|
|
|
 Re: دعواتكم بالشفاء العاجل للأخ محمد سليمان (Re: عبدالله الشقليني)
|
االأستاذ المحترم عبدالله الشقليني
لك التحية و التقدير
Quote:
ألف سلامة
نتمنى له الشفاء العاجل ،
من لديه هاتفه الشخصي أن يمدنا به على الماسنجر ،
مع أمنياتنا ألا يكون ذلك مزعجاً ....
ألف سلامة للبطل
|
لك عظيم شكري و إمتناني علي أمانيك الطيبة بالشفاء ...
و أتمني لك بدوري بدوام الصحة و العافية..
| |
 
|
|
|
|
|
|
|
|
Re: دعواتكم بالشفاء العاجل للأخ محمد سليمان (Re: doma)
|
صديقتي اللدودة دوما
لك التحية و الإحترام
Quote:
الف لا باس عليك يا زول يا كلس
عاجل الشفاء
|
عظيم شكري لك علي تمنياتك الطيبة ..
و هاردلك ( ألمانيا) ...
و كلمتين بالإسبانية : Siempre hay próxima vez
آه .. معليش (نسيت إنتو ألمان):
Immer ist es das nächste Mal
| |
|
|
|
|
|
|
|
|
 Re: دعواتكم بالشفاء العاجل للأخ محمد سليمان (Re: سيف النصر محي الدين محمد أحمد)
|
Quote: امنياتنا العاجلة لك بالشفاء اخي
الباسل محمد سليمان والعودة موفور الصحة والعافية
لمواصلة ذات المشوار النبيل في مقاومة الطغيان |
سحروك ولا ادوك عين ...
سبحان الله قعلا القلوب شواهد لى أيام بفكر أحاول اتصل بيك..بس اتلخمت كالعادة بزيارات الأهل والاصدقاء الصيفية لقاهرة المعز ..
انشاء تقوم بالسلامة معافى موفور الصحة باذن الله .
| |
|
|
|
|
|
|
|
|
|
Re: دعواتكم بالشفاء العاجل للأخ محمد سليمان (Re: AMNA MUKHTAR)
|
عزيزتي الفاضلة آمنة مختار
لك كل التحايا و الأشواق
( و مالك طولتي الغياب):
Quote:
سحروك ولا ادوك عين ...
سبحان الله قعلا القلوب شواهد لى أيام بفكر أحاول اتصل بيك..بس اتلخمت كالعادة بزيارات الأهل والاصدقاء الصيفية لقاهرة المعز ..
انشاء تقوم بالسلامة معافى موفور الصحة باذن الله .
|
إن شاءالله تكوني إنتي و الأهل بخير في قاهرة المعز ..
و لك كل تقديري علي تمنياتك لي بالشفاء ..
و ما تنقطعي ...
| |
|
|
|
|
|
|
|
|
|
Re: دعواتكم بالشفاء العاجل للأخ محمد سليمان (Re: هاشم محمد الحسن عبدالله)
|
الأخ المحترم هاشم محمد الحسن عبدالله
لك التحية و التقدير
Quote:
خالص الامنيات للباشمهندس محمد سليمان، المناضل الجسور، ربنا يبلغه العافيه، مع التضرع لله عز وجل سرعة الشفاء وكمال الصخة والعافية، آمين يارب العالمين ،.
|
أشكرك علي نبل كلماتك يا أخي هاشم .. و لك مني عظيم التقدير و الإمتنان ..
| |
|
|
|
|
|
|
|
|
 Re: دعواتكم بالشفاء العاجل للأخ محمد سليمان (Re: شول اشوانق دينق)
|
| Quote: الحمدلله كل شئ الآن تمام التمام وكأنني عشرين سنة أصغر (كانت عملية عمرة للمكنة ... القلب .. و كل الأعضاء الحيوية .. The vital organs .. ) |
والله يا استيف الواحد بيدعو لي كل مريض ومعلول بالشفا .. ربنا يشفيك وحمد الله على السلامة ..
وبالنسبة لي العمرة دي اريتم يكونو كمان هبشو الحتة بتاعت الانسانية جوه قلبك العملو ليهو عمرة دا ..
وتقرا البوستات المفتوحة دي وكمية الناس الجات داخلك ليك دي ..
ومن هنا ولي قدام ..
تبطل حركاتك النص كم دي ..
وبالمرة كدا تقعد في واااطة الله دي .. البموت ليهو زول تجي تحضر الدافنه يا بالميت كدا .. تجي تدفع ليك في كشف ... وتعصر ليك فراش وترفع الفاتحة .. والعندو فرح تجي تركب معاهو الخيمة .. وتجيب التلج حق البيبسي .. والعندو سماية تمشي تجيب معاهو الخدار .. والبطهر ولدو .. تمشي معاهو البحر .. مع إنو عارف علاقتك بي البحـر زي علاقتي أنا القدامك دا بالطيران الشراعي والقفز بالزانة ...
بلا اسال الدكتور دا قوليهو بعد العمرة دي الواحد عادي جدا ممكن يشارك الجلابة افراحم واتراحم ..؟ الكلام دا ليك ولي اي واحد زيك عامل فيها عنصر خلخله في البورد دا .. البني آدم دا لسان بس .. اللسان دا كان اتعطل فجأة ببقى زيو .. وزي اي دلقان ..
شول .. كيفنك ؟ وما تشوف شر ..
| |
|
|
|
|
|
|
|
|
|
Re: دعواتكم بالشفاء العاجل للأخ محمد سليمان (Re: tmbis)
|
تمبس .. الزول يقول ليك عمّر المكنة .. معناها جاييك من جديد والفورة مليون ، تقول لي شنو؟؟
يازول عمِّر جبخانتك واعمل ساتر .. الفلم يادوب حيبدأ .. ههه ..
حمدا لله علي السلامة يازول .. وكفارة البيك يزول والمرض ما بيكتل لو زول ..
شول إنت بتعرف محمدسليمان ده من وين ..؟ وكمان بتلفوناتها !!..
يعني نحن الوحيدين الماعندنا تلفونه ..
| |
|
|
|
|
|
|
|
|
|
Re: دعواتكم بالشفاء العاجل للأخ محمد سليمان (Re: Abureesh)
|
Quote: وقلنا ليه أمشى كدا واللا كدا..
بس ما تقعـد كتير قدام الكمبيوتر.
أشترى ليك كبك وأمشى كيلومترين كل يوم، كيلو فى الصباح قبل الفطور وكيلو فى المسـاء بعد العشـاء.
=============
أعلاه مذكرة تفسيرية لأن البعض فهم مداخلتنا الاولى غلط.. |
يا أبو الريش كان مفروض تقول ليهو: ياخي إتمشّي بدل ياخي أمشي عشان نحن ما نقصِّر وإنت ما تضطر تفسِّر..
أهو زي الكلام المبهم ده هو بالبيجيب لينا نحن الكلام وتمشي تشيل حالنا تقول ناس سودانيزأون لاين ما قاعدين يفهموك ..
| |
|
|
|
|
|
|
|
|
|
Re: دعواتكم بالشفاء العاجل للأخ محمد سليمان (Re: Zakaria Joseph)
|
Quote: يا أبو الريش كان مفروض تقول ليهو: ياخي إتمشّي بدل ياخي أمشي عشان نحن ما نقصِّر وإنت ما تضطر تفسِّر..
أهو زي الكلام المبهم ده هو بالبيجيب لينا نحن الكلام وتمشي تشيل حالنا تقول ناس سودانيزأون لاين ما قاعدين يفهموك .. |
لا يا منيـر، "إتمشى" دى لبيت الجيران واللا للدكان، وممكن تكون بالسفنجـة، ولكن ليس مشى بالكبك لإتنين كيلومتر..
والرياضـة إسمها المشى وليس التمشى.. وقبل كتابة البوست تحدثت مع الأخ محمد سليمان بالتلفون وناقشنا أهمية المشى
ثم بعد البوست أيضـاً..
| |
|
|
|
|
|
|
|
|
|
Re: دعواتكم بالشفاء العاجل للأخ محمد سليمان (Re: Abureesh)
|
Quote: لا يا منيـر، "إتمشى" دى لبيت الجيران واللا للدكان، وممكن تكون بالسفنجـة، ولكن ليس مشى بالكبك لإتنين كيلومتر..
والرياضـة إسمها المشى وليس التمشى |
حلوة لاكين يا ابوالريش .. برضو تبرير وجيه
لكين برضو أمشي دي ممكن تكون أمشي جيب موية ، أمشي كده واللاّ كده، أمشي نيويورك وتعال، أمشي صلي، أمشي الحمام،،، وهكذا .. عكس تمشي التي تفيد المشي من أجل المشي .. ولا تعني قصر المسافة .. نحن زمان كنا بنتمشي من بحري لأمدرمان نشرب حاجة باردة ونتمشي راجعين .. إذاً الفرق بين أمشي و تمشي هو أن أمشي فعل أمر دارجي ناقص يلزمه حذف الياء ثم إكمال الأمر بتحديد القصد .. أما تمشَّي فهو فعل أمر كامل لازم مختص بذاته، لا يحتاج لتفسير لاحق لإزالة اللبس ..
وأشكرك لسعة صدرك ..
| |
|
|
|
|
|
|
|
|
|
Re: دعواتكم بالشفاء العاجل للأخ محمد سليمان (Re: بكري الصايغ)
|
تمبس
انت طولة اللسان دي ما بتبطلها؟؟؟؟
اها محمد سليمان قلبه معافي وسليم انت البعالج لينا بصيرتك وبصرك منو؟؟؟
Quote: والله يا استيف الواحد بيدعو لي كل مريض ومعلول بالشفا .. ربنا يشفيك وحمد الله على السلامة ..
وبالنسبة لي العمرة دي اريتم يكونو كمان هبشو الحتة بتاعت الانسانية جوه قلبك العملو ليهو عمرة دا ..
وتقرا البوستات المفتوحة دي وكمية الناس الجات داخلك ليك دي ..
ومن هنا ولي قدام ..
تبطل حركاتك النص كم دي ..
وبالمرة كدا تقعد في واااطة الله دي .. البموت ليهو زول تجي تحضر الدافنه يا بالميت كدا .. تجي تدفع ليك في كشف ... وتعصر ليك فراش وترفع الفاتحة .. والعندو فرح تجي تركب معاهو الخيمة .. وتجيب التلج حق البيبسي .. والعندو سماية تمشي تجيب معاهو الخدار .. والبطهر ولدو .. تمشي معاهو البحر .. مع إنو عارف علاقتك بي البحـر زي علاقتي أنا القدامك دا بالطيران الشراعي والقفز بالزانة ...
بلا اسال الدكتور دا قوليهو بعد العمرة دي الواحد عادي جدا ممكن يشارك الجلابة افراحم واتراحم ..؟ الكلام دا ليك ولي اي واحد زيك عامل فيها عنصر خلخله في البورد دا .. البني آدم دا لسان بس .. اللسان دا كان اتعطل فجأة ببقى زيو .. وزي اي دلقان ..
شول .. كيفنك ؟ وما تشوف شر .. |
انت فلاحتك فيه؟؟؟
ما تكلم صاحبك عاصم جبر الله يعلم ده كله؟؟؟
ولا كلم طه جعفر؟؟!!
ما شايف الناس دي كلها رافعه القزاز من العامه؟؟؟
اها محمد سليمان ده ويشهد اله لا يبخل بالتعزيه لاي موضع شافه هنا.
لكن حقيقي ما كعوبيه بس ما عنده زمن للحجات دي.
محمد سليمان يا تمبس راجل طيب ربنا يفتح بصيرتك انت تشوف الامور على حقيقتها.
| |
|
|
|
|
|
|
| |
ياسر بيناوي
الرفاعي عبدالعاطي حجر
Mohamed Suleiman
Kostawi
تاج الدين عبدالله آدم
عمر ادريس محمد
محمد زكريا
naeem ali
ماجدة عوض خوجلى
doma
شول اشوانق دينق
Nasr
الغالى شقيفات
Tragie Mustafa
احمد محمد بشير
محمد المرتضى حامد
عبدالله الشقليني
ibrahim alnimma
هاشم محمد الحسن عبدالله
AMNA MUKHTAR
بدر الدين اسحاق احمد
ود محجوب
مزمل خيرى
محاسن أحمد محمد
العوض المسلمي
Faisal Al Zubeir
Bashasha
اسماء الجنيد
الصادق صديق سلمان
Ahmed Yousif Abu Harira
Mohamed Yassin Khalifa
tmbis
Munir
الطيب رحمه قريمان
Marouf Sanad
Abureesh
Zakaria Joseph
فيس بوك
تويتر
انستقرام
يوتيوب
بنتيريست