|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: عبدالكريم الامين احمد)
|
وهنا الحقيقة الحنظل :
الدائرة التمهيدية الأولى تصدر أمراً ثانياً بالقبض على عمر البشير لتهم تتعلق بارتكابه جرائم إبادة جماعية
الحالة: دارفور، السودان
القضية: المدعي العام ضد عمر حسن أحمد البشير
اليوم، أصدرت الدائرة التمهيدية الاولى في المحكمة الجنائية الدولية أمراً ثانياً بالقبض على الرئيس السوداني، عمر حسن أحمد البشير، حيث رأت أن هنالك أسباباً معقولة للاعتقاد بأنه مسؤول جنائياً عن ثلاث جرائم إبادة جماعية بحق الجماعات الاثنية للفور والمساليت والزغاوة، وهي الجرائم التالية: القتل، إلحاق ضرر جسدي أو عقلي جسيم، وإخضاع الجماعات المستهدفة عمداً لأحوال معيشية يُقصَد بها إهلاكها الفعلي.
أمر القبض الثاني هذا لا ينقض ولا يحلّ محل الأمر الأول بالقبض على البشير، الصادر في الرابع من آذار/مارس 2009، والذي يظل سارياً. في أمر القبض السابق، رأت الدائرة أن هنالك اسباباً معقولة للاعتقاد بأن البشير مسؤول جنائياً عن خمس جرائم ضد الإنسانية (القتل، الإبادة ـ وهي غير الإبادة الجماعية ـ النقل القسري، التعذيب، والاغتصاب) وعن جريمتي حرب (تعمد توجيه هجمات ضد السكان المدنيين بصفتهم تلك أو على مدنيين لا يشاركون مشاركة مباشرة في الأعمال العدائية، والنهب).
غير أن الدائرة التمهيدية، في قراراها الصادر في الرابع من آذار/مارس 2009، كانت قد ردت طلب الإدعاء في ما يتعلق بجريمة الإبادة الجماعية. وقد استأنف المدعي العام هذا القرار في السادس من تموز/يوليو 2009. وفي الثالث من شباط/فبراير 2010، أصدرت دائرة الاستئناف في المحكمة الجنائية الدولية قرارها بشأن الاستئناف المقدم من جانب الادعاء، وقررت، بالاجماع، إلغاء قرار الدائرة التمهيدية الأولى الصادر في الرابع من آذار/مارس 2009 ، في شقه الذي رفضت فيه الدائرة التمهيدية الأولى إصدار أمر بالقبض بتهمة الابادة الجماعية مطبقة معياراً خاطئاً للإثبات. وقد طلبت دائرة الاستئناف من الدائرة التمهيدية النظر مجددًا في ما إذا كان ينبغي تضمين أمر القبض تهمة الابادة الجماعية. وبعد تطبيق معيار الإثبات الصحيح، حسب ما حددته دائرة الاستئناف، خلصت الدائرة التمهيدية الأولى إلى أن البشير تصرف بنية جرمية خاصة لإهلاك جماعات الفور والمساليت والزغاوة إهلاكاً جزئياً.
وطلبت الدائرة التمهيدية الأولى إلى مسجل المحكمة تحضير طلب تعاون إضافي لتوقيف البشير وتسليمه إلى المحكمة للتهم التي تضمنها أمرا القبض الأول والثاني، وإحالة الطلب إلى السلطات السودانية المختصة، وإلى كل الدول الأطراف في نظام روما الاساسي، وإلى جميع الدول الأعضاء في مجلس الأمن التابع للأمم المتحدة غير الأطراف في نظام روما الأساسي، وكذلك إحالة أي طلب تعاون إضافي إلى أية دولة أخرى عند الاقتضاء.
أحال مجلس الأمن التابع للأمم المتحدة الحالة في دارفور، السودان، إلى المحكمة بموجب قراره رقم 1593 الصادر في 31 آذار/مارس 2005. وفي إطار هذه الحالة، تنظر المحكمة في أربع قضايا حالياً هي: قضية المدعي العام ضد أحمد محمد هارون ("أحمد هارون") وعلي محمد عبد الرحمن ("علي كوشيب")، قضية المدعي العام ضد عمر حسن أحمد البشير، قضية المدعي العام ضد بحر إدريس أبو قردة وقضية المدعي العام ضد عبد الله بندا أبكر نورين وصالح محمد جربو جاموس.
المحكمة الجنائية الدولية هي المحكمة الدولية الدائمة الوحيدة، وقد أنشئت بهدف المساعدة في وضع حد للإفلات من العقاب من قبل المسؤولين عن أخطر الجرائم التي تقلق المجتمع الدولي بأسره، وبالتحديد جرائم الإبادة الجماعية والجرائم ضد الإنسانية وجرائم الحرب، وبالتالي المساهمة في الوقاية من وقوع مثل هذه الجرائم مجدداً.
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: Khalid Kodi)
|
Quote: 40 مليون مواطن سوداني هم فداء للقائد
البشير.. |
فداء شنو وبشير منو يا زول !
ما كفايه الماتو في الجنوب والشرق والغرب والشمال داير تقدم كباش فداء 40 مليون! ...
لما يتمسك البشير ده عليك الله لو ما جيت انت طلبت انك تفديهو , ده طبعا لو ما لبدت وعملت اضان الحامل ... خلي الراجل ده يعمل حاجه
كويسه في دنيتو دي يمشي يسلم نفسو ويجنب البلد واهلها شرور كتيره , تقعد تفخ فيهو كده لما يصدق أنو فعلا رمز الامه ...
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: هاشم محمد الحسن عبدالله)
|
Quote: أستهدافه يعنى استهداف الوطن كله، رضينا أم أبينا فالبشير رئيس السودان الشرعى وأى مساس به يعنى السودان كله، قول لوكامبو قوم لف ، أنت يااوكامبو ناشط سياسى وعميل لأعداء الوطن،وليس قانونى ، قال ابادة جماعية .. قال.... ، عاش السودان حرا مستقبلا، مودتى ياعمدة |
اخي هاشم ...
هذا مخطط صهيوني امبريالي القصد منه تفتيت
السودان وتركيع قيادته.
لكن هيهات هيهات ان ينالوا شعرة من السيد الرئيس
ما دمنا احياء ..
فعلا هذا الاوكامبو عميل وليس له علاقة بالقانون
وان كان له علاقة به فاين النتن ياهو
واين شارون وهو يسفك الدماء ويقتل ويسحل الى
ان باء بغضب من الله ودخل في غيبوبة نسال الله ان يطيل
امدها عليه .
شكرا اخونا هاشم
وعاش السودان حرا مستقلا وحفظ الله القائد الرمز البشير
وصحبه الابرار الميامين ...
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: ود الباوقة)
|
التوقيت قصد به ضرب كل فرص الوحدة اذا كانت ثمة اى فرصة! وسيدفع القرار حركات دارفور للتمترس وستركب راسها ولن تجلس لاى مفاوضات الا بعد ان يمرر البشير المنبطح افتداء نفسه كل ما تطلبه امريكا فى مفاوضات ما قبل الانفصال! وستهتبل امريكا المذكرة الجديدة لتحقيق اجندتها الخاصة ومن ثم سيتم الضغط على الحركات الدارفورية للجلوسم مع ذات البشير من اجل سلام دارفور لحماية حدود الدولة الوليدة من القلاقل والاضطرابات جنى
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: ود الباوقة)
|
Quote: انتو جربوا ومن جرب المجرب حلت به الندامة ...... |
مجرب مين يا راجل يا طيب!
انت بدل المناحه دي اجمع ناس المؤتمر الوطني وخلى الشيخ على يقود المركب اصلو لابد ليهو قوف رأي , والبشير ده خلاص باي باي لاهاي , شيخ على من زمان قانص وانتو ساعدوهو ممكن تقدروا تتداركوا حاجه قبل ما يجي السيل ويشيلكم كلكم .
بعدين انت من الله خلقك سمعت ليك بي زول كرشو مليانه مال سحت ومال غلابه حارب ووقف وقفه راجل! , المال الحرام يميت القلب والقلب الميت لا يمكن ان يحارب , بكره الكوع كان حر على اليمين تلقى روحك في السهله واقف براي والهم عصف ...
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: ود الباوقة)
|
ود الباوقة درق البشير انعم به من درق اجدُ الكثير من التناقض في حديثك و يشهد الله الخالق امثالك من اضروا بالرئيس البشير قبل الوطن .
Quote: لكن هيهات هيهات ان ينالوا شعرة من السيد الرئيس |
ابقى عشرة على كلامك ده و ما تخلوهو في اول لفه .
Quote: السودان وطنا وتب شبر مابندي الا مراكب العدو فوق دمانا تعدي |
السودان المقصود قبل ام بعد الانفصال ؟
Quote: لن تجني من ملاحقتك للمشير البشير الا الخيبة والخسران والانكفاءة ... |
اتفق معك تماماً و الدليل البشير ح يزور اوغندا كما زارها قبل شهور و كذلك البشير سيحضر قمم طرابلس . كذلك قبل سيادته الدعوة التي وجهها له الرئيس التشادي ديبي و سيقوم بزيارة انجمينا في شهر يوليو الجاري .
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: الصادق ضرار)
|
Quote: ابقى عشرة على كلامك ده و ما تخلوهو في اول لفه . |
باقي عليه عشرة ونص وخمسة .....
Quote: السودان المقصود قبل ام بعد الانفصال ؟ |
السودان المقصود هو الوطن بشناله وجنوبه
شرقه وغربه ...
Quote: اتفق معك تماماً و الدليل البشير ح يزور اوغندا كما زارها قبل شهور و كذلك البشير سيحضر قمم طرابلس . كذلك قبل سيادته الدعوة التي وجهها له الرئيس التشادي ديبي و سيقوم بزيارة انجمينا في شهر يوليو الجاري . |
يزور ما يزور على كيفو ..
مش على كيفكم انتو ...
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: ود الباوقة)
|
Quote: 40 مليون مواطن سوداني هم فداء للقائد
|
ودالباوقة روق وهدى بالك وابعد عن لغة الاحزمة الناسفة البشير تلاحقة العدالة وليس اوكامبو وبعدين من وين جبت الاربعين مليون الفداء للبشير نحن امام محكة ورئيس متهم بالابادة الجماعية وليس برنامج ساحة الفداء الذى افتى عراب النظام الترابى ان كل من قتلوا في تلك الساحة هم فطايس وفي الانتخابات الاخيرة وبعد الخج والتزوير كم كان عدد الاصوات التى نالها من هذاالشعب وبالتزوير والقهر مقابل اربعين مليونك القاطعها من راسك
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: بدر الدين الأمير)
|
Quote: روق وهدى بالك وابعد عن لغة الاحزمة الناسفة البشير تلاحقة العدالة |
الامير
اي عدالة هذه التي تاتينا عن طريق اوكامبو
اين اوكامبو جرائم بني صهيون
والا حلال على ابناء عمومته ...
Quote: وفي الانتخابات الاخيرة وبعد الخج والتزوير كم كان عدد الاصوات التى نالها من هذاالشعب وبالتزوير والقهر مقابل اربعين مليونك القاطعها من راسك |
سترى بام عينك عندما يتحول الامر لرمز السيادة
ستكون كل ذرة من تراب وطننا العزيز وهجا محرقا يحرق اوكامبو
وزمرته ...
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: hamid brgo)
|
ود الباوقة
Quote: 40 مليون مواطن سوداني هم فداء للقائد |
ياخ دي الرسول (ص) ما لِقاها ... مرات بِتِتجوعلو لامِن الزول يفهم حاجة ... وبعدين ما تشخصِنو المَوضوع < أوكامبو > ما زول ، دي مؤسسة دُولِية ... أوكامبو يِفوت يِموت ، ما مُهِم الموسسة قااااعدة
مِمْكِن لو سمحت تطلِعني أنا وأُسْرتي مِن الـ40 مِلْيون حقاتك ديل + وتطلِع كمان أسر الـ28 ضابِط الأعدمُمْ البشير صباح يَوم وقفة العيد + أُسرة مجدي الخلفاوي + أُسرة الطيار بُطْرُس القِبْطي + قرية كجبار القتل فوقا البشير عدد [4] شباب الكانو بِتْظاهرو بِكدنْكات وملودات + أُسر قتلى دارفور + النازِحين جراء حروب الأطراف + مُنْتسِبي الحركات المُسلحة + المُحالين لِلصالِح العام بِفِترة "التمكين" + سِتات الشاي ... شُكرًا
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: عزام حسن فرح)
|
Quote: اظنك لم تستمع الى المجاهد ( قيقم |
ساتبرع باسطوانة سي دي لا وكامبو بس يبقي عليك توفير مادة اخري ...وبهذا نكون ساهمنا في نشر الثقافة الجهادية عشان الناس دي تفهم حاجة... وتعرف انه البلد دي ليها ناس يحموها ضد الامريكان واسرائل ، وان الاسلام والسودان ده مالعب وانو ناس الانقاذ مابتفرط في اي شبر من ارض الجدود خصوصاً رمز السيادة (ماتخومونا بحلايب او الفشقة او خلافها) نحن انعتقنا والسودان يمر بمرحلة انعتاق عجيبة خالسسسسسسس
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: الشفيع وراق عبد الرحمن)
|
ود الباوقة والشفيع وما هو الرد يا شيوخنا ؟ مظاهرات ومسيرات ولجان نصرة وشنو ما عارف ؟ أتركوا لطم الخدود والمباهاة بالسدود ... البلد في مهب الريح وماسكها عرق واحد أضعف من شعرة عجوز ... تتحدثون عن الوحدة بعد فوات الآوان وأنتم من عملتم سنين عددا للإنفصال ووقعتم وبصتم عليه بالعشرة .... تتحدثون عن رئيس منتخب و40 مليون نسمة لنصرته جاهزين .. وتنسون واقعة أن الجوع والمرض والأمية والخوف دخل قلوبهم وبيوتهم وهم لا يعرفون عن الرئيس سوى اسمه وجرائمه ... وأن اللجان (جزاها الله خيرا) قامت بالوكالة عنهم بالتصويت والتسجيل والانتخاب ... أها عليكم بمسيرة الغضب الكبرى مشيا وزحفا من حلفا إلي نملي والدمازين لنصرة الرئيس .. والمحكمة موجودة .. وقراراتها باقية ونافذة ... متى تعقلون إن كان فيكم رشيد... مزارع غلبان الشفيع ابراهيم
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: علاء الدين يوسف علي محمد)
|
Quote: انت قايل اوكامبو دا بعمل في عمايلو
البائسة دي عشان خاطر عيونك |
ود الباوقة انت زول في السوق ناس المؤتمر ديل ليهم عشرين سنة بتعاملو مع الامور بسذاجة انت الجاي يادوب حقو تتعامل بوعي عشان تكون فرق من الكرور الضيع وفرتق البلد دا ..
خليك تفتيحة واتعامل مع المشاكل وواجها بدل التهرب
يعني لو اوكامبو دا مثلا قدم استقالتو ولا مات تفتكر انو المشكلة انتهت خلاص ؟
لا ..
لان المحكمة الجنائية مؤسسة لا تموت كما يموت البشر ولا تقدم استقالتها
سياتي غير اوكامبو مائة اوكامبو اخر يشغلون نفس المنصب
فعشان كدا بدل تمارس لي في نفس هتاف يونس محمود بتاع يهود يهود ... والسد السد لازم ...
قدم خطاب واع شوية
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: ود الباوقة)
|
سيكون الرد قمحــــاً ويكـــــــون الرد قطناً وســـــدوداً ومصانع سيكون الرد ســــــداً ويكـــــون الرد جســـــــــــراً وحقـــولاً ومــزارع سيكون الرد شمــلاً ويكــــــون الرد حسماً للجنـــــــائية مانع سيكون الرد قمحـــاً ويفــــــوق القمح قدراً قــدره فاق الصوامع سيكون الرد لحنــــاً سيكـــــــــون الرد وداً ونفيـــر الخيــر شائع سيكون الرد مـروي عبر شريــــان الشمال نِــــعم زراع وصانع سيكون الرد أمنا وســـلامـاً و وئـامـاً للذي خــــاف وجائع سيكون الرد شعبـــاً عـــــابـــــداً لله ديـنـــه و يقينـــــــاً دام يـانع سيكون الرد دينـــــاً يصطفي التهليل عمقاً فــــوقه التكبير ذائـع سيكون الرد زهـــداً عمه الآذان فـجـــراً بــين سٌجـــادِ وراكع سيكون الرد حبـــــاً في مسيحي ومسلـــــم فيه عزم القبط ضالع سيكون الرد نمضي وكـــــلاب الشرِ تعوي بين بهتـــــــــــــــــان الشرائع سيكون الرد فٌدمــــاً ونـــــباح الاِفكِ يسرى بين جـــــــــــــــــدران الذرائع سيكون الرد بـــــلداً آمنــــــــاً ليلاً وصبحاً قــلبه بــــــــــــــيت وجامع سيكون الرد نـصراً عــــزة السودانِ زخراً لا يـــــــــــــدانيهـا مــوانع
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: أحمد علاء الدين)
|
Quote:
سيكون الرد قمحــــاً ويكـــــــون الرد قطناً وســـــدوداً ومصانع سيكون الرد ســــــداً ويكـــــون الرد جســـــــــــراً وحقـــولاً ومــزارع سيكون الرد شمــلاً ويكــــــون الرد حسماً للجنـــــــائية مانع سيكون الرد قمحـــاً ويفــــــوق القمح قدراً قــدره فاق الصوامع سيكون الرد لحنــــاً سيكـــــــــون الرد وداً ونفيـــر الخيــر شائع سيكون الرد مـروي عبر شريــــان الشمال نِــــعم زراع وصانع سيكون الرد أمنا وســـلامـاً و وئـامـاً للذي خــــاف وجائع سيكون الرد شعبـــاً عـــــابـــــداً لله ديـنـــه و يقينـــــــاً دام يـانع سيكون الرد دينـــــاً يصطفي التهليل عمقاً فــــوقه التكبير ذائـع سيكون الرد زهـــداً عمه الآذان فـجـــراً بــين سٌجـــادِ وراكع سيكون الرد حبـــــاً في مسيحي ومسلـــــم فيه عزم القبط ضالع سيكون الرد نمضي وكـــــلاب الشرِ تعوي بين بهتـــــــــــــــــان الشرائع سيكون الرد فٌدمــــاً ونـــــباح الاِفكِ يسرى بين جـــــــــــــــــدران الذرائع سيكون الرد بـــــلداً آمنــــــــاً ليلاً وصبحاً قــلبه بــــــــــــــيت وجامع سيكون الرد نـصراً عــــزة السودانِ زخراً لا يـــــــــــــدانيهـا مــوانع |
لا حولا
ألحق يا دكين
الجهنمية بتاعتك قامت في الشارع
| |
|
|
|
|
|
|
Re: أوكامبو .. لن تجني من ملاحقتك للمشير البشير الا الخيبة والخسران والانكفاءة ... (Re: أزهري سليمان)
|
Quote: موقفنا واضح وصريح فى تلك القضيه البشير لن نسلمه ولن نخذله شعار رفعناه لاننا نؤمن ايمانا قاطعا برفضنا لاى تدخل اجنبى فى شئوننا الداخليه والرئيس السودانى يمثل راس الدوله ويمثل سيادة الدوله ونحن لا نقبل باى قرار من محكمة لاهاى لانها فى الاساس امر لا يهمنا |
اخي ازهري
قرار محمكمة لاهاي يهم اوكامبو واتباعه
ولقد كررنا ذلك مرارا بان على اوكامبو ( بله ) مع قليل
من ما يشتهيه من مشروب ومن ثم يشربه واذا وجد صعوبة في شربه
( غرغرناه ) له ..
شكرا ليك وفيت وكفيت ...
| |
|
|
|
|
|
|
| |