|
|
|
 Re: مرحب بالمحلل الرياضي والناقد الفني .. عمر الفاروق بيننا (Re: tmbis)
|
| Quote: المعروف عن الكاتب الرياضي والمحلل الرياضي عمر الفاروق .. حبه للمنتخب الالماني .. وكراهيته للبرازيل .. وفلسفته في ذلك .. أن كل الناس بتحب البرازيل .. |
Quote: تعرف ياخليل البطولات دى متعة مشاهدتها فى نادى المشعل اربجى ..
من بعد المغرب تلبس جلابيتك وتتوجه صوب النادى ..بعدين عندنا
قريبنا زى صاحبك دا ..بشجع ليك الفرق الغريبة ..الاصلا مابكون
فى زول بشجعا غير ناس بلدها ..وديل نظام مجبورة خادم الفكى
على الصلاة ..اها زولنا يقوم يشجع ليك كولمبيا مثلا ..والله يقدرك
تقول ماعندهم حاجة ..عشان تطلع زول (كبه) ساكت مابتعرف حاجة ..واحتمال
حيوان كمان ...وابشرك كولمبيا بكون حدها الدول الاول ..لكن بعد دا
البقدر يقول بغم منو ..اسى صاحبنا دا بكون بشجع شيلى ..وبكون
عندو راى انو احتياطى الهجوم بتاع شيلى افضل من اللاعب ميسى ..
لكن المدرب مابلعبو عشان ودخالة المدرب كان خاطب اختو وقاموا اختلفوا ..
عشان كدا حاقد عليهو ...طبعا دى نوع المعلومات القاعد يستند عليها فى
كتابتو ..مرة كتب ليك عن محمودعبدالعزيز ..مدخلو لتحليل تجربة محمود
الغنائية لبسو ولبس ناس الفرقة (كمان) ..وعلاقتهم ببى بعض ..وساكنين وين ..
ولما بتاع الجيتار يقرص لى بتاع الايقاع داك بقوم بعمل ليك (كوردات)
كدا ...
****
اخخخخخ ياخ ..القداد الاسفيرى الاعظم بدون منازع ... |
من بوست ..بالله ماارتحتوا ياجماعه ؟
***
سلام تمبس ...
| |
 
|
|
|
|
|
|
|
 Re: مرحب بالمحلل الرياضي والناقد الفني .. عمر الفاروق بيننا (Re: محمد عبدالرحمن)
|
| Quote: القداد الاسفيرى الاعظم بدون منازع |
يا محمد عبد الرحمن والله انا بختلف معاك في الحتة دي ..  .. عمر الفاروق دا عندو نظرة ثاقبة جدا .. في الفـن والفنانين .. واضانو نضيفه جدا .. وتحليلو الموسيقي عميق جدا ..
اما الجانب الرياضي فيكفيك إنو بيشجع المانيا منذ نعومة اظافره .. يعني سابق الناس بي عدة سنوات ضوئية ..
| |
|
|
|
|
|
|
|
|
|
Re: مرحب بالمحلل الرياضي والناقد الفني .. عمر الفاروق بيننا (Re: tmbis)
|
| Quote: يا محمد عبد الرحمن والله انا بختلف معاك في الحتة دي |
تمبس ..الله عرفوهو بالعقل ..لو فاضى بفتش ليك الارشيف بتاعو ..و
بطلع ليك زى كم حاجة يكون كتبها زى خمسين مرة كدا ..ياخ حكاية
حبوبتو مع جاراتها لما جات تمشى الحج ..اسى افتشا ليك فى الارشيف..
اطلع ليك كتبا زى مائة مرة كدا ...
شوف انا مافارقه معاى نتفق ولا نختلف ..اصلا انا بعمل باص
لاسمو وبريح روحى ..اها انت شد حيلك ......
ياخ دا مسمى روحو عمر باجيو ...وتقول لى برضو ماقداد ..
***
افضل حارس مر على الهلال هو سليمان بمبى حسب تصنيفو ..
مابعيد بعد تكسير التلج دا ..تطلع احسن حارس مر على روابط
امدرمان ...
| |
|
|
|
|
|
|
|
|
 Re: مرحب بالمحلل الرياضي والناقد الفني .. عمر الفاروق بيننا (Re: محمد عبدالرحمن)
|
Quote: افضل حارس مر على الهلال هو سليمان بمبى حسب تصنيفو ..
مابعيد بعد تكسير التلج دا ..تطلع احسن حارس مر على روابط
امدرمان ... |
.. لو كان اديتني فرصة شوية وما كتبت (المــا) دي كان ممكن أو ربما اتفق معاك شوية ..
لكن كمان ما ممكن .. إنت الظاهر ليك يا محمد ما سمعت عمر دا بيغني ..
ياخ اسمع عمر دا بيغني احتمال تغير فكرتك دي ..
غايتو مسالة باجيو دي ما بقدر افتي ليك فيها .. لكن بيني وبينك كدا عمر دا من النوع البضرب ليك الباص .. ويتم ليك الباقي كلام بي يدينو ..
| |
|
|
|
|
|
|
|
|
|
Re: مرحب بالمحلل الرياضي والناقد الفني .. عمر الفاروق بيننا (Re: خدر)
|
Quote: هههههههههههههههههههههههههههه
وااااااااااااااااااااااااااااااااك
قوية دي |
.. بي موقفك دا يا خـدر .. بتجرد الاستاذ اساسي من الحتة بتاعت الكتبجية دي .. وانا طبعا في الحتة دي ما بتفق معاك ..
اساسي كاتب يا خـدر .. كاتب كبير يا خدر .. ارجو ان تقعد مع نفسك شوية وتراجع الحتة دي ... 
| |
|
|
|
|
|
|
|
|
 Re: مرحب بالمحلل الرياضي والناقد الفني .. عمر الفاروق بيننا (Re: الرفاعي عبدالعاطي حجر)
|
Quote: ما شاء الله ...
Quote: ذخيرة غنية بالمفردات ...
ولد خطير في التعبير ...
دي قريتا وين ... |
التحية للجميل عمر الفااااروق
طول الغيبة جفا يا فارووووق .
...........................حجر. |
التحية لعمر الــفاروق من الكاتب والمحلل بالمنبر العام لسودانيزاونلاين .. ......... حجــر ..
بالنسبة للجبخـانة الغنية دي .. وخطـورة الولد في التعبير .. أحب الفت انتباهكم إلى أنه المفردات دي لو وريتك جبتها من وين .. عادي جدا أحتمال تزعل .. زي المرة الفــاتت .. ولو زعلته اخافك تتصل ليك بي صديق .. وكان اتصلت بي صديق خايفو يقوليك ما تتداخل مع تمبس دا دا ..
لكن صفة الزعل احتمال تنتفي في حالة واحدة .. البتتصل عليهو دا ما يكون من ناس الايدلوجيات اياهـا ..
يا كمان ..
تقوم تعمل اتصال مباشر من الكبانية الملح العملناها ليك المرة الفاتت للاتصالات دي ..
انا بس اضمن كيف إنك ما بتزعل ..
| |
|
|
|
|
|
|
|
|
|
Re: مرحب بالمحلل الرياضي والناقد الفني .. عمر الفاروق بيننا (Re: محمد عبدالرحمن)
|
Quote: كشتينة ولاكورة ؟
هى البلد دى كلها فيها زول واحد بس البضرب ا لباص ..الباقين
كضابين ساكت ... |
.. كشتينة ..؟  تعرف يا محمد .. عمر دا مرة كان لاعب زميلي في الوست .. وانا ما عارفو طبعا أول مرة الزول دا كلما يفتحو بوهية يجيك طاير بي (الآس) من قولة تيت .. بعداك انا اشيل الشيلة .. التوزيعة الاولى سكته قلت احتمال دي تكون خطة جديدة في اللعب .. التوزيعة التانية .. برضو الاربعة (آسـات) .. والاغرب من كدا قربنا ناخد سييك .. .. التوزيعة التالتة .. جوهو خمسة (آسـات) عديل كدا .. اكتشفته إنو الزول دا خطة اللعب بتاعتو زي الخطة اللعبت بيها المانيا ضد اسبانيا واطقطقت ..
بعداك قالي يا زول هوووي .. ان أول حاجة بفتش لي (الآسـات) لانو قالو أول حاجة (تاكل) بالكبير
لاحظ (تاكل) بي الكبير دي عامله كيف ..؟ Quote: الباقين
كضابين ساكت ... |
إنت يا محمد شكلك كدا ما مقتنع بي عمر دا .. لكن انا ما بديك فرصة تهز لي قناعاتي بي عمر كناقد فني متخصص .. وكاتب رياضي بيطلع فيها وهي ماشـة .. انظر للنصف الممتلي من الكوب في معرض بحثك عن حالة عمر من كونه كاتب ومتخصص . اعتقد إن جاتك الفرصة المناسبة لذلك ..
| |
|
|
|
|
|
|
|
|
|
Re: مرحب بالمحلل الرياضي والناقد الفني .. عمر الفاروق بيننا (Re: محمد عبدالرحمن)
|
Quote: اها شفتا الفلسفة ...انت الغلطان ..يعنى الرياض دى كلها
مالقيت فيها زميل غير اخونا دا .. |
أنا والله ما عارفو يا محمد .. تشوف قعدتو كدا دا .. وهو متصالح مع نفسو تقول بسيك التلاتة انفار القاعدين معاهو في طربيزة واحدة .. اتخدعته فوقو والله .. لكن الحمد لله الواحد كان بيقصقص ليك لي (الاسات) بتاعتو دي زاته عشان ما تاكل زاتوو .. لانو زميل زي دا لازم تلعب معاهو بي خطـة اصلاحية سريعة
| |
|
|
|
|
|
|
|
|
|
Re: مرحب بالمحلل الرياضي والناقد الفني .. عمر الفاروق بيننا (Re: محمد عبدالرحمن)
|
| Quote: اااى بالله كلمو ..خليهو يحلقهم (المشوا ماجو) .... |
لا يا محمد ..
الش الما عارفو عن استاذ عمر دا إنو مبدائي خالص ..
المانيا .. يعني المانيا .. لانو بيشجع المانيا دي منذ نعومة اظافره .. وبيكره البرازيل اها في الحالة دي لو ما المانيا طرف .. وحضر معاك الكورة .. والله كان جبت ناس بيلية واللعب ناس في العالم .. يطلع ليك الكورة مسيييخة واي كلام ..
| |
|
|
|
|
|
|
|
|
|
Re: مرحب بالمحلل الرياضي والناقد الفني .. عمر الفاروق بيننا (Re: طارق ميرغني)
|
| Quote: لانك يا تمبس الافن |
شكرا ياطارق بالانابة عن تمبس ..
تمبس دا تانى اعصار مايجيبو هنا ..
لكن ياطارق ريحتنى بقصة الايقاع
المقلوب دى ..عايز اوصف وارغو
لاعب المريخ وصف يعبر عن الحال ..
مالقيت ادق من (ايقاعو مقلوب) ...
الدم فى محل التيك ..والتيك فى محل
الدم ...
عمر دا ذاتو ما(بختا) قلبت الايقاع ..
نسال الله ان يجعلنا من اصحاب الايقاعات
غير المقلوبة ..
| |
|
|
|
|
|
|
| |
tmbis
اساسي
محمد عبدالرحمن
الشاذلى خيرى عبد الله
saadeldin abdelrahman
معاوية عبيد الصائم
الرفاعي عبدالعاطي حجر
خدر
Marouf Sanad
Omar Bob
khaleel
داليا الكباشى
ناذر محمد الخليفة
ALZOLZATOO
معاوية الأرباب
فيس بوك
تويتر
انستقرام
يوتيوب
بنتيريست