|
Re: برنامج اغانى واغانى فى دورتة الخامسة على النيل الازرق وعلى المنبر (Re: Dr.Elsadig Abdalla)
|
Quote: بس شوس ماعارفها كانت زي مخنوقة كده اليوم بالله رايك شنو في البت دي
|
كلامك صح يا ولي وصح شديد السلم الاشتغل فيهو تالاهون مريح لتالهون فقط عشان كده شموس في الاغنية دي ماممكن نقول عليها دويتو ابداً لان مشاركته اقتصرت علي قفل الكوبليه او ترديد الشطر الاخير من الكوبليه ورغم ده ادتو للون وطعم تاني مختلف بالمناسبة مافي حاجة في علم الصوت اسمها الصوت الممصوص أو الممجر ؟!
بمناسبة درقن درقن درقن شفته البقت عليهم !!!؟
كن بخير دوماً
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
!!!!
Quote: وناذر المشكله شايلها من بوست اخر ويظهر ماعندك به فكرة
|
بالغت والله يا وليد ..!!
يا خي خليك من سفيان .. أنا زاتي والله العظيم ما عندي فكرة عن المشكلة البتقول فيها دي ..!!
أنا علاقتي مع البوستات بتنتهي بإنتهاء غرض البوست وما بشيل غبائن وأحوم بيها ولا بتذكر المتداخلين معاي
زاتم منو ؟؟؟!!
يا خي الدنيا دي شن فيها عشان تشاكل ليك زول لا بتعرفو ولا شوفتو ؟؟!!
يعني خلاص من قلة مشاكلة الناس الزول بيعرفم وشافم لامن نقابض ونشاكل ناس ما بنعرفم ؟؟!!
إستهد بالله وخت الرحمن في قلبك يا وليد ..
وأوعك تبالغ تاني !!!
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
وماااال ايه !!! قلنا ليكم ده يوم ولا ممكن يبقي
اغنية يا سائق البوباي آداء منار وريماز و آداء مية في المية و جمال شديد .
الحديث عن الشاعر حسبو سليمان والذي لحن له حسن بابكر اغنيتين . واغنية ما بتقدر توب يغنيها طه أب ضرس و آداء متوسط من طه (من بخره) . رغم الاداء المتوسط الا اللحن والكلمات تشيل كل شي . الحديث عن الشاعر عثمان خالد واغنية الصيدة . تالاهون خدر واغنية الصيدة والمزيكا زي التان تان كيبورد نضيف جداً من القصاص والبيز مسنكف عشرة علي عشرة والاستديو يتفاعل وتالاهون في آداء جيد بس الموسيقة احسن منو مليون مرة والساكس ماسك زمن صح الصاح وبتاع الايقاع مجرم حقيقي.
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
Quote: واغنية ما بتقدر توب يغنيها طه أب ضرس و آداء متوسط من طه (من بخره) . رغم الاداء المتوسط الا اللحن والكلمات تشيل كل شي . الحديث عن الشاعر عثمان خالد واغنية الصيدة . تالاهون خدر واغنية الصيدة والمزيكا زي التان تان كيبورد نضيف جداً من القصاص والبيز مسنكف عشرة علي عشرة والاستديو يتفاعل وتالاهون في آداء جيد بس الموسيقة احسن منو مليون مرة والساكس ماسك زمن صح الصاح وبتاع الايقاع مجرم حقيقي. |
أضانك نضييييفة يافردة .... طه وتالاهون ... أفضل من يذبح الأغاني ...
...
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
السايق البوباي ... منار ورماز ... وكمان بالتياب .... مستوى توافق الأصوات ممتاز ... وكذلك توافق الإحساس ... صوت الكورس الرجالي .. أدى الأغنية طعم جميل جداً ... ورماز ومنار ... أستاذكم حسن مبسوط منكم ... أداء جميل ... بمعنى الكلمة ...
مابتقدر تتوب ياقلبي المودر .... وطه سليمان .... حرام عليك ياطه ... ياخي الأغنية دي ..مليانة طرب وجمال ... غناها طه في شكل نشيد مدرسي ... دخول فرفور وعصام ... كان أجمل مافي الأغنية ... غايتو.. شوف عيني .. سيد الأغنية ... شفق عليها ....
سمحه سمحه وصيده ... وتالاهون .... ياجماعة غنا محمد مرغني ...حرام يتبهدل كده ... تالاهون ... بيغني وبيطرب في نفسه بس...
..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
الكلام عن الشاعر السر دوليب واغنية انا والاشواق وقيل انها في البداية كان مفروض يلحنها برعي .
الحوت يغني أنا والاشواق ... المزيكا مافي كلاااااام ابداً ابداً محمود يستلم الاغنية بمزاج معتدل وفي الاصل هي من اغنياتها التي يؤديها منذ زمن بعيد وياما فرحنا بيها مع الحوت . محمود في آداء قمة في الروعة ويتهادي ويقسم الاغنية لايقونات بصوته الجميل ويتداخل معه غصام محمد نور بشكل جميل جداً .
اميمة تغني للسر دوليب لو قدرته تغيب غيب علي (الليلة اجمل يوم في الاغنيات الجميلة) يا جماعة مركزين مع بتاع البيز ده!!!! اميمة تؤدي بشكل فوق للوسط وكان ممكن تصل لمرحلة جيد جداً لو انها اتفاعلت مع الاغنية وتحركت معها .
يا جماعة اغنيات محمد ميرغني دي هي الحياة ذاتها .
الحديث عن مصطفي سند ولقاه مع حسن بابكر في اغنية غشان خاطرنا . عصام وعشان خاطرنا ... الليلة الموسيقي مافيها كلام ابداً جمال فوق للعادي لعذوبة اللحن والملحن . عصام يغني بجمالية عالية و آداء جيد جداً . حسن بابكر ينفعل والدموع في عينيه يغني ويردد مع عصام . سعد الدين والقصاص بيبالغوا . والكمنجات في الاغنية شغالة بي طريقة عجيبة في الجمال . وعصام بالجد الليلة ابدع .
الاستديو يصفق لعصام . وصفقه كبيرة لحسن بابكر .
يا جماعة والله اليوم ده سمح شديد وحقوا يكون في يوم تاني مع حسن بابكر .
اليوم ده علي حسبي انا اجمل يوم لانو ببساطة انا بحب محمد ميرغني وشايفوا احسن فنان في البلد حتي بعد صوتو فرق برضو جميل لانو فنان فنان فنان في كل شئ.
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
أجمل أغاني محمد مرغني ... أنا والأشواق ... والحوت ...
الله علييييييييك ياحوت .... طرب ... وطرب ... وكالعادة ... مشكلة محمود في الحفظ ... لولا دخول عصام ... في الوقت المناسب ...
لوقدرت غيب علي .... وأميمه ...
على العكس من الحوت ... أميمه حافظه تماماً .. غنا وموسيقى ... بس ...وييييين مع الجدية الشديدة ... إبتسامة وتفاعل مع الأغنية لله يامحسنيين ...
عشان خاطرنا .... وعصام محمد نور ... ياسلام ياتسفاي .... وياسلام ... على المزازيك ... ..
وبرضه ... حلقة فوق الوسط ... وكان من الممكن تطلع أجمل وأروع وأحلى من كده ...
.. وقمنا على مهلنا ...
إستلم ياود العباسية ..
..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: أسامة عبد الجليل)
|
السلام عليكم
...
متابع معاكم من على البعد
...
يا ناس محمود عبد العزبز ....
غايتو كان ترضو كان تابو
كان تكونو متعاطفين معاه
كان حنين لماضيهو
لا أحس وأنا أستمع إليه الا بالشفقة عليه
وأكاد اشعر بارتباك القاعة كلها
موسيقيين ومطربين
فارق في كل شيء
موسيقى ...أداء وعدم حفظ
صراحة أنا مما يبدأ يغني بكون بأدعو
يا الله تتملو بخير
يا الله استرو
....
الحمد لله
بردت بطني
ويتخيل لي بطون ناس كتاااااااااااار
ومستعد لأي نبذ من رابطة معجبيه
.... ....
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: Salah Abdulla)
|
ناذر
Quote: يا خي خليك من سفيان .. أنا زاتي والله العظيم ما عندي فكرة عن المشكلة البتقول فيها دي ..!! |
ياراااااااااااااااااجل
( المهم ) كما يقول اخونا تبارك شيخ الدين محمود عبد العزيز اليوم : رسووووووووووووب طه سليمان : رسووووووووووووب اليوم بحري صفر كبير وكبير جدا ياخي خجلتونا كان ما بتغنوا لزول من بحري كان نقول معليش تسمعون محمد ميرغني في الحفلات والحافلات والبكاسي والكفتريات وزريبة الغنم معقول اداء تقريري كما يقول المهندس ابو بكر ياخي اغاني محمد ميرغني من شدة ما مليانه طرب هو نفسو لما يغنيها بغمت عيونو وبسبّح بأصابعة انتو بتضحكوا على منو اليوم اتهزمنا يارجالة وانا كل يوم اقول بحري فوق . الليله غايتو نومتونا في خور شمبات ..
------------------------- انا واحد من معجبي محمود واذا اراد ان يواصل مشواره في الغناء علية من اليوم مراجعة نفسه
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: وليد عبد اللطيف)
|
لاول مرة ازكي نفسى واقول يا ريت لو كنت ضيف فى الحلقة دى يا اخونا محمد ميرغني وحسن بابكر الاتنين ىكلو واحد فى شعوره واحاسيسه ارق من النسيم هم اللذان علمانا الحب وشكلا جزء مهم من شخصيتنا الموسيقية ولذلك يجب الاحترام عندما تقدم لهم شيئا فاما ان تكون مجودا او تصمت محمود ما حافظ كويس وما اتوفق فى الأداء اطلاقا عصام جنن الطرب جن ابدع واجاد حتى سالت دموع الموسيقار حسن بابكر وعشان خاطرنا بجى راجع
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: HOPEFUL)
|
يا حليلك يا محمود عبد العزيز
يا اخوان بدون مجاملات فارغة
محمود زول فنان ولكنه حاليا يمر بازمة صحية والارهاق ظاهر في وشو وصوته المفروض كان يحافظ علي نفسه وجمهوره بدل هذا الظهور الضعيف وهو مخصوم عليه طبعا دي مشكلتنا المجاملات القاتلة علي حساب النفس والصحة
محمود دا لو كان عنده مستشارين صاح كان نصحوه بالراحة بدل البشتنة الحاصلة دي
نسيت اسلم عليكم يا جماعة
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
السلام عليكم يا شباب ....
هنا فى كم قائد للاوركسترا ..... نحييهم جمعيا بقيادة سفيان وحاتم واستاذنا طارق ميرغنى وصاحب البوست ... والله انسجاكم عالى اكتر من ناس استديو اغانى واغانى زاتو... لذلك نقترح على الاخ مجدى عوض صديق(المخرج) على فكرة هو عضو معانا هنا يعمل معاكم سهرة خااااااااااااااااااصة حول البرنامج عسى ولعل يستفيد من ملاحظاتكم ونقدكم فى السنوات الجاية انا غايتو لما تفوتنى حلقة بسبب الدوام طواااااااااااالى بجى على السبيل دا والله بصراحة مستمتعة بالبوست اكتر من البرنامج نفسو تحياتى يا شباب ليكم وشكرا ليكم على المجهود الجميل دا
ود العباسية لازم يكون فى احتفال ختامى لتسليم الكؤؤس والميداليات .... ممكن اكون فى لجنة الحفل(دا بقى تخصصى فى الفترة الاخيرة)
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
ياسفيان
Quote: ياوليد ياخ شنو القصة !!! اخوك ما حمل الكلام ده ولا قدروا !! انا بي جنس ده بطفش كلو كلو . |
ياخي نحن رواد المتابعة ولا نملك التكتيك والتكنيك بتاع الكتابة و كيفية ايصال المعلومة ولو انه الواحد يملك الكثير في مجال الفن والذاكرة حديد والحمد لله ولكن الكتابه لها ناسها وانت من اهلها وحسب متابعاتنا لك كان لازم نصرح مابداخلنا وهذا ليس مجاملة وعرفت معلومة عنك بأن لك علاقة بالدرما ياريت توضح لي هذه المعلومة اذا كانت سليمة
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: وليد عبد اللطيف)
|
Quote: وعرفت معلومة عنك بأن لك علاقة بالدرما ياريت توضح لي هذه المعلومة اذا كانت سليمة |
تشكر يا وليد ياخ علي كل ما تكرمت علي شخصي به وللاسف المعلومة ما صح واظنو السبب في المعلومة دي هي اني من طفل حايم في الحيشان (اذاعة - تلفزيون مسرح - معهد موسيقي - قصر الشباب) وصحبتي لكثير من المبدعين . وعلاقتي الحقيقية بالفنون هي اني درسته التصوير واظنو يا وليد بجيد التصوير فديو وفتغرافي ده علي حسب ظني طبعاً والناس احكامه مختلفه .
كن بخير يا صديق .
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
وابتداءت الحلقة... وبداء قدور بذكرياته الشخصية بينه وبين عبد الله النجيب السر قدور يتحدث عن لا مكان للاهام الشعري . وياواصل في ذكرياته ويتحدث عن اغنية يا صغير وهي من كلماته وقد الفها هو وكان معه الكاش في القطر . وطه وشموس واميمة واغنية يا صغير وطه يبداها ميته جداً وأميمة وشموس اجمل من طه بكثير ومتفاهمات ومتجاوبات واخر اندماج ... مع تقدم الاغنية طه يتقدم ويرفع من ادائيه بشكل واضح انه بسبب تفاعل شموس واميمة . وتنتهي الاغنية وممكن نقول انها وبسبب اميمة وشموس فوق الوسط بقليل .
كده كيف يا حاتم ؟ صح ؟
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
Quote: وطه يبداها ميته جداً وأميمة وشموس اجمل من طه بكثير ومتفاهمات ومتجاوبات واخر اندماج ... مع تقدم الاغنية طه يتقدم ويرفع من ادائيه بشكل واضح انه بسبب تفاعل شموس واميمة . وتنتهي الاغنية وممكن نقول انها وبسبب اميمة وشموس فوق الوسط بقليل .
كده كيف يا حاتم ؟ صح ؟ |
طه ... بهدل الأغنية .. الأنسب كان تسفاي ... بحكم تخصصه .. أما صوت البنات وطريقة غناهم ليها ... ذكرتني ..صوت البنات الكورس في شرايط سعد قشرة ...
..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
مشي أمرك ياقدر .. الحلنقي .. وتالاهوووووون ... بالبصلي .. تالاهون صوتو رايح !!!!!!!!! البركة في شغل سعد الدين ... حاجة جميلة جداً ...
الحمدلله الأغنية .. إنتهت ..
مقطع من قلنا مامكن تسافر .. أبواللمين ... وتسفاي ... أجمل وأرق وأعذب .. ماغني الباشكاتب ... الله عليك ياعصام ... الأستديو .. دخل في حالة جمييييلة.. 10/10 ياعصام ...
مقطع من شوية شوية .. ونار الشوق شديدة علي .. وفرفور .. عجبني فرفور ... وإتمنيت لو أكمل الأغنية ...
..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
تعتذر بعد إيه .... أبوداوود .. وشريف ... للمرة المليون ... شريف ... مميز .. مميز ... برافو ياشريف ....
النسيم الفايح ... والبنا الكبير ... والبنا الصغير فردتنا ... طبعاً مافي أي طريقة تعليق على غنا فرتنا لأغنية البنا ... صوت الكورس بتاع البنات ... عمل شغل جميل .. وكانت نهاية حلقةاليوم ... وقمنا على مهلنا ...
____ أحمد الصادق ... اليوم لو إرتحت في البيت .. كان أحست ليك ...
...
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
السر يواصل ذكرياته في 53 ويتذكر اغنية ابو داؤود بتعتذر علي ايه يغنيها شريف خالد الفحيل اغنية كبيرة جداً وشريف شاب كبير الموهبة ويشتغل بمزاج ويدي الاغنية طعهم الخاص وتفاعله الجميل .
والسر ينزل من الباخرة ويركب القطر واغنية عمر البناء النسيم الفايح وينقذنا عاصم من السر قدور ويغنيها وعاصم من آل البيت وهو معصوم من الخطاء في مثل هكذا اغنيات (بتاع البيز في الاغنية دي اتجنن رسمممممي) البنات شغالات كورال زي الكورال وعاصم يحلق يحلللللق يحلق ويرفع من ايقاع الحلقة - الفرقه الموسيقية اخر انبساط في هذه الاغنية والكمنجات لاعبه صح الصح ومحمدية ابتسامة الحياة - عمكم عمر البناء ذاتو ما نصيح يناضم في النسيم جنس النضم ده !!! كان لمه في المحبوب يسوي شنو!!!؟. ممتاز عاصم وملك الحلقة ومعلم .
اها يا ود العباسية تعال استلم انا وحاتم خلاص قمنا علي مهلنا باي يا حاتم ياخ .
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: محمد الامين احمد)
|
السر قدور: مين حا يغني لينا يا صغير؟ ... طه ...مش كده؟ معاك منو؟ طه : (بصوت ما واضح): شموس وأميمة السر قدور (بلهجة تقريرية) : ايواااه ...شموس ومي .... معقولة بس ؟؟ بعد 27 حلقة وما عارف اسم البت ؟؟؟ ..... أول مرة اعرف صعوبة أغنية صلاح مصطفى (مشي أمرك يا قدر) عندما غناها نادر خضر فهي تبدأ بسلم واطي جداً وتتدرج لسلم عالي جداً ولابد أن يكون مدى صوتك واسع لتؤديها بشكل سليم وإلا سيحدث لك مثل مثل ما حدث لنادر صوت جميل في قرار الأغنية ومسموع ليتحول صوته إلى صوت في غاية الشنا وخاصة عندما يتمازج مع الخرمجة الكان بيعمل فيها سعد والقصاص .... يا الله ياخي محمد الأمين ده مبدع عديل كده موسيقى في غاية الرقى وكلمات شنو ... تكامل يديك قصة في شكل أغنية غاية الإبداع وما ممكن تسافر وبرضو عصام ما قصر ....
الليلة مافي Tension والسبب غياب محمود عبد العزيز ... سؤال: يا جماعة زول أو زولة ما عندو اي دور في الحلقة بيجيبوه لى شنو؟ حباً في الزحمة يعني؟ ولّ يعني عشان يورونا انو الأستاد كامل العدد ؟
..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: عوض عبدالله طه)
|
جاء فى جريدة الصدي اليوم ،،،
Quote: نظرات في أغاني وأغاني
وإذا ركّزنا على برنامج (أغاني وأغاني) باعتباره البرنامج الأكثر شعبية وجماهيرية فسنلاحظ أن (كلام) الأستاذ السر قدور قد قلّ بدرجة كبيرة ليتيح الفرصة أمام الأغاني خاصة في الحلقات الثلاث التي استضافت الفنان كمال ترباس والذي أثبت أنّه فنان متميز حيث كان دخوله في أي مقطع من مقاطع أغنياته التي رددها الفنانون المشاركون في البرنامج كافٍ لبيان الفرق الكبير بين مقدارته الهائلة في التطريب، ومن جهة المشاركين الجدد فإنّ الفنان طه سليمان أبرز امكانيات فنية متميزة ستجعل الناس يقفون كثيراً بعد نهاية البرنامج لإعادة قراءة تجربة الفنان المثير للجدل، ونالت شموس أفضلية واضحة على حساب صباح وأميمة، واكتساب منار ثقة أكبر وثباتاً ميزه على العام الماضي وهو ذات الشئ الذي يمكن أن يقال عن شريف الفحيل، وتبدو مشاركة الثلاثي عاصم البنا وعصام محمد نور وجمال فرفور نسخاً مكررة من بعضها البعض بسبب اصرار الثلاثي على الأداء بطريقة الاشارات والإيماءات التي يودون من خلالها الإيحاء للمتابعين بأنها إشارات متفق عليها.
تباين في مستوى الحلقات
بوجه عام جاء مستوى برنامج أغاني وأغاني في عامه الخامس أقل بكثير من المستوى الذي ظهر به البرنامج في مواسمه الأربعة السابقة، ومع أن القائمين على أمر البرنامج أكدّوا ان تركيزهم سيكون كبيراً على الملحنين إلاّ أن الملاحظ ان البرنامج انصرف في أوقات كثيرة لجعل (المواضيع) هي الأساس فتحدّث في حلقة عن الألوان وتدرجاتها المختلفة في الأغنية السودانية وتناول في حلقة أخرى الجمال والسماحة محاولاً رسم فواصل واضحة بين الأثنين ومع انخفاض مستوى البرنامج بوجه عام إلاّ أنّه لم يخل من بعض الاشراقات التي تمثّلت في الحلقات التي استضافت الفنان صلاح مصطفى أما حلقتي ود الحاوي وبشير عباس ومع الثراء الفني الكبير للملحنين إلاّ انهما جاءتا دون المستوى المطلوب خاصة في ظل عدم مراعاة مناسبة الأغاني للفنانين.
محمود عبد العزيز
قصدنا أن نفرد للحديث عن محمود عبد العزيز في برنامج (أغاني وأغاني) مساحة منفصلة ذلك لأنه بما يملكه من قدرات وامكانيات يستحق الحديث عنه منفصلاً وقد ظلّت المطالبة باشراك محمود عبد العزيز في البرنامج تتردد منذ انقاض موسمه الأول والإعلان عن موسم ثاني ومع كل الشوق والترقب فإنّ مشاكرة محمود في البرنامج الجماهيري جاءت دون المستوى بل منحت مساحات كبيرة لاخرين من أجل التفوق عليه واظهاره بمستوى أقل من مستوى الآخرين، المشاركة لم تخل من بعض الإشراقات هنا وهناك لكنها في نهاية المطاف لم تضف شيئاً لمحمود ولا للبرنامج.
|
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
لا جديد اليوم لاقوله سوي حديث احد المتابعين
الذي يعتقد ان هنالك مؤامره سياسية تجاه محمود عبد العزيز
بدليل دخول عصام محمد نور بالذات في اغاني محمود
الذي لديه وقفات معينه ومحسوبه في ادائه لا تخرجه من الزمن
ثم يواصل الغناء فينتهز عصام تلك السكتات الصغيره
فيدخل توش في الاغنيه ليظهر محمود كانه لم يستطيع اداءها. _______________________
برضو راي
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
ابو الفن ،
تحياتى ،،
Quote: الذي يعتقد ان هنالك مؤامره سياسية تجاه محمود عبد العزيز
بدليل دخول عصام محمد نور بالذات في اغاني محمود
الذي لديه وقفات معينه ومحسوبه في ادائه لا تخرجه من الزمن
ثم يواصل الغناء فينتهز عصام تلك السكتات الصغيره
فيدخل توش في الاغنيه ليظهر محمود كانه لم يستطيع اداءها. |
دا كلام كبير جدا بصراحة ،، وكمان مؤامره سياسية عديييييييل كدا ،،،
اخونا المتابع ،،،
محمود فعلا لديه سكتات او وقفات اثناء الغناء بس الشى الملاحظ فى مشاركاته فى البرنامج دا سكتاته غير ،،
ياخى انا بحس انه محمود ما قادر يتنفس زاته لمن يغنى ،، وايه دخل السياسة فى الموضوع ،، ( معليش ما قادر استوعب مؤامرة سياسية دي )
حبنا لى محمود و كلامنا عن الاداء بتاعه فى البرنامج دا لى مصلحته ،،لانه ظهر بمظهر لا يحسد عليه ،،
تحياتى لى اخونا المتابع ،،،
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: وليد عبد اللطيف)
|
وليد عبد اللطيف: رمضان كريم وعيد يعود عليك وعلينا بالسمِح والزين: بخصوص ناذر الخليفة: سمعت لأول مرة ناذر من خلال الأغنيتين أعلاه، في أفتقدتك ناذر أعلاه تفوق على الكبار والقدرو صوت قوي و عزف متمكن مع أنو وراهو دولاب وقدِامو لمبة نايلون أبيض اللون، ما جاهز ورابط ربطة عنق: و للكاشف أدّى أغنية صعبة و تفوّق لحد بعيد: طيب: سين سؤال: بصفتك ناقد فني أين الذبح كما وصفته؟: وأين بالظبط مواطن الاخفاق في الأغنيتين؟، و خصوصاً في أفتقدتك: لأنو جد أداء ناذر أعلاه أميز من مطربين بعجوا الساحة بعِج كفرفورٍ الذي يصيبني بالتوتر بعيد عنّك : تحياتي
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: mutwakil toum)
|
الاخ mutwakil toum كل عام وانتم بخير
سين سؤال: بصفتك ناقد فني أين الذبح كما وصفته؟: وأين بالظبط مواطن الاخفاق في الأغنيتين؟، و خصوصاً في أفتقدتك: لأنو جد أداء ناذر أعلاه أميز من مطربين بعجوا الساحة بعِج كفرفورٍ الذي يصيبني بالتوتر بعيد عنّك اذا كنت متابع جيد الى الفنان الكاشف ممكن تستخرج مكامن الضعف في الاداء واذا سمعت الفنان محمد اسماعيل وعماد الكاشف والبحراوي ديل طبعا من افضل الفنانين الذين غنوا للكاشف وامكن اقرب واحد في مطابقة صوت الكاشف هو عماد الكاشف من خلال الاداء بعض الكلمات لم يستطيع يعطيها لحنها كما كان يفعل الكاشف مثل عندما ياقول : اذكر جلوووووووو سنا على الربى ماعارف اوصلها ليك كيف هناولكن مايتميز به الكاشف تحلين الكلمة نفسها وتصويرها حسب الوصف .واخونا ناذر اعتمد على الاداء التقريري وكانة يقرا كتاب مطالعة . غايتو محاولة عصام محمد نور في رائعة الكاشف قدم عمل جميل وموفق
Quote: لأنو جد أداء ناذر أعلاه أميز من مطربين بعجوا الساحة بعِج كفرفورٍ الذي يصيبني بالتوتر بعيد عنّك |
ياخي بالغت .... كمان ماقدر دا جمال فرفور عديل والله ياصاحبي الساحة هنا هي الفيصل كان جلس في الاستديو مكان فرفور وكان فرض نفسة وسمعنا له البوم واشرطة مطروحة في السوق لكن اقول ليك شيء حب الناس مذاهب
حاولت اجيب ليك هدية ( اغنية الليل مابنومو لاني انا حارس نجومو ) وبرضو تم ذبحها كاخواتها ولم استطيع .
برضو انا بقول محاولة طيبة من الاخ ناذر خليفة وربنا يوفقة في مجالة الفني
سؤال ليك ؟ انت بنيت اعجابك بناذر على شنو في الاغنية ؟
-------------------- تحياتي ليك والى صديقك ناذر خليفة
:
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: وليد عبد اللطيف)
|
الاخوة الاعزاء رمضانكم كريم وهذا الحديث اعجبنى من الصحفى المتميز / صلاح شغيب
Quote: المشكلة الوحيدة هي أن السر قدور وبابكر الصديق حولا التلفزيون إلى مذبحة لوأد الجديد. إنهم الآن يجرون بروفات لدفعة جديدة من الأغنيات القديمة لبرنامج أغاني وأغاني، ولا أدري ما الذي يحمل قدور وصديق على عدم تشجيع الشباب بعمل بروفات لأعمالهم الخاصة وتقديمها للناس، على ما في ذلك من فائدة لهؤلاء المبدعين ولنا. في عصور الإنحطاط السياسي يبدو أن الابداع غائص لا محالة بعد أن يلزم الشعب بإجترار ماضيه. أعتقد أن هناك شبابا جادا، وله بعض أعمال خاصة، ويريد أن يثبت وجوده الفني، وعادل مسلم أحد هؤلاء الشباب الذي يسير بجدارة نحو إكمال العقد الخامس، كما عصام ووليد ونادر، وللأسف أن في عمرهم هذا كان عركي وزيدان وابراهيم حسين ومجذوب اونسة وعبد العزيز المبارك ومصطفى والهادي الجبل كانوا قد وضحت ملامح تجربتهم الغنائية وإستطاعوا أن ينافسوا الجيل الذي سبقهم. الآن لم تتضح لنا ملامح الذين ذكرتهم عاليه، وعادل مسلم يحتاج أن يصل إلينا من خلال (باقة أغاني) تتجاوز العشرين عملا على الأقل لنحكم على تجربته، لنوفيها حقها موضوعيا، كما حكمنا على تجارب مصطفى والموصلي وغيرهما. ولكل فنان ظروفه الخاصة ولا ندري لماذا لا يجد المسلم إهتماما من السر قدور، إذا كان لا بد من إجترار الماضي، فهو يملك صوتا جميلا وأداء متمكنا لا يقل عن مستوى ضيوفه، ثم أين هي شركات الانتاج الفني من إنتاجه الخاص؟!. |
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
Quote: السر يواصل ذكرياته في 53 ويتذكر اغنية ابو داؤود بتعتذر علي ايه يغنيها شريف خالد الفحيل اغنية كبيرة جداً وشريف شاب كبير الموهبة ويشتغل بمزاج ويدي الاغنية طعهم الخاص وتفاعله الجميل .
والسر ينزل من الباخرة ويركب القطر واغنية عمر البناء النسيم الفايح وينقذنا عاصم من السر قدور ويغنيها وعاصم من آل البيت وهو معصوم من الخطاء في مثل هكذا اغنيات (بتاع البيز في الاغنية دي اتجنن رسمممممي) البنات شغالات كورال زي الكورال وعاصم يحلق يحلللللق يحلق ويرفع من ايقاع الحلقة - الفرقه الموسيقية اخر انبساط في هذه الاغنية والكمنجات لاعبه صح الصح ومحمدية ابتسامة الحياة - عمكم عمر البناء ذاتو ما نصيح يناضم في النسيم جنس النضم ده !!! كان لمه في المحبوب يسوي شنو!!!؟. ممتاز عاصم وملك الحلقة ومعلم .
اها يا ود العباسية تعال استلم انا وحاتم خلاص قمنا علي مهلنا باي يا حاتم ياخ . |
الاخ سفيان تعرف انا لو عندي سلطة" بضم السين عشان ماتتقري خضار" اقول لو عندي سلطة في الدنيا دي كنت قعدتك في مكان السر قدور تعلق وكمان تغني ما عايزين فنانين ذاتو.بالمناسبة دي انت علاقتك بالمرحوم طه حمتو شنو؟؟؟؟؟ مشكلتك الوحيدة يا سفيان هي حقارتك ب صباح ..هاهاهاهاهاه
مع خالص الود
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
Quote: تحياتي ليك والى صديقك ناذر خليفة |
وليد : ازيك تاني انا معرفتي بيك اقوى من معرفتي بي ناذر: شفت كيف؟ بقرأ ليك كل ما يقع تحت عيني من ون تو بينك وبين وليد المبارك ديك و لحدي المداخلة الأخيرة بخصوص ناذر الفوق دي ناذر لا بعرفوا لا سمعتو لا سمعت بيو و لاقريت عنو ولا قريت ليو (إلا الإتنين الفوق ديل): يعني لو ردك مبني علي الحتة دي:- أعِد - مع العلم بأن طريقة تلميحك بها لم تكن مقبولة: :: أنا متابع البرنامج بتاع قدور ده من خلال البوست ده: انسياب في المداخلات والآراء و لقطات منقولة بتوفيق كبير من الشاشة ديك لي الشاشة دي ما فكرت اتداخل لأنو ما عندي أدوات النقد الفني (كل المعاي أكتسبتو من البوست ده) على حسب ما أكتسبته من البوست ده وأضان ما بطاله أرى أنو ناذر أبدع في الأغنيتين وفي افتقتدتك على وجه الخصوص: و رأيك النقدي يظل رأياً ككل الآراء المجدوعة في الفضاء تجد من يتقبلها ومن يرفضها وكمان من ينكرها:
و بس:
---
-- أعتذر عن حرف مسار البوست:
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
Quote: ولا أدري ما الذي يحمل قدور وصديق على عدم تشجيع الشباب بعمل بروفات لأعمالهم الخاصة وتقديمها للناس، |
المحترم / طارق اوفقك الراى تمام على عادل مسلم والطريق الذى يتبعه فقط وافقت الاساتاذ/ صلاح شعيب فى النقطة اعلاه ولماذا هذا الاصرار على التكرار والاجترار من الحقيبة هل وقف الابداع وظهور الفنانين والشعراء والملحنيين بعد الحقيبه وكم من مدارس فنية وفنانيين ظهرو بعد الحقيبة بسنيين وفى راى برنامج نجوم الغد يعتبر انجح وافيد بكثير من هذا البرنامج اغانى واغانى لانه موضوع لاهداف وخطط معينة وهى اكتشاف المواهب من الشباب ورعايتهم وقد نجح ولكن ماهى فكرة قدورة تحياتى لك
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
نشرة سريعة عن برنامج اغانى واغانى ،، من خلال الصحف ،،،،
Quote: شموس : (اغانى واغانى) تجربة مفيدة..أستعد لتسجيل سهرة تلفزيونية بالامارات مع الفنان محمود عبد العزيز
وصفت الفنانة نور الشام ابراهيم المعروفة فنيا باسم شموس تجربتها الغنائية فى برنامج (اغانى واغانى) بقناة النيل الازرق بالتجربة الخطيرة نظرا لما يحظى به البرنامج من مشاهدة عالية ومشاركة عدد من المطربين ذوى الباع الفنى العريض مما يضع تجربتها الفنية الوليدة فى محك ضيق.. ولكن بحسب آراء المتابعين للبرنامج الجماهيرى فى نسخته الخامسة فإن شموس تعد اضافة حقيقية لمغنى السر قدور واستطاعت ان تحجز مقعدها منذ الآن للنسخة السادسة فى رمضان المقبل بما تملكه من موهبة عريضة. شموس قالت إنها استطاعت ان تتأقلم مع المجموعة الفنية بعد عدد من البروفات وخرجت بأداء أغنيات لفنانين آخرين غير الشفيع الذى تجيد اغنياته وتحبها.. واعتبرت شموس ان مساعدة الفنانين طه سليمان وأحمد الصادق وتشجيعهما لها دفعها للثبات والتألق فى البرنامج المحظى بجماهيريه عريضة.. واضافت انها تتابع البرامج الاخرى المشابهة لاغانى واغانى السر قدور ولكنها ما بتلحق لما ضمه من نجوم فنية لها حضورها فى الساحة وارتكازه على التذكير بالاغانى الخالدة فى الوجدان السودانى اضافة لسرد السر قدور لمناسبات الاغانى وكواليسها.. وردت حين سؤالى عن العائد المادى بقولها: انه لم يشكل لها هماً ولكنها ركزت على حضورها الفنى ضمن كوكبة البرنامج وتجويد عملها.. . بين متابعة البرامج التلفزيونية والمشاركة فى حلقات المديح النبوى ضمن اطار الأسرة والحى تقضى شموس ابراهيم ليالي رمضان اذ انها تنحدر من اسرة متصوفة تجيد المديح وتعشقه.. وتستعد فى خواتيم الشهر لتسجيل سهرة تلفزيونية بالامارات تتشارك فيها مع الفنان محمود عبد العزيز. |
Quote: إمام مسجد بالخرطوم يصف السر قدور بالزنديق..والفنانون يعتبرون الإمام خارج الشبكة.
أثار وصف إمام بالصحافة الخرطوم - لمقدم برنامج أغاني وأغاني الشاعر والإعلامي المخضرم السر أحمد قدور بالزنديق في خطبة الجمعة الماضية ردود فعل واسعة، واستهجن عدد من الفنانين الذين تحدثوا لصحيفة فنون حديث الإمام واعتبروه مواصلة لحملة بعض رجال الدين ضد الفنانين في الفترة الأخيرة. وقال فنانون أن حديث إمام المسجد لا يمت للواقع بصلة، وأكدوا أنهم يؤدون فروضهم الدينية على أكمل وجه وأن شهر رمضان يعد سانحة طيبة للتقرب من المولى عز وجل مستنكرين في ذات الوقت الحملات التي ظل يطلقها رجال الدين في مواجهة الفنانين وابتداعهم صنوف من الأوصاف ضد الفنانين غير حقيقية |
Quote: عبد العزيز المبارك يصف فرفور بالمهرج وفرفور يعبر عن سعادته ولن يرد إحتراما لشهر رمضان
رفض المطرب جمال فرفور الرد على الفنان عبدالعزيز المبارك الذي وصفه بالمهرج، وقال فرفور: لن أرد احتراماً لشهر رمضان الكريم لأنه شهر مغفرة ورحمة معرباً في ذات الوقت عن سعادته بوصف عبدالعزيز المبارك له بالمهرج، وقال أن المهرج يعتبر فناناً. وكان الفنان عبدالعزيز المبارك قد شن هجوما كاسحا على برنامج أغاني وأغاني وقال أنه أصبح عبارة عن كرت محروق، وطالت سهام نقده الفنان جمال فرفور واصفاً إياه بالمهرج، فيما قال إن مقدم البرنامج السر قدور لا يملك غير الضحكة العجيبة والصوت القبيح بحسب قوله. وقال عبدالعزيز إن مغنيو البرنامج رددوا أغنياتي بدون اذني مؤكدا إنه لن يدع الأمر يمر مرور الكرام، وتابع: أنا موجود في الدنيا غناي ما بغنيهو زول غيري. مشيراً إلى أن الواسطة تلعب دور كبير في ما أسماهم بالشفع الذي يرددون أغنيات ليست ملكهم في أغاني وأغاني، وقال أنهم يشوهونها ويبشتنوها على حد وصفه، مؤكدا إنهم في حاجة لفترة حتى يصبحوا فنانين. |
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
ابو الفن ( طارق ميرغني والضيوف ) + ياسر
Quote: اخي ياسر السيد
عادل مسلم بالفعل من الفنانين الشباب والملتزمين
رجل جاد وملحن ممتاز وله اعمال متميزه
وانا احب غناءه كثيرا
لكن يا صديقي الصوت الجميل والاعمال المتميزه ليست كافيه للسير في هذا
الطريق الصعب ..........!!!! |
طبعا عادل مسلم يداياتة كانت قوية جدا وظهرت اعمال في الثمانينات خلال اشرطة الكاست فقط وحتى كانت موزعة في كل دول الخليج وكما تفضلت مجتهد واعتمد على اعمالة الخاصة والحانة ولكن الاشرطة الكاست ليست مثل التلفزيون او الاذاعة وتم تسجيل له كم حلقة في التلفذيون واحدة منها في بورتسودان وطبعا لبعده الجغرافي عن الاضواء و تواجده المستمر في منطقة بورتسودان لم يساعد على انتشارة بقوة وشايف حاليا له اعمال فنية مع رجل الاعمال صلاح ادريس . وانا صراحة من العجبين بطريقة اداءة وصوته القوي .
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: وليد عبد اللطيف)
|
Quote: يا شباب سلام .. وعيد مبارك -
احمد عوض - ((عجوز)) المطوع ؟؟ يا خي ده زول لذيذ لذاذه .. وغناااااااااااااااااااااي شديد اما محمد اسماعيل .. جننا حفلاتو جن .. !
الاتنين - اقنعو الكاشف زااااااااااتو في تربتو .. دنيا فرندقس ..
اللــــــــــــــــــــــــــه معاكم شديد |
نرفض وندين ونستنكر الذبح المتواصل الى اغاني الاسطورة ابراهيم الكاشف من قبل شباب اغاني واغاني
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: وليد عبد اللطيف)
|
Quote: ابو الفن ( طارق ميرغني والضيوف ) + ياسر
Quote: اخي ياسر السيد
عادل مسلم بالفعل من الفنانين الشباب والملتزمين
رجل جاد وملحن ممتاز وله اعمال متميزه
وانا احب غناءه كثيرا
لكن يا صديقي الصوت الجميل والاعمال المتميزه ليست كافيه للسير في هذا
الطريق الصعب ..........!!!!
طبعا عادل مسلم يداياتة كانت قوية جدا وظهرت اعمال في الثمانينات خلال اشرطة الكاست فقط وحتى كانت موزعة في كل دول الخليج وكما تفضلت مجتهد واعتمد على اعمالة الخاصة والحانة ولكن الاشرطة الكاست ليست مثل التلفزيون او الاذاعة وتم تسجيل له كم حلقة في التلفذيون واحدة منها في بورتسودان وطبعا لبعده الجغرافي عن الاضواء و تواجده المستمر في منطقة بورتسودان لم يساعد على انتشارة بقوة وشايف حاليا له اعمال فنية مع رجل الاعمال صلاح ادريس . وانا صراحة من العجبين بطريقة اداءة وصوته القوي . |
انتو التلاته ياسر ابو الفن ووليد فنانين للدين واضانكم انضف من النضافه وعادل مسلم فنان شديد بس الكسل عندو كتير جداً (الكسل ده تفسيري أنا لبعده عن الاجهزة الاعلامية ) عادل مسلم اتابعه منذ زمن بعيد وهو ملحن ممتاز وصوته ممتاز وهئيته وسلوكه حقات فنان متكامل ومحاور ذكي يجيد الاستماع ويجيد الحديث . عادل مسلم غالباً في إي مهرجان تنافسي للاغنية هنا في الخرطوم بيجي يشيل الجائزة ويرجع بور تسودان هاهاهاهاهاها لما هناك بعض اصحابي لما تجي مهرجانات زي دي بيقولوا لي ياخ معروووفه عادل والا الهادي الجبل بيكشوا جائزة افضل لحن وافضل آداء ويشتتو هاهاهاهاها.
تسلموا يا فنانين وعادل مسلم يجب عليه ان يظهر كثيراً لاننا نحتاج ان نسمعه .
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
وليد عبد اللطيف ..
طبعاً عشان إنت نفسك مليانة غبينة تجاهي (ولسع بكرر ليك مع الحليفة إني ما عارف السبب شنو!!!) .. كان من الطبيعي إنك لمن تجيب الفيديوهات دي تغفل متعمداً عن كتابة التاق الفيها !!.. وطبعا بتكون قريت في كل الفيديوهات دي إنو مكتوب عليها (تجربة عود للأستاذ معاوية عبد العزيز) .. طيب دا معناتو شنو يا فالح ..!!
الكلام دا أنا ذكرتو في المنبر أكتر من عشرة مرات ومرة واحدة في بوست للفنان الدكتور إبراهيم عبد الحليم لمن كتب عني بوست بيثني فيها على أغنية إفتقدت الإبتسامة .. ورغم الثناء والشكر من الفنان إبراهيم إلا إني ذكرت ليهو في البوست إنو الفيديوهات دي ما للغناء ..دي عبارة عن تجربة أعواد جاني منها سامبل من القاهرة كمقدمة لأعواد كتيرة لصالح مشروع موسيقي هنا وكان المطلوب مني إختبار الاعواد دي عشان أحدد لو كانت بتصلح ولا لا .. والحصل إني رفعتها في اليوتيوب عشان الجماعة في القاهرة يسمعوها ويقفوا عليها لانو تعذر علي إرسالا للقاهرة عشان الأستاذ معاوية بي هناك ..
يعني لو كان عندك شوية أمانة وذمة كان تقرا الفيديو كويس وتشوف التاق وبعد داك تجيبو هنا مش طوالي جايي لافح وناطح ..!!
دي حاجة :
الحاجة التانية إني أساسا خليت الغناء بصورة إحترافية يعد تخرجي من معهد الموسيقى والمسرح وتنازلت عن مشروع موسيقي غنائي كانت عندي ليهو خطة وملامح وشبه .. عارف السبب الاساسي شنو لتركي الطريق دا ؟!
السبب عشان الزيك ديل ياوليد كتروا في الساحة .. وأي واحد صحبو الفنان أو الفنان العلاني نسيبو أو صاحب راجل خالتو طوالي ركب مكنة ناقد فني ومحلل موسيقي .. وإنو كمان ولسخرية القدر إذا كان قدر لي أكون فنان حا تجي إنت تقيمني وتحللني ؟؟!!
دي حالة دي يا ناس الله ..!!
ما تقليل لي مكانتك ولا من شأنك .. لكن لانو الزيك بيشخصن الامور الفنية والعامة ويختزلا في قضاياهو الشخصية بسبب مناكفات وأوهام لا توجد إلا في خيالك المريض .. وأكبر دليل على كدة جلبك للفيديوهات دي .. واللي بي كل سهولة لو عاينت لي عنوان الفيديو وأنا متأكد إنك عاينت ليهو كان بتعرف الفيديو دا ما للغناء وإلا ما كنت حا أسجلو في بيتي وبالطريقة والهيئة الشايفني بيها دي .. وحتى لو كان الفيديو للغناء ومبرأ من كل عيب أكيد موقفك ما حا يتغير لانو دافعك الاساسي ما الغنا .. دافعك هو فش الغبائن والقلب الأسود الحايم بيهو دا ..!
عرفت ليه انا وكتار زيي سابو الساحة الفنية وفارقو الطريق دا فراق الطريفي لي جملو ؟!!
وبالله عليك المرة الجاية في تناولك لأي قضية عامة حاول صفي من بصرك غشاوة الضغائن دي .. أي حاجة شخصية مقدور عليها لكن إنت هنا شغال كتابة في قضية عامة وفي حتة عامة بيقراها لآلاف الناس ..لازم تكون محايد وبتكتب بي روح تشبه أهل الموسيقى وأهل الفن لكن شغلك هنا اللي هو من باب (الما بدورو بحدر ليهو في أي بوست) ما بينفع معانا ..!!
ومجال البوست هنا هو مجال أغاني وأغاني ما مجال عرض فيديوهات تانية من قبيل تبريد الحشا المحروق .. عشان كدة ركز في ديل أحسن ليك ..
كفاك ولا أزيدك ؟!!
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ناذر محمد الخليفة)
|
أقترح على الأخوين ناذر و وليد سحب جميع المداخلات المتعلقة بسوء التفاهم الحاصل هنا و هو سوء تفاهم ليس إلا كما يتضح من تسلسل الكلام, و أقترح على وليد سحب الفيديوهين كذلك على أن يستمر (التعليق) على البرنامج من أجل الفائدة العامة المرجوة, و هي بالمناسبة تعليقات و ليست (نقد فني) لأن ليس من بيننا من تنطبق عليه صفة الناقد الفني بالمعنى التخصصي حتى و إن تباينت درجة قربنا و بعدنا من الوسط الفني الموسيقي الغنائي لسبب أو لآخر.. الزهجات الحاصلة بين وليد و ناذر دي بدت تضفي نوع من الإفساد على الجو و الجهد المبذولين هنا و أكيد ستتواصل عملية تبادل إطلاق النيران الفنية هنا و يصبح الموضوع الرئيسي للبوست في خبر كان و في النهاية نبقى زي حكاية حفلة العرس الكاربة الفرتقتها شكلة! و هو ما لا يرضاه الوليد ولا ناذر من خلال معرفتنا و إحساسنا بهما من خلال هذا الإسفير ليس إلا!
نعمل جنتلمان أقريمنت, نسحب كل مداخلات الشمطة من حيث بدأت إلي حيث وقفت و نواصل المتابعة السلمية طالما الدنيا قبايل عيد!
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
حلقة اليوم عن إبداعات الشاعر الراحل / مصطفى بطران ....
قوم نقضي الليل ... وشموس .... بداية موفقة جداً ... وشموس بتبدع في الأغنية ... كالعادة ... ودخول .. بعد إصرار ... من فرفور... ياريت .. لو كملت شموس ... نبذة عن بطران .. وحياته ... وكلام عن مطربي بحري ..دراج وعبده حسن ...
مابالنية .... طه ومنار ... فرق واضح في الإمكانيات التطريبية ... ياسلام عليك يامنار .... وأداء جيد لـ طه ...
بداية فرايحية ... وأداء جميل ... لدرجة إبتسامة وااااااضحة من أميمة ..لووووووول
...
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
مقطع من مجاراة لـ ياقائد الأسطول ... الناعس المكحول ... .. وصباح وأميمه ... بالجد في حاجة بتنشز في أداء صباح .... ماقادر أفهمها شنو بالضبط .. أميمه ... كالمعتاد .. حفظ وأداء .. بدون روح ..
مقطع من فردوس الجنان .. مجاراة لـ تم دوره وإتدور... وشريف ... الحيوية والإجادة في الأداء ... ماركة مسجلة لـ شريف ...
شكله حلقة اليوم كلها ح تكون أغاني المجاراة ولا شنو ؟؟؟
لسه سفيان مارجع ؟؟؟
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
بئس ما قال اليوم السر قدور
بعد ما انتهي من امدرمان والخرطوم فجأة يتذكر ان في بحري برضو في فنانين وشعراء
وضرب مثلا بمصطفي بطران واختصر كل ابداعه في انه يفرغ الحان ناس امدرمان وينجر عليها بعض من كلماته وضرب لنا مثلا بفناني بحري ذاك الزمان امثال عوض دراج وعبده حسن فقط. لو بنظرة بسيطه للمطربين الذين يجلسون امامه فمن اين اتوا؟ محمود عبد العزيز وفرفور وطه سليمان وشموس وحتي عاصم البنا ابن ود البنا نفسه يسكن في المغتربين بحري
يا عماد عثمان ملك توثيق بحري بالله تعال وورينا اشعار مصطفي بطران التي نجرها والتي لم ينجرها
وورينا عينه من فناني بحري وشعرائها ذاك الزمان
لنري ان ببحري فنانين وشعراء ام لا ؟؟؟
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
عز وصالك .. وتالاهون .... وبدون تعليق ّ!!!!!!!!!!
دمعة الشوق ... الحوت وفردتنا .... منافسة بين الحوت وفردتنا ... مدرستين مختلفات تماماً.... الحوت في لياقة كاملة بالرغم من ((البخرة)) ... بس برضه .. وضع شئ من إسلوبه على الأغنية ... وأنا شوقي مهما إزداد ..برضه شايفه قليل ....
___ وقمنا على مهلنا ... إستلم ياسيد الحوض .... أنا فترت .... سايق براي ... وصاحبنا سفيان غياب ..
..
| |
|
|
|
|
|
|
|