نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 هل يقدر اثرياؤنا علي فعل كهذا كما فعل الامريكان ؟؟؟
|
Quote: BBC Arabic
اربعون ميليارديرا امريكيا يتبرعون بنصف ثروتهم
تعهد 40 من ميليارديرات الولايات المتحدة وعائلاتهم منح اكثر من نصف ثرواتهم لمنظمات خيرية في مبادرة اتخذها الميليارديران بيل جيتس مؤسس شركة مايكروسوفت ووارن بفيت وهو كبار المستثمرين في مجال الاعلانات.
وتضم مجموعة الاثرياء التي وافقت على هذا التعهد مؤسس شبكة سي ان ان الاخبارية الامريكية تيد ترنر وعمدة نيويورك مايكل بلومبرج ومؤسس شركة اوراكل لاري اليسون والمخرج جورج لوكاس.
استجابة مشجعة
وقد جرى الاعلان عن هذه المبادرة منذ ستة اسابيع واطلق عليها اسم "تعهد العطاء" وتهدف الى اقناع اكبر عدد ممكن من كبار الاثرياء بعطاء اكثر من نصف ثرواتهم لجمعيات خيرية.
وقال بفيت وجيتس في بيان مشترك صدر الاربعاء ان "التعهد هو بمثابة التزام اخلاقي ولا تنطبق عليه مواصفات القضائية للعقود".
واضاف البيان ان "الحملة بدأت منذ فترة وجيزة، ولكن حتى الآن، فان الاستجابة لها مشجعة جدا"، مشيرا الى ان "اساس هذه المبادرة هو الطلب من الاسر الغنية جدا من مناقشة ثرواتها بجدية وكذلك الاموال المتبرع بها ومعرفة كيف سيجري صرفها". |
|
|
 
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: Abureesh)
|
أبو بكر
| Quote: تعهد 40 من ميليارديرات الولايات المتحدة وعائلاتهم منح اكثر من نصف ثرواتهم لمنظمات خيرية في مبادرة اتخذها الميليارديران بيل جيتس مؤسس شركة مايكروسوفت ووارن بفيت وهو كبار المستثمرين في مجال الاعلانات. |
شرعاً لا يجوز وهب أكثر من ثلث الميراث بعد دفع الديون ومستحقات الغير. تاني هام: منو القال ليك عندنا أغنياء من نوع بل قيتس . لا أعني المقدرة المالية طبعاً الفرق كبير. لكن هل تعلم أن أغنى 37 سوداني محكوم عليهم بالإعدام الإقتصادي. أي ما معناه لا تتعامل معهم البنوك ولا مع زوجاتهم ولا ابنائهم. ولو كان بإمكاني إيراد الأسماء لشاب رأسك .
أسماء يشار إليها بالبنان من الناحية المالية ولكنهم مطالبين ما بين 29 مليون جنيه بالجديد و589 مليون دولار أميركي ومابينهما. وعليه طلبك فيه نوع من الإستحالة. والله أعلم.
(العوج راي والعديل راي)
| |
|
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: cantona_1)
|
اسمع بأن هناك مليارديرات, وليس مليونيرات, في السودان يتعاملون بمليارات
الدولارات.. ولكن هؤلاء لا يمكن أن يتبرعوا لمنظمات خيرية لمساعدة الفقراء والمساكين
ولكنهم على النقيض من ذلك يسعون بكل الطرق لسرقة أموال الشعب الغلبان الأموال
العامة لأن المراجع العام للحكومة يده مغلولة ولا يستطيع توجيه الاتهامات دون أوامر من
مراكز القوة التي تحيط بالسلطة التنفيذية...
| |
|
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: اميرة السيد)
|
أميرة السيد
| Quote: اسمع بأن هناك مليارديرات, وليس مليونيرات, في السودان يتعاملون بمليارات الدولارات |
دا كلام ساكت ومدفوع الأجر. وحاتك يا بتي لو قلت فلان الفلاني العندو الحاجات الكتيرة ديك وعنده شنو وشنو مطلوب 589 مليون دولار من بنك واحد أجنبي وما عرفوا ليهو حل بس متماشين معاه. وكل من تسمعي عنهم أنهم مليونيرات حتى بالجنيه الجديد كذبة كبيرة ليست بيضاء. ممكن هنالك واحد إثنين لكن البقية وحاتك إشاعة. بعضهم فضّل كايرو والبعض في سجون كوبر والهدى.
أما ما تقولين عنهم أنهم هبروا من المال العام فديل لا دخل لهم بالرأسمالية التي نتحدث عنها. ديل جماعة أضرب وأهرب. ولا يمكن أن يتبرعوا لأنهم قاموا في فقر مدقع ويتوقعون لو أنهم تبرعوا لعاد إليهم الفقر من الشباك.
(العوج راي والعديل راي)
| |
|
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: اميرة السيد)
|
الباشمهندس ابوبكر,
هولاء همهم هو ال "legacy" بتاعهم فى مجتمعاتهم. علشان تعرف ان الاعمال الخيرية هى التى تجر عجلة هذه المجتمعات, عليك فقط بقراء obituaries فى اى جريدة محلية هنا: لمن يموت واحد منهم, عائلته ينصح بالتبرع لمراكز ابحاث السرطان بانواعه المختلفة, إذا كان هو سبب الوفاة او لامراض القلب اذا مرض الراحل من القلب او التبرع لجميعته الخيرية المفضلة.
| |
|
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: Zakaria Joseph)
|
ألأخ أبوبكر
ألـمجتمع ألأمريكي راسخ وراكز في هكذا فعل إنساني وفكرة التبرع(Philanthorpy) عمرها يتجاوز ألـمائتين عام ويفتخرون بها أي أفتخار وتدرس في ألـمدارس والجامعات وهل تعلم أن ميزانية الـمنظمات ألأمريكية العامله في الـمجال ألإنساني تفوق الـمائتين بليون دولار...وبيل قيتس هذا تبرع بثلاثمائة مليون دولار لدعم التعليم في عشرة مدن أمريكية من ضمنها مدينة ممفيس حيث أقيم.. فيا باشمهندس الـمجتمع ألأمريكي دا يفيض بالإنسانية فجاري مباشرة وإسمه مستر قريج ويشتغل في مجال الـمياه ألزول دا سافر عشرات الـمرات وبجهده ألخاص لدارفور ليحفر العديد من ألآبار وأنا السوداني متبلد ألإحساس تجاه أهلي بدارفور..شابه لـم تتجاوز العشرين ربيعا جاءتني لأعلمها العامية السودانية لأنها ستسافر هذا الصيف إلي دارفور لتقدم خدمات طبيه!! فتأمل
| |
|
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: abdalla elshaikh)
|
يا صحبى الجميل
المليونيرات العندنا مافاضيين لينا
ديل ناس عم دهب
تعرف عم دهب بتاع ميكى ماوس ؟
وعلى ذكر الامريكان
ديل ناس عباقرة اجتماعيا
فى زولة عملت حاجة سمحة
هى طالبة فى المرحلة الثانوية
عزمت مجموعة من المواطنين السودانيين فى مطعم سودانى فى مدينة ايوا
وطلبت منهم انه يتكلمو عن مشكلة دارفور
بعد الكلام انتهى جمعت من كل واحد مية دولار
وكانت قبل كدا اخدت من مواطنين امريكان مبالغ من المال
وركبت طيارة ومشت دارفور وقدمت الكان عندها من مساعدات للنساء هناك
لا مؤتمر ولامراوح ولا اوراق وترابيز واجتماعات ولا هم يحزنون
اجمل حاجة فى المجتمع الامريكى التكافل على اصوله قائم بين الناس
| |
|
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: سلمى الشيخ سلامة)
|
سلمى الشيخ سلامة
Quote: فى زولة عملت حاجة سمحة
هى طالبة فى المرحلة الثانوية
عزمت مجموعة من المواطنين السودانيين فى مطعم سودانى فى مدينة ايوا
وطلبت منهم انه يتكلمو عن مشكلة دارفور
بعد الكلام انتهى جمعت من كل واحد مية دولار
وكانت قبل كدا اخدت من مواطنين امريكان مبالغ من المال
وركبت طيارة ومشت دارفور وقدمت الكان عندها من مساعدات للنساء هناك
لا مؤتمر ولامراوح ولا اوراق وترابيز واجتماعات ولا هم يحزنون |
إنت مالك ما سويتي زيّها؟ بس فالحين في الكلام والوصف بس؟ وتشكروا الأمريكان.
(العوج راي والعديل راي)
| |
|
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: سلمى الشيخ سلامة)
|
Quote: سلمى الشيخ سلامة:
ما مطالبة اوريك سويت شنو يا كانتونا
والعملتو الله بعرفو ما بتكلم بيهو لانه قدرى ما اكتر ولااقل
قدر قدرتى بسوى
بعدين انت زول قاعد فى بريطانيا
احكى لينا عملت شنو للسودان ؟
على الاقل فى ناس بعرفو اننا عملنا شنو ؟
على الاقل فى عشرين زول بعرفونا فى السودان
انت بعرفك منو ؟
وبحذرك دى المرة التانية اكتب حاجة تجى ناطى لى فيها
حسك عينك اكتب حاجة تعلق عليها
قاعدة فى المنبر دا من سنة 2003 ما اتكلمت مع زول كلام ماياهو
كل زول بحترمنى وبحترمه
بعمل المفروض يتعمل
وتانى مرة ورينا انت يا استاذ عملت شنو ؟
بعدين الامريكان ديل يا محترم عرفونا نحترم بعض كيف ؟
ونحترم حقوق الاخرين
بل علمونا من جديد كيف نحب بلادنا الاصلا ما طلعنا منها الا على مستوى الجسد
فلو سمحت حل عن سمايا |
1- زي ما إنت ما بتوريني أنك سويتي شنو أنا برضو ما بوريك سويت شنو! دقة بدقة والبادي أظلم.
2- تحذريني ليه هو أنا نطيت حيطة ولا نطيت مخدة؟ بدخل البوست الدايرو وبكتب العاجبني لا إنت ولا 100 من نوعك بقدر يمنعني أكتب زي ما عاوز. والرهيفة التنقد.
3- أنا لم أقل عليك أو لك بعدم الإحترام بس سألتك سؤال. السؤال ما عجبك مافيش مشكلة. أنسي السؤال وصاحبه معه. لكن لهجة التهديد دي لا بتودي ولا بتجيب.
4- العلموك ليهو الأمريكان دا نحن رضعناه مع الحليب. وهنا نقول عديلة على السبب والكان السبب الوداكم للأمريكان عشان يعلموكم إحترام بعض واحترام حقوق الغير. وكمان علموكم حب بلدكم.. كتّر خير الأمريكان وإن شاء الله إيدهم ما توجعهم.
5- الناس الإتعلموا حب السودان من الأمريكان وباقي الحب المذكور أعلاه أنا ما بجي بأرضهم ناهيك عن سماهم. أنا أرقى من كدا كتير. أمريكا الفرحانة بيها دي أنا لمن زرتها ودرست فيها إنت من أم طرقن عراض ما جيتي.
هوي يا بت الناس كلام المنبر نحن بنسميه كلام بنات معديات بنات (دا فلكلور) يعني لا بودي ولا بجيب. لا بنزعل من زول ولا بنحاول نزعِّل زول. وكان الزول في المنبر بدلنا بالفول نحن بنبدله بقشر الفول. وإنتِ لكي تكوني مرتاحة من بوستاتي ما تقريها ولا تردي عليها وأعملي أضان الحامل طرشاء. لكن أنا بدخل البوست العاوزو وبكتب الكلام العاجبني وما بهتم بالناس بقولوا شنو!
(العوج راي والعديل راي)
| |
|
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: abdalla elshaikh)
|
عبد الله الشيخ
| Quote: باشمهندس الـمجتمع ألأمريكي دا يفيض بالإنسانية فجاري مباشرة وإسمه مستر قريج ويشتغل في مجال الـمياه ألزول دا سافر عشرات الـمرات وبجهده ألخاص لدارفور ليحفر العديد من ألآبار وأنا السوداني متبلد ألإحساس تجاه أهلي بدارفور..شابه لـم تتجاوز العشرين ربيعا جاءتني لأعلمها العامية السودانية لأنها ستسافر هذا الصيف إلي دارفور لتقدم خدمات طبي |
مالك متبلد الإحساس؟ ما بتعرف معنى المعاناة ولا كسل السودانيين البقولوا عليهو ناس الخليج شلتوا معاكم للدنيا الجديدة كمان؟
خلي كتر الكلام وأعمل حاجة لناس دارفور بدل الحكي الماجايب همه دا من فضلك.
(العوج راي والعديل راي)
| |
|
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: اشرف السر)
|
| Quote: خبرني قليلاً عن ما فعلته أنت لكي أقتدي بك. |
ولا أي حاجة ، الأخ كانتونا عامل فيها أبو العريف وشغال وعظ في الأمة يمين وشمال ، مفتكر الناس دي أميين . الزول دا عايش في بريطانيا ومستمتع بكل الحريات والمنجزات الانسانية للغرب وفي بوست مجاور لقيتو كاتب أتمنى العرب يقطعوا البترول عن الغرب عشان أشوف البريطانيين ديل حيعملوا شنو ! تفتكر زول بيفكر بالطريقة دي حيكون فيهو فايدة عشان زول يقتدي بيهو ؟
| |
|
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: ود شاموق)
|
| Quote: شرعاً لا يجوز وهب أكثر من ثلث الميراث بعد دفع الديون ومستحقات الغير |
اليسمع الكلام دا يقول الأغنياء عندنا أصـلاً متبرعين بالتلت وما منعهم يتبرعوا بي نص ثرواتهم إلا لوجود هذا النص الشرعي ! دي عقلية بتاعت زول حاقد وحاسد ومليء بعقد النقص ومفتكر عندو حاجة وهو التكتح ما عندوا، عايش في الغرب وحاقد عليهم من جوه قلبوا الأسـود، وكل ما زول يقول حاجة كويسة عن الغربيين يجي ناطي عشان يفندها، ياخي وكت ما عاجبنك الناس ديل، وشايف انو ناسك أخير منهم ما تجي راجع لي أهلك العباقرة الفايتين الكبار والقدرهم ، المقعدك من الأوربيين قليليين المروة ديل شنو ؟ ولا قاعد هناك عاوزهم يستفيدوا من علمك وفهمك زي ما نحنا مستفيدين هنا في سودانيزأونلاين ؟
| |
|
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: Zakaria Joseph)
|
شكرا زكريا ...
| Quote: هولاء همهم هو ال "legacy" بتاعهم فى مجتمعاتهم. علشان تعرف ان الاعمال الخيرية هى التى تجر عجلة هذه المجتمعات, عليك فقط بقراء obituaries فى اى جريدة محلية هنا: لمن يموت واحد منهم, عائلته ينصح بالتبرع لمراكز ابحاث السرطان بانواعه المختلفة, إذا كان هو سبب الوفاة او لامراض القلب اذا مرض الراحل من القلب او التبرع لجميعته الخيرية المفضلة. |
وهذا هو الذي يبقي
| |
|
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: cantona_1)
|
شكرا كانتونا
| Quote: شرعاً لا يجوز وهب أكثر من ثلث الميراث بعد دفع الديون ومستحقات الغير. تاني هام: منو القال ليك عندنا أغنياء من نوع بل قيتس |
ليس بالضرورة كبل غيتس والمهم هو الاسهام حتي ولو بنسبة ضئيلة .. وفي ايامنا هذه اري عشرات من السودانيين امتلكت اموالا كثيرا تشتري بسخاء مقتنيات كثيرة تتجاوز قيمتها ملايين الدولارات فليزيدهم الله ان كان مالهم حلالا ومايهم هو ان يكونو مثالا للعمل الخيري الاجتماعي ولقد شاهدت وعرفت اسهامات مثلا لمجموعة دال وامل ان ينحو القادريين جميعا ذات الاتجاه وبسخاء
| |
|
|
|
|
|
|
|
|
 Re: هل يقدر اثرياؤنا علي فعل كهذا كما فعل الامريكان ؟؟؟ (Re: abubakr)
|
فبل ن يكونوا امريكان
هم ينتمون الي الانسانية التي تتسع للبخلاء حتي ولو بالكلمة الطيبة او الفال الحسن
ومنهم من عبر من هنا.. مستجلبا للعدواة والكراهية التي تعمقت في نفسة من كثرة الانهزام....نافخ الكير .. وحامله. ايضا يعطيك مما يملك
فلن تجد منه سوي تلك الرائحة التي لا يحس هو بها..ولا يشمها يا سلمي....ويا ابوبكر...فهو ايضا كريم بسمته وصفته ...كم هو معطاء..وهو ايضا عبد العاطي...
العطاء سمة الخالق السرمديه... الابديه عندما نشاركه فيها يحدنا الزمان والمكان والكم والجودة
عن الفاروق عمر بن الخطاب رضي الله عنه قال:"أمرنا رسول الله صلى الله عليه وسلم أن نتصدق، فوافق ذلك مني مالاً، فقلت:اليوم أسبق أبا بكر -إن سبقته يوما- فجئت بنصف مالي، فقال رسول الله صلى الله عليه وسلم: "ما أبقيت لأهلك؟"قلت: مثله.
قال: وأتى أبو بكر بكل ما عنده، فقال له رسول الله صلى الله عليه وسلم: "ما أبقيت لأهلك؟ "قال: أبقيت لهم الله ورسوله، قلت: لا أسبقك إلى شيء أبدا"([9">).
| |
|
|
|
|
|
|
|
|
|
Re: هل يقدر اثرياؤنا علي فعل كهذا كما فعل الامريكان ؟؟؟ (Re: salah ismail)
|
كثيرون لديهم كراهية للغرب فمهما احسن الغرب فهم يقلبون الامور ويجعلون الدين مطية لنفث احقادهم.
وفي نفس الوقت يستفيدون من خبرات و خيرات الغرب التي تجعل حياتهم سهلة و مريحة.
امرأة عاهر سقت ######ا ( ليس بني آدم) ######ا. فغفر الله لها و ادخلها الجنة.
قبل فترة افتى علماء السلطان ان اموال الغرب التي يتبرع بها لاهل دارفور لا يجوز استلامها لان مصدرها حرام.
كما افتوا بان عائد بعض الحفلات لدعم نازحي دارفور حرام... بينما هنالك الكثير من الحفلات يحضرها كبار رجالات
الدولة و حريمهم ولا نسمع شيئا عن الحرام. يفصل التشريع حسب الهوى.
الذين يتشدقون بحرمة استخدام مال المتبرعين مثل التي حرمت قطة من الطعام فهم يمنعون اغاثة المحتاجين لانهم يكرهون الغرب
امرأة حبست قطة فلا اطعمتها ولا تركتها تأكل من خشاش الارض فادخلها الله النار. يعني لا يرحموا ولا يتركوا رحمة الله تنزل.
بالنسبة للتبرع فاذا كان الشخص حيا جاز له ان يتبرع بما شاء من ماله كله او بعضه وقصة سيدنا ابوبكر وسيدنا عمر التي
اوردها الاخ صلاح اسماعيل درس للمتنطع.
اما اذا مات الشخص فقد قال الله تعالى عن توزيع ماله " من بعد وصية يوصي بها أو دين"
اغلب اثرياء المسلمين ليست لديهم ثقافة التبرع للخدمات الانسانية.
| |
|
|
|
|
|
|
| |
abubakr
abas
Abureesh
cantona_1
Zakaria Joseph
abdalla elshaikh
سلمى الشيخ سلامة
اشرف السر
قلقو
ود شاموق
محمد عمر الفكي
بريمة محمد
AnwarKing
salah ismail
فيس بوك
تويتر
انستقرام
يوتيوب
بنتيريست