|
المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص!
|
يا أخوانا واحد يجي يفهمني ليها بالعقل كده , المنبر ده لو الزول قال السلام عليكم ساكت يجوك النطيحة والمتردية ويقولو ليك يا كوز با قرمبوز يا أمنجي وبقية الفرمالة المعروفة , وهاك يا أناشيد وطنية وماعارف "ماشين في السكة نمد" وناس شابكننا ليك "نتش عين الضلام بالضوء" وما أدراك!!
طيب يا خوانا المناضلين: أبوذر ده كوز وفي الكيزان كوز ليهو فِقْره يعني بالعربي كده الترااااااااااااااابي هو شيخو ومثله الأعلي "اللهم الا لو عايزين تغالتو انو الترابي كوووز" , فالقصة شنو بالظبطي كده؟ مش الحكاية انو أبوذر بيمثل نتطيم سياسي ليهو توجهات فكرية معينة وليهو منهج ومبادئ ماشي عليها منذ تأسيس التنظيم المعين؟ وتييييييييييييييييييييب؟؟
يعني القصة بتاعة المبادئ دي مجرد بتيييييييييييخة الناس تقسمها سرايح حسب المزاج والطلب وحسب الجو وحسب السوق , ولا قماش يتفصل علي حسب المقاس؟
وامال وين المبادئ ؟ وين الحنك الكباااااااااار داك وين؟ وين؟ وين؟ وكمية كده من الوينات!!
جهجهتو أفكارنا والله العظيم , حاولو خلونا نفهمكم شوية يا عالم , والله العظيم خايف تكون انتو في عضمكم ما فاهمين رويحاتكم دي , القصة دي الظاهر عليها جبـــــــــانة هايصة ومولد وصحبو غايب ولا كمان زي ما قال الشاعر الأردني : "الغنا في خطر.............. كل من هب ركب القطر" أو كما قال.
بالمناسبة أنا متأكد ولا واحد من الأخوة المناضلين حيجي يقول ليهو كلمة هنا , عشان كده غيرت رأي والعنوان حيكون المناضلون الأفاضل وغير المناضلين الأفاضل برضو.
يلا اين حلال يفتح الباب.
عملتو لينا منخوليا والله العطيم.
|
|
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: Mohamed Elgadi)
|
Quote: Torture survivors of this regime, led by Turabi or Albashir, are against any torture. If the journalist abu Zar had participated in torturing people, theoritically speaking, that does not give a right to his victims to torture him. We are against torture period.
|
هذا البوست غير معني بضحايا التعذيب أيا كانو , المقصود من البوست ازدواجية المعايير التي بموجبها يتم تأييد وجهة نظر معينة وفي نفس الوقت يتم تبني وجهة نظر مغايرة تماما لنفس الأمر بسبب تعير الوقت والمكان والأشخاص والظروف رغم ان المبادئ يفترض انها لاتتجزأ.
يعني بالعربي كده في المنبر ده ممكن عادي جدا تقول وجهة نظر شخصية في موضوع معين , يقوم يجوك بعض مناضلين الغفلة ويشبكوك بالفرمالة والتصنيف الجاهز بتاع يا كوز , ويا قرمبوز , ويا أمنجي وباقي الحنك العاضي داك , أها يقوم يجي أبوذر يكتب كلام عن الحكومة يعجب مواهيم النضال طوالي وبي جرة كيبورد يطلعو ليك أبوذر ده فارس مغوار ومناضل لا يشق له غبار وبقية الحنك العاضي.
مع انو أبوذر ده خيمة الكيزان داقي ليها أوتاد , وشيخ حسن هو مثله الأعلي , يعني لو قلت وجهة نظر معينة المواهيم يعملو ليك حفلة اسفيرية استنكارية شديدة , ولما أبوذر يمنعو من نشر أي مقال أو يوقفو صحيفتو , طوالي المواهيم يجوك ناطين بالفرمالة بتاعة لا لكبت الحريات والحرية لنا , ودينا , وسماح , وكده.
يعني بالانجليزي كده موضوع البوست ده عن ال Double Standard ان شاء الله وضحت ليك ومعليش علي البري الشديد وكده!!
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: فايزودالقاضي)
|
Quote: يا زول ما تقعد تقتات من المآسي وتصطاد في الماء العكر ابوذر كوز .. ابوذر شيطان .. ابوذر مناضل ليس هو الموضوع .. انت زاااتك ال بتدافع عنهم دا لو يوم الدنيا تغيرت ومسكوك وعذبوك الناس حتتضامن معاك قضية ابوذر هي : صحفي اعتقل وعذب وسجن 5 سنوان بسبب رأيه هذه هي القضية انت ما رياك فيها ؟ |
اسمع يا
مآسي وشنو؟ لالالالا ده الموضوع ونص؟؟ انت هنا لو زول قال ليك السلام عليكم بتقعد تنبذو وتطلعو "غلام" عديل وويا كوز وباقي الفرمالة المعروفة , الجد شنو لما الموضوع جا للكووووووووووز وليهو فقرة أبو ذر؟
بعدين شايفك بقيت تدافع عن حرية التعبير يا منعم , والله كويس ده تطور ملحوظ شديد , بس عايزك تشرح الغلوتية بتاعة العضوة المحترمة في المنبر ده انت يا منعم بيجو سألتها وبكل بجاحة : "انتي مطهرة؟" عشان تخليها تسكت وتختفي من المنبر ده ده بس لمجرد انها عبرت عن رأيها!!
كده تعال وريني رأي مباشر وواضح في سؤالك ده عشان الواحد يقدر بتفاهم معاك يامنعم بتاع الطهور.
قلتي لي شنو؟ "مطهرة"؟ والله يا بني آدم انت الواحد متمحن فيك عديل!! أرحم نفسك ياخي. تاني لو جيت داخل البوست ده حتتشرح تشريح القعونجة المدبسة في سفنجة , واضح الكلام ده يا بتاع الطهورة؟
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: Mohamed Abdelmotalib Hassan)
|
Quote: واضيف .. حتى لو كان كوزاً فهل من المنطق ان نحاسبه على ماضيه الفكرى او الايدولوجي او اتجاهه السياسي خاصة اذا لم يكن مدان بإي من الجرائم ؟!!!! |
البوست ده موضوعو ال Double Standard , يعني ما موضوعنا محاسبة أبوذر ولا الرأي في محاكمته , المقصود من البوست ده انو ليه الناس العاملين فيها مناضلين الظهيرة والمساء ديل لو الزول قال ليه أي رأي ما عجبهم طوالي شابكنو ليك يا كوز ويا أمنجي وبقية الحنك العاضي داك والاسطوانة المشروخة اللي بقت ما عندها طعم ولا لون من كترت ما المناضلين لاكوها وأفرغوها من مضمونها , ولما يجي الكوز المعروف وواضح انو كووووووووووز ولا داسيها يجوك نفس المواهيم وهاك يا هتافات وفنجطة اسفيرية.
يعني الناس دي عندها شيزوفرينيا اسفيرية ولا القصة دي شنو بالظبط كده؟
ده بس العايز أفهمو!! لسه منتظر المناضلون الأفاضل يوروني الرأي شنو!!
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: عبد المنعم سليمان)
|
Quote: تعرف انك حــــمــــــــــار مناقشة شنو معاك وانت ادني من مستوى اي مناقشة يا صبي المجرم الدولي |
شنو يا منعم ؟ انت زعلت ولا شنو؟ حمار عديييييييييل كده؟؟
انت كلما أجيب ليك سؤالك السألتو للمعضوة المحترمة بي أنتي مطهرة؟ طوالي تقعد تكورك وتتباكي ؟ خلي روحك رياضية يا منعم "صحن فول يجيبك وصحن فول يوديك"
كده خليني أنا ما بعرف اتناقش مع سيادتكم , وريني انت نقاشك مع العضوة المحترمة وسؤالك التافـــــــه ده محلو وين من أدب الحوار؟ ومحلو وين من فهمك؟ يا غلام انت!! مناقشة شنو وحنك شنو؟؟ انت سكران وبتكتب يا منعم ولا كيف؟؟
هل تصدق يا عزيزي القارئ الزول بتاع سؤال الطهور الفضيحة أعلاه هو نفسه من يظهر أسفل الشاشة وهو نفسه صاحب الابتسامة الخجولة , لا يفوت علي فطنة عزيزي القارئ انو المذكور يظهر علي شمال الصورة "بالبنطال "طبعا" هذا اذا كنت تقيم في أي منطقة تقع غرب المنشية وجنوب القصر كه كه كه كه كااااااااااااه :
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: عبد المنعم سليمان)
|
Quote: ما قلت ليك حمار انا الترابي قابلته في ممة صحفية وبقابلوا دايما متى ما اردت معرفة تاريخ اسيادك ال###### لانه هو من صنعكم تانيا الترابي انا قابلته وهو في الشارع مسكين ليس بيده الحل والربط يعارض معنا لكي يذهب بما صنعته يداه بس انت بتقيف مع الكـــلاب اللي صنعهم الترابي اقول ليك بالجد انا ما قاصد الاساءة انت حـــــــــمار كوصف يعني |
انت بتتراجف مالك؟ هسه في زول قال ليك أحكي لينا قصة حياتك وتقدم مبررات للصورة؟ ولا القصة انو يكاد المريب يقول خذوني؟
بعدين ما ممكن يا منعم تخت يدك في يدك زول يدو ملطخة بي دماء ملايين في الجنوب وغيره وبعد ده كلو تقول لي أنا الحمار؟
هسه الحمار فينا منو عليك الله؟؟ يا منعم انت واحد متسول موائد ليس الا , راس مالك عضة بس وفي العضة صحن فول!!
من الأكل مع أسيادك عملت ليك جضوم وفقرة وبقيت زي الحيطة ومنفخ زي الخنزير الحيطة تدقها ترميها , عاين للصورة التحت دي عشان تشوف روحك كويس:
بعدين شايفك زغت من سؤالي ليك هل من أدب النقاش انك تسأل فتاة سودانية عشان تسكتها بي "انتي مطهرة؟" حاول انجر لينا حاجة للسؤال ده لأنك حتتزعمط هنا زعمطة الجدادة وسط اطناشر ديك يا أرنب انت!! ههههههه , أرنب دي مقصود بيها الأرنب بتاع الملوخية و كده هههههه!!!
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: احمد محمد بشير)
|
Quote: محاولة بايخة منك يازول لتشتيت حملة المنبر لدعم الأخ أبوذر الراجل في السجن وبعيد من أسرته وبيتعذب بي سبب الكلمة و الحقيقة.
فوووووق يا شيخ |
بايخة؟
والمنبر ده عندو انفصام في الشخصية ولا شنو؟ كيف يعني الزول يجي يقول السلام عليكم ساكت الناس تشبكو يا كوز ويا أمنجي وبقية الفرمالة والاسطوانة المشروخة ديك , ولما بجي الكوز العديل يتحاكم الناس تهلل وتكبر بشعارات حرية التعبير وبقية الشعارات المحفوظة , أها حرية التعبير دي حلال علي ناس وحرام علي غيرهم ؟ البوست د بيتكلم عن الـ Double Standard كما ذكرت سابقا مرات عديدة. البوست ده غير معني بي الشعارات البراقة البقسموها السادة المناضلين زي سرايح البتيخ حسب المزاج. حاولو يا مناضلين تكون متصالحين مع دواخلكم مش كل يوم في حال تتبدلو زي الحربوية!!
شكرا لرفع البوست يا شيخ! وفووووووووق تاني يا شيخ!
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: Mohamed Abdelmotalib Hassan)
|
Quote: المقصود من البوست ازدواجية المعايير التي بموجبها يتم تأييد وجهة نظر معينة وفي نفس الوقت يتم تبني وجهة نظر مغايرة تماما لنفس الأمر بسبب تعير الوقت والمكان والأشخاص والظروف رغم ان المبادئ يفترض انها لاتتجزأ.
|
الاخ محمد عبد المطلب سلام جاك وجمعة مباااااركة
إنها المصلحة بعينها يعني لما كانت مصلحتهم مع الحكومة سكتوا عن ما يرونه اليوم جرما وكان حيستمروا يسكتوا طالما مصلحتهم واحدة لكن الان وبعد ان اختلفوا بعد قرارات الرابع من رمضان تلك خرج علينا ابو ذر الامين بتقارير تحسب انها مخلة بالامن القومي السوداني وقبله خرج علينا المحبوب عبد السلام بكتابه عن الحركة الاسلامية اللي محظور من السوق
وسؤالي لهم هل كان حيكون نفس رايهم دا لو كانوا لسع في السلطة !!!!!!!!!!!
وزي ناس منعم سليمان ومن لف لفه العاملين فيها مدافعين عن حرية الراي ديل ديل تمومة جرتق محل ما تنقد اخبار شايله حال الحكومة.. يمشوا يطبلوا فيها يعني الموضوع ما موضوع مبادئ ولا اخلاق
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: mayada kamal)
|
Quote: فُـوووووق يا شيخ
التعديل لإدخال علامة الضمة علي كلمة فُوق |
اسمع : شنو فوق والكلام الخارم بارم ده؟ شايفني سكران ولا مغبي ولا نايم؟؟
انت متأكد انك عارف كلمة Double Standard معناها شنو؟ يا مصحصح أفندي انت؟
مافي داعي للكلام الفارغ , البوست ده بيتكلم عن موضوع موضوع محدد ومحدد جدا , وواضح انك عندك صعوبة تفهمو مع انه ما عايز ليهو عبقري عشان يفهمو , علي كل المرة الجاية لما تجي تخشي هنا أول حاجة تورينا انت فاهم شنو من البوست عشان أعرف انك In the same page, knowing what you are talking about, get that? hope so
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: Mohamed Abdelmotalib Hassan)
|
Quote: لن اتضامن مع اي كوز اي كان |
فعلا المطلوب المواقف المتسقة سواء ان كان مع أو ضد , يعني ما زي منعم "صحن فول يجيبو وصحن فول يوديهو" ومحل العضة تلقاهو فاتح خشمو واللقمة محل يلقاها يقشها ويجي يترع لينا هنا شعارات فارغة وبعد يومين يظهر لينا بي وش تاني وبعد تلاتة أيام تلقاهو بفتش لي صحن فولو وسط القمامة , صحيح انو الجوع كافر , لكن ما لدرجة انو الزول يكون حربوية بالمستوي ده , ياخي حتي الحربويات بتتغير من فترة لي فترة ومن موسم لي موسم لكن يوم بعد يوم دي كتيرة شديد والله. غايتو مناضلين الظهيرة والمساء ديل حتجيهم فلايت من البوست ده.
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: Mohamed Abdelmotalib Hassan)
|
Quote: منعم استراتيجية ده ما تشتغل بيه ده ارقوز ما فارز تكتيكي من استراتيجي |
يا شفت :
استراتيجية؟ الاسم ده جديد والله , انا مسميهو "صحن فول يجيبك وصحن فول يوديك" لكن استرتيجية دي ما عرفتها والله لاني كنت غايب فترة طويلة من المنبر ده , متين أخد اللقب ده؟ ومنو كان ليهو الفضل في اطلاق اللقب؟ ومنو القص ليهو الشريط؟ والسماية كانت متين؟ , يعني ما عزمتونا ولا أديتونا خبر , عليكم غتاتة انتو يا امنجية مبالغة , لكن ما مشكلة واحدة بي واحد التسمية بتاعتي دي زاتها بصراحة اتغاتت فيها وما عزمت أي زول.
لكن اتخيل لي أرقوز دي برضو جاية معاهو تمام , والله منعم استرتيجية ده حير السمبر زاتو. لكن نرجع ونقول المعايش جبارة وأكل العيش والرزق بحبو الخفية .
الواحد يغيب من المنبر يجي يلقي الأسامي لكها اتغيرت زي اسامي شوارع الخرطوم كده واسماء المدارس , ههههههههههه.
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: وليد محمد المبارك)
|
Quote: فُوووق يا شيخ وبطل كلامك الكتير دة
نحن ضد أي إعتقال بأسباب سياسية سواء أن كان ضد إسلامي أو علماني أو أي سوادني |
هسه كلامك مش واضح ومحدد ؟ بعد شوية ما تجي تقول لي ما لكن وما لأنو؟
أها طيب البشير لو أعتقلو بكرة حتقولو نفس الكلام؟
ياخي عشان ماأكتر معاك وريني انت عارف Double Standard معناها شنو ولا حتقعد تلف وتدور ساكت؟ انت شكلك كده ما فاهم البوست بيتكلم عن شنو؟ حاول أفهم أو استعين بي صديق , عشان والله ما عايز أضيع زمن مع زول ما فاهم المقصود من البوست!! عليك الله لو ما فهمت ما تجي داخل هنا تاني , أوكي؟ فوق انت وأصحي.
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: Mohamed Abdelmotalib Hassan)
|
Quote: أها طيب البشير لو أعتقلو بكرة حتقولو نفس الكلام؟. |
أي إعتقال من جماعة البشير وشلة ضد السودانيين " كيزان تائبيين وغيرة" أرفضة وبالتالي إعتقال جماعة المجرم "البشير وشلته اللصوصية " أُرحب به
نرحب بإعتقال جماعة البشير للأسباب الأتية.. ظلموا السودانيين و لم يحافظوا علي أمن و حدود البلاد وغيرها الكثير من الأسباب ... و أهم الأسباب لايزال البشير و شتلة اللصوصية متشبسين باللسلطة بالرغم من أن الغالبية خرجت وتمرد عليهم نتيجة ظلمهم.
فُووق يا شيخ وما تشتت الكورة , أبوذر زميل ليك في هذا المكان قبل كل شيئ .
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: Amani Al Ajab)
|
Quote: الاخ محمد عبد المطلب سلام جاك وجمعة مباااااركة
إنها المصلحة بعينها |
الأخت ميادة كمال
عليكم السلام وجمعة مباركة عليكي والجميع
لعن الله المنتفعين والمتسلقين والحربويات الأسفيرية , السودان واقف في حتتو بسبب المصلحجية ومتسولي لقمة العيش أمثال المدعو "صحن فول يجيبك وصحن فول يوديك", الاسم ده طويل شديد رأيك شنو نعمل ليهو أختصار ونعملها ص ي ي أو الفوال؟ والباب مفتوح لأي اقراحات.
المعايش فعلا جبارة والرزق يحب الخفية والمبادئ ملحوقة علي رأي مناضلي الظهيرة والمساء!
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: Mohamed Abdelmotalib Hassan)
|
Quote: سميتو انا
يا محمد ده عامل فيها شيوعي |
شيوعي؟ انت جادي يا شفت ولا شنو؟
الزول ده مش أيام كده كان حركة شعبية ؟ وفترة كده مش كان مع حركنا "عطشنا" ولا اسمها شنو ديك؟ وكمان عامل فيها جبهة شرق؟ وأيام مع الترابي؟ ياخي ده شيوعي ولا طيرة ياخي؟ كل يوم يوم راكي ليهو في صفقة لون؟ حيرنا زاتو!!
تفتكر مشكلتو شنو يعني؟ وماهي الحلول في نظركم؟ وهل تري أي بارقة أمل في سبر غوار هذه الظاهرة "الطيرية"؟ وهل تري أي ضوء في نهاية النفق كما يردد دائما السادة مناضلو الظهيرة والمساء؟
بعدين تعال يا شفت : شنو تسمو كده ساي بدون ما تسألوني؟ المفروض تشاورو الزول احتمال يكون عندي رأي , أمنجية وكمان دكتاتوريين؟ ماليكم حق والله!!
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: Mohamed Abdelmotalib Hassan)
|
Quote: ودور ليك كم شهر لي ورا كده تطبيل وتلميع في الترابي .. جيت زريتو ليك .. انت بتلمع في الترابي مالك .. ما ياهو الجاب الانقاذ .. الليلة بقى حلو .. وانت ما عامل فيها شيوعي .. وضد شنو ما عارف
قال لي نحن تحالفنا من الترابي تحالف استراتجي مرحلي |
عارف يا وليد لما قال ليك تحالف استراتيجي مرحلي بكون قاصد شنو؟ قاصد انو يتدهنس للترابي وبي كده حيضمن ليهو وجبات كاربة ومستمرة تكفيهو شر الجوع ولقمة العيش البقت قاسية في السودان!
لكن صدقني الفكرة جهنمية والله , وفعلا لله في خلقة شئون , انت عارف يا شفت الزول ده ود فاره ساكت , وزي ما تقول كده مرمي الله فقال أحسن يركب الموجة عشان يمشي حالو ويسترزق!!
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: Mohamed Abdelmotalib Hassan)
|
Quote: الأستاذ محمد عبد المطلب لك التحية التقدير. . ماهي المباديء من وجهة نظرك أن نهلل ونكبر لإعتقال وتعذيب صحفي لانه خريج مدرسة الترابي أو غيرها ؟ يا أستاذ محمد مبدأ الحرية لا يتجزأ ولا يتغير! الحرية لنا ولسوانا.. هذا مبدئي كيف لي أن أوافق على تعذيب ومحاكمة شخص لمجرد إختلافي معه في الرأي هل يستقيم ذلك وانت القانوني؟ انني اختلف معك ولكنني لا أقبل أن تعتقل و تعذب و تحاكم لمجرد رأي ! ابوذر ورفاقه سجنوا وحكموا لرأيهم و لكلمتهم وليس لجرم ارتكبوه ! عندما يتوفر القضاء العادل في ظل نظام حر وعادل لن يفلت من أجرم في حق هذا الشعب أو أي مواطن من العقاب سواء كان البشير أو نافع أو الترابي أو غيره .. |
لقد طرحت رأي في سياق متكامل .. لك بتر حديثي أو تقطيعه ما شئت !
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: Mohamed Abdelmotalib Hassan)
|
Quote: انتي قادرة تفهمي البوست ده بيتكلم عن شنو؟
عشان أقدر أرد عليكي وريني البوست ده بيتكلم عن شنو؟ لو ما عارفه - وده ما عيب - وريني عشان أشرح تاني برضو! |
أنا لست تلميذة عندك في فصل !
Quote: السؤال مباشر وواضح: انتي فاهمة البوست ده بتكلم عن شنو؟ لو فاهمة ورينا بتكلم عن شنو عشان بعد داك ناخد كلام في سياق متكامل أونقطعو شرايح.
تااااني: فاهمة البوست ده بتكلم عن شنو؟ سؤال مباشر وداير اجابة مباشرة. |
حديثك مكتوب بلغة واضحة ولا حاجة لك أن تلقني كيف أفهم ! تعرضت واسرتي لظلم الإنقاذ في يناير 1990 ولم يتعد عمرها بعد بضعة أشهر وكان الترابي عرابها والبشير قائد إنقلابها ونافع مسئول أمنها وبيوت أشباحها.. عندما تعرضنا للاذى أنكر البشير وجود معتقلين سياسيين أو بيوت الأشباح ووقف معه أهل الإنقاذ ( الجبهة الأسلامية وممالئيها) تأييداً للباطل أو سكوتاً عن قول الحق! ثم عاد واقر بوجودها! لانني واسرتي تعرضنا للظلم والاذي أريد أن أراه في الغير ؟ لا أقف ضد الظلم من تعذيب ومحاكمة جزافية وخلافه تجاه من اتفق معه في الرأي أو اختلف ؟ نعم اسعى بكل ما أوتيت من قوة لكى تزول دولة الظلم ؟ نعم اسعى بكل السبل أن ينال الجناة جزاء فيما أصابني واصاب كل مظلوم ؟ نعم اتضرع إلى الله أن ينصرني على من ظلم أسرتي وظلم غيرى بأخذ الظالم أخذ عزيز مقتدر ؟ نعم
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: Amani Al Ajab)
|
Quote: أنا لست تلميذة عندك في فصل ! ! |
Quote: حديثك مكتوب بلغة واضحة ولا حاجة لك أن تلقني كيف أفهم |
والله لو كنتي تلميذة في فصلي كان فهمتي البوست ده بيتكلم عن شنو!! حديثي المكتوب بي لغة واضحة ده غلبك تفهميهو ومال لو مكتوب بل ألغاز كنتي عملتي شنو؟ لو سمحتي وللمرة الأخيرة : البوست ده بيتكلم عن موضوع محدد ومحدد جدا , وبما انو الأمر اختلط عليك ف (( يو آر اكسكيوزد توو)). ما عايز أخش في مهاترات أكتر من كده !! والقصص الحكيتيها فوق دي كلها ما عندها أي علاقة بي موضوع البوست برضو مما يؤكد انك ما قادرة تفهمي البوست ده بيتكلم عن شنو!!
بعدين في سؤال تاني : البوست ده موجه للمناضلين الأفاضل : انتي مناضلة برضو؟
| |
|
|
|
|
|
|
Re: المناضلون الأفاضل: لوسمحتو ورونا الغلوتيه بتاعة أبوذر الأمين دي شنو؟ لأنو رأسنا ضرب خلاص! (Re: ibrahim alnimma)
|
Quote: الاخ محمد عبدالمطلب بصراحة كنت عاوز اشارك لكنني وجدت ان الفئة القادرة علي فهم موضوع ومقاصد البوست اناس محددي اللون السياسي ، فخفت الا افهم مقاصدك. لكن دعنا من موضوع البوست وددت لو اسألك سؤال لماذا يستعصي فهم الناس علي فهم مقصد البوست؟ وهل كتب البوست بلغة الفراعنة ؟ وهل الفهم قاصر عل من يجاريك؟ هل الفهم واقفاً علي من اتفق معك في وجهة النظر؟ لماذا تضيق بمن يحاورك ياخي؟ |
الأخ ابراهيم,,,
ياخي والله الحكاية وبكل بساطة , البوست ده عايز من خلالو أفهم حاجة في منتهي البساطة برضو , وهي انو ليه لو جا أي عضو في المنبر ده وقال وجهة نظر مغايرة وما عجبت بعض مدعي النضال طواااااالي جايين بي فرمالة ثابتة وهي عبارة يا كوز يا أمنجي و...الخ , ولما يجي أبوذر (((ظظاططو))) الكوز العديل والما داسيها , يجوك نفس مواهيم النضال ويشبكونا ليك نعم لحرية التعبير والحرية لنا وسعاد وفيفي ودينا؟؟
والله العظيم أصلا ما قادر اتخيل انو البوست ده صعب لدرجة انو ما في زول فاهمو!!! البوست ده فتحتو عشان يحلو لينا الغلويتة , بقيت في البوست زاتو البقي غلوتية!!!
يعني ناس يجي يتكلمو عن حرية التعبير , وناس يتكلمو عن مناهضة التعذيب وناس يتكلمو عن ضرورة الوقوق مع أبوذر رغم الخلاف السياسي , وده ككككككلو كلام ما ليهو أي علاقة بي موضوع البوست , بصراحة ما عارفك سجلت في البورد ده متين؟ لكن في ناس بتتعمد تشتت الكورة زي ما بقولو , وفي ناس ما بتفهم , بتجي شايلة قوالب جاهزة تنزلها زيها وزي أي لوري طوب وتمشي , ما مهم متعلقة بالبوست ولا كلام ما عندو علاقة بيهو!!!
ان شاء الله أكون وصلت العايزو من البوست ده , يعني مثلا يجيك مناضل موهوم ويحكي لي قصة حياتو وكيف انو اعتقلوهو وكيف شردو اسرتو وكيف وكيف وكيف , أها الكلام ده امانة في ذمتك علاقتو شنو بي موضوع البوست ده.
| |
|
|
|
|
|
|
|