|
|
 عاجل الى بورداب الخرطوم .. هيا نغيث اهلنا في طوكـر !!
|
هالني ما رأيت من صـور,
وتخيلت حجم الفاجعه على اهلنا هناك ,
يحتاجون للكثير والكثير ,
Quote: - المياه (وذلك لغمر مياه السيول للآبار مما أدي إلي شح في مياه الشرب للانسان والحيوان) .
- المأوي ( خيام مشمعات ).
- المواد الغذائية .
- المواني المنزلية .
- الملابس .
- الأدوية .
- مراحيض . |
وقبل كل هذا ,
يحتاجون الى وجودنا بجانبهم ,
ولو ليوم واااحد ..
يلاكـم نمشـي طـوكر .. الخميس الجاي دا ..
---------------
مطروح لمزيد من النقاش والتفاكر .. تحياتي ..
|
|
 
|
|
|
|
|
|
|
 Re: عاجل الى بورداب الخرطوم .. هيا نغيث اهلنا في طوكـر !! (Re: داليا الكباشى)
|
دكتوره داليا أهلي في جنوب طوكر فعلاً بحاجة إلي من يكفكف دموعهم فقد تنكرت لهم الدولة في كل مستوياتها الإتحادية والولاية وغابت عنهم الانسانية .. شكراً لكم وانتم تستعدون للوصول إليهم صدقيني اختي داليا هؤلاء القوم لهم من الصبر على المكاره ما يكفي ويفيض ولكن حاجة الإنسان لدعم اخيه الإنسان تخفف عليه الكثير ومدعاة للصبر على الألم .. شكراً لكم إن حدثت الزيارة .. حسب علمي وصل أمس ممثل الدائرة في المجلس الولائي إلي الخرطوم بعد ان سدت امامه كل الطرق في الولاية يمكن التنسيق معه فهو الشخص الوحيد الذي وصل من المنطقة ..
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: العوض المسلمي)
|
Quote: هلا داليا صاحبة المبادرة الطيبة ,,,
نسقي الموضوع طويس وجاهزين للتحرك ..
بس اقترح قافلة طبية واغاثية .. |
ياريس , مرحب ,
من قبيل منتظره جيتك في البوست دا,
يلا دايرين نقوم الخميس الجاي دا ,
الناس بي هناك متضايقين وما بنتظروا ..
انا زاتي بقترح نقوم قافله اغاثه , طبيه , غذائيه , خيام ومياه ..
بس نعجل لانو الزمن ضيق جدا ..
تسلم ياريس ودايما مبادر ..
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: انعام حيمورة)
|
Quote: عبر منظمة تنادينا ..
ويفتح الباب للكل للمشاركة من الخارج والداخل
شكرا للمبادرة |
عمل فى الصميم والله ياداليا
عبر المنظمه بكون احسن واجمل كلو تابع لسودانيزاونلاين اثنى هذا الاختراح
----------------------------------
مزحه
كويس انكم ماشين طوكر ما باكستان
الزاد كان ما كفا البيت حرام على الجيران
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: معتصم محمد صالح)
|
افكـار افكـار .. لمزيد من الافكـار :
Quote: اتصلو بالمنظمات -الهلال الأحمر او ما شابه ..
الحاجة التانية .. انتي زولة دكتورة .. يعني ممكن تحركو قافلة طبية ... و ما تنسو تتصلو بي اهل الخير و الاحسان .... |
ساري الليل شكرا ..
Quote: وفي راي انه نحرك قافلة تحمل دقيق وذرة وزيت ورز وعدس ..
اقترح التحرك يكون في الاسبوع الاول من رمضان ..
حتي يتم تنسيقها وحمل ما يفيد اهلنا هناك .. |
تمام ياريس ..
| Quote: عليك الله اول شي علق لينا البوست دا فوق |
تسلم يا نيستا .. يديك الف عافيه ..
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: ياسر بيناوي)
|
كتّر خيرك يا دكتورة
ولكل المتداخلين السابقين واللاحقين
ولكن بالله، وبدون حكومة ومعارضة ومناضلي كيبورد
الشغل البتعملي فيهو دا ، شغل الحكومة وللاّ الشعب؟
من يملك السلطة والثروة
ومن الذي فاز في الانتخابات ونال ثقة الشعب في طوكر وشندي؟
من؟ سودانيز أونلاين أم البشير ونافع والعتباني وكمال عبيد ووووو
أين الحكومة التي تتبرع لغزة وتشاد وباكستان؟
أين مال البترول الذي تناضل الحكومة من أجله هذه الأيام باسم الوحدة؟
أين حديث عمر " لو تعثّرت بغلة في وين كدا
أين حديث " لقومناك بالسيف
متى ستنتهي هذه الغيبوبة؟؟!
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: ombadda)
|
داليا النبيلة
والله فكرة طوكر دي فكرة كبيرة خلاص
وعاوزة تحركات كتيرة
لانه الخميس قريب
ــــــــــــــــــ
ياخي قلبي واجعني
من حكاية باكستان دي
جسر جوي بتاع شنو ؟
حقو الناس في الاول تفضح الحكومة دي ( ناس شوفوني )
وتنزل صور طوكر
في كل مكان
وتكتب عنها ، وتلفت نظر الاعلام لمعاناة اهلنا في طوكر ..
..........
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: داليا الكباشى)
|
Quote: نقوم يوم الخميس انشالله الصابح بدري ونرجع الجمعه المساء
نشيل معانا معونه غذائيه , كافه المواد , نركز على الدقيق والرز والعدس وكمان الفحم
معونات من الانيه المنزليه , ومياه الشرب ,
معونه طبيه , ادويه اسعافات اوليه |
ياداليا نعم اهل طوكر في حاجة لدعم عاجل ولكن الخميس موعد قريب جداً ويصعب جمع الدعم اللازم فيه ومادام الناس دايرة تدعم فاخير يكون بترتيب منظم يفي ويشارك فيه الجميع سواء ناس الداخل او الخارج ..واهم من ده كله حاجة النفرة الاعلامية خاصة في هذه الفترة التى تدعم فيه الحكومة باكستان وتشاد ..
الله معاكم ونحن معاكم ان شاء الله ..
تحياتي ..
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: فادية اليمني)
|
طيب يا جماعه ,
ماشين كويس جدا,
اقتراح الخميس فعلا قريب , بس اناكل همي انو ما تتكاثر الاوبئه والامراض هناك ,
عموما ممكن نأخر الموضوع لحدي يوم الاثنين مثلا,
يعني نمشي يوم الاثنين الصباح ونرجع الثلاثاء نهايه اليوم (مع انها صعبه شويه على بعض الموظفين)
الاقترح التاني :
كل بوردابي يدفع 50 جنيه سوداني,
تتجمع , ونشتري بيها المواد الغذائيه والمعينات والخيام وغيره ,
واحتمال يطلع المبلغ مناسب ونساعد في اعاده بناء بعض المنازل , (اطلب رأي الخبير ناذر الخليفه هنا)
برضو ممكن نشوف اليات لشفط المياه , عشان يكون انتفى سبب انتشار الاوبئه والامراض ..
نتابع ..
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: داليا الكباشى)
|
سلام داليا ..
Quote: واحتمال يطلع المبلغ مناسب ونساعد في اعاده بناء بعض المنازل , (اطلب رأي الخبير ناذر الخليفه هنا)
|
لو إفترضنا مشوا مية بوردابي 100 مضروبة في خمسين فالمبلغ هو خمسة ألاف جنيه لا غير !!
وهو مبلغ لا يكفي لبناء اي شي حتى لو أستعنا بمواد محلية ..
أقترح التركيز على الحاجات الماحة الضرورية حاليا (غذاءات ، علاجات ، خيم ، شفط مياه) ..
مهمة إعادة ما دمرته الفيضانات تأتي لاحقاً بإذن الله ..
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: معاوية الزبير)
|
| Quote: لو إفترضنا مشوا مية بوردابي 100 مضروبة في خمسين فالمبلغ هو خمسة ألاف جنيه لا غير !! |
سلامات يا ابو النيز ..
ويمشوا ليه المية كلهم 5 او 10 كفاية لانو المية ديل الخمسة الف ذاتا ما بتوديهم حتى لو بعرباتهم الخاصة بحرقوها زيت ووقود ..
وبعدين شنو لو افترضنا 100 ×50 يعني هسي داير تقول لي انك ح تدفع 50 بس والله ما بنقبلا منك ذاتو ..يا صديقي نحن على اعتاب الشهر الكريم وغالبا ما يتم هذا الامر في رمضان شهر الخير والبركات يعني قصة الخمسين دي شوية على بعض البورداب والمبلغ سيكون اكبر من ذك بكثير باذن الله .
انتو بس ركزوا شوية عشان الموضوع يتركز ..
لكم الحب ..
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: معاوية الزبير)
|
Quote: أقترح التركيز على الحاجات الماحة الضرورية حاليا (غذاءات ، علاجات ، خيم ، شفط مياه) ..
مهمة إعادة ما دمرته الفيضانات تأتي لاحقاً بإذن الله .. |
كلام ناذر دا جميل جدا..
يبقى نواصل في نفس الفكره السابقه ,
كل بوردابي يدفع 50 جنيه ,
ونركز على الاشياء المهمه ,
الغذاء والعلاج والخيم وشفاطات المياه ..
دايره اقترح حاجاه تانيه ,
ممكن نطلع خطابات باسم منظمه تنادينا الى المصانع والشركات الكبرى,
يدونا دقيق ومواد غذائيه وادويه .. بس المفروض التحرك يكون سريع جدا ..
نحاول قدر الامكان اننا نقوم الاثنين الجاي انشالله ,
يلا نبدأ التنفيذ ..
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: داليا الكباشى)
|
هذا بالضبط مايجب ان يحدث، شكرا لك د.داليا علي المبادره وتحويل المسار من مرحلة التعاطف مع الكارثة وضحاياها لمرحلة "الفعل" ..
والشكر موصول لكل من خط حرفا في التضامن مع ماساة جنوب طوكر الانسانيه ..
في اعتقادي :
1 ـ ليس المهم مانجمعه من كم، ولكن المهم في الرمزية التي يمثلها مثل هذا العمل والرسالة الانسانية التي يبعث بها لاهل هذه المناطق، فقط يجب ان يكون التنسيق جيدا بحيث تؤدي القافلة مهمتها علي الوجه الاكمل
2 ـ اقترح ان يرافق هذه القافلة اكبر عدد ممكن من الاعضاء، وان يخصص جانب من الدعم المالي لاصطحاب صحفيين واعلاميين محترفين، والغرض من هذا اطلاع اعضاء المنبر والصحفيين علي الاوضاع الحقيقية هناك، لانني اعتقد ـ وهو اعتقاد يشترك معي فيه كل من زار هذه المناطق في السنين الاخيره ـ ان هناك تعتيما اعلاميا مقصودا يفرض علي المنطقه، وان هذه المناطق معزولة تماما عن باقي انحاء السودان وتعاني من مشكلات لاحصر لها تحتاج لتسليط ضؤ عليها
3 ـ خط السير سيكون عبر الطريق القومي حتي قرابة سواكن، ومن هناك حوالي الثلاثه ساعات لطوكر .. المنطقه الاكبر من حيث الكثافه السكانيه المتضرره هي مرافيت وتبعد حوالي الساعتين من طوكر ( لوعورة الطريق)، ويحدث كثيرا ان تنقطع الطريق لمرافيت بسبب هطول الامطار. اما المناطق التي اجتاحها السيل وتوفي اهلها فهي المناطق المحيطة بعندل وعريرب وتونيت، وهذه مناطق يصعب الوصول اليهاوتنقطع تماما في مثل هذه الايام، والوصول اليها لايتم الاعبر الجمال.
في اعتقادي انه من الضروري جدا المجازفة ـ اوالتصرف بلغة الجيش ـ للوصول لهذه المناطق اوعلي الاقل الاقتراب منها، وهذه في اعتقادي ستكون نتائجها اكبر حتي من اي مساعدات نقدمها، لان ماسنعكسه سيشكل عنصر ضغط علي السلطه، ولابد من الضغط علي السلطه لتقوم بواجباتها(لاننا ومهما اجتهدنا وعملنا فلايمكن ان نقوم مقام الحكومة)
4 ـ ساقوم بالتنسيق بين اعضاء المنبر الموجودين في الخرطوم وشباب المنطقه (ونائب الدائره حامد ادريس سليمان الذي وصلنا امس لمتابعة الموقف هنا من المركز) لاكمال التفاصيل الدقيقه واستكمال البيانات المطلوبه
كل بياناتي الشخصيه موجوده في البروفايل الخاص بي دائما وهي : ت 00249903248536 ، [email protected]
واتمني ان اسهم في عملية التنسيق بين ابناء المنطقه واعضاء المنبر
خالص شكري
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: صالح عمار)
|
الأمراض المتوقعة فى تلك المناطق فى الغالب هى الامراض التى تنتقل عن طريق الماء Waterborne Diseases
وهى كمثال أمراض الإسهالات، التيفويد، الجارديا، الدسنتاريا الخ
ونماذج للأدوية التى يحتاج إليها المرضى فى منطقة كوارث كتلك:
- فلاجيل حبوب وشراب Metronidazole Tabs & Syrup
- سبترين شرب Septrin Syrup
- إريثرومايسين حبوب وشراب Erythromycin Tabs & Syrup
- نورفلوكساسين حبوب Norfloxacin Tabs
- سيفاليكسين كبسولات وشراب Cephalexin Caps& Syrup
-كلورامفينكول حقن Chloramphenicol Inj
- محاليل تروية O.R.S
-محاليل وريدية (دربات): ملح طعام، رنغر لاكتات، جلكوز مع الملح I.V fluids
...etc
وكلها ادوية زهيدة الثمن ومتوفرة
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: ombadda)
|
تلخيـص :
- اقتراح بشراء المواد من بورسودان لتقليل تلكفه الترحيل,
- اقتراح بدفع مبلغ 50 جنيه او اكثر لمن يستطيع ,
- ياريت ناذر يشوف لينا موضوع شفاطات المياه لانها مهمه جدا ,
- الادويه كما لخصها دكتور امبده
- اقتراح بان بكون السفر يوم الاثنين القادم والرجوع يوم الثلاثاء انشالله ,
- عايزين نعرف عدد الناس اللس ممكن يسافروا وطريقه السفر وكدا , لو في اقتراحات ..
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: داليا الكباشى)
|
| Quote: اقترح ان يرافق هذه القافلة اكبر عدد ممكن من الاعضاء، وان يخصص جانب من الدعم المالي لاصطحاب صحفيين واعلاميين محترفين، والغرض من هذا اطلاع اعضاء المنبر والصحفيين علي الاوضاع الحقيقية هناك، لانني اعتقد ـ وهو اعتقاد يشترك معي فيه كل من زار هذه المناطق في السنين الاخيره ـ ان هناك تعتيما اعلاميا مقصودا يفرض علي المنطقه، وان هذه المناطق معزولة تماما عن باقي انحاء السودان وتعاني من مشكلات لاحصر لها تحتاج لتسليط ضؤ عليها |
كلام أكثر من جميل
وأقترح تكليف الصديق صالح عمار بالنواحي الإعلامية
عشان نمشي خطوة قدام
أنا بجد شاعر بفرح كبير
وفرحان اكتر إني عضو هنا
شكراً ليكم
شكراً ليكم
شكراً ليكم
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: Ahmed musa)
|
شكرا الدكتورة داليا اسال الله ان يجعل هذا البوست فى ميزان حسناتك وكما قالوا الدال على الخير كفاعله
والدعوة عندما تات من اهل الخير والنقاء وان لم يحالفها التوفيق فهى خير ولطالما هذه الدعوة اتت منك ياداليا اتوقع ان شاء الله انها ستفضى الى نتيجة مثمرة باذنه تعالى
اسال الله ان يجنبكم اهل المتاجرة بمعاناة الاخرين يا اختى كلما تدخلى البوست اقرائى المعوذات الثلاثة وبخرى البوست وماعندك مشكلة باقى يومين والشواطين تصفد باذنه تعالى
اللهم جنب هذا البوست سفه المتاجرين معاناة الاخرين اخزاهم الله دنيا واخرى
اما ماذا يمكن تقديمه لاهلنا فى مرافيت وحولها اقول ليس مهم الكمية بل كل ما نستطيع جميعا تقديمة فليكن طعاما او خياما او حتى زيارة للتخفيف من معاناتهم ومواساتهم
ساتابع معكم هذا البوست واسال الله ان يوفقنا جميعا لما يحبه ويرضاه
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: علاء الدين محمد بابكر)
|
يلا يا اخوانا نبدأ التنفيذ باذن الله ,
التبرعات : ناس الخرطوم : يسلموا فاديه اليمني في العماره الكويتيه
انعام حيموره في نمره 2
العوض المسلمي لي ناس بحري
وليد الشفت لي ناس امدرمان
داليا الكباشي لي ناس الخرطوم وسط (انا ممكن اجي اي حته)
محمد صباحي لي وسط الخرطوم
ناذر الخليفه لي ناس السجانه وما حولها
تلفوناتنا عند العوض المسلمي كوولها ..وتلفون الريس في بروفايلوو ..
ناس بلاد برره : ناس السعوديه , ناس جده يسلموا فايز ود القاضي
ناس الشرقيه يسلموا محمد اي سليمان
ناس الرياض يسلموا تمبس
ناس الدوحه يسلمو خليل ..
ناس الامارات : يسلموا عفاف الصادق بابكر ..
ناس امريكا وكندا واي حته تانيه في العالم يتواصلوا مع العوض المسلمي او معاي بالتلفون او الايميل
dallwsha(at)yahoo.com
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: علاء الدين محمد بابكر)
|
الخير في امتي الى يوم القايمة او كما قال
بوست ينم عن طيبة هذا الشعب
شخصياً جاهز للتبرع ولو من باب (اتق النار ولو بشق تمرة) ومعي آخرون
السفر من بورتسودان الى طوكر اصعب من السفر الى بورتسودان ذاتها .. اقترح ان نطلب من ممثل المنطقة في المجلس التشريعي الزار المنطقة يوضح الاشياء التي تحتاجها المنطقة حسب الاوليات .. وتكليف لجنة بشراء هذه الاشياء من بورتسودان . ظروف المنطقة وطبيعة سكن اهلها ليست كظروف السكن في الخرطوم
وفقكم الله
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: على ميرغني)
|
شكرا د.داليا
المبادرة جيدة
من باب الاقتراح أعتقد الزمن ضيق شوية ليوم الخميس لكبر حجم المأساة
خلي جدولك الزمني والتكاليف كما هم فقط أضيف إن أمكن
1.ضافة الاسبوع الاول من رمضان مع عمل غرفة عمليات في بيت الفنون مع ايجاد مخزن كبير في مكان ما لاستلام التبرعات العينية (اقترح تحديدها حسب الاحتياجات بالتنسيق مع المنطقة مثلا حليب،ناموسيات، مبيدات،أغذية جاهزة تفوق صلاحيتها شهرين مثل الاجبـان وغيرها) والمساهمات النقدية بواسطة منظمة تنادينا في بيت الفنون ووضع حساباتها للتحويل للخارج.
2.وضع لجنة من ثلاثة اشخاص علي ان يتولوا هم العمليات اللوجستية وتنسيقها وتوصيلها.
3.التركيز علي جمع التبرعات العينية أكثر والادوية المرتبطة بالأوبئة كأوليات مع محاولة الاتصال بشركات النقل وفي حال الفشل يمكن تأجير الشاحنات من التبرعات المادية.
4.توزيع المهام الاعلامية داخل المنبر وخارجه لتتولي الحكومة موضوع التعويض عن المساكن والمفقودات في اقرب وقت ممكن.
رمضان كريم وتولي الله الجميع بأمنه وطمأنينته.
| |
|
|
|
|
|
|
|
|
 Re: عاجل الى بورداب الخرطوم .. هيا نغيث اهلنا في طوكـر !! (Re: محمد صباحى)
|
ديل أهلي...
شكراً يا د.داليا...شكراً لكم جميعاً...أنتم أقوى من كل القبح الحاصل...
نتابع وسنفعل ما بوسعنا عبر بورسودان...الرجاء توضيح خط السير وطريقة
الشحن والتفريغ والخ...قد يساعد البعض في بورسودان مثلاً بتوفير شاحنة لنقل الأغراض
إلى أقرب الأماكن غير الوعرة مثلاً...وأفكار أخرى في الطريق..
متابعة
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: ادم شحوتاي)
|
اما المناطق التي اجتاحها السيل وتوفي اهلها فهي المناطق المحيطة بعندل وعريرب وتونيت، وهذه مناطق يصعب الوصول اليهاوتنقطع تماما في مثل هذه الايام، والوصول اليها لايتم الاعبر الجمال.
في اعتقادي انه من الضروري جدا المجازفة ـ اوالتصرف بلغة الجيش ـ للوصول لهذه المناطق اوعلي الاقل الاقتراب منها، وهذه في اعتقادي ستكون نتائجها اكبر حتي من اي مساعدات نقدمها، لان ماسنعكسه سيشكل عنصر ضغط علي السلطه، ولابد من الضغط علي السلطه لتقوم بواجباتها(لاننا ومهما اجتهدنا وعملنا فلايمكن ان نقوم مقام الحكومة)
والله كلام صالح ده توصيف صعب لحال كارثيه لاهالي المنطقه بكل ما تحمل الكلمه عذابات
ارجوا من الشباب في الرياض التحرك باسرع ما يمكن لفعل الواجب
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: محمد علي شقدي)
|
Quote: نشيل معانا معونه غذائيه , كافه المواد , نركز على الدقيق والرز والعدس وكمان الفحم
معونات من الانيه المنزليه , ومياه الشرب ,
|
يا داليا .. بالنسبة الاواني المنزلية اي واحد فى البورداب هناك ..
يدخل المخزن حق بيتهم ويشوف اي صحن ولا صينية ولا كورية وتجمعوهم فى مكان واحد ..
اصلو اهلنا الله يديهم العافية غير العده من بلملمو شيء .. ودي حا تكون حصيلة كبيرة ...
المهمة دي شوفو ليها زول بالو طوووويل .. وبراااحه حا تكونوا عملتو كمية كبييييرة ..
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: حافظ حسن ابراهيم)
|
Quote: يعني نمشي يوم الاثنين الصباح ونرجع الثلاثاء نهايه اليوم (مع انها صعبه شويه على بعض الموظفين)
|
بالرغم من انه موقف اهلنا هناك ما بستحمل .. لكن ما تستعجلى يا دكتورة ..
حاولى الموضوع يكون فى الاسبوع الاول من رمضان وكده حا تكونو طلعتو بي حصيله ممتازة من اي ناحية ..
والسفرة بتكون واحده .. وما بتكلف كتير ..
والله الموفق
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: نجلاء سيد أحمد)
|
Quote: ناس الامارات : يسلموا عفاف الصادق بابكر ..
|
أبشري بالخير يا دكتورة ... يلا من الان بدأت الاتصالات ..
بس بقترح نرسل مواد غذائية نشوف ناس الشحن عندنا منو فيهم ...
وانتو هناك شوفو ناس التخليص عندكم منو فيهم ..
يلا .. يدنا معاكم ..
سكر
رز
صلصة
زيت
دقيق
بطاطين
تياب نسائية
كل ما يمكن توفيرة ..
وعلى بركة الله
طبعا فى مجموعة كبيرة في إجازة ..
لكن ما عليك بعصرهم ليك من هنا .. والتسليم هناك ..
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: ادم شحوتاي)
|
Quote: اهل جنوب طوكر لكم من الشاكرين
ابننا فايز ود القاضي عليكم استنفار بورداب جدة ومخاطبة سعادة العميد يوسف رئيسي البورداب لقيام نفرة جدة |
العمدة شحوتاي ...وهل تعلى العين على الحاجب ؟!! في انتظارتوجيهات ريسنا سعادة العميد/ يوسف وتوجيهاتكم والاخوان مجدي وحجر مسئولي الجانب الاجتماعي ونحن رهن الاشارة وسنبدأ فوراً ..
| |
|
|
|
|
|
|
|
|
|
Re: عاجل الى بورداب الخرطوم .. هيا نغيث اهلنا في طوكـر !! (Re: نجلاء سيد أحمد)
|
اها كيف يا شباب
ضرب بكري العجمي حا يوصل لي الـ 50 بتاعتو بي جاي .. وانا خمسيني وخمسسين ازهري جاهزين ..
وبشوف ناس الشركة وناس حيمورة ومعارفي ..
وانا سنتر في الخرطوم 2 اي زول ماري ممكن يغشيني قروشو وبرضو بستلم حاجات عينية ايا كانت ....
تلفوني 0912884384
اي زول دفع لي حا اكتب اسمو هنا أول باول .. وحا اعمل كشف حساب هنا في البوست ..
وافتكر لي ناس برة تختوا رقم منظمة تنادينا .. يا داليا والعوض ..
وبالتوفيق للجميع
وبثني فكرة شول اجتماع سريع
| |
|
|
|
|
|
|
| |
داليا الكباشى
شول اشوانق دينق
ادم شحوتاي
Ahmed musa
العوض المسلمي
Mohamed E. Seliaman
انعام حيمورة
طارق جبريل
sari_alail
فايزودالقاضي
عفاف الصادق بابكر
خالد المحرب
حبيب نورة
الخير محمد عوض
محمد عبد الماجد الصايم
معتصم محمد صالح
سمرية
ياسر بيناوي
معاوية الزبير
ombadda
خضر حسين خليل
البشير دفع الله
ناذر محمد الخليفة
انعام عبد الحفيظ
omer osman
فادية اليمني
Frankly
لؤى
rosemen osman
زهير عثمان حمد
khaleel
عبدالوهاب علي الحاج
أبو عبيدة البصاص
هاشم نوريت
علاء الدين محمد بابكر
محمد صباحى
AnwarKing
Raja
حسين عوضاى
نوفل عبد الرحيم حسن
حاتم كاهن
قاسم المهداوى
محمد علي شقدي
حافظ حسن ابراهيم
نجلاء سيد أحمد
مجدي عبدالرحيم فضل
السمؤال بدرالدين
فيس بوك
تويتر
انستقرام
يوتيوب
بنتيريست