عبدالعزيز خالد الدكتاتور الهين المهان البشير الذى اعادك للسودان مقبوضا عليك ماهكذا تنازله

Quote: الاخ قيقراوي تجاوزا عن اسلوب هتر اركان النقاش و الاستخفاف .. وافتراضا انك برضو مافهم الاتي: المعني الممارسة السياسية التي تتعامل مع مسائل زي انتهاكات حقوق الانسان ككرت ضغط يرفع في ساعات ويخفى في ساعات اخرى ...واللي الاعداء فيها باشخاصهم لا افعالهم ..فمن الممكن انيكون النظام وحزبة اعداء وغيرهم بنفس الممارسات ابطال و مناضلين متى ما لزم الامر يا سيدي انا مستنكرة انو يكون في زول بيفتكر انو التحالف مارس انتهاكات حقوق انسان وهو ما عيز يقول ده في الوقت ده عشان هو معانا او في طرفنا ان الاخلاق في السياسة تحتم انو لو ده حقيقي يبقى التحالف الوطني السوداني هو العدو...والنضال ضدو واجب مبدئي

اهو جاب فايدة لقصر الكلام الفاضي و مغتغت و خمج . بقراية هادئة ح تلقي ما تفضلتي به اعلاه هو الكلام الخشا 90 % من الناس في البوست دا عشان يثبتوهو ؟ و كان وفرتي لبكري الباندويدث بتاعو ده .

Quote: لي الحق بان انشد الارتواء من ممارسة سياسية خلوقة ..بوستكم ده فيه كم منها.. لكنه لم يروني

ليك كل الحق يا ستي

Quote: ويا سيدي اذا عادي روحك من من هم اخلاقيون في ممارستهم للسياسة ولا يصح شملهم بالنقد ..من حقي ان اطلب المزيد

يا استاذة / زهرة دا ما عدل ! ياخ انا لا عادي و لا ما عادي ، ياخ انا القلت الكلام ؟ . . بعدين هي فارقة انت قايلة ؟ دا ما كان محركي و الله . . القضية كان مطالبة بالعدل في احكامك ما اكتر .

Quote: اتمنى تكون فهمته ..واذا لا .. فلك العتبى حتى ترضى

شاكر ليك جد و الله
و ابداً ما فيها زعل / رضى
و انا آسف لو هاترت . . و تأكدي ما كان القصد

------------

اسي ما بهتيني بحكاية " بوستكم ده "
ياخ و الله العظيم دي المداخلة التانية لي . . و الاولى دخلتها عشان الخال أمين و بالمرة قلت جوز لا يخسر ، فقمت عبرت عن غيظي من الموضوع و ثمنت موقف استاذنا " طلعت الطيب " الشايفو قمة في الفهم و الممارسة

* اها بالحق الممنوح لي في البوست دا . . اطالب بكري بحذفو