|
|
|
 Re: هنا بوست لانتقاد المظاهره والاستفاده من الاخطاء ان وجدت فتفضلو (Re: طارق الأمين)
|
لا والله يا طارق لا ازعاج ولا شي
وتراه الهكر برضو عادي قاعد يجي ويبرمج بينا بدون موضوع مرة شعيرية ومرة كفتة
ويوم يسبنا
كتر خيرك انت اقلاه عندك موضوع وقضية
لكن السؤال انت مالك مستعجل للتقييم كدة...ما يادوب المظاهرة ليها تلاتة ساعت ولسة ناس اميركا ما صحوا
فاديها صنة وكم يوم يمكن الموضوع يلقي رواج اعلامي في الصحف والاعلام الخارجي
لحدي هسة ناو المستفاد من حملتك دي انو بكري بقي ناشط غايتو
| |
 
|
|
|
|
|
|
|
|
Re: هنا بوست لانتقاد المظاهره والاستفاده من الاخطاء ان وجدت فتفضلو (Re: GamarBoBa)
|
قمر بوبا مرحب وبرضه رايك جميل
Quote: لا اتفق معك الاخ عزيز في ذلك...
الغاغة والتكرار الكتير بدي زخم اعلامي...المواضيع الهادفة والمسنودة دي مافي زول بعير ليها اهتمام |
صح كلامك الغاغة بتلفت الأنتباه لكن لفترة مؤقته وترجع حليمة لقديمه ومن غير فايده وأغلب البوستات شغاله نقد كنت أتمني القى بوست يحلل ويشرح ويوضح الخلل لأنو المشكلة الكبيرة في المنفذين ويجيب حلول وخيارات ووجهات نظر ونطلع منه بي فايده ويستمر فترة ويلقى أهتمام من المسؤولين من الشغلانة دي هسع البوستات دي زي الفقاعات بكرة ما حا نلقاها وتمشي الارشيف ويتنسي الموضوع كانه ما في حاجه ولمن تحصل حاجه تانية ينكتوها أويجتروها ونقعد في الموال دا طوالي
| |
|
|
|
|
|
|
|
|
|
Re: هنا بوست لانتقاد المظاهره والاستفاده من الاخطاء ان وجدت فتفضلو (Re: عبدالعزيز حسين عبدالرحيم)
|
ياقمر بوبا سلام
الامر ليس استعجالا للتقيم
لكنه محاوله لتفادي فتح بوستات كتيره من قبل المنتقدين من شأنها عمل اذدحام في الصفحه الاولي
الان بهذا البوست تفادينا كثره البوستات تلك
الاخ عبد الرحيم
سلامات ونأسف لازعاجكم
من المؤكد في حاله وجود تظاهرات تصاب الحياه العاديه والروتينيه بالتعطل
كنا نفرح في المدرسه الاوليه لوجود المظاهرات ولا نعرف اسبابها
لكنا نعرف ان بدايتها تعني ان يصيح فينا الناظر المرحوم عثمان فريني رحمه الله
يلا يا اولاد
بيوووووووووووووووووووووووووووووووووت
التظاهر كسر لليومي السائد كما في كل مكان
اكرر اسفي لك كواحد من متضرري هذه المظاهره
وتقبل تحياتي
| |
|
|
|
|
|
|
|
|
|
|
Re: هنا بوست لانتقاد المظاهره والاستفاده من الاخطاء ان وجدت فتفضلو (Re: بدر الدين اسحاق احمد)
|
يا طارق الأمين
سلام
مع تأكيد رفضي وادانتي لما حدث من اعتداء
لكن معليش في تقديري أنك تريد من خلال (مظاهرتك) هذه الانتصار لذاتك
وأعتقد أن بيت الفنون ليست (مسجد) ولا (كنيسة) حتي يكون بمعزل عن النظام العام وأمن المجتمع
واذا كانت هناك تجاوزات في تنفيذهم للقانون فان المحاكم مفتوحة للتقاضي
أما مظاهرتك دي فلم يكن لها داعي .. وفي الوطن قضايا أكبر وأعظم من اقتحام بيت الفنون
| |
|
|
|
|
|
|
|
|
|
Re: هنا بوست لانتقاد المظاهره والاستفاده من الاخطاء ان وجدت فتفضلو (Re: طارق الأمين)
|
طارق الامين بعرض الاعمال الدارامية في تلفزيون السجم تلفزيون النظام العام وبنتقد النظام العام قمة التناقض
نحسبها ليك حساب حبوبة ما معادلة
التلفزيون يدفع لطارق فلوس
اعمال طارق تعرض بمقابل مادي
المقابل المادي من تلفزيون الدولة
تلفزيون الدولة بمعمل دعاية تجارية مدفوعة القيمة
التلفزيون يورد فلوس للدولة
فلوس الدولة تدعم النظام العام
النظام العام يضرب المساكين
اذأً طارق الامين موجود في المعادلة اعلاة
الذي يحارب الدولة يحاربها بكليتها
ليس جزاً
في السودان خيران لاثالث لهم ياطارق يافنان
اما تاخذ حقك بيدك
واما تعمل ناااااااااااايم
المظاهرة ما مشكلة
بكرة حيجك
1- بتاع النفايات
2- بتاع الضرائب
3- بتاع الزكاة
4- بتاع القيمة المضافة
5- بتاع الفاقد الضريبي
6- بتاع دمغة الجريح
7- بتاع المصنفات الولائية والقومي
8- بتاع النظام العام
9- يتاع السجل التجاري
10- بتاع المحلييييييييييييييييييية
11- وايييييييييييييييييييييييييييييييييييييييييك
| |
|
|
|
|
|
|
|
|
|
Re: هنا بوست لانتقاد المظاهره والاستفاده من الاخطاء ان وجدت فتفضلو (Re: محمد الامين محمد)
|
| Quote: أرى أن يلتزم كل متظاهر بزمن محدد في رفع البوستات (أنا ألتزم من 10ـ12 مساء بتوقيت السودان) إن شاء الله الكهرباء ما تقطع |
اها دي المافي ليها داعي
فقط رفع البوستات بأب و فوق و غيرها من ادوات الرفع بدون اضافة حقيقية للبوست و الموضوع المطروح فيه دا غلط
وحيفقد المظاهرة معناها , حتبقى زيها و زي حركات هباني لما مزاجو يكون عالي او ذو اليد قبل الأرشفة
______________________________
الفكرة عموما جميلة ومبتكرة
الحاجة الكويسة في القضية دي تحديدا انها عامة و الكل - تقريبا - مجمع عليها ومشارك فيها من دون ما تعودنا عليه من احتكار تيار معين او معسكر للموضوع
و القصة تبقى هلال مريخ بين التيارين
فكرة تصميم لوقو او بوستر به شعار مهمة وممكن يتم وضعو في البروفايلات او تثبيته في المداخلات بواسطة بكري و رفعه اعلى البورد
او جعله في خلفية المداخلات
ممكن برضو الاتفاق على لون معين الناس المشاركين في المظاهرة يكتبو بيه او ممكن تتغير بيه خلفية البورد لليوم دا فقط
الحاجة المهمة الموضوع دا يطلع برة سودانيز اونلاين ودا دور الإعلاميين و ناس الصحافة
حاجتين سلبيات :
توقع طارق حدوث تخريب و استبق الموضوع ببوست شال بيه وش القباحة ساي
التانية بكري راح رافع اي بوست فيه قولة نظـ ... ساي , لدرجة رفع بوست لأساسي بتهكم على غلب الهلال من مازمبي الكلام دا السنة الفاتت
دخّليك الأسد صم وير من الوزة 
| |
|
|
|
|
|
|
|
| |
GamarBoBa
خضر حسين خليل
محمد أبوالعزائم أبوالريش
محمد الامين محمد
بدر الدين اسحاق احمد
عبود عبد الرحيم
محمد البشرى الخضر
فيس بوك
تويتر
انستقرام
يوتيوب
بنتيريست