|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: Amira Elsheikh)
|
اميرة الشيخ تحياتي ورمضان كريم ياناس ما تجهجهونا! خلونا نفطر على الذكريات ولا اقول ليك تعالوا يوم افطرو معانا حلو مر مافي كلو كلو .. الا للمحظوظ ! قبل كم سنة كده زوجتي اشترت ليها حلو مر بالصدفة الطرقة بي عشرة دولار ! بعد ما عملناه احتفظنا بي الباقي " التفل" اليوم التاني عصرناهو بالخلاطة ما نفع ! حتى البلح انا صادروه مني في المطار لكن بيتلقي في محلات العرب " اللبنانيين " برغم كل شئ السودانيين بعملو المستحيل عشان الفطور تكون فيه سودانية يعني العصيدة والقراصة والويكة بتتلقي
رسلو لينا طرقة بس !!
وتفطري على خير
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: Amira Elsheikh)
|
اختنا اميرة الشيخ
Quote: /صحن العصيدة بـ ( تقلية او روب ابيض او نعيمية او ملاح اخدر) 2/ العصائر .... الابرى .... عصير برتقال و عصير قونقليز ديل ثابتين وممكن نستبدل القونقليز بكركدى اوعرديب او اى عصير تانى من بنات افكارنا ... |
ياللللللللللللللللللله ماتعزمونا يوم ياخي اخوك بحب عصير القنقليز والكركدى جدا في يوم معزوم فطور مع جماعة طلبت موية قدمو لي كباية اشرب اتذوق طعم الكركدي والشيء ابيض قلت ياربي الكباية دي كان فيها كركدى قبل كده سالت بعد ذلك اخبروني بأن هذا كركدى ابيض ومن ما قمنا بنشوف الكركدى احمر سبحان الله ومن يومها عرفت المعلومة ...
--------------------- اميره رمضان كريم ليك وللضيوف
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: Abdlaziz Eisa)
|
Quote: عندك أم جنقر؟!!!!!!!!! |
سلام ياعبدالعزيز ...رمضانك كريم ...
والله العظيم ذكرتنى حاجة مهمة شديد ة كنت ناسياها ام جنقر دى ممكن نعملها مرة او مرتين فى الاسبوع وحبوبة الله يرحمها عندها اعتقاد جازم بانها (بتقطع)* العطش
وايه رايك بعرف اسويها ؟
والعفو والعافية ____________________________ للحناكيش والشهادات الاجنبية *بتقلل الاحساس بالعطش
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: Amira Elsheikh)
|
Quote:
والله العظيم ذكرتنى حاجة مهمة شديد ة كنت ناسياها ام جنقر دى ممكن نعملها مرة او مرتين فى الاسبوع وحبوبة الله يرحمها عندها اعتقاد جازم بانها (بتقطع)* العطش
وايه رايك بعرف اسويها ؟
والعفو والعافية |
بت الشيخ
أول ما جبتي فيها حبوبتك.. ياها أكيد ما عندك فييه نصيب... انتي اقدري على العصيدة...
رمضان كريم.. تصوموا وتفطروا على خير ان شاء الله...
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: Abdlaziz Eisa)
|
أميرة الشيخ , رمضان كريم وتصومي وتفطري على خير ,,,
ما عندنا فطور بمعني ((الفطور)) المتعارف عليهوا صينية تتخته واكل لما الناس تشبع شوية بلح ,وكباية لبن , وسلطانية صغيرة شوربة خضار , وكباية عصير والسلام على طه والحاجات دي بكميات صغيرة ...
****
الفطور الرسمي ممكن بعد التراويح بزمن طبعا نظام ما بنفع لو عازم ناس وخصوصا ناسنا قبل كم رمضان كنت ( معارض ) للفكرة .... حاليا ( اتسستمته ) عليها خلاص .. مع انو الزول جوه حنين لسستموا القديم
يبقي المغربية فطور خفيف , صلاة المغرب , التلفزيون ...تطلع لو عندك مشوار الاكل بمعناهوا تتحكر وتقعد تاكل لما تشبع ده لاحقا ... بعد 10 م وبيقي عشاء
السحور برضوا وجبة خفيفة
أها تصومي وتفطري على خير ,,
------------------- وللكل رمضان كريم
(عدل بواسطة عبد الناصر الخطيب on 08-10-2010, 09:01 AM)
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: Amira Elsheikh)
|
يا اميره كل سنه وانت بالف خير نسيتي البليلة كنت دايما في صراع مع امي الله يعودوا عليها بالخير هي بتحب بتاعت (اللوبيا ) وانا بتاعت (الحمص )الكبكبي..وبعدين سلطة الروب يا ميرة والشوربة
(تذكري سوبر ديب العجيب )دا كان من مستحدثات رمضان لكن رمضان في الغربة لا طعم ولا ليق ما يقشروا لينا المغتربين
كان اجمل حاجة عندي في السودان بعد التراويح بنتمشى انا واخواتي وناخد لينا خشم خشمين جنب البقالة وفي الشوارع مع اولاد الحلة وكدا ..ومواضيع الافطار الجماعي ونظافة الشوارع في مجموعات وكدا ... ليت وليت وليت ولكن .....
لك كل الامنيات
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: نعمات حمود)
|
نعمات حمود ..رمضانك كريم ..
البليلة مقنطرة فى العنوان يابت امى بس جوة صحى مانزلتها
ياخ انت جيل سوبر ديب وكدا ...؟؟
رمضان فعلا فى الغربة ماعندو طعم ومابتحس بيهو نص يومك شغل والنص التانى نوم .... وتقوم تاكل اى حاجة وتشرب اى حاجة ......
عجبتنى الونسة مع اولاد الحلة دى يخيل لى الليلة الحركات دى شغااااااالة
بركة بالشوفة وتصومى وتفطرى على خير والعفو والعفاية
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: Amira Elsheikh)
|
مر مر يا عسل .. ياخ رمضان كريم عليك وتصوموي وتفطري بالحاجات ديك كوووووووووووووولها علي خير ..
اسمعى مالك مع الشوربة .. والله انا كان ما شربته شوربة بكون خرماااانه شديد خلاس ..
وطبعا الشوربه انواع كتييييرة وتعالى بي هناك فى بوست امانى حق ناس ماما دوما .. سمح ..
اما العصيدة فيوميا ولا نامت أعين الجبناء ... هههههه طبعا هم اولادي العندهم فيها رأي ..
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: almulaomar)
|
Quote: يا هواااااااااااااااااارى .....
مش بالغت ...؟ياخ مالك ؟؟
لاحس .. لاخبر .؟
دى نيويورك ولا اليابان ؟؟
|
يا أميرة ياخي ( متأسفوووووووووووون جداً جداً), لكن البرنامج كان مضغوط شديد تتصوري في اسبوع انا لفيت عدد من المُدن والولايات مرقتها لقريب حدود كندا. زيارات واجتماعيات و مقابلات في عدد من الجامعات و شوبنق ومقابلة اصدقاء وعووووووووك ورجعت كنت شغال في نفس اليوم , يعني من المطار للبيت للشغل بعدها. بس كانت جولة جميلة جداً.
__ استاذ سيف الدولة كامل,يبلغك سلامو,هو واسرته الجميلة.
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: هواري نمر)
|
Quote: يا أميرة ياخي ( متأسفوووووووووووون جداً جداً), لكن البرنامج كان مضغوط شديد تتصوري في اسبوع انا لفيت عدد من المُدن والولايات مرقتها لقريب حدود كندا. زيارات واجتماعيات و مقابلات في عدد من الجامعات و شوبنق ومقابلة اصدقاء وعووووووووك ورجعت كنت شغال في نفس اليوم , يعني من المطار للبيت للشغل بعدها. بس كانت جولة جميلة جداً.
__ استاذ سيف الدولة كامل,يبلغك سلامو,هو واسرته الجميلة. |
لالالا ياخ ما فى اسف ولا حاجة بس كنا مفتقدنك شديد الفترة الفاتت كويس انك قضيت اجازة واستمتعت وطايبت الاصحاب
وصل سلام الاستاذ ونحن نبدله التحايا والمحبات
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: خالد حامد الجزولي)
|
Quote: تعرف اجمل مظهر من مظاهر رمضان هو الافطار برة الشارع ..
|
هو مظهر انساني وتكافل فطري قام بين الناس في ايام رمضان,(السباتة,البرش,السجادة) أي كان نوعها,يجتمع الغني والفقير,الكبير والصغير القريب والبعيد, وحتي المارِ في الشارع. تجمعهم (صواني) الطعام,يتبادلونها مع بعض ,كل (يحلف )بأن تتناول من طعامه وشرابه شئياً,لا يرضون بأن ترجع أوانيه وبها طعام,يغلظون في(الحلف) لكل عابر سبيل يترصدون السيارات العابرة,ويعزمونهم بأن لابد من (تحليل) الصيام ,حتي وان كانت بيوتهم غير بعيدة. بينهم الالفة ,المحنة والمحبة,يفتقدون الغائب و يسالون عن المسافر,ويعودون المريض.
___ بت الشيخ مالك علينا الليلة ياخ؟
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: خالد حامد الجزولي)
|
تحية صادقة للاستاذ خالد حامد الجزولي...بعد ان وضعت اميرة الشيخ سيناريو الصينية الفاخرة تجئ يا خالد بصينيتك المدنكلة ...لا غرابة في اهل الموردة ..ناس الحيشان والضيفان فكيف ببيت عمنا المرحوم حامد الجزولي....يجتمع الرياضيون والمشجعون والاصحاب...لياتي خالد واخوانه يحملون الصينية الما خمج...
وبعد البسملة يكون حال الفريق حاضرا وكيف الاستعداد للمبارة القادمة...ده كلو كوم
والكوم الاخر هو وما يخرج به الجميع من ود صادق ومعاني يتحدث بذكرها الركبان
اكلنا وشبعنا من اميرة وخالد الجزولي...يديكم العافية
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: Amira Elsheikh)
|
صاحب لى مسج ببارك رمضان و لى تعليق ساخر في الحته دي يا عمك ما *لبن حليب
وبرضوا غير رمضان بتكون الكباية دي اساسية وبتمني الناس تجرب الحاجة دي أنهم يشربوا لبن بعد وجباتهم خصوصا الغدا والعشاء وحيشوفوا الفرق لانو الحته دي حتبعد عنهم اى مشاكل في الهضم وحيحسوا براحة ما عادية
-------------------------
Quote: عرفى ثقافة الشوربة دى ما قدرت عليها الا بعد جيت الخليج هنا |
هنا يا اميرة _ المملكة _ علمتنا ثقافة اللبن دي
*معليش جينا نرد المسج هنا ونتكلم عن اللبن شوية
رمضان كريم
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: طارق جبريل)
|
الاميرة بت الشيخ وكل البورداب
رمضان كريم نساله الله ان يتقبل منا ومنكم الصيام والقيام
وان يجعلكم من عتقائه من النار
اجمل ما في الافطار اللمة بره الشارع او داخل البيت ثم العصيدة والابري الاحمر (الابيض لا احبه) ثم سلطة الروب وام جنقر
العصيدة في رمضان 31 عصيدة (فطور يوم العيد) القراصة في العشاء لانه بتقعد في البطن مع امنيات للمغتربين بكراتين ابري عابرة للقارات
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: محمود بكر)
|
Quote: اجمل ما في الافطار اللمة بره الشارع او داخل البيت ثم العصيدة والابري الاحمر (الابيض لا احبه) ثم سلطة الروب وام جنقر |
محمود بكر ... رمضانكم كريم ....
فعلا لمة الشارع دى تحسسك بطمانينة وانو نحن بخير ومتواصلين ..... تخيل هنا فى قطر فى منطقة اسمها دخان السودانيين بفطرو برة الشارع ؟؟ تصدق؟
ورمضان دا مافى اجمل من صحن عصيدة وابرى .....
الابرى الابيض حتى لو لونو ماببقى سمح اختى كانت مسمياهو ابرى مناديل الورق
شكرا وتصوم وتفطر على خير
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: Ashraf el-Halabi)
|
Quote: دا يبقى افترا!! واللاي يا بت الجزار احنا كفقرا محل صحن شيتكم دي عندنا كنافة، وكنا قايلين نفسنا متجدعين!! ياخي الكنافة دي أهم زول في رمضان، ولغاية قريب كنت أظن الصيام لا يصح من غيرها كل سنة إنتي وأسرتك بخير يا بت الشيخ |
اشرف رياحين ...رمضان كريم
والله يااشرف نحن ابوى دا لو ماقاعد معانا فى البيت كنا قلنا شغال جزار من شدة ما بحب اللحوم وحببنا فيها ... الوجبات كلها لحمة ومابينها برضو لحمة شفت كيف ...؟
كان وصيتو لطماطم يجيب ليك لحمة .... ويغالطك يقول ليك لا ماقلت طماطم
اى اى اى والله ذكرتنى الكنافة وهى بت عم رمضان لزم
تصوم وتفطر على خير ياخ
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: علي الكرار هاشم)
|
Quote: أتذكر عمي عكاشه يأتي للبرش حاملا بيده اليمني صحن بليله في نصه تمرات وفي يده اليسري كورة حلومر تسبح بقايا الحلومر لانو حبوبه الحسنة بتصفي بايدها بدون مصفي |
على الكرار ... رمضانك كريم ..
والله العظيم دى من اجمل المناظر البشوفها كنت يوميا
دا مارق بصينينة وديل مارقين بجرادل وشفع شايلين الاباريق والبروش
ياسلام على حبوبتك الحسنى شفتها البساطة دى كيف؟
كل سنة وانت طيب والعفو والعافية
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: Amira Elsheikh)
|
أخي محمد عبد الحليم
Quote: تحية صادقة للاستاذ خالد حامد الجزولي...بعد ان وضعت اميرة الشيخ سيناريو الصينية الفاخرة تجئ يا خالد بصينيتك المدنكلة ...لا غرابة في اهل الموردة ..ناس الحيشان والضيفان فكيف ببيت عمنا المرحوم حامد الجزولي....يجتمع الرياضيون والمشجعون والاصحاب...لياتي خالد واخوانه يحملون الصينية الما خمج...
وبعد البسملة يكون حال الفريق حاضرا وكيف الاستعداد للمبارة القادمة...ده كلو كوم
والكوم الاخر هو وما يخرج به الجميع من ود صادق ومعاني يتحدث بذكرها الركبان
اكلنا وشبعنا من اميرة وخالد الجزولي...يديكم العافية |
أخجلتنا بكلامك الجميل تحياتي وشكري وتقديري وسلام أميرة
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: عمر علي حسن)
|
الحبيبة أميرة..
رمضان كريم.. وكل عام وأنت والمعاك بألف خير,,
--
طبعا عنوانك ده لي زي (كم) سنة كده ما شفتهم مجتمعين مع بعض. (جك الأبري) ما إختفى من رمضاناتي أبدا. العصيدة (أحيانا). أما البليلة دي فبتذكر السنة الفاتت لقيتها في سفرة الجندرية في صنعاء. وكانت غايبة مني من دهر كده.. البلح أصلو أنا من ناسه. ما بعرف أكله (لأن فيهو نواة). ووحياتك ما حنكشة. طالعة للحاجة. أي شئ في بذر ونواة ما قاعدين ناكله.
أما عن الـ (تاني شنو؟) فدي ممكن أفتي فيها. ههههههه
أهم شئ الشوربة. عدس/ خضار /أو فراخ بالدقيق. الصينية لازم تتدبًج برقاق باللحمة، أو كوسة بالباشميل. أو اي شئ بيدخل الفرن هههههههه.
و.. الحلو.. قطايف (لازمن ودروووري). كنافة بالقشطة (بتاعت كل يوم). أو لو عايزين خفيف لقيمات في العسل(ممممم. ريقي جرى)..
طبعا يا أميرة الفصاحة دي كلها وبكرة حتلاقيني فطرتا بأكل جاهز من برًة. الله يقطع الغربة والوحدة ):
رمضان كريم
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: Raja)
|
Quote: الحبيبة أميرة..
رمضان كريم.. وكل عام وأنت والمعاك بألف خير,,
--
طبعا عنوانك ده لي زي (كم) سنة كده ما شفتهم مجتمعين مع بعض. (جك الأبري) ما إختفى من رمضاناتي أبدا. العصيدة (أحيانا). أما البليلة دي فبتذكر السنة الفاتت لقيتها في سفرة الجندرية في صنعاء. وكانت غايبة مني من دهر كده.. البلح أصلو أنا من ناسه. ما بعرف أكله (لأن فيهو نواة). ووحياتك ما حنكشة. طالعة للحاجة. أي شئ في بذر ونواة ما قاعدين ناكله.
أما عن الـ (تاني شنو؟) فدي ممكن أفتي فيها. ههههههه
أهم شئ الشوربة. عدس/ خضار /أو فراخ بالدقيق. الصينية لازم تتدبًج برقاق باللحمة، أو كوسة بالباشميل. أو اي شئ بيدخل الفرن هههههههه.
و.. الحلو.. قطايف (لازمن ودروووري). كنافة بالقشطة (بتاعت كل يوم). أو لو عايزين خفيف لقيمات في العسل(ممممم. ريقي جرى)..
طبعا يا أميرة الفصاحة دي كلها وبكرة حتلاقيني فطرتا بأكل جاهز من برًة. الله يقطع الغربة والوحدة ):
|
رجاء يا ابن بطوطة ...رمضانك كريم وكل سنة وانت طيبة
ياخ تعالى مارة بالدوحة مرة واحدة وحتلقى الصينية دى بحذافيرها\ حاجات تانية ما حتخطر على بالك .. بس فكرى فى العرض دا جادة
رقاق وكوسة وبشاميل وفطائر بالنسبة لينا دا كلام حناكيش ومابدخل بطنا خاصة فى وجبة الافطار (العشاء ممكن )
وتسلمى ياجميلة ونشوفك قريب
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: Amira Elsheikh)
|
Quote: عصير قونقليز ديل ثابتين وممكن نستبدل القونقليز بكركدى اوعرديب او اى عصير تانى من بنات افكارنا ... |
الأستاذ أميرة الشيخ تصوموا وتفطروا على خير ... ورمضان كريم .. أعادة الله علينا وعلى أمة محمد بالخير واليمن والبركات. تقبّل الله صيام الجميع وقيامهم. أميييييييييييييييين. ما شاء الله فطوركوا حلو مطرح ما يسري يمري.. لو ممكن وصفي لي بيتكم بوين عشان أجي أفطر معاكم لو ممكن؟ بس العصيدة لازم تكون قوية مش زي عصيدة الجلابيات؟ لو ما عارفة عصيدة جلابيات يعني شنو أسألي جارتكم المن كردفان ديك حتوريك.
| |
|
|
|
|
|
|
Re: صحن العصيدة ..جك الابرى ....كورة البليلة والبلح .... تانى شنو ؟ (Re: cantona_1)
|
أميرة كل سنة وانتى طيبة ...
تصومى وتفطرى على خير ...
Quote: تعرف اجمل مظهر من مظاهر رمضان هو الافطار برة الشارع ..
مافى لوحة اجمل من كدا ياحاتم واتمنى انها ما تختفى مهما حصل |
تتخيلى المظهر دا عندنا فى دخان البعيدة سنويا منذ قدمى لدولة قطر ...
بس السنة دى مع الرطوبة دى باص
ـــــــــــــــــــــــــــــــــ
فى حاجة مهمة واساسية عندنا السحور رقاق بى لبن
| |
|
|
|
|
|
|
|