الولايات المتحدة: غريشن اخطر المسؤولين السودانيين ان على البشير تسليم نفسه في مرحلة ما!!!

Quote: بداية فان هذا الزعم الذي اورده هذا الشرطي عاريا تماما من الصحة وكذب صريح وذلك بناءا المصادر التالية وحتى لا يكون جدلا بيني وبينك على الرغم من يقيني الراسخ وقناعتي الكاملة بعدم صحة هذا الزعم من اساسه الا انني على الرغم من هذا فقد قمت مباشرة بالاتصال باربعة رجال عدال على راسهم الاستاذ/ احمد ابراهيم دريج الحاكم الاسبق لدارفور و اثنان من جنرالات الشرطة المتقاعدين والرابع محامي عجوز وكل هؤلاء من نيالا طبعا وساحتفظ باسمائهم وربما ترجع تقول لي انا الترابي ذاته قال لي وعندها ساذكرهم وسيكون الترابي نفسه كذاب ليس الا؟ فهؤلاء جميعا قد اجمعوا على عدم صحة هذا الزعم جملة وتفصيلا؟ واذكر بعض من الحوار الذي دار بيني والعم الاستاذ/ دريج عبر الهاتف في نهار السبت وبعد التحايا دخلت انا طوالى في الموضوع لان حاج دريج طبعا لو فتحت معه حوار وعرف جديتك بفكها معاك بدون توقف في سرد التاريخ والخبرات والتجارب وهو هادي جدا ويرص كلامه بترتيب دقيق ومنظم كانه يقرأ من كتاب وبفكها معاك من اليوم الى غدا ولا يكل ولا يمل. فقال لي لا علم له مطلقا بان زميله في الدراسة الدكتور/ حسن عبدالله الترابي قد تم تعينه من قبل النميري او اي حاكم اخر مشرف سياسي على مديرية جنوب دارفور التابع للفاشر انذاك؟ وقال بالحرف مافي وظيفة اسمه مشرف سياسي في المديريات انذاك وحسن الترابي اساسا طلع من السجن واصبح عضو في المكتب السياسي للاتحاد الاشتراكي الحاكم كاعلى سلطة في السودان انذاك. ثم وزير تقريبا ثم مستشار للرئيس. وذكر بعض من تفاصيل قيامه هو بتعين الدكتور علي الحاح محمد وزيرا في حكومته الاقليمية اوائل الثمانينات. واجمل ما في الامر وجدته على علم بما كتبه هذا الشرطي عنه بالذات وقال بالحرف انها عملية تشويه مقصود وقال الكلام ملئ بالاكاذيب والتناقضات والخلط.وقال لي الراجل دا ممكن ما نصيح او هو قصد مرتب للتشويه واثارة المشاكل.وقلت انت ما رديت مالك؟ قال ارد لمنو انا سكت وخلاص ثم اضاف دا مسئوليتكم انتو, فقلت ليهو يا اخي نحن ماعندنا علم وانت ما كلمتنا فقال ما انتوا لازم تبحثوا لتعرفوا الحاصل شنو والناس ديل بفكروا كيف وبيعملو كدا ضدكم عشان شنو واذا في حاجة غلبكم تعالوا لينا ودار النقاش لحوالي نصف ساعة ثم ودعته السلام. وساحتفظ براي الشخصي الي حين اجد الوقت