|
|
 مبروك كأس العالم لاسبانيا بلاد الملكه صوفيا (صاحبة اجمل ساقين)!
|
الملكه صوفيا....رغم نحافتها الباديه فانها تمتاز بساقين بس (طفايات قاعه الصداقه)
كما يصف التعبير الخرطوم المشهور بعض الساقين المصبوبات صب,بحير في روعة النحت الالهي!
وطبعا ده قمة الجمال .
تذكرها اليوم وانا اراها تعانق بمحبه ابنائها اعضاء الفريق الاسباني
وهم يحققون لها لاول مره بتاريخ حياتها ومملكتهم العامره هذا الانجاز!
مبروك لاسبانيا وكل مشجعيها!
|
|
 
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: Soumeta)
|
عروسنا سوميتا منوره يا بنيه و العريس حسن كيفنه
ان شاء الله ما مقصره معاهو....باقي وليدنا ده جديد
على الغربه خليك حنينه معاهو.
Quote:
احسن عنوان بخصوص المونديال اشوفو لحدي هسة..
بالغتي يا خالتو تراجي،، :) :) :)
و ضحكت فووووق لي فرحتي بفوز أسبانيا.
|
عادي يا عزوز يا غاليه
انا من يوم شفته الملكله صوفيا دي وانا طفله
رسخت ببالي كصاحبة اجمل ساقين في عالم الملكات طبعا.
والنصيحه لله مره ساقينها ما زي الملكه صوفيا دي
تتقي فينا الله وما تلبس اسكيرات قصيره اطلاقا!
جمال التايير بيكون بروعة الساقه المخروطه!
لا بيني وبينك الخرطه براها ما كفايه
يعني ماساة تكون المره كرعينها زي الملكه صوفيا ومجلوطه زي رجاء الجداوي!!
عاد(الجلطه اديتها العدو)!
اها جيبوا لي الهواء حسه
ويجيك فلان يسل لسانه فيني ويقول لك تراجي قالت جندريه!!
اها يا فلان جندريه وبحب الجمال مالك!!
والله جميل يحب الجمال!
فلان ده عارف روحه.
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: محمد علي شقدي)
|
شقدي كيفنك يا ود امي
قلنا نضحك شويه ونخلط الهزيمه بالضحك ود الباوقه جاي يبلعنا لسانا(هههههه)
اها حسان هولندا الضاربات الجبنه (اللافشي كري) ديل يجوا يفتوا لينا حولهم ناس خدر
وابو مهند و الصادق زكريا واحمد محمدين ومحمد مهاجر..وتاج الدين بالانتساب....
Quote: مبروك اسبانيا ولا عزاء لحسان هولندا
تراجي حضور بفن المخرطه سلامات |
الا يا حبيب حسان اسبانيا الضاربات الزيتون وممساحات بزيته منديات زي الورد ديل خليهم ساي!
والاعجب رجالهم الضاربين جمري البحر المتوسط!!
يا حبيب الشعوب السعيده في روحها وحبها دي ببين عليهم ما شايف روعة العطاء و التميز!!
الله يزيدهم
والاداهم بالكوريك يدينا بالمعلقه بس!نحن راضين.
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: طارق جبريل)
|
طارق جبريل سلام
وحاتك بس نقول ماشاء الله
والعجب لو شفتها في شبابها!!قادر الله!!
Quote:
والله يا تراجي ساقين زي فتك الفلاتة داك
ياخي ديل تقول خرطوهم ليها
ياخي خوان كارلوس دة عامل نخرتو زي القُنقليزة كدة عزال خلاص |
باقيلك خوان كارلوس العزال ولا صوفيا!!(وجه غامز)!!
هو خوان كارلوس زاته راجلا هين ولا لين؟؟؟
ماك شايف القامه دي؟؟!!(هههههه)!
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: Osman Musa)
|
عثمان موسى
سلام ثاني....
يا اخوي نحن عرفنا سر الفوز خلاص.....
Quote:
بعد كأس العالم ده .
يكون صاح زى ما قالوا : الملاح بصل . والملكة صوفيا . |
يا حبيب هو اتضح لك لاعب نائم له بكنز زي صوفيا دي
انت ما شفته التحف المعرسنها نجوم الكروه؟؟!!
يا حبيب ناس حامد بريمه والدحيش وكل لعبية السودان طلع عندهم
حق.....ما يصلوا للعالميه جنس المحن الموكحين بيها دي
يشوفوا العالميه بوين باقي لك؟؟(هههههههه)!
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: Tabaldina)
|
تبلدينا سلام
ومنور يا اخي ديار ناس ولادة الفاجره(ههههه)
Quote:
..
.
دى مش حفيدة ولادة الاتكسر فيها ابن زيدون ..
اكيد..
------------
المرا ساقين والحلة بصل ولا كيف .. |
بس ياهم ذاتهم
حفيدات ولادة القالت واعطي قبلتي من يشتهيها!!
اتاري المزاج الناري للاسبان ده تركة ناس ولاده الفاكين اللعب من بدري!!
عفيت منهم غايتو اخدوا حقهم وكفايه!!
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: ود الباوقة)
|
يا امين بشاري
يا اخي ده حقد منكم ساكت
كيف يعني فريق البلي استيشن؟؟!!
Quote: تراجي اها نحن نشوف شنو بعد دا
وقالو زماااااااااان
الفـــول زيت ... والمرا بيت
وفي رواية أخـــرى طفايات مصبوبة صب زي ما قلتي
مبروك لفريق ال(playstation) كأس العالم.. فريق لا يمتع ابــداً |
حرام عليك!!
وما تنسى كل الفريق لعيبته عندهم طفايات زي ديل ما الملك براهو يعني(ههههه)!!
امي النبي
اخونا ود الباوقه ده ايدهو راسه
| Quote: والله تراجي انا الجمبري دا ما بحبو كلو كلو |
يا ود الباقوه لو ما بتحب الجمبري سجم لعبك وسجم خشمك!!
العايش ليها شنو؟؟؟
واوعك تكون مصدق حكاية المؤمن حلوي دي ومقرض عليها!!
وحياتك معناها قطرك قام!!(هههههههه)
جرب تحب الجمبري ده وما حتندم حتدعي لي طول عمرك
واحتمال تبقى علماني زاتو(هههههه)!!
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: Tragie Mustafa)
|
| Quote: النصيحه يا طارق هولندا لعبت بقوة وتنسيق وجمال |
ربما كان هذا لبعض الوقت, لكن كان واضح إستحواز أكبر
للإسبان على الكورة, مع هجمات أكثر وتفاهم أعلى.
المهم ... زي ما قلت ... إنها المدورة, وتجديني
زعلان لهولندا, لأنو دي المرة التالتة إصلو النهائي
وإرجعوا صفري اليدين... ثم أن صحابي من السودانيين
في هولندا أكثر من أسبانيا.
أها كأس العالم ... وإنتهى ... نعمل شنو تاني.
شكرا تراجي وتحياتي للعيال
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: خالد حاكم)
|
ربط موفق وتوصيف جميل ياتراجى
وده الفرق بين " الشنكارات " و " السكاكات "
والشنكار هو واقى الساق الذى يستخدمه اللاعبون
فى كرة القدم فيجعل سيقانهم تبدو اكثر ضخامة
مثل طفايات القاعة كما يقول الكورنجية فى وصف
السيقان الجميلة " شنكارات صاح "
اما السكاكات فهى نوع من انواع السيقان التى
لايزيد قطرها عن خمسة ونص سنتمتر
وهى تشبه سيقان غنم زهرة
العنوان بتاعك ياتراجى فيتشر رائع لفوز
اسبانيا وحضور الملكة صوفيا
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: Ali Sirelkhatim)
|
يا علي سر الختم روق المنقه(ههههههه)
وحاتك المنبر ده فيه جنس طفايات خليها ساي
زمان كتبنا...دكين شال حالنا وعملنا ضكريات
رغم انه الله جميل يحب الجمال...وعيون النساء بالجمال اكثر خبره ولا شنو؟؟؟.
Quote:
يا تراجى غايتو مبروك لاسبانيا الكاس اما موضوع الساقين ده فاجمل ساقين فى العالم
هم لواحدة بورضابية معانا فيييييييييييييى المنبر ده وفيييييى نورث امريكا دى و
العايز يعرفها يرسل قى الماسنجر{توجد صور} وانا احسن اسكت قبل مايطلّقونى..
سلام
|
ديحن الفي بالك دي مسكينه وحياتك واظنها طفايات سينما كوليزم بس(ههههههه)
ان شاء الله ينومك في الكنبه الليله عشان ثاني تكتب بلا مشاورة الحكومه(ههههه)!
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: heba Elmahi)
|
تراجي
أولا بالتبادي... ناس هولندا ديل "لم يأتو لحوار و إنما أتو لأجندات أخري" .. الناس جايين ناس كبع و لبع و بويظ كوره... كورتهم زي كوره ناس ميدان عقرب لمن الواحد يقش ليهو زول..... "رج" دي ناس سعد قشره بيكونوا سمعوها.بوظو علينا النهائي ... عجبني ليهم المسمار و شحدت ربي بقرهم يغرزن كلهن و جدادهم يمسكو "سمير" عشان نشوف هولنده دي تاني بتقبل علي وين...
تانيا... أنا بعمل في خطة إنو السودان يشيل الكاس الجايه (2014) و بعد بوستيك ده حا أعتمد توصيه للرئيس (في الزمن داك) إنو يعرس ليهو واحده "ذات شنكارات".
تالتا كأس العالم كرهنا في شعوب و منتجاتها و من الليله و حركات هولندا كرهنا الجبنه ذاتها.... و اليوم داك بعد كوره غانا مع الارغواي كرهت ليك المكاسيك بأنواعهم...بس أمبارح كيفوني ليك ناس جنوب أفريقيا كرهو ليك "سواريز" بتاع أرغواي الطب ذاتو .. ما يمسك ليو كوره... شي سدير.. و شي نبذ... حبوبتو ذاتها لصقو ليها... ده غير الحركات الما جابتها الكاميرا.... عفيت منهم تب فشوني
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: Sabri Elshareef)
|
صبري الشريف سلام
ووي الحي بيك يا اخي؟؟؟
Quote: غايتو عنوان ما شافهو ناس الطقي واهل التكفير وصرصرة الوش
هسي يجوك يقولوا لا هذا لا يرضاه الله يا اختاه
وا معتصماه وووووووووووووووووو
تتخيلي ديل قلوبهم وعينهم مقفوله الله يكفيك شر شفوت الدين
انا كنت مشجع اسبانيا الغريبه كنت اشجع هولندا ضد البرازيل
لكن لعب هولندا خشن ومبروك للاسبان الكاس
وفعلا ساقين مليانات الله يحفظها من عيون الناس |
تسلم يا صبري والملكه صوفيا مشهوره بكريعنها دي من زمان وحياتك.
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: عامر تيتاوى)
|
عامر تيتاوي منور
يا اخي في حضور الملكه صوفيا و اسبانيا بلادها الجميله
Quote:
ربط موفق وتوصيف جميل ياتراجى
وده الفرق بين " الشنكارات " و " السكاكات "
والشنكار هو واقى الساق الذى يستخدمه اللاعبون
فى كرة القدم فيجعل سيقانهم تبدو اكثر ضخامة
مثل طفايات القاعة كما يقول الكورنجية فى وصف
السيقان الجميلة " شنكارات صاح "
اما السكاكات فهى نوع من انواع السيقان التى
لايزيد قطرها عن خمسة ونص سنتمتر
وهى تشبه سيقان غنم زهرة
العنوان بتاعك ياتراجى فيتشر رائع لفوز
اسبانيا وحضور الملكة صوفيا
|
تسلم اخي ومبروك مره آخرى لاسبانيا.
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: cantona_1)
|
سلام ثاني يا كونتانا
Quote: حبيبتنا تراجي بعد السلام
إنت ما سمعتي الجماعة قالوا: الحلة بصل والمرا رجلين. يعني لازم الرجلين يكونوا
زي قزاز البيرة أم جمل القديمة ديك.
أظنك عارفة السبب في أن رجلين السودانيات رقاق زي كرعين الجداد كدا؟ طبعاً السبب
هو الهناي البعملوا في البتاع.
فاهمة ولا أشرح ليك؟ عارفك فاهمة وبتفهميها طايرة.
(العوج راي والعديل راي) |
يا حبيب الكلام ده ما صحيح
انه الخفاض الفرعوني هو البشوه كرعين النساء في السودان!!
قسمتنا وحاتك وبس !!
قول يا لطيف.
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: HAYDER GASIM)
|
حيدر قاسم سلامات
Quote:
ربما كان هذا لبعض الوقت, لكن كان واضح إستحواز أكبر
للإسبان على الكورة, مع هجمات أكثر وتفاهم أعلى.
المهم ... زي ما قلت ... إنها المدورة, وتجديني
زعلان لهولندا, لأنو دي المرة التالتة إصلو النهائي
وإرجعوا صفري اليدين... ثم أن صحابي من السودانيين
في هولندا أكثر من أسبانيا.
أها كأس العالم ... وإنتهى ... نعمل شنو تاني.
شكرا تراجي وتحياتي للعيال |
معليش لهولندا ويكفيهم شرف الوصول دوما للنهائيات.
مش زينا نحن.....
كأس العالم ده يا حبيب
مفروض كان استراحه
ومفروض نرجع لموضوع الاستفتاء بكل جديه.
تحياتي للاسره.
| |
|
|
|
|
|
|
|
|
|
Re: مبروك كأس العالم لاسبانيا بلاد الملكه صوفيا (صاحبة اجمل ساقين)! (Re: Tragie Mustafa)
|
يعتبر المنتخب الاسباني هو المنتخب الوحيد في العالم الذي لم يخسر في 35 مباراة متتاليه
وفاز في 15 مباراة متتاليه و يعتبر المنتخب الوحيد الذي حقق اكبر فارق نقطي في التصنيف العالمي للفيفا .
ويعتبر المنتخب الاسباني هو المنتخب الوحيد الذي لم يخسر من اي منتخب اوروبي منذ نوفمبر 2006 الى يومنا الحاضر
ولعب المنتخب الاسباني مع المنتخبات الاوربيه (39) مباراة متتاليه ولم يخسر اي مباراة
و فاز في (37) مباراة و تعادل ( مرتين ) , ويعتبر هذا الرقم خرافي قابل للزيادة .
وفوق ده كلوا
دعا الزعيم الليبي معمر القذافي اليوم لأن تتولى أسبانيا تنظيم الدورة المقبلة لمباريات كأس العالم باعتبارها فازت بالنهائيات الأخيرة جنوب أفريقيا.
شنو ليك يا ست تراجى !!!
| |
|
|
|
|
|
|
| |
Tragie Mustafa
محمد علي شقدي
Soumeta
Osman Musa
waleed dawash
طارق جبريل
الامين موسى البشاري
HAYDER GASIM
عصام دهب
اسماء الجنيد
cantona_1
خالد حاكم
عامر تيتاوى
Ali Sirelkhatim
Mohamad Shamseldin
Hadeer Alzain
الطيب رحمه قريمان
Asim Fageary
محمد عبد الماجد الصايم
Hisham Ibrahim
علي سيد همد
ولياب
amir jabir
الصادق صديق سلمان
شول اشوانق دينق
Abdlaziz Eisa
الفاتح الجنيد
عزالدين عباس الفحل
طارق عبد اللطيف نقد
فيس بوك
تويتر
انستقرام
يوتيوب
بنتيريست