|
*** النظام العام وعدم الاحترام ***
|
التحية للجميع لا يوجد نظام بدون احترام واي نظام هذا ما نسمع عنه فى بلد ليس لها وجيع؟؟؟؟ نجدد الادانه والا ستنكار لما حدث للمواطن الكريم وانتهاك حرماته فى وطن المليون ميل مربع ووطن ملايين الموجوعين ومغلوب علي امرهم النظام العام اسم لا يدل علي ما سمى به مثلما ما درجت العادة يقول ليك فلان ده طيب اسم علي مسمي وهكذا نسمع بالنظام العام ونرى بام اعيننا الفوضى علي اصولها يعني ناس هيئة الامر بالمعروف فى السعودية ما داسين عمايلهم المهببة تجاه المواطن والمقيم المغلوب على امره اما هنا في بلد يفترض العلم والتعليم وصل بها لمطاف المتقدمين للاسف نرجع للخلف متقهقرين مليون خطوة يوميا بسرعة الصاروخ وكلو من نظامنا القبيح فى ادارة الحكم والسلطة المتعجرفة والعقول الخاوية من الحكمه واليقظه وادارة الامور بعقلانية معقولة علي الاقل قبحكم الله اينما حللتم هؤلاء من سموا انفسهم بالنظام العام انتم ومن عينكم ولاة علي الشعب البسيط قبحكم الله وجعل الفتنه فيما بينكم بقدر ما ولعتوا نيران الفتنة والظلم بين المواطن المغلوب على امره نسأل الله ان يسلط عليكم غضب من عنده يزعزع امنكم ويكسر شوكتكم التي غرزتوها فى قلوب الضعفاء من نساء وعجزة واطفال لا نشكو لاي جهة ولا توجد اى جهة مسؤلة نشكو لها معاناة جيل سابق وحاضر وقادم نشكو وجعنا الى الله وحده هو الكفيل بنا وباهلنا المظاليم حسبي الله ونعم الوكيل حسبي الله ونعم الوكيل حسبي الله ونعم الوكيل
|
|
|
|
|
|
|
|
Re: *** النظام العام وعدم الاحترام *** (Re: طارق الأمين)
|
Quote: وكلو من نظامنا القبيح فى ادارة الحكم والسلطة المتعجرفة والعقول الخاوية من الحكمه واليقظه وادارة الامور بعقلانية معقولة علي الاقل قبحكم الله اينما حللتم هؤلاء من سموا انفسهم بالنظام العام انتم ومن عينكم ولاة علي الشعب البسيط قبحكم الله وجعل الفتنه فيما بينكم بقدر ما ولعتوا نيران الفتنة والظلم بين المواطن المغلوب على امره نسأل الله ان يسلط عليكم غضب من عنده يزعزع امنكم ويكسر شوكتكم التي غرزتوها فى قلوب الضعفاء من نساء وعجزة واطفال لا نشكو لاي جهة ولا توجد اى جهة مسؤلة نشكو لها معاناة جيل سابق وحاضر وقادم نشكو وجعنا الى الله وحده هو الكفيل بنا وباهلنا المظاليم حسبي الله ونعم الوكيل حسبي الله ونعم الوكيل حسبي الله ونعم الوكيل |
تسلمي الحبيبة أسماء و لك خالص مودتي و نردد معاً مارددته النساء في مظاهرة لا لقهر النساء .. فكوا دربنا وجعتوا قلبنا فكوا دربنا وجعتوا قلبنا فكوا دربنا وجعتوا قلبنا
| |
|
|
|
|
|
|
Re: *** النظام العام وعدم الاحترام *** (Re: الفاتح الصادق حامد)
|
Quote: مرحبا سوما
اهلا بالمتظاهرين من اوروبا
وبانتظار متظاهري امريكا
كلميهم مايجونا بالارديه
عشان المظاهره تكون متناسقه مع قوانين البلد
تحياتي واشواقي |
هلا طارق كيفنك ,,, والله يا طارق ناسنا ديل لو جوكم بي ارديتهم ولو جوكم بي اى شيء النظام والاحترام العندهم والحرية والتحضر واحترام البشر العندهم احسن مليون مرة من نظامنا المحجب ومكوزن في الفاضي تسلم يا طارق ومزيدا من التحدي والصمود في وجه الظلم والفوضى
| |
|
|
|
|
|
|
Re: *** النظام العام وعدم الاحترام *** (Re: اسماء الجنيد)
|
Quote: تسلمي الحبيبة أسماء و لك خالص مودتي و نردد معاً مارددته النساء في مظاهرة لا لقهر النساء .. فكوا دربنا وجعتوا قلبنا فكوا دربنا وجعتوا قلبنا فكوا دربنا وجعتوا قلبنا |
الحبيبة اماني العجب تسلمي كتير علي طلتك الدوما لها وقع خاص فى النفس صدقن نساء بلدي وفعلا عبارة معبرة ونردد معهن فكوا دربنا يفك حنكم فكوا دربنا وجعتوا قلبنا يوجع قلبكم مزيداااااااا من الاستنكار والادانة والشجب
| |
|
|
|
|
|
|
Re: *** النظام العام وعدم الاحترام *** (Re: اسماء الجنيد)
|
Quote: سلمت يداك سوما ومعا من اجل رفع قيمة الانسان فى الوطن . |
تسلم انت يا الفاتح اخوي وما نعدمك ان شاء الله كتر الف خيرك علي المرور الجميل ومعا نردد لا للنظام العام لا لعدم الاحترام ,, احترام المواطن البسيط المغلوب على امره
| |
|
|
|
|
|
|
Re: *** النظام العام وعدم الاحترام *** (Re: اسماء الجنيد)
|
Quote: سوما يافنانة .....
يرهو بعيد ونراه قريب |
محمد يا ابو الريش سلامات واشواق ياخ والله انت الفنان وفنك مميز براه طلتك مميزة وبروفايلك مميز بقيت طارق ابو صلعة وجيه بلوحتك الجميلة دي لوول
صدقت يا محمد والله الامل لسة اخضر ونديان ونراه قريباااااااااا باذن الله
| |
|
|
|
|
|
|
Re: *** النظام العام وعدم الاحترام *** (Re: عادل شلبي)
|
Quote: سوما وابو الريش
عاملين بروفايلاتكم ابان صلع دي
جهرتونا ياعالم
جهرتونااااااااااااااااااااااااااااااااااااااااااا
|
طارق كلو فضلة خيرك يابا ,,,
تحت تحت كدة ما تضحك علينا عرفنك مسبسب شعرك من ضحك علي اخيه ربنا بقوم ليه في راسو كوكا
| |
|
|
|
|
|
|
Re: *** النظام العام وعدم الاحترام *** (Re: اسماء الجنيد)
|
Quote: سوما حبابك (ريا) والله ياطارق لابس لي جلابية وسروال طويل دقوني الصرم ديل دق العيش تاني يوم كنت في اول طيارة لوكنت لابس البتقول علية دة كانوا سولي شنوة الصرم ديل ? التحية للجميع |
لا حولالالالالالا يا عادل وين الحي بيك يا حنين والله وحشني الاسم ده يا ود القبائل كررررررررر علي يا عادل انت كنت من ضمن الضحايا ؟؟؟ يدق لحمهم وشحمهم ناس الما نظام ولا بعرفوا الاحترام شكيناهم علي ال لا نام ولا اكل الطعام يا حليلك يا عادل تحياتي ليك وعبرك لكل الاهل خاصة الخال الشاعر الموسوعه محمد مختار عبدون الراجل ده وين ياخ ؟؟ اظهروا وبانوا بالحيل محتاجين لطلتكم السمحة سلااااااااامي واحترامي لكم جميعا
| |
|
|
|
|
|
|
Re: *** النظام العام وعدم الاحترام *** (Re: اسماء الجنيد)
|
قانون النظام العام (ووليده قانون تزكية المجتمع في ولاية القضارف) يجمع بين تجربة الوهابية وتجربة الملالي وكلتا التجربتين اتسمتا بقهر الإنسان في إطار منظومة كاملة للقهر السياسي والاجتماعي، وأسوأ ما يكون هذا القانون عندما يوكل تطبيقه إلى أناس بلا وازع خلقي، فيصبح أداة بشعة للإذلال والإبتزاز. التحية للأستاذة سوما أينما كانت
| |
|
|
|
|
|
|
Re: *** النظام العام وعدم الاحترام *** (Re: عبدالله علقم)
|
Quote: للاسف نرجع للخلف متقهقرين مليون خطوة يوميا بسرعة الصاروخ وكلو من نظامنا القبيح فى ادارة الحكم والسلطة المتعجرفة والعقول الخاوية من الحكمه واليقظه وادارة الامور بعقلانية معقولة |
تلك حقيقة يا أسماء الجنيد ولكن من يدركها وياخوفنا من القادم
| |
|
|
|
|
|
|
Re: *** النظام العام وعدم الاحترام *** (Re: عبداللطيف حسن علي)
|
Quote: قانون النظام العام (ووليده قانون تزكية المجتمع في ولاية القضارف) يجمع بين تجربة الوهابية وتجربة الملالي وكلتا التجربتين اتسمتا بقهر الإنسان في إطار منظومة كاملة للقهر السياسي والاجتماعي ، وأسوأ ما يكون هذا القانون عندما يوكل تطبيقه إلى أناس بلا وازع خلقي، فيصبح أداة بشعة للإذلال والإبتزاز. التحية للأستاذة سوما أينما كانت |
والتحية والتقدير والمعزة لك اينما كنت والدي الاديب الاريب عبد الله علقم .... متعك الله وموفور العافية ورمضان كريم عليك مقدما انت والاسرة الكريمة وربنا يعيدوا عليكم بالصحة والسعادة والخير الوفير
صدقت والله اسوأ مافي قانون النظام العجيب ده انهم ممسكين زمام المواضيع والتطبيق لرعاع يعلم الله كيف طباعهم وباينة من تصرفاتهم الهوجاء وعدم مسؤليتهم واحترامهم للكبير و اضطهادهم وقهرهم النساء
العم الجليل والوالد الغالي لك التحية والتقدير بقدر مكانتك المحترمه فى قلوب كل الناس ربي يخليك لينا سند وضي شكرا قدر طلتك السمحة
| |
|
|
|
|
|
|
Re: *** النظام العام وعدم الاحترام *** (Re: اسماء الجنيد)
|
Quote: تلك حقيقة يا أسماء الجنيد ولكن من يدركها وياخوفنا من القادم |
الاخ العزيز عمر عبد السلام لك التحية والاحترام شكرا للمرور الذي اسعدني جدا وان شاء الله يا عمر يا خوي القادم يكون احسن املنا في يوم باكر اخضر وانضر ربنا يجيب العواقب سليمه ان شاء الله شكرا غزيراااااااا
| |
|
|
|
|
|
|
Re: *** النظام العام وعدم الاحترام *** (Re: اسماء الجنيد)
|
Quote: فليذهب نظام الملالي الي الجحيم
وشرطة الامر بالفسق والنهي عن المعروف |
اللهم آميــــــــــــــــن يا رب العالمين ان شاء الله يسمع منك ومننا جميعا ومن كل المظاليم وينصرنا الله علي القوم الظالمين
شكرا عميقا اخي عبد اللطيف لك التحية والتقدير علي مرورك الجميل
| |
|
|
|
|
|
|
|