|
|
 تقليعات الفنانين..." قبعة" سيف الجامعه مثالا ...!!!
|
لكل منا له طريقته الخاصة في التعبير عن نفسه في متابعة الموضات او التقليعات والتي تتجدد
وتتبدل كل يوم ...اشكال وأشياء كثيرة تستجد في حياتنا و نعجز عن مسايرتها اواللحاق بها... تقليعات
غريبة و موضات الفنانين والشباب تحتاج إلى إعادة الإمعان و النظر .
هل هي مقبولة بحيث لاتتعدي الذوق العام ؟
من البديهي ان الفنان حر في مظهره او ما يلبس شانه في ذلك الاخرين
ان كان لا يتعدي الذوق العام
وهل ما يلبسه الفنان من ناحية عامه مناسب لعمره وشكله ؟
الا لمعجبيه راي في ذلك المظهر ؟
|
|
 
|
|
|
|
|
|
|
|
Re: تقليعات الفنانين..." قبعة" سيف الجامعه مثالا ...!!! (Re: حمزة سيف الشريف)
|
اخي حمزه
كلنا مصلعين ايه المشكله ؟
جاء بجريدة الخرطوم يوم الاثنين الماضي:
الخرطوم - مرتضي ابو عاقله:
اوضح الفنان سيف الجامعه انه ظل يرتدي "الطاقية" منذ ان كان طالبا بالجامعة
وذلك نسبة للارتفاع الكبير في درجات الحرارة واضاف بان "الطاقية" اصبحت جزءا منه
ومن مظهره، ويجد راحة كبيرة وهو يرتدي تلك الطاقية
واكد سيف الجامعة بان ديه العديد من "الطواقي" ذات الالوان المختلفة
مثل الازرق والرمادي ولكنه قال بانه لا يرتدي طاقية
لونها احمر لانه هلالابي.
كما اكد بان الوحيد الذي يشاركه ارتداء تلك الطواقي بالمنزل هو ابنه احمد
الذي يطلق علي نفسه احمد الجامعة تيمنا بوالده واعجابا به.
| |
|
|
|
|
|
|
|
|
|
Re: تقليعات الفنانين..." قبعة" سيف الجامعه مثالا ...!!! (Re: طارق ميرغني)
|
عزيزنا طارق ، تحياتي
Quote: اوضح الفنان سيف الجامعه انه ظل يرتدي "الطاقية" منذ ان كان طالبا بالجامعة
وذلك نسبة للارتفاع الكبير في درجات الحرارة واضاف بان "الطاقية" اصبحت جزءا منه
ومن مظهره، ويجد راحة كبيرة وهو يرتدي تلك الطاقية
واكد سيف الجامعة بان ديه العديد من "الطواقي" ذات الالوان المختلفة
مثل الازرق والرمادي ولكنه قال بانه لا يرتدي طاقية
لونها احمر لانه هلالابي.
كما اكد بان الوحيد الذي يشاركه ارتداء تلك الطواقي بالمنزل هو ابنه احمد
الذي يطلق علي نفسه احمد الجامعة تيمنا بوالده واعجابا به. |
يا طارق أنا شفت سيف الجامعة في التلفزيون لمن كان (خنفس)
في سهرة مع الخالدي وحسن ساتي الله يرحمهم
ووكتها كان في الجامعة أو خريج جديد
سيف الجامعة بيلبس الطاقية عشان يغطي صلعتو، والمكنة بتاعت السخانة
ومن أيام الجامعة دي ما مقسمة..
ما ياهم ديل ناس فرفور وعصام محمد نور وغيرهم صلعاتهم باقة ، وما شغالين بالموضوع
غايتو سيف الجامعة ومعتز صباحي بيبالغوا ..
التوقيع (واحد مُصلّع)..
| |
|
|
|
|
|
|
|
|
|
Re: تقليعات الفنانين..." قبعة" سيف الجامعه مثالا ...!!! (Re: Salah Abdulla)
|
اخي صلاح عبد الله
انا وسيف الدين محمد "الجامعه" درسنا في جامعة الخرطوم في النصف الثاني من السبعينيات
نحن نسبقه لكن عزفت معه العديد من المرات وفي حفلات اذكر ان معظمها داخل الحرم الجامعي
لم يكن يلبس قبعه في اي من تلك الحفلات ولم اره طيلة تلك الفتره يرتديها
لكن في ذلك الوقت كان شعره مكتملا عكسنا نحن حيث بدت علينا بوادر الصلعة
لكن في كل الاحوال
الصلعه عيب ؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: تقليعات الفنانين..." قبعة" سيف الجامعه مثالا ...!!! (Re: الامين موسى البشاري)
|
قصص اسباب لبس سيف الجامعة للطاقية دي أعلم بها من رافقه إبان الشباب البدري و الجامعة،،
لكن من الله خلقني وشفت سيف الجامعة لابس طاقية،، و يمكن ما اعرفو لو شفتو بدونها ولو إنو أحيانا بشوف إنها بتخرب منظر الفُل سوت عند سيف الجامعة،،
لكنها تناسب جدا النور الجيلاني و البذلة الكاملة و الشعر الراستا محدودة الطول المترامية من تحت القبعة المميزة في الاختيار و الالوان.
معتز صباحي من شدة ما غلبو مشي زرع شعر و تغير شكله و تضاربت بعض الأراء ما إذا كان ذلك إيجابياً في موازين مستمعيه..
معتز صباحي يعتبر من أوائل الفنانين الشباب الذين أظهرو ميولاً واضحاً للجلاليب الملونة بألوان علي غير العادة،،
من كحلي و لون قالو إسمو حِبري و الوان تانية ما أنزل الله بها من أسماء.. و علي الله أيضا،، علي الله في نظري ما هي إلا سروال و عراقي بأختلاف قليل من التفاصيل،،
يعني جيب بي الجمبة ولي رقبة أنصارية مطرزة أو ما شابه.
يتميز الفنان شرحبيل و هذه صفة مشتركة بينه و بين خليل إسماعيل و النور الجيلاني و صلاح بن البادية أحياناً في إرتداء القمصان الغريبة ذات النصف كم و الطابع الافريقي المميز.
اهااا في ظاهرة الشعر المفلفل فكاها في الشباب الجديد ده المغني أحمد الصادق و واحد تاني إسمو شكر الله..
أما البنات الفنانات و المغنيات بي العدد البتلقاها عندها إستايل مميز..
يعني نانسي عجاج الطاقية و قصة الشعر..
الباقيات من طرف ياهو اللبس العادي ده و التباري في الثياب..
بس غالباهن ندي القلعة بي المشاط القديم.. و لبس الذهب الهُبر!
| |
|
|
|
|
|
|
|
|
|
Re: تقليعات الفنانين..." قبعة" سيف الجامعه مثالا ...!!! (Re: طارق ميرغني)
|
تحية .. الموضوع يا استاذ طارق تنبع اهميته من اهمية المظهر العام للفنان امام جمهوره ودونك جيل العمالقة ..عثمان حسين..ابراهيم عوض..احمد المصطفي..حسن عطية..كابلي.. محمد الامين.. وكيف انهم اختطوا لنفسهم مقاما فنيا سامقا ومظهرا يتسق مع مقام الفن ويحترم المتلقين ويكرس رسالة الفن في ابهي حللها مظهرا ومخبرا...فماذا نري اليوم..الفانون لابسي الطواقي..وبعضهم لا ينقصه الا العكاز..واخرون يفتقدون(اللياقة)فيما يلبسون..والبعض يتستر بمظهر المتأمل وهو في الحقيقة ( نعسان)
الموضوع يحتاج الي تدخل اتحاد الفنانين بعدان اجيز للتو قانون المهن الموسيقية.. وننتظر ونري مدي تدخلهم في اسباغ الرونق والمظهر الذي يجب ان يتشح به من يظن ان له دور في تلوين الوجدان.....ال طاقية ال...
| |
|
|
|
|
|
|
|
|
|
Re: تقليعات الفنانين..." قبعة" سيف الجامعه مثالا ...!!! (Re: عبدالكريم أحمد الامين)
|
| Quote: الموضوع يحتاج الي تدخل اتحاد الفنانين بعدان اجيز للتو قانون المهن الموسيقية.. وننتظر ونري مدي تدخلهم في اسباغ الرونق والمظهر الذي يجب ان يتشح به من يظن ان له دور في تلوين الوجدان.....ال طاقية ال... |
استاذ محمد الكامل
عين الحقيقة
فلا اري ان المظهر يقل اهمية عن ما يقدمه الفنان لجمهوره
والذي من المفترض ان لا يختلف مظهره عن دواخله او جوهره
| |
|
|
|
|
|
|
|
|
|
Re: تقليعات الفنانين..." قبعة" سيف الجامعه مثالا ...!!! (Re: طارق ميرغني)
|
أستاذة مين؟
ده انا بنت علي باب الله ساااااي..
ــــــــــ
تذكرت الفرجوني.. الفرجوني مؤخراً يصر بشدة علي الراستا،، ربما إن كانت في نظري غير لائقة لكني أري إنها ميزته في الفترة الاخيرة..
نوسع الباب قليلا و نذكر بعض الشباب المصورتاية،، وأقصد طلال عفيفي..
كلما لاح طلال عفيفي تميز عندي اللون الابيض الباهي الذي يدل علي حرص و دقة لا محدودين لشيء في نفس طلال،، و إسورة لا علم لي بمعدنها لكنها تميزه،،
و كذلك طواقي عصام عبد الحفيظ ..
أغلب طواقيه التي رأيت مصنوعة عن طتيق خياطة الكورشيه..
حتي يوم عرسي عسام لابس طاقية سهرة.. :)
ماما علي شماله و نادية علي يمينه،،
"الصورة لا أذكر إنها بعدسة منو لكنها نشرت هنا من قبل."
و إن تذكرنا عدنا..
| |
|
|
|
|
|
|
|
|
|
Re: تقليعات الفنانين..." قبعة" سيف الجامعه مثالا ...!!! (Re: Soumeta)
|
Quote: معتز صباحي
لا يبدو عليه الصلع حسب ما رايناه في التلفزيون لكن هنالك العديد من الخبثاء الذين يقولون انه يستخدم باروكه. الله اعلم |
طارق
طيب لو الكلام دا طلع صاح بتودي وشك وين...؟
بالمناسبة في واحد فوق ذاكر حكايات الباروكة او زراعة شعر صباحي دي برضو.
.
.
.
فهل هذا احد الخبثاء؟
| |
|
|
|
|
|
|
|
|
|
Re: تقليعات الفنانين..." قبعة" سيف الجامعه مثالا ...!!! (Re: طارق ميرغني)
|
يا راني
لو ذاكرتك كويسه صورة البروفايل قبل هذي كانت بالبنطلون والقميص
يعني الصلعه باينه ولامعه
اما الصورة الحالية اخدها لي الصديق مزمل خيري في منزل الاخ بكري ابوبكر
في حلفاية الملوك واصر عليها وارسلها لي علي الايميل بعد عودتي للسعوديه
وهو بيفتكر انها معقولة الشكل لتكون علي البروفايل
لذا قمت بتغييرها
وانت رايك شنو؟؟؟
| |
|
|
|
|
|
|
|
|
|
Re: تقليعات الفنانين..." قبعة" سيف الجامعه مثالا ...!!! (Re: طارق ميرغني)
|
بوست جميل
اكيد البحث عن التميز والتفرد في الشكل بيكون سمه مشتركه بين الجميهع وبالذات في
المجال الفني او الاعلامي مثلالبس الختم الكبيرة عند ترباس او عمه القلع عبد الحفيظ
وما ننسى الجلابيه الفتحتها شويه كانت كبيرة عند الاعلامي حسين خوجلي
والقمصان البودي عند طه سليمان
التحيه ليك يا استاذ طارق ميرغني ولي كل ضيوف البوست
| |
|
|
|
|
|
|
|
|
|
Re: تقليعات الفنانين..." قبعة" سيف الجامعه مثالا ...!!! (Re: طارق ميرغني)
|
..
رغم أن أمر هذا الشارب عجيب لكن الأمر برمته أمر خاص .. لرجل عام ..
المهم عندي أنني إلتقيت ممثلا سوريا في القاهرة وسألته عن سر منح إتحاد الممثلين العرب
الرئاسة للسودان ؟؟
لم يفكر الرجل كثيرا حين قال : (( هذا أخيييييييي .. منصب بدتو تعب عل الفاضيييييي
بالله مين يسيب شغلو ويروح يطارد حلق الله بالتلفونات ؟؟ هذا منصب بدتو إنسان غير مشغول ..
عشان هيك إخترنا السودان ..)) ؟؟
طبعا لم يشأ الرجل أن يسمي الأمور بأسماءها .. لأنه يدرك أن هذا المنصب يتطلب ممثلا
له (( ديشليون )) عمل مسرحي , (( بليون )) مسلسل ,و (( و10 ) أفلام أبيض وأسود
وأن لايتبول في أول ترعة وأول عمل له في السينما ..
والزين عرس !!
..
| |
|
|
|
|
|
|
|
|
|
Re: تقليعات الفنانين..." قبعة" سيف الجامعه مثالا ...!!! (Re: طارق ميرغني)
|
سلام أستاذ طارق
موضوع لطيف
بس ما عرفتك وين في صورة القروب بتاع العازفين
أول واحد من اليمين؟
يخيل لي الفنان ممكن يعتبر شكلو ضمن المشروع الإبداعي بتاعو
ويجتهد فيهو بأي طريقة وبدون حدود العادي والمتعارف عليه في الحياة اليومية
مادا مسرح وبيخضع لشروط المسرح كحالة بصرية متميزة عن العادي واليومي،
طاقية،
قرون ،
أقنعة ما فارق معاي بس تكون شغالة في السياق المسرحي والجمالي والشخصية الإعتبارية للمبدع في مسرح الأداء
الما عندو حدود
بس طاقية سيف دي تحس انها دايما (إمبوزد) علي المشهد
أها كيف الأديداس بتاعة الإمام الصادق مع الجلابية جناح أم جكو؟
| |
|
|
|
|
|
|
| |
أسامة عبد الجليل
الامين موسى البشاري
Soumeta
abubakr
إبراهيم عبد الحليم
محمد الكامل عبد الحليم
عبدالكريم أحمد الامين
محاسن أحمد محمد
rani
مريم عبد الله
لؤى
صلاح شكوكو
Ahmed Elmardi
فيس بوك
تويتر
انستقرام
يوتيوب
بنتيريست