سعـــــادتو !!!!!!

مرحبا Guest
اخر زيارك لك: 05-16-2024, 00:29 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثالث للعام 2010م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
07-26-2010, 08:03 AM

عبدالحفيظ حسن
<aعبدالحفيظ حسن
تاريخ التسجيل: 05-05-2009
مجموع المشاركات: 1436

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سعـــــادتو !!!!!! (Re: عبدالحفيظ حسن)

    .





    - ما فيش غلط كيف يا جماعه؟…سبحان من لا يخطئ..
    - عشان جرستكم دى نحنا جبنا الشاشه الكبيره ديك…ممكن نعرض ليك فيها حياتك مما ابوك اتزوج امك ..ولحدت ما مت ..كل ثانيه فى حياتك مسجله عندنا.
    - (مخاطباً نفسه فى خوف) : لاحولتن ولا قوتن الا بالله ..دى هسع الزول يطلع منها كيف ؟؟
    - (فى صوت آمر) : عاوز تعرف هسع حسناتك فى الاول والا سيئاتك؟؟
    - لا.. ادونى حسناتى اول.. أنا عاوز حسناتى .
    - (ملك الحسنات يفتح النوته الصغيره ينظر فيها ثم يخاطبه) : والله إنتو حيرتونا ذاتنا ؟
    - (فى خوف وتوجس) : حيرناكم فى شنو كمان يا جماعة ؟؟
    - تعرف إنت أول زول يجينا هنا عندو حسنه مكتوبه لكن فى شكل سيئة .
    - (متسائلاً فى شوية لماضة) : ودى كيف افهمها ؟ بس دى تكون كيف حسنه فى شكل سيئة دى ؟؟
    - عاوز تفهمها ؟ طيب نشغل ليك الشريط تشوفها بى عينيك .
    إنطفأت أنوار المكان .. عم الظلام .. الشاشة تضئ … الدنيا صبيحة احد الايام ..سعادتو جالس فى مكتبه …على جهاز الانتركوم تخاطبه السكرتيره:-
    - فى واحد قريبك اسمو التجانى قال عاوز يقابلك .
    - خليهو يدخل.
    بعد السلام والتحيه خاطب التجانى سعادتو قائلا :
    - تعرف ياسعادتو والله انا جاييك وواقع ليك فوق كرعينك ومزنوق زنقه شديده وذى ما انت عارف الاولاد والجامعات والمدارس والمصاريف وايجار البيت وشنو وشنو. … وقبل أن ينتهى التجانى من عرضحاله وعلى جهاز الانتركوم كانت السكرتيره تخاطب سعادتو:
    - يا سعادتو الناس المقدمين لعطاءالنفايات قالوا عاوزين يقابلوك .
    - خليهم يدخلو.
    - السلام عليكم .
    - وعليكم السلام ورحمة الله تعالى وبركاته .
    - اها يا سعادتو العطاء وقع لمنو؟
    لدهشة التجانى فقد قام سعادتو وفى حزم وجدية وعلى طول مشيراً إليه وهو يقول لهم:
    - العطاء وقع للزول دا ..اطلعوا بره اتفاهموا معاهو وادوهو الفيها النصيب عشان يتنازل ليكم .
    يخرج التجانى وللجماعه ثم يعودون بعد دقائق والتجانى يحمل فى يده كيس به مبالغ نقدية وأحد الجماعة يخاطب سعادتو :
    - ها اديناهو خمسين مليون واتنازل … نجى نمضى العقد متين؟؟
    - أمشوا خلاص بكرة الشئون القانونية بتلقوهو جاهز.
    وبعد ان خرجوا الجماعه وضع التجانى القروش على مكتب سعادتو … قام سعاتو بسحب القروش لدرج مكتبه المفتوح وقام باعطاء التجانى مليونين قائلا :-
    - دى مش بتحل ليك المشكله بتاعتك ؟؟
    - كيف ما تحلها بتحل ابوها ..شكرا.. شكرا سعادتك … جزاك الله كل خير…….
    قام ملك الحسنات بايقاف الشريط وهو يخاطب سعاتوقائلا:-
    - ده انت والا ما انت …
    - (فى صوت خائف مرتعش) : الله لا كسبكم دى صورتوها كيف….
    ثم واصل ملك الحسنات حديثه لسعادتو : هسه دي حسبناها ليك حسنة .. مع انها جاية من سيئة ..
    - طيب كان كده أنا ذى دى ما عندى كتير .. ذى الحسنات الجاية من سيئات دى .. كلها حسبتوها ليا؟ هسع كان حسبتوها ليا كان كان حسناتى بتكون شوية كده ..(ثم فى هيجان وجدية) : انا اعترض .. انا عاوز اقدم استجواب ..
    - استجواب ده هناك فى البرلمان هنا تسمع وتتحاسب وتشوف وبس .
    - (سعادتو فى إستسلام) : طيب خلاص يا جماعه ورونى باقى حسنانى .
    - نقولا ليك ولا نوريك ليها على الشاشه ؟
    - لا..لاخلاص ما عاوزين شاشه … ما عاوزين شاشه انا اعصابى بايظه وما قادر اشوف .
    - ( ملك الحسنات مواصلا) : ً طيب من حسناتك انك ما كنت بترد على الناس القاعدين يتهموك فى الجرايد بانك حرامى ومرتشى وفاسد….








    .
                  

العنوان الكاتب Date
سعـــــادتو !!!!!! عبدالحفيظ حسن07-26-10, 08:01 AM
  Re: سعـــــادتو !!!!!! عبدالحفيظ حسن07-26-10, 08:03 AM
    Re: سعـــــادتو !!!!!! عبدالحفيظ حسن07-26-10, 08:05 AM
      Re: سعـــــادتو !!!!!! عبدالحفيظ حسن07-26-10, 08:06 AM
        Re: سعـــــادتو !!!!!! عبدالحفيظ حسن07-26-10, 08:08 AM
          Re: سعـــــادتو !!!!!! د.يوسف محمد طاهر07-26-10, 08:45 AM
            Re: سعـــــادتو !!!!!! عبدالحفيظ حسن07-26-10, 08:52 AM
              Re: سعـــــادتو !!!!!! الطيب رحمه قريمان07-27-10, 05:40 AM
                Re: سعـــــادتو !!!!!! عبدالحفيظ حسن07-27-10, 06:44 AM
                  Re: سعـــــادتو !!!!!! محمد عبد الماجد الصايم07-27-10, 07:39 AM
                    Re: سعـــــادتو !!!!!! عبدالحفيظ حسن07-27-10, 08:50 AM
                      Re: سعـــــادتو !!!!!! الفاتح ميرغني07-27-10, 11:03 AM
                      Re: سعـــــادتو !!!!!! Nasruddin Al Basheer07-27-10, 11:42 AM
                        Re: سعـــــادتو !!!!!! عبدالحفيظ حسن07-27-10, 01:26 PM
                          Re: سعـــــادتو !!!!!! عبدالحفيظ حسن07-27-10, 01:33 PM
                            Re: سعـــــادتو !!!!!! ذواليد سليمان مصطفى07-31-10, 09:51 AM
                              Re: سعـــــادتو !!!!!! عبدالحفيظ حسن07-31-10, 02:23 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de