|
إستنساخ أول رجل سودانى !!
|
تعبت يا جماعة والله ! خلاص ما قادر أبقى واحد بس !! لازم أكون إتنين تانى معاى أقل حاجة .. وكمان لو بقيت تلاتة ما بطال !!
|
|
|
|
|
|
|
|
Re: إستنساخ أول رجل سودانى !! (Re: صلاح أبودية)
|
واحد حقكم إنتو يكتب ليكم هنا فى البورد .. ويمشى إجتماعات بورداب الخرطوم البقت كتيرة ومسيخة دى ! وواحد تانى يشتغل زى الحمار .. ويرجع البيت ينوم زى الخروف .. ما عندو شغله غير الشغل وبس !! وآخر الشهر يسلمنى باقى المرتب بعد جمركة البوليس ! وواحد تالت فائق وما عندو شغله .. يمشى عرس ناس فلان ويشيل الفاتحة مع ناس فرتكان .. ويجامل ناس فلان .. ويسافر البلد قبل رمضان يجيب لينا البلح حقنا !! وواحد متفرغ تماماً للأولاد والمدرسة .. يوديهم ويجيبم ويراجع ليهم الدروس ويسمّع ليهم السور ويحفظها معاهم .. لأنى ما لاقى فرصة أحفظ سورة الناس زاتها !! ويجلّد ليهم الكراسات ياخ التجليد ده بااااايخ بشكل !! وأهم حاجة يوديهم الدكتور ويجيبم ويحفظ مواعيد الأدوية.. ويديها ليهم فى مواعيدا .. ووقت التطعيم ويطعّم معاهم ! ومع هذه المهام لازم يكونوا موهوبين وأصحاب حرف .. يعنى يكونوا بفهموا فى السباكة والكهرباء المنزلية.. والسباكة وصيانة السيارات والحدادة ..!! وكمان لو بقى واحد فيهم هلالابى يكون ريحنى من المريخ والبطيخ !!
| |
|
|
|
|
|
|
Re: إستنساخ أول رجل سودانى !! (Re: Asim Fageary)
|
الأخ عاصم فقيرى لك التحية والإحترام
Quote: أهم حاجة ما ذكرتها وهي لو إستنسخت إثنين تانيين غيرك حتعرس ليهم زوجات ولا حيشاركوك كمان؟
بالمناسبة دي أهم نقطة المفروض تجد ليها حل مسبقاً |
كورتك خشنة ياخ .. قدر ما الواحد حاول فى البورد ده يتجنب السياسة والجنس ماقدر !! لكن ولا تزعل يا سيدى .. جاوب لى إنت أول .. منو القال ليك أنا معرس واحدة بس ؟؟؟
| |
|
|
|
|
|
|
Re: إستنساخ أول رجل سودانى !! (Re: صلاح أبودية)
|
و الله آنا بشون آحسن تستنسخ جوبا تانية لاننا فى حوجة ليها و بالذات ناسك ناس الجبهة ديل
و رئيسهم المطارد آبو عرجة . تعرف ليه لانهم وجه السودان القبيح هم و ذيولهم اللذين يكتبون مواضيع
هايفة تدل على جهل آصحابها البلهاء المندسين . تعرف هؤلاء المندسين هم سبب المصائب فى السودان
لانهم جبنا و منافقين .
| |
|
|
|
|
|
|
Re: إستنساخ أول رجل سودانى !! (Re: صديق مهدى على)
|
Quote: و الله آنا بشون آحسن تستنسخ جوبا تانية لاننا فى حوجة ليها و بالذات ناسك ناس الجبهة ديل
و رئيسهم المطارد آبو عرجة . تعرف ليه لانهم وجه السودان القبيح هم و ذيولهم اللذين يكتبون مواضيع
هايفة تدل على جهل آصحابها البلهاء المندسين . تعرف هؤلاء المندسين هم سبب المصائب فى السودان
لانهم جبنا و منافقين . |
الاخ صلاح سلام تاني غايتو البجيبها حوش بكري بنتحملا نحن هسه انت جاتك في صمة خشمك ياخوي ارضى بالباقية وانسا الكوبي كلو كلو شوف جنس المحن الجاتك دي لا ايد لا كراع لوووووووووووووووول شر البلية ما يضحك
| |
|
|
|
|
|
|
Re: إستنساخ أول رجل سودانى !! (Re: اسماء الجنيد)
|
استنساخك ده والله وقع لى فى جرح انا كمان نفسى فى فتحيه شامى تانيه تنوم لى من المغرب وما تضحك فى وش مازن لما يعمل حركات ويحى يضحكنى واقوم انسى الحنبكه واتفقع من الضحك ونفسى فى واحده تانيه تقدر تقول للكذاب انت كذاب ا وواحده تشوف نوع البوستات البتفقع المراره ومرارتها ما تتفقع افول ليك كلام ديل كووولهم مابكفونى تحياتى ابوديه وشكرا على اللحظات الجمبله التى عشناها مع البوست الخفيف
ا
| |
|
|
|
|
|
|
Re: إستنساخ أول رجل سودانى !! (Re: فتحية شامي)
|
تحياتي يا جنابو
أنا أؤيد أسباب تفكيرك في الإستنساخ ( و لو نجحتْ الفكرة أدينا ماسنجر )
بس هناك سؤال يلح إلحاحاً : ياتو واحد في التلاتة حيكون منتمي لصلاح أبو دية المنضبط عسكريا ؟؟؟ لو ما عندك إجابة ، خليهم أربعة
دمتم
| |
|
|
|
|
|
|
Re: إستنساخ أول رجل سودانى !! (Re: ابو جهينة)
|
ابوجهينة كيف حالك ..
Quote: ( و لو نجحتْ الفكرة أدينا ماسنجر )
|
شكلك كده مزنوق زنقة شديدة ّ!!Quote: ياتو واحد في التلاتة حيكون منتمي لصلاح أبو دية المنضبط عسكريا ؟؟؟
|
منضبط مين ياعم هو أجمل حاجة فى العسكرية عدم الإنضباط واللخبتة البروبر !!
| |
|
|
|
|
|
|
Re: إستنساخ أول رجل سودانى !! (Re: فتحية شامي)
|
فتحية شامى لك التحية والإحترام
Quote: افول ليك كلام ديل كووولهم مابكفونى تحياتى ابوديه وشكرا على اللحظات الجمبله التى عشناها مع البوست الخفيف |
شكرا على مرورك الجميل والتحية الخاصة للمجتهد مزونى !
| |
|
|
|
|
|
|
Re: إستنساخ أول رجل سودانى !! (Re: اسماء الجنيد)
|
أسماء الجنيد كيف حالك !Quote: غايتو البجيبها حوش بكري بنتحملا نحن هسه انت جاتك في صمة خشمك ياخوي ارضى بالباقية وانسا الكوبي كلو كلو شوف جنس المحن الجاتك دي لا ايد لا كراع لوووووووووووووووول شر البلية ما يضحك |
الله يسامحو بكرى .. والله أنا ما عارف بجيب الناس ديل من وين؟؟
| |
|
|
|
|
|
|
Re: إستنساخ أول رجل سودانى !! (Re: صلاح أبودية)
|
وواحد متفرغ تماماً للأولاد والمدرسة .. يوديهم ويجيبم ويراجع ليهم الدروس ويسمّع ليهم السور ويحفظها معاهم ..
والله محتاج لي لواحد زي دا ياجنابو لونجحت في الاستنساخ ما تنسانا لم التحية
| |
|
|
|
|
|
|
Re: إستنساخ أول رجل سودانى !! (Re: MOHAMMED ELSHEIKH)
|
Quote: وكمان لو بقى واحد فيهم هلالابى يكون ريحنى من المريخ والبطيخ !! |
يا سعادتك خليك واضح القصة ما زحمة برنامج ... ما ياهو أنت ليك زمن طويل في البرنامج دا ومنسق وقتك عال العال
القصة كلها في السطر الأخير وحال الوصيف اليومين ديل.. ربنا يكون في عونكم..
بوست إنصرافي..................... لصرف الأنظار عن وضع الوصيف المائل
ودي لك و لكل نسخك
| |
|
|
|
|
|
|
Re: إستنساخ أول رجل سودانى !! (Re: عبدالمجيد المقابل)
|
بادكتور عبدالمجيد كيف حالك واحوالك
Quote: القصة كلها في السطر الأخير وحال الوصيف اليومين ديل.. ربنا يكون في عونكم.. |
عليك الله مش كلامى صاح ؟؟ يعنى الواحد لو ماكان مريخابى ... مش كنت حا أكون هلالابى ؟؟ بعدين تعال .. هسى إنت لو لقيت ليك مجيد فى الأبيض ... ما بريّحك ؟؟
| |
|
|
|
|
|
|
Re: إستنساخ أول رجل سودانى !! (Re: صلاح أبودية)
|
والله يا سعادتك فكرة الإستنساخ دي فكرة خطيرة خلاس ..
بالله دي فكرت فيها كيف ...
وباقي ليك كده لو إستنسخت 100 ممكن يكفوك في السودان ده ؟؟
والله ذكرتني نكات المساطيل ...
الله يعينك بس ...
| |
|
|
|
|
|
|
Re: إستنساخ أول رجل سودانى !! (Re: قلقو)
|
Quote: هسى إنت لو لقيت ليك مجيد فى الأبيض ... ما بريّحك ؟؟ |
أنا ما كنت فاكر أنو إنتا ممكن تكون في بلد ونسختك في بلد !!!!!!!!!
كان كدا جهز لينا معاك مجيدين في الأبيض وكمان أبوبكرين
| |
|
|
|
|
|
|
Re: إستنساخ أول رجل سودانى !! (Re: صلاح شكوكو)
|
شكوكو كيف حالك وأحوالك Quote: أبو صلاح .. دي من بيت الكلاوي .. الله يجازي محنك يا ابو صلاح !! هسع دي حلوها كيف ..؟؟
|
حلها فى الإستنساخ وليس سواه !! تحياتى لك وللأسرة وتحية خاصة لعماد
| |
|
|
|
|
|
|
Re: إستنساخ أول رجل سودانى !! (Re: صلاح أبودية)
|
الجماعه الحسبتهم ديل اربع الشئ انت عندك عنقريب وببتاع الصوم الابيتو ده ببقوا خمسه يا خوى خت الرحمن فى قلبك الناس دى كلها موكحه الله يعينك ويعينا اجعين رمضان كريم وتصوموا وتفطروا على خير.
| |
|
|
|
|
|
|
|