كتب الكاتب الفاتح جبرا المتوفرة بمعرض الدوحة
|
حسين الصادق يطلق عروس من عريسها فى ليلة زفافها
|
صحيفة فنون
Quote: تسبب الفنان حسين الصادق فى طلاق عروس من عريسها اثناء حفل زفافها بعد ان فضلت العروس الوقوف بجانب حسين الصادق طوال زمن الحفلة بدلا من الجلوس مع بعلها فى المكان المخصص له،اوتعود تفاصيل الواقعة الغريبة بحسب الفنان حسين الصادق لصحيفة(فنون)انه ذهب لاحياء حفلة باحد الاندية المعروفة بالخرطوم وبعد بداية الحفل وقدوم العروسين قال انه تفاجأ بالعروس تقف الى جواره طوال فترة وصلته الغنائية ولم تبارح مكانها مماجعل السخط والاستياء يظهر بشكل كبير على وجه العريس الذى استشاط غضبا من تصرف العروس التى كانت تصر على عدم مبارحة مكانها بجوارى واضاف ثم تفاجأت بالعريس يغادر النادى وقبيل نهايته عاد من جديد ورمى يمين الطلاق امام جميع الحضور على العروسة التى انهارت من فورها وانخرطت فى نوبة بكاء حادة وتابع ثم غادرت المكان انا وفرقتى قبل انتهاء زمن الحفل وانا مذهول لتصرف العريس المفاجى. |
|
|
|
|
|
|
|
|
Re: حسين الصادق يطلق عروس من عريسها فى ليلة زفافها (Re: رهف)
|
Quote: العاجبهم في الزول العامل زي شيطان النبق دا شنو انا ما عارف |
نيازي ... تحية طيبة القصة في الأساس مفتولة ... بس ماقادر أتخيل شيطان النبق ده كيف ... بالله لو سمحت أوصفه لينا ... وهل اللالوب عنده شيطان ...
Quote: طيب ليه لما تكون الحفلة بفنانة والعريس يصاقر الفنانة ويجدع فى القروش بهبالة خاصة لو بقت ندى القلعة وما يزح من جنبها لماذا لا تطلق العريس وتموت العروس بمغصتها و بغبينتهاساكت مسكينة المراة السودانية لمجرد الاعجاب بغناء فنان وانتو يالرجال تسوا الدايرنه |
أختنا الفاضلة: رهف - عريسك البتوصفي فيه ده لا ندامة عليه ويمكنها أن ترفضه على طول .... وإلا الخطأ محسوب عليها لماذا قبلت به في الأصل كعريس ...والعروس يفترض في يوم عرسها تكون أهدأ ما يكون وفي حفلتها تكون رزينة ... يا ترى هل للغيرة حدود ... الغيرة قد تصل عند البعض حد القتل ... أو الضرب - الطلاق - لكن التعقل مطلوب - ... إيه البخليه يطلقها يوم عرسها وفي داخل الحفلة وما ردة فعله تجاه الفنان ... وكما قيل أن تشعر بالغيرة شيء وأن تمارس ذلك الشعور شيء آخر، فلو أطعنا مشاعر الغيرة التي تنتابنا بين الحين والآخر لدخلنا في نفق العذاب المظلم.. حيث لانبصر طريق العودة.... هذا العريس ربما تكون هذه العروس مفروضة عليه ولقاها فرصة للخلاص ... نعم فرصة للخلاص .. كان بإمكانه أن يسحبها ويتحدث معها بالابتعاد ولا أعتقد أنها تمانع ... عالم عايزة تبيع جرايد وتفتل في الحكاوي...(زمن الصحافة المبتذلة ...)
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: osman righeem)
|
Quote: هو حسين الصادق دة منو ما تقولولي الولد المفلفل شعره علي بعر الجمل داك |
طارق اخوي
وليس قولك من هذا بضائره
المساطيل والمحششين يعرفون من انكرت والسجم....
هو صاح ولد ومفلفل شعرو وبغني بفنيلة كت
لكن عندو عدد تلاتة بوديقارد من النوع ابو كديس(قلت اكلمك الدنيا مامعروفة)،
............. كسرة مرات في( فاقد تربوي بمكنةفنان) ولما السوق بتاعو ينوم
يشوف ليك اقرب واحد (فاقد تربوي بمكنةصحفي) ويقطع ليك فيهو 100 جنيه(وقيل مرات عشوة كاربة تكفي)،
يطلع ليهو اشاعة ولا خبر زي ده
لزوم السوق وكده،
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: مدثر قرجاج)
|
Quote: وتموت العروس بمغصتها و بغبينتهاساكت |
وهي تموت ليه ؟
ما تسوي زي عريسنا الضكران دا والله عجبني تب
وهي لو سوت زيو كمان تعجبنا تب
هو الزول عندو كم ليلة عمر ؟؟؟!!
ياخي زمان العروس عريسا ما بتعاين ليهو ليس من خوف بل ادب واحترام وخجل الخجل دا اجمل شي في الدنيا وبيزيد جمال المراة كمان ودليل تقلة ورزانة البت الخفيفة يسو بيها شنو ؟
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: محمد حسن العمدة)
|
Quote: طارق اخوي
وليس قولك من هذا بضائره
المساطيل والمحششين يعرفون من انكرت والسجم....
هو صاح ولد ومفلفل شعرو وبغني بفنيلة كت
لكن عندو عدد تلاتة بوديقارد من النوع ابو كديس(قلت اكلمك الدنيا مامعروفة)،
............. كسرة مرات في( فاقد تربوي بمكنةفنان) ولما السوق بتاعو ينوم
يشوف ليك اقرب واحد (فاقد تربوي بمكنةصحفي) ويقطع ليك فيهو 100 جنيه(وقيل مرات عشوة كاربة تكفي)،
يطلع ليهو اشاعة ولا خبر زي ده
لزوم السوق وكده،
|
معاذ كيفنك ابوي يا زول الله يسهل علينا وعليه جابتلها بودي قاردات كمان
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: ابو يسرا)
|
لكن الصادق ما بالغ ... كان يطلع اضكر او (اظرط ) من العريس ويعقد عليها فى مسماها وفى التو والحال وفى العشاء والحفلة ديك .. ويقمح العروس ذاتو لووووووب !
ــــــــــــــــــــــ غايتو يا ابو يسرا كان دا الفنان حلاتو والله يا طارق وصلاح حساااادة تولدكم البنات !
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: أبو ساندرا)
|
يا جماعة والله أنا رأى هو فى العرس أى شىء مباح للعريس والعروس ،، يعنى ممكن عادى يقوم العريس حاضن ليه كام واحدة كده وبيرقص معاهم عادى يمكن فى غير المحل ده كان ما بيقدر يعاين ليهم ساكت ،، والعروس كذلك بنفس المقدار ،، يا أخى الشعب السودانى شعب غريب ،، بالله فيها شنو العروس لو وقفت جنب الفنان ؟؟ حتى لو رقصت معاه زاتو بنفس المعيار الذى ذكرته أعلاه .
غايتو أنا بقول العريس ده زهجان من عرسو ده لسبب من الأسباب وكمان كترت عليه المصاريف ،، فقرر أن يأتى بأقاصرها وهو الطلاق .
مع التحية للجميع ،،
ماهر
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: Mahir Mohammed Salih)
|
Quote: ياخي زمان العروس عريسا ما بتعاين ليهو ليس من خوف بل ادب واحترام وخجل الخجل دا اجمل شي في الدنيا وبيزيد جمال المراة كمان ودليل تقلة ورزانة البت الخفيفة يسو بيها شنو ؟ |
ود العمدة ازيك يابا .. ذكرتني نكتة فى ام روحي دي .. كانت حفلة خطوبتنا فى القضارف وسط عدد بسيط من الاهل والاصدقاء يعني تقول حفل اسري ما ناس كتار... حالتو دي لووول ورغم ده اختك الرجفة ماسكاها اها بتذكر القايمه بى موضوع الشبكة والدبل جارتنا الله يطراها بالخير قبطية اسمها خالتي بدور ماسكة الدبلة وقالت لي لبسي العريس يا سوما ده طبعا بعد لبسوني اها الدبلة وحاتك فكيتها فى طرف الاصبع قربت تقع لوووووووووول وسوست لي بالراحه فى اضاني بى نهرة يا بت لبسيه الدبلة كويس !!! اديتها حبة لزة لى فوق وخليتها فى نص الاصبع لووووووول لا احرى لا ادرى الا نهرة فاتت صوت الكاسيت الكان شغال سومااااا لبسيه الدبلة كويس يا بت بى لهجتها المصرية الحادة وحات الله زادت من رجفيني والمسيكين بحاول يساعدني عارفني متكبكبة وبعد النهري ده كلو وحات الله ما لحقت لبستو ليها كويس وطبعا مكبسة راسي لى تحت لى نهاية الحفلة
اها قلت لي دي فتحت كلو كلو للعريس وبقت مع الفنان !!!! محنك يا ربي مخير الله علي زمنا نحن
متاوقة القراضابي اخوي كيفنك اصحابك شاهدين علي الحادثة الظريفة دي وكانوا ماسكنها لي زمن
سلام للاخ مدثر وشكرا لايراد الخبر الغريب وعجيب
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: خالد درق)
|
Quote: يا اخوانا الوقفة مع الفنان ما مشكلة , المشكلة في حرنة العروس دي يعني قالت دُد ما راجعة الكرسي وصلبت عديل جمب الفنان يعني كل ما يحنسوها ترجع مصرة تتيبس جمب الفنان , يعني العريس دا لو صبر عليها شوية كانت قالت دايرة تتعشي مع الفنانين . |
لووووووووووووووووووووووووووول غايتو دي بالغت فيها يا اساسي
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: اسماء الجنيد)
|
مدثر اخوي كيفنك ؟؟ المحن دي شنو؟؟
ياصلاح عبدالله زمان الواحد بيعمل الف حساب ياخي.. مش كده..
ياالقرادابي ودنور وياريس طارق ياحليلنا وياحليل زمأأأأأأأأان
انا متأكد العروس ماعندها اي شئ تجاه الفنان بس الاعجاب بفنه وده شي طبيعي ...لكن العريس متهور نظام الغيرة كاوياني
سمعنا بشيطان الكوشة ..وشيطان مكة.. اول مرة اسمع بشيطان النبق!!!علا عجبتني شديد
شكرا قرجو
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: مازن الجمّال)
|
Quote: ويعقد عليها فى مسماها وفى التو والحال وفى العشاء والحفلة ديك .. ويقمح العروس ذاتو لووووووب ! |
يعقد عليها كيف بس يا دينا و هي لسة ما كملت عدتها..؟؟ اوعة تقول لي غير المدخول بها و الكلام الما بقسم دة .. الزمن دة بعد العقد مافي حاجة مضمونة .. او كرت كرتونة .. الزي ديل بقولوا عليهم استعمال دبلوماسي . .
___ لفائدة القراء : المرأة المطلقة قبل أن يدخل بها زوجها أو يختلي بها لا عدة عليها لكن لها نصف الصداق و ذلك لقوله تعالى ( إِذَا نَكَحْتُمُ الْمُؤْمِنَاتِ ثُمَّ طَلَّقْتُمُوهُنَّ مِنْ قَبْلِ أَنْ تَمَسُّوهُنَّ فَمَا لَكُمْ عَلَيْهِنَّ مِنْ عِدَّةٍ تَعْتَدُّونَهَا) آية 49 سورة الاحزاب .
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: yasir Abdelgadir)
|
أعتقد أن العريس إتخذ القرار الصحيح ... و أن اشياء ربما تظهر للعيان بسيطة وشكلية يوم ليلة الزفاف و ما قبلها من طقوس شكل العرس : و لكنها تعنى الكثير فى مستقبل العلاقة الزوجية ... و فى تلك الليلة يجب ألا يكون هنالك شريك ثالث للعريس أو العروس : سوى إهتماهم ببعضهم البعض ... همهم الوحيد أن تنتهى الحفلة ! و يتفرق المدعويين .. و الفنانيين .. و يذهبان لبعضهما , العريس و العروس ( منفردين ! ) فيما أحله الشرع فى رحاب الحب و الهوى ... ..... فمثل هذه العلاقة ( حسب ما ورد فى البوست ) يجب أن تقتل فى مهدها قبل أن يكون نتاجاها ضحايها أبرياء من الأطفال لا حول لهم و لا قوة من هذا النوع من الإرتباط الذى يجب ان يكون مقدس .. و هنالك أمثلة حية و معاشة ... خاصة للذين يخططون للعيش فى بلاد الغرب ( أمريكا مثالا ! ) و أكرر ... برافو يا عريسنا يا ود القبائل .. ......... كسرة : و من شكل الفنان .. ( الفى الصورة ! ) تعرف العنوان ... عبدالماجد
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: أسامة عبد الجليل)
|
Quote: سيد البوست و زواره الكرام سلام و محبة
قلت لي العروس قالت الليله إلا دا......... يا خي العريس ذاتو روحو ما رياضية .... قول ليهو ياخي انا بتبالو بيك العمر كلو و دا يوم واحد ما بتكرر خخليها تقيف
يا خي قبل فترة حضرت حفلة بالفنانة المسمنها علي المرة الجازفت راجل هيلاري وزيرة الخارجة الامريكية و شيطان النبق* دا ............ يا خي مبالغة
أها قربت تقوم حرب أهلية أعمامك في سن ناس صلاح عبدالله ديل دايرين ضرة هيلاري ,,,, و الجكس و النسوان دايرين شيطان النبق.....
و الله شيطان النبق دا مسك المايك دا الجكس من كل الأعمار ما قادر يقاوم شئ صريخ , و شئ صفافير غايتو بس ربك كريم
لكن بجي برواقة لضرة هيلاري و شيطان النبق
|
ياحافظ سلام اها الرجال ماقدرو يمسكو نفسهم ؟؟ لكن العمل الحفلة ده بينى وبينك حريف خلى كلو زول فى همو ناس مع شيطان النبك وناس مع ابو الماوالله الحكاية شكلها كان جايطه جنس جوطه
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: مدثر قرجاج)
|
Quote: تسبب الفنان حسين الصادق فى طلاق عروس من عريسها اثناء حفل زفافها بعد ان فضلت العروس الوقوف بجانب حسين الصادق طوال زمن الحفلة بدلا من الجلوس مع بعلها فى المكان المخصص له،اوتعود تفاصيل الواقعة الغريبة بحسب الفنان حسين الصادق لصحيفة(فنون)انه ذهب لاحياء حفلة باحد الاندية المعروفة بالخرطوم وبعد بداية الحفل وقدوم العروسين قال انه تفاجأ بالعروس تقف الى جواره طوال فترة وصلته الغنائية ولم تبارح مكانها مماجعل السخط والاستياء يظهر بشكل كبير على وجه العريس الذى استشاط غضبا من تصرف العروس التى كانت تصر على عدم مبارحة مكانها بجوارى واضاف ثم تفاجأت بالعريس يغادر النادى وقبيل نهايته عاد من جديد ورمى يمين الطلاق امام جميع الحضور على العروسة التى انهارت من فورها وانخرطت فى نوبة بكاء حادة وتابع ثم غادرت المكان انا وفرقتى قبل انتهاء زمن الحفل وانا مذهول لتصرف العريس المفاجى
|
مُدّثّر والحضور سلامات
غايتو أنا أدّيت ( الفنّان ) بوسة عديــــــل .. الله يستر
تحاياي
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: لؤى)
|
Quote: يا طارق جبريل يا بتاع الليل،
ياخ أنا القدامك ده كان الود ده بيغني جنس الغنا ده وكنت أنامكان البت
يمين أتنح جنبه لمن الحفلة تنتهي .
ياخي البت مرهفة وقعت ليها في واحد جلف
بركة ال الله خارجها منو.
أسمع الحنان ده يا بتاع الليل، إنت الظاهر عليك بقيت تنوم. |
صاحي يا حبيبنا بس الرابط حقك دة ابى يشتغل معاي ضيعت علينا الليل
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: طارق جبريل)
|
Quote: عروس ما عندها فهم حسين الصادق منوا عشان تخرب بيت الله يكون فى العون |
هو البيت ده جربتو عشان تعرفو كيفن يا اخواني... البنية شااااااااااطرة نفدت بجلدها قبال الفاس ما تقع في الراس.. زول ناصح من الاسرة يجيب كرسي العريس والعروس ويختهن عند طقاق حسين الصادق ده مافي ويتلافى الكارثة؟
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: عبد الباقي الجيلي)
|
Quote: لؤي سلامات ً ياخي حرام عليك عديل كده.,,,
ياخي الإنت أديتو بوسة ده فنان ...
وعشا البايتات ده فنان؟؟؟
أنا أرفض هذه المقارنة تماماً . |
باااااااااااااالغت انت يا لؤي ما بالغوا ناس المشاهير والله شن جاب لي جاب يا الضي بعدين العروس هنا الفنان بالنسبة ليها فنان حفلة وخلاص.. عشان كده عريسها طق بالزعل وانت الفنان هنا ياهو حبيبك وروحك وفنانك وقبل كل شىء ولي امرك وابووووووووووك الشاهد على عقدك.... الببو ياخ فى صنقورك ده .. هي السعودية دي لي بعيدة كده الواحد كان جاء لفت نظرك لوووول حلوة لفت النظر دي مش اسمع انا اليومين ديل روحي محرقاني مشتاقوون ياخ
شكرا للاخ الجيلي وتعليقك عجبني جداا تسلم
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: مدثر قرجاج)
|
Quote: يا اخوانا الوقفة مع الفنان ما مشكلة , المشكلة في حرنة العروس دي يعني قالت دُد ما راجعة الكرسي وصلبت عديل جمب الفنان يعني كل ما يحنسوها ترجع مصرة تتيبس جمب الفنان , يعني العريس دا لو صبر عليها شوية كانت قالت دايرة تتعشي مع الفنانين |
هو الفنان زاتو مالحق العشامن الفاصل الاول طلقوهاوالعشا بكون رجعوه (جنس خساير)
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: اسماء الجنيد)
|
Quote: باااااااااااااالغت انت يا لؤي ما بالغوا ناس المشاهير والله شن جاب لي جاب يا الضي بعدين العروس هنا الفنان بالنسبة ليها فنان حفلة وخلاص.. عشان كده عريسها طق بالزعل وانت الفنان هنا ياهو حبيبك وروحك وفنانك وقبل كل شىء ولي امرك وابووووووووووك الشاهد على عقدك.... الببو ياخ فى صنقورك ده .. هي السعودية دي لي بعيدة كده الواحد كان جاء لفت نظرك لوووول حلوة لفت النظر دي مش اسمع انا اليومين ديل روحي محرقاني مشتاقوون ياخ
شكرا للاخ الجيلي وتعليقك عجبني جداا تسلم
|
سوما مساء الخير
ما في أيّ شيء جاب لجاب الـمُداخلة كانت من باب السُّخريّة من الموضوع يعني دا كان زواج أطفال ولاّ شنو ؟ تصرّفات عجيبة بقينا نسمع عنّها يا حليل الفهم والعقل وحليل الفن ببّو في عينك إنتي إتهكرتي ولاّ شنو ؟ ولا دي آثار الغبار البركاني ؟؟ والسّعوديّة دي أخير تختيها
أُستاذ الفاتح والعيال كيف ؟ سلامي للجّميع أمانة عليك
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: أسامة عبد الجليل)
|
Quote: يا جماعة والله أنا رأى هو فى العرس أى شىء مباح للعريس والعروس ،، يعنى ممكن عادى يقوم العريس حاضن ليه كام واحدة كده وبيرقص معاهم عادى يمكن فى غير المحل ده كان ما بيقدر يعاين ليهم ساكت ،، والعروس كذلك بنفس المقدار ،، يا أخى الشعب السودانى شعب غريب ،، بالله فيها شنو العروس لو وقفت جنب الفنان ؟؟ حتى لو رقصت معاه زاتو بنفس المعيار الذى ذكرته أعلاه .
غايتو أنا بقول العريس ده زهجان من عرسو ده لسبب من الأسباب وكمان كترت عليه المصاريف ،، فقرر أن يأتى بأقاصرها وهو الطلاق .
مع التحية للجميع ،،
ماهر |
انا اتخيل لى فى زول حرشو لانو طلع بره وتانى جا راجع ورمى عليها الطلاق ..غايتو )
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: عبد الباقي الجيلي)
|
Quote: هو البيت ده جربتو عشان تعرفو كيفن يا اخواني... البنية شااااااااااطرة نفدت بجلدها قبال الفاس ما تقع في الراس.. زول ناصح من الاسرة يجيب كرسي العريس والعروس ويختهن عند طقاق حسين الصادق ده مافي ويتلافى الكارثة؟ .. |
يا استاذة حليمة
مفروض الفنان كان يشيل المايك بتاعو ويمشي يغني جمب الكوشة مع العريس والعروس اوتوماتكلي كان جات بالقرب من زوجها والفنان 2 في 1 يعني
ويادار مادخلك شر
لكن بيني وبينك هو الخفيف منو المفروض يمشي للتاني العروس ولا الفنان ( العروس جاره ليها فستان والعريس شايل قفة في راسو )
شخصيا بعتقد العريس هو الخفيف مفروض يمشي وراء سلك المايك حفاظا على الارواح والممتلكات لووووووووووووووووووولز
اللهم لا شماته
تحياتي
زاتوووو
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: ALZOLZATOO)
|
Quote: مدثر اخوي كيفنك ؟؟ المحن دي شنو؟؟
ياصلاح عبدالله زمان الواحد بيعمل الف حساب ياخي.. مش كده..
ياالقرادابي ودنور وياريس طارق ياحليلنا وياحليل زمأأأأأأأأان
انا متأكد العروس ماعندها اي شئ تجاه الفنان بس الاعجاب بفنه وده شي طبيعي ...لكن العريس متهور نظام الغيرة كاوياني
سمعنا بشيطان الكوشة ..وشيطان مكة.. اول مرة اسمع بشيطان النبق!!!علا عجبتني شديد
شكرا قرجو |
ياعمدة انشالله انت كويس جنس محن تحيرك عديل كده الزمن بقى ماهو الزمن العريس دخل الغيروان وماقدر يتحمل بعدين بينى وبينك بكون فى عوازل كده سخنو الموضوع ..وشعللوه
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: الطيب رحمه قريمان)
|
Quote: فمثل هذه العلاقة ( حسب ما ورد فى البوست ) يجب أن تقتل فى مهدها قبل أن يكون نتاجاها ضحايها أبرياء من الأطفال لا حول لهم و لا قوة من هذا النوع من الإرتباط الذى يجب ان يكون مقدس .. و هنالك أمثلة حية و معاشة ... خاصة للذين يخططون للعيش فى بلاد الغرب ( أمريكا مثالا ! ) و أكرر ... برافو يا عريسنا يا ود القبائل .. ......... كسرة : و من شكل الفنان .. ( الفى الصورة ! ) تعرف العنوان ... عبدالماجد |
كلامك حلو لكن هل يعنى هذا ان العلاقة لو استمرت كانت ستفقد قدسيتها؟ وهل يمكننا ان نحكم ان العروس التى عبرت عن اعجابها بطريقه غريبة لن يكون لديها ماتعطيه لزوجها؟ اسئلة كثيرة لكن بدون اجابات
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: amir jabir)
|
Quote: مُدّثّر والحضور سلامات
غايتو أنا أدّيت ( الفنّان ) بوسة عديــــــل .. الله يستر
|
يالؤى بالغتاعديل ياخى بوستك دى فى محلها تمام دى بوسة للامبراطور والله بوستك دى نورت البوست ياخى انا فى اتحاد المهن الموسيقية سلمت عليهو فى يدو الليل كلو مانمت اى زول اضرب ليه تلفون عشان احكى ليه انى سلمت على الامبراطور ولو كنت قادر اصلو قريب كنت قطعته فيه بوستين
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: Kamal Karrar)
|
اخوي قرجاج لك التحايا النضرة عارف كل سنة في ختا على فنان اها عند الشباب الختا على حسين الصادق القضية ماها عكلته دي حاجة تقول عليها بتاعة ربنا انتو تشوفوا في حسين شيطان عنكوليب لكن الشباب يشوف فيهو نموذج الجمال والطرب والعروس دي بالمناسبة كانت في قمة امتنانها لعريسها لكنو ضبح ليها الكديسة والحمار والفيل وقلب القندراني زاتو عارف العروس دي كانت في لحظة سلطنة انو في عرسه جابو حسين الصادق فعايزة تمسك الللحظة دي لأطول فترة ممكنة لكن عريسها فهمة غلط والدليل انها لمن وعت بي كلامو غمرت واتسجمت الدنيا عليها لانو ما قاصدة اي شئ غير الفرح الشديد بي ليلة لاتنسى وحكاية شمار سوف يطول بي انو عرسها غنى فيهو حسين الصادق وهذا كلو بي فضل العريس بعد الله بي انو هو الجاب الفنان مرة الختا كانت على الفنان مجذوب اونسة ( الختا تعني الفنان بغني طوال الاسبوع لمدة سنة ) عشان كده اسمها الختة يعني ختة مشاركة من الناس للفنان زي خته الصندوق اها مجذوب كان ليهو اغنية ـ اخر خبر ) مكسره الناس كلها اها وهو بغني في عرس والناس صانه صاح الفنان بالمطلع وما نلقى الا العروس نطت من الكوشة وهي تصيح اخر خبر اخر خبر ودخلت في رقصة بي فرح اشتر وانفجرنا بالضحك لانو الاغنية تعبر عن اي حد في الدنيا الا العروسين القدامنا بس هي معجبة بالغنية فالحكاية هي كده العروس عبرت عن امتنانها ولم يكن في بالها اي اعجاب غير طبيعي
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: مدثر قرجاج)
|
Quote: عفوا فاتني أن أنقل تحياتي للأخ مدثر صاحب البوست وضيوفه الكرام فعذرا يا أصدقاء الخبر فعلا غريب ، لكن الأولاد المفتلين شعرهم أحمد وحسين الصادق ديل ( خاصة أحمد) غنايين بس محتاجين الرعاية والتوجيه.
شكرا للأخ مدثر. |
شكرا يا اسامة والله غنايين ومكسرين الجكس دى الحقيقة المرة
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: مدثر قرجاج)
|
Quote: إبن خالي سلامات...
يا زول العريس ده مالو تقول جدو (ضناب)...
قلب حار في الفاضية والمليانة...
تحياتي لجميع الأهل من الأمتداد لغاية الحجازة وشندي فوق..
مرورا بجبل أم علي... والمتمة ما تنساها.. |
قريبى ياخ والله مشتاقين عديل كده هههههههههه والله ضناب زاتو كان ممكن ياخد الموضوع بحنكة لو كان مكانو العريس ده فات حد الوصف على الاقل ضناب كان حايضارب مع حسين الصادق لمن ينتهى منو ويسوق عروسو ويشتت .... تحياتك تبلغ انشالله وكلهم بخير وفى اتم عافية نتطلع نشوفك فى الخرطوم حتى لو اسبوع اقلو على قول ابو اللمين محبتى
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: مُحَمَّدٍ عِوَضٌ احْمَدُ)
|
Quote: اخوي قرجاج لك التحايا النضرة عارف كل سنة في ختا على فنان اها عند الشباب الختا على حسين الصادق القضية ماها عكلته دي حاجة تقول عليها بتاعة ربنا انتو تشوفوا في حسين شيطان عنكوليب لكن الشباب يشوف فيهو نموذج الجمال والطرب ] |
استاذنا السنى عساك طيب وفى اتم الصحة
الخته مليون فى المايه حقت (احمد الصادق) وبتفق معاك والقبول ده من عند الله ..وانا الشايفو انو حسين ماسك الجو ومعاهو طبعا مجموعة من الشباب بطريقة ممكن البعض يندهش منها لكن لو اخدناهامن منظور الشباب شافينهم كيف؟ بنلقى الموضوع بسيط جدا
Quote: عارف العروس دي كانت في لحظة سلطنة انو في عرسه جابو حسين الصادق فعايزة تمسك الللحظة دي لأطول فترة ممكنة لكن عريسها فهمة غلط والدليل انها لمن وعت بي كلامو غمرت واتسجمت الدنيا عليها لانو ما قاصدة اي شئ غير الفرح الشديد بي ليلة لاتنسى وحكاية شمار سوف يطول بي انو عرسها غنى فيهو حسين الصادق وهذا كلو بي فضل العريس بعد الله بي انو هو الجاب الفنان
|
عشان كده يا استاذ انا كنت فى البوست بوجه سؤال للاخوة المتداخلين الافاضل من وين عرفنا نوايا العروس وكنت بكرر احتمال يكون اعجاب وبس وعلى حد قولك القشرة بتاعت حسين الصادق سرحت بيها وخلتا عايزه تكون واقفه جنبو وتصور معاه اكبر زمن طبعا حكاية تصور بالفيديو وهى على مقربة من حسين الصادق حاتكون حدث وتوثيق ضمن الشمار الذى سيطول يعنى عرسها غنى فيه حسين ورقصت جنبو .. بعدين يا استاذ العريس ده انا متأكد بكون جاب الفنان ده تلبية لرغبة العروس وبكون سلفا عارف انها معجبه بيهو كفنان اها الداعى شنو تضبح ليك كديسه ومعاها حديقة حيوانات كاملة قبلى ماتقول ياهادى؟؟؟!!!!
Quote: مرة الختا كانت على الفنان مجذوب اونسة ( الختا تعني الفنان بغني طوال الاسبوع لمدة سنة ) عشان كده اسمها الختة يعني ختة مشاركة من الناس للفنان زي خته الصندوق اها مجذوب كان ليهو اغنية ـ اخر خبر ) مكسره الناس كلها اها وهو بغني في عرس والناس صانه صاح الفنان بالمطلع وما نلقى الا العروس نطت من الكوشة وهي تصيح اخر خبر اخر خبر ودخلت في رقصة بي فرح اشتر وانفجرنا بالضحك لانو الاغنية تعبر عن اي حد في الدنيا الا العروسين القدامنا بس هي معجبة بالغنية فالحكاية هي كده العروس عبرت عن امتنانها ولم يكن في بالها اي اعجاب غير طبيعي
|
والله ختت مجذوب اونسة بينى وبينك فى (اخر خبر) لاتقاوم وجميل التعبير البجى فى لحظة فرح حقيقى مع انو ممكن يجر عليك كمية من البلاوى وسوء الفهم ..... وانا اتفق معاك انو العروس كانت فرحانه بالفنان البتحبو لانو فنان ومتمنى انو العريس يكون شجاع فى ويصحح غلطتو وبتمنى من العروس تغفر ليه لحظة غيرة عمياء وقد تكون فى بعض الاحيان دليل حب مؤكد.البت لمن طلقوها انهارت وهو دليل انها كانت مامركزة هى بتسوى فى شنو ؟ محبتى
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: مدثر قرجاج)
|
Quote: فنون جزء اصيل من صحيفة الدار..وكلو لاحق بعضو صحافة شمارات وشيل حال..وشتل..فى الفارغة والمليانة... ولا تخضع لأدنى مستوى من الموضوعية وبعدين العروس الطلاق الواقف ده..اتوقع انو تلفونو ذاتو ما تخلى فيهو جرس..مزيكا |
نحن هما لسنا بصدد مناقشة موضوعية الصحافة لانو ده ممكن نفرد ليه بوست براهو وهذا الخبر صحيح قطع شك بغض النظر عن حكاية الشمارات
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: معتصم مكاوي)
|
Quote: جماعة المسالة مش انو حسين الصادق قنان كويس و لا لا، القضية انو تصرف العروس شاذ و غير مقيول في اي ثقافة في الدنيا، لو كنت صاحب العريس كنت حاقول ليهو انت محظوظ لانو زي دي بتكون مشاكلها كتيرة في المستقبل الحمد لله انك اتخلصت منها من هسي. ] |
تحياتى كنت عايز اعلق على كلامك انو حكمك ده ممكن يكون قاسى شوية رغم اى بتفق معاك انو تصر مامقبول بالنسبة للعريس لكن مسألة الثقافات دى ماعايزين نخوض فيها لانو ثقافات الدنيا دى كتيرة ومسيخه ومتشابهة ومتشابكة وكل زول بفهم وثقافة مختلفة ..مشاكل المستقبل اظنها فى علم الغيب
| |
|
|
|
|
|
|
Re: حسين الصادق يطلق عروس من عريسها فى ليلة زفافها (Re: Hassan Senada)
|
Quote: أول شيء يا مدثر إنت من ناس قرجاج حقنا ألفي السجانة الحاج هاشم فضل السيد عليه الرحمة ولا قرجاجاً كتر ؟؟ أما بشأن المذكور أعلاه المدعو حسين الصادق أكان كضب أكان صاح كلامه ده عليه وبدون تحفظ يبطل المنتشة البعمل فيها دي وما ناقصين كفاية الغاليننه غلي في الساحة الفنية المفترى عليها قال إمبراطور قال !! |
يامعتصم سلام
انا مامن بتاع السجانة المرطبين ديل لكن طبعا من زمان الناس قايلين دكاكين السجانة دى حقتنا عموما ياسيدى ده قرجاج اخر مودتى
| |
|
|
|
|
|
|
| |