التحية والاجلال لمناضلي الكيبورد

Quote: طه جعفر راس السوط لحقك ولا شنو؟ وعليه تهت عن مقصدك وكتبت كلام قاطعه من رأسك لا يمت لما كتبت انا بشئ. أن تكون شيوعياً حتى اليوم حاجة غريبة. الشيوعية أسيادها الجابوها خلوها.. إنتو لسع بترضعوا في شطر ميت. لمن كانت بتهز وترز ما جابت دخل هسع بعد ما بقت فطيسة إنتو لسع ماسكين فيها؟ كنا نحسبكم فاهمين. 1- لست بكوز أنصاري حتى النخاع. حزب أمه مع وقف التنفيذ لآن العمر لم يبقى فيه شئ. لكن الإتهام بالكوزنة ما عادش يجيب همه. لأن الكيزان اليوم طالعين في الكفر وكثيرين بحاولوا يتلصقوا فيهم عشان يكسبوا في الزمن الضائع. ولديك أكثر من شيوعي كان في قمة جهاز الحزب الشيوعي السوداني اليوم يعد نفسه من كبار الكيزان.. نبدأ بأحمد سليمان المرحوم ولا ننتهي ب .... القائمة طويلة. 2- لم أطلب من عاقل أو غيره أن يفعل لي شيئاً لكن من حقي أن أطلب ما أريد. لكن أن يؤيدني الناس أو يعارضون ما اريد فهذا حقهم لوحدهم. أنا ديمقراطي مش شيوعي ديكتاتوري زي حضرتك. 3- موضوع البوست: التحية والإجلال لمناضلي الكيبورد. ومن الكلمات التي لا تغبانا منذ عشرات السنين عرفنا أنه اسلوب الشيوعية أمثالك. يقول المثل: (الغلبها راجل جات تأدب حماها) وهذه هي حالكم بعد أن قطع النميري دابركم وشتتكم أيدي سبأ. كمان قول لي إتحاد إشتراكي. لو إنت شيوعي أعترف وخلينا نتبارى ونشوف الغلبة لمين؟ وكان ماك شيوعي أسكت على خشمك. وما تتلقى حجة ما حجتك. (العوج راي والعديل راي)