الاخ ود العباسية والجميع كل عام وانتم بالف خير ومشكورين من خلال هذا البوست الجميل تابعنا واستمتعنا.... فى الحقيقة من يستحق لقب فنان ومغنى مبدع وسط الزحمة دى كلها محمود , عصام , عاصم , الشريف ومنار .. الباقين ديل كلهم موهومين ساكت مفروض يكونوا برررا من برنامج توثيقى وترفيهى مثل اغانى واغانى ودام فضلكم عمكم السر ذاتو المرة دى ناخى شوية مع التقدير لكم جميعا على التنوير .
09-06-2010, 10:22 PM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
أجحف السر قدور كثيرا في حق الشاعر الكبير مصطفى بطران حينما ذكر بأنه يفرغ الحان ناس أمدرمان وينجر عليها بعض كلماته فقط .. فقد عرف الشاعر مصطفى بطران بأنه لم يكن نظم الشعر العاطفي فحسب بل كان شاعرا مجيدا عرف بمواقفه الوطنية القوية ضد المستعمر وأول أغنياته كانت عازه وصالك والتي بسببها تم محاربته وإيقافه عن العمل عدة مرات وفي مجال الشعر العاطفي فقد كان رائدا من رواد شعر الحقيبة بدرره الخالدة الموغلة في وجدان الشعب السوداني وأطلق عليه الشاعر مبارك المغربي شاعر الطبيعة لإبداعه وتجليه في نظم أغنيات خاصة بجمال الطبيعة مثل أطرد الأحلام (جنية البلدية ) وزمن الربيع حلا وقوم بينا نلاقي مناظر وهب جاءنا النسيم عليل إضافة لأغنيات عقلي انشغل بهواك ودمعة الشوق وليل السعادة والناس المكحول وطيف الحبيب وفردوس الجنان ويا شادي قول وبلابل الروض الظليل وخفيف الروح والدرة المكنية ويانديم قوماك نمشي أمدر وياجميل ياجافي ,, ترك لنا تلك الروائع وعمره لم يتجاوز الخامسة والثلاثين فكيف كان سيكون الحال إذا أمد الله في عمره ,, له الرحمة الواسعة بقدر ما قدم . والتحية والتجلة لمبدعي بحري ( محمود عبد العزيز وجمال فرفور وطه سليمان وشموس وأميمة يحى وعاصم البنا وهم يعطرون ليالي رمضان بإبداعاتهم عبر أصواتهم الشجية في برنامج أغاني أغاني ) .
09-06-2010, 09:41 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
كل الاخوان والاخوات هنا كل عام وانتم بألف خير اذا غلطنا على اي واحد ياجماعة اعفو عنا واذا اختلفنا مع اي احد في الراي برضو اعفو عنا في خواتم هذا الشهر الكريم اعاده الله علينا وعليكم بالخير والبركات
----------------------------------- الاخ ناذر خليفة احترمك واحبك جدا بس ماعجبني ردك لي لان طلبت منك بأن يكون بطريقة اجمل .. وكل عام وانتم بخير وستجدني ماسح اي كلمة اختلفت معك فيها لان لا اريد تخليد ذكريات غير مشرفه في هذا البوست ..
09-07-2010, 04:43 PM
ودالعباسية
ودالعباسية
تاريخ التسجيل: 10-28-2002
مجموع المشاركات: 2442
وبدايةً مع مقطع غزالالروضفيكرايحبالي ... رماز وطه ... واحده من أجمل أغاني أبوصلاح ... الله عليك يارماز ... غنا ... متعة والله ... أداء عادي لـ طه ... وأداء مميز جداً لـ رماز ... والله المفروض تواصل فيها رماز لغاية النهاية ...
مقطع من يارشاياكحيلغيثني ... وأحمد الصادق .. أغنية بتاعت فردتنا غير شك ... أحمد الصادق .. وأداء ضعيف وعدم حفظ كمان ... ياخوانا الزول الإقترح يدخلوا أحمد الصادق في البرنامج ده منوووو؟؟؟
؟؟
09-07-2010, 05:44 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: الاخ ناذر خليفة احترمك واحبك جدا بس ماعجبني ردك لي لان طلبت منك بأن يكون بطريقة اجمل .. وكل عام وانتم بخير وستجدني ماسح اي كلمة اختلفت معك فيها لان لا اريد تخليد ذكريات غير مشرفه في هذا البوست ..
شكراً يا وليد وياها المحرية فيك وصدقني ستجد عند ناذر الخليفة روح انسان سوداني متسامح مثلك تمام . شفته يا وليد ناذر ده لو في زول اتشاكل معاهو في المنبر ده عبر التاريخ ههههههههه فهو انا ده وصدقني بعد ده كلوا نحنا فرد واخوان بصورة مذهلة . يلا يا ناذر تعال مد يدك .
يا سيد الحوض ود العباسية وياحاتم (بريمة) هههههههه لانك حارس البوست حراسه شديده لووووووول . الليلة انا برضو غياب عندي انترنت وما عندي تلفزيون هههههههههههه شفتوا الحداثه دي كيفن؟!
09-07-2010, 05:51 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: غزال الروض فيك رايح بالى تفداك الروح اظهر لا تبالى يا غزال الروض **** فى دجاك ياليل الطيب هبا لى ده الجنن قيس وكثير قبالى هل نومى يعود والطيف يصبا لى ده يرد الروح فى الجسم البالى **** يا الفاطرك نور فاهك عسالى ضيعت ألوف عشاق امثالى فى حبك أذوب لى هواك ما سالى بس اخشى عليك ياجميل تنسالى **** طيفك فى النوم لو كان يوحالى أتغزل فيه وينظر حالى متى منو يفيق عقلى ويصحا لى ده رحيق مختوم فى لهيجو الحالى **** ياحبيبى هواك طربا هزا لى بى سهر الليل شوقك يازالى لا أسمع فيك اقوال عزالى أسمع واطيع أمرك يا غزالى **** دأبى ده جزاى من جنس أفعالى أرعى الانجم ياليل أرعا لى كيف أسعى هناك او كيف تسعى لى يا أخا الفرقد يا النجم العالى **** يا أنيس الصيد الحاجبو هلالى فاطرك لماع وخديدك يلالى من غيمك راح سكرى ودلالى فيك طبى حرام وهواك حلالى **** حبك يمزج أعضاى اجمالى لو كنت يمين يهواك شمالى يا بديع ليه فيك ضاعت امالى كان مالو هواك يامدلل ومالى
كنت فى الاراضى المقدسه وجيت مع عشقت شادن مع صباح ومنار فحلقن بى قبل تحليقهن بهذه الاغنيه تحياتى الى كل اهل المنتدى التحليلى وليك ياود العباسيه سلام عليكم
مقطع من من عيونك ياغزالي .. شموس وشريف .. أقول .. وأنا مطمئن تماماً .. لم يوفق شريف .. ولم توفق شموس .. ولم يوفق السر قدور ... الأغنية لا تتناسب مع أصوات شريف وشموس ... ماعارف .. ليه طوالي خطرت في بالي سميرة دنيا .. أجمل صوت نسائي غنى لـ أبوعفان .... بإختصار .. منتهى البهدلة للأغنية ...
غزال البر ياراحل ... وتالاهون ... ذبح مع سبق الإصرار والترصد ... والبخرة ... أتمنى أخونا القومندان ورهطه .. إنه يكونوا بسمعوا هسع في بهدلة الأغنية دي ..
مقطع الشادن الهالكني ريده ... فرفور وتسفاي ... إنسجام .. بين تسفاي وفرفور ... مقطع من عصام ... ومقطع من فرفور... وفرفور .. يتجلى .. بالرغم من البخرة ... وبدون أي مناسبة .. فرفور دخل في كسرة نهاية الأغنية ... معقولة ..بس ..
أعطف علي ياريم .. وفردتنا ... ورميه من فردتنا ... وأغنية من ملعب فردتنا .. غنا الحقيبة ... وفرفور في حالة طرب .. بتاع البيز ... عجيب ... عجيب ...
وكانت أعطف علي ياريم ... الحسنة الوحيدة في حلقة اليوم ... .. وقمنا على مهلنا ... وإستلم ياسيد الحوض ...
..
09-07-2010, 06:02 PM
محمد مكى محمد
محمد مكى محمد
تاريخ التسجيل: 10-13-2006
مجموع المشاركات: 4082
كل سنة وإنتوا طبيين ملاحظة حارقانى ما قادر أستنى بيها نهاية الحلقة. الشاب أحمد الصادق ده الدرسو صوت منو? ده لسه بيغنى من حلقو !! والمشكله بيجيب القرار من حلقو كيف ما عارف!!! غايتو لاحظو فى يا رشا يا كحيل الغناها هسع دى
09-07-2010, 06:17 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: كل سنة وإنتوا طبيين ملاحظة حارقانى ما قادر أستنى بيها نهاية الحلقة. الشاب أحمد الصادق ده الدرسو صوت منو? ده لسه بيغنى من حلقو !! والمشكله بيجيب القرار من حلقو كيف ما عارف!!! غايتو لاحظو فى يا رشا يا كحيل الغناها هسع دى
يا ود المكي وانت طيب ياخ
بس كمان ما تبالغ صوت شنو الدرسوا احمد الصادق !!!! ياعمك ديل الناس البيقولوا ليك نحنا موهوبين بالفطرة ديلاك ياخ .
09-07-2010, 06:25 PM
محمد مكى محمد
محمد مكى محمد
تاريخ التسجيل: 10-13-2006
مجموع المشاركات: 4082
ود العباسية وسفيان المشكلة ما في الاخ ناذر ممكن تختلف مع واحد وترجع تتسامح المشكلة في النوعية دي ناس( حسحس )
Quote: وليد فنان ؟ يعني هسه انا اجي اقول فرفور صاحبي شدييييييد و امبارح دي كنت بتكلم معاه في التلفون و قال لي ما عملنا بروفات للبرنامج, طوالي حابقي فنان!!
هه هه هه زي دا يقولو عليهو ويسمو شنو ................ أه ه ه ه ه اللهم اني صائم والله الرد حرام عليه وهذا خير تعبير عن نفسة
Quote: انت في كشفوها ولا فيني انا من امبارح شغال ليكم افرشو افرشو ! تارينا طلعنا شخصيات اعتباطية ساي :) :) :)
مين اللي قال لك احمد الصادق درس صوت ؟؟ لا اظن اعود لنفس الكلام الذي تحدثت عنه من قبل كيف يتم توزيع الاغاني احمد الصادق او شريف الفحيل وشموس غنوا في السلالم الخطأ
بالنسبة لاصواتهم. لاحظوا نادر خضر وبحكم الخبره يغني في السلالم الصحيحه كذلك فرفور وعاصم وعصام ولا ادري كيف يتم تحديد الاغنيه ومن ثم المطرب الذي سيغنيها والسلم الذي سوف تغني عليه
من المفترض ان تكون هذه شغلة الاستاذ محمديه او سعد او القصاص
ولا اظن ان الفنانين خاصة الشباب او السر قدور مؤهلين لتحديد السلالم التي تؤدي عليها الاغاني
09-07-2010, 07:17 PM
ودالعباسية
ودالعباسية
تاريخ التسجيل: 10-28-2002
مجموع المشاركات: 2442
.... يا خوانا عمنا السر دهب يتكلم على كيفو مافي زول بيقول بغم... هددك ولّ أداك رشوة يا فردتنا قال حلقة الحيوان في الغناء قال هسة وينا الحيوانات هنا؟ 1. غزال الروض فيك رايح بالي 2. عشقت شادن ... 3. يارشا ياكحيل غيثني 4. من عيونك ياغزالي 5. غزال البر ياراحل 6. الشادن الهالكني ريده 7. أعطف علي ياريم
هسه شايفين ليكم حيوانات غير الغزال هنا ... ياخي ما سمعت بخواطر فيل ما سمعت بملك الطيور ما سمعت بشبه المهر الوحيل (أغنية خلي العيش حرام) أو حتى صه يا كنار .... غايتو أحمد الصادق لو ما فيهو عيب الا يا رشا يا كحيل (قيسني) لكفاه عيباً ....
Quote: غايتو أحمد الصادق لو ما فيهو عيب الا يا رشا يا كحيل (قيسني) لكفاه عيباً ....
يا جماعه طيبين.
نعرف كلنا كسودانين مشكلتنا مع الحروف اللثويه نكتبها ولكن لا ننطقها صحيحاً إلا ما ندر.. وأحمد الصادق واحد منا..
درسونا في المدارس العدد (ثلاثه) ولكن من كبيرنا لي صغيرنا ننطقها (تلاته) كدي أمشي الدكان يا حاتم وقول ليه عايز (ثلاثه) أرطال سكر.. ياخي نحن وزير الثقافه عندنا بنطق (الثقافه) (سقافه).
أما لو جينا للغناء فالمكتبه الغنائية عندنا فيها الكتير .
09-07-2010, 08:09 PM
محمد مكى محمد
محمد مكى محمد
تاريخ التسجيل: 10-13-2006
مجموع المشاركات: 4082
طارق كل سنه و إنت طيب بصراحه الواحد طول من البلد ,عشان كده ما كنت عارف إنو الشاب ده ما درس صوت . لكن لما سألت عرفت إنو (قون كبير) والبلد خرم إبره,عشان كده ما توقعت إنو ما يكون دارس صوت وكمان يحمل لقب لما سمعته رفع لى الضفط تلاته (أوكتاف). مسألة السلم المناسب عندك فيها حق ,مع إنو غنى يارشا يا كحيل فى (لا ميجر )(ده سمع أضان ساى) على ما أعتقد , وده سلم مريح ويغنى فيه الكثيرون,لأنو ما بحتاج لأمكانات صوتية متغيرة -غالبا يؤدى بوتيره واحده بدون (جواب عالى أو قرار واطى) ونفس الحال بالنسبه للهارمنى النازل بتاعو (فا ميجر) , ونحن السودانيون بالفطره نؤدى عفويا الأناشيد المدرسيه ونحو ذلك فى هذين السلمين وبالكتير باقى حروف (أربيج اللا والفا ميجر) . .القصد يا طارق( فنان) باللقب قدرالهجمه ده يغنى فى سلم(متواضع) من حلقو ??!!! عاصم صاحبنا بيغنيها فى (سى ميجر) 100%. وشكرا ياخ دوشناك معنا.. *أخى سفيان أنصحك ب Anti Acid لمعادلة الحموضه.
09-07-2010, 08:21 PM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
ود بيت المال ود مكي محمد ... سلامات وكل عام وانتم بخير
Quote: .القصد يا طارق( فنان) باللقب قدرالهجمه ده يغنى فى سلم(متواضع) من حلقو ??!!! عاصم صاحبنا بيغنيها فى (سى ميجر) 100%.
اجمل واحد يغني هذه الاغنية في الشباب هو عاصم البنا وتجدها في احد تسجلاته جميلة جدا .. وعجبتني ايضا عند الفنان الجابري ..
Quote: .القصد يا طارق( فنان) باللقب قدرالهجمه ده يغنى فى سلم(متواضع) من حلقو ??!!!
المشكلة هذا العام تم توزيع الاغاني بطريقة عشوائية يعني كان ممكن عاصم البنا يختار هذه الاغنية لانه سبق نجح بها احمد الصاق دا ياجماعة ود مواهب وله مستقبل ولاتنسو كان مادح ممتاز والمدائح النبوية تساعد من ابراز موهبة الفنان وعزوبة صوته .
كل سنة وانت طيب يا وليد أوفقك إنو عاصم أحسن من يؤدى يارشا . .بس لكن حكاية المدائح دى ما آظنها بتطلع فنانين , يعنى الواحد يتعلم الغنا فى الأول وبعدين يمشى يبقى مداح كان عاوز... وليس العكس. بمناسبة العيد اهدى ليك الفديو ده.شوف أدآء الصوت حتى فى التهليل والتكبير ده كيف?
Quote: يعنى الواحد يتعلم الغنا فى الأول وبعدين يمشى يبقى مداح كان عاوز... وليس العكس. بمناسبة العيد اهدى ليك الفديو ده.شوف أدآء الصوت حتى فى التهليل والتكبير ده كيف?
اذا انت ملاحظ كل الشعراء الزمان والفنانين كانوا حفظت قران وكما تعلم درجة حفظهم ساعدتهم كتير في كتابة اشعارهم ولاتنسى اصل الغناء مستمد من المدايح ( حمام الايكي سجعة == نسأل ان الله رجعة) ياسلام يالزان جمالك == الكساك اسباب كمالك خدك البرنيدو مالك == خاتو في كفك شمالك ) وهكذا
أوافقك تماما إنو بيساعد على الحفظ بس مسألة التقنية الصوتية دى ممكن (يعوق فيها). والزمن هسع إتغير جدا والمعينات متوفرة والشباب ديل دلوقت محترفين (أغلبهم) ما زى زمان الواحد أفندى أو عندو مهنة تانية بالنهار وفنان بالليل .. يعنى التجويد مطلوب خاصة إذا الغناء أصبح مهنة الشخص. وشكرا كتير يا وليد. ........................... طارق القابلة عى آمانيك شكرا ياحبيب على كلماتك .. زى ماقلت أغانى وأغانى مع العصر.وفطورنا بعد عشاكم. فى موضوع تانى عام وخاص بالصوت وهو (الفايبراتو -vibrato).. كل الشباب ,باستثناء محمود عبدالعزيز وعصام محمد نور ,يكثرون فيه بطريقة مبالغة , وفى مواضع أساسا لاتحتاج له ويظهر فى أداء شموس (وصوتها جميل) وكذلك أحمد. والطريف إن نادر خضر حاول يعملوا بالمايك فى نهاية أغنية اليوم.(فرمالتى سابقا من اليوم فصاعدا :) ) وإهداء للشباب ديل مقطع من أوبرا موزارت (THE MAGIC FLUTE ) يظهر فيه حلاوة وجمال التردد الصوتى (فايبراتو) .. وخاصة فى الآرية (THE QUEEN OF THE NIGHT) ملكةالظلام... كدى أسمعوا بآذكنم وقلوبكم ..شعرة جلد الواحد حتقيف.
PLEASE LISTEM TO THE END
09-08-2010, 00:57 AM
عزيز
عزيز
تاريخ التسجيل: 04-12-2002
مجموع المشاركات: 3290
بوست حمل تعليقات لطيفة وراقية ولازعة ومحترفة ، ظللت اتابعه بانتظام منذ البداية ، وان كان لنا من اسهام في الدقائق الاخيرة فهو ملخص رايي فيما قدم خلال الشهر
- صلاح مصطفى .. اثبت انه كان يظلم اغنياته بادائه لها طوال اربعين سنة - عاصم البنا ------ مطرب شعبي متخفي في بدلة حديثة - عصام محمد نور ---- صوت جميل .. ولكنه بلا حضور ... كأنه يأتي من شخص غير الذي تراه امامك - نادر خضر ... اداء يتفوق كثيرا على الصوت - شريف الفحيل .... فاكهة البرنامج وحصانه الرابح - جمال فرفور ... حركاته لا تشبهها سوى من يأتي بها ضيوف ماما عشة في برنامجها الشهير - رماز ميرغني ... تصلح كمذيعة لا مطربة
عودة للبقية
(عدل بواسطة saif addawla on 09-08-2010, 05:28 AM) (عدل بواسطة saif addawla on 09-08-2010, 07:32 AM)
09-08-2010, 05:15 AM
المعز ادريس
المعز ادريس
تاريخ التسجيل: 05-18-2009
مجموع المشاركات: 1569
Quote: أرجو التكرم عند منح وتوزيع صكوك الإعجاب والإعتراض أن يدون كل مفتي جملة (هذا رأي الشخصي ولا يخضع لعلوم الموسيقي وقواعدها)وهذا لعدم تثبيت الآراء الخاصة لتصبح قاعدة عامة ..
الأخ / عزيز ..
رمضان كريم ...
ياسيدي الفاضل .. إذا كلفت نفسك وأتعبتها قليلاً .. ورفعت رأسك أعلى ما كتبت .. سوف تجد عنوان يحكي أن هذا المكان يسمى المنبر العام .. إذن نحن يأستاذ لا نكتب في Journey يخص مكتبة أكبر معاهد وكليات الموسيقى العالمية. والشاهد أنه أذا أتينا بطفل في الخامسة من عمره سوف يفهم أن ماكتبناه هنا عبارة عن أراء شخصية لمتابعي البرنامج .. ويتم مشاركة الأراء والإنطباعات مع الآخرين من المتابعين ... مثلها ومثل كل المواضيع الأخرى في المنبر ... عبارة عن أراء شخصية للمشاركين .. وإذا وٌجد فيها المتخصص والعالم(من غير المضخمين لذواتهم) فيما يتم النقاش حوله ... سوف يوضح رأيه بكل أريحية حسب ما يعرفه عن الموضوع من ناحية علمية .. إذن .. ياأخونا ... سخريتك المبطنة أعلاه لامكان لها في هذا البوست .. وذلك إحتراماً لكل من كتب وعلق من أخوة وزملاء نحترمهم ... وعلاقة معهم إستمرت في هذا البوست عدة مواسم..
مع خالص تقديرنا لك .. كأحد أبرز رموز الموسيقى وأعلامها في بلادنا .. وأحد المبدعين الذين أضافوا الكثير للموسيقى السودانية ..
لآخ عزيز كل سنة وانت طيب باعتبارى أحد (العنقالة) لايجوز لى الإفتاء فى (المزيكا ) وأعلم هذا جيدا ,و قمت بتقديم كلمتى (لى ملاحظة)قبل إدلائى برأيى ,كيما يضفى على الموضوع الشخصية وليس التحليل , ودعمت بما أوتى لى من معرفة متواضعة فى المجال وتجربة حياتية,طويلة. وكذلك الاخوة الأفاضل والذى جمعنا حبنا لهذا الفن السامى ,الغرض تبادل آراء ومحاولة الإستفادة منها ,ما تيسر. لانفتى وأنس العاقب والموصلى وآخرون كثر ,أعضاء بهذا المنبر ,وهم يقرأون هذا البوست , ولو شعروا بإفتاء أو خلل لصوبوه ووقفوا له ,ولايوجد شئ فى الدنيا (يضرس) الموسيقى سوى النشاز. وخلاصة الأمر مجرد آراء شخصية ,لم يقصد بها التحليل.
.................... فتكم بعافية وده طرفى من البوست.
09-08-2010, 09:15 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: يا جماعة خلاص اي واحد ما عندو علاقة مع الموسيقى يشيل عدتو ويمشي
هههههههههههههههههههههههههههههههههههههههههههه والله يا وليد ضحكتني لما قربته افطر ذاتو بضحك وبفكر في كلام عبد العزيز خطاب الفوق ده وبقول:- بالله شوف ودالعباسية سيد الحوض ده جاب لينا الكلام في روحنا هاهاهاهاهاهاهاها غايتو يا سيد الحوض تتجازى لووووووووول ثم يا عبد العزيز خطاب يا اخوي انت مدام متخصص وعندك غيرة من العنقالة الزينا ديل ما تجي تحرس البوست ده او تعال اكتبوا وعلمنا وفهمنا ياخ!!!! ولا عاجبك حال الغناء والموسيقة العندنا دي وخلاص!!! يا عبد العزيز اقول ليك حاجة !!!؟ اخونا الموصلي هنا قاااااعد و حبيبنا انس العاقب قاااااعد وابو الفن طارق ميرغني قاااااااعد واحسب عندك برضو ضيا ميرغني وطارق ابو عبيدة ومحمد زكريا وعيييييييييييييييييييييييك لو هم حسوا وشعروا باننا قلنا متخصصين ونقاد فنيين يعني كان سكتوا خلونا !!!؟ والا يعني انت بتفهم اخير منهم وواقعه ليك وجاضمه من اول ما مغني في الدنيا دي قال غاء ومن اول موسيقه قالت كلينغ !!!!؟ يا عبد العزيز ردي ده حار وناشف وموجه ليك بعنف واضح ومقصود لانك جيت طاااااخ عملته فيها الوصي علي الغناء والموسيقة والنقد رغم انك جملتها بالعيد مبارك واخوتي الاعزاء لكن استخفافك خلاك تسمينا مفتيين اوهو كلامك :-
Quote:
أرجو التكرم عند منح وتوزيع صكوك الإعجاب والإعتراض أن يدون كل مفتي جملة (هذا رأي الشخصي ولا يخضع لعلوم الموسيقي وقواعدها)
وهذا لعدم تثبيت الآراء الخاصة لتصبح قاعدة عامة ..
عشان كده ردي ده اقبلوا كده ده واتعامل معاهو كده ده وبعد ترد لينا فيهو بنرد علي ردك .
تحياتي للجميع .
09-08-2010, 10:10 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: ثم يا عبد العزيز خطاب يا اخوي انت مدام متخصص وعندك غيرة من العنقالة الزينا ديل ما تجي تحرس البوست ده او تعال اكتبوا وعلمنا وفهمنا ياخ!!!! ولا عاجبك حال الغناء والموسيقة العندنا دي وخلاص!!! يا عبد العزيز اقول ليك حاجة !!!؟ اخونا الموصلي هنا قاااااعد و حبيبنا انس العاقب قاااااعد وابو الفن طارق ميرغني قاااااااعد واحسب عندك برضو ضيا ميرغني وطارق ابو عبيدة ومحمد زكريا وعيييييييييييييييييييييييك لو هم حسوا وشعروا باننا قلنا متخصصين ونقاد فنيين يعني كان سكتوا خلونا !!!؟ والا يعني انت بتفهم اخير منهم وواقعه
وهذه من ضمن الاسباب التي تجعل موسيقانا لاتستطيع حتى عبور البحر الاحمر خليك من انها تكون عالمية ( فلسفة زيادة عن اللزوم ) ياجماعة الاسطورة الكاشف ماكان بعرف يقرا ويكتب وماقدمة للفن السوداني اكثير بكثير من الذين يدعون دراسة الموسيقى ..
09-08-2010, 11:41 AM
Moawia Mohammed
Moawia Mohammed
تاريخ التسجيل: 10-24-2006
مجموع المشاركات: 3777
فيا جماعة طولوا بالكم و خلوا المتخصصين ( أسياد الجلد و الرأس ) يورونا حاجة
في إنتظارك يا أستاذ
و كل عام و أنتم بخير
معاوية يا قريبي عبد العزيز خطاب فنان وخريج معهد الموسيقي وحسب متابعتي للمنبر ولعدد من الاصدقاء المشتركين بيني وبين الاخ عبد العزيز (انا لا اعرفه هو معرفة شخصية ولم اقابله في حياتي - قربته اقول الفنيه لوووووول- وحقاً اتمني ان تسمح لنا الحياة بالتلاقي وتنعم علينا بالصداقة). وهو حسب ما عرفت عنه خريج قسم صوت وبيانو يعني فنان وفي عرفنا نحنا العنقاله ديل قووووون .
يا عبد العزيز ياخ ما تحرق اعصابك وتنفعل ياخ نحنا كلنا اخوانا وبنقول كلام ساااااي حسب ذوقنا انت زول دارس ومتخصص تعال براحة براحة قول لينا لا كلامكم ده ماصح كده لازم يبقي كده .
وكل سنة ومعاوية طيبة وعبد العزيز طيبيين . اخوكم سفيان نابرى
بالمناسبة انا بعرف انو عمنا ميرغني البكري كبير النقاد الفنيين فعايز اسأل هل هو دارس والا عنقالي سااااي زي كده ؟؟! مع احترامي بالجد جد للأستاذ ميرغني البكري الرجل الموسوعه الذي احبه جداً واقراء له كثيراً رغم انو الفترة الاخيرة دي بقي مقل في الكتابة .
09-08-2010, 02:05 PM
طارق جبريل
طارق جبريل
تاريخ التسجيل: 10-11-2005
مجموع المشاركات: 22554
تعرف يا عزيز من غير زعل ذكرتني الدكتور الفي نجوم الغد داك يقعد يهجم ليك في المتسابقين بي كلام غُلاد غُلاد كدة على المستوى الشخصي الزول دة انا كاجيهو وكاجي طريقة نقده للشباب ديل ولو في طريقة افلعوا بي درابة ما حا اقصر
09-08-2010, 04:57 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: تعرف يا عزيز من غير زعل ذكرتني الدكتور الفي نجوم الغد داك يقعد يهجم ليك في المتسابقين بي كلام غُلاد غُلاد كدة على المستوى الشخصي الزول دة انا كاجيهو وكاجي طريقة نقده للشباب ديل ولو في طريقة افلعوا بي درابة ما حا اقصر
ده دكتور محمد سيف يا خال لووووووووووووول محمد سيف ده خليهو ساي .
Quote: تعرف يا عزيز من غير زعل ذكرتني الدكتور الفي نجوم الغد داك يقعد يهجم ليك في المتسابقين بي كلام غُلاد غُلاد كدة على المستوى الشخصي الزول دة انا كاجيهو وكاجي طريقة نقده للشباب ديل ولو في طريقة افلعوا بي درابة ما حا اقصر
مره سالوة عن طريقة تعامله دي قال عشان مصلحتهم وبعد دا لوكانوا منصفين ما كان الفنانة شموس طلعت الثانية والسراج الرابع وقبلة شول الذي في اغنية العطبراوي مخارج حروفة خطأبدل يقول حكموا العدل بقول حكموا الادله . ما عارفين دي مسابقة غناء وللا جمعية تأسيسية دكتور غير منصف غايتو الراجل لما يكون كبير ومن غير ضمير
09-08-2010, 05:38 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
ولي ونابري ياخي دكتور سيف دة يمين يكرهك الغنا عديييييييييل دة مفروض يودوه يعمل كورس في توصيل المعلومة اول شي يقعد يدرش ليك في المساكين ديل ويخليهم مقهيين حاجة كدة تطمم البطن
09-08-2010, 06:10 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: شنو يا حاتم ويييين الليلة !!! مافي غناء والا شنو !!!! نحنا تلفزيون مافي الليلة وحارسنك ياخ !
الليلة انا لو في محل شريف الفحيل كنت اعتذرت وقلت ليهم مضروب في الانكل ياخي اول مره اشوف الفحيل يسقط في هذا الشهر وانصحة ان يبعد عن اغاني الكاشف لانه لا يليق بصوته صديقي فرفور : معلم كبير نادر خضر : اغنية جميلة وابلغ ما فيها ( طيف الخيال من غير منام مستحيل ) (العاشق يحاكي الشوّلة دمعو الهميل ) عصام محمد نور : في اغنية وردي تنويم مغنطيسي لكل الاستديو ( اداء تقريري كما يقول المهندس ابوبكر ) احمد الصادق : يصحى في نهاية رمضان واداء ممتاز
09-08-2010, 06:40 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: الليلة انا لو في محل شريف الفحيل كنت اعتذرت وقلت ليهم مضروب في الانكل ياخي اول مره اشوف الفحيل يسقط في هذا الشهر وانصحة ان يبعد عن اغاني الكاشف لانه لا يليق بصوته صديقي فرفور : معلم كبير نادر خضر : اغنية جميلة وابلغ ما فيها ( طيف الخيال من غير منام مستحيل ) (العاشق يحاكي الشوّلة دمعو الهميل ) عصام محمد نور : في اغنية وردي تنويم مغنطيسي لكل الاستديو ( اداء تقريري كما يقول المهندس ابوبكر ) احمد الصادق : يصحى في نهاية رمضان واداء ممتاز
والله يا وليد نجيضتك تنجض كلو كلو قلته لي شريف جلها في الكاشف !!! ياخ الكاشف ده خطر ممنوع الاقتراب والتصوير ياخ . فرفور غناء شنو ما قلته لي ! نادر خضر اصلاً خلي العيش حرام دي من زمااااان اوي اوي (بالمصري استعداد للناس الجايننا في مشروع الجزيرة ديل) بيغني الاغنية دي و متعود عليها . عصام غناء ياتو اغنية لي وردي ياخ ! اها الموات والحيل الميت ده فيرشن عصام الجديد . قلته لي ود الصادق جضمه !!! قطع شك لقي ليهو حاجة جاتو ساااااااااقطه .
صباح خبره شنو ياخ!!!
09-08-2010, 08:46 PM
ودالعباسية
ودالعباسية
تاريخ التسجيل: 10-28-2002
مجموع المشاركات: 2442
Quote: الدكتور سيف يتعامل مع المواهب كانما هم درسوا موسيقي ثم اتوا ليغنوا
ويهريهم كميه من المصطلحات الموسيقية التي لا يعلم اكثرهم ما هي او عماذا يتحدث
وينظر لهم عن طريقة الغناء والقرار والجواب والسلالم وهم مساكين يسمعون ولا يدرون.
هذه من اكبر مشاكل الاكاديميين الموسيقيين عندنا
واكثرهم- بملاحظة الجميع - اقل المبدعين في مجال الموسيقي انتاجا
طارق ميرغني يا حبوب:
قابلت هذا السيف في عيد الأضحي الفات في إتحاد الفنانين ليس بيننا سابق معرفه لكني كنت (كاجيهُ) زي طارق جبريل دا قطعت عليه جلسته و معاي قوة عين (زي البفتش عليها أخونا نابري) قلت له كما قلت أنت عاليه يا طارق وأكثر (والله أنا مغبون منو ومن طريقتو) رد بأنه يريد أن ينشأ هذا الجيل من الفنانين الشباب علي أسس مدروسه قلت له الأجدر أن تذهبوا بهم لدراسة الموسيقي بدل من برنامجكم دا وهؤلاء الشباب هم هواة وفي بداية الطريق وأنكم تثقلون عليهم بردودكم الأكاديمية البحته. (الجمع في ردودكم) جاء من باب عدم التخصيص ، و لكني أعنيه هو بالذات.
المهم رد علي كلامي (بخرمجه) من شاكلة الكلام الذي (يطوطح) الروح ..
إتخارجت منو وفي البال:
بدأ الكلام فاااااااااارغاً وانتهي وهو ملئٌ بالفراغ
09-08-2010, 11:14 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: هذه من اكبر مشاكل الاكاديميين الموسيقيين عندنا
واكثرهم- بملاحظة الجميع - اقل المبدعين في مجال الموسيقي انتاجا
والغريبة عاملين يا دنيا ما فيك إلا انا في النهاية تجي تلاقي كيسو فاضي
Quote: المهم رد علي كلامي (بخرمجه) من شاكلة الكلام الذي (يطوطح) الروح ..
إتخارجت منو وفي البال:
بدأ الكلام فاااااااااارغاً وانتهي وهو ملئٌ بالفراغ
سؤال يا ابو الفن طارق لماذا لم يتعاملوا العازفين السودانين مع النوته مع انه يستحيل تشاهد فرقة موسيقية مصرية تعمل من غبر نوته (تسمع فرقة وليد الفايد خلف الفنان محمدعبده تستغرب ) تقول ساكنين جدة .
يجماعة صححوني لو غلطان زمان معهد الموسيقى المسرح الناس كان ممكن تلتحق الية بشهادة سكن فقط يعني ما محتاج تكون عندك شهادة نجاح بعد الثانوي
هاهاهاهاهاهاهاهاهاها بت ال###### يا الشعيرية مش من قولت تيييت قلته ليكم الزولة دي مجلية وابيتو تسمعوا كلامي؟؟؟؟ اها كلموا عبد العزيز خطاب يجي يحكم هاهاهاها
ياخ انا طلعته معلم وسط عنقاله ساااااكت لووووووووووووووول
Quote: يجماعة صححوني لو غلطان زمان معهد الموسيقى المسرح الناس كان ممكن تلتحق الية بشهادة سكن فقط يعني ما محتاج تكون عندك شهادة نجاح بعد الثانوي
خُــــد!!!! اها يا عبد العزيز خطاب شفته جبته الكلام للمعهد وناس المعهد كيف!!!؟ هسي يعني ح تكلف الموصلي وبقية الشباب نضمي كتير خلاص !!.
يا ولي انسى القصة دي ياخ .
09-09-2010, 01:20 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22554
يا سفيان ما تقول لي نوتة ولا جن ازرق شفتة ناس الكاشف ديل كانوا بطقطقوا المزازيك دي كيف ودكتور سيف دة شابكنا ليك غرار ولا قرار ما عارف وطول صوتك في الحتة والله بكون داير اشيل التلفزيون ادق بيهو الواطة
بعدين يا حبيبنا ما تعصر علي صباح دي شديد كدة ياخي الوجنات براها بتديها حسن جدا
انتو ريماز مالها كل حلقة بتظهر منفخة اكتر من الحلقة القبليها زي اللقيمات الزايدين ليها الخميرة لكن الليلة اطربتني في كنكوج ام حبوبتي
يا سلام يا عاصم البنا فردتنا شرط هل تدري يا نعسان .. غناء بي مزاج عالي تطريب ما بعده تطريب, مما يشوق الخلوق للبرنامج في مقبل الأعوام المشكلة أنه السر قدور في خمس أعوام كاد أن يكمل دكان الغنا السوداني أظن ما فضلت لينا إلا إنتي كلك زينة! الناس ديل السنة الجاية حا يغنوا شنو أتوقع عمكم قدور بعد كدا يدور في أناشيد الإبتدائي يقول ليهم: ( وين فرفور.. بالله قول لينا لي قطة صغيرة .. عمنا مبارك المغربي ما نسى الوطن.. عاصم أدينا علمي أنت رجائي يا منار, دجاجي يلقط الحب بالله)
09-09-2010, 03:22 AM
فاروق أبوحوه
فاروق أبوحوه
تاريخ التسجيل: 07-26-2008
مجموع المشاركات: 2242
معلم ومنقطه كمان بس نفسي أعرف إنت في صورتك دي بتكشّف لي شنو؟
تعرف يا نابري: واحد صاحبي زعلان من ريماز قال شنو قال بتمسك المايك أفقي وما بتخلينا نشوف مخارج الحروف قلت ليه مخارج الحروف يا وغد قوم أتخارج ألحق التراويح أحسن ليك .
تعرف يا نابري: واحد صاحبي زعلان من ريماز قال شنو قال بتمسك المايك أفقي وما بتخلينا نشوف مخارج الحروف قلت ليه مخارج الحروف يا وغد قوم أتخارج ألحق التراويح أحسن ليك .
كاااااااااااااااااااااااااااك
أبو حوه ... صاحبك ده ..أخطر من الرئيس التنفيذي لـــ رابطة المكسرين ... ...
09-09-2010, 04:18 AM
عوض عبدالله طه
عوض عبدالله طه
تاريخ التسجيل: 08-14-2010
مجموع المشاركات: 603
لكم العتبى إخوتي عوض عبدالله طه حاتم يوسف العبيد محمد المكي محمد وليد عبداللطيف سفيان بشير نابري معاوية محمد طارق جبريل وزوار هذا البوست الجميل
وأسمحوا لي أن أتقدم لكم بجزيل إعتذاري وأسفي
سهامي قد طاشت وأصابت في غير مقصد
ما رميت له لم يصب الكبد التى وجهت إليها أحرفي..
الأخ سفيان نابري .. موده خاصة وتقدير
ياوليد أنا من خريجين 1995 وعندما تقدمت للمعهد تقدمت عن طريق مكتب القبول جامعة الخرطوم يعنى ما رانكر أو راشدين أو ....ولعلمك الثانوي كان مدرسة المؤتمر الثانوية النموذجية أم درمان عندما كان يقبلون بها أفضل المتفوقين في العاصمة .. وصلتك الرسالة؟؟
ويا معاوية أنا أكاديمي ومصيبتى أن هذا هو تخصصي الذي لا أعرف في شئ غيره !!
منذ بداية العام 2002 عندما دعاني أستاذي الجميل يوسف الموصلي لهذا المنبر بدعوى تأسيس قاعدة من الأكاديميين والمهتمين بفن الموسيقى والغناء للإسهام في هذا المجال كتبت كثيراً وبدأتها ببوست بعنوان (دعوة لتعلم الموسيقى) أنزلت فيه دروس عن قواعد الموسيقي بهدف تثقيف وتوعية القاعدة بهذا العلم حتى يتثنى لهم التمييز بشكل أوضح (يوجد بالمكتبة بسودانيز أولاين) ثم كتبت عن كيفية تطور الفن في السودان والأسباب في مداخلات مع أستاذي يوسف الموصلي وبعض من المهتمين.. ثم كنت أول من وثق للفنان أحمد ربشة وكل ما هو في النت الآن من اغاني أنا من أنزلتها .. ثم وثقت لأخي وصديقى الفنان الجميل عادل الصديق ومازلت أدخر للعديد من المغنيين والموسيقيين الذين غيبت ظروف الحياة إسهاماتهم الجليلة .. وأشخبط هنا وهناك محاولاً إيصال رؤى وجهد سنوات في الرصد والمتابعة والتوثيق..
مصبتى بأننى لا أستمع للغناء للتذوق وإنما للتحليل فيصدمني عندما تكون الأشياء بغير ما يجب أن تكون .. ففي شهور مضت كتبت بوست بأسم (لا يا أمال النور ليس بالمجاملة يتقدم الغناء) وهي أختى وصديقتى وتتقدمنى في الدراسة والمعرفة أكيد .. ولكنى تعودت أن أقولها ولا خير في إن لم أقلها.. أجدوا لي العذر إخوتي وإن تطاولت يوماً وكتبت في القانون والطيب والاقتصاد وبقية التخصصات فلكم أن توجهوني الى وجهتى الصحيحة فالمؤمن مرآت أخيه..
حلوة منك يا خطاب الدنيا عيد وكل سنة والجميع طيبييييين
انا زاتي بعتذر عن الغياب عن البوست ده بالذات كل سنة كنت بكون فرده للجماعة ديل كللللهم ليكم التحية جميعا وبسبب غيابي خارج السودان كنت على اتصال بالاخ مولانا محمد المرتضي عشان يبلغكم تحياتي وكان وكان وكان كرومة وكان سرور. ودالعباسية لك التحية للمرة الخامسة على التوالى عقبال الديشيليون كده
لكن لقيتكم لو عملوا استفتاء الجنوب فى بوست ود العباسية ده حلايب مصرية طوالى والجنوب ببقى عالى واطي وفى كرضومة .
ياجماعة ختو الكورة فى الارض نحن بنلتقى كل سنة مرة زى هلال العيد وفيه نعايد حقو تعرف وين مكانك قبل ماتصدق ظنونك ... ياما سبنا الناس عشانك وعشنا افرااااح فى عيونك حقو تعر ... ياحليلك ياعمار السنوسى وطربك البطرب الطرب ..
وين ممكونة وملكة سبا ونازر والزول العندو علم السودان داك ودشيقوق غياب الف ... الجلد يوم السبت فى الطابور.
محبتي للجميع وبالمناسبة تعليقاتكم دى ياما استفدنا منها فى علاج السوالب ياريت لو نقدر نجيب تعليقات العامين الاوائل ونلاحظ الفرق .... ربنا يديم المعروف والمحبة بن الجميع والله يا اخوانا الصاح صاح والغلط غلط ومافى حاجه ماليها ظروفها ... المهم جدا فى الامر انكم تلتقوا وتفرنقعوا على الخير فقط وهو الاهم ... ولا ننسى حب الناس مذاهب (ومن الحب ماقتل) الله يسصتر علبنا
مودتى واحترامي للجميع
09-09-2010, 07:45 AM
عزيز
عزيز
تاريخ التسجيل: 04-12-2002
مجموع المشاركات: 3290
Quote: حلوة منك يا خطاب الدنيا عيد وكل سنة والجميع طيبييييين
انا زاتي بعتذر عن الغياب عن البوست ده بالذات كل سنة كنت بكون فرده للجماعة ديل كللللهم ليكم التحية جميعا وبسبب غيابي خارج السودان كنت على اتصال بالاخ مولانا محمد المرتضي عشان يبلغكم تحياتي وكان وكان وكان كرومة وكان سرور. ودالعباسية لك التحية للمرة الخامسة على التوالى عقبال الديشيليون كده
لكن لقيتكم لو عملوا استفتاء الجنوب فى بوست ود العباسية ده حلايب مصرية طوالى والجنوب ببقى عالى واطي وفى كرضومة .
ياجماعة ختو الكورة فى الارض نحن بنلتقى كل سنة مرة زى هلال العيد وفيه نعايد حقو تعرف وين مكانك قبل ماتصدق ظنونك ... ياما سبنا الناس عشانك وعشنا افرااااح فى عيونك حقو تعر ... ياحليلك ياعمار السنوسى وطربك البطرب الطرب ..
وين ممكونة وملكة سبا ونازر والزول العندو علم السودان داك ودشيقوق غياب الف ... الجلد يوم السبت فى الطابور.
محبتي للجميع وبالمناسبة تعليقاتكم دى ياما استفدنا منها فى علاج السوالب ياريت لو نقدر نجيب تعليقات العامين الاوائل ونلاحظ الفرق .... ربنا يديم المعروف والمحبة بن الجميع والله يا اخوانا الصاح صاح والغلط غلط ومافى حاجه ماليها ظروفها ... المهم جدا فى الامر انكم تلتقوا وتفرنقعوا على الخير فقط وهو الاهم ... ولا ننسى حب الناس مذاهب (ومن الحب ماقتل) الله يسصتر علبنا
مودتى واحترامي للجميع
عاصم يا فنان أسعد الله أوقاتك وكل عام وانت ورفاقك الفنانيين وعمنا السر قدور بكل الخير تمتعونا وتفرحوا أيامنا
بعد نصف ساعة انا متوجه للمطار في طريقي للسودان لمدة أسبوع سوف أعيد في ربوع الوطن الحبيب بجزيرة توتي .. عند عودتي أوعد بفتح بوست تحليلي لحلقات برنامج أغاني وأغاني وأتناول فيه كل المشاركين بالتحليل والنقد البناء ..
أتمنى لو كنت في السودان أن نلتقي ففي النفس حب وتقدير لك..
أكتب لي تلفونك لو تكرمت في رسالة داخلية
وكل سنه وانت وأسرتك والأسرة الفنية بخير وعيد سعيد عبدالعزيز خطاب
واهو يا عبد العزيز خطاب فردتنا قاليك ما نحمله في نفوسنا من محبة وحرص علي التحسين ولا شئ سواه ياخ فردتملنا ده من اكتر خلق الله العصرناهم في البرنامج ده وهو حريف ملاعب بيمتصاها زي الما حاصل حاجة وبيأكلنها ليها في قبولنا كمان زي ما عمل هسي دي وكبه ليك التقدير والاحترام وقبل ليك العذر باسمنا كلنا لووووووووووووووووول لقيتك ختري لكن يا فردتنا وحلوه منك اوي اوي وملعوبه ومتكلفه كمان ههههههههههههههههه تسلم ياخ وسنتك طيبة وعمرك اطيب .
Quote: بعد نصف ساعة انا متوجه للمطار في طريقي للسودان لمدة أسبوع سوف أعيد في ربوع الوطن الحبيب بجزيرة توتي .. عند عودتي أوعد بفتح بوست تحليلي لحلقات برنامج أغاني وأغاني وأتناول فيه كل المشاركين بالتحليل والنقد البناء ..
يا خطاب بالله لما تصل خرتوم الجن دي حاول نتقابل اخوك متسنتر في بيت الفنون دُقار مع طارق الأمين تعال خلينا نوقع اوتوغراف الصُحبة بالباب.
يا حاتم فردتي ياخ اهو عبد العزيز جاء بين كلاموا يلا اظهر بمناسبة كلمة فردتي دي يا الاخو هوووووووي وحاة الله انا بقرأ لي في وست لقيتك من سنة بيفتشوا في الحديد للطواري الحا يعملوها حتين بعد داك يحفروا بيها البحر هههههههه كااااااااااااااااااااااااااااااك . فاروق ابو حوة اخوك وحاة الله كان مشغول ليهو بي طفلة صغيرونية بتعمل في حركات لزيزه خلاص تصدق بالله كل ما اتذكر حركات الطفلة دي بفرح فرح خليهو ساي . يا شباب وشابات اغاني واغاني ياخ يديكم العافية والفي مرادكم فرحان بيكم فرح النار بي عود الزان الله يعلم وكل اعتذاري لو في زول غلطه عليهو في حاجة امسحوها لي في صلعتي دي .
بصفة خاصة بشكر الاخ والصديق مهند خالد الذي راسلني في ايميلي دون سابق معرفة بخصوص هذا البرنامج وانزلت مشاركته هنا واتمني له عيد سعيد وحياة طيبة .
محبة شديدة للجميع ويا سيد الحوض الدورة السادسة معاك بأذن الله .
Quote: يا حاتم فردتي ياخ اهو عبد العزيز جاء بين كلاموا يلا اظهر بمناسبة كلمة فردتي دي يا الاخو هوووووووي وحاة الله انا بقرأ لي في وست لقيتك من سنة بيفتشوا في الحديد للطواري الحا يعملوها حتين بعد داك يحفروا بيها البحر هههههههه كااااااااااااااااااااااااااااااك .
Quote: ياوليد أنا من خريجين 1995 وعندما تقدمت للمعهد تقدمت عن طريق مكتب القبول جامعة الخرطوم يعنى ما رانكر أو راشدين أو ....ولعلمك الثانوي كان مدرسة المؤتمر الثانوية النموذجية أم درمان عندما كان يقبلون بها أفضل المتفوقين في العاصمة .. وصلتك الرسالة؟؟
ياخي انا ما بتكلم عن الاكاديميات درست وين وللا تخرجت من وين انا عايز اوضح للناس انو معهد الموسيقى ماهو شيء خلاص هو نهاية الفن في الموسيقى ممكن الواحد يتخرج من كلية الطب ويكون دكتور غير مؤهل شنو يعني ياخي الفنان فنان في تعاملة قبل كل شيء وليس المغني كما المغنواتي . وضربنا مثل بالفنان الكاشف وعندك ناس تخرجوا من معهد الموسيقى زمن بدخلوها بشهادة السكن ولكن كانت لهم اسهاماتهم الواضحة في السودان في مجال الموسيقى . المهم الانسان كيف يثبت نفسة . للاسف لم احدد شخصك بأنك المعني من كلامي وسبق قبلك شخص عاملنا بطريقة ان تخصص معهد موسيقى الفنان يختلف عن اي شحص عادي وعلية التزامات اكبر منه وهي في تواضعة مع الناس في حديثة وفي كيفية ايصال المعلومة للفاقدين التخصص . ياخي في النهاية ما نقوله هنا ليس نهاية حكمنا على الفنان ويجب انت تعلم ذلك لان لو لاحظت في برفايلاتنا ماكاتبين خريجين معهد موسيقى وللا متخصصين في الموسيقى . وكان يجب تعاملنا من خلال هذا الاساس . جيت وزعت لينا صككوك عدم خبرة وزعلت لينا الناس . على كل حال انت حبيبنا واستاذنا وكويس انك زعلتنا وزعلك سمح البجيبك لينا لان هنا نعتمد على كلام اهل الخبرة قبل كل شيء ونشكر استاذنا ابو الفن طارق ميرغني عميد هذا البوست والارهاق الذي سببه له هذا البوست كما الشكر الى ود العباسية حبيب الكل وجامع كل الناس الحلوين هنا . وكل عام والجميع بخير ..
Quote: وين ممكونة وملكة سبا ونازر والزول العندو علم السودان داك ودشيقوق غياب الف ... الجلد يوم السبت فى الطابور.
والله ما إتصلحت معانا نوهائ ياود البنا ..... ياخي .. أنا وفردتي سفيان ... كنا أهم مساعدي الياي .. لـ سيد الحوض / ود العباسية ... وبالرغم من ده كلللله ... ماتجي سيرتنا في مايطلبه المستمعين أعلاه ....
___ يازول ... سعيدين جداً بظهورك ... وغناك الغنيته لينا في البرنامج ... يديك الحق في أي حاجة .. تغيب .. تجي ... أي حاجة ...
09-09-2010, 02:35 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: بعدين يا حبيبنا ما تعصر علي صباح دي شديد كدة ياخي الوجنات براها بتديها حسن جدا
يازول بتديها ممتاز عدييييييل ،،،
ابو حوه ،،
Quote: قال بتمسك المايك أفقي وما بتخلينا نشوف مخارج الحروف
صاحبك دا قول ليه دي مكنتك ،، وريماز دي منطقة ممنوع الاقتراب والتصوير ،،
اخونا عزيز ،،،
شكرا كتير ليك ،،
فردتنا ،،، عاصم ،،
التحية ليك يا فنان ،، وفعلا الناس هنا بتلتقى كل سنة زي هلال العيد وبنضحك ونتونس
ونحظى بى لقاكم الجميل فى هذا البرنامج الاكثر مشاهدة ،، على الاطلاق الى الان ،،
وطبعا مافى شئ مكتمل والكمال لله وحده ،، ولكن الملاحظات بتقول انه فعلا فى تغيير
من اول الى الان ،، فى اشياء كثيرة ،،ولكن لازم نتكلم ،، ونعلق ،،
التحية ليك ولى كل اسرة البرنامج وان شالله السنة الجاية تكونو اكثر تجويدا ،،
ابو الفن ،،،
Quote: ولاعزائي لظروف طارئه ساغادر باذن الله للبحرين ظهر اليوم
غايتو انا بقول حرادن عدييل ،، يعنى باقى لينا حلقتين بس ،، وتقوم ما تظهر علينا
عايزين نعمل تصفيه حسابات وكدا اخر البرنامج ،، ونوزع الجوائز زي ما قالت
اميرة الشيخ ،،
توصل بى السلامة ان شالله ،،،
سفيان يا فردة ،،
Quote: ويا سيد الحوض الدورة السادسة معاك بأذن الله .
يازول انت مسجل اول واحد من هسى ،،، بس الناس ديل لو قالو ما فى السنة الجاية
حا نمشى وين ،،
شكرا ليك كتير على المداخلات الجميلة وروحك الحلوة ،،
وليد عبداللطيف ،،
Quote: ونشكر استاذنا ابو الفن طارق ميرغني عميد هذا البوست والارهاق الذي سببه له هذا البوست كما الشكر الى ود العباسية حبيب الكل وجامع كل الناس الحلوين هنا
الواحد سعيد بى معرفتك ،، وبى اطلالتك فى هذا البوست ،،
والفضل لى برنامج اغانى واغانى الخلانا نجتمع على المحبة ،، هنا مع كل الناس الحلوييين
الشاركونا هذا البوست ،، من اعضاء وزوار ،،
يااا حتمه ،،،
Quote: ياخي .. أنا وفردتي سفيان ... كنا أهم مساعدي الياي .. لـ سيد الحوض / ود العباسية ...
والله فعلا كنتو احسن مساعدين ،، ياخى البوست حقكم عدييل والله ،، وانا كنت ضيف عليكم
ما قصرتو نهائ ،،يديكم العافية ،، وسعيد جدا بهذا التواصل ،،
09-09-2010, 05:43 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
السر قدور بيتحدث عن قومية الغناء السوداني ياربي يعني نحنا بنسمع غناء السودان بلغات السودان المختلفة!!! والله ياربي بنسمع المحس والدينكا والنوبة ووووو وكل القبائل بلغة واحدة .
عاصم يغني منظر شئ بديع وطبعاً ده مسبح فردتنا وفردتنا يقول ان حمد ادخل ايقاع دلوكة المحس في الغناء . فردتنا يتجلي في منظر شئ بديع ويغني بمزاج عالي وسلطنة فائقة الوصف (الاغنية ذاته سمحه في كلماته).
كانت أيام والله ... وليد ، ود المكي ، طارق ، زولنا ، ودجبرين ،أبوحوه ..و ...و...و...و وفردتي .. مساعد الياي الأعظم سفيان .. وسيد الحوض العزيز ود العباسية ... وكل الناس ... العفو والعافية .. وخصوصاً مجموعةالبرنامج بقيادة عمنا قدور كل سنة وأنت طيبين .. وينعاد عليكم ... ونتلاقى ... لو ربنا مد في العمر ... في الموسم السادس بإذن الله ...
...
09-09-2010, 06:07 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
الشال هم فرقتك قلبي وتالاهون وتسفاي اصلا ما عجبتني كلو كلو عندهم رغم انو بالنسبة لي احسن عندهم من سيده حمد الريح .
السر قدور علاقتو بي كرومة بانو اتربى في بيت فيهو اسطونات كرومة!!! معناها انا علاقتي بي وردي وسيد خليفة وحسن عطية والكاشف وابو داؤود وحركة وكتار جداً علاقة عظيمة شدييييييد .
اغنية عبد المنعم عبد الحي بين اليقظة والاحلام يغنيها محمود الحوت وحمد (الله يستر حمد من محمود لانو الحوت حيضيع حمد) الحوت يستلم بصوته المميز الأغنية ويغني جيد جداً . حمد يغني (حمد ما بقدر اقيموا عشان مافي زول يزعل)
شريف يغني لاسلام منك بمزاج الله عليك ياشريف اداء ممتاز وراقي وجيد ... وشريف يهجج والقيامة تقوم جوة الاستديو وحمد يجلي ههههههه الفرقة عايزة تقفل الاغنية بس حمد واصل لووووول . ههههههههههههههههههههه السر قدور يتحدث عن للحن اغنية لا سلام منك وعاصم يحب يتداخل بس السر قدور يقهمو ويهجمو ويسكتو ويواصل حديثو وبعد داك يدي فردتنا الفرصة لووووول يا فردتنا ياخ الزول ده لا تقاطعو قلنالك ههههههههههههههههههه
فرفور يغني حليل الراحو فرفور يغني بمزاج جيد واداء عآلي وبتاع البيز بتاع البيز بتاع البيز لا حولااااااااااااااااااااا وفرفور يواصل الامتاع ويتجلي حاجة جميلة يا فرفور ياخ .
وعجبوني الليلة جو وقطع شك الاستديو حيولع سامع ليكم صوت صباح يا جماعة لووووووول مش قلته ليكم الاستديو حيسخن اها شايف ليكم سلاح ابيض حائم وابان جلاليب قامو حيلهم منار يا سلاااام عليك ياخ تستلم وتغني البت غنااااااايه مافي كلام فردتنا ضرب خط حلو شديد معلم يافردتنا . وشفنا السيف بالبنطلون والقميص عند تسفاي لووووووووووووووووووول والله صحي تسفاي . وعمك قدور رفض يدي العكاز لفرفور ههههههههههههههههههههههههههههههه يا فرفور جلابيتك دي من وين ياخ!!! والله يا عاصم عراااض تب وجلابتك وتوبك سمحات والزغاريد تعم الاستديو وعاصم طلع معلم في الخوجال والبرجسه ههههههههههههههههههههههههههه البرجسه دي لقطه ليكم من البرنامج ده لووووووووووووووووول
ياجماعة اظنها معادة الاغاني دي انا سمعتها قبل كده .
ممكن نهي !!! العيد يتبارك عليكم كلكم ياخ ونتلاقي في ساعات اجمل والعيد مبارك لاسرة برنامج اغاني واغاني ويناس ما تزعلوا مننا كلو كلو ويا صباح انتي تحديداً ما تزعلي لكن امشي حلي مشكلة اصواتك دي ياخي وتعالي اقنعينا شوفي كان نقول امبغم .
والعفو والعافية .
09-09-2010, 07:30 PM
عوض عبدالله طه
عوض عبدالله طه
تاريخ التسجيل: 08-14-2010
مجموع المشاركات: 603
Quote: وين ممكونة وملكة سبا ونازر والزول العندو علم السودان داك ودشيقوق غياب الف ... الجلد يوم السبت فى الطابور.
أوووه ...فردتنا شخسياً ياخي فاقدنك ... وخاصة في التسريبات الكنت بتقوم بيها قبل اذاعة الحلقات وده يا عاصم كان بيدينا أسبقية على باقى المنتديات والأسماء الفوق دي تقريباً كلها اختفت ومنها من عمل فصيل مسلح زي أختنا الممكونة التابعت لينا التواشيح بس التسجيلات الجديدة خطيرة (ناس سفيان نابري، وليد عبداللطيف ، طارق ميرغني ) وخاصة مع النشاط الملحوظ للمخضرمين ( ود العباسية ، حاتم يوسف ، المعز ادريس ) والمروري التفقدي الدائم لأخونا طارق جبريل ، وعماد أحمد وناذر وأخونا أبو مهيار البقى اسامة عبد الجليل ، والفنان ياسر تمتام والتصحيحات المتواصلة لأستاذنا د. أحمد القرشي وبقية الأخوة الذين لم أذكر اسماءهم
وفعلاً ما قصروا الله يديك ويديهم العافية .... الإمضاء: الزوول الكان شايل علم السودان ثم شال ليهو فنجان قهوة ثم تحول للصورة الحقيقية وبقى عوض عبدالله طه ..
09-09-2010, 10:46 PM
طارق جبريل
طارق جبريل
تاريخ التسجيل: 10-11-2005
مجموع المشاركات: 22554
يا شباب كل سنة وانتم طيبين يا ناس اغاني واغاني عيدكم مبارك لو عصرنا عليكم امسحوها لينا في وشنا بس دة كله عشان بتمتعونا بالغناء يا عزيز ياخي ما تزعل مننا نحن ناس جربندية ساكت لكن بنحب نسمع غناء كويس
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة