|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: يا اخوانا اقنعوا لي فوزيه تجدع العده القديمه (Re: طارق ميرغني)
|
اها يا دوما
بعد الحصر اتضح انو محتاجين للاتي
خلاط واحد ونص لتر
حلة بريستو كبيره ودي تشهد عليها عفاف ابوحريره شافتنا بنشتريها
من هايبربنده مخرج سبعطاشر ... صاح ؟؟
طقم شربات يعني دسته
طقم ملاعق
طقم شوك
طقم ملاعق شوربه
جك للابري
ملعقه كبيره زي الكمشه نظام غرف الشوربه من الحله للكواري
والباقي لا اذكره
| |
 
|
|
|
|
|
|
|
 Re: يا اخوانا اقنعوا لي فوزيه تجدع العده القديمه (Re: طارق ميرغني)
|
دا شنو يا باشمهندس إنت بتظبط كوارع في رمضان ..؟  غايتو ما عارف لكن كلما اشوف لي حلة بريستو اربطه طوالي بالكوارع وبي اي حاجة تانية تجي على تخيلات عزيز بشاشا القارئ .. كل حسب مزاجو 
| Quote: اها نختها ويييييييييييين ؟؟؟؟؟ |
مسالة الختتان دي يا باشمهندس اطلع منها .. إنت طلع النكتوت بس وابقى مارق .. ياخ فوزية بتعرف تختها وووين ..
غلبك ختها وسع قدها .. جيبه ختها عندي هنا دا عشان ما تزحم ليك البيت ساااي .. أقوليك حاجة ..؟ انا قاعد افتش في شقة للايجار (عوائل).. جيب اصبنه ليك هناك .. والله تاني كان شفتها اكون بالغته ..
غايتو الواحد كان قايل المسالة ساهلة .. حسع بقى كل يوم يجي داخل شايل ليهو برشور وبانفليت فوقو العدة .. والصحانه وغرف النوم .. وبعد شوية ح يجي شايل المجلة بتاعت هايبربنده الفوقه اسعار الخضر والفواكه واللحمة المفرومة ..
غايتو الحمد لله .. اتاريكم ممكونين وصابرين
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: tmbis)
|
Quote: دا شنو يا باشمهندس إنت بتظبط كوارع في رمضان ..؟ غايتو ما عارف لكن كلما اشوف لي حلة بريستو اربطه طوالي بالكوارع وبي اي حاجة تانية تجي على تخيلات عزيز بشاشا القارئ .. كل حسب مزاجو
|
والله ياتمبس الزول دا كانو معانا قبل يومين وانا مذكر قال لى يااخى تعالو عندنا
والله اشترينا حلة بتاعة برس لكن شنو على الخبره بتاعة فوزيه دى كمان خطيره
بس انا اعترضت على كوارع البقر لانى ما بحبها ولكن اقترحت عكاوى الشاهد من
كلامى انو هذه الحله لم تشترى لرمضان بل لاغراض اخرى وهى الكوارع والعكاوى
وعليه يا طروقى تشترى لى فوزيه عده خاصه بى رمضان مش عدة بتاعة شلة الانس
| |
|
|
|
|
|
|
|
|
 Re: يا اخوانا اقنعوا لي فوزيه تجدع العده القديمه (Re: طارق ميرغني)
|
عمو طارق ازيك ورمضانك كريم انشالله ,,
امبارح انا وماما (فوزيه حقتنا) بنتكلم في عده رمضان ,
جارتنا في الحله , خالتو هند , جابت عده من دبي ,
افران بيتزا , وحلل , وجكاكه والخ الخ ..
امي مشت وجات , قالت لي : لمن رمضان يقررب النسوان ديل تقول ما عندهن ولا ملعقه في البيت !
كل رمضان اي واحده فيهن بتشتري عده من اول وجديد , كانو ماكان في عده اساسا في البيت !
طيب عده رمضان الفات بيودوها وووين ..؟؟
بالجد انا انتبهتا لي حاجه عودتنا عليها الحاجه (امي الله يخليها لي)
انو لمن رمضان يقرب , نعمل جرد حساب للعده ,
الحاجات المهمه في رمضان نجيبها من الرف الخلفي الى الرف الامامي ,
ونحصر النواقص , ونعمل لسته , عشان ما نرهق الجيب , ونملا الدواليب عده ما عندها معنى !
ياخ ابوي دا راجل محظوظ بالجد ,
تصدق يا عمو طارق انو ماعندنا حاجه اسمها شراء عده رمضان اصلا ,
عندنا كواري عصيده وجرادل (المنيوم عشان البلاستيك بيخرب ويلوث البيئه) ,وطقوم كبابي فايبر قلاس ,
وصحانه كبيره للعصيده والقراصه , وسكريات بليله ورقاق , وجكاكه فايبر قلاس وقزاز ومصافي وملاعق ,
يلا ديل بعد يخلص رمضان طوووالي بنغسلها ونفووطها وندخلها الكراتين , ودلوش بتدخلها المخزن ,
تاني بتطلعها دلوش برضو من المخزن قبل رمضان بي يومين ..
غايتو بعد ما اجي الرياض ,
اكيييد بصاحب ليك خالتو فوزيه ,
يااما ريحناك من شرا عده رمضان ,
يا اما زميل البورض جاتو فوزيه تانـيه .. لووول
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: المسافر)
|
ابنتنا الدكتوره داليا
| Quote: طيب عده رمضان الفات بيودوها وووين ؟ |
الحمد لله السؤال ده ما انا اول زول يسالوا عشان ما يجوا يقولوا د ثقافه مستلبه
| Quote: ماعندنا حاجه اسمها شراء عده رمضان اصلا |
يعني ما عندكم فاقد ؟؟
والنعم.....
ربنا يجيبك ويصومك رمضان مع تامبا عشان ما يقصد ليkh البريستو بتاعتنا
ولا توجد الا فوزيه واحده ياابنتنا العزيزه
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: طارق ميرغني)
|
ياعم طارق رمضان كريم وتصوم وتفطر على خير
| Quote: المطبخ دواليبو وادراجو ما بتشيل |
نفس الحاصل علينا بالكربون..
وبعدين ما تسمع زميلة البورض
العاملة ليك فيها بتاعت اقتصاد وتوفير..
لو صدقتها تكون راجل مسكين..
ياخي أنا اقتنعت بنظرية قديمة:
النسوان ديل كللللللهن واحد..
الفروقات بسيطة ولا تذكر..
بس بتشابهو في حاجات كتيرة جدا جدا..
| |
|
|
|
|
|
|
|
|
 Re: يا اخوانا اقنعوا لي فوزيه تجدع العده القديمه (Re: داليا الكباشى)
|
نصيحتى ليك امسك فى فوزية دى قوى فهى الظاهر حفيدة الشيخ ابتكتوك شيخ الزهد واحمد الله الماعرست ليك المانية والا حتشترى كل يوم عدة ومن بيوت الموضة الباريسية شنل Shanelالخ
غايتو انا متبرع ليك بطقم شوك صناعة المانية خالصة جانى قبل اسبوع فى عرض بس قول بتين اجى السعودية
رمضان كريم
ابراهيم
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: لؤى)
|
تحياتي أخوي طارق ...
في البدايه شوف المحسي المسلط ده بيقول في شنو ... وانتم تتحدثون عن عدة رمضان ...
| Quote: بِقينا ناس (فَعِدَّةٌ) مِّنْ أَيَّامٍ أُخَرَ |
ياخي ده زول عسل عديييل بس ...
وما عارف يا طارق ليه السودانيات جنهم عده كده ... ياخي مشكلتهن في الدنيا دي العده والدهب .. ياخي تلقي المصريه واللبنانيه تشتري ليها حاجه بسيطه من الدهب لكن في منتهي الروعة والبساطة .. لكن ناسنا ديل .. ناس (يكنزون) الذهب والفضة بس .. في حين أنه الجمال ليس في الكثرة ولكن في الذوق المناسب ...
أتاريها في مناسبة عرسان بورداب الرياض كانت قاعده مع حرمكم المصون راس وآخر ونسات ... الطيور على أشكالها تقع ... وبمناسبة العده .. مره كده يا طارق بقينا مسافرين بالبحر لأن المدام أصلاً من بورسودان وأنا شايف إنو وزن العفش كبير .. وحاتك يا صاحبي أقلعك أقلعك من تحت السراير ومن وين كده ما عارف وديك يا شنطة الحديد الكبيرة بتاعة أبو يمن ديك وامليها لي حدها بي العده ... يامره إنت جنيتي ولا شنو .. العده دي كلها واداها وين ونحنا لي حسع بيت في السودان ما عندنا ... قالت لي يبقو على الاتنين عاد لا بيت لا عمارو ... مخيّر الله في ملكو ... وحاتك يا طارق أربعه رجال يا دوب رفعنا المصيبه دي .. والحمدلله كان في واحد صاحبي عندو لوري مسفرو السودان رفعناهو ليهو ولا كان أخوك لي حسع بيدفع في حق الوزن ..
غايتو نقول شنو بس يا طارق .. الله يكون في العون ...
مع خالص تحياتي وتقديري لكم والأسرة الكريمه ... والجميع ؛؛؛
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: طارق ميرغني)
|
اخي المسافر
رمضان بالفعل فوق السحب
لكن هسع موضوعي الاساسي بقي كالاتي :-
صار عندنا اتنين خلاطه واحده جديده والتانيه ابو سحان معطوب
اتنين حلة بريستو " يللا يا تمبس تعال كلم الجماعه يمكن يقتنعوا"
اتنين طقم بهارات واحد شفاف والتاني ابو من غير شفاف
والبقيه تاتي
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: كمال عكود)
|
يعني لازم السيرة دي ؟؟
عندي تلاجة أبت نفسها إلا أن تستقيل من الخدمة قبل رمضان بأربعة أيام
هسع اتوكّحت لي بي واحدة جديدة
ألفييييييييييييين ريال يمرقن من جيب العدو
وهسي الحكومةما بين تطلب أو ما تطلب بعد الكاشات الحصلت دي ..
عشان كدة حاولو أقفلو السيرة دي
تقوم تسمعكم كمان ..
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: نادر النور آدم)
|
حبيبنا طارق ميرغني
رمضان كريم لك ولي مدامك
يازول خليها تشتري اصلو ماتسالها لكن لمن رمضان يجي تمشي المطبخ وتشرب الحلو مر ربع كباية ربع كباية كل ربع في كباية جديدة خلي لياقتها كلها تروح في غسيل العدة لتجفيف منابع الارهاب لمن يجو العشرة الاواخر بتكون لياقتها راحت في غسيل العدة وربنا ح يفكك من السوق لي هدوم العيد والخبيز
اما بخصوص مكان وضع العدة ماتشيل هم بيزبطوا ليها وضع ياخي دولاب المطبخ كلو ترسوهو بي فوق كراتين
كبابي وصحانةمتر لي فوق زي باصات دنقلا فضل بس تدق ليها مسارين بره الحيطه وتعمل ليها عود كبير وتعلق الحلل ياخي زي البصات البتجيب الجداد هاهاهاهاهي مش بتلاقي الجداد معلق بالمقلوب ومغمض عيونو وتيب
ان شاء الله يتكسروا في خدمة الاخوان وتعيش وتجيب غيرهم
تحياتي
زاتوووو
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: عبدالرحيم أبراهيم العبيد)
|
Quote: (الدهـــب )
أسعاره نازله شويه
|
شكـرن يا قمال يا مروان
----------
عمو طارق في كواري صغنوونه بتاعت عصيده ,
ملونات وحلوات والكوريه بي ريال ,
وبتخش المايكرويف كمان ,
وكمان تخزينها ساهل , وبتقعد لحدي رمضان البعد بعدو كان الله حيانا وادانا عمر ,
قول لي خالتو فوزيه , اقعي ابو ريالين الجمب هرم العليا بسسس
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: طارق جبريل)
|
انتو يا اخواناقايلين ابو ريالين لسه ابو ريالين
والله العده الفيهو في السيف مافي
انتو عارفين رغم انو فوزيه مداومه علي سودانيزاونلاين
الا البوست ده لي هسع يعميها
مشغوله بقت بي سياسة التفريغ ويبدو ان الموضوع بدا ياتي اكله
امس ادوني كرتونه ملانه كبابي فرد يعني ما في شبيها وكميه من الحاجات والترامس
وعدد واحد تنكه وصحانه واشياء والله ليها قيمه
ما عارف لقت الشجاعه دي وين ؟؟؟
اديتها والله بقب قوي للتي بوي tea boy في المكتب
وفي موضع اخر
هسع قاعد معاي في المكتب واحد صديقي وصلته رساله من البيت استاذنته ان انقلها لكم بتقول:
بكره ما تنسي رمضان جيب معاك بلح وبليله ولقمة القاضي وفلفل اخضر
وخيار وزبيب وتين وقمر الدين وبطاطس وكاتشب ومكرونه حبه صغيره
وفانيليا وورق عنب وسامبوسه وورق قصدير وكلنق cling
طبعا ده البيغطو بيهو بواقي الاكل في التلاجه
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: طارق ميرغني)
|
Quote: اخي ايمن دياب
بالله لو سمحت وريني ايه الفوارق او الفروقات عشان نعمل حسابنا
ما معروف الظروف |
عم طارق:
الفوارق ياها الطبيعية العادية..
يعني تلقى واحدة دكتورة وواحدة أستاذة وواحدة ربة منزل..
دي أوجه الاختلاف..
لكن أوجه الشبه والاتفاق ياها المعذبنكم بيها.. ومعذبننا كمان..
الليلة بمشي العيثم أجيب حلة البريستو..
ياخي زوجة صاحبك ليه نست الزبادي ما قالتو..
ماعندهم سلطة روب في رمضان؟؟
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: طارق ميرغني)
|
Quote: بكره ما تنسي رمضان جيب معاك بلح وبليله ولقمة القاضي وفلفل اخضر
وخيار وزبيب وتين وقمر الدين وبطاطس وكاتشب ومكرونه حبه صغيره
وفانيليا وورق عنب وسامبوسه وورق قصدير وكلنق cling |
لقمه القاضي الجاهزه الفي العلب ..؟؟
والله يا عمو طارق بختها فوزيه بيك ,
زميل البورض دا كان ما لخـوا ليهو العجين قدامو ما بيقتنع !!
بطاطس وكاتشب ديل بتعملوا بيهم شنو في رمضان ..؟؟
وما تنسى الزيتون الشرايح للبيتزا,
وكريم الكارميل , والفواكه للعصير
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: داليا الكباشى)
|
يا طارق ياخ ما تفهـمـا !
السياسه في الحاله دي ترفع الكهرباء في البيت ليـ الف كيلو واط !
وبكدا زول بيتكلم معاكـ مافي .. داخل تنهـر ومارق تصُـر !
ولمن يجي 5 رمضان فكها -- وأرفع الكهرباء تاني يوم 20 رمضان عشان طلبات العيد وكدا ..
نسوانها ديل مش بتشابهن بثـ ! الإختلاف في الإسم بس ( العجينة وااااحده )
ياخي أنا وجيراني الـ 5 ، يوم العيد لقينا كل نسوانا كانن محننات يوم الوقفه بالليل !
والله شـحـدت جاري نشادر ! قال لي أنا دي جيتي من السوق جبتها هاكــ !
والبشتري عـده كتيره ، في الرحول بتخُر فيهو ( مثل عوائل )
رمضان كريم والنزح منكم باقي كهربتي في السماء السابع داااكـــ
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: Elmosley)
|
إنت يا طارق النسون ديل طبعن اصلو ما بتغير و في موضوع العدة
دي يا هو الطبع واحد في السودان ولا اسوان قبل رمضان بشهرين ثلاثة
سمع اضاني بتكلمن في موضوع صندوق عدة رمضان ، و انا لمن سمعت
موضوع الصندوق دا اول مرة ما اتضايق من اسم صندوق حريمي حلما مني
بأن موضوع عدة رمضان دا يكون عملنا عليها كانسل كبير بالقلم الاحمر ،اول امس
في حديث جانبي علي هامش التحضيرات الرمضانية ورد ذكر العدة طبعا دي ما حتتنسي
قمت قولت ليها طيب انتو ما عندكم صندوق لعدة رمضان وينو هي ياراجل انت جنيت ولا
شنو صندوق عدة رمضان شنو والله انت إلا لو قاعد تحلم ؟؟؟ اتخيل يا هندسة الموضوع
طلع لي حلم و هلوسة .
عموما يا طارق انا ما كجنت لي حاجة زي عدة رمضان دي و كل سنة عدة جديدة بمواصفات
جديدة و بتمشي وين ما عارف انشاء الله رمضان ذاتو ربنا يخليوه لينا كل عشرة سنة علشان
نرتاح من الخلاطات و الكمش دي .
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: موسي عيسي)
|
Quote: الأخ طارق لينا كم يوم بدينا في نقة العدة وما العدة ودايرين حلل جديدة وما حلل جديدة وترامس وما ترامس
وكبابي وما كبابي وجكاكة كمان ، اسع اليوم الصباح دفعنا حق العدة حتى طلعنا من البيت أكان ما تطلع نقة حاجة جديدة تخص رمضان |
يا كمال عكود
المشكله يا عكود انك استجبت للضغوط
والله بقيت زي محمود عباس
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: طارق ميرغني)
|
اخي بكري عباس
خليك من رامز
انا كنت قايل دول الاستكبار هي البتهدد الدول الصغيره زي ايران
لكن اتضح لي اننا كلنا تحت ظل التهديد
تصور فوزيه قالت عايزه منشر بتاع عده البختوه جمب حوض غسيل العده
وعايزاهو يكون استيل مش زي البلاستيك القديم
المهم جينا جمب اسواق بن دايل مع عديلي د. شوقي
قالت:
والله مش كان كتبتو في سودانيزاونلاين حاشتريهو حاشتريهو؟؟؟
تصور يا بكري عالم زي دي يقولوا ليها شنو
ويرموا العده القديمه بتاعتا كيفن...؟؟
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: طارق ميرغني)
|
| Quote: يا اخوانا اقنعوا لي فوزيه تجدع العده القديمه |
انت بقيت تشكى من كترت العده عشان بقيت تبيتها
ما سمغت المثل البقول اللين غسيلو هين
ياخى خليك زى زمان ودع عنك الكسل ولاتؤجل عدة اليوم الى الغد
مش يا المحرب؟؟
ممكن اطلب اغنية بابا بغسل العده واهديها الى ود الباوقه وابوجهينة
واخرون،،،
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: خالد المحرب)
|
| Quote: يازول خليها تشتري اصلو ماتسالها لكن لمن رمضان يجي تمشي المطبخ وتشرب الحلو مر ربع كباية ربع كباية كل ربع في كباية جديدة خلي لياقتها كلها تروح في غسيل العدة |
والله يا زاتو
لي هسع انا باضحك ....انت ممسوخ بشكل
ياخي الحريم ديل الواحده فيهم تجري في الاسواق دي زي وارغو
لمن يجوا البيت حتي يشتكوا ...رجلي ..كتفي وشنو داك ما بعرفوا
هل تفتكر ان سياسة تجفيف منابع الارهاب ذات جدوي
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: طارق ميرغني)
|
Quote: الكارثة دي ما مضمونة ,, بدت البوست بالنفي لكن باقي مشاركاتها كلها ضد فوزية
طارق ربنا يخلي ليك فوزية و تصوموا و تفطروا علي خير |
أخي خدر
رمضان كريم
يا اخوي الدكتوره داليا دي ربنا يديها العافيه رغم نفيها لحب العده
حتشوفا لمن تجي الرياض
والله انا خايف صديقي تمبس
تاني رمضان يبدا يبدل بالهدوم
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: طارق ميرغني)
|
صديقي موسي عيسي
يبدو احد امرين حدثا
اما انا المواطنه تطلع علي البوست اثناء انا بالمكتب
او ان احدي صديقاتها مثل عفاف ابوحريره او عفاف علي ميرغني
يخبرنها اول باول
لانو بدت تغييرات جذريه في البيت
كل يوم بقيت القي في الزباله يكرمكم الله عدد من العدد القديمه
وفي بعض الاحيان في كراتين وتقول لي ما تنسي ترمي الحاجات دي بره
وانا عامل اضان الحامل طرشا
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: طارق ميرغني)
|
Quote: انت بقيت تشكى من كترت العده عشان بقيت تبيتها
ما سمغت المثل البقول اللين غسيلو هين
ياخى خليك زى زمان ودع عنك الكسل ولاتؤجل عدة اليوم الى الغد
مش يا المحرب؟؟
ممكن اطلب اغنية بابا بغسل العده واهديها الى ود الباوقه وابوجهينة
واخرون،،، |
صديقي صديق الموج
ما سمعوك لا ود الباوقه لا ابوجهينه يا عمي صديق
بعد المنشر الجديد هي زاتا بقت مشدوها بي عدتا
يعني باختصار بقت تفرح بي غسيل العده
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: رشا سالم)
|
| Quote: ولا توجد الا فوزيه واحده ياابنتنا العزيزه |
الله غليك ياعم طارف وعلي الكلام الحلوقلت لي مافي الا فوزيه وااحده
اسي ده كلام زول ممكن يشتكي ليه من شويه عده
دي فوزيه لو طلبت النجوم تنزل ليها
بعدين زوله زي فوزيه وانامله البتعزف احلي موسيقي
تلمها لي مع ناس العده والمليات ده كلام ده
حفها توديها العقاريه
كل سنه وانت وفوزيه بالف خير
وربنا يخليكم لي بعض
وحلة الصغط دي لما خالد مالم فيها نحن لازم نضوق
بليلته
| |
|
|
|
|
|
|
|
|
|
Re: يا اخوانا اقنعوا لي فوزيه تجدع العده القديمه (Re: طارق ميرغني)
|
يا عمو طارق ,
بتاع البصل والتوم والبطاطس ما اسمو منشر ياخ !
دا السبت ابو تلاته ولا اربعه ادوار ,
بيختوهو جمب التلاجه , او جمب دولاب المطبخ ,
بيختو فيهو النواشف , في منو سعف وبلاستيك .. وفي دواليب مطبخ (راقيه شديد) بتلقى فيها السبت جوه درج من الادراج !
منشر بطاطس قال!
فظـحتووونا وفشلتوونا عند الاجانب
اقترح تشتري دولاب مطبخ جديد ,
فيهو منشر عده وسبت نواشف
| |
|
|
|
|
|
|
| |
doma
tmbis
خالد المحرب
داليا الكباشى
المسافر
الامين موسى البشاري
عمران حسن صالح
بكري عباس علي
عزام حسن فرح
إبراهيم عبد الحليم
لؤى
إدريس محمد إبراهيم
كمال عكود
نادر النور آدم
ALZOLZATOO
عبدالرحيم أبراهيم العبيد
طارق جبريل
Hisham Ibrahim
Elmosley
خدر
موسي عيسي
صديق الموج
الفاتح يسن
naeem ali
رشا سالم
عفاف أبو حريرة
أحمد الصديق
MOHAMMED ELSHEIKH
ابو جهينة
فيس بوك
تويتر
انستقرام
يوتيوب
بنتيريست