|
|
 النيل الازرق وادمان "اعادة التدويير" اغاني واغاني مثال
|
يبدو ان اعادة التدويير ادمان فلقد ادمنا نحن اهل السودان اعادة تدويير اسقاطاتنا ونجاحاتنا حتي تساوت الاسقاطات والنجاحات ....
نجح برنامج مرة ومرتيين فيعاد تدوييره مرات ومرات وكان الابداع والخلق عملتان غائبتان عن القائميين علي هذه الفضائية والتي يبدو انها اكتفت باسهام شكلي هامشي ميزتها عن الفضائية السودانية فاكتفت بذلك وادارات ماكنة اعادة التدويير لعقد من الزمان ...
اليوم شاهدت اعلانا تلفزيونا لبرنامج اغاني واغاني القادم بعد اسبوع انشاءالله (بداية الشهر افضيل : رمضان ) فتعجبت من سبهليلة القائميين علية واستصغارهم لعقل المشاهد والذي اعطاهم كثير من السند تشجيعا وقبولا ....؟؟ اصوات اشتركت في كل الحلقات السابقة مع اصوات من نجوم الغد واصوات شبابية معروفة وفنانيين من الجيل السابق لهم والذين يغنون او بدءو عالم الفن (كما يقولون) يغنون لهم....
كل هذا السودان الشاسع الواسع والذي نصر علي وحدته ويصيب ساساتنا وكتابنا وجميعنا الهلع من مجرد فكرة ان جزء منه سينفصل (نتيجة لسلبية تبدو موروثة وادمان لاعادة تدويير ) بقبائله والسنته وثقافاته الاثنية التي تعد بالمئات لا يجد مقدمو هذا البرنامج بعض من وهج في تنوعه المثير الغني ويصرون علي اعادة تدويير جزء واحد منه باعتبار ان الجزء يكفي عن الكل... ذات الفكر الذي سيجعل امر انفصال جزء او اجزاء من السودان متاحا .. التقارب الذي يصل الي وحدة حقيقية ليس شعارات وخطب وتمنيات ولكن اهتمام بالكل بالتساوي تنوعا ثقافيا ....
ادمان اعادة التدويير جعل القائميين علي هذا البرنامج يخشون من التغيير اي كان الا شكلا ...خوفهم جعلهم حتي لا يقربون من اسماء كثيرة موجودة في ذات الساحة التي اقتطعو منها هذا الجزء الذي يعيدون تدوييره ....اسماء لموسيقيين وملحنيين وعازفيين مجددين بعضهم خرج بفنه الي شتات مع مئات الاف من السودانيين والتي جعلتهم ماكنات اعادة التدويير في الداخل خارج فناء المصنع ......
لم يجد برنامج تلفزيوني ترفيهي مثل الذي وجده هذا البرنامج من قبول في السنوات الاخيرة وبدلا عن استثمار هذا القبول بوعي واحترام لهذا الجمهور الواسع وذلك بتطوييره جوهرا ومضمونا اكتفي القائميين عليه "بفهلوة".......
|
|
 
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: abubakr)
|
الاستاذ العزيز
فعلا اصبت بالذهول لهذا الكم الهائل من الفنانين
ومحبطة لهؤلاء الذين بمثابة (ضيوف للحلقات )
حمد الريح
وصلاح مصطفى
واخرين
تعرف انا محبطة معاهم جدا لاني حاسه انهم خلاص مالاقين حقهم في الظهور لذلك
الواحد فيهم بجي بمراءة شديدة انو فرحان واهو بدعم الشباب وتلقاه قالد ليك ود نجوم الغد وبقول لينا اهو انا بدعمو (بحقي )لكن الحقيقة لا تخفى على احد
لا يختلف اتنين في (العم قدور )...ولكن بنفس السيناريو لا دا استهلاك مبالغ فيه
ودي جوغى عجيبة ما فهمت فيها حاجة
ولكن خلينا نشوف لينا حلقة حلقتين ونرجع ليك
خارج النص (البت العروس )وين ما ظهرت عل المانع خير
دي افراح الشعب
محبتي
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: نعمات حمود)
|
الرائع ابوبكر
لك التحية وانت كعادتك تتحدث فى المهم
اتفق معك فى رؤيتك السديدة فى عدم استثمار القائمين على امر هذه القناة
فالكل يرى بام عينيه الدرك الذى ينحدر اليه السودان
لكن القوم سادرين فى غيهم
تكريس لاغانى الشمال وبرضو الناس بتكلموا عن وحدة؟؟؟
وين اغانى الشرق؟؟ دارفور؟؟ جنوب السودان؟؟ النيل الازرق..الخ
شول مانوت الفتى الابنوسى الذى اذهلنا بترديده لاغانى الشمال.. والذى ينتمى لابييى والتى بين الوحدة والانفصال؟؟؟
لماذا يغيبون عمداً سيد دوشكا الادروب؟؟ الشرق
عمر احساس؟؟ احمد شارف؟؟ دارفور
الجمرى؟؟ النيل الازرق
النوبيون؟؟
لماذا يكون الربنامج حكراً على اغانى الوسط؟؟
من يستثمر ماذا يا ابوبكر؟؟؟؟؟؟؟؟؟؟؟؟
كان الله فى عون السودان.ز
وللحديث بقية
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: abubakr)
|
والله والله يا باشمهندس ما تتخيل مدى الاحباط الذي اصابني وانا اتابع مقتطفات من هذا البرنامج الذي ادمنا مشاهدته - انه لمؤسف حقا ان يكون بهذا الشكل دون مراعاة لامزجة الكثيرين الذين يتطلعون لان يطل عليهم هذا العام وهو متوشح بثوب مزدان بكل الوان الطيف الثقافي لجميع اهل السودان
| |
|
|
|
|
|
|
|
|
 Re: النيل الازرق وادمان "اعادة التدويير" اغاني واغاني مثال (Re: الطيب شيقوق)
|
متين كان الوطن إتنين
متين سودانا كان إسـمين
كفايه النيل موحدنا
وسـر الوحده فى النيلين
هذه الكلمات الوحدويه البليغه كتبها الشاعر الكبير عبدالرحمن مكاوى قمت بتلحينها فى شكل مشعل غنائى لا يتجاوز دقيقه ونصف قدمته ومشعل آخر بعنوان ( عشان بلدنا) للأخ ( الجنرال) حسن فضل المولى مدير تلفزيون النيل الأزرق قال لى بكل بساطه ما عندى قروش للسـياسـه!!! ولكم أن تتخيلوا كم ظل حسن فضل المولى يصرف مئات الملايين على برنامج (أغانى وأغانى )...!!!!!!؟؟؟؟؟؟
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: انس العاقب)
|
اخي ابوبكر
كل ما قيل اعلاه جميل ومتفق عليه ضمن لو تذكر اخي ما قلناه سابقا
في احد البوستات الشهر الماضي
ان مشكلتنا في السودان كما ذكرت اعادة تدوير البرامج
وللاسف لا نعيد تدوير الاشياء التي تستحق كالزباله مثلا
سيتكرر نفس السيناريو وليت عمنا قدور قرا ما نوهنا اليه سابقا
او استمع الي راي الكثيرين
لكن المشكله ان النجاح الذي اصاب البرنامج فسره فيما يبدو غلط
وتفاعل معه بزيادة عدد
المطربين ليزداد حلاوه
لا اظن
الشيء الثاني الذي لاحظته تغيير الاوركسترا
وقد لاحظت ضعف الاداء الموسيقي بصوره ملفته
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: انس العاقب)
|
الفنان الموسيقارانس العاقب ..تشكراتي
| Quote: هذه الكلمات الوحدويه البليغه كتبها الشاعر الكبير عبدالرحمن مكاوى قمت بتلحينها فى شكل مشعل غنائى لا يتجاوز دقيقه ونصف قدمته ومشعل آخر بعنوان ( عشان بلدنا) للأخ ( الجنرال) حسن فضل المولى مدير تلفزيون النيل الأزرق قال لى بكل بساطه ما عندى قروش للسـياسـه!!! ولكم أن تتخيلوا كم ظل حسن فضل المولى يصرف مئات الملايين على برنامج (أغانى وأغانى )...!!!!!!؟؟؟؟؟؟ |
انت الكسبان ,,, فمن لا يفرق بين حب الوطن والعك لا يستحق جهدك ....
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: abubakr)
|
يا عزيزي جاييك التدوير في النت من ضل الراكوبة بالبردانة
الشفع جابوا لي حاجة كدا تشبه الفلاش وقالوا لي شيلها معاك ممكن تدخل بيها النت وانت في البص او جوة الغابة
اخوك بكرة من الصباح بغير الافرنجي وبلبس الجلالايب الما خمج ويدرع ليك اللابتوب في كتفو وعيييييييييييك
بس تبقى مشكلة اكان كهربة الجهاز اتلحست علا اركّب الوليد في الجمل واديهو اللابتوب يشحنو في السوق ويجيني راجع
بس المشكلة التانية مجرد ما جيت ضل الراكوبة وفتحت الجهاز الجماعة بجوا بتلموا حولك عشان يشوفوا النت بيعمل كيف وفي الحالة دي الحكي الاسفيري بيصلكم so refined يعني بدون عنكوليب وكدا لان الجماعة هنا بيعرفوا يفكوا طلاسم مفرداتي كلها .
اها انت عولك كيف في الشمال ؟ اظن كهرباء يركبوا ليها الجمل ذاتو مافي
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: الطيب شيقوق)
|
الاخ ابوبكر
تحياتى
ربما السؤال المشروع هنا ما هو الذى لم يقله عمنا السر قدور حتى الان؟؟؟
وربما تحضرنى اراء بعض الاخوة فى عديد البوستات التى تحدثت عن البرنامج - ان الرجل غاوى كلام وبس؟؟
واذكر جيداً عندما كانت طيبة الذكر نسرين سوركتى تقدم البرنامج فى سنته الاولى
اننى اقترحت بمقال نشر فى عدد من الصحف وقتها بان تتاح لعم السر الفرصة ليتحدث ليتحفنا بالذى لا تعرفه الاجيال الجديدة عن حكايا الاغانى
وكما قلت انت لم يستثمر القائمين على امر امر البرنامج عديد الاقتراحات الاراء السديدة للاخوة الذين بادروا وما زالو
وكان همهم البلد..
ولكن لادارة القناة رأى مخالف
القناة يا سادتى تجرى وراء جنى الارباح من خلال الاعلانات
وهذا اقتصاد حديث والجماعة ماشاء الله مدورين والملاييييين مدورة..
ياخى نحن ما حاسدين..فالارزاق بيد الله ولكن ما كفاية برنامج عصافير بابكر صديق
وما زال يتم تدويره بنفس الاسلوب القديم وبنفس وجوه المحكمين الذين لم يقولوا يوماً لاى متسابق بانه ضعيف
فكل المتسابقين ما شاء الله عندهم مستقبل فنى.....يا سلام
ولم تتفتق عقلية القائمين على الامر على التنوع الذى يذخر به السودان
معقوول ياخ برنامج ليه كذا سنه ولا يتحدث الا عن الاغنيه الحديثة..
لا اريد ان اكرر ما قلته بالامس
ولكن اعتقد جازماً ان مثل هذه الغفلات المقصوودة لا تقود الا لمزيد من الغبن ويزرع يومياًفى النفوس ان عقليتة القائمين على الامر عقلية اقصائية..
واضح يا باشمهندس انو الموضوع لا علاقة له بنشر الاغنية وكدا
ياخى معقول نفس الوجوه مع بعض الاضافات للنجوم الذين حققوا النجاح وذلك باستقطاب واستثمار جماهيريتهم؟؟؟
الموضوع واضح كما قال استاذنا انس العاقب..
..التلاته بنات اللابسات تياب ومقنعات..وا عذابى شغلن قلبى لامن بص الروصيرص فات..يا حليلك يالجمرى فأنت تغنى لوطن ننتمى اليه نحن جميعاً
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: abubakr)
|
بلد كالسودان هو فى حقيقته مستودع حضارى منذ فجر التاريخ ولعله الوحيد الى يزخر بثقافات وفنون لا مثيل لها فى كوكبنا ...السودان هو (إفريقيا الصغرى)فى كل شئ تقريبا ...فى اللغات واللهجات والقبائل (عدا لغتين وقبيلتين) وفى فنون الموسيقى والغناء( الدينى والدنيوى)وفى الرقص والفنون اشعبية ولكننا للأسف ظللنا أسرى لنظرية التعصب السلطوى لثقافة وفنون الوسط مع أكيد إحترامنا وتقديرنا لها بيد إنفرادنابتدوير وإعادة إنتاج غناء الوسط واستنساخه هو فى حقيقة الأمر ليس خطرا فقط على بقية الأشكال الأخرى من الغناء السودانى فى بقية أركان السودان ولكنه أيضا أخطر ما يكون على مستقبل غناء الوسط نفسه بإصرارنا على (متحفته فى إطارين تقليديين لا يخرجان عن شكل أغنية سرور وكرومه (الحقيبه)وأغنيةالكاشف ( الطويله) التى نطلق عليها مصطلح ( الأغنية الحديثة ) لقد تآمر القائمون على التخطيط والبرمجه من المتنطعين فى الإذاعة والتلفزيون من إزاحة البرامج التراثية الغنائية من الخارطه والتدافع المحموم عمدا أو سهوا لتركيز تجربة غناء أمدرمان الإذاعى ثم التلفزيونى فسقطت من البرمجة برامج كان لها دور فى التأسيس لأفق واسع لفنوننا الغنائيةوالشعبية بتعميق الحس الفنى والإنتماء الوطنى فسقط برنامج (ربوع السودان)وغيره فى اإذاعة وبرنامج (صور شعبيه ) فى التلفزيون الذى كان يعده ويتعب فى إعداده الرحل أستاذنا الطيب محمد الطيب رحمه الله ... لقد ظللت أنادى جهرا وبلا مواربه عندما كنت عضوا بمجلس إدارة التلفزيون ومديرا للمنوعات (لفترة قصيرة) وأنا فى الأصل مغنى مارس الغناء وأنتمى لتنظيم يقود حركة الغناء والموسيقى وفى نفس الوقت اعمل وقتذاك أستاذا للغناء والموسيقى فى معهد الموسيقى والمسرح (الكلية الآن) كنت أقول والمضابط موجودة والشهود حضور ( ان الإكثار غير المنطقى للغناء والتركيز على عدد معين من المطربين سوف يؤدى إلى حالة مستقبلية من الجمود وقفل الأبواب أمام المغنين الآخرين كما واستحالة تقديم جيل جديد من مطربى الوسط وقد كان لى شرف إضافة برنامج ( اوتار سودانية)فى البرمجه وكيف إخترق هذا البرنامج جمود الذائقة التقليدية المتوارثه ونظرية تعاملنا الإنحيازى لغناء الوسط المتركز والمتمترس فى العاصمة ......وأواصل بإذن الله
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: طارق ميرغني)
|
يا عزيزي طارق
ساحاول متابعة ما في الشروق رغم انها عموما فضائية مملة اخذت من الفضائيات العربية كلما يجعلها كذلك
تمنيت برنامجا فيه يحي البجاوي والجمري وفرق نشاهدها اليوم وهي من الجنوب ولها ابداعات وحكامات ومغنيات ومغنيين من الغرب والشمال نشاهد لهم مقاطع بسيطة عندما يتذكر القائمون علي الفضائيات السودانية ان السودان اكبر من العاصمة المثلثة وما جاورها
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: abubakr)
|
يا عزيزي انس
| Quote: ......وأواصل بإذن الله |
واصل .. فالتغيير لن ياتي عشوائيا ولا نريده كذلك وانما بتحليل واسهام لمختصيين للواقع ومسببات التردي التي جعلته واقعا قبيحا ....لقد بدءت انت من قبل موضوعا في ذات المنحي ولم تستمر ربما شعورا باحباط من عدم مشاركة ولكن المعاودة والاصرار علي التنويير امر مهم في مجتمع كمجتمعنا السوداني الذي اضنته ادارات سيئة ففضل ان يصمت ....
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: abubakr)
|
يا باشمهندس كيفنكـ
حاسي انك والشباب المشاركين في النقاش استعجلتو شوية في الحكم
ليس كافياً ما قدم في الإعلان عن البرنامج خلال ( دورته الجديدة ) أن يكون دليلاً على فشله
ثم أن ( التدوير ) صار سمة تلفزيونات العالم
والتدوير صار من لغة البرنامج ( الأب ) إلى لغة تلفزيونات العالم العربي
وما برنامج سوبر استار العالمي إلا دليل واضح
نقتل أشيائنا وتجاربنا بالنقد قبل أوانه
منفذ ضوء مفرح نريد له الإستمرار
تحياتي يا باشمهندس
______________________________________________________________
دكتورنا بتاع الموسيقى حاجاتكـ واصلة لى كل الناس ولست محتاجاً للتسلق على كتف برنامج يحب الناس مشاهدته
إن كان لكـ جديد ( أو قديم ) تود طرحه للناس فلا أعتقد أن ( الشاشات ) المتوفرة الآن تمنع ذلكـ
فاتركـ ( القوقعة ) التي حبست نفسكـ داخلها وأخرج
فأنت عالم في مجاله
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: عمران حسن صالح)
|
| Quote: اتوقع ان يكون برنامج بنات حواء في قناة الشروق |
اظنه على قناة هارموني وليس الشروق ............
Quote: حاسي انك والشباب المشاركين في النقاش استعجلتو شوية في الحكم
ليس كافياً ما قدم في الإعلان عن البرنامج خلال ( دورته الجديدة ) أن يكون دليلاً على فشله |
عدم التجديد والابتكار وليس الفشل هو مربط الفرس ...........
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: عمران حسن صالح)
|
لا ادري لماذا احس ان الصواب قد جانبك باشمهندس ابوبكر وهو قل مايجانبك في هذا المنبر فانا ادخل الي بوستاتك و كلي ثقة انني ساستفيد بلا شك
. البرنامج ناجح هذه حقيقة
له جمهور كبير بشكله الحالي لذا يتم تدويره هذه حقيقة
يتعلق باغاني الوسط هذه حقيقة.
ما يجب ان يتركز عليه نقدك في اعتقادي هو عدم وجود برامج شبيه تغطي انحاء اخرى من السودان وغياب التنوع غير المبتذل في اجهزة الاعلام السودانية وغياب التعبير عن قومية هذه الاجهزة
كلها اخطاء فاقمت من واقعنا المنسد في افقه
لكن هذا لا ينفي ان النجاح نجاح حتى ولو لم يكن كاملا من اي مكان في السودان فلا تحملوا برنامج واحد مشاكل بلد كاملة لم يصنعها هذا البرنامج و ليس مطلوباً من ان يحلها
_____
بهذ الطريقة اصبحت اخي ابوبكر مثل شرطة النظام العام تأخذون بالشبهات وتضربون الابرياء
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: Nazik Eltayeb)
|
شكرا نازك للاضافة
| Quote: بهذ الطريقة اصبحت اخي ابوبكر مثل شرطة النظام العام تأخذون بالشبهات وتضربون الابرياء |
عموما نقدي موجه ضد تقوقع البرنامج داخل قوقعة "الوسط" و"عدم التجديد والابتكار" كما اشار الاخ عمر عثمان وليس الي انتشاره ونجاحه.. وحتي في تقوقعه فلقد جانبه ان يوسع دائرة اهتمامه بما جد في غناء وموسيقي الوسط .....
ليس من حقي حجر رايك عني وان ادعي بان كل الذي اتي به صواب عند الجميع ولكن التهمة التي رميتني بها عظيمة وقاسية والله يسامحك
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: انس العاقب)
|
| Quote: (أوتار سودانيه) الذى كان يقدم أسبوعيامن إعداد الأستاذ محمد العبيد وتقديم الأستاذ جراهام عبد القادر |
هذا كان برنامجا مبهرا يجعلني فخورا بانتمائي لهذا التنوع الثقافي الثر .. لكن البرنامج اختفي وجراهام عبدالقادر لم نعد حتي نسمع منه ولا عنه ( شاهدته قبل شهور في حفل يستلم جائزة )..لو استمر البرنامج خلال العقد الماضي يبحث ويقدم للمشاهد ابداعات التنوع الثقافي السوداني لساهم في وعي ثقافي كبير ...
قبل ايام شاهدت دقائق في برنامج قصير في الشروق لباحث سوداني يعزف علي عشرات من الادوات الموسيقية لشعوب السودان ويغني لهم بمعرفة ويسرد الاسامي المختلفة لتلك الالات ... كان مقدم البرنامج وهو سوداني مبهورا لا يخفي دهشته وهو يسمع ويري بعض من "ثراء فني سوداني " لاول مرة ..؟؟ الباحث يبدو انه سافر الي كثير من بلاد العالم ويعرف ثقافاتها الموسيقية ولذا كان واثقا من ثراء ما لدينا .....
الموسيقي اداة وحدة فاختصار موسيقي السودان بتنوعاته في جزئية اضر بوحدتنا ....
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: abubakr)
|
تحياتى يا ابا بكر لك وكل الزملاء الحضور
واحد من الصحاب المتبصرين والظريفين جدا قال لى مره، وكنا بننضم ونتونس عن ركونا واستسهالنا للمألوف وخوفنا المرات بصل مرحلة الفوبيا من اقتحام و "مكابسة" الجديد بغرض خلق وابتكار شى جديد
قال لى ياخ كدى بالله اتخيل معاى طريقة السودانيين ديل فى اختيار او ابتكار اسماء المحلات السكنو فيها
مجموعة ناس مثلا يكونو حايمين بى سعيتن وحلالن ومستلزماتن كلها ولافين بالواطا ووين ما ارتاحو ولقو موية ومرعى بقعدو، فجأة كده يطيب ليهم مكان كويس ويقررو يستقرو فيهو
اها يقعدو ويبنو ويبطلو الحوامة ويبقى عندهم حلة أو قرية أو حتى فريق صغيرونى
بعد فترة يفكرو يسمو الحلة ويدوها اسم طالما خلاص بقو ناس قعدة
الناس ديل يقعدو فترة طويلة جدا يبحتو فى روسيهم ويفكرو ويخططو ويجتمعو وزول واحد فيهم قادر يبتكر إسم للحلة الجديدة دى مافى
لامن خلاص يغلبو حيلة، ينط واحد منهم ويقول ليهم
اتو يا جماعة الحلة دييييك دحين اسنها شنو ؟
يقولو ليهو اسمها"ام سعف"
يقوم صاحبنا ينط وهو فرحان زى عمنا "ارخميدس" ويقول ليهم
بس خلاس
نحن حلتنا دى اسمها "ام سعف الفوقانية"
وديك طبعا بعد كده تبقى ام سعف التحتانية
والله يا ابوبكر بعد الكلام ده قعدنا وعدينا الأسماء الزى دى فى السودان كله تقريبا وفعلا لقيناها بالعشرات
كان شلنا الأسماء الظاهرة بس ومعروفة وفى مسافة طولية اقل من خمسين كيلومتر ممكن تلقى
الباقير الفوقانى والتحتانى
البشاقرة شرق والبشاقرة غرب
التكلة رفاعة والتكلة ابشر
وشوف عندك الجديد
الجديد الثورة، الجديد عمران، الجديد خليف
ده غير البلود والحلال والقرى الفى الشرف وفى الشمال وفى الغرب
الموضوع وما فيه هو استسهالنا زى ما قلت للمألوف والمعروف
وخوفنا من محاولة الجديد وتجريب غير المألوف
فى الوقت اللى فيهو ممكن وبمجهود اقل من كده نبتكر ونخلق اشياء جديدة وفيها ابداع وتجلى وكشف
نفس الشى هسه بنطبق على حولية عمنا السر قدور المدورة كل سنة دى
نفس القوالب ونفس الفكرة ونفس الآوت بت
يمكن افيد ما فى البرنامج هو شوية المعلومات التاريخفنية اذا جاز التعبير البنفحنا بيها السر قدور
وقطعا هو واحد من اهم مراجع أغنية المدرسة الغنائية التانية أو أغنية الوسط أو أغنية امدرمان
الكلام أكيد كتير وفيه محاور أكتر فى الموضوع ده
وما فى إيدنا غير نتمنى ونشحد الله ينير البصائر ويفتح العقول ويلهمها ويملاها بالابتكار والشجاعة فى محاولة الأفكار الجديدة، والإمكانيات كمان برضو، لأنه مجال الانتاج الفنى وعشان يطلع شى فنى سمح ومفيد وجميل لازم تتوفر ليهو امكانات مريحة
ومعليش على طول النضمى والكلام الكتير
وارقدو عافية أجمعين
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: أبوذر بابكر)
|
شكرا اباذر للاضافة المعبرة
| Quote: بعد فترة يفكرو يسمو الحلة ويدوها اسم طالما خلاص بقو ناس قعدة |
تعرف يا اباذر تسمية المحلات التجارية البتنتهي ب "بس خلاس" عندنا دية هي صارت علم ودراسة وتخصص اكاديمي Branding ( لدي ابنة تخصصت فيه وتحاضر فيه )..ولذا فعملية الابتكار والاختراع صارت مهمة فالاسم التجاري له مدلولات اقتصادية واجتماعية كثيرة ...النجاح الاقتصادي لم يعد ضربة حظ
| Quote: وما فى إيدنا غير نتمنى ونشحد الله ينير البصائر ويفتح العقول ويلهمها ويملاها بالابتكار والشجاعة فى محاولة الأفكار الجديدة، والإمكانيات كمان برضو، لأنه مجال الانتاج الفنى وعشان يطلع شى فنى سمح ومفيد وجميل لازم تتوفر ليهو امكانات مريحة |
مؤلم وفي بلد امكاناته الاعلامية محدودة ان يبقي برنامج لاقي شعبية كبيرة رهين ماكنة اعادة تدويير رغم مساحات واسعة للاضافة والتحسين ..انه كسل...
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: abubakr)
|
عوافى يا ابا بكر
الخلق والإبتكار الجميل فى أى مجال هو إثبات لفاعلية العقلية وجمال الروح
والله أنا متأكد ومتيقن كمان إنه بلدنا فيها عقليات لا يعلى عليها وفيها ناس كمية الجمال والفن الفى نفوسهم تكفى العالم وتزيد كمان
بس يبقى السؤال عن كيفية استخدام و "مروق" الحاجات والكرييشن ده كله مهنم كيف
ومؤكد برضه كمان فى عوائق كتيرة وكبيرة، منها المباشر المعروف ومنها المعروف وما مقدور عليه ومنها الما محسوس من اساسه، منها المتصل بالموانع الإجتماعية أو المادية أو العقيدية أو حتى التاريخية كمان
ويمكن يكون فى عائق كمان شايل من كل شى شوية، وتستمر عقدة الإشكالات تتربط وتزيد ومع كل ربطة نبعد نحن من المسبب الرئيسى وما نلقى قدامنا غير الشى الساهل الممكن والمتاح
وحتى الإتاحة أو الأفيلابيليتى حقته بتكون جايه لأسباب معروفة برضه كمان
هسه حولية استاذنا الفنان والعبقرى، وهو فعلا والله زول عبقرى وما عادى ابدا عمنا السر قدور ده، أنا ما شايف فيها غير عملية "صقع جَرة" لأغنيات مبدعينا
شنو المانع مثلا انه البرنامج فى حلقة أو اتنين او تلاتة يمسك موضوع محدد ومختار فى مجال فن الغناء والموسيقى ويناقشه ولو على الماشى مع شوية نماذج، بدل إعادة العمل الغنائى بأصوات تانية
وليه مثلا ما يكون كم حلقة تناقش إيقاع من إيقاعات بلدنا التريانة والمليانة دى، ويكون فى نماذج وأغنيات بالإيقاع ده، ياخ السودان ده كان ما أخاف الكضب فيه ما يقل عن خمسمية ضرب من الإيقاع، وفى الحتة دى أكيد استاذنا دكتور أنس بدينا الخبر اليقين
يوم نمسك الشرق ويوم الجنوب ويوم الغرب ويوم الشمال، وفى الآخر ممكن نكون عملنا أرشيف عديل كده وخزنة مليانة بالحاجات السمحة ومفيدة فى نفس الوقت، واتذكر قبل فترة كان فى برنامج بنفس الفكرة دى تقريبا فى بقدمه الموسيقار الجميل جرهام عبد القادر وكان شى سمح جدا والله ودسم وغنى، لكن راح زيه وزى باقى الحاجات السمحة البتجى وتفوت من غير ما الناس تاخد بالها منه
لكين حنظل لسه قاعدين نحلم ونتمنى انه ربنا يعدل الحال ويحسن المآل
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: أبوذر بابكر)
|
أبو بكر سلامات,
إنت دي السنة التانية تقبل على برنامج أغاني و اغاني مع أنك كنت فردة
الحاصل شنو!
البرنامج دا ما بيحتمل تنوع السودان الثقافي إلا في حدود الأغنيات الحديثة لمناطق السودان المختلفة مثال ذلك ناس ابراهيم موسى أبا و زكي عبد الكريم و عبد الرحمن عبد الله و غيرهم و لو لا ذلك لما كان عندنا تنوع برامجي تبعا للكوكتيل الثقافي و تطوراته: مدائح, حقيبة, شعبي, فلوكلور, صور شعبية إلخ..
ما أظن برنامج السر قدور مسؤول من دا كله و أتفق مع الأخت نازك, لكن ممكن يركز شوية على منتوج أفندية ربوع السودان و الريف في حدود الآليات الحديثة ولا شنو! على أن تجد لنا قناة النيل الأزرق منفذ موازي يعكس مسألة التنوع و بذلك تتحاشى تبعات النقد المماثل و اللوم الضروري.
تحياتي للمشاركين/ات
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: المعز ادريس)
|
تحياتي المعز
| Quote: ما أظن برنامج السر قدور مسؤول من دا كله و أتفق مع الأخت نازك, لكن ممكن يركز شوية على منتوج أفندية ربوع السودان و الريف في حدود الآليات الحديثة ولا شنو! على أن تجد لنا قناة النيل الأزرق منفذ موازي يعكس مسألة التنوع و بذلك تتحاشى تبعات النقد المماثل و اللوم الضروري. |
دافعت انا عن البرنامج في الحلقتيين الاولتيين علي انه يوثق لجزء من الغناء الثواني وفي العام الثالث كان قداستنزف السر قدور سرد كل الجوانب التاريخية فبدء تكرار تجد فيما كتب حينئذ مايكفي وفي الجزء الرابع اعاد تدويير ما سرد وغني في السنوات السابقة ووفق اللقطات الاعلانية لهذا العام فانه يقوم باعادة لاعادة التدويير ....
لم اشر مطلقا بان هذا البرنامج مسئول لوحده عن اسقاطات التركيز في جزئية واحدة من الوطن غناء وثقافة وسياسة واقتصاد ولكنني كاحد المتابعيين والمتحمسيين له في بداياته انتقدت فشله في الخروج من نطاق هذا "الاسقاط العام" واكتفائه بالاقبال الجماهيري الذي وجده في السنوات الماضية ليزاول اعدة تدويير نصيبه من الاسهام في هذا الاسقاط العام ......
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: أبوذر بابكر)
|
يا عزيزى أباذر وأكيد إحترامى وتقديرى ...تعالوا نسأل أنفسنا مادمناقد صرنا أصحاب وجعه...لماذا نحن أمة الوسط السودانى عاجزين تماما عن إستيعاب فلسفة ضرورة التجديد؟ لماذا نتعامل مع الأشياء بكل بساطة وإستسهال وعدم جديه؟ شخصيتنا هذه تعبر عنها سلوكياتنا فى ساعة التشييع والدفن ثم فى بيت العزاء؟هل هذا سلوك ناس ( حزنانين)وهم يتونسون ويقهقهون ويتدافعون لملئ البطون وفى خلق الله (يقطعون) نحن ياعزيزى أباذر وصلنا إلى درجة من عدم المبالاه جعلتنا لا نهتم بأى شئ ... دعك من الحسد( السودانى)والشناف وعدم التريث فى إصدار لأحكام على الآخرين وفى نظرتنا للحياة نفسها... ولأننا كسالى كتنابلة السلطان لماذا لا نغير من سلوك الأمم الأخرى التى سبقناها بالإستقلال فى إفريقيا وآسياوهى الآن مشهود لها بالتطور فى كل شئ ..اليس من المؤلم أن نستورد عمال نظافه من آسيا والدول المجاوره ... ونتكلم عن التجديدوالأصاله؟؟ ,,, نحن فى حقيقة الأمر نقوم بتدوير أسلوب حياتناالحالى ليكتسب خصائص حياتنا فى الستينات والسبعينات ...بالله هل سمعت فى كل الدنيا بإسم فريق كره متداول عند فرق اخرى فى نفس البلد ... هى نفس قصة أم سعف ... الفوقانيه والتحتانيه فى نموذج هلال العاصمه وهلال كادوقلى وهلال الساحل أماكان الأفضل منطقيا وجهوياأسم (كادوقلى ) و(الساحل) وقس على ذلك صحفنا السياره ( الأهرام)(أخبار اليوم) (آخر لحظه) (الأخبار) (الشاهد) (المشاهد)ولاحظ كلمة (السودانى) صارت إسم صحيفه وشركة إتصالات .... زمان يا أباذر كان عندى عمود أسبوعى فى صحيفة (الوان) إسمه (بالبلدى الفصيح) طوالى ظهرت أعمده مشتقه ومستنسخه مثلا ( بالعربى الفصيح) (بالبلدى العديل) (بالبلدى) (بالعربى) حتى اسماء الأحياء صارت مكرره بل حتى إسم البرنامج نفسه (أغانى وأغانى) ما قادر أفهم لماذا التكرار وبأى مفهوم؟ طيب يا أبا ذر إيه الفرق بين (نجوم الغد) فى النيل الأزرق وبرنامج ( استديو النجوم ) فى القومى وبهذه المناسبه تلفزيون الشروق عندو برنامج غنائى يقدمه الأستاذ حسين خوجلى وهناك برنامج غنائى فى تلفزيون قون يقدمه الماحى سليمان ولا أخفى أننى شاركت فيهما وربما يستضيفناالقومى (الماحى وأنا) فى برنامج بعد الإفطار يقدمه الطيب عبد الماجد.... والتدوير مدورومافى أحسن من كده.. مش؟
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: انس العاقب)
|
تحياتى ليك أستاذنا الفنان السمح د. أنس العاقب
وإنحناءة ليك أكبر من إنحناءة النيل ديك، على تجميلك حياتنا وموسقة أيامنا
وقبل ما ننضم فى موضوع إستسهالنا وتراخينا وتعطيلنا لى ملكات الإبتكار والخلق الجميل الفينا
دى فرصة حلوة جدا عشان أهنيك على البرنامج الكنت بتبرنا بيهو من الإذاعة قبل فترة ما طويلة، وأنا كنت متابعه بإهتمام شديد جدا والله يا دكتور وكان فى كل حلقة بتناول أغنية أو عمل معين بالشرح والتحليل، وده نوع الشغل المفروض يتعمل والمفروض الناس تركز فيه وتهتم بيه
وما انسى إنى سجلت الحلقة الكانت عن الزول المطرب البديع "عبيد الطيب" و "يا روحى سلام عليك"
يعنى شغل يكون فيه عبد المنعم عبد الحى وبرعى وعبيد الطيب حيكون شنو بالله
ما يذكرك إلا ايام الزول يكون فى الجنة بس
واتذكر كلامك واعجابك بالإيقاع العجيب والمميز العمله برعى فى الأغنية دى
هسه يا دكتور أنس شنو المانع انه يكون فى نفس فكرة برنامج عمنا السر قدور ده، يكون فى حتة تحليلية زى دى، والناس يجيبو فيها أغنيات وأعمال من كل مناطق السودان، والحمد لله بقى عندنا ناس متخصصين ودارسين وفارزين الشى زى ما بقولو
بدل ما نقعد فى مهرجان عرض الأزياء داك ونشيل ونردد فى الأغنيات السمعناها ألف مرة
والله قبيل أنا كمان ساعة بحكى للعزيز ابوبكر فى حكاية التكرار والركون للشى الساهل، نسيت اقول قصة أسماء الفرق الرياضية دى، دى كمان فضيحة عديل وفضيحة مضحكة كمان اجارك الله
والله دى ظاهرة غريبة جدا عندنا نحن السودانيين
اها النحكى ليك شى طريف تانى عشان تتعجب جد جد
والمرة دى النموذج أنا شخصيا
الوالد عليه رحمة الله عنده أربعة اخوان، أعمامى يعنى، عوض وابراهيم ويوسف وسليمان
ابوى أنا سمى ولده عوض
وابراهيم سمى ولده يوسف
ويوسف سمى ولده عوض برضو
وسليمان سمى ولده ابراهيم
بالله مش حاجة تضحك
ياخ شوف فى كم ألف إسم بالله والناس ديل غلبن تب يختارو أى اسماء غير بس الجنبهم دى
لا وشنو
اولاد ديل السموهم ديل، برضهم بقو لافين جوه الحلقة العجيبة دى
شفت التدوير والريسايكلنغ ده كيف يا دكتور
ومجددا أهديك التحية والتقدير الجزيل
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: محمد الامين محمد)
|
د. انس العاقب:
هذا ولما كان نلفزيون النيل الأزرق يصرف على البرنامج مئات الملايين التى ستعود عليه بأكثر منها فى الرعايات والإعلان نرجوبعدالفراغ من عرض حلقاته أن تخصص سهره أو جلسه بعد العيد (حار حار) تجمع من تلفزيون النيل الأزرق الثلاثى الأساتذة حسن فضل المولى مدير القناة والشفيع عبد العزيز نائبه مدير البرامج وكذلك السر قدور معد ومقدم البرنامج مضافا اليهم من يمثلون وجهتى النظر المؤيدة والمخالفة وجمهور من المشاركين وحبذا لو جاءت الحلقة على الهواء للإتاحة الفرصة للمشاهدين بالمشاركة عبر الهاتف ..
الاستاذ ابوذر:
وما فى إيدنا غير نتمنى ونشحد الله ينير البصائر ويفتح العقول ويلهمها ويملاها بالابتكار والشجاعة فى محاولة الأفكار الجديدة، والإمكانيات كمان برضو، لأنه مجال الانتاج الفنى وعشان يطلع شى فنى سمح ومفيد وجميل لازم تتوفر ليهو امكانات مريحة
اؤيد وبشده ما ذكره الاساتذة اعلاه
وهذا لو تذكر اخي باشمهندس ابوبكر ما نوهنا اليه وتطرقنا عليه في
البوستات السابقة ومنذ عام بالضبط لكن لا حياة لمن تنادي
علي العموم من صالحنا كمشاهدين " مابنسكت" ومن صالح القناة ان يستمعوا الينا جيدا
لاننا وبصراحه وبكل افتراء بنسمع احسن منهم
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: abubakr)
|
شكرا باشمهندس ابو بكر على ردك المهذب الذي لم يزدك عندي الا احتراماً
بالنسبة لموضوع النظام العام
| Quote: ليس من حقي حجر رايك عني وان ادعي بان كل الذي اتي به صواب عند الجميع ولكن التهمة التي رميتني بها عظيمة وقاسية والله يسامحك |
فهي ليست الا دعابة و انت ابعد من ذلك بكثير ويبدو انني قد استغرقت دون ان اشعر في موجة المنبر فلك العتبى حتى ترضي
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: انس العاقب)
|
| Quote: لم اشر مطلقا بان هذا البرنامج مسئول لوحده عن اسقاطات التركيز في جزئية واحدة من الوطن غناء وثقافة وسياسة واقتصاد ولكنني كاحد المتابعيين والمتحمسيين له في بداياته انتقدت فشله في الخروج من نطاق هذا "الاسقاط العام" واكتفائه بالاقبال الجماهيري الذي وجده في السنوات الماضية ليزاول اعدة تدويير نصيبه من الاسهام في هذا الاسقاط العام ...... |
غايتو واحد فينا ما فهم التاني يا ابوبكر,
من جانبي: أنا قصدت أنه المادة الثقافية الغنائية القومية مزدحمة بتنوع إبداعي تبعا لتنوع مجتمعات السودان نفسه لذلك رؤيتي لما يستطيع السر قدور تناوله من إبداعات الريف و الأقاليم لا يمكن لها,لأسباب عملية, أن تخرج عن نطاق الأغنية الحديثة بالأمثلة الذكرتها على أن تترك أوجه الأبداع الشعري و الغنائي الأخرى للبرامج الأخرى مما ذكرت لك بعضه..
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: المعز ادريس)
|
هاكم التدوير و التمركز الما خمج!
و في ذلك تتنافس "خمس قنوات" أقرنات أملحات, دليل أن التصدع آت لا محال!
.."والمشاهد موعود بالسهر مع القناة القومية، عبر (زمان يافن) الذي يقدمه عمر الجزولي، مع الفنانين زيدان ابراهيم، صلاح مصطفى، حمد الريح، والفنان عبد الرحمن عبد الله و(حلم الاماسي) الحلقات التوثيقية التي تتناول حياة الموسيقار محمد الامين وتقدمها عفراء عبد الرحمن، و (كنجو كنجو) البرامج المنوع الذي يقدمه إستيفن اوشيلا، و (مع الكابلي) البرنامج التوثيقي الذي يوثق مع المغتربين الذي تقدمه غادة عبد الهادي واحمد عبد القيوم، كما اعدت قناة النيل الازرق سهرة (ليالي) والتي تنقلها القناة يومياً على الهواء مباشرة من خارج استديوهاتها وهي سهرة جامعة للمبدعين بمختلف تخصصاتهم.. كما تقدم قناة الشروق يومياً (تواشيح النهر الخالد) والتي يقدمها حسين خوجلي، والتي تغنى بالفن والشعر وإستضافت عدداً من كبار وشباب الفنانين على رأسهم، اللحو، حمد الريح، وردي وزيدان، والسهرة من إخراج احمد ابراهيم وحمد يوسف.. إضافة إ لى مواصلة (خيمة الشروق) القائمة على التجوال مع الضيف ومحاورته داخل الخيمة من أماكن متعددة مع غناء وسحور وتقوم على التسلية والفائدة والامتاع وقد حشدت عدداً مقدراً من نجوم الفن والرياضة والمجتمع. واعدت قناة هارموني سهرة (طنبور ودليب) إعداد خالد شقوري وخالد الباشا و (ذوق جيل) والتي تقدمها هند عمر والتي إستضافت الفنانين احمد البنا، نزار المهندس سامي عز الدين، خالد قرقوري إضافة الى ترباس، فرفور، الجقر وآخرين حيث يغني الشباب أغنية فنان كبير ويتونسون حولها، إضافة إلى السهرات المفتوحة والتي تقدمها القناة من برج الفاتح.
وأعدت قناة قوون سهرتين مع الفنان محمد وردي و(انغام من بلدنا) طنبور، وسهرة مع صلاح ادريس يعزف ويغني بها تقديم فاطمة الصادق إضافة إلى السهرة الرئيسية (يلا نغني) والتي حشدت لها القناة من الفنانين.. صلاح ابن البادية، شرحبيل، حمد الريح صلاح مصطفى، اللحو، زيدان ابراهيم، ومن الشباب فرفور، عصام وليد، عاصم ، سيف وحيدر بورتسودان والجيل الجديد، شكر الله ، مبارك البنا، شريف الفحيل، افراح عصام، معاذ البادية، ياسر تمتام، حسن شرف الدين يلا نغني.. يقدمها، أحمد المك، الحلنقي، وعلياء الامير.
شعارات
* خليك قريب ولمتنا، ودايماً لامين وفكرة وإمتاع شعارات حملتها القنوات الفضائية المحلية كمحاولات منها لجذب المشاهدين."
باقي التدوير و التمركز هنا:
http://www.rayaam.info/News_view.aspx?pid=703&id=55203
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: المعز ادريس)
|
يا باش سلامات وكل سنه وانت طيب،
ياخ أنا رشحتك لفتح البوست في نسخته الخامسه أجي ألقاك سالخ الناس من رجب؟
ناس أغاني وأغاني ديل خليهم للبوست الراتب المعروف ، المره دي حاتشوف بدع،
هسه ودالعباسيه وممكونه وملاسي والزول ونجوان قاعدين يقرو في الكلام دا ومكفكفين
وشايلين أقلامهم راجين ال kick off وعينك ما تشوفش إلا النور.
كلامك القلتو كلو منطقي لكن لاتنسى أن المسألة في المقام الأول تجارية وأنت شخصيا
في كل سنه بتقول الإعلانات فاقعه مرارتك ، تقول لي تنوع وشرق وأنقسنا ووو..؟
سننتظر ونرى ، شايف البكا - عوضا عن الإبداع - أصبح دعايه لجذب المتفرجين و..مناديل الورق.
عاش الكلينكس.
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: abubakr)
|
Quote: هسه ودالعباسيه وممكونه وملاسي والزول ونجوان قاعدين يقرو في الكلام دا ومكفكفين
وشايلين أقلامهم راجين ال kick off وعينك ما تشوفش إلا النور. |
صدقته يا محمد المرتضى ،، الخااال دا شانى هجووم عنيف ،،، تصدقو كل القنوات دي ،، ما حا تجيب جديد ،، حا تكون كلها عبارة عن اعادة للاغانى ،،للقصص ،،، للاشخاص ،، للموسيقى ،، يعنى مافى جديد ،، وحا نوجع راسنا ساكت ،، عشان كدا يا خال ما تتعب نفسك وخلينا نروح عن روحنا ،،،
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: abubakr)
|
يا خاااال
| Quote: انت كنت بتنوم بعديين تمشي القهاوي واول الفجر تجي راجع تسالنا الجماعة دييل غنو شنو ؟؟ اها عندي تسجيلات من السنة الماضية بسمعك ليها |
معقول بس ،،
ياخى انا شدة ما متابع البرنامج لمن بسجل الحلقة كاااااملة ،،،بى كلام عمك السر قدور ،،،
بس مرات ظروف الشغل وكدا ،،،،بتخلينا نجيكم اخر الليل ،،
انت بس هسى خليك متابع معانا وفتش لينا على نجوان ،، ياخى نحن زاته بقينا مشهورين كل سنة مع البرنامج دا ،،
ما شائف الجرائد بتكتب عننا ،، 
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: abubakr)
|
زمان أيام القناه الطاهره كان الناس يتندرون ويطلقون على إحدى القنوات العربيه ( البسى ) وكنت أقول معلقا على برامج رمضان التى تتضخم بالغناء والترفيه( حتى الLBC تغير برامجها فى رمضان وتركز على البرامج الحواريه الخفيفه التى يشارك فيها النجوم الكبار وتقدم عددا من المسلسلات وبرامج المسابقات وتدخر الغناء لبرامج العيدوللعلم فإن أغلب المطربين والمطربات فى بعض الدول العربية يتفرغون للصيام وإقامة موائد الرحمن وبعضهم يقضى الشهر الكريم فى الأراضى المقدسه ثم يواصلون نشاطهم الفنى فى العيد وما بعده....ارجو متابعة التلفزيونات العربيه بعد الإفطار لن تجد فيها هذا الخم الغنائى الذى يتكرر فى كل رمضان وللأسف صارت لدى إعلامنا قناعة راسخة أن الغناء هو الذى يجمل البرامج الحواريه وتخيل مطرب أو مطربه قاعد زى الصنم لا يشارك فى الحوار ولا يفتح فمه إلا بالغناء فقط ...والسبب كما ذكرت المداخلات هو عقم الأفكار داخل المؤسسات الإعلامية والثقافيةوبمثل هذا التفكير التدويرى الكسيح ستضيع ثقافاتنا وفنوننا...!!!!
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: cantona_1)
|
ياعزيزى كانتوناكيف حالك ...نعم (أنا) فلان بتاع الموسيقى زى ماوصفنى الأخ عمران لكين قول لى لمن يكون الموضوع ما بيتطلب غنا والحوار هادف وجميل إيه الداعى يقول مقدم البرنامج ( معانا الفنان الفلانى أو الفنانه الفلانيه نستمع لفاصل غنائى) وينفصل الحوار ثم يصمت الغناء ويتواصل الحوار ...يا أخى كانتونا الفنان ما عندو ذنب ... مره الفنان أحمد شاويش شعر بأنو قاعد مهمش والحوار شغال وكان ممكن يشارك فى الموضوع قام شال عودو وقبل ما ينسحب أداهم محاضره فى الموضوع ذاتو وخرج ) المدهش أن البرنامج إتلغى لغاية ما يلقو ليهم فنان يجمل البرنامج ... بعدين يا أخ كانتونا الفنانين فيهم كتيرين مثقفين ومتعلمين أكتر من ناس التلفزيون البيقدموالبرامج.... الفنانين ما ببغاوات كلهم ..رايك شنو؟
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: انس العاقب)
|
وصلتني الرسالة التالية من الاستاذه عزيزه عبر البريد الالكتروني:
أنا ناقد سلبي إذاً أنا موجود ) هذا شعار الفترة القادمة من السودان ....أصبح نقد الذات جزء مهم حتى يعتبرك من حولك انك مثقف اصبحنا نضرب على هذا الوتر كثيراً حتى نبدو مثقفين أصبح النقد الذاتي هاجس ليس الغرض منه الاصحاح ولكن لاغراض أخرى ....لا زلت أري الكثير الجميل فينا نحن السودانين ......
قرات في أحدى المنتديات احدهم يشير إلى التدوير في البرامج التلفزيونيه لكنه لم يشير إلا إلى برنامج أغاني وأغاني ....هل يا تري يذكر الجزء ويريد الكل .؟؟.....كان من الأجدى أن يجعل منه عنوان رئيسي
فما رايته إنه تحدث فقط عن هذا البرنامج ...من وجهة نظري أعتقد أن اعادة برنامج تلفزيوني لاكثر من دوره يعني نجاح البرنامج وفي أقوى القنوات تعاد البرامج ...إذا سلمنا أننا أسوأ القنوات فلابد لنا من التحضر ...سيدي دعني ألفت انتباهك إن هذا البرنامج ليس لسماع الغناء والطرب فقط بل هو برنامج توثيقي ..في رايي الشخصي أرى أن برنامج أغاني و أغاني من البرامج المتجددة التي تختلف من سنة إلى أخرى شكلا و مضموناً..لكننا في السودان أعداء للنجاح .هالني ما وصف به أحد هولاء على نفس المنتدى القامة السر قدور بانه لا يحلق دقنه (سئل أحدهم ما رايك في هذا الكتاب قال غلافه باهت)...أماحواء و اخواتها فقد كان نقدهن مركز في لبس الفنانات ومكياجهن ..ايضا الشكل وليس المضمون ..أي خواء هذا.....كيف يحكمون على برنامج لم يبث بعد ...ألا يدعو هذا إلى التساؤل..أما إذا دار سؤالهم عن أغاني أنحاء السودان الاخري أعتقد أن هناك برامج متخصص في ذلك .عجبت لامركم يا هولاء و أنتم تتبارون بالنقد السلبي و من سيسبق من في بدء النقد ...نحن معجبين أغاني وأغاني يكفينا فخراً شهادة الناقد بل الفنان الشامل هاشم صديق بانه برنامج ناجح ...ونحن نقبل النقد إذا كان من أجل الاصحاح أما من أجل ذلك فهو غير مقبول ...
اختي عزيزه
اولا انا علي استعداد لنشر رايك او مداخلاتك في هذا البوست فلا تترددي.
ثانيا لا اظن ان احد من كل المتداخلين يطعن في خبرة واهلية الاستاذ السر قدور او في امكانياته
او في خبرته وتجاربه الدنيوية او الشعرية.
ولا في اهمية البرنامج من ناحية التوثيق
ولا احد يطعن في جمال البرنامج لانه لولا جماله لما قامت الدنيا وقعدت بالانتقاد تقريظا او غير ذلك
الاختلاف باختصار حسب اعتقادي في شكل البرنامج فقط أي نوعية المواد التي تقدم او الطريقة التي تقدم بها وهكذا
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: طارق ميرغني)
|
الفنان مهمته الغناء ليس إلا. ما عاوزين فنان يجي يتفاصح في قانون الجاذبية الأرضية وهو لا يعرف الفرق بين اسحق نيوتن واسحق كرم الله.
اخي كانتونا
حرام عليك ....
يا اخي الفنانين فيهم المثقفون ثقافة عاليه وكما ذكر اخي الدكتور انس العاقب
انتهي عهد الفنانين البصمه
وحتي غير المتعلمين تعليم عالي من الفنانين فيهم بحكم جلوسهم والتصاقهم مع كبار
الادباء والشعراء والسياسيين من صاروا حجة في دنيا الادب
دعني اسالك ...ما هو تاهيل حسن عطيه او احمد المصطفي او عبد العزيز داؤود مثلا
فقد كانوا متميزين في الحديث في اي مجال
واعرف العديد من الفنانين دون ذكر اسماء من ذوي التعليم الابتدائي
ولكنهم يقارعون اعتي المثقفين في المجالس
ولا اؤيد كلامك بان مهمة الفناني فقط الغناء
بل بالعكس اؤيد احمد شاويش في خروجه من الاستوديو
لان له راي وربما ارجح من راي الباقين
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: طارق ميرغني)
|
الاخت عزيزه ورسالة اخري
أستاذ طارق
السلام عليكم ورحمة الله
أولاً أشكرك جزيل الشكر على نشر مداخلتي في البوست ........
أنا من المتابعين لكل بوست يتحدث عن البرنامج لكن اسمح لي ببعض الملاحظات
يعني لازم يكون في تعليق على السلبيات والاجابيات يعني لا يمكن أن نتحدث عن السلبيات فقط
البرنامج جيد ويظهر في فترة نحتاج فيها إلى تلك النوعية من البرامج يعني من ايجابيات البرنامج إنه يجمع بين الأجيال و يجعل الشباب ديل يحفظو ا و يتعلمو من الجيل القديم الكل واحد فيهم كان مدرسة بذاته.....واختلف مع الأخت في أن هوئلاء الجدامي أفلس حتى يشاركو في هذا البرنامج ل...في راي أعتقد أن هذه إضافة جديده لهوءلاء العمالقة.......
ألا تتفق معي بان من يلبس نظره سوداء يجد كل شي بذات اللون يعني في البوست ألسنة الفاتت كان معظم ولا أقول كل التركيز على السلبيات فقط أليس في البرنامج ما هو جميل لنعلق عليه؟؟ وما لاحظته أيضاً إنتقاد الفنانين في أدائهم يعني ما دي حاجة طبيعية إن عصام محمد نور يغني اغنية محمد ميرغني بطريقته هو وهذا هو النجاح لانه إذا قالها بنفس طريقة محمد ميرغني حيكون فنان بيقلد محمد ميرغني وليس عصام محمد نور ...
أيضاً أنا أذكر أن الفنان عاصم البنا فتح بوست قبل كده بيسال عن اقتراحات الناس و ما في زول شارك برايه ...طيب الناس ديل ما قبل كدت أدوها الفرصة عشان تعد معاهم البرنامج و ما شاركت أجي بعد كدة أقول كان مفروض يحصل و يحصل .....حتى النقد ما كان فهو تركيز على نقاط (و هنا بشيد برايك حول الفرقه الموسيقية) عشان الناس تحلها بس كل التعليق إن البرنامج دة ضعيف...نحن كدة بنقتل في برنامج جماهيري ناجح ....حقه ندعمه و ننتقده نقد موضوعي عشان يمشي لي قدام ...
مع احترامي للجميع
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: محمد المرتضى حامد)
|
ياهندسة
Quote: اخي باشمهندس ابوبكر
لقد تم الاتفاق ان تقود انت الركب
نسبة لعدم ظهور الاخت نجوان حتي تاريخه
رجاء خاص سجل حضور غدا باذن الله لفتح البوست
ونحن من خلفكم نشد من ازركم |
عٍِلا كلام ابو الفن (طارق ميرغني ) اضع له ولنا اهتمام
Quote: زحمه وهزهيز كراسي مبالغه،
ديل جابوهم من وين، |
لاحظت وركزت
ههههههه
تصوموا وتفطروا على خير
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: خالد عبد الله محمود)
|
الفضليات والافاضل ... رمضان كريم وتقبل الله صيامكم وقيامكم ....
لم اتابع البرنامج كما قررت في بوست لودالعباسية قبل اسابيع وكما بينت هنا اعلاه ...واكتفيت بما كتبته هنا ...ولا اريد ان اجادل في قناعات شخصية ...
وبالتالي فلقد خرج البرنامج من جدول حياتي اليومي اثناء الشهر الفضيل ..
تمنياتي للجميع بمتابعة ممتعة....
مودتي
ابوبكر سيداحمد
| |
|
|
|
|
|
|
|
|
 Re: النيل الازرق وادمان "اعادة التدويير" اغاني واغاني مثال (Re: طارق ميرغني)
|
من اكثر البرامج تميزا ً خلال شهر رمضان في السنوات الماضية ، برنامج أغاني وأغاني الذي يقدمه استاذ الاجيال السر أحمد قدور ، فالبرنامج نجح جماهيريا ً بشكل يفوق التصُّور ، وهذه هي الخطوة الاولى في سلم النجاح ، لكن البرنامج لم يخل من الهفوات ، وتعرض لسليل من النقد منه الهادف ومنه الهادم ، ونأمل أن تكون كتابتنا عنه ضمن "الصنف " الاوّل .
قكرة البرنامج لاغبار عليها ، ورغم أنها ليست جديدة ، غير أن السر قدور استطاع ان يلبثها ثوب الاثارة والتشويق من خلال قدرته الفائقة على كسر الجمود والتغلب على الملل ، والفكرة – أساسا ً – تهدف لتواصل الأجيال وللتحاور والتلاقح الفني ، حيث يمثل السر قدور الاجيال الماضية برمتها ويتدرج الشباب في تمثيل الاجيال المعاصرة .
يُعاب على البرنامج عدم احترامه لحقوق الملكية الفكرية وذلك بعدم ايفاء الشعراء والملحنين حقوقهم ، وقد تعرض لمشاكل في هذا الاتجاه قادته للمحاكم ، نأمل أن يتم تفادي هذه النقطة في هذا العام ، خاصة وأن السودانين بطبعهم متسامحون والشئ القليل يرضيهم ، لكن التجاهل يجعلهم كالاسود الضارية .
ثمة ملاحظة أخرى جديدة بالأهتمام وهي اعتماد السر قدور على ذاكرته في سرد المواقف والتفاصيل ، والرجل "ماشاء الله " يملك ذاكرة قوية ويستعيد ادق التفاصيل ، لكن – وبطبيعة الحال – فهو بشر معرض للخطأ والصواب ، وقد لاحظنا أن السر قدور لا يقبل تصحيح المعلومات ويتعامل بتعال شديد في هذا الجانب .
كما أنه يتعامل بروح (ناظر المدرسة ) مع المطربين الذين يستضيفهم – وهم من الشباب – فهو يّذوب شخصياتهم تماما ً ويجعلهم تابعين له حتى في "البصمات الشخصية " واذا حاول احدهم تصحيح معلومة فان السر يشخط فيه (بطريقة ما كريمة ) .. وقد حدث هذا مع اكثر من مطرب (عاصم البنا سبيل المثال ) .. وكنا نتمنى لو أن ّ السر أحمد قدور اختار أحدالمعاصرين له من ذوي المعرفة والثقل الفني حتى يتم توثيق المعلومات التي ترد في البرنامج بطريقة لا تقبل الشك ، ويضاف للبرنامج صفة التوثيق بدلا ً عن "الونسة " .
واذا كلنا نرفض ان يعتدي البرنامج على حقوق الغير، فإننا نلفت انتباه الاخوة في قناة النيل الازرق إلى أن البرنامج نفسه اصبح عرضة للقرصنة الفنية ، فهنالك جهات عديد ظلت تطبع حلقات هذا البرنامج وتقوم بتسويقها على مستوى واسع جدا ً ، وبهذا فإن خسارة أصحاب الحقوق الاصلية تكون مزدوجة ، مرة من خلال شاشة النيل الازرق ومرة من خلال انتشار (السيديهات ) التي تباع في كل مكان ، وعلى القناة – مع الجهات المسؤولة عن المصنفات الفنية – الحد من هذه الظاهرة ، هنالك ملاحظة ذكرتها أكثر من مرة ولكن يبدو أنها غير ذات أهمية بالنسبة لمعدي ومنتجي البرنامج ، وهي تكرار الأصوات في السنوات الماضية ، فقد ظلت اسرة البرنامج تحتفظ بمعظم المغنيين مع عملية احلال وابدال محدودة ، ويبدو أن الكسل هو السبب في ذلك ، لأن تغيير الشخصيات يستدعي بذل مجهود اكبر في ان يحافظ البرنامج على ايقاعه ، لكن ، ومن ناحية أخرى فإن تجديد الدماء يعطي البرنامج حيوية ويعطي فرصة اوسع للاطلالة لعدد كبير من الموهوبين .
عموما ً ، البرنامج ناجح وهذا هو الاهم ، وتبقى الملاحظات التي أثرتهاهنا ، مجرد افكار تقبل الأخذ والرد ، وهي – بالضرورة – ليست احكاما ً قاطعة .. مع أحلى امنياتي لاستاذي السر احمد قدور بالصحة والعافية وطول العمر ، وقد أدهشني حقيقة بسودانيته الطاغية رغم انه يعيش في مصر لعقود طويلة .!
| |
|
|
|
|
|
|
|
|
|
Re: النيل الازرق وادمان "اعادة التدويير" اغاني واغاني مثال (Re: طارق ميرغني)
|
من اكثر البرامج تميزا ً خلال شهر رمضان في السنوات الماضية ، برنامج أغاني وأغاني الذي يقدمه استاذ الاجيال السر أحمد قدور ، فالبرنامج نجح جماهيريا ً بشكل يفوق التصُّور ، وهذه هي الخطوة الاولى في سلم النجاح ، لكن البرنامج لم يخل من الهفوات ، وتعرض لسليل من النقد منه الهادف ومنه الهادم ، ونأمل أن تكون كتابتنا عنه ضمن "الصنف " الاوّل .
قكرة البرنامج لاغبار عليها ، ورغم أنها ليست جديدة ، غير أن السر قدور استطاع ان يلبثها ثوب الاثارة والتشويق من خلال قدرته الفائقة على كسر الجمود والتغلب على الملل ، والفكرة – أساسا ً – تهدف لتواصل الأجيال وللتحاور والتلاقح الفني ، حيث يمثل السر قدور الاجيال الماضية برمتها ويتدرج الشباب في تمثيل الاجيال المعاصرة .
يُعاب على البرنامج عدم احترامه لحقوق الملكية الفكرية وذلك بعدم ايفاء الشعراء والملحنين حقوقهم ، وقد تعرض لمشاكل في هذا الاتجاه قادته للمحاكم ، نأمل أن يتم تفادي هذه النقطة في هذا العام ، خاصة وأن السودانين بطبعهم متسامحون والشئ القليل يرضيهم ، لكن التجاهل يجعلهم كالاسود الضارية .
ثمة ملاحظة أخرى جديدة بالأهتمام وهي اعتماد السر قدور على ذاكرته في سرد المواقف والتفاصيل ، والرجل "ماشاء الله " يملك ذاكرة قوية ويستعيد ادق التفاصيل ، لكن – وبطبيعة الحال – فهو بشر معرض للخطأ والصواب ، وقد لاحظنا أن السر قدور لا يقبل تصحيح المعلومات ويتعامل بتعال شديد في هذا الجانب .
كما أنه يتعامل بروح (ناظر المدرسة ) مع المطربين الذين يستضيفهم – وهم من الشباب – فهو يّذوب شخصياتهم تماما ً ويجعلهم تابعين له حتى في "البصمات الشخصية " واذا حاول احدهم تصحيح معلومة فان السر يشخط فيه (بطريقة ما كريمة ) .. وقد حدث هذا مع اكثر من مطرب (عاصم البنا سبيل المثال ) .. وكنا نتمنى لو أن ّ السر أحمد قدور اختار أحدالمعاصرين له من ذوي المعرفة والثقل الفني حتى يتم توثيق المعلومات التي ترد في البرنامج بطريقة لا تقبل الشك ، ويضاف للبرنامج صفة التوثيق بدلا ً عن "الونسة " .
واذا كلنا نرفض ان يعتدي البرنامج على حقوق الغير، فإننا نلفت انتباه الاخوة في قناة النيل الازرق إلى أن البرنامج نفسه اصبح عرضة للقرصنة الفنية ، فهنالك جهات عديد ظلت تطبع حلقات هذا البرنامج وتقوم بتسويقها على مستوى واسع جدا ً ، وبهذا فإن خسارة أصحاب الحقوق الاصلية تكون مزدوجة ، مرة من خلال شاشة النيل الازرق ومرة من خلال انتشار (السيديهات ) التي تباع في كل مكان ، وعلى القناة – مع الجهات المسؤولة عن المصنفات الفنية – الحد من هذه الظاهرة ، هنالك ملاحظة ذكرتها أكثر من مرة ولكن يبدو أنها غير ذات أهمية بالنسبة لمعدي ومنتجي البرنامج ، وهي تكرار الأصوات في السنوات الماضية ، فقد ظلت اسرة البرنامج تحتفظ بمعظم المغنيين مع عملية احلال وابدال محدودة ، ويبدو أن الكسل هو السبب في ذلك ، لأن تغيير الشخصيات يستدعي بذل مجهود اكبر في ان يحافظ البرنامج على ايقاعه ، لكن ، ومن ناحية أخرى فإن تجديد الدماء يعطي البرنامج حيوية ويعطي فرصة اوسع للاطلالة لعدد كبير من الموهوبين .
عموما ً ، البرنامج ناجح وهذا هو الاهم ، وتبقى الملاحظات التي أثرتهاهنا ، مجرد افكار تقبل الأخذ والرد ، وهي – بالضرورة – ليست احكاما ً قاطعة .. مع أحلى امنياتي لاستاذي السر احمد قدور بالصحة والعافية وطول العمر ، وقد أدهشني حقيقة بسودانيته الطاغية رغم انه يعيش في مصر لعقود طويلة .!
| |
|
|
|
|
|
|
| |
abubakr
نعمات حمود
الطيب شيقوق
انس العاقب
قلقو
عمران حسن صالح
omer osman
Nazik Eltayeb
أبوذر بابكر
المعز ادريس
محمد الامين محمد
محمد المرتضى حامد
ودالعباسية
cantona_1
وليد عبد اللطيف
khaleel
خالد عبد الله محمود
فيس بوك
تويتر
انستقرام
يوتيوب
بنتيريست