|
|
 Re: أرشح الماتدور الأسباني للفوز بكأس العالم .. (Re: طلحة عبدالله)
|
عمار يسن النور Quote: إسبانيا تستحق البطولة
لعبت كرة جميلة طيلة البطولة.
اليوم كنت بإستمع للإستديو التحليلي لقناة SBS و قد أجمع المحللون على فرحتهم بفوز فريق يلعب كرة قدم إيجابية.
يعنون بالإيجابية هو إعتمادهم على قوة الهجوم و الوسط في الفوز. معظم الفرق في البطولة كانت تعتمد على كرة القدم السلبية وهي إحكام الدفاع و الإستفادة من الهجمات المرتدة
|
أشكرك يا عزيزي
وعبقرية الأداء الأسباني تكمن في اللامركزية التى يعتمدها في مواجهة الخصوم بما يتيح له
إرتجال الخطط والخطط البديلة خلال مجريات اللعب يساعده على ذلك الإمكانات والمقدرات العالية
التى يتمتع بها كل نجومه تقريبا بحيث لا تتاح للخصم فرصة فرض الرقابة وإغلاق مفاتيح اللعب
لأنه عادي جدا ان يتحول لاعب من الدفاع للوسط ومنه إلى الهجوم لتسجيل هدف كما حدث أمام
ألمانيا حيث سجل قلب الدفاع هدف الفوز ، وكما حدث أمس أمام هولندا حيث سجل هدف الفوز
لاعب الوسط انببستا .
وكنت قد قلت أمس قبل بداية المباراة: Quote: وإذا كان المنتخب الهولندي يمتلك سلاح شمولية الأداء وقدرة لاعبيه على تنفيذ المهام المؤكلة
لهم من قبل مدربهم بما يعقد كثيرا من مهمة الخصوم في حال صدرت تعليمات المدرب الهولندي
بمراقبة مفاتيح لعب الماتادور وتحجيم خطورة هجومه فأن هذا الأخير يمتاز بخاصية خطيرة تتمثل
في قدرة نجومه على إرتجال خطط بديلة أثناء سير المباراة بفضل مهارات معظم لاعبيه وإنسجام
خطوطه الثلاثة على نحو يجعل أيا من لاعبيه قادر على التحول من الدفاع للوسط والهجوم وتاليا
تسجيل الأهداف وهو الأمر الذي يجعل مههمة المنافس أكثر صعوبة في تنفيذ خطة المراقبة اللصيقة.
|
وهو ما حدث بالضبط
| |
 
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
Quote: أمبارح المذيعة الأسبانية الحسناء جدا خلال مقابلتا معاي ع الهواء مباشرة
أقترحت أنو يتم تكريمي بالقصر الملكي الأسباني بمدريد جنبا إلى جنب مع منتخب الماتادور
باعتبار أن ترشيحاتي صدقت بالمسطرة والكربون من قبل حتى أن تبدأ التصفيات ..
وأردفت : بلا أختبوت بلا ويكة
وأضافت :
يا أبو الطلوح الما بعرفك يجهلك ويقول كبكبي .
وقد شكرتها وقلت ليها تحياتي لجلالة الملك الأسباني الأعظم وقولي ليهو بيناتنا تلفون
لكن صراحة كدا أنا ما بوعدك لانو برنامجي مزحوم شديد. |
كلّو من روبن أب صلعة
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
أبو الخلد Quote: كمخرج لحبيبنا ود البشري أقول أن أسبانيا لم تحرز الكاس و لكن برشلونة هي من أحرزته أو كما قال ..
|
وهي يعني برشلونة دي فريق في رابطة أم الطيور واللا المسرحية شنو يا بلد ..؟
Quote: بعدين يا تنظير تعال هنا أنا ما رشحت أسبانيا دي معاكـ من بداية البوست .. مداخلاتي و ينها ؟؟ خجيتوها و لا شنو ؟
|
الا تكون كاتبا بالحبر السري ..
أنا شايف أحسن تقوم تاخد ليك لفة لفتين .
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
Quote: طلحة تنظير لو كان يفهم في أحوال الكرة و تحليلاتها لما كان مريخي الهوي يا عمكـ
|
لا في دي إحتمال تكون محق يا أبو الخلد أخوي
أصلو زمن الجاهلية كنت مريخي الهوي والأفظع من كدا كنت بكتب عن أبو الهل المهلهل المكع كع
زيك وزي الحسكنيت المدعو جرجير المعروف بود البشري .
لكن دا كان زمان وهسع بقيت عالمي ويستحيل أن أعود القهقري ( القهقري دي براها المفروض تخليك تآمن)
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
Quote: هوي يا خالد هوي !!!
محاولاتكم لحذف البوست عن مساره مرصوده إلينا |
دي يشموها قدحة يا فخامة الدكتور
Quote: مليون زول قال مرشح إسبانيا : فقط طلحه الأخطبوط هو من تنبأ بكل المباريات من دوري ال ١٦ و عمل تحليل للاسباب و كلامو كلو طلع صاح !!!
|
الناس دي عاطفية وإنطباعية جدا يا فخامة الدكتور ولما كانت النهائيات في بدايتها
كانت في منتخبات البرازيل والأرجنتين وإيطاليا وفرنسا وألمانيا عشان كدا إستبعدوا وإستكثروا
على الماتادور الكأس دا ..
شفت طريقتم العاطفية دي هي ذاتا الغطست حجر الكورة السودانية وودتا أسفل السافلين .
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
Quote: الناس دي عاطفية وإنطباعية جدا يا فخامة الدكتور ولما كانت النهائيات في بدايتها
كانت في منتخبات البرازيل والأرجنتين وإيطاليا وفرنسا وألمانيا عشان كدا إستبعدوا وإستكثروا
على الماتادور الكأس دا ..
|
الحبيب طلحة ، أشواق وتحايا زي المطر!!
أهنيك على التحليلات الواقعية المعهودة فيكم ، وفعلا كنت أخشى
أنو كلامك يطلع صحيح لكراهيتي للنظرة العنصرية عند شعب قاطلونيا،،
==
استحق الماتادور عن جدارة لأن ديل بوسكي لم يضع أي إعتبار للأصوات
التي تنادي بخلق التوازنات الاقليمية في الفريق ، وتجانس لاعبي
برشلونة طيلة العامين الماضيين هو من خلق أبهة الاسبان،،
==
كاسياس كان فريقاً بحاله ، وبكاؤه يقطع نياط القلوب: ماهذا الحب لأسبانيا؟؟
كيف تنسى للاعبين وهم في غمرة الحرابة (مدريد - برشلونة) (كاستيلا - قاطالونيا-
اندولسيا- فالنسيان - باسك، .....)، كيف أخلصوا لهذا الشعار وكيف تعانقوا
متناسين كل هذه الخلافات التي عما قريب ستودي بإقليم قاطلونيا للإنفصال من أسبانيا؟؟
أين نحن ولاعبينا ومدربينا ومنظرينا الشداد من هذا الفهم العالي للرياضة؟؟
مبروك ياطلحة ، وتستاهل تقدل في الساحة ، وعقبال تنبؤات مشابهة لسوداننا المشاتر!!
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
سلام يا أسامة الخليفةQuote: فعلا كانت اسبانيا هي التي تستحق اللقب لهذا العام خاصة بعد تخطي الشبح الاماني بجداره..
كانت المباراه عنيفه ولكن النتيجه عادله..
مبروك لاسبانياالفوز المستحق ومبروك ليكم ياطلحه ...
|
الماتادور فريق كامل والكمال لله
يملك كل المقومات التى تجعل منه ملكا متوجا على عرش الكرة العالمية
فريق يلعب باسلوب اللامركزية لانه يملك في صفوفه بدلاء لا يقلون أبدا عن الأساسيين
ولان الأساسيين كل واحد فيهم نجم لامع في وظيفتو الميدانية يتمتع بإمكانات بدنية
وفنية ومهارية مدهشة جدا كما لا حظت في الدوري الأسباني .
هذا المنتخب ظل في حالة إستقرار فني وثبات مستوي منذ بداية التصفيات الأوربية
وحتى قدومه لجنوب أفريقيا ولذلك كان طبيعيا أن يعتلي منصات التتويج التى عمل
لأجلها منذ وقت مبكر وفي عالم كرة القدم لكل مجتهد نصيب لأن الكرة تعطي من يعطيها
ولا مكان فيها إلا للأجدر والأقدر .
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: سارة علي)
|
هلا يا دياب Quote: الفكي طلحة:ألف مبروك لاسبانيا.. ومبروك ليك انت التوقعات والترشيحات..
بس عشان الأمة دي تعرف حاجة.. لازم تدخلنا معاك شوية في الصورة..
كأس العالم كانت فيهو منتخبات من الوزن الثقيل..
الارجنتين والبرازيل وألمانيا وانجلترا وهلمجرا..
أسباب ترشيحك للماتادور كانت شنو.. وهل جات عليك لحظة حسيت أنك
ممكن تتخذل في توقعك وترشيحك..
انت بعد كده بقيت شخصية مشهورة وعالمية.. وعلى أسوأ الفروض
ممكن تعيش تاني أربعة سنوات على حس البوست ده..
وزول تاني ممكن يرد ليك كلمة مافي.. زول يتفاصح عليك مافي..
ونافست الاخطبوط بول اللي قال ألمانيا بتفوز بكأس العالم..
|
واول حاجة وين القبة القلتها ؟
قلت لي لو أسبانيا فازت بنبني ليك قبة ونمش نتبرك فيها ذات كل جمعة وعيد ..
إتصلت بالجماعة قالوا لي يا دوبك نزلوا الطوب اللحمر ودا تقاعس منكم ممكن يوديكم
في داهية .. 
والغريبة نفس أسئلتك دي سألتني لها المذيعة الحسناء من قناة مايوركا أمس وكان
ردي عليها أنو أنا بثق في إمكاناتي ومواهبي التقديرية لأنو ما ضربو رمي ساي
ولما شفتها فتحت خشما مشدوهة قلتا ليها:
لو ما مصدقاني هسع دي بطلع ليك من شاشة التلفزيون دي وأديك شرف أنك قاعدة جنبي
ولما لمحت على وجهها الجميل إبتسامة خجولة وقريت في عيونا التمني ولسان حالا يقول
ياريت قلت ليها :
ما تصدقي .. وتبعتها بضحكة إهتز لها القمر الصناعي البصور في اللقاء دا لدرجة أنو
الصورة أصبحت مشوشة ولم تروق وتصفي إلا لما إستعنت بقواي الخفية .
المهم كانت كل إجاباتي مقنعة تماما كما ترشيحي للماتادور في هذا البوست للدرجة التى
جعلت المذيعة الحسناء تقول وقد سبلت عينيها الجميلتين :
في الختام لا يسعني إلا أن اتقدم بشكري الرقيق مصحوبا بدعوتي لأبي الطلوح أن يشرب معاي
شاي مغرب بي لقيمات طالعة هسه دي من الطاجن .
وطبعا اعتذرت عن الدعوة لانو برنامجي مزدحم .
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
يا ود دياب Quote: لماذا لم يعلق سيدي الريس بكري أبو بكر هذا البوست على صنقور البورد رغم أن
هذه الخطوة كانت ستجلب للحوش شهرة عالمية أكبر ..؟
|
وأضيف كمان :
لماذا لم يتخارج الحسكنيت المدعو جرجير المعروف بود البشري حتى الآن ..
على هذا المجرجراتي الحقود ان يشوف ليهو بلد غير البلد دي ..
والليلة قبل بكرة .
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
الصفوة طلحة
خربت كلامك بـ حاجتين:
الأولى انك رديت على كل الناس بمن فيهم الرشاشات. واطارشت مداخلاتى رغم انها كانت بغرض مناصرتك ضد ودالبشرى.
التانية انك سخرت من اهلى ناس ام الطيور حين قلت:
| Quote: وهي يعني برشلونة دي فريق في رابطة أم الطيور واللا المسرحية شنو يا بلد ..؟ |
يعنى هسع الفرق بينك وبين طارق دياب شنو?
ام الطيور دى فيها فرق الوطن والصحراء يمين لو لقوا القروش الـ عند المريخ والهلال كان يوم الليلة اخطبوطك ده يعضى علم السودان.
ياود البشرى عليك بطلحة ولن تشفع له صفويته عندنا بعد اليوم.
ياخ ياريتك لو شاركت فى مسابقة كان ربنا فتحها عليك لكن ملحوقة فى البرازيل.
| |
|
|
|
|
|
|
|
|
 Re: أرشح الماتدور الأسباني للفوز بكأس العالم .. (Re: طلحة عبدالله)
|
Quote: بعدين ياطلحة مالك وقفت عند التكلة..
أمشي على مدني شوية..
الترابي والكسمبر والحليلة وكلكول
والكاملين والعبدلاب وود الماجدي وأم دقرسي وأبوعشر..
أنا غايتو في واحد من ديل.. |
يا أيمن جهجهت الراجل ياخ ..
كان تقول ليهو من القلقالة 
طلحة سلام ..
مبروك لإسبانيا ونهنيك على ترشيحك لها ..
مثلك أحب الكرة الإسبانية وهي المنتخب الوحيد في البطولة الذي كان يرتفع أدائه من مباراة لأخرى ..
وكنت أشفق عليه أحياناً لأن الكرة تعتمد على السرعة خصوصاً أمام مرمى الخصم وهذا ما ينقص الفريق ولأن أسلوب اسبانيا يعتمد على تناقل الكرة حتى داخل الصندوق مما يجعل دفاعات الفرق التي تواجههم تعود بسرعة لإفساد هجماتهم والدليل إحراز الفريق لتسعة أهداف فقط في البطولة كلها ..
الحاجة الثانية وهي جماعية الفريق مما يقلل من الأخطاء وتغطية العيوب في الفريق ..
دافع الفريق كان أكبر خصوصاً بعد خسارتهم لمباراتهم الأولى والدرس الذي تلقوه وكذلك وقفة جماهيرهم معهم فقد أعطتهم جرعة كبيرة للمضي قدماً حتى الكأس ..
عن نفسي تمنيت أن تصل إسبانيا وهولندا للكأس والفائز فيهم يسعدني وذلك لأن إسبانيا لديها منتخب كبير وتستحق أن تنال الكاس خصوصاً وأنها لأول مره تصل النهائي ..
أما هولندا فهذه هي المره الثالثة التي تصل للنهائي لذلك كانت أحق به كذلك أنها لم تخسر جميع مبارياته في البطولة إلا الأخيرة والتي كلفتهم الكثير ..
تحياتي يا قريبي ..
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
Quote: واول حاجة وين القبة القلتها ؟
قلت لي لو أسبانيا فازت بنبني ليك قبة ونمش نتبرك فيها ذات كل جمعة وعيد ..
إتصلت بالجماعة قالوا لي يا دوبك نزلوا الطوب اللحمر ودا تقاعس منكم ممكن يوديكم
في داهية .. |
والله بدينا.. بس جهجنا الخريف.. السنة دي الظاهر عليهو جاي تقيل..
أهلك ناس أنور التكينة.. بتاعين الكماين.. زادو علينا الطوب..
والاسمنت في المسيد وصل 700 ألف للطن.. والبطانة غرقانة مافي طريقة للرملة..
اصبر علينا شوية.. عشان القبة تطلع مجيهة..
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: أيمن دياب)
|
هلا بالفاضل عبد العزيز الفاضلابي| Quote: واطارشت مداخلاتى رغم انها كانت بغرض مناصرتك ضد ودالبشرى. |
وفعلا والله ليك حق لكن صدقني غير مقصودة فليست أنت من يتجاهلوا مداخلاتو فمعليش كبيرة ياعزيزي
Quote: سخرت من اهلى ناس ام الطيور حين قلت:
وهي يعني برشلونة دي فريق في رابطة أم الطيور واللا المسرحية شنو يا بلد
|
في دي ما معاك حق يا فاضلابي لانو مافي حتى شبه سخرية في كلامي الفوق دا ..
أبو الخلد قال الشالت الكأس برشلونة ما أسبانيا فحبيت أؤكد ليهو أن برشلونة دي
فريق أسباني ما من حتة تانية ، والحتة التانية كان ممكن تكون البشاقرة (قريتي)
واللا الخرتوم واللا أية حتة .
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: حيدر بشير)
|
سلامات يا إسماعيل حسن
ومرة أخري هاردلك خروج البرازيل ولكن الأمر كان متوقع قياسا على النهج التجاري الذي إنتهجه المدرب
دونقا للحصول على النتيجة قبل كل شىء وهو ما حجم كثيرا من خطورة نجوم السامبا الذين إعتادوا على
اللعب المهاري في تنفيذ خطط المدرب دون التقيد بمهام وواجبات محددة على المستطيل إلا في حالات نادرة
ولذلك كان متوقعا أن يخسر البرازيل متي ما واجه منتخب يجيد تنفيذ المهام والواجبات وللأسف واجه المنتخب
الهولندي مبكرا وحدث ما حدث . Quote:
وعليه أنا اقتنعت ان الاسبان فازوا بالكأس لتوفر اللعب المتوازن دون تناسي الاداء الجميل
اشد على يدك واقول ليك هزمت الاخطبوط الخربوط...وتوقعاتك مية المية...
|
وكذلك من الإسباب المباشرة التى قادت الأسبان للتفوق هو الانسجام الكامل بين لاعبيه الذين
لعبوا مع بعضهم البعض لفترات طويلة سواء كان في المنتخب او في الدوري الأسباني ، ومع |ستصحاب مقومات
أخري مثل المقدرات والمهارات الفردية لمعظم اللاعبين فان الماتادور يصبح كرت رهان رابح جدا وصاحب
حظوظ وافرة في التتويج باللقب .
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
العزيز الحبيب عبداللطيف بكري
لك التحايا والشوق العظيم وجبر الله كسركم
صدقني مشاعري سلبية جدا تجاه الأسبان لكن هذا لم يمنعني من الشغف بالدوري الأسباني أحد أقوي
الدوريات العالمية وأكثرها متعة وإثارة وتشويق ، وقد حملني هذا الشغف لمتابعة منتخب الماتدور
منذ بداية تجمعه إستعدادا للتصفيات الأوربية المؤهلة لجنوب أفريقيا وأثناء التصفيات ، وقد إكتشفت
أن الماتادور فريق كامل متكامل ومنسجم في جميع خطوطه ويملك دكة بدلاء لا تقل أبدا عن الأساسيين ولذلك
فهو المنتخب الوحيد الذي لم يتأثر بالغيابات والإصابات التى حدثت له خلال الفترة السابقة ، ما ضاعف
من يقيني أن هذا المنتخب الرهيب سيكون الحصان الأسود في المونديال الأفريقي وقد راهنت عليه وأنا
متأكد أنه سيمضي بنجاح لمنصات التتويج العالمية مالم تحدث مفأجات لا تخطر على بال .
Quote: أين نحن ولاعبينا ومدربينا ومنظرينا الشداد من هذا الفهم العالي للرياضة؟؟
|
للأسف لا وجود لنا ولا ننتظر وجودا عالميا أو حتى قاريا في ظل الفوضي الضاربة بأطنابها
كل قطاعات الوسط الرياضي بلا إستثناء و في هذا المقام يطول المقال.
تواجدنا الكثيف سيظل دائما وأبدا على مقاعد المتفرجين ما لم تتغير أشياء كثيرة تحتاج لعزيمة وإجتهاد
وغيرة كتلك التى أبكت الحارس كاسياس فرحا بالتتويج العالمي .
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
Quote: وكنت أشفق عليه أحياناً لأن الكرة تعتمد على السرعة خصوصاً أمام مرمى الخصم وهذا ما ينقص الفريق ولأن أسلوب اسبانيا يعتمد على تناقل الكرة حتى داخل الصندوق مما يجعل دفاعات الفرق التي تواجههم تعود بسرعة لإفساد هجماتهم والدليل إحراز الفريق لتسعة أهداف فقط في البطولة كلها ..
|
سلامات يا معتصم
والحقيقة أنو كل المنتخبات التى قابلت المنتخب الأسباني لجأت للأسلوب الدفاعي البحت معتمدة على
الهجمات المرتدة لإدراكها القوة الهجومية الكأسحة للماتادور والدليل أن فوز أسبانيا في النهاية غالبا ما
يكون بهدف واحد أو بهدفين مقابل هدف كما حدث أمام شيلي .
إعتماد خصوم أسبانيا على الأسلوب الدفاعي أجبرها على إرتجال أساليب وخطط بديلة خلال سير المباراة
بعد ان يحكم الخصوم إقفال مفاتيح اللعب والرقابة على المهاجمين للوصول للمرمي عبر منافذ ووسائل
أخري ، ورغم أن الأمر كان شاقا وصعبا على الفريق الأسباني إلا أنه كان دائما ما يجد حلولا في نهاية
المطاف بفضل المقدرات الفنية والمهارات الفردية الكبيرة لجميع نجومه بلا إستثناء .
قلة الأهداف التى سجلها بطل العالم في شباك الخصوم لا تعني ضعف هجومه أو خلل في تكتيكاته الفنية
خلال المباراة إنما تعني لجوء خصومه لتقفيل مناطقهم والحرص على الناحية الدفاعية حذر القوة الهجومية
الكاسحة للفريق الأسباني ، وفوز الماتادور في نهاية الأمر رغم كل شىء يؤكد على قدرة هذا الأخير
وأحقيته بالكأس العالمية .
Quote: يا أيمن جهجهت الراجل ياخ ..
كان تقول ليهو من القلقالة
|
أبدا يا معتصم فخبرتي عريضة وإلمامي واسع بتلك المناطق وأعرفها جيدا .
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
تلقت بعثة المنتخب الاسباني اليوم الاثنين استقبالا رسميا في مدريد من جانب الملك خوان كارلوس ورئيس الوزراء خوسيه لويس رودريجيز ثاباتيرو بعد العودة من جنوب أفريقيا حاملين معهم كأس العالم للمرة الأولى عقب الفوز في المباراة النهائية أمس على هولندا بهدف أندريس انيستا في نهاية الوقت الإضافي.
وتأخرت رحلة الطائرة الأسبانية ثلاث ساعات في جوهانسبرج ، وخرج الآلاف من المشجعين السعداء إلى مطار باراخاس لاستقبال الأبطال ، ولكن سرعان ما توجه أندريس أنيستا ورفاقه إلى قصر زارزويلا الملكي لحضور مراسم الاستقبال الرسمي من جانب الملك خوان كارلوس.
ولم يتمكن الملك ، الذي يعد عاشقا للرياضة ، من حضور المباراة النهائية لأنه مازال في مرحلة التعافي من عملية جراحية في الرئة.
وقال الملك للاعبون "أنتم قدوة لنا جميعا ، قدوة لجيل جديد من النبل ، للعمل كفريق والروح القتالية ، نشكركم أيها الأبطال ، باسم العائلة المالكة وجميع أفراد الشعب الأسباني ".
وبعد مراسم الاستقبال في القصر الملكي توجه اللاعبون إلى مانكلوا ، مقر الحكومة للقاء رئيس الوزراء خوسيه لويس رودريجيز ثاباتيرو ووزراءه.
وقال ثاباتيرو "الكأس تخص جميع الشعب الأسباني واللاعبين الذين حاولوا تحقيق الفوز لأجيال عديدة".
وأشاد ثاباتيرو بشكل خاص بانيستا ، ليس فقط لتسجيله هدف الحسم أمس ، بعد كتب على القميص التحتي له ، رسالة وداع لمدافع اسبانيول دانيل خاركي الذي توفى بأزمة قلبية في آب/أغسطس الماضي عن عمر يناهز السادسة والعشرين.
ورد انيستا بالقول "شكرا لك على استقبالك لنا ، أنني فخور كوني جزء من هذا الفريق ، كأس العالم يخص الجميع".
وكذلك أشاد ثاباتيرو بالمدرب فيسنتي دل بوسكي ، الذي قال "هذه الجائزة لجميع أفراد أسرة كرة القدم الأسبانية ، للأندية الصغيرة وكذلك الأندية الكبيرة".
ومن جهته قال الحارس ايكر كاسياس "اسم أسبانيا سيصبح في أعلى مكان ممكن طوال أربعة أعوام ، هذا الكأس لكم جميعا".
المصدر :http://www.kooora.com/default.aspx?showarticle=73954&obj=0
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: محمد البشرى الخضر)
|
جرجرة
البوست دا أصلا ما عايز ليهو تجديد لأنو متجدد منو وفيهو لغاية نهاية الربع دا
وبعدين ياخ لو عايز أضيف للبوست دا عادي جدا ممكن أتلح عم قوقل وأجيب الأخبار
المرتبطة بتتويج الماتادور زي ما عملت فوق .
وغير كدا :
عيب لي الرفع بي نقطة ..
ثم :
لفتك جاموسة راحت تلاقي جاموس وما لقتو .
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: محمد البشرى الخضر)
|
Quote: اسالني تاني عليك الله يا خالد
|
خالد دا لو سالك مية سنة ما ح تلقي ليهو إجابة يا جرجرة
لأنو وببساطة شديدة إستحق التهنئة على هذه الترشيحات الدقيقة العبقرية جدا
والتى بدأت قبل بداية النهائيات بجنوب أفريقيا وتحققت بالمسطرة والكربون
وكأنو ناس كاس العالم ديل شافنها مني .
وموت بغيظك وقيظك أيها الحقود الحسود
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: خالد عبد الله محمود)
|
Quote: أنت الناس بتهنئ في تنظير بمناسبة فوز أسبانيا على أي أساس ؟؟ ياهو داكـ الأخطبوط زول واحد فتح ليهو بوست تهنئة مافي ؟؟
|
أبو الخلد يا زكي
ومنو الفتح لي أنا بوست تهنئة هنا ...؟؟؟؟؟؟؟؟؟
دا بوستيني براي خدمة ضراع وعبقرية تحليل ..
مافي جنس مخلوق فتح لي بوست رغم أني أستحق أكتر من عشرين بوست للتهنئة
باعتبار الدقة في الترشيح والمبنية على تحليل عميق وقراءة غاية في الذكاء .
| |
|
|
|
|
|
|
|
|
|
Re: موت بقيظك يا ود البشرى.. (Re: سارة علي)
|
بت عم الحسكنيت المدعو جرجير المعروف بود البشري
رديت ليك وحاتك ودا كان ردي ليك :Quote: بت عم المدعو جرجير سارة علي
رسلت ليك النتيجة حتى قبل أن تصلني لستتك
دي أسهل حاجة عندي .
حييييييييي
|
| |
|
|
|
|
|
|
|
|
|
Re: موت بقيظك يا ود البشرى.. (Re: طلحة عبدالله)
|
Quote: أمبارح المذيعة الأسبانية الحسناء جدا خلال مقابلتا معاي ع الهواء مباشرة
أقترحت أنو يتم تكريمي بالقصر الملكي الأسباني بمدريد جنبا إلى جنب مع منتخب الماتادور
باعتبار أن ترشيحاتي صدقت بالمسطرة والكربون من قبل حتى أن تبدأ التصفيات ..
وأردفت : بلا أختبوت بلا ويكة
وأضافت :
يا أبو الطلوح الما بعرفك يجهلك ويقول كبكبي |
أنا شفت المقابلة دي
و أظنها قالت:
يا أبو الطلوح الما بعرفك يجهلك ويقول خجاج
لان الكلمة التي إستعملها تقبل الترجمتين و لكن خجاج هي الأقرب من صياغ المفهوم
| |
|
|
|
|
|
|
|
|
|
Re: موت بقيظك يا ود البشرى.. (Re: عمار يس النور)
|
سلامات يا عمار
المذيعة الأسبانية تقصد الكبكي لانها كما قالت لا تحب بليلتو وخاصة في رمضان
وقد ذكرت لي أنها ذات يوم كانت بتعمل في طعمية من الكبكي مع أمها في الراكوبة
فأنكشح فيها الزيت وشوه يدها ولذلك فهي تكن له كراهية شديدة .
| |
|
|
|
|
|
|
|
|
|
Re: موت بقيظك يا ود البشرى.. (Re: طلحة عبدالله)
|
Quote: المذيعة الأسبانية تقصد الكبكي لانها كما قالت لا تحب بليلتو وخاصة في رمضان
وقد ذكرت لي أنها ذات يوم كانت بتعمل في طعمية من الكبكي مع أمها في الراكوبة
فأنكشح فيها الزيت وشوه يدها ولذلك فهي تكن له كراهية شديدة . |
خلّي بالك تنظير سحلب ... او على وشك
| |
|
|
|
|
|
|
|
|
|
Re: موت بقيظك يا ود البشرى.. (Re: محمد البشرى الخضر)
|
جهلول أفندي المدعو ود البشري
اتا بتتذاكي وتجرجر كدا على منو ..؟؟
في البداية ما كنت عارف ذاتو (قيظ)دي مفردة عربية وعندها معني في القاموس ولما
وريتك أنو معناها شنو عايز تنطط في حتة تانية....؟
طيب تعال يا شاطر افندي وريني الخطأ اللغوي واللا النحو واللا البلاغي في
تموت بقيظك شنو ..؟؟؟؟؟؟؟؟
مرة تانية:
القيظ هو الحر الشديد ( ما حلاوة لكوم) ..
الحر الشديد ممكن يقتل زي ما الغيظ ممكن يقتل .
اها الخطأ وين يا بتاع قطيع الطير إتا ..
موش قبل كدا شبكتنا قطيع بط ووز وبجع واللا نسيت ..؟؟
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
Quote: وبصراحة كدا في المريخ اخطاء وفوضي وعشوائية ومجاملات
من شانها أن تهلك النادي تماما ولا اتوقع له مستقبلا أفضل
طالما بقيت هذه المسالب تنخر في كيانه حد الإنهيار . |
كلام تمام ياطلحه
عايد من السودان بعد اجازة شهرين
كنت قريبا جدا من المريخ.......
الفوضي اصبحت هي السمة البارزة
المريخ اصبح ضحية لبعض المنسوبين اليه....!!!!!
الوالي موجود....اذن المريخ موجود
وهذه ام الكوارث....لان المريخ علي
مدي تاريخه لم يكن اشخاص انما كان كيان
منضبط بالمؤسسية والعمل الجماعي
اتمني صادقا فوز المريخ اليوم
فربما تكون بداية لعودة صحيحة في
كل المجالات .
مودتي
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
في مداخلة بهذا البوست لكنها ضلت طريقها إلى مكان آخر كتب جرجير الشهير بود البشري : Quote: زوووووووووووط
ثم زوووووووووط اخري
|
يقصد هزيمة مريخ الفوضي والعشوائية بهدفين حتى لحظتها.
وكنت قد قلت للأخ هارون دياب :Quote: بصراحة كدا في المريخ اخطاء وفوضي وعشوائية ومجاملات
من شانها أن تهلك النادي تماما ولا اتوقع له مستقبلا أفضل
طالما بقيت هذه المسالب تنخر في كيانه حد الإنهيار .
|
وهكذا تصبح زوووووووووط المدعو جرجرة مجرد تحصيل حاصل .
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: محمد البشرى الخضر)
|
بايركس كيف وفيهو أكتر من 260 مداخلة ورد
قول اتا عندك فيها 30
وأنا 50
أها الباقي 180 مداخلة
شيل منهن 50 دي بتاعت ناس اتداخلو تلاتة أربعة مرات
اها الباقي 130 بقلبن الصفحة
كفاية ..
البوست دا حدو الربع المقبل ..
بى نقطة .. بي شولة .. بي أية حركة ..انا رافعو رافعو
يلا إنكشح .
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
سطر نقطة جديدة ...
...................................
...................................
........................................
...............
........................................
....................
....................................
..........................؟
سبحان الله .
يتبع ..........................
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
ولكن .................................
كما انه لابد ..............................
وبالتالي يصبح ............................
ُثم أنه حتى ولو ................................
ولذلك أري ان ...........................
وهذا ما لزم التنويه .
يتبع .............
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: طلحة عبدالله)
|
Quote: سطر نقطة جديدة ...
...................................
...................................
........................................
...............
........................................
....................
....................................
..........................؟
سبحان الله .
يتبع .......................... |
ثم
Quote: ولكن .................................
كما انه لابد ..............................
وبالتالي يصبح ............................
ُثم أنه حتى ولو ................................
ولذلك أري ان ...........................
وهذا ما لزم التنويه .
يتبع ............. |
الله يسالك انت نصيح اسي
| |
|
|
|
|
|
|
|
|
|
Re: أرشح الماتدور الأسباني للفوز بكأس العالم .. (Re: محمد البشرى الخضر)
|
يعني يا جرجرة أطلع أخلي ليك البورد دا واللا النمرة بتاعتك شنو ..؟
أكتب تقول لي تنظير
ما أكتب تقول لي أبو نقطة وأبو شامة
أعمل رؤوس لعبارات تنط بسؤال ايحائي من جنس Quote: الله يسالك انت نصيح اسي
|
بما يتبادر للذهن انو عندي وجع راس واللا شارب لي جردقة .
أقول ليك حاجة :
ما بجاوبك على السؤال ال######## الفوق دا ولامن ربك يسألني يحلها الف حلال ..
إتكشح ورينا عجاج خفيك .
| |
|
|
|
|
|
|
| |
طلحة عبدالله
محمد البشرى الخضر
سارة علي
عبدالعزيز الفاضلابى
معتصم دفع الله
Gaafar Ismail
خالد عبد الله محمود
عبد اللطيف السيدح
عمار يس النور
haroon diyab
فيس بوك
تويتر
انستقرام
يوتيوب
بنتيريست