحمد الصادق لا يستحق كل
هذه الهالة التي أثيرت حوله ، و تنطبق وجهة النظر
هذه على شقيقه أيضا .. ليتهما واصلا مشوار المديح ...
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: محمد فرح)
|
محمد فرح .. سلامات ورمضان كريم
Quote: البرنامج جميل جداً والله
بس ترباس كرهنا في حلقاتو دي باللفحي
أصلو مابخلي الناس تغني
مؤونة عام من الود |
لكن زي ماقال صاحبنا فرفور ترباس غناهو صعب بغنيهو من بطنو
يعني إلا واحد زي محمود عبد العزيز باسلوبه الخاص يقدر يغني لترباس
لكن بيني وبينك ما اداهم فرصة بس هو استمتع بالحلقة وانداح بها واستلمها
| |
|
|
|
|
|
|
|
|
 Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
(+)
+ محمود عبد العزيز قام من الخرطوم للجبل في دقايق حالاً وصل
+ ود البنا ما كنت رايق وساكن في صفا وتأمين
+ فرفور كلما العصفور يغرّد النسيم يهفو ويبرّد
+ والعجب محمدية في غنية شمبات صولو كمنجة يرد الروح
الله عليكم 
(-)
- البنيات أداء ضعيف للغاية الشيل في تلتلة خلي الغنا!
- السر قدور عمل لي زغللة في عيوني كرفتة مخططة وقميص مخطط وبدلة كاروهات ما بيتلموا !
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سيف الدين مصطفى كرار)
|
لايوازي فشل قدور في إيكال (لي في المسالمه غزال) لأشباح المغنيات إلا
فشله في تكليف فرفور بأداء أغنية(شمبات) هذه الأغنية تحديدا معروف البجضما منو ،
قالوا الرميه قبل الغنيه زي الشوربه قبل ال main dish والسوخوي في استطلاع منطقة
الخوجلاب أرسل إشارة فحواها( الناس جروحم تسعه وانا لي جروح تسعين) ثم رمى فأوعى.
إتصل بي صديقي محمد الطيب السعيد مستفسرا : إنت محمود دا مالو؟
السؤال محول لصديقي جني.
-
ما زالت قنواتنا الفضائية تفتقر إلى من ينصح ضيوفها والعاملين بها في جزئية الملابس والتزيي،
الكاروهات والخطوط والألوان المتنافره لايضاهيها في صنع الطشاش إلا أثاث الدعايات ،
بمناسبة الدعايات ، شنو قصة الزيوت والشاي الحايمه اليومين دي؟
وبمناسبة الطلاءات، أليس من السخف أن يطلي شخص وجهه بال (سَكَن)
حتى يعرف المشاهد أنه يعني السوداني؟
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: محمد المرتضى حامد)
|
ود العباسيه وضويفو كيف حالكم..
بوست فاااااااااااهم ماشاء الله
يا عباسيه ليكم رساله من (الوغد) صديق الموج بعد أن أغتيلت (أفراحه):
| Quote: بالله اعتذر ليهم فى البوست قول ليهم صديق كان داير يتداخل لكن ريماز رفضت وقالت هى بتعمل ليها فى رابطة معجبين لى لووول |
ولكن ما معي من أخبار بشأن رابطته المقترحة و (المضروبه ) ربما يجعله يفكر في عدم مغادرة السرير الأبيض قريباً.
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: محمد المرتضى حامد)
|
ا ظبية البص السريع *** همت بيكي وخايف أضيع
******
أنتِ آيـة وحسنك بديـع *** لوحـة من أزهـار الربيع
الحنان والطـبـع الوديع *** في براءة الطفل الرضيع
****
قام من الخرطـوم للجبل *** في دقـايـق حـالاً وصـــل
يا إلهـي كيـف العـمــــل *** لـو نزلـتِ ضـاع الأمـــــل
******
عدَّى بينا وفرك الرمـال *** للـقـطــيـنــة جــنــة بـلال
في ثواني دقـايـق قـلال *** ما نزلت وأنا صبري طال
******
في نعيمــة أبيـت النزول *** سبتَ عملي وسبتَ الفصول
شفت سفرك عايز يطول *** أصلـو حسنك يسبي العقـول
******
جينا ود الزاكي الوحيـل *** والهشـابـة، ساعــة مقـيـل
النسـيـم هـبَّـالك عـلـيــل *** أنـت آيـة وشـبهــك قـلـيــل
******
في سفرنا وصلنا الدويـم *** يشهـد الله البـاري العـلـيـم
عاشقك البي حسنك يهيم *** مصلي بي نيـران الجحـيـم
******
فتنـا الكـوَّة وفتنـا الكنوز *** وقلبي يرجف غلبو الركوز
لو نزلـتِ هنا كان يجـوز *** أفني عمري وأصبح عجوز
******
جينا في الشـوَّال بالنهـار *** لـونـو تبـري وزايـد نضـار
قلـت ليـكـي أزح السـتـار *** ابتسمـتي وأنا قلبـي طــــار
******
في الجـزيـرة أرض الإمام *** تــم بـيـنـي وبـيـنــك كـلام
الـعـلاقـــــة الكانـت غـرام *** كـُلـلـت بالحـــب والـوئــام
******
في ربـك رحـلتنـا انتهــت *** والعــلاقـــــــــة اتـوثـقــت
خلاص خلاص الرحلة انتهت
وهنا غمز محمود السر قدور مداعبا: ياعجوز!
فتنـا الكـوَّة وفتنـا الكنوز *** وقلبي يرجف غلبو الركوز
لو نزلـتِ هنا كان يجـوز *** أفني عمري وأصبح عجوز
******
محمود غناى ولماح
الله يديك العافية!
جنى
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: jini)
|
الحوت الحوت الحوت الحوت الحوت الحوت الحوت الحوت الحوت الحوت
الــــــــــــــــحوت لا يمـــــــــــــــــــــــــــــوت
عشرة علي عشرة وسلطان يا محمود
حلقة الليلة مية مية رغم الآداء الضعيق لفريق البنات ولو لا
شموس كان ممكن يجيبو صفر رسمي والصفر ده يتسجل باسم صباح.
شريف الفحيل ماشاء الله
عاصم البناء غنى بمزاج ولعب في مساحة يعرفه تمام
فرفور غنى بسلطنة اغنية اتعود ان يغنيها لكن لو
كان اشتغله عاصم كانت بتكون مية المية .
نادر بقي لي في صوته في مشكلة واضحة هي شنو ما عرفتها.
الحوت وضع رجله على الدواسة وحنسمع ونستمتع رغم تعبه وارهاقه
لكن كان قائد البص بجدارة .
الفرقة الموسيقية الليلة ناقصه بتاع الكمنجة البيقعد بالقلبة داك.
| |
|
|
|
|
|
|
|
|
 Re: برنامج اغانى واغانى فى دورتة الخامسة على النيل الازرق وعلى المنبر (Re: jini)
|
حبيبي شريف الفحيل
حبيبي عصام محمد نور
وتحية جميلة ورائعة رووعتهم لـ
فرفرور العسل
الفنان جداً نادر خدر
وقريبنا عاصم البنا
والخلوق طه سليمان
___________________________
نتفق الاول في إنو أغاني الفنان المبدع ترباس بتخلي المابعرف يغني ..يبدع ويعرف يغني
وهي في وجدانا ولنا فيها شجون وذكريات وحياوات
______________
البنيا ت حلاتن
واحدة مامغطية شعرها ماعرفتها منو لكن ليها تحية خاصة
صباح ظاهر عليها صوت وصورة
أميمة.... أغنية ترباس (نسيم شبال) دي مابتتغني بالشوكة والسكين يابتي
منـــــار حلوة وغنـــــــاية
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: المعز ادريس)
|
المعز ادريس ، تحية ليك
Quote: ياخي كامل تقديرنا لما تقوم به هنا
نفتقد كذلك العزيز جدا الزميل الزول
|
تسلم يا حبيبنا،، ولكن البوست دا بداء مع بداية برنامج اغانى اغانى يعنى ليه
خمسة سنيين مع عمر البرنامج ، وكل سنة بتكرم الاخ محمد المرتضى بفتح البوست ،،
وكانو مجموعة من الاخوان والاخوات نفتقدهم الان ،، يجملون البوست كما تجملونه انتم الان
بمداخلاتكم الجميلة ،،
لك كل التحايا ،،
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: Rawia)
|
شموووووووووس
هي المفاجأة التي اضفت رونقا لحلقات هذه الدورة الرمضانية
محمود كل ما تستمع له تفاجأ بشي جديد ولما تحاول تكتشفو هو
شنو بكون الحوت جاب ليك مفاجأة جديدة.... زول ملان تطريب وتمكن
بصورة مخيفة... اي والله مخيفة هو لا شك ثروة غنائية ضخمة يجب
الحفاظ عليها والمحافظة علي سماعها
حوووووووووووووتة
وددت وتمنيت ان يغني محمود مع شموس في دويتو عشان تظهر
تظهر ملكات لا حدود لها من التطريب وتي ااامنو زاتو
البنية عندها حضور وحضور باهي جدا رغم ضخامة البرنامج
والزخم الجماهيري الا انها بتقعد كدا براحة براحة تجضم شغلها
في امان الله كانو ( نقاد) سودانيز اون لاين لا قاعدين يعاينو ليها
ولا شيتين .... بمناسبة يعاينو ليها دي عندي احساس كدا انو البت
دي وريماز ميرغني* قاعدين يتشاددوا اللبسات.
_____________________________________
ريماز دي والله دخلتها سااااي كدا فنجرية مني
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: Rawia)
|
العزيزة راوية
رمضان كريم وتصومي وتفطري على خير
والله يا راوية الغنت يا نسيم شبال ( اسمها اميمة مش كدا؟)
والتانية الكانت قعدة جنب طه سليمان في حلقة اول امبارح
صراحة مفروض يعفونا من الاستماع لهم ويعفوهم من المشاركة
ما ممكن الصوت يكون اضعف من كدا ابدا
غايتو على رايك يا نسيم شبال دي غنتها فعلا بالشوكة والسكين وفي اقوال اخرى غنتها بطرف ملعقة الشاي
تخريمة واجبة : عمنا السر قدور امبارح عذب المخطط والكاورهات والمخطط تاني عذاب شديد
البنات محتاجين لمن ينصحهم بتناسق الالوان مع بعضها في اللبس
ما ممكن علبة الالوان الفي الاستديو دي
برتقالي واخضر وبنفسجي واسود و ..و...و
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: Rawia)
|
Quote:
المعز كيفك ،،،
برضو الشى الملاحظ صاحبنا بتاع البيز ما قاعد ولا زي ما قلته هندسه الصوت ما تمام
لانه بصمته ما واضحة زي السنة الفاتت ،،، |
ود العباسية ،، سلام وتحية ،،
الأحرى أن نقول ما واضحة زى الحلقة الأولى من البرنامج حيث هنالك كاد البيز أن يتكلما .
ملاحظة لا أعلم إن كان يشاركنى فيها أحد:
المصورين ديل بيخافوا من وش رماز وإطلالتها الساحرة ،، يا أخى يجو ماشيين باكاميرتهم
يمنة ويسرة ،، أول ما يجو فى رماز دى يفطوها ماعارف لييييييييه ؟؟ تسجيل إعتراض هنا.
يا جنى ،، والله كل بوستاتك ومداخلاتك فى السلك ،، إلا فى قصة محمود عبدالعزيز دى ،، يا أخى
الزول فنان فنان ما فيه أى كلام ،، ولكن إنه يضر بنفسه أولاَ وثم يهز جمهوره ومحبيه ثانياَ
بهذا الحضور الباهت الجنائزى الذى هو نفسه كان يفعل الأعاجيب بيديه لإخفاء وجهه عن الكاميرا
ألم تلحظ ذلك يا جنى ؟؟
مع التحية والود للجميع ،،
ماهر
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: Mahir Mohammed Salih)
|
Quote: شموووووووووس
هي المفاجأة التي اضفت رونقا لحلقات هذه الدورة الرمضانية
محمود كل ما تستمع له تفاجأ بشي جديد ولما تحاول تكتشفو هو
شنو بكون الحوت جاب ليك مفاجأة جديدة.... زول ملان تطريب وتمكن
بصورة مخيفة... اي والله مخيفة هو لا شك ثروة غنائية ضخمة يجب
الحفاظ عليها والمحافظة علي سماعها
حوووووووووووووتة
وددت وتمنيت ان يغني محمود مع شموس في دويتو عشان تظهر
تظهر ملكات لا حدود لها من التطريب وتي ااامنو زاتو |
وعاد الحوت
محمود عبدالعزيز
رسالة الى محمود :
احبك من صميم قلبي واحترم فنك
بالامس كنت اسمع ( خدعوك وشوهوا سمعتك ) وادركت مجددا انك من افخم الاصوات السودانية على مر التاريخ
انت من ملوك الغناء السوداني
امس وبعد ان سمعت مشاركتك بالبرنامج ايقنت ان الجبل لاينحني
وان من ادعوا انهم يطبقون الشريعة وهم سارقوا قوت الغلابى واليتامى والارامل والمساكين
وملايين من البسطاء الطيبين على مراى من الجميع
انما اهانو انفسهم واهانو الفن اما انت فستظل عزيزا مكرما لدينا
وسنظل نحبك ونحب فنك الى الابد
محمود انت من الذين يدخلون القلب دون استئذان
واتمنى ان اراك دائما بافضل صورة
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: Mahir Mohammed Salih)
|
Quote: جون
رجا في عينك
_______________
مساهرة لي خمسة صباحاً عشان تقول لي رجا |
هاهاهاهاهاها
عشان تعرفي الجري وراء الترجمة بيسوي شنو هههههههه
يا رايوة والله يا حليلك وسنتك سعيدة
اها شريف برنجي رسمي وشعبي .
| Quote: صباح ظاهر عليها صوت وصورة |
يارايوة الله ده بيسألك ياخ !!!!
Quote: البنية نسحب منها التحية لانها عامل تحايل ولابسة ناموسية بدل الطرحة
لكن فنانة ومتمكنة ورسخت خطواتها خلاص |
اها انتي شكلك قاصدة شموس
فعلاً فناة وصوته ممتاز بس
هرجلة عمنا السر دي ما بتغطي معاها
وهي بتاعة غنى مقعد من الشفيع وأنتي طالعه لي فوق .
Quote: البنات مابعرفو يلبسو خالص
غايتو أميمه أرقاهم وريماز ستايل وكلاس لكن مرات بتصّعبها شديد خصوصا بالقُصه
أمَا منار وصباح وشموس فحدث ولا حرج |
وشهد شاهد من نص البنات لووووووول
سنتك سعيدة يا اماني ياخ
بعدين اظنو الشي ما قُصة دي قُجة رسمي
والله بتذكرني مسلسل علاء الدين بتاع الاطفال
مش علاء الدين كان عندو رفيقو عندو قُجة واقعه بالجمبه كده
لوووووووووووووب
| Quote: محمود بيتضاير من الكاميرا مضايره السنين !!! الظاهر لو عليهو, يدي الكاميرا ضهره ويغني |
فعلاً كلامك للاسف صح بس الحوت ياهو الحوت راجل متمكن من الآداء وملك في التطريب ويا اماني عندو خاصية القبول
النادره ديك بين كل محبينه رغم ظروفه العجيبة والغريبة واشكالاته التي يقع فيها ، بالجد محمود تجسيد للفنان
الكامل بكل عذاباته ولا اظن فيه شي غير روح الفنان التي تعذب سيدها ولا تستقر علي حال .
Quote: تخريمة واجبة : عمنا السر قدور امبارح عذب المخطط والكاورهات والمخطط تاني عذاب شديد
|
يا مايا سنتك سعيدة
بس عمك ده تعبنا معاهو واصلو ما بيسمع الكلام
المصيبة في ديل :-
Quote:
البنات محتاجين لمن ينصحهم بتناسق الالوان مع بعضها في اللبس
ما ممكن علبة الالوان الفي الاستديو دي
برتقالي واخضر وبنفسجي واسود و ..و...و |
وتجي اختي أماني فوق تقول ليك كلااااس
والله كلاس الروضة (أم اللوان) مازيهم .
Quote:
المصورين ديل بيخافوا من وش رماز وإطلالتها الساحرة ،، يا أخى يجو ماشيين باكاميرتهم
يمنة ويسرة ،، أول ما يجو فى رماز دى يفطوها ماعارف لييييييييه ؟؟ تسجيل إعتراض هنا.
|
يا ماهر ما تبالغ ياخ !!!!؟
انشاء الله يا ماهر يركزوا ليك عليها 30 ثانية عشان تأمن ذاتو !!!؟
وحاتك اللوان المرحوم احمد عبد العال ما يعمل زيها .
Quote:
يا جنى ،، والله كل بوستاتك ومداخلاتك فى السلك ،، إلا فى قصة محمود عبدالعزيز دى ،، يا أخى
الزول فنان فنان ما فيه أى كلام ،، ولكن إنه يضر بنفسه أولاَ وثم يهز جمهوره ومحبيه ثانياَ
بهذا الحضور الباهت الجنائزى الذى هو نفسه كان يفعل الأعاجيب بيديه لإخفاء وجهه عن الكاميرا
ألم تلحظ ذلك يا جنى ؟؟
|
عارف كلامك لي جني
بس يا ماهر انت هسي اعتراضك علي شكل محمود ومنظروا وعلي صوته والاداء بتاعوا ؟
فعلا محمود شكلو لا يسرنا نحن محبيه وعجبيه (ومتأكد كل الناس قلبهم وموجعهم عليهو
ومقلقين غاية القلق واي واحد خلال حلقة امس لما رقد نام صورة محمود دي فر راسو)
بس متأكد تمام انو غنى بشكل ممتاز وسكت كل ناس الاستديو في هدوء لم يحدث من قبل
وسكينة كااااملة - جاني احساس كده في سكوتهم ده انهم قايلنو ح يجلي- لكن هيهات
هيهات يا ماهر الحوت هو الحوت يتعب ويرهق وكل شي لكن بيغني غنى جعيص ومسلطن
وبرنجي .
ماهر سنتك حلوة قول آمين .
يا عباسية اصحي وشوف لينا الفنان طارق ميرغني .
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: Mahir Mohammed Salih)
|
(إلا فى قصة محمود عبدالعزيز دى ،، يا أخى
الزول فنان فنان ما فيه أى كلام ،، ولكن إنه يضر بنفسه أولاَ وثم يهز جمهوره ومحبيه ثانياَ
بهذا الحضور الباهت الجنائزى الذى هو نفسه كان يفعل الأعاجيب بيديه لإخفاء وجهه عن الكاميرا)
امكانيات الفنان محمود عبدالعزيز الصوتيه عالية لكن للاسف كما ذكرت اخي ماهر حضوره باهت للاسف الشديد
قوة الصوت وان كان برضو بشوف انه في تاثير سلبي حصل لصوته وما هو نفسه صوت محمود عبدالعزيز الزمان
لا تغطي على حالة الارهاق والسرحان الغنائي الحاصلة ليهو
على راي المصريين ( مش في الفورمة خالص)
في راي انه ياريت لم لو يتم اشراكه في البرنامج لانه جاء خصما عليه
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: maia)
|
Quote: ماهر سنتك حلوة قول آمين .
|
آآآآآآآآآآمين يا سفيان ،، وشكراَ ليك .
| Quote: بس يا ماهر انت هسي اعتراضك علي شكل محمود ومنظروا وعلي صوته والاداء بتاعوا ؟ |
أبداَ ليس لدى أى إعتراض على صوته أو أدائه كما سبق وأن بدأت به كلامى الموجه للأخ جنى ،، ولكن
الإعتراض على ظهروه بتلك الهيئة الرثة ،، أنظر صورته التى أنزلها أحدهم فى الأعلى هنا ،، إنه
فى غاية العنفوان والألق الشبابى ذاك هو محمود الذى نعرفه وذاك هو محمود الذى يجب أن يكون .
شفت يا سفيان الفنان أحمد رمزى الممثل المصرى بتاع زمان داك ،، كان يمثل صورة البطل الشاب
الذى لا يقهمر لا فى قوته ولا فى جاذبيته ،، فجأة غاب كده زى كااااااام سنة وظهر مؤخراَ فى مسلسل
رمضانى وياليته لم يفعل ،، لأنه ظهر بهيئة لم يتعود الناس أن يروه فيها مطلقاَ ،، وغطس من يومه
ولم يرى له أثر حتى يومنا هذا .
Quote: انشاء الله يا ماهر يركزوا ليك عليها 30 ثانية عشان تأمن ذاتو !!!؟
|
يا سفيان أخوى ،، الإيمان ده مرة واحدة بسسسسسس ( وجوووه ضاحكة )
مع التحية والود للجميع ،،
ماهر
| |
|
|
|
|
|
|
|
|
 Re: برنامج اغانى واغانى فى دورتة الخامسة على النيل الازرق وعلى المنبر (Re: محمد علي شقدي)
|
..
.
Quote: ملاحظة لا أعلم إن كان يشاركنى فيها أحد:
المصورين ديل بيخافوا من وش رماز وإطلالتها الساحرة ،، يا أخى يجو ماشيين باكاميرتهم
يمنة ويسرة ،، أول ما يجو فى رماز دى يفطوها ماعارف لييييييييه ؟؟ تسجيل إعتراض هنا. |
أنا بشاركـ يا ماهر ..
والله اتلوموا
----------------
وبشارك جنى انو محمود غناى ولماح
وبشارك .. مايا فى مسيرة محمود ..
وخير الكلام ما قل ودل؛
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: maia)
|
| Quote: جاني احساس كده في سكوتهم ده انهم قايلنو ح يجلي |
الأعزاء سفيان و maia
أقول ليكم حاجة ؟؟ مقدم البرنامج ظااااااااااتو عمنا قدور ده كان قايلو حيجلى ،، موش قال ليه : أها يا محمود حتلفا بينا جو الخرطوم واللا حتقوم تخرم بينا برة ؟؟
أو شىء من ذلك القبيل ؟؟
وفى السياق نفسه ،،
والموسيقيون هنا يصححونى لو أنا غلطان فيما سأقوله هنا:
ألم يجلّى الفنان محمود فى آخر كوبيله فى تلك الأغنية ؟؟ أعتقد بأنه فوّت التايم
مرة ولكنه رجع سريعاَ إليها ،، أم أن هذا كان من هذيان الرمضان لدينا وغفوة من
غفواته ؟؟
ماهر
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: maia)
|
Quote:
يا جنى ،، والله كل بوستاتك ومداخلاتك فى السلك ،، إلا فى قصة محمود عبدالعزيز دى ،، يا أخى
الزول فنان فنان ما فيه أى كلام ،، ولكن إنه يضر بنفسه أولاَ وثم يهز جمهوره ومحبيه ثانياَ
بهذا الحضور الباهت الجنائزى الذى هو نفسه كان يفعل الأعاجيب بيديه لإخفاء وجهه عن الكاميرا
ألم تلحظ ذلك يا جنى ؟؟
مع التحية والود للجميع ،،
|
ماهر أخوى شكرا ليك على الاطراء الذى اتمنى ان اكون مستحقا له
هذا هو مربط الفرس ومحور ولب مداخلتى
محمود محتاج للمساعدة من الجميع !
محمود ومن هم حوله ومن لهم اجندة خاصة فى تدمير محمود هى عناصر تدمير ثلاثية قاتلة اذا لم يتم مساعدة محمود قبل فوات الاوان!
محاولة محمود لفعل الاعاجيب بيديه لاخفاء وجهه مؤشر إيجابى يمكن استثمارها لانها توضح ان محمود ليس راضيا عن نفسه ومظهره وان حالة محمود حالة نفسية يمكن تداركها وليس حالة عقلية ميئوس منها!
محمود فنان حساس ورقيق ومبدع بالامس بصهيله وهديله وتغريده وقوقيي القمارى المتجذر فى اعماقه اعاد لنا جزءا من ثقتنا التى افتقدناها او اوشكنا على افتقادها !
جو التواصل بين الفنان ومعجبيه يساهم كثيرا فى استعادة الفنان لثقته بنفسه ويحفزه لبذل الجهد ليكون عند حسن ظن جمهوره!
شكرا لك مجددا يا صديقى
جنى
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: jini)
|
Quote: ولكن البوست دا بداء مع بداية برنامج اغانى اغانى يعنى ليه
خمسة سنيين مع عمر البرنامج ، وكل سنة بتكرم الاخ محمد المرتضى بفتح البوست ،،
وكانو مجموعة من الاخوان والاخوات نفتقدهم الان ،، يجملون البوست كما تجملونه انتم الان
بمداخلاتكم الجميلة ،، |
ود العباسية سلام جاك,
عشان الزهايمر و كدي
أنا ياني Elmuez بتاع زمان الشارك في بعض أو ربما معظم بوستات أغاني و أغاني للأعوام السابقة, بس الهكر الله لا كسبو تسبب لي في تجديد عضوية زي حكاية شهادة التسنين و عدت بالإسم كما يبدو الآن!
مودتي,
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: فيصل نوبي)
|
حمد الريّح
فنان إختلف حوله الكثيرين
وإعتبروا أن صوته يخلو من أي مسحة تطريب "وقد يكون هذا صحيحاً"
مما يجعل صوته مثل "السليقة الباردة" يا قول كمال ترباس في مقام آخر
غايتو أنا ما حصل لاقاني زول قال فنانو المفضل حمد الريّح !
لكن ما لا نستطيع إنكاره هو أن حمد الريح أهدانا أجمل الأغنيات كلام ومزيكا
وفعلاً نقدر نقول إنو قدم غنا مختلف
كتير جداً من مقاطع أغنياته وحتى وقت قريب كانت بتتكتب على الحافلات العامة وفي الأكشاك والطبليات
محمود عبد العزيز إتغاتت في أداء بين اليقظة والأحلام 
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ALGARADABI)
|
حلقة حمد الريح .... بيت عرس بس ...
ناس مبتهجة ... وحضور طاغي للموسيقى ... وسعد..
..
طه سليمان .... الواحد ح يغير رأيه فيك ... شغل جميل ...
شريف ... مميز ...
السوخوي ... شغال في أغنية قبل الأخيرة تقريباً ... مولانا / محمد المرتضى بكون مبسوط هسع ..
..
أجمل لقطة ... المصور.. وإنفعاله ... وتعليق حمد الريح ..
..
وقفة الشباب ..مع شريف ... وإنفعال المصور .. أكسب الحلقة نوع من التلقائية الحميلة ...
الحوت ... بالرغم من الإرهاق .. برضه أظهر أنيابه ..
..
عجبوني الليلة جو ... والموضوع جاط .. وبهجة شديدة ...
يديك العافية يامنار ...
..
غايتو الحلقة دي لو مرت بسلام ... البرنامج ده مابتجيهو عوجة ..
أممممك ... جابت ليها زغاريد ....
ياخي ... الله يديكم العافية ... دي حلقة تاريخية ...
أراهن .. أن دي ح تكون أجمل حلفة للبرنامج ده خلال رمضان ...
..
..
| |
|
|
|
|
|
|
|
|
 Re: برنامج اغانى واغانى فى دورتة الخامسة على النيل الازرق وعلى المنبر (Re: mamkouna)
|
حلقة ممتعة للغاية على الرغم من الهرجلة الكانت فيها ..
* حمد الرٌيح استاذ , استاذ , استاذ و قِدر يقلع الكلام قلع من ود قدور...
إنسان متواضع و بسيط و ظهرت الحكاية دي في دعمو الواضح لأهل الفن و نجومو الواعدة.
* شريف الفحيل , الجه اول امبارح كما قال حمد الريٌح , كان نجم حلقة اليوم بلا منازع
حد يصحي راوية العباسي ! :)
* فرفور و فردتنا في صقرية منفردة , ذكروني مسلسل الكواسر !
* يا فردتنا , دا قبقاب هولندي و لا حذاء الطنبوري ؟
* بتي لما شافت فرفور , بالجلابية و من غير طاقية , قالت لي دا مش الراجل البضبح الخروف يوم العيد؟
* بالجد جد , حدٌ يصحٌي حودة !
| |
|
|
|
|
|
|
| |
ودالعباسية
د.محمد بابكر
سناء عبد السيد
وليد عبد اللطيف
محمد علي شقدي
محمد المرتضى حامد
طارق جبريل
كمال عباس
عبد اللطيف عبد الحفيظ حمد
محمد الامين محمد
سفيان بشير نابرى
الخير محمد عوض
Sinnary
عبير خيرى
othman mohmmadien
محمد فرح
خالد المحرب
تيسير عووضة
jini
المعز ادريس
فاروق أبوحوه
Rawia
ايوب عبدالرحيم
Hafiz Suliman
فيصل نوبي
yasir tamtam
عطية المحسي
ALGARADABI
mamkouna
Al-Shaygi
baha eassa
فيس بوك
تويتر
انستقرام
يوتيوب
بنتيريست