|
مرحب بالعضو الجديد ياسر طيفور
|
حللت اهلا و نزلت سهلا نتمني جميعا ان يطيب لك المقام و تكون إضافة حقيقية للمنبر العام ادخل بي اي رجل تعجبك , اليمين .. الشمال (علي كيفك) المنبر ده منطقة محررة
|
|
|
|
|
|
|
|
Re: مرحب بالعضو الجديد ياسر طيفور (Re: سفيان بشير نابرى)
|
الصديق الدليل سفيان بشير تحياتي يارجل
البرلوم في زمه الواعي والعنوان الظاهري بس انت عارف الدعاني اعلق حيرتني قصة المنطقه المحررة البتهتف للبشير وتبشر بالانفصال ولا تكون معترض علي اضافه الاستاذيه لـ خدر (راي برضو )
| |
|
|
|
|
|
|
Re: مرحب بالعضو الجديد ياسر طيفور (Re: أحمد الصديق)
|
احمد الصديق اثبت لينا الالف و اللام ديل جايبهم في اسمك من وين
و يكون في علمك : لا تقبل شهادة ميلاد او صورة جنسية او صورة جواز جيب لينا اي بي ادرس و لا PRTSC
او وضح للناس الهنا ما هي علاقتك بمحمد اي سليمان
| |
|
|
|
|
|
|
Re: مرحب بالعضو الجديد ياسر طيفور (Re: أحمد الصديق)
|
أحمد صديق يا اخي مالك ما تلخبط الكيمان شن جاب لجاب؟؟؟؟
عمر عثمان اريته كوز الهنا راجل ضكران وملو هدومه جاء نهار هنا واعلن انه انتقل من اتحادي لمؤتمر وطني وظل حايز على احترام الغالبيه.
وياسر طيفور مك ماهو ساهل وان اختلفنا كثيرا مقاتل صلب ويقود عبر جالية تورنتو اقوى حبهة صمود ضد اختراق السفارات.
وانت ذاتك رغم كوزنتك زول حقاني يوم دخلت بوست احمد موسى بتاع حرم شداد لقيت الوحيد الماسك في كلامك مش ناس احمد موسى الكانوا مختلفين معاك ومصرين انه في كارثه اخلاقيه وتبرأوا من كلامهم عشان يركبوا الموجه!!
شن جابكم لخدر القاعد في وشانطون ويبرر بلا خجله لسدن واشنكون الجديد وآكلي الانجيره وضاربي الوسكي!!من اموال شعبنا مع سفاح معسكر كلما!!
وزي ما قال ود القاضي البوست الما عنده موضع غير الرغبه في التحرر من الضغط بتاع ناس كستاوي ودينق وعادل على صالح وعبد الله عبد الله بهناك!!
| |
|
|
|
|
|
|
Re: مرحب بالعضو الجديد ياسر طيفور (Re: Tragie Mustafa)
|
Quote: وانت ذاتك رغم كوزنتك زول حقاني يوم دخلت بوست احمد موسى بتاع حرم شداد لقيت الوحيد الماسك في كلامك مش ناس احمد موسى الكانوا مختلفين معاك ومصرين انه في كارثه اخلاقيه وتبرأوا من كلامهم عشان يركبوا الموجه!!
|
الليلة كُـر عليكي يا تراجي بت مصطفى حدنا المحكمة !!! أثبتي إني كوز وألا إعتذارك ما بفيـدك.
| |
|
|
|
|
|
|
Re: مرحب بالعضو الجديد ياسر طيفور (Re: أسامة عبد الجليل)
|
Quote: البوست الما عنده موضع غير الرغبه في التحرر من الضغط بتاع ناس كستاوي ودينق وعادل على صالح وعبد الله عبد الله بهناك!! |
صاح يا تراجي , يلا خلاص إتخارجي معلومتك العاوزة توصليها وصلت
______ البوست ده نضيف ياخ أتخارجي عليك الله و ادينا عجاج حوافرك خلينا نتونس بدون إحتقانات
| |
|
|
|
|
|
|
Re: مرحب بالعضو الجديد ياسر طيفور (Re: خدر)
|
يا شباب شنو ياخ ؟ انا ما اخوكم , ما نتونس ساي يعني !! إلا نغني ؟ عندي ليكم اقتراح ايه رأيكم نخلي المُحتفي به يتحفنا بي واحدة من اغنياتو ياسر ده جد جد بغني لكنو ضنين
____ احمد صديق , امسحها لي في وشي ياخ
| |
|
|
|
|
|
|
Re: مرحب بالعضو الجديد ياسر طيفور (Re: فايزودالقاضي)
|
كلنا ياسر ! اولاد ذى الورد ... ياسر تكسير ياخ ادونا فندكم ندق ونديكم .. فالتفة لها ما بعدها اذنــــــــــــــ Quote: مرحب بالعضو الجديد ياسر طيفور |
واذا ظهرالعضو ياسر الجديد تداعى له باقى الاعضاء بالسهر والحمى ... اريتم بالسهر والحمى الما تفكهم حمة وااااوه
ــــــــــــــــ ياخ دا العضو كدا ولا بلاش ياسيدى الحسن ويا ست مريم يا اولاد طيفور ..
| |
|
|
|
|
|
|
Re: مرحب بالعضو الجديد ياسر طيفور (Re: وليد محمد المبارك)
|
Quote: شن جابكم لخدر القاعد في وشانطون ويبرر بلا خجله لسدن واشنكون الجديد وآكلي الانجيره وضاربي الوسكي!!من اموال شعبنا مع سفاح معسكر كلما!!
|
انا عايز اتنوس فى الموضوع ده هنا عندك مانع ؟ .... ياسر ولدى , وين الغيبة ؟ . واشنطن .. واشنطون .. واشانطون .. واشانطن .. واشنكون . والسلام على من اتبع الهدى .
| |
|
|
|
|
|
|
Re: مرحب بالعضو الجديد ياسر طيفور (Re: وليد محمد المبارك)
|
يا جماعة ممكن نشارك في الترحيب بياسر طيفور ؟ خصوصا بعد إثبات أنني ياهو أنا
ياسر طيفور عليك التعريف بنفسك جيداً - قبل دخول هذا المنبر - عليك بسرد جميع ال اي بي التي تستخدمها للدخول للانترنت static or dynamic وتوضوح علاقتك بجميع الايميالات وحسابات الفيسبوك خاصتك وجميع مراحل دراستك و اصحابك و جيرانك و زملاء الجامعة و العمل الخ وعليك بتحديث سيرتك الذاتية جيدا و وضعها في مكان بارز مقروء و واضح و Accessible لأعضاء و قراء هذا المنبر ، و ان لا تغفل اي معلومة حديثة او قديمة فيها و الا اصبحت عرضة للتشكيك و المسائلة عن شخصيتك و هويتك ، و سيقوم مجموعة من أعضاء المنبر بزيارات دورية لكل من محل إقامتك و عملك للتأكد من المعلومات الموضحة بسيرتك الذاتية و كذلك مطابقة مداخلاتك و كتاباتك هنا مع دخيلة نفسك و غور شخصيتك
____________________________________ الفنان (خدر) تحياتي و شكرا لرسالتك تلك و لكن ... سبق السيف العذل
| |
|
|
|
|
|
|
Re: مرحب بالعضو الجديد ياسر طيفور (Re: shaheen shaheen)
|
اها نتونس ؟ . * ود طيفور والله ما كنتا قايلك بالوجاهة دى ! طيب انتا من صورتك ما زول ود ناس , مالك ومال ناس طارق ابو عبيدة فى الشربكة الاخلاقية الحاصلة اليومين ديل ؟ .......... الشيوعى عندما يسقط , يسقط عمودياً نحو القاع .. والاتحادى عندما يسقط , يسقط افقياً .
| |
|
|
|
|
|
|
Re: مرحب بالعضو الجديد ياسر طيفور (Re: دينا خالد)
|
Quote: واذا ظهرالعضو ياسر الجديد تداعى له باقى الاعضاء بالسهر والحمى ... اريتم بالسهر والحمى الما تفكهم حمة وااااوه |
هههههههه دينا و"كالعادة" عسل بث والله !!
يا أب تفه بالله بطل القمصان البنوتية البتعمل فيها دي والنضارات الحنكوشية وعد لنا أبتفه "المجغمس" كما كنت !
يا سيدنا فنان سودانيزأونلاين لا مرحبآ بياسر ذو النيولووك
__ كلكم عسل والله!
| |
|
|
|
|
|
|
Re: مرحب بالعضو الجديد ياسر طيفور (Re: Abd Alla Elhabib)
|
Quote: أب تفـة بي عدسات عسـلية لاصـقة ? |
عزيزنا عبدالله، سلامات، ياخ الصور دي كانت تعاني من ال Red eye effect في النسخة الأصل التي التقطتها كاميرتي وحاولت أزيل ( الحَمَار) وفشلت فظهرت كما لو أنه يستعمل عدسة لاصقة أو فاصوليا قديمه. الإفاده دي من باب ( ولا تكتموا الشهادة ومن يكتمها فإنه آثم قلبه ). تسلم يا أمير.
-
الحساب بعدين يا ياسر ، ما قدام الناس.
| |
|
|
|
|
|
|
Re: مرحب بالعضو الجديد ياسر طيفور (Re: محمد المرتضى حامد)
|
Quote: عزيزنا عبدالله، سلامات، ياخ الصور دي كانت تعاني من ال Red eye effect في النسخة الأصل التي التقطتها كاميرتي وحاولت أزيل ( الحَمَار) وفشلت فظهرت كما لو أنه يستعمل عدسة لاصقة أو فاصوليا قديمه. الإفاده دي من باب ( ولا تكتموا الشهادة ومن يكتمها فإنه آثم قلبه ). تسلم يا أمير.
|
الأستاذ محمد المرتضى
الرجاء التوسع في موضوع (الفاصوليا وأثرها في تعسيل العيون)، وهل كانت مستعملة في أيام (الشعر الحقائبي)، وهل تمت خديعة بعض من شعراءنا الكبار بهذه (الطريقة التجميلية) قبل ظهور العدسات اللاصقة. وحبذا لو تكلمت بالتفصيل عن نوع الفاصوليا المستعملة في هكذا عمليات. وبالتحديد ماذا تقصد بقديمةهذه. وهل يمكن إعتبار عملية التعسيل العيوني الفاصولية عملية صديقة للبيئة أو بمعنى أصح (Organic). ويمكن أيضاً أن تعرج لنا وتحدثنا عن كيفية التفريق بين الصور الفيسبوكية والتى عيونها (أي الصور) معالجة بالفاصوليا أو بتأثير (الريد آي إيفيكت) والعسلية بصورة طبيعية.
| |
|
|
|
|
|
|
Re: مرحب بالعضو الجديد ياسر طيفور (Re: محمد البشرى الخضر)
|
Quote: قصة العدسات اللاصقة مع البلوزة دي كان بنفعننا ذات يوم أسود |
يوم أسود من النحنا فيه ده ؟ يا البشري ياخي ياسر ده عندو كل مقومات عارضي الأزياء و موهبتو لا تخطئها عينا خبير : ما عارف الجماعه ما إتصلو بيه ليه ؟!!
| |
|
|
|
|
|
|
|