سلام فرحت جدا لاعتذار الاخ حجر وفرحت اكثر قبول الاعتذار من تمبس وداليا شكر كتير ليكم وعذرا للدخول المتاخر يا معاوية الرجاء مراعاة فروق الوقت صلاة الظهر عندكم اتنين صباحا عندنا تاني ما تضرب زي المواعيد دي !! واتمنى انو الاقيكم وجها لوجه طبعا معاوية معرفة سنين وجها لوجه ومقيل ومبيت وحوامة وياعم وقدد حجر سمعت صوتو مرة واحدة بالتلفون تمبس ده لو صاحب مصطفى السمين او انور ود الحوش " انور كرته " اكيد بلم فيو يوم داليا شوايقة مثل زوجتي
لكم جميعا محبتي
07-16-2010, 11:17 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
Quote: تحمل عواقب مسؤولية ما كتبت بمجرد ما بلغتني المعلومة , وستجدين اسباب عدم التوضيح لحين ملاحقة مورد المعلومة
حجر طبعاً شكلك في هذا البوست لو ما جيت قلت ليك: "شكراً حجر على هذا الإعتذار الجميل" حتخُتّني في خانة الجايين يذروا الرّماد في العيون و يصطادوا في الماء العكر
و بالتّأكيد ما حأقول ليك الإنت عايزو و تعليقي على كلامك الفوق اللي هو أقبح من كلامك الجيت إعتذرت عليهو بقول ليك: معقول يا حجر مصدر معلومة؟ و عن منو؟ عن صديق غُرْبة و زميل بورد؟ تسمح لنفسك مع أي كائن من كان بإنّك تخوض معاهو في أمور خاصّة لصديق ليك و زميل؟ كيف سمحت للمصدر أصلاً إنُّو يتكلّم معاك في شيء خاص لصديق و زميل منبر اللهم إلا إذا كان تمبس دة ما بتعرفو قبل كدة
هسي إنت حجر دة رغم خلافاتي في الرّأي معاك لو زول ضرب لي تلفون عايز يديني معلومات عنّك أو حاول يتحدّث عنّك بصورة ما جميلة تفتكر بسمح ليهو؟ للأسف كلامك الفوق دة قبيح و أقبح من سبب إعتذارك الأساسي و للأسف بيدل على إنّك قاعد مفرِّغ نفسك للقيل و القال عن الأعضاء البيخالفوك الرأي تبحث عن مصادر تُشبِه الأخبار التي تُزوِّدك بها و تبحث عن معلومات للأسف خاصة و ليست عامّة عن زملاء البورد شان تجي و تكسر عين الواحد بي حاجة خاصة ما ليها علاقة بالعام الفي المنبر و المسموح بيهو و ما أكثر خطايا البشر الخاصّة و يبدو إنّك قريت قول المسيح عليه وعلي نبينا محمد الصلاة والسلامم (من كان مِنْكم بلا خطيئة فليرمني بِحجر) فظننت نفْسك حجر ذالكم المُنزّه عن الخطأ و نسيت أنّك كُلّك عورات و للنّاس ألْسُنُ راجع نفسك تاني و بالمناسبة مافي زول نزّل إعْتذار زي حقّك دة في المنبر من زمن غير صِديق مهدي لمن هبش ليهو ناس مدارس في أمريكا و جا نزّل بوست شبيه بحقّك دة شفت بقيت تشبه الزّول دة لياتو درجة!؟
التعديل: لخطأنا في نسب المقولة للرّسول صلوات الله عليه و سلامه وهي للمسيح عليه السّلام
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية عبيد الصائم
إسحاق بله الأمين
نصر الدين عثمان
عمر عشاري
خالد العبيد
محمد على حسن
فيس بوك
تويتر
انستقرام
يوتيوب
بنتيريست