|
Re: في سابقة خطيرة : مساحة من دارفور تمنح للولاية الشمالية. (Re: عزام حسن فرح)
|
Quote: الأخ / مجاهد عيسى آدم
- إنتو منو يا الـمتابعين مجموعة يعني ولا إنت بس؟ ) > |
ساتفيد من تبريرك السابق لكملة نحنا انا زيك ايضا اتكلم مرات هكذا قمنا اكلنا قعدنا ) ولا عندك معيارين يا عزام
-Quote: أنا ما عِندي عُنْصُرِية < لِلغرابا > لأني هُم بعضي ، ما شِعِر أو نِفاق ، دي معلومات بِعْرِفا أولاد الإبْتِدائِية ، بعرفو إرتِباط نويا الجِبال بِنوبيي الشِمال> |
. (سبق لي وان عرفت ليك معنى عنصري ارجو ايراد ما يخالف تعريفي لهذه العبارة وهذا مهم ليثبت او ينفي انك عنصري ) -Quote: أنا ما عِندي إحْساس بِالدونِية تِجاه العرب ، لأن العرب جُزء مِني أنا بِالذات عزام فرح.
واضح جدا احساس بالدونية في (انت عزام ) شخصيا في محاولة الصاق نفسك بالعروبة ارجو منك اعادة قراءة ما كتبت هنا ) Quote: لم أطلِع على موروثات سُكان السودان الأصلِيين [ النوبِيين – البِجة – نوبة الجِبال – الجنوبِيين ] ولكِن حسب بيئات تلك الأعراق ونمط عَيشِها ، أكاد أجزِم بِأن مِثل مفخرة إطعام الطعام التي يُمجِدُها مُستعرِبي السودان تنعدِم أو تكاد مِن سُكان السودان الأصلِيين ، لِتَوفُر الطعام وتنَوُعِهِ ، فهُم النيليون [ نوبِيين – قبائِل الجنوب ] وهُم سُكان جبل مرة [ النوبة ] ومناخِها العجيب – حار جاف صَيفاً ، دافئ مُمطِر شِتاء – وهُم أهل السواقي وستيت ونهر عطبرة [ قبائِل الشرق ]. > |
Quote: - قراءتك لِكِتاباتي وفهمك ليها ، ما بِهِمني ، كُلِ يرى الناس بِعَين طَبْعِهِ> |
. (يا اللخو انت زعتل ولا شنو لكن الا تتفق معي ان ماكتبت تبرير لموقف او لوجهة نظر وردت والمعني بها القارئ )
ــــــــــــــــــ
Quote: المخرج من هذا الموقف الحرج برؤيتنا كسودانين (الجميع )لما تفعله الانقاذ وما فعلته في القومية السودانية وفق التحرش بمقدساته الجينية ..
Quote: أخير تِتْواضع لينا شوية ياخ وتقول < المخرج من هذا الموقف الحرج [RED]برؤيتي كسوداني [/RED] ... >> |
(طبعا اانا ارى الاشياء في صياغ السودانوية فقط واناقش الامر من زاوية الحق والواجب يعني اان قطع عمر البشير وحكومته جزء من تاريخ المحس او ارضهم او بيوتهم او تمرهم ومنحهم لابي ساقف ضد الموقف واقف ضد ابي حتى يع
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: الشفيع وراق عبد الرحمن)
|
Quote: إعادة ترسيم الحدود يهدف إلى إرجاع (كرب التوم) لإقليم دارفور من الشمالية |
الخبر الجبتو ده يا الشفيع مش بيتعارض مع ما تعرفه بأن ليس هناك ارض دارفوريه تم اقتطاعها وضمها الي الولايه الشماليه! ...
هنا أقول ليك أنو الارض المقتطعه ليست كرب التوم وجبال العطرون فقط , الارض المقتطعه من دارفور تضم مئات الكيلومترات حرمت دارفور من حدودها مع مصر الشقيقه وخلقت للولايه الشماليه حدود جديده مع ليبيا لم تكن موجوده .
أخشي ان يكون اعاده كرب التوم هي محاوله لطئ الملف دون اعاده كامل الحدود الدارفوريه , فقد عودتنا هذه الحكومه أن لا تعيد الحقوق الا مجزأه وبالمساومه , ولكن عليها ان تعلم بأنها اذا ما ساومت بعض القوى الدارفوريه اليوم في اعاده بعض ما سرقته من أرض دارفور فسنرغمها على اعاده كامل ارض دارفور لا ينقص سنتمتر واحد , ونحن قادرون على ذلك بأذن الله .
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: مجدى محمد مصطفى)
|
عزام فرح
سلامات
Quote: ومنو القاليك أنا مفروض أرُد على كُل أسْئلتك أو أسئِلة غيرك ... أنا بكتِب العاوزو وبرُد على العاوزو ... مُش مجبور أرُد عليك أو أفهِمك أنا قاصِد شنو بِمُداخلتي |
مرات كده يا عزام عدم الرد بيكون لضعف المنطق تماما كمنطقك الذي تحاور به هنا .
صاحب البوست يتحدث عن حدود دارفور التي اقتطعت بقرارات جمهوريه وضمت للولايه الشماليه , وانت طوالى اتخذتها سبله كعادتك وبدأت تتحدث عن الغرابا وما يحملونه من احقاد تجاه الاخرين , وانا ما بلومك في اعتقادك ده انا بلوم الناس الرسخو فيك الفهم المغلوط ده , وبالمناسبه اسلوبك ده اسلوب اتنهجتو الدوله ذاتها عبر سياسات كثيره بأن تتهم كل من يطالب بحقوقه بأنه حاقد ومريض , واصدقك القول انو الاسلوب ده كان ليهو دور كبير شديد في أنو الناس تصمت على الظلم طوال تلك السنيين خوفا من تهمه العنصريه التي ستلصق بهم .
لكن أنت شكلك ولسه معاك آخرين لسه نايمين في العسل وما مدركين أنو اسلوب اغتيال الشخصيه بتوزيع تهم العنصريه بقت موضه قديمه والناس أخدت ضدها تطعيم يعني ما بتجيب حقها, و ما بتخوف ليها زول , بل مافي زول بيصدقها الا زول غرقان في وحل العنصريه أصلا , وشايفك بتزودها حبتين بأنك بتعتبر كل مطالبه بالحقوق فرصه تاريخيه لفصل دارفور نهائيا (يا غريب يالله لي بلدك) , يا اخي انت زول لذيذ خلاص .
بيني وبينك كده أنا مجدى ده حأقاسمك في حاجات كتيره وخوفي بعد ما تفصل دارفور تلقاني برضو في وشك وحتلقى نفسك مضطر تقاسمني ...
Quote: حرام عليك ياخ ... إذا كُنت إنت براك قُلت <وبدأت كالعاده في سرد قصتك التي لا تنتهي عن النوبيين والعرب> ... وبعدين ياخوي إنت قاصِر ولا شنو؟ ما تكْتِب إنت في الجُزئِية دي <يدمروا السودان كعرب اخرين تعرفهم جيدا ولا تنطق في حقهم بشيئ !> عاوزني أكْتِب ليك بِالوِكالة ولا شنو؟ أنا بكتِب في الحاجة العِندي فوقا مرجع وسند ... ما بكْتِب مِن |
لا وأنت الصادق ما دايرك تكتب لي بالوكاله ولا أنا قاصر , أنا الحمد لله بكامل قواي العقليه واستطيع ان ادافع عن وجهه نظري بالحق , بس الشيئ الملاحظ هنا في هذا المنبر أنك تشن هجوم غريب على (عرب دارفور) , وهم من أكثر الذين وقع عليهم الظلم في السودان ولكنك لم تقل كلمه واحده في حق من يمارسون الظلم بأسم العروبه وهم جنبك ! ,
عموما انا شخصيا بعتبر هجومك ده هو الحقيقه التي ينكرها المثقف الشمالي المسيطر على الدوله منذ الاستقلال , فجميع أهل دارفور في نظر هذا المثقف هم سواء وأقل منه شأنا لافرق فيهم بين عربي أو عجمي , وقد بذلت الدوله مجهود جبار في تفريقهم الى عرب وزنج ضمن استراتيجيتها لهزيمه ثوره دارفور ونجحت نجاحا نسبيا , وانت بخطابك هذا في واقع الامر تساهم في توحيد أهل دارفور الذين اذاما توحدوا لما استمرت المشكله ساعه واحده .
يعني أنت يا عزام تخدم ثوره دارفور أكثر من بعض بنيها ويمكن ده بسبب الحنيين أو الدم بيحن , لأن أهل الشمال خصوصا الرطانه أصحاب علاقات حميمه وأنساب مع أهل دارفور , وما بعيد تكون فيك (عرق) من دارفور , أهل يعني ...
(عدل بواسطة مجدى محمد مصطفى on 07-12-2010, 11:01 AM)
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: عزام حسن فرح)
|
عزام فرح
Quote: أنا ما حأقدر أفهِمك |
انت اصلا ما عندك حاجه عشان تفهمني ليها , أنت عندك اسطوانه مشروخه بتردد فيها خلاصتها انو النوبيين أي انت عزام عندك حضاره عمرها آلاف السنيين والاخرين خصوصا عرب دارفور أشخاص بلا تاريخ بلا حضاره ...الخ أي انك سوبر ستار ودونك من السودانيين خصوصا الغرابا لا شيئ!
وده انا فاهموا في اطارو بس المستغرب ليهو هو هجومك على الدارفوريين غير المبرر في ظلم يقال أنهم مارسوه في الماضي ايام الخليفه , وتغفل الحديث عن ظلم حاضر يمارس ضدهم .
ولاحظ معاي يقال دي , لأنو انا مجدي محمد مصطفى كل المسلمات السودانيه الربونا عليها اصبحت عندي محل نظر , واذا افترضنا انو ده حصل في الماضي من الخليفه عبد الله فأين الخليفه الان ! وهل يبرر ظلم يقال ان الخليفه مارسه في الماضي ظلم احفاده وعشيرته الان؟! .
واسطوانتك دي ما عندها علاقه بي البوست ده الا اذا كنت بتعتقد أنو سرقه ارض دارفور وضمها للشماليه مبرر في اطار ما يقال ان الخلفه عبد اللع التعايشي مارسه ضد الشماليين .
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: مجدى محمد مصطفى)
|
Quote: لخبر الجبتو ده يا الشفيع مش بيتعارض مع ما تعرفه بأن ليس هناك ارض دارفوريه تم اقتطاعها وضمها الي الولايه الشماليه! ...
|
سلامات يا مجدي
مالك يا اخوي بتقولني ما لم اقوله؟ والله ، وما طالبني حليفة لو مدوا حدود دارفور للبحر الاحمر فلن اعترض دارفور جزء عزيز من السودان ....وستظل نحن مع العدل (ليس الحركة) ، وكل جزء اقتطع من دارفور يجب ان يعود
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: الشفيع وراق عبد الرحمن)
|
تحياتي الشفيع
Quote: تاريخياً لا أعلم ان لدارفور حدود ملتصقة مع مصر ولم يظهر لي ذلك في اي خارطة تتكلم عن وثيقة تريد تحويلها ويبدو انها تحدد مساحة دارفور هل الخلاف في مساحتها ام خرطتها؟ |
الكلام أعلاه هو حديث أورته انت وهو ينفي أن لدارفور حدود مع مصر وينفي أن تكون أرض دارفور تعرضت للسرقه , والمشكله يا الشفيع يا اخوي انو نحنا في السودان ده تعرضنا لعمليه خداع كبيره لطمس كثير من الحقائق التي أراد لها بعض الناس ان تطمس خدمه لأهداف سلطويه , لذلك كان طبيعيا أن لا تظهر حدود دافور مع مصر لكثير من السودانيين , ولكن عدم ادراك أو معرفه بعضنا لهذه الحقيقه لا يعني أنها ليست موجوده .
أرض دارفور سرقت على مرحلتيين 1972 و 1992 , وهذا يوضح أن السلطه التي يسيطر عليها بعض الاثنيات لم تكن يوما سلطه تعبر عن الجميع ولا تراعي مصالح وتطلعات الجميع , لذلك اصبحت السلطه محل صراع دموي بين السودانيين .
Quote: والله ، وما طالبني حليفة لو مدوا حدود دارفور للبحر الاحمر فلن اعترض دارفور جزء عزيز من السودان ....وستظل نحن مع العدل (ليس الحركة) ، وكل جزء اقتطع من دارفور يجب ان يعود |
حسن النوايا والامنيات الطيبه اصبحت للاسف الشديد لا يركن اليها في ظل واقع مليئ بالجراح , لذلك فأن الحديث عن حدود دارفور في ظل التقسيم المرتقب للسودان أمر ضروري ومطلوب لأنني احد الذين يؤمنون أنه اذا ما انفصل الجنوب فقط لرفض المتسلطيين ارخاء قبضتهم وانهاء السيطره الاثنيه على الدوله السودانيه فليس هناك ما يدعو لوجود دارفور في ظل دوله السودان لذات الاسباب , فمن يرفض التواضع على عقد اجتماعي وسياسي جديد يحفظ وحده السودان ويوقف انفصال الجنوب سيرفض ذلك أيضا في دارفور , وهم فعليا قد رفضوا ذلك وأسسوا لمثلث حمدي , أي اننا في دارفور اذا ما ذهب الجنوب فلن نقبل أن نكون مواطنيين درجه تانيه في بلدنا وسنذهب أيضا لا محاله .
اثمن وقوفك مع العداله فهذا هو الموقف السليم والمبرئ للذمه يوم يقوم الحساب .
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: الشفيع وراق عبد الرحمن)
|
Quote: Quote: الكلام أعلاه هو حديث أورته انت وهو ينفي أن لدارفور حدود مع مصر
نعم يا مجدي
Quote: الكلام أعلاه هو حديث أورته انت..... وهو ينفي أن تكون أرض دارفور تعرضت للسرقه
لا يا مجدي |
اخونا الشفيع
دي غ########ه ولا شنو ! ...
انت في اول مشاركه ليك في هذا البوست جئت مشكك في صحه الروايه , وذهبت ابعد من ذلك بأن انكرت وجود حدود لدارفور مع مصر , بل انك حاولت البحث في نوايا صاحب البوست من فتح هذا الملف ...
وطبعا موقفك المشكك والناكر والقادح في نوايا صاحب البوست لا يخرج من مجمل مواقفك من السلطه مؤيدا لها في اغلب سياساتها , والما بتقدرو تواجهوهو بالحجه تواجهوهو بالتشكيك !.
انت خليك واضح وصريح بدل حديث الغ########ات ده لا ونعم !
للتذكير فقط يا اخ الشفيع التشكك ذاتو مدرسه من مدارس المؤتمر الوطني , فبعد ان انكروا ان تكون لدارفور قضيه من اساسه والتي تشكل سرقه اراضيها جزء من القضيه وليست المشكله كلها , ووصف من حملوا السلاح بقاطعي الطرق و و الخ , بدأت مرحله انكار كل شيئ ولا يعترف بالشيئ الا بالضغط الشديد .
الانكار حاله مزمنه مع المؤتمر الوطني ومؤيديه و لكنا نعرف كيف نجبرهم على الاعتراف بحقائق الارض والتاريخ , فما تقول لي نعم ولا قول رأيك بوضوح حول حقيقه سرقه ارض دارفور ولماذا اصلا تم اقتطاعها ...
بالمناسبه برضو احضارك أنت تحديدا لخبر ترسيم الحدود بين دارفور والشماليه بغرض اعاده كرب التوم لدارفور هي محاوله ذكيه ايضا للايحاء بأن المشكله خلاص انتهت وتم اعاده كرب التوم وخلاص .
طبعا انت تعرف انه من الصعب انكار حقيقه السرقه بالقرارات الجمهوريه فكانت المبادره بهذا الايحاء , ولكن الجميع يا الشفيع يعرفون ان الخلاف حول الحدود ليس كرب التوم التي زهد فيها المؤتمر الوطني وقاده مثلث حمدي التوسعيين , الخلاف هو حول الحدود كامله ! حدود 01/01/1956 لا تنقص سنتمتر واحد .
انا داير لي زول واحد يتبرع يوريني ليه نميري وعمر البشير اصدروا قرارات جمهوريه فاقتطاع ارض من دارفور وضمها للشماليه ؟! يعني الاسباب شنو وشنو الفائده الممكن تعود للسودان كدوله من هكذا قرارات !
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: محمد على حسن)
|
محمد علي حسن
Quote: الدكتور علي الحاج و مدير مكتبه احمد حسين كانا ضمن الفريق التنفيذي المكلف بتنفيذ اوامر حكومة المشروع الحضاري |
سبق أن قال لكم د. علي الحاج ( خلوها مستوره)، مالكم يا جماعة ما بتسمعوا الكلام!!!!!!
أخونا محمد صاحب البوست - تحياتي.
وكمان تعظيم سلام للأخ/ عادل عبدالعاطي.
موضوع جميل وحساس عدا بعض تشتيت (الحطب) يمين وشمال وفوق وتحت.
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: حماد الطاهر عبدالله)
|
حماد الطاهر عبدالله
Quote: موضوع جميل وحساس عدا بعض تشتيت (الحطب) يمين وشمال وفوق وتحت |
" حساس " دي عِرفناها " جميل " دي شِني كمان ... ذكرتني بِالزول السِمِع بِكلِمة < إسلوب > ودايِر ليهو فرقا يِخُتها في جُمْلة مُفيدة ... دخل ليك السينما الدور التاني ولامِن طلع لِقى ليك عجلتو سرقوها ... وقف وخت إيدو في نِصو وقال < بِالله ده إسلوب ده >
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: عزام حسن فرح)
|
كتب عزام فراح
Quote: وده مِتْلي أنا النوبي صاحِب الحضارة العُمرها 5000 سنة قبل ميلاد السَيِد المسيح ... إسْتَوعبت الحضارة النوبِية الوافِد العربي وأنتجت كُل الشِمال عدا قبائِل الشرق الأصيلة وأغلب قبائِل الغرب ... علشان كِده بتلقى آثارنا وجيناتنا في الوسط وغرب السودان ... العرب عُمرهُم ما كان عِندهُم حضارة وكذلِك الغرابا ... ما فيش حضارة بِتقوم في عتمور أو في جِبال ... الحضارات بِتْقوم بس على ضِفاف الأنهار ... العرب كوافِدين كان مِن مصلحتُم إنو يِنْدمِجو مع السُكان الأصلِيين ، وده حصل بعد إتْفاقِية البقط بِـ600 سنة ، وأصبح لدَينا مُنتج جديد نوبي/عربي ... إتْنوبو العرب ، وإسْتعربو النوبِيين كُلٍ حسب القُرب أو البُعد مِن مركز التأثير ... الحِكاية دي ما شاعت بين النوبِيين الأصليين والغرابا الأصلِيين ، لأن البقط أجبرتنا إنو نسلِم لِلعرب 360 عبد سنَوِيًا والعدد ده كان < غرب السودان > بتَوفِرو ... |
الكلام الفوق ده عجبني شديد...وعجبتني (جكة) اخونا عزام من (الغرابا) ... وقصة التوفير و (البنك) دي
قلت لي (النوبا) كانو بيصيدوا نوبه او نوبا<ما بتفرق كتير مش> زيهم عشان يدوهم للعرب
_________________________________ *علي فكره واحده من اهم اسباب انهيار اتفاقية البقط انو في عرب بحظالين (مستعجلين) كانوا بيصطادوااو بيختطفوا العبيد عند حدود دولة النوبااو النوبه.... لكن ما عندي فكره انو الحدود دي كانت عند الغرابا... وما عندي فكره برضو لو عزام كان في الزمان داك في الحدود كان حيصطادوه ولا لأ ...
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: Elsanosi Badr)
|
Quote: حسن النوايا والامنيات الطيبه اصبحت للاسف الشديد لا يركن اليها في ظل واقع مليئ بالجراح , لذلك فأن الحديث عن حدود دارفور في ظل التقسيم المرتقب للسودان أمر ضروري ومطلوب لأنني احد الذين يؤمنون أنه اذا ما انفصل الجنوب فقط لرفض المتسلطيين ارخاء قبضتهم وانهاء السيطره الاثنيه على الدوله السودانيه فليس هناك ما يدعو لوجود دارفور في ظل دوله السودان لذات الاسباب |
دا كلام موضوعي يامجدي في بلد كلوا قنابل موقوتة ومأزوم زي البلد اللي نحن قاعدين فوقوا دا يجب تسوية مثل هذه الامور قبل أن تتعقد اكثر ، ولكن الجزء الاخير المتعلق بوجود دارفور ، وعدم وجودها في إطار السودان الواحد ، سبق وأن أوضحت.. بأننا هنا لا نحدد خيارات شعب دارفور وليس المطلوب من هذا البوست إختبار ذلك ولكن إذا كانت الإشارة بغرض توضيح مآلات هذا التعنت الخرطومي الحالي (إذا ستمر) في المستقبل بعدم إرجاع المساحة محل النقاش...إلي دارفور. فيمكن قبوله.
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: Elsanosi Badr)
|
كتب Elsanosi Badran ا
Quote: الكلام الفوق ده عجبني شديد...وعجبتني (جكة) اخونا عزام من (الغرابا) ... وقصة التوفير و (البنك) دي قلت لي (النوبا) كانو بيصيدوا نوبه او نوبا<ما بتفرق كتير مش> زيهم عشان يدوهم للعرب |
ده كلام المصادِر ... الكُتُب ... المراجِع ... المصادِر ... مو كلامي ... عاوِز نُصوص تأكِد كلامي ... مافيش مانِع ... بس العلم زي ما إنت عارِف بِشحتو ما بِيُبذل كَدي بروس ...
مجانًا كَدي مُمْكِن أقول ليك معلومة : الفرد مِنا إسمو < نوبي > والجماعة < نوبِيين > لا بًدرة لا أحمر الفرد مِن نوبا الجِبال إسمو < نوباوي > والجماعة مِنهُم إسمهُم < نوبا >
في محمد وفي حاج محمد ... سريرِيًا النوبي غير النوباوي ... وإنت حيلك المصادِر بِتقول إنك مِن ليبيا يعني حتو وافِد ، عارفك زينة وزي الرتينة بس وافِد ، ده لو كُنت حقيقي سنوسي
قالو ليك جون قرنق لامِن الخُرطوم رسلت د. علي الحاج علشان يِتْفاوض معاهو قال ليهُم < أنا عاوِز زول سوداني >
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: عزام حسن فرح)
|
Quote: مجانًا كَدي مُمْكِن أقول ليك معلومة : الفرد مِنا إسمو < نوبي > والجماعة < نوبِيين > لا بًدرة لا أحمر الفرد مِن نوبا الجِبال إسمو < نوباوي > والجماعة مِنهُم إسمهُم < نوبا > |
يعني لسه ما فسرت لي قصة التوفير دي ...
وبعدين ياخي كلامك بتاع الجينات الفوق ده( بيدحض ) كلامك بتاع الاختلاف السريري ...بين النوبِيين او النوبا ... بالاف ولا بالطاء زاتو ...
وبعدين ياخي الغرابا (البيوفرو) البقط ديل ... ياتن فيهن من النوبا بالاف ولا التاء المربوطه ...
بعدين يا عزام عليك الله ما تتعقد ياخي ....
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: Elsanosi Badr)
|
Elsanosi Badran
Quote: بالاف ولا بالطاء زاتو ... |
Quote: النوبا بالاف ولا التاء المربوطه ... |
شوف يا السنوسي بدران ، باكِر أكان ما جا معاك ولي أمرك ما تجي هِنا ... ما تقول لي مُسافِر ولا تجيب لي سيد الدُكان ... لازِم ولي أمرك يجي هِنا ده ... دي حاجة ما مُمْكِن أتحمل مسؤولِيتا أبدًا ... أنا زول بخاف الله ودايِر أعيش بِالحلال ... أمشي أمشي
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: Elsanosi Badr)
|
يا عزام ياخي ...انت في (سدر) البوست ده ما قلت ياخي عايز تقسم (النبقه) دي ... زي ما انفصل الجنوب ... الغرابا برضو ح تديهم ورقتهم بمزاجك ...
لكن قبل الانفصال او التنصل ده عليك الله فسر لينا قصة اختلاف النوبيين سواء كان بالتاء او بالاف الراسها لفوق (بتاعين بريطانيا وامريكا) الاثبتوا انو بتاعين الجبال ودارفور ودنقلا والسكوت وكمومبو وكلابشه والسكوت جزء من بعض... والنوبيين العايشين وسط (العرب) وجاكين من زنوجيتهم..
____________________________________________________ تقول الاعراب: النوبه نوبه سواء كان في الشمال لفوق ولا دارفور زاتها.... ولا طلع نميري من قعر (الغبيشه)
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: Elsanosi Badr)
|
السنوسي بدران
Quote: ياخي الناس عايزه تعرف الفرق شنو بين النوبه سواء كانوا في دارفوراو في السكوت والمحس ... وبرضو عايزين يعرفوا(المصادر) بتاعة التوفير بتاعة الغرابا لاتفاقية البقط ... |
طَيِب
كَدي في الأول خليني أصلِح ليك الخطأ الشائِع ده :
ما سكوت ... الصحيح < سَكود > لأن الفرد مِنا سَكوداوي ولَيس سَكوتاوي ... ده أولاً
ثانِيًا : المصادِر بِتقول إنو نوبيي الشِمال كانوا بِجْلِبو الـ360 عبد مِن غرب السودان ...
خلينا نثبِت في التبادي إنو الـ360 عبد حقين إتْفاقِية البقط كانو مِن غير النوبيين ذات أنفًسًمْ [ صُلح عبدالله بِن أبي سَرح مع مملكة نوباتيا عام 31 هـ / 652 م ] نص المِقريزي المشهور بِمُعاهدة البقط ففي ما يلي نص الإتِفاق :-
1- ( أ) عَهَد مِن الأمير عبدالله بِن سعد بِن أبي سرح لِعظيم النوبة ولِجميع أهل مملكتِهِ . (ب) عَهَد عقدهُ على الكبير وعلى الصغير مِن النوبة مِن حد أرض أسوان إلى حد أرض عَلَوة .
2- إن عبدالله بِن سعد بِن أبي سرح جعل لهُم أماناً وهُدنة جارِية بَينهُم وبَين المُسلِمين مِمن جاورهُم مِن أهل صعيد مِصر وغَيرِهِم مِن المُسلِمين وأهل الذِمة .
3 - إنكُم معشر النوبة آمِنون بِأمان الله وأمان رسولِهِ مُحمد (ص) على أن لا نُحارِبكُم ولا ننصُب لكُم حرباً ما أَقِمتُم على الشرائِط التي بَيننا وبَينكُم .
4- ( أ) على أن تدخُلوا بِلادُنا مُجتازين غَير مُقيمين فيها ، وندخُل بِلادُكُم مُجتازين غَير مُقيمين فيها . (ب) وعلَيكُم حِفظ مَن نزل بِلادِكُم أو يطرُقَهُ مِن مُسلِمٍ أو مُعاهِدٍ حتى يخرُج عنكُم .
5 - ( أ) وإن علَيكُم ردُ كُلِ آبِقٍ خرج إلَيكُم مِن عبيد المُسلِمين حتى تُرِدوهُ إلى أرض الإسلام . (ب) وعلَيكُم رد مَن لجأ إلَيكُم مِن مُسلِمٍ مُحارِبٍ لِلمُسلِمين وأن تُخرِجوهُ إلى أرض الإسلام ولا تستَميلوا علَيهِ ولا تمنعوا عنهُ . ولا تعرضوا لِمُسلِمٍ قصدِهِ وجاور فيهِ إلى أن ينصرِف عنهُ وعلَيكُم كنسِهِ وإسراجِهِ وتكرِمتِهِ .
6 - وعلَيكُم حِفظ المسجِد الذي إبتناهُ المُسلمون بِفَناء مدينتِكُم ولا تمنعوا مِنهُ مُصلِياً .
7 - وعلَيكُم في كُل سنةٍ ثلاثمائة وسِتون رأساً تَدَفعونَها إلى إمام المُسلِمين مِن أوسط رقيق بِلادِكُم غَير المُعيب ، يكون فيها ذُكران وإناث ، لَيس فيها شَيخ هرِم ولا عجوز ولا طِفل لم يبلُغ الحُلُم ، تَدَفعون ذلِك إلى والي أسوان .
8 - ولَيس على المُسلِم دفع عدوٍ عرض لكُم ولا منعِهِ عنكُم مِن حد أرض عَلَوة إلى أرض أسوان .
9 - فإن آويتُم عبداً لِمُسلِم أو قتلتُم مُسلِماً أو مُعاهِداً أو عرضَتُم المسجِد الذي إبتناهُ المُسلِمون بِفَناء مدينتِكُم بِهدمٍ أو منعتُم شيئاً مِن الثلاثمائة رأس والستين راساً ، فقد بَرِئَت مِنكُم هذِهِ الهُدنة والأمان وعُدنا نحنُ وأنتُم على السواء حتى يحكُم الله بَيننا وهو خَير الحاكِمين .
10- وعَلَينا بِذلِك عهدُ الله وميثاقِهِ وذِمةِ رسولِهِ مُحمد (ص) ولنا علَيكُم بِذلِك أعظم ما تدينون بِهِ مِن ذِمة المسيح وذِمة الحوارِيين وذِمة مَن تُعظِمونهُ مِن أهل دينكُم ومِلتِكُم . الله شاهِد بَيننا وبَينكُم على ذلِك .
كتبهُ عُمر بِن شُرحَبيل في رمضان عام 31 هـ .
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: عزام حسن فرح)
|
Quote: قالو ليك جون قرنق لامِن الخُرطوم رسلت د. علي الحاج علشان يِتْفاوض معاهو قال ليهُم < أنا عاوِز زول سوداني > |
يا عزام كلامك ده كذب وغير صحيح , الراحل جون قرنق قال داير زول من الاثنيه المسيطره (جلابي) , ولم يقل داير زول سوداني , وكل الناس عارفيين أنو على الحاج من دارفور وليس من الاثنيات المسيطره على الدوله السودانيه من مستعربي الشمال .
وتبقى مشكلتك في محلها بايحائاتك بأن اهل دارفور غير سودانين وهو لا يخرج من مجمل ما ظللت تردده هنا , وبالمقابل اذا على الحاج ما سوداني شنو البيخليك انت سوداني ! ولا عشان خدمه الخواجات! ...
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: عزام حسن فرح)
|
Quote: وعلَيكُم في كُل سنةٍ ثلاثمائة وسِتون رأساً تَدَفعونَها إلى إمام المُسلِمين مِن أوسط رقيق بِلادِكُم غَير المُعيب ، يكون فيها ذُكران وإناث ، لَيس فيها شَيخ هرِم ولا عجوز ولا طِفل لم يبلُغ الحُلُم ، تَدَفعون ذلِك إلى والي أسوان . |
كلامك ده ما فيهو اي اثبات انو (الغرابا) كانو بيوفرو (الكوته) بتاعة الاتفاقيه ...عشان ما تخم القراء ساي كده ...
تاني شئ ...المصادر تقول ان الممالك (النوبيه) القديمه كانت خاضعه لنظام الحكم الاسري ...وبقية خلق الله عبيد ...وديل ممكن يكون عوام النوبه ...يعني عادي ممكن واحد يكون جنايني او لافي في السوق يلقي نفسو مسلمنو (صره) في خيط للعرب في شان الاتفاقيه ...يعني النوبه كلهم عند العرب عبيد او رقيق وهذا شائع الي يومنا هذا مع الاسف...
وذكرت ليك انو العرب كانوا مستعجلين وكسرو الاتفاقيه باصطيادهم للعوام من النوبه والاسر الحاكمه لصعوبة التمييز عشان كده الاتفاقيه انهارت ... وتشير بعض الشواهد ان بعض اعضاء الاسر الحاكمه تم خطفهم او تسليمهم في الاتفاقيه...
_____________________________________________________
بعدين سكود او سكوت ... ما حتفرق كتير لانو ما اتخيل لي حروف العربيه مطابقة لتلك التي في النوبيه...لكن عموما تشكر عليها
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: Elsanosi Badr)
|
+
" وبالمقابل اذا على الحاج ما سوداني شنو البيخليك انت سوداني"
هذا العضام من بقايا الاتراك المماليك الذين فروا بعد ذبحة القصر بعابدين.
أقا م المماليك دولة بحد السيف عنوة واقتدارا، وكانت عاصمتها دنقلا العرض.
أمثال هذا العضام وسبدرات وزير العدل ينسبون أنفسهم للنوبة زورا وبهتانا.
منهم الشركسي والألباني والأرنأوطي والمجري و......و........
عجبت من تطاول انسان يحمل جينات العبودية بملمحه، ثم يرميها
في الآخرين؟ انصرفوا لما هو أفيد، هذا العضام يعاني عقدة الأنتماء.
المؤرخ الدكتور أحمد العوض سكانجا
دنقس.
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: Abdulgadir Dongos)
|
Quote: يعني النوبه كلهم عند العرب عبيد او رقيق وهذا شائع الي يومنا هذا مع الاسف |
والدليل الافلام المصريه القديمه وبعض المشاهد من مسلسلات ودرامااليوم...
سمعت هذا الشئ باذني عندما كنت بالصحراء ...ان بعض الاعراب يجلبون بعض النباتات الصحراويه اثناء ترحالهم نحو مصر(دراو) القريبة من اسوان لبيع الابل...انهم يريدون مبادلتها(النباتات) بالتمر الذي يوجد عند العبيد...وعند سؤالي لاحدهم من هم العبيد فقال لي الرطانه الذين يسكنون محاذاة النيل والسكوت/د والمحس وكمومبو ... فقلت استغفر الله ونظر الي الرجل بسذاجه....
* بالمناسبه أؤلئك الاعراب يقطنون المنطقة التي ضمت الي الولاية الشمالية ... ولهم جنسيات سودانيه ولغتهم هي لغة اهل السودان في الاذاعة والتلفزيون وهني في المنبر ده ولا يعترفون وما عندهم شغله بحضاره اربعماية الف سنة...ولو سألت اي واحد فيهم عن لغة النوبه بيقول ليك وينا لغتهم?? .. بتعلموها في المدارس??
ناس عزام شابكين ده وافد وده اجنبي وده حلبي وده غرباوي وماعارفين نفسهم انو نظرة (العرب) ليهم انهم مجرد نوبه او عبيد في مجالس الخيام الداخليه واحيانا (حمرة) عين لامن تجيب ليها رجاله...
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: عزام حسن فرح)
|
مجدي محمد مصطفى
Quote: يا عزام كلامك ده كذب وغير صحيح , الراحل جون قرنق قال داير زول من الاثنيه المسيطره (جلابي) , ولم يقل داير زول سوداني , وكل الناس عارفيين أنو على الحاج من دارفور وليس من الاثنيات المسيطره على الدوله السودانيه من مستعربي الشمال . |
وده كان رد على كلامي القُلت فوقو :
Quote: قالو ليك جون قرنق لامِن الخُرطوم رسلت د. علي الحاج علشان يِتْفاوض معاهو قال ليهُم < أنا عاوِز زول سوداني > |
حتى لو الكلام أنا قُلتو ، البخلي كلامي وارِد في < التوراة > شنو وكلامك [الراحل جون قرنق قال ...] وارِد < قُرآن >؟ إنت كُنت حاضِر لامِن جون قرنق قال القالو ... وبعدين [وكل الناس عارفيين ...] مُش شايِف إنو الجُزئِية دي واسعه حبتين
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: عزام حسن فرح)
|
يا عزام ياخي والله مافي فايده كلو كلو ...
ياخي والله انت ده بقيت (مشرور) شره بت لذينه حاسدك عليها... مره غرابا ماخدنهم من البنك النوبي ومره (اعراب) شحادين... ومره (انباي) ساكت ...وفونج وافدين ... ومستعربين قاعدين ساكت ...يا عزام ياخي انت ده عباس (الالفه)...ولا ما اكلت (تمر) الليله !!!...
ياعزام ياخي والله العربي كان بيشحد وبت.---.زاتو...ياهو (عربي )
ياخي القران زاتو ما خلي للعرب (جنبه) يرقدو عليها...شئ منافقين وشئ جهله ... لكن في النهايه ياخي هم (عرب) ويحمدو الله ...وتلقي العريبي رافع رويسو لفوق.. تفتكر الحكاية دي من شنو... جينات !!!
بعدين يا عزام اخوي (النبقه) الديرين تقسموها دي ما بنلقالنا فيها( كده)...انشاءالله صدقه ساي
__________________________________________________ * يادكتور محمد هاشم يا صديق عليك الله لو بتقرأ الكلام الفوق ده اعتبرو (عفيط) ألبل ساي ... لانو عزام ده والله من الناس القاعد احبهم لله كده ...
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: Mahjob Abdalla)
|
والله يامحجوب جهجهتونا انا كان قصدى انك تكون عارف تاريخ اهلك النوبه وعلاقتكم بيهم انتو ياناس دارفور طيب خلونا فى اصولكم السودانيه وانسى تاريخنا القديم ،فيها ايه يعنى حته خلا ساى كده يقومو يضموها على الولايه الشماليه ما اهو الولايه الشماليه بلدك انت برضو السودانى ماعندنا مانع تجى تعمل ليك قطيه وتحفر ليك بير وتقعد فى الحته الضموها لخارطة الشماليه دى ،يازول لو داير حلفا القديمه هاك ليها بث فكونا من الشماليين ضيعونا وشالو اراضينا وخلونا فى العراء الكلام ده فتن ساى ومابتنفعنا ،شفت كيف البساطه؟ تحياتى
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: خيرى بخيت خيرى)
|
Quote: ،فيها ايه يعنى حته خلا ساى كده يقومو يضموها على الولايه الشماليه ما اهو الولايه الشماليه بلدك انت برضو السودانى ماعندنا مانع تجى تعمل ليك قطيه وتحفر ليك بير وتقعد فى الحته الضموها لخارطة الشماليه دى |
الهبيب خيري... بعيدا عن الجدل الذي قد يسمي بيزنطي احيانا... دعنا نترك الاشياء كما هي في حدودها الادارية المتوافق عليها قبل بداية الازمات. السودان و منذ الاستقلال و حتي الان لم يستقر علي شئ توافقي بيننا كسودانيين و نحن الان نمر بمرحلة تعد من اصعبها... فآخر ما نحتاجه في هذا الوقت هو ما ذهبت اليخ الحكومة الحالية... و هي محاوله اعادة تقسيم الاقاليم اداريا... و طالما هي صحراوية ... او خلا ... لم هذه الخطوة من الاساس... يجب في البدء الاعتراف بأن الذي حدث هو خطأ بدلا من محاولة الجدل حول ما اذا هي صحراوية او منحي قطية في الشمالية...
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: Mahjob Abdalla)
|
Quote: ياصدبقى متى لدارفور حدمع مصر اتحداك تجيب الدليل كما قال اخى عزام |
Quote: 61. Without prejudice to the provisions of the CPA relating to the North-South border and any international agreements in force between the Republic of the Sudan and neighbouring countries, the northern boundaries of Darfur shall return to the positions as at 1 January 1956. A technical ad hoc team shall be established to carry out demarcation accordingly. |
هبيبنا المحسي... و برضو بعيدا عن الجدل... هذا الاقتباس من اتفاقية ابوجا الدولية الموقعة بين مني اركو مناوي و المرحوم مجذوب الخليفة... هل تري ان هذا الاتفاق دليل علي ذلك ام لا؟ ثانيا ... هذا التغيير الذي نطالب باعادة النظر حوله لم يكن بعيدا... فقد حدث ما بين عام 92 و 95 ... و لا يحتاج الي تحدي ابدا...
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: Mahjob Abdalla)
|
طيب ياخيري... وفيها إيه لو حتة من الولاية الشمالية ضموها لدارفور؟
طبعا يا اخوى محمد مافيها اى حاجه انت لوشفت باقى المداخله بتاعتى لى محجوب قلت فيها لو داير حلفا القديمه هاك ليها اهو بلدكم وذى ما قال محجوب فى اخر رده نترك الجدل البيزنطى ده اصلا كلام ماليه اى داعى اهلنا ناس دارفور عايشين مع المحس والدناقله والحلفاويين فى سلام وامان وماسكين احسن الاعمال من تجاره وزراعه وساكنين بيناتنا فى بيوتهم الملك ما ايجار الواحد فيكم بيتكلم بدون مايعرف الحاصل شنو فى الشماليه تحياتى وخالص ودى للجميع
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: ناصر المحسى)
|
الحدود الاداريه من داخل الدوله ممكن تتغير على حسب رؤية حكومه البلديعنى مثلا فى عهد النميرى عملو حدود لتسعه محافظات وناس الانقاذ عملوها سته وعشرين ولايه وكل مره حدود المناطق بتتغير ،اما بالنسبه للولايات المتحده فهى اصلا كانت مستعمرات متفرقه وحصل فيها نزاعات دمويه بين اصحاب البلد الحقيقيين والمستعمر وبين المستعمر والاخر ،،وبعد ان وقفت الحروبات الاهليه تم ترسيم الحدود لكل مستعمره ،ومن ثم اجتمعت الكوادر المثقفه من تلك الولايات لتضع تصور عن كيفية خلق كنستتيوشن يمكن من خلالها نيل الاستقلال من المستعمر واتحاد المستعمرات فى ظل حكومه كنفدراليه ،،وهنا الاختلاف عن حال السودان ،،ويمكن ان نتخذ الولايات المتحده كمثال اذا كان هناك نزاع حدودى مع السودان والدول التسعه المجاوره
تحياتى
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: خيرى بخيت خيرى)
|
Quote: ،اما بالنسبه للولايات المتحده فهى اصلا كانت مستعمرات متفرقه وحصل فيها نزاعات دمويه بين اصحاب البلد الحقيقيين والمستعمر وبين المستعمر والاخر ،،وبعد ان وقفت الحروبات الاهليه تم ترسيم الحدود لكل مستعمره |
و هذه صورة طبق الاصل لما كنا عليه و حيث نحن الان... السودان عبارة عن ممالك و سلطنات حتي و لم تكن الا بجهود المستعمر و لذلك حالنا ينطبق عليه حال امريكا... نحن هنا فقط نقول بأعادة ترسيم الحدود الي ما هو عليه ... لا نطالب بجزئية من شمال الوطن الحبيب ... فقط اعيدو لنا هذه القطعة الخلا ...
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: Mahjob Abdalla)
|
Quote: لا نطالب بجزئية من شمال الوطن الحبيب ... فقط اعيدو لنا هذه القطعة الخلا ... |
يا مجدى الكلام ما يكون ساى انا ممكن اقول والله لحد جبال النوبة تابعة لشمالية انت جيب دليل انو دارفور عندها حدود مع مصر المعروف تاريخيا انو الممالك النوبية كانت عندها تداخل مع لبيبا ودع يعنى كان فى حدود مشترك مع لبيبا والمنطقة التى بين لبيبا والنيل تسمى الحوض النوبى
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: ناصر المحسى)
|
أعزائي وأخوتي السوادنيون في كل بقاع المليون ميل
سلام وحبابكم ودبايوا وشباك وكيفنكم وكيف أمسيتو ومسكاقجلو ومسكفيشو
أخوتي لا أريد التعليق على الموضوع بأكثر من الإقتباس الذي سأضيفه وهذا السؤال البريء (متى كانت دارفور غير سودانية؟)
Quote: date 10 July 2010 10:29 mailed-by hotmail.com hide details 10 Jul (2 days ago) [email protected] السلام عليكم الاخ محمد الحسن بالنسبة لموضوع الحدود الدارفورية في منبر سودانيز اون لاين انا شمالي كما تدعوننا ولكن انا سوداني كما انت كذلك السودان كله قطعة واحدة يا اخ محمد احنا كشعب من شمال السودان عانينا الامرين من صراعات السودان لا انكر انكم مظلومين ولكن من ظلمكم هي عبارة عن حكومات متوالية ولكن والله رأي الشعب مخالف نتمنى ان نرى السودان شرقه وغربه شماله وجنوبه كله قطعة واحدة قاتل الله الفتن ما ظهر منها وما بطن اصبحنا نتعارك في اشياء هي اصلا ان تصافينا لن يكون لها معنى اتمنى للسودان الاتسقرار ولكن اي استقرار انا لست متفائل بمستقبل السودان وكان الله في عونك يا وطني
أحمد محمد صالح
|
مع خالص تحايا الإخاء والود والمحبة والسلام
عاصم فقيري
| |
|
|
|
|
|
|
Re: في سابقة خطيرة : مساحة من دارفور تمنح للولاية الشمالية. (Re: ناصر المحسى)
|
Quote: يا مجدى الكلام ما يكون ساى انا ممكن اقول والله لحد جبال النوبة تابعة لشمالية انت جيب دليل انو دارفور عندها حدود مع مصر المعروف تاريخيا انو الممالك النوبية كانت عندها تداخل مع لبيبا ودع يعنى كان فى حدود مشترك مع لبيبا والمنطقة التى بين لبيبا والنيل تسمى الحوض النوبى |
الاخ ناصر المحسي شكراً علي المساهمة ولكن أرجو أن أحيلك لقراءة البوست من أوله ، ثم إذا كنت مهتم بقراءة التاريخ فارجع الي المراجع الموضحة.
ثم بعد داك تعال خلينا نتناقش .... ما (نتغالط)
لك ودي
| |
|
|
|
|
|
|
| |