|
الرسول آآآنجيمات جاوبني
|
الرسول آآآنجيمات جاوبني.. النبي فيكن شايفات تميراتنا الهناك.. الرسول فيكن التمُر سوا ام راس ولا لليلي يوقع وبقى هرود آآآنجيمات قولنلي الدفيق دبغ عراريق ولاد اهلي وهن مندلينا في حيضان البرسيم قولنلي ان بقى الناس يحشو في الصفوري جاوبني آآنجيمات: عمي الطيب لليلي يقرع في حيضان البرسيم والفردوس بت اريح آآآنجيمات ليلي خاتي طاقية القش في راسها وتحش في البرسيم للنعاج آآنجيمات رابح لليلي عربيتو تزوزي من مروي لي كريمي الرسول سلمن عليهو وقولنلو انا بالشوق كتل ضُمة ضُمة آآنجيمات زينب بت يوسف كفنها.. نصيحي.. نعل ما صايدها شي القمريي المعششيي في ديوان ود موسى لليلي تزغد في زغاليلا آآآنجيمات شايفات عناقريبنا الملايات يهبهبن فوقن قولنلي التُكل لليلي مولع نوره وفيهو زولا ياكلو في تُُرمي يا نجيمات في زولا تاني قننلو لبيني في حلة بت ابو دية الرسول أأنجيمات المعراكة ألتها فيها باقي كسري ولا فطير النبي فيكن ان ما شفتن المعلاق ان بقى فيهو باقي روب شي وحات ربكن قولنلي أبوي كيفنو لليلي يجيب بنبرو ويخت ساعتو في حرف الحوض ويتوضأ فشان يمشي لي صلاتو آآآنجيمات قولنلو لا تنساني من عفوك ورضاك خسمتكن بالنبي ان ما دعيتن ربكن يشيل شلل يدو اليمين فشان اقالدو آآآنجيمات ابراهيم اخوي كيفنهو.. انا في دربو غلبني الشوق ضُمة آآآنجيمات شوفنلي حل.. ماني داير اموت هني بي شوقي..
|
|
|
|
|
|
|
|
Re: الرسول آآآنجيمات جاوبني (Re: نادر النور آدم)
|
ليه التعذيب دا ؟؟؟ عذبتنا وعذبت النجيمات معاك يقولن ليك شنو يعني ؟؟ ما ليقت غير الصغيرونات الكاسيهن الخجل سربال ديل عشان تسأل أسئلتك المؤلمة ؟ الحروف مثل وخزات الخنجر ولن تجد غير الدمع جواب
| |
|
|
|
|
|
|
Re: الرسول آآآنجيمات جاوبني (Re: Fadl Karrar)
|
Quote: التعذيب دا ؟؟؟ عذبتنا وعذبت النجيمات معاك يقولن ليك شنو يعني ؟؟ ما ليقت غير الصغيرونات الكاسيهن الخجل سربال ديل عشان تسأل أسئلتك المؤلمة ؟ الحروف مثل وخزات الخنجر ولن تجد غير الدمع جواب
|
نان يا ود كرار انا في بلدا طيرها عجم فشان تلقالك زولا تناضمو تدفع دم قلب ما لقيت غير النجيمات يا الحبيب مانا عارفن ألت الله ترانا نزرع
| |
|
|
|
|
|
|
Re: الرسول آآآنجيمات جاوبني (Re: ليلي عثمان عبيد)
|
Quote: ود اهلي والله قطعت قلبي سمعت النصري يغني لا تكتر غيابك تاني شان ما يبقي عااااااااااااااااادي مسكتني غمة والله تحياتي
|
معليش يا بت اهلي سامحيني بس والله الشوق غلبني اشتهيت اسمعلي صوت قمريات في كروق تمرة
| |
|
|
|
|
|
|
|