|
|
 اذا انقصل الجــــنـوب سندعو لانفصال الغــــرب
|
ليس سرا ان القادم من الايام حال انفصال جنوب السودان لن يكون بالامر الهين لشعبنا في غرب السودان ...
اتمني ان لا يحدث الانفصال حتي لا نضطر للدعوه الي فصل انفسنا من الدوله التي كرست الجهويه والعرقيه حفاظا علي من تبقي من اهلنا احياء ...
ولا احد يسالني عن حدود الانفصال لان لكل مقام مقال ...
|
|
 
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Elsanosi Badr)
|
أخي السنوسي بدر
فلنكن واقعيين,,,
بالقدر الذي فشلت الخرطوم
ان تجعل الوحدة جاذبة,,
فعند انفصال الجنوب
لن يكون هناك أي إتحاد جاذب كذلك,,,
فليأخذ كل ما له
ومن ثم فلنبحث
عن أشكال اعادة الاتحاد ,
كل بشروطه
كل بكرامته
ويبنى بيتا يسع الجميع
ويلائم الجميع
د.محمد عبدالله تيراب
_______________
الحق يعلوا ولا يُعلى عليه
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Mohammed Tirab)
|
الاخ السنوسى بعد السلام والتحيه
انت طبعا ما جبت جديد هنا
لان المخطط معروف وماتجى تقول مخطط شنو
لانك ادرى منى فى ما اعنى
الا يا صديقى اننا لن نبيع امتنا
لسبب حكومة اختلفنا معها فى نظام حكمها
لن نبيع حضارة امتنا لمجرد معارضه لنظام
بلادى قلب افريقيا النابضه لن تتجزأ
نحن اناس متحضرون،لن نضيع ولن نتهى
بهكذا مؤامره
خالص الود
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: خيرى بخيت خيرى)
|
الزميل خيري
شماعة اليهود و النصارى جاهزة لتعليق فشل 50 عاما من الاحتراب الداخلي و العجز عن خلق دولة المواطنة.
لا يمكن ان نستمر 50 او 100 عام اخرى ننزف و نموت و نتشرد فقط ليحكمنا من هم اسوأ من الاستعمار حكما.
حكم عمق الجهوية و القبلية و العنصرية.
نريد لانفسنا وطنا يحترم انسانيتنا و كرامتنا و نعيش فيه متساوون في الحقوق و الواجبات، وطن يفتح صدره لي ولغيري
ولابناءنا جميعا لنمضي معا لمستقبل افضل.
الموضوع ليس معارضة حكومة بل مطالبة بحقوق وطالما اهل الحكم يصرون ان يبقوا في الحكم حتى يسلمونه للمسيح فلماذا
اخسر انا مستقبلي و مستقبل ابنائي و احفادي؟
من له مصلحة في البقاء تحت هذا الجحيم فهذه حريته و حقه اما انا فقد وصلت مرحلة الاصرار على ان ابحث عن وسائل تحقق
لي احساسي بالوطن حتى ولو في ميل مربع.
مللنا الاسطوانة المشروخة عن اليهود فالذي يحكمنا هم ابناء هذا الوطن وقراراتهم التي نتضرر منها صادرة منهم و بقناعة منهم
وليس لليهود دخل بها. اليهود لم يقولوا للبشير دمر دارفور او غيرها.
اليهود لم يقولوا للبشير شاكس و نرفز اهل الجنوب في نفطهم و حقوقهم حتى يكرهوا الوحدة ثم في اخر 3 شهور اعلن لهم عن 20 ألف
وظيفة وانك على استعداد ان تمنحهم مزيدا من الوزارات. اليهود لم يقولوا للبشير ارسل السلاح و المال لزعزعة الاستقرار في الجنوب
اليهود لم يقولوا للبشير زور الانتخابات و ضيق مساحات الحرية واجعل البلاد سجنا كبيرا تحت سطوة جلاد لا يرحم
اذا فعل البشير ذلك بتوجيه من اليهود فانه لا يستحق ان يحكم السودان
وان فعل كل ذلك بمطلق حريته فانه ايضا لا يستحق ان يحكم السودان
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Zoal Wahid)
|
Quote: اذا فعل البشير ذلك بتوجيه من اليهود فانه لا يستحق ان يحكم السودان
وان فعل كل ذلك بمطلق حريته فانه ايضا لا يستحق ان يحكم السودان |
والأسوأ مِن ذلِك ، أنه مؤمِن بِأن ما يفعلهُ فينا ، بِأمر مِن الله تعالى وعلَيهِ يكون كُل مُعْترِض خارِج مِن المِله
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Zoal Wahid)
|
Quote: اذا فعل البشير ذلك بتوجيه من اليهود فانه لا يستحق ان يحكم السودان
وان فعل كل ذلك بمطلق حريته فانه ايضا لا يستحق ان يحكم السودان |
والأسوأ مِن ذلِك ، أنه مؤمِن بِأن ما يفعلهُ فينا ، بِأمر مِن الله تعالى وعلَيهِ يكون كُل مُعْترِض خارِج مِن المِله
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Zoal Wahid)
|
Quote:
اتمني ان لا يحدث الانفصال حتي لا نضطر للدعوه الي فصل انفسنا من الدوله التي كرست الجهويه والعرقيه حفاظا علي من تبقي من اهلنا احياء ...
|
يا دكتور الانفصال واقع واقع لا محالة اللهم الا اذا حدثت معجزة سماوية. اما اذا زور الاستفتاء فحرب ضروس بانتظارنا.
دارفور غصة في حلوق الحكام لانها اوصلتهم الى الجنائية فلا تحلم بحل قريب الا على اسنة الرماح.
بدأ الوعي يرتفع لدي اهلنا العاديين لانهم يشاهدون و يعيشون المرارات التي افرزتها الجهوية و امامهم ايضا الفتن التي وقعوا فيها
بدعم من المركز .... اسعدني مؤخرا ان وفد المجتمع المدني الذي حرصت الحكومة على ايفاده للدوحة لدعم موقفها التفاوضي، ما ان وصل
حتى كانت مطالبه متوافقة مع مطالب الحركات. و قالوا ايضا و بالفم الواحد المليان (نريد اقليمنا اقليما واحدا).
يا دكتور الحكومة مستهبلة، كل ما الناس قربت تصل الى حل غيروا لجان التفاوض و كذلك اجندتهم, ثم انتقلوا الى دولة اخرى.
الى متى نفاوض من اجل حقوقنا؟ هل نحن نفاوض دولة استعمارية عدوة لنا ام نفاوض ابناء وطننا؟
ما هي المطالب التعجيزية التي تقف امامها الحكومة عاجزة تماما عن تطبيقها او الايفاء بها؟؟؟؟
انها المماطلة و التفاوض من اجل التفاوض ويجيك واحد يقول ليك مؤامرة صهيونية.
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Zoal Wahid)
|
يازول عمر البلد ده
وامته وتاريخه اولا ما خمسين ولا مية سنه
نحن اتوجدنا قبل ثلاثةالف واربعمية سنه
فى المنطقة دى وانت واحد من الاحفاد ذى ما انا واحد منهم
برضو
وبكلمة شماعه دى انت داير تضلل بقية المنتدون
عن الحقيقه
واكرر صهيون العالم وليس فقط اليهود
وبعدين هم ما قالو حاجه للبشير
لكن قالو لى سلفاكير وباقام اموم
قالو لى خليل وعبد الواحد
قالو ليك انت المولع نار هسع ده
عشان تتنفر والاحمق يتحامق
ويعمل عمايلو السوده
عشان هو ذيّيو وذى ياحارسنا وفارسنا
الوطن الذى تحلم به ممكن ان يكون بالوحده
وليس بالانفصال
كل الود والاحترام
كل الود
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: خيرى بخيت خيرى)
|
Quote: يازول عمر البلد ده
وامته وتاريخه اولا ما خمسين ولا مية سنه
نحن اتوجدنا قبل ثلاثةالف واربعمية سنه
فى المنطقة دى وانت واحد من الاحفاد ذى ما انا واحد منهم
برضو |
لو بالمنطق دا البشرية كلها تتكوم في حتة واحدة لان تلك هي المنطقة التي تواجدوا فيها.
الله سبحانه و تعالى قال للمضطهدين من عباده اليس ارضي واسعة لتهاجروا فيها؟ الهجةر يمكن ان تكون انفصالا
او استقلالا او انشاء دولة جديدة او تبعية لدولة قائمة.
لا شيء يلزم المضطهد بالبقاء في اسر مضطهديه .... الجنوب بعد 50 عاما من الظلم يستحق الان ان يؤسس
لحريته.
اذا افاق الحكام و احكموا عقولهم بالعدل و المساواة فنحن راضون بوطن يساوي بيني و بينك.
اذا حاكم القضاة كل من اجرم في حق اهلي فاني ساكون سعيدا باقامة العدل.
Quote:
وبكلمة شماعه دى انت داير تضلل بقية المنتدون
عن الحقيقه |
انا مصر ان الموضوع شماعة العاجزين.
| Quote: وبعدين هم ما قالو حاجه للبشير |
؟؟؟؟
Quote: لكن قالو لى سلفاكير وباقام اموم
قالو لى خليل وعبد الواحد
قالو ليك انت المولع نار هسع ده
عشان تتنفر والاحمق يتحامق
ويعمل عمايلو السوده |
احلف بالله قول كلامك الفوق دا صاح.
| Quote: عشان هو ذيّيو وذى ياحارسنا وفارسنا |
لو امر البشير بحرق قريتك و قتل اهلك و اصدقائك و تشريد بعضهم و منع المنظمات عن اغاثة
المشردين منهم فلن تقول ما قلت.
انت مستفيد من هذا النظام ولك الحق ان تتهم الاخرين بالعمالة لتخفي سواءاتك و سواءت النظام.
انا من منطقة ظلمها هذا النظام وحول مستقبلها الى محن و احن ولولا سوء تصرف النظام و جهويته التي جعلتك
تدافع عنه لكنت انا وانت في خندق واحد.... الان نحن على طرفي نقيض انت مستفيد و ترى البشير حامي و حارس لمصالحك
وانا مظلوم ارى البشير قاتل و عنصري و سفاك دماء و كاذب و هارب من العدالة الدولية.
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: خيرى بخيت خيرى)
|
Quote: لو امر البشير بحرق قريتك و قتل اهلك و اصدقائك و تشريد بعضهم و منع المنظمات عن اغاثة
المشردين منهم فلن تقول ما قلت. |
بشير شنو متين شوفت عسكرى عندو عقل ديل غير القتل ما عندهم حاجة
انا بعد ندوة القائد باقان امس اتاكدت ان الانفصال حاصل حاصل ومعهم حق فى الانفصال
كيف لنا عن نحكم مسيحى بالشريعة الاسلامية
لقدتحدث السيد باقان عن الانفصال وكان حديثه مقنع للجميع
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Zoal Wahid)
|
لو بالمنطق دا البشرية كلها تتكوم في حتة واحدة لان تلك هي المنطقة التي تواجدوا فيها.
البشريه اتكومو فعلا فى حته واحده وبعد داك انتشرو فى ارض الله الواسعه
واليوم كل يعمل من اجل الحفاظ على امته وحضارته بالوحده والترابط وقد
نجح كل من توحدت كلمته من بنو البشر والامثله كثيره
مع خالص مودتى
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Zoal Wahid)
|
Quote: لكن قالو لى سلفاكير وباقام اموم
قالو لى خليل وعبد الواحد
قالو ليك انت المولع نار هسع ده
عشان تتنفر والاحمق يتحامق
ويعمل عمايلو السوده
احلف بالله قول كلامك الفوق دا صاح.
يازول كلامى الفوق ده ما داير ليه حليفه ،الكلام ده واضح
وبيعرفو اى عاقل سودانى .
خلينا نتكلم عن الجنوب ،وسيبك من مجلس الكنائس العالميه
وكريستيان صاينص مونتر ،الافراد الكل دقيقه والتانيه بتجى طايره
لى جوبا من يوغندا بتعمل شنو هناك ذى ناس راجر وينر وجيمسون والساكن
فيها سكنه روبر وايت هيد وبيتر ايزينقلر ،دول يازول من اكبر قيادات
الصهيونيه العالميه البتتعامل تعامل مباشر مع قيادات الحركه الشعبيه
نجى فى دارفور
علاقات مباشره بين عبد الواحد نور واسرائيل
وكذلك اليهودى الصهيونى نيكولاى ساركوزى
فشل كل المباحثات السابقه فى سلام دارفور
واستمرار الحركات فى تماديها دليل واضح
ان هناك من يؤثر فى قراراتها ،ياترى من ؟
فى الختام ارجو من سعادتكم استعمال بعد النظر
فى ما يدور فى الساحه
شكرا ورمضان كريم
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: خيرى بخيت خيرى)
|
العزيز خيري
Quote:
انت طبعا ما جبت جديد هنا
لان المخطط معروف وماتجى تقول مخطط شنو
لانك ادرى منى فى ما اعنى
الا يا صديقى اننا لن نبيع امتنا
لسبب حكومة اختلفنا معها فى نظام حكمها |
قد يتفق معك ومعي الكثيرون ان الصهيونيه ليست جمعيات خيريه ... لها مخططاتها ...لكن دعني ان اكون اكثر جرأه هنا ... ان مطالبة -نحن- (الغرابا) لحق تقرير المصير عقب انفصال الجنوب ليس له اي ارتباط بتلك المخططات من بعيد او قريب ... انما هو حصيلة فشل الدوله السودانيه ونخبتها و-نحن منهم- في الحفاظ علي اكبر دولة في القاره الافريقيه ... واعتقد ان الاستمرار علي هكذا حال يعتبرايضا فشل ...
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Elsanosi Badr)
|
انما هو حصيلة فشل الدوله السودانيه ونخبتها
السنوسى اخوى سلامات
فالنفرض ان مطالبكم دى ماليها علاقه بالمخطط ،مع انى غير مقتنع بى كده
هل الانفصال وتفتيت البلد هو الحل لتلك الفشل؟ ونحن الان نعيش فى عصر
صراع الحضارات ،والامم تجاهد وتعمل من اجل البقاء بترابطها وقوتها
كيف لك ان تتطالب الانفصال من اهل النيل وحضارته والمؤرخين الافارقه
من كوناكرى واكرا يقولون بان سلالتهم تعود الى النوبه فى ارض النيل
قل لى ماذا هو نظرتك فى دولة دارفور الكبرى ،تلك الدوله التى لم تكن لها منفذ
ولم تكن لها موارد تذكر ،دولة تعتمد على الامطار فى ريها وارض لن تصلح فيها سوى زراعة الدخن
دولة بدأت فيها حروبات من اجل الموارد والمراعى ماذا تتوقع ؟نعيم وهناء ؟كيف؟
تحياتى
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Mohammed Tirab)
|
العزيز دكتور تيراب ...
الاخوه في الجنوب لم يكن خيارهم الانفصال ولكنهم قد يختارونه لانه تعذر لهم العيش الكريم الكانوا يحلمون به في وطن يجمعهم بالاخرين ...
وعند مفارقة الجنوبيون لن يتبقي لنا الا ان نلحق بهم في المطالبه بنفس المقدار واعتقد انها نفس الاسباب التي دعتهم لاختيار هذا الطريق ...
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Al-Shaygi)
|
Quote: ليس سرا ان القادم من الايام حال انفصال جنوب السودان لن يكون بالامر الهين لشعبنا في غرب السودان ...
اتمني ان لا يحدث الانفصال حتي لا نضطر للدعوه الي فصل انفسنا من الدوله التي كرست الجهويه والعرقيه حفاظا علي من تبقي من اهلنا احياء ...
ولا احد يسالني عن حدود الانفصال لان لكل مقام مقال ... |
الاخ السنوسي
دارفور اصلا تم فصلها من دولة المثلث او الدولة المثلثة كما جاء
في سفر حمدي "الحكيم". اكيد لا نرضى ان نكون لفظ توضيحي في هامش
الدولة السودانية و الانفصال ارحم بكل المقاييس.
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: الصادق يحيى عبدالله)
|
يا سنوسي
أنت تقول ان مخطط الصهاينة شماعة
ونحن نقول هو واقع ومخطط له فعلاً
وما البشير وباقان وسلفا وأنت وعبدالواحد وخليل إلا كروت كتشينة تحركون بفعل فاعل حتى
يصل المخططون إلى هدفهم
البشير يخدمهم بطريقته الخاصة
وأنت تخدمهم بطريقتك الخاصة
لو صدق البشير لا جتمع اهل السودان على كلمة سواء
لو صدقتم انتم وصدق كل الشعب السوداني لاجتمعنا على كلمة واحدة
ولكن كلنا حتى نحن في الوسط نريد حلاً لأنه بالفعل حياتنا هناك اصبحت جحيماً لا يطاق
وكذلك اهلنا في الشمال وفي نهر النيل
حتى الشرق اصبح في وضع مرزي
أنت مقتنع بالانفصال كحل لمشاكلك
ونحن مقتنعون بالوحدة كحل لمشاكل الجميع
ولكن لا بد ان بلدك السودان سيقسم وسوف يمزع سوف نهيم في الأرض
لأنه لا يوجد اقليم واحد من بين جيمع الاقاليم الحالية يمتلك مقومات دولة كاملة
ولا بد لكل اقليم ان يتبع إلى دولة مجاورة حتى يحقق ما يريد
انفصلوا لو عاوزين الله معاكم
الصادق
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: ذواليد سليمان مصطفى)
|
Quote: أنت تقول ان مخطط الصهاينة شماعة
ونحن نقول هو واقع ومخطط له فعلاً
وما البشير وباقان وسلفا وأنت وعبدالواحد وخليل إلا كروت كتشينة تحركون بفعل فاعل حتى
يصل المخططون إلى هدفهم |
ناس بهذه القوة من حقهم سيادة و حكم العالم و عليه اذا صدقت فهنئا للصهاينة
و بشرى لهم
بس يا اخوي ما نمشى بعيد
الاعلن الجهاد على اخواننا في الجنوب ما صهيوني
الوعد قاتل الجنوبي بالحور العين و الفردوس ما كان صهيوني
الفتح بيوت الاشباخ في الخرطوم و قتل د على فضل ما صهيوني
الكان سبب في خلاف الشيخ الترابي مع الذي ارسله للقصر و بشر الناس
بهدية السماء لينا ما كان صهيوني
القتل في كجبار و بورتسودان و البقتل في دارفور ما صهيوني
العذب الاطفال الصغار في امدرمان بعد غزوة خليل ما صهيوني
البيفسد في الخرطوم ما صهيوني
اصحاب العمارات التى طالت وسط القر و الحرب ما صهيانة
..............................
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: محمد على حسن)
|
سنوسي يا عمك | Quote: اتمني ان لا يحدث الانفصال حتي لا نضطر للدعوه الي فصل انفسنا من الدوله التي كرست الجهويه والعرقيه حفاظا علي من تبقي من اهلنا احياء ... |
وليه تضطر ..؟
إذا توفرت القناعة باستحالة التعايش في ظل دولة واحدة وناس دارفور شايفين مصلحتهم في الإنفصال يبقى ما تربطوه باستفتاء الجنوب
و ابدوا دعوتكم من هسة
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Tragie Mustafa)
|
| Quote: الملازمين اصلا تعني احياء انشأها ملازمي المهدي من الجهاديه(الذين حضروا من الغرب) |
تراجي مصطفى سلامات... أقول ليك أنا جدي أبو أبوي مولود في الملازمين مكان مدرسة أم درمان الثانوية بنات – هسع بقت جامعة القرآن الكريم. وجدي الصافي كان من الحرس الموجودين في الطابية المقابلة النيل ويتبع لملازمية الأمير عثمان شيخ الدين ول سيدي خليفة المهدي، وذلك بالقرب من بوابة عبد القيوم في اتجاه الشمال الشرقي. أها حقّنا وين يا جماعة؟
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: cantona_1)
|
Quote: لو بالمنطق دا البشرية كلها تتكوم في حتة واحدة لان تلك هي المنطقة التي تواجدوا فيها.
الله سبحانه و تعالى قال للمضطهدين من عباده اليس ارضي واسعة لتهاجروا فيها؟ الهجةر يمكن ان تكون انفصالا
او استقلالا او انشاء دولة جديدة او تبعية لدولة قائمة.
لا شيء يلزم المضطهد بالبقاء في اسر مضطهديه .... الجنوب بعد 50 عاما من الظلم يستحق الان ان يؤسس
لحريته.
اذا افاق الحكام و احكموا عقولهم بالعدل و المساواة فنحن راضون بوطن يساوي بيني و بينك.
اذا حاكم القضاة كل من اجرم في حق اهلي فاني ساكون سعيدا باقامة العدل. |
ده كلام جد...
بس يا خيري اسمع الكلمه دي
قد تكون مستفيد من الوحده..من حقك تشوفها حضن آمن ليك لا عندك موت ولا سمعت صوت طلقه حتي زاتو..
يا اخوي اللي ما عندك زنب في انو في ظل دولة السودان الموحد ده موت وتشرد وفقدان امن وطاحونه مستمره
وما في مستقبل نهائي في اي تغير.. ادافع عن وحده واحافظ عليها عشان شنو... عشان اموت من اجل وحده وانت تحيي فيهو ؟
انت من حقك تدافع عن وحده تحفظك
انا من حقي اطالب بانفصال يحفظني
وكل زول يشوف النظام البيحفظ ليهو كيانو
كلام بسيط وعاااادي
لك كل الود
عثمان نواي
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: عثمان نواي)
|
عثمان نواى سلام الله عليك
شوف يااخوى كلامك وكلام زول واحد كلام سطحى وكلام ناس مابيعرفو تاريخ الامه دى
اولا الناس البتتكلمو عنهم وتدافعو وكأنهم جنس اخر هم اهلى وابناء عمومتى
سواء ان كان فى الجنوب ولا الغرب ،كلنا امه واحده وجزورنا واحده هى الامه النوبيه
اهل السودان والتسميات القبليه والجهويه فى بلادنا تسميات حديثه .
اتولدت فى منطقة اسمها كرمه البلد ،وفى صغرنا واثناء اللعب كنا نعثر على جثث
لم نعرف عن تاريخها ومن يكونو هؤلاء ،انا شخصيا عثرت على ما لايقل عن عشرة هياكل عظميه
ادميه جوار منزلنا ولم يكن هناك من يبلغنا بان تلك المنطقه شهدت حضارة قديمه وقد واجهت
اهلها غزوات من الشمال وحروبات دامت الاف السنين ومات فيها ملايين البشر من اهل النوبه وابناء
كوش ،ياترى لماذا كانت تلك الحروبات والموت بالجمله فى تلك الحقبه من الزمان؟
ومازال البحث جاريا من مؤرخين اوربيين امثال تشارلى بونى وغيرهم ومازالو يكتشفون جثث الموتى
كل يوم .
ثم لم تكن معركة توشكى بعيدة عن الاذهان ،وفى ظل هذه الحكومه ،حكومة القمع والاستبداد فقد اسرتى
اربعة من شبابها ،واكرر اسرتى انا ،هؤلاء الشباب الذين ماتو بطلقات الغدر وهم فى مظاهرة سلميه فى
منطقة كجبار هم احفاد جدى فقر حسين ود بشاره ،فلا عليك انت تحسبنى من الذين يدافعون عن النظام القمعى
وان حديثى عن الوحده لمجرد اننى ادافع عن راحتى ،انا اتحدث عن وحدة وتماسك الامه لكى نستطيع الحفاظ عليها
وعلى حضارتها التى نرجو ان نعيد سيرتها وقوتها التى يخشاها من يعمل جاهدا لتقسيمها ومحوها من خارطة افريقيا
سلام
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: cantona_1)
|
يااخوى كونتينر انت حكايتك شنو بالضبط؟
لامن الكلام فى المراعى وقبائل الالتماس
تجى تقول وكأنك عايش هناك الليله وتبكى على
حقوقك فى المراعى وعلى خوفك من التمانين الف راس بتاعت ماشيه
لامن الكلام عن امدرمان تجى ناطى وتقول انو جدك ابو ابوك مولود فيه!!!
حاجه غريبه ياخ
انت من ووين يا صاحب الراى العدل
رمضان كريم
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: خيرى بخيت خيرى)
|
محلى جمال الفاظ !!!!!
امثالكم يفلحون في اساءة الناس و يدفنون رؤوسهم في الرمال و عندما يقع
الفاس في الرأس و لن تجدوا في السودان الا الاسم وقتها سوف تعلم ان شتم
الاخرين لن يفيدك كثيرا و أن كنت ذو فكر تمعن في الاحوال عام 1995م
عندما كان هناك الكثيرون أمثالك يرون ان انفصال الجنوب حلم .
فاحلم كما تشاء و اشتم كما يحلو لك و لكنا فيما نريد سائرون !!!!!!
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: موسي عيسي)
|
انت بتقول ايه يابنى
كلمة جاهل فى هذا السياق لم تكن اساءه
فانت ان لم تعرف الحقيقة فانت تجهله!!!
مالعيب فى ذلك؟
فانا فى منظورى كل من يؤيد الانفصال فهو جاهل
لاننى ارى ان الانفصال سيؤدى الى تفتت البلد ومحوه
من خارطة افريقيا ،وستصبح دولة الاماتونج فى الجنوب بلا
استقرار وسوء اداره وفقر والاستنزاف من صقور العالم
وارى دارفور الكبرى دولة بلا موارد ولا حدود ولا امكانيات
ولا ارى استقرار لبقية السودان لانن الصهاينه اصلا دايرين الباقى ده
مش عشان سواد عيونكم بيعملو كده !!انت مالك محموق كده يااخوى
وبعدين انت ما فبش حد قالك جاهل انا الكلام ده وجهته لشخص اخر وانت مش طرف فيه
لو عندك صداقه ولا علاقه مع الشخص المعنى فتأكد تماما اننى لم اقصد اهانته
لان المسأله دى مسأله سياسيه ولو ما عندك تحليل سياسى ذات بعد نظر فانت جاهل عنها
سلام يااخوى وبلاش تزعل
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Barakat Alsharif)
|
Quote: امبده شنو يا الشايقي
الملازمين اصلا تعني احياء انشأها ملازمي المهدي من الجهاديه(الذين حضروا من الغرب)
والهجره تعني من هاجر منهم اليها و....عييييك وهلم جرا يبقى شوف حدود دارفور.... وين؟؟؟ |
انفصلوا زي ما دايرين يا تراجي بس ابعدوا من الباوقة ... انتي مالك قلبتي ماكنتي من دعاة الوحدة
يا جماعة رمضان كريم اعتقد ان هذه الحكومة قد زرعت بين ابناء الوطن الواحد كثير من الحقد والبغضاء
وللأسف نحن ساعدناها بعدم تمكننا جميعاً بمحاربتها بشكل يضمن توحدنا جميعاً ولأن الكراهية بين ابناء
الوطن الواحد اصبحت مستوطنة في نفوس الجميع فأعتقد افضل لنا وللاخوة في غرب السودان ان ينفصلوا
ويكونوا دولتهم ويحكموا انفسهم وافضل ان نكون جيران في دولتين منفلتين من ان نتحارب ونتكاره في دولة
واحدة وهمية ... قاتل الله البشير مفتت السودان الكان موحد ...
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: وليد شريف)
|
الاستاذ بدر السنوسى
لك التحية و رمضان كريم
Quote: اتمني ان لا يحدث الانفصال حتي لا نضطر للدعوه الي فصل انفسنا من الدوله
التي كرست الجهويه والعرقيه حفاظا علي من تبقي من اهلنا احياء ... |
كنا و ظللنا و لا زلنا نطالب بالسودان الواحد الكبير و لكن "أضان الحامل طرشا"
فقبل أن نضطر إلى الدعوة لانفصال غرب السودان فلا ينبغي أن ننتظر إلى أن يعلن الجنوب
انفصاله و تكوين الدولة الجديدة , يجب أن نسعى من الآن إلى المطالبة بتقرير المصير
و من ثم الانفصال و إعلان دولة غرب السودان , الإنقاذ أدخلتنا في جحر الجهوية
و القبلية و من المستحيل الخروج منه .
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: الطيب رحمه قريمان)
|
| Quote: اذا انفصل الجــــنـوب سندعو لانفصال الغــــرب |
السنوسي العجيب
رمضان كريم
الفرق بين الجنوب والغرب
اذا انفصل الجنوب في دولة حقيقية تاسست عبر تضحيات جسيمة ومشروع حقيقي و12 بطاقة انتخابية
انتو في الغرب عندكم شنو...الحركات المتشظية دي ...وياتو مشروع الكوز خليل ام الشيوعي حبيب اسرائيل عبدالواحد..
الجنوب الحرب كانت بينهم وبين المركز
دارفور الحرب بين قبائل دارفور نفسها بصرف النظر عن الاسباب
وذى مسار وكاشا ديل يمشو وين
والله يا سنوسي كان فصلت دارفور دي وجريتا بي تركتر وديتا جم بوركينا فاسو.مشاكلا منها وفيها واخر حاجة سوق المواسير
ومسئلة الحدود سهلة
حدود المحافظات في 1956 (كان في ستة محافظات في الشمال) وهذا المبدا في القانون الدولي مبدا قدسية الحدود الموروثة من الاستعمار وهو يسبق حق تقرير المصير
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Kabar)
|
فصلنا من قبل فكرة (خطاب التثبيط) و ( ايدولوجيا الخوف و التخويف)..و هي ان البعض ، نفسيا غير مهيأ لمسألة استقلال بعض من اقاليم السودان ..و بدل ان يقدم افادات واضحة حول الأسباب المقعنة للبقاء في سودان واحد و بعد كل هذه التجارب البغيضة ، تجد ذلك البعض يذهب في مناحي شتى و يتحدث باستخفاف و استهزاء و استعلاء وراثي.. عن المشاكل التي ستواجه غرب السودان أو جنوب السودان في حالة الإنفصال..و كأنما هذه الأقاليم لم تنتابها مشاكل طيلة وجودها في دولة الظلم و الإهانة و تراتيبية المواطنين من درجات ثانية و ثالثة و رابعة..الخ..!
البعض يقول أن المشاكل في غرب السودان هي مشاكل وراثية و تأريخية و ستبقى كما كانت و سوف تستمر اذا استقل غرب السودان..و نتساءل: هل اذا تناسى غرب السودان فكرة العمل على نيل استقلاله.. هل ستختفي هذه المشاكل و النزاعات؟ بالطبع لأ.. لأن غرب السودان و طيلة وجوده في دولة السودان لم يخلو من النزاعات الإثنية التي تطورت في شكل مواجهات عنيفة تجلت في خلاصاتها في الإبادة العرقية و الجرائم ضد الإنسانية و جرائم الحرب..و الحقيقة التي لا تريد أن تعترف بها النخبة السودانية ان تلك النزاعات هي من صناعة الدولة المركزية في السودان..و هي التي توفر السلاح و تنشره بين البسطاء من المدنيين..و تدير الصراع بطريقة تخدم مصالحها في شقين: الأول..ان يخوضوا حروب وكالة قذرة نيابة عنها..و الثاني أن تعجل بمحوهم من الوجود حتى تسلك الطرق لإستجلاب الشركات الأجنبية و استثماراتها في المنطقة..و كل ذلك من اجل حفنة من المال ينعم بها الأخرون في البعيد البعيد..!
الدعوة لإستقلال غرب السودان ، البعض يتعامل معها كشكل من اشكال المناورة المرحلية الخاطفة..و انها مجرد ثرثرة من ثرثرات النت و منتديات النقاش..و لكن فات على الجميع أن هذه الدعوة هي دعوة من القواعد.. الـ grass roots و ليست هي دعوة فوقية كما كانت الخطابات السياسية المرحلية..و قلناها من قبل أن النخبة من غرب السودان ان لم تستجب لمطالب اهلها.. فسوف يتم تجاوزها..
اختلفنا مع حركة العدل و المساواة كثيرا..و لكن لا يمنعنا ذلك بان نقول عن ذكائها و قراءتها للأشياء.. فنداء الحركة الأخير و مطالبتها باستفتاء لحق تقرير مصير دارفور و كردفان معا..هو مبادرة جيدة و توضح أنه جاء الزمن الذي تستمع فيه الفصائل و القوى السياسية الى جماهير اقاليمها..و اخرون سيلحقون بالأمر.. ان لم يكن اليوم فغدا..و قريبا سيعرف الساسة من غرب السودان حاجة..!
الدولة السودانية نخبة و ساسة غير مؤهلة اخلاقيا لتقدم اسباب للبقاء فيها..فلتتحمل مسئوليتها بكرامة ان تبقت لها كرامة..!
نعم لإستقلال غرب السودان..!
كبر
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Kabar)
|
كبر سلامات
يااخوى انت راجع ليها متين تانى
مالك داير تورط اهلنا ساكت بى
افكارك الانت نفسك ما مقتنع بيها؟
كدى انت جاوب لى الاسئله الطرحتها
للاخ السنوسى
ماهى مقومات دولة دارفور الكبرى ؟
اعنى الموارد التى يمكن ان تعتمد عليها الدوله
لبناء اقتصادها .
هل تعلم ان ما يقال عن وجود كميه كبيره من اليورانيوم
وان دارفور عائمه فوق بركة من المياه الجوفيه مجرد اشاعات
لتشجيعكم للانفصال ؟
اخى العزيز تمتع بموطنك الجديد الذى ولد على الوحده واصبح من اغنى بلاد العالم
ولا تبالى
مودتى ورمضان كريم
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: خيرى بخيت خيرى)
|
خيري ..حبابك
رمضان كريم..تصوم و تفطر على خير::
Quote: كبر سلامات
يااخوى انت راجع ليها متين تانى
مالك داير تورط اهلنا ساكت بى
افكارك الانت نفسك ما مقتنع بيها؟ |
في العيد ده كن ربنا مد في الأعمار..
غايتو يا اخوي انا مقتنع بافكاري..و دونك الخيط الفوق ..مكتوب ليهو تلاتة شهور..و مستمرين فيهو..لغاية ما يستقل غرب السودان..كتر خيرك على الشعور النبيل..!!
Quote:
كدى انت جاوب لى الاسئله الطرحتها
للاخ السنوسى
ماهى مقومات دولة دارفور الكبرى ؟
اعنى الموارد التى يمكن ان تعتمد عليها الدوله
لبناء اقتصادها . |
و الله يا خيري يا اخوي البتسوي فيهو ده كن ماها الحقارة ياها بت عمتها..!
الخيط مكتوب قدامك فوق..و امشي اقراهو و بتلقى الإجابات..فيا اخوى فكرة التثبيط دي متوقعة..و الناس بتعرف كيف تتعامل معاها..و بنسألك بدل ما تقعد تغالط في روحك ساكت: ما هي مقومات اسباب البقاء في السودان (مش انت زول وحدوي و كده)؟
Quote: هل تعلم ان ما يقال عن وجود كميه كبيره من اليورانيوم
وان دارفور عائمه فوق بركة من المياه الجوفيه مجرد اشاعات
لتشجيعكم للانفصال ؟ |
و هل تعلم، يا خيري يا اخوي ، أن الإبادة العرقية و الجرائم ضد الإنسانية وجرائم الحرب و الإغتصابات و استجلاب جيش الرب هي وقائع موجودة على ارض الواقع..و هل تعلم أن النخبة السودانية عجزت تماما في حسم قضية العدالة و رد الحقوق للمظاليم..!
و اذا افترضنا انو في جهة بتشجع فينا و بتفك لينا اشاعات عن وجود خيرات في مناطقنا.. مش بالله ارحم من البيجينا بطيارات الأنتوف و يضبح في اهلنا يمين و شمال.. و مافي زول يقول ليهو عينك في راسك..!
ستظل يا صديقي تلوك نظرية المؤامرة ..و ان فكرة استقلال غرب السودان تقف من خلفها جهات اجنبية و بطيخ..و بنقول ليك.. حق تقرير المصير لجنوب السودان الناس كانت بتقول عليهو..مؤامرة يهودية.. لغاية ما ملايكة اليهود جات شالت يد سيدي علي عثمان محمد طه و كتبو في دستور الليلة البلد ماشة بيهو..!!
Quote: اخى العزيز تمتع بموطنك الجديد الذى ولد على الوحده واصبح من اغنى بلاد العالم
ولا تبالى
مودتى ورمضان كريم |
جدا يا صديقي نتمتع بموطنا الجديد و نفتح عيونا على الدنيا و نشوف كيف الأمم بتبني روحها بارادة حقيقية..و اصبر لينا عشرين سنة.. الحاصل في مقاطعة البرتا من نمو و اقتصاد و تطور..ح تلقاهو بحذافيرو في غرب السودان بعد الإستقلال..!
و مافي مشكلة ممكن نستقبلك..و نقول ليك مرحبا بك في موطنك التاني..!
اها قصرنا معاك..
كبر
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Mohamed Doudi)
|
متفقه على الحل الا ناسك البتدافع عنهم كما عاليه
محمد دودى ازيك
انا مجرد ما القى زول قال من خلال كلامه معاى ،الجزء
الانا طبعتو من كلامك ده ،،طوالى انا بعتبرك زول ما
فاهمنى ولا فاهم انا بتكلم عن شنو ،وبالتالى ما بواصل
الاتطلاع على بقية كلامك ،ولو دايرنى اواصل فى قراة مداخلتك
والتعامل معاك ارجو من فضلك امسح الجزء داك من كلامك وان بجيك راجع
لانى اكره ان اوضع فى مكان المدافع لحكومة القمع والاستبداد
وانا حقيقة بدافع عن وطنى فقط وطنى ولا احد
سلام
كبر اخوى برجع ليك يا حبوب
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: خيرى بخيت خيرى)
|
| Quote: متفقه على الحل الا ناسك البتدافع عنهم كما عاليه |
الاخ خيرى
يااخى انا لم اتى بشئ من عندى ولكنك تدافع عن الانقاذ من حيث لا تدرى...يااخى لقد حملت فصائل دارفور مسئوليه تعثر المفاوضات مع العلم بان كل القوى السياسيه والغير سياسيه منذ مزكره مولانا دفع الله وضعت روشته الحل ولكن الانقاذ اختارت الحل العسكرى والتدويل...راجل لكل المؤتمرات والحلول منذ 2003 حتى اللحظه وخصوصا الحلول النابعه من الداخل ....يااخى انت تدافع عن سياسات ومواقف الانقاذ....الانقاذ خزلت مشكله دارفور فى التأمر الخارجى (اللوبى الصهينونى) وانت تفعل نفس الشئ هل هى الصدف ام تطابق اراء ومواقف ونظره من منظار احادى واحد؟؟؟
على العموم عشان ما تزعل ونواصل الحوار يمكن ان نصل لقواسم مشتركه ...اها سوف احزف العباره على الاقل يمكن ان نؤجر فى هذا النهار الرمضانى الحار
دودى
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Mohamed Doudi)
|
الدودى سلامات
ورمضان مبارك
اولا انت ما حزفت كل اتهاماتك باننى انقاذى
الا مافى مشكله خلينا فى المهم.
المطالب الاربعه الانت بكل بساطه كده طرحتهم هنا ،مطالب ياتو حركه من حركات دارفور ؟
وبعدين دى عليك الله مطالب يشيلو ليها سلاح ويكتلو الدماء الغاليه بى سببها؟؟
خلينا نمسكم واحد واحد بافتراض هى فعلا دى المطالب الداير ين يفصلو بى سببها
دولة دارفور الكبرى.
1-اعادة حدود الاقليم لحدود سته وخمسين
غريبه!!!ليه شنو ؟ دارفور فى زمن نميرى كان محافظتين
وهسى فى زمن الجماعه دوول تلاته ولايات ومين عارف فى زمن
حكومه جديده ممكن تتقسم لاربعه او خمسه ولايات .يبقى ايه
المشكله هنا وليه ادرجت فى مطالب الحركات .
2-تعويض النازحين من جراء الحرب !!!
انا هنا بقى البسألك لو انت والجماعه جادين ،قول لى ليه
كيف البند نمره اتنين من سبب مشاكل دارفور هو مطالبهم بتعويض النازحين من جراء الحرب ؟
يعنى ده فى اعتبار ما سيكون كان ولا شنو؟ طيب لو افترضنا ده واحد من المطالب اهو قلت انهم مستعدين يدفعوه ؟
3-تقسيم السلطه والثروه بطريقه عادله ما مشكله ده انا ذاتى بخت ايدى معاهم فى دى
4-محاكمة اى مجرد ارتكب جرائم فى حق المواطنين ده برضو تمام مافيه نقاش ،بس لازم تدرجو جماعة عبد الواحد المشو عملو تصفيات فى معسكر كلمه ،
الا قول لى يا حبوب ،يعنى بس الاربعه بنود دى الهسع عامل ضجه من الفين وتلاته؟
طيب انت قريت وثيقة هايلدبيرج ؟ هل تعتقد ان الوثيقه دى بتدور فى الاربعه بنود دى بس ؟وعشان كده الحركات اتمسكو بيها؟
ان عدتم عدنا يا دودى
تصوم وتفطر على خير
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: خيرى بخيت خيرى)
|
Quote: الدودى سلامات
ورمضان مبارك
اولا انت ما حزفت كل اتهاماتك باننى انقاذى
الا مافى مشكله خلينا فى المهم.
المطالب الاربعه الانت بكل بساطه كده طرحتهم هنا ،مطالب ياتو حركه من حركات دارفور ؟
وبعدين دى عليك الله مطالب يشيلو ليها سلاح ويكتلو الدماء الغاليه بى سببها؟؟
خلينا نمسكم واحد واحد بافتراض هى فعلا دى المطالب الداير ين يفصلو بى سببها
دولة دارفور الكبرى.
1-اعادة حدود الاقليم لحدود سته وخمسين
غريبه!!!ليه شنو ؟ دارفور فى زمن نميرى كان محافظتين
وهسى فى زمن الجماعه دوول تلاته ولايات ومين عارف فى زمن
حكومه جديده ممكن تتقسم لاربعه او خمسه ولايات .يبقى ايه
المشكله هنا وليه ادرجت فى مطالب الحركات .
2-تعويض النازحين من جراء الحرب !!!
انا هنا بقى البسألك لو انت والجماعه جادين ،قول لى ليه
كيف البند نمره اتنين من سبب مشاكل دارفور هو مطالبهم بتعويض النازحين من جراء الحرب ؟
يعنى ده فى اعتبار ما سيكون كان ولا شنو؟ طيب لو افترضنا ده واحد من المطالب اهو قلت انهم مستعدين يدفعوه ؟
3-تقسيم السلطه والثروه بطريقه عادله ما مشكله ده انا ذاتى بخت ايدى معاهم فى دى
4-محاكمة اى مجرد ارتكب جرائم فى حق المواطنين ده برضو تمام مافيه نقاش ،بس لازم تدرجو جماعة عبد الواحد المشو عملو تصفيات فى معسكر كلمه ،
الا قول لى يا حبوب ،يعنى بس الاربعه بنود دى الهسع عامل ضجه من الفين وتلاته؟
طيب انت قريت وثيقة هايلدبيرج ؟ هل تعتقد ان الوثيقه دى بتدور فى الاربعه بنود دى بس ؟وعشان كده الحركات اتمسكو بيها؟
ان عدتم عدنا يا دودى
تصوم وتفطر على خير |
الاخ خيرى طبعا عشان ماتمشى بعيد انا من كردفان (الابيض) عشان ما تشبكنى انت والجماعه
يا خيرى ناس دارفور لمن شالو السلاح واتمردوا على تنظيمهم (تمرد بولاد الاول) كان مطلبهم واحد
تنميه وقسمه عادله فى السلطه بكل مسمياتها من توظيف لمواقع اتخاذ القرارات السياديه وبس
اها الجماعه بدل ما يحلوا مشكله التنميه ببساطه قالوا دى فرصه وننتقم من اولاد الترابى ومناصرى جناح المنشيه ووقعوا ليك فى القرى ضرب بالطائرات والجنجويد بالبر وكانت النتيجه...لقد فقد الاف المواطنين الابرياء ارواحهم وفقد ملايين المواطنين ثرواتهم (لدى زميل دراسه من ابناء زالنجى اسرته فقدت اكثر من اربعه الاف من الماشيه اكرر اربعه الاف راس من الماشيه) واصبح لاجئين ونازحين بالملايين والانقاذ تنكر الماساه وتسجن الاعلامين (اسلام شاطر مراسل الجزيره ابن دارفور اول من اخبر العالم بماساه دارفور فكان مصيره السجن والتهديد فغادر السودان)
نجى لنقاطل واحده واحده
1- لقد طالب ابناء دارفور باعاده الجزء المقتطع من الاقليم والمضاف لاقليم اخر
2- لقد طالبت كل فصائل دار فور بوحده الاقليم وقالوا سياسه فرق تسد ما بتنفع معاهم ياسيد
3-ولان الانقاذ هى من حرق القرى وتسبب فى فقدان الناس ممتلكاتهم فلابد من اعاده توطين ولا رايك شنو؟ يعنى نترك الناس دى فى معسكرات الزل ومعونات الاجانب ونحن نتبرع لفلسطين وباكستان؟
انت عاوف ياخيرى عدم احساس المواطن الاخر بماساه دارفور هو سبب كل هذا الاحتقان
يعنى لو انا وانت وابى واخوك وزوجتى واختك تبرعوا بالذهب والمال والقوافل واستضافه لاجئ دارفور بدلا من عدم الاعتراف بالمشكله وانكار الماسى من اغتصاب وغيره لاجبرنا الحكومه الانقاذ بالاعتراف بالماساه ولكن لا حياه لمن تنادى؟؟؟
وبعد ده كلو عاوزين نتكلم عن الوحده والوطن الواحد؟؟؟
دودى
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: Mohamed Doudi)
|
طيب بلاش رمضان ولا سلام
انا بالطبع ما يهمنى انت من وين ولا اتجاهك السياسى شنو
وحتى لو جات كلمة جماعتك دى ،انا لااعتقد بانى قصدت شى سوى ان اقول الجماعه اى مجموعة الحركات
انا نفسى من ابناء النوبه فى الشمال وقد درست فى مدرسة نيالا الفنيه ،وبحكم صداقتى مع احد ابناء دارفور
فى الكلاكله القلعه عند وصولى الى المدرسة ابت حبوبة صديقى ان لااسكن فى الداخليه واتت الى مدير المدرسه
السيد محمد حسين برقدار ان تستاذن لى من الخروج من الداخليه والسكن فى منزلها وزوجها وابنائها كواحد منهم
وحدث ذلك ،وعن اعلان داؤد بولاد ومعاناة اهلى العزاز اعرفه بحزافيره وهى نفس مشاكل اهلنا فى الشمال من تهميش
وعدم تنميه ولا اهتمام وكذلك الاهل فى الشرق وبالطبع فى الجنوب ،الا اشكرك يا صديقى بمدك لى بمعلومات
خيرى
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: خيرى بخيت خيرى)
|
السنوسنى سلام و رمضان كريم
يا أخي اسمع ( الغرابا ) ده مصطلح إثني و لا جغرافي و لا ثقافي ؟
و بضم دارفور بس و لا كردفان معاها ؟؟
بعدين يا السنوسي يا أخوي أنا عاوزك تتأكد و تخت الموضوع ده شرط عند الإنفصال إنو الناس دي ما يعاينوا ليك و يشوفوا الحمرة الأباها المهدي بتاعتك دى فيقوموا يرجعوك ليبيا و لا يودوك لعرب المحاميد في النيجر تقوم تفقد عضوتك في سودانيزأونلاين و تلقى نفسك في صمة خشمك عضو في نيجيرزأونلاين
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: خيرى بخيت خيرى)
|
دا كلامي ياخيري Quote: وليه تضطر ..؟
إذا توفرت القناعة باستحالة التعايش في ظل دولة واحدة وناس دارفور شايفين مصلحتهم في الإنفصال يبقى ما تربطوه باستفتاء الجنوب
و ابدوا دعوتكم من هسة |
وهو نعليق على حديث السنوسي التالي | Quote: اتمني ان لا يحدث الانفصال حتي لا نضطر للدعوه الي فصل انفسنا من الدوله التي كرست الجهويه والعرقيه حفاظا علي من تبقي من اهلنا احياء ... |
وريني وين أنا دعيت للإنفصال او ايّدت الدعوة ليه؟
وحتى لو أنا مؤيد للإنفصال أليس من حقي ؟؟
كونك تصف من يخالف رؤيتك بالجاهل دا الجهل عينه
وكونك لا تفهم الكلام المكتوب و تحكم عليه حسب فهمك دا أجهل
و الله أكرم
| |
|
|
|
|
|
|
|
|
|
Re: اذا انقصل الجــــنـوب سندعو لانفصال الغــــرب (Re: محمد البشرى الخضر)
|
Quote: ماهى مقومات دولة دارفور الكبرى ؟
اعنى الموارد التى يمكن ان تعتمد عليها الدوله
لبناء اقتصادها . |
أخي خيري... إنت ما سمعت بدولة كان اسمها "سلطنة دار فور"؟ يا زول دارفور دي كاليفورنيا زاتها.
دارفور جنة من جنان الله في الأرض ينقصها فقط طريق مسفلت فتتفعل فيها مقولة آدم سميث (ولا تنسى أن هذا الاسم كثير الرواج في دارفور): دعه يعمل دعه يمر فالعالم يسير بنفسه. إن من كسوا الكعبة بقادرين على أن يكسوا أنفسهم ويطعموها كمثرى ورمان ومن اللحوم ما يشتهون.
| |
|
|
|
|
|
|
| |
Elsanosi Badr
Mohammed Tirab
عزام حسن فرح
ناصر المحسى
Al-Shaygi
الصادق يحيى عبدالله
الصادق صديق سلمان
تولوس
moaz elsir
ذواليد سليمان مصطفى
محمد على حسن
محمد البشرى الخضر
Tragie Mustafa
cantona_1
عثمان نواي
موسي عيسي
الطيب رحمه قريمان
adil amin
Kabar
Mohamed Doudi
أسامة الفضل
محمد الأمين موسى
فيس بوك
تويتر
انستقرام
يوتيوب
بنتيريست