جامعة المغتربين القبول لهذا العام 2010 كذبة ابريل !! Part 2 .... ( صور )

Quote: هلباوي طوّلت عليك مُش كِدة؟ عموماً يا سيِّدي الفاضل مشْغولِيّات شديدة منعتني عن ذلك طيِّب يا حبيبنا أمْسِك عنْدك المعلومات دي على ذِمّة المُدير التنفيذي للشرِكة التي أسّست الجّامِعة: 1- سيتم القبول للجامعة منذ هذا العام و رُغم أنّ إسم الجامعة لم يُدْرج في كُتيِّب القبول إلا أنّ التقديم سيكون مُباشِراً هذا العام. 2- ستسْتوْعِب الجّامِعة في العام 2010م 571 طالب/ة للسّنة الأُولى. 3- الكُلِّيّات و رسومها: أ. طِبْ 120 طالب 8 ألف جنيه للمُساهِم و 12 لغير المُساهِم (أقلّ جامعة خاصة للطب من 18 فما فوق حسب علمي) ب. هندسة 150 طالب 6 ألف للمُساهِم 8 لغير المُساهِم. ج. إدارة 200 طالب د. لُغات 100 طالب و كل الكُليّات عدا هندسات و طِب 1500 للمُساهِم 2500 لغيره (عليك الله أسأل عن رِياض الأطْفال عِندنا السّنة بِقت بي كم و قارِن). و شان ما تزعل يا هلباوي و تقول ليه بس للمُساهِم و نحن ما لحقنا شان نكون مُساهمين للتّمتُّع بمزياهم بقول ليك لِسّع شرِكة المُغْتربين للتّعليم و التّقانة و البحْث العلمي أسْهُمها مفتوووووووووحة للإكتتاب. نجي للمبنى و في دي حجيك راجع بي صور لمن تتلخِم موجودة في جهازي بس عايز لي شوية زمن شان أفضى و أرفعا ليك المبنى سبع طوابق الثلاثة التِّحِت ديل يا هلباوي للكُلِّيّات و الإدارةالأربعة الفوق داخِلِيّات بنات يعني أصْلاً نِظام الدّاخِليّات موجود فيها يا حبيب شان ما تجي تاني تقول ليه و كيف و شان شنو قلبوها داخليات الرُّسوم المُقْترحة للدّاخِلِيّة ما بين 400 لـ 500 ج.س تجهيز راقي و تكييف و حمّامات داخل الغُرف كدي عليك الله أسأل عن مواصفات زي دي في الخرطوم وشوفا بي كم ولو ما سألت بسْأل ليك أنا تاني بذكِّرك البداية إنشاء الله (على عُهْدة المدير التنفيذي) أكتوبر 2010م لحدي ما أجيك بالصُّور