|
|
|
 Re: حزب الخضر السودانى . (Re: عبد الحي علي موسى)
|
| Quote: من الشباب والى الشباب ..لا يسعى الى الحكم بقدرما ما يسعى الى تسريع عجلة التغيير الايجابى لصنع واقع وغد أفضل . |
التغيير الإيجابى ده فى ظل وجود الديناصورات
البقودوا الحركه السياسيه فى السودان منذ الإستقلال
شبه مستحيل ,, وإنطلاقا من هذا الواقع المحبط للشباب
السودانى لابد من قيادات شابه واعيه ومستنيره وقويه
ومصادمه تسعى لعمليه التغيير الإيجابى وأيضا للحكم !!
ولم لا ؟؟!!
آمنه مختار ,, إزيك ومشتاقيين والله , وما حأرحب بيك
لأنك بكره حتغطسى ليك تانى سنه !
غايتو جنس إستعلاء وتقله ( ههههههه ) .
| |
 
|
|
|
|
|
|
|
|
Re: حزب الخضر السودانى . (Re: كمال سالم)
|
قولي المزيد يا امنة ..
ثم إنتي قاعدة تختفي وين و تجي نابلة ؟؟
أحسن تبطلي الحركة دي .. واضح ؟
فكرة الأحزاب الخضر في العالم ماخدة في النمو و التوسع ..
يمكن عشان بتجاهد تناغم بين السياسي و البيئي و الإجتماعي ..
السياسي دايما حاداهو الجغرافيا و التقاطعات الآيديولوجية ، بينما البيئي فيهو الهم الإنساني الأكبر .
بعد معركة ذات الشجرة و الخج الذي خجونا به حتى انفقهنا و بقينا شرعاً علي حبل المؤتمر الوطني ..
قامت انكفأت العالمين على كافة يؤساتها و احلامها المهيضات ..
و كفرت الناس بالهواليق الفزاعات و الدلاقين الحزبية و مواقفها البديعة و تلك الممحاكات و التخازل و التخرط الذي صار .
حتى بات يناير القادم بعبعا إبن لزينا سيقضي - إن أفلح الغول في مواصلة رحي عضمة العالمين - سيقضي ذلك على البقية الباقية من عضم هذا البلد .
لذلك تبقى أية ما بارقة نور أو رقشة في إمكانية اللحقان بما يكف عن الناس سقوطاً في هاوية اليأس المكبل هذا ..
أيما دعوة مثل هذه تدفي قلب الناس شوية بتكون مطلوبة و لازمة كمان .
.........
أكتبي عندك بالبنط العريض :
- عماد عبدالله محمد حسين مصطفى
- موافق ادخل أي حاجة تمرقني منك يا هذا اليأس و القنوط .
- أبصم على أي شي يحاول يمرقنا من قد الإبرة الذي أدخلت إليه البلد و الناس .
| |
|
|
|
|
|
|
|
|
 Re: حزب الخضر السودانى . (Re: د.محمد حسن)
|
الكريمة آمنة مختار
قلت:
| Quote: يسعى الى الغاء التمييزين العنصرى والنوعى |
| Quote: من الشباب والى الشباب |
هلا تكرمت بايضاح نقطة تلاقي هاتين الصفتين للحزب المقترح..
لك شكري
رمانة
| |
|
|
|
|
|
|
|
|
 Re: حزب الخضر السودانى . (Re: AMNA MUKHTAR)
|
العزيز كمال سالم :
Quote: التغيير الإيجابى ده فى ظل وجود الديناصورات
البقودوا الحركه السياسيه فى السودان منذ الإستقلال
شبه مستحيل ,, وإنطلاقا من هذا الواقع المحبط للشباب
السودانى لابد من قيادات شابه واعيه ومستنيره وقويه
ومصادمه تسعى لعمليه التغيير الإيجابى وأيضا للحكم !!
ولم لا ؟؟!! |
الحكم ده بظروفو ..لانه بصراحة ليس هدفنا الاساسى
وانما هدفنا الرئيسى هو التغيير الايجابة ..
بعدين بصراحة كرسى الحكم ده بخوف..الظاهر فيهو شيطان والعياذ بالله
فكل من يجلس عليه ويتذوق السلطة يركبه هذا الشيطان فيصير همه الأساسى
هو المزيد من السلطة والنفوذ الى مالا نهاية حتى لو على حساب خراب سوبا .
Quote: آمنه مختار ,, إزيك ومشتاقيين والله , وما حأرحب بيك
لأنك بكره حتغطسى ليك تانى سنه !
غايتو جنس إستعلاء وتقله ( ههههههه ) . |
ابدا والله الحكاية ما استعلاء ولا تقلة ولا حاجة..
الحكاية مرض مزمن اسمه ( المزاجية ) بعيد عنك ..
اضافة الى اننى عانيت فترة طويلة من ادمان النت الذى اصابنى بمتاعب صحية
لذلك صرت أخاف من الكومبيوتر وخصوصا سودانيز اون لاين لأسباب اكيد لا تخفى عليك كبوردابى .
تحياتى لك دائما وابدا ..
ولكل اصدقائى الأعزاء فى قطر .
| |
|
|
|
|
|
|
|
|
|
Re: حزب الخضر السودانى . (Re: AMNA MUKHTAR)
|
Quote: بستلهم حكمة الشيخ محمود محمد طه ، وذكاء وجرأة جون قرنق مواصلا مسيرتهم النبيلة لصنع سودان جديد وعصرى .
|
الاخت امنة
سلام
نعم....
الاستشراف باعلام الفكر السوداني المعاصر....والمشاريع السودانية الحقيقية
هو التحليق باجنحة النسر(محمود+ قرنق)
ويا حبذا
لو كان بمرجعية الدكتور محمد سليمان وكتابه السودان حروب الموارد والهوية)
| |
|
|
|
|
|
|
|
|
|
Re: حزب الخضر السودانى . (Re: Tragie Mustafa)
|
Quote: أكتبي عندك بالبنط العريض :
- عماد عبدالله محمد حسين مصطفى
- موافق ادخل أي حاجة تمرقني منك يا هذا اليأس و القنوط .
- أبصم على أي شي يحاول يمرقنا من قد الإبرة الذي أدخلت إليه البلد و الناس . |
اصلي يا عمدة
بس
ما تنتظر نسمع باقي النشيد ياخ !
مش امكن تمرق من قد الابرة لحتة الابرة السنينة ديك تطرشق ليك بالونات فرح المرقة دي ؟!
الصابرات روابح كان يجن قماح
------------
سلام استاذة / آمنة
كدي واصلي . . و ركزي على سؤال الاخت رمانة
و دا اسمي
فتح الرحمن خلف الله عبد الكريم حمودي
| |
|
|
|
|
|
|
|
|
|
Re: حزب الخضر السودانى . (Re: HAYDER GASIM)
|
الأخت امنة
تحية طيبة وصباح الخير ..
الفكرة ممتازة وكمان اديك خبر .. في اقدم ديمقراطية في العالم .. في بريطانيا في بلد لا يعشق التغيير ( احزاب قديمة ) احرزت رئيسة حزب الخضر البريطاني المقعد عن مدينة برايتون الدائرة الأولى .... رئيسة حزب الخضر كانت تعايش واقع المواطنين يوم بيوم منذ سنتين ..ساعدت كثير من الاسر .. واللاجئين والمهاجرين ...كانت لا تكل ولا تمل .. يوم في الجامعة .. ويوم في المجلس البلدي .... ويوم في المدارس وكأفئها المواطنون بان اوصلوها لمجلس العموم البريطاني واصبحت اول نائبة برلمان عن حزب الخضر في تاريخ بريطانيا اسمها كارولاين لوكاس قابلتها قبل اسبوعين في الجامعة كانت تتحدث عن برنامجها وهو برنامج طموح جذب اليها الناخبين .. الوصلة التالية لموقع حزب الخضر البريطاني حزب الخضر البريطاني بزعامة كارولاين لوكاس
لا يمكن لي ان اوصف الجو من داخل قاعة مجلس برايتون حيث اعلنت النتيجة ..اعضاء حزب الخضر والمتبرعين كانوا منذ صباح الامس على السيارات والبصات ...بل كان جزء منهم يتصل بمناصري الحزب ليتأكدوا من انهم ( اي المناصرين ) قد ذهبوا لمراكز الاقتراع ....
كل التوفيق لك ومن الآن معك وحتى النصر ....
اسامة
| |
|
|
|
|
|
|
|
|
|
Re: حزب الخضر السودانى . (Re: Osama Mohammed)
|
الأخت آمنة
لك التحية ولأعضاء الحزب .
تقبلوا مناصرتي لكم منذ الآن .
المجد للشهيدين اللاستاذ محمود محمد طه والدكتور جون قرنق ، الذين وضعانا على الطريق ، الذي جهلناه زمنا .
وآن لنا الآن أن نجد السير فيه .
مودتي .
| |
|
|
|
|
|
|
|
|
|
Re: حزب الخضر السودانى . (Re: خلف الله عبود)
|
Quote: أكتبي عندك بالبنط العريض :
-Gamarboba
- موافق ادخل أي حاجة تمرقني منك يا هذا اليأس و القنوط .
- أبصم على أي شي يحاول يمرقنا من قد الإبرة الذي أدخلت إليه البلد و الناس .
|
| |
|
|
|
|
|
|
|
|
|
Re: حزب الخضر السودانى . (Re: AMNA MUKHTAR)
|
فكرة الأحزاب الخضر في العالم ماخدة في النمو و التوسع ..
يمكن عشان بتجاهد تناغم بين السياسي و البيئي و الإجتماعي ..
السياسي دايما حاداهو الجغرافيا و التقاطعات الآيديولوجية ، بينما البيئي فيهو الهم الإنساني الأكبر .
| |
|
|
|
|
|
|
|
|
|
Re: حزب الخضر السودانى . (Re: adil amin)
|
Quote: قولي المزيد يا امنة ..
ثم إنتي قاعدة تختفي وين و تجي نابلة ؟؟
أحسن تبطلي الحركة دي .. واضح ؟ |
العزيز جدا عم شنبو ( معليش اللقب ده لصق فيك وما عندك طريقة والفضل لصحبك دكين ).
أسباب اختفائى ذكرتها فى ردى على كمال سالم اعلاه ،
وشكرا على تفقدك الدائم يا زول يا اصيل .
Quote: فكرة الأحزاب الخضر في العالم ماخدة في النمو و التوسع ..
يمكن عشان بتجاهد تناغم بين السياسي و البيئي و الإجتماعي ..
السياسي دايما حاداهو الجغرافيا و التقاطعات الآيديولوجية ، بينما البيئي فيهو الهم الإنساني الأكبر .
بعد معركة ذات الشجرة و الخج الذي خجونا به حتى انفقهنا و بقينا شرعاً علي حبل المؤتمر الوطني ..
قامت انكفأت العالمين على كافة يؤساتها و احلامها المهيضات ..
و كفرت الناس بالهواليق الفزاعات و الدلاقين الحزبية و مواقفها البديعة و تلك الممحاكات و التخازل و التخرط الذي صار .
حتى بات يناير القادم بعبعا إبن لزينا سيقضي - إن أفلح الغول في مواصلة رحي عضمة العالمين - سيقضي ذلك على البقية الباقية من عضم هذا البلد .
لذلك تبقى أية ما بارقة نور أو رقشة في إمكانية اللحقان بما يكف عن الناس سقوطاً في هاوية اليأس المكبل هذا ..
أيما دعوة مثل هذه تدفي قلب الناس شوية بتكون مطلوبة و لازمة كمان . |
طبعا وبكل سلاسة ..وباسلوبك الطاعم المميز ..
أوجزت كثير من الأسباب التى جعلتنا ( نتهور ) ونعلن عن ميلاد حزبناالفتى ( الفتى كناية عن الديناميكية وليست تمييزا نوعيا )..
هذا المشروع كان فكرة قديمة
بدأت منذ سنوات لدى ولدى بعض الصديقات والأصدقاء ، وقد واتتنا الشجاعة اخيرا على الانتفاض والاعلان عنها ..
تعبيرا عن عدم رضانا عن الوضع القائم كامر واقع ..
فالغريق زى ما قالوا بتعلق بالقشة ..
.........
Quote: أكتبي عندك بالبنط العريض :
- عماد عبدالله محمد حسين مصطفى
- موافق ادخل أي حاجة تمرقني منك يا هذا اليأس و القنوط .
- أبصم على أي شي يحاول يمرقنا من قد الإبرة الذي أدخلت إليه البلد و الناس . |
اقول ليك شنو غايتو ..
مرحب بيك طبعامن اى باب اخترت تخش ..فالبيت بيتك .
مكسب..واى مكسب .
| |
|
|
|
|
|
|
|
|
|
Re: حزب الخضر السودانى . (Re: AMNA MUKHTAR)
|
| Quote: وفوق كمان عشان الخضر السودانين. |
العزيزة ام حازم ..عليكى الله ابقى عشرة على هذا البوست ..
طبعا عارفة ظروفى الحالية ..انو تخلصت من كومبوترى عشان ادمان النت وكده .
| |
|
|
|
|
|
|
|
|
|
Re: حزب الخضر السودانى . (Re: AMNA MUKHTAR)
|
Quote: وردة نادرة
امنة مودتي
واشواقنا وبركة في الطلة
لكن بي فكرة نادرة
م سنى
الحزب الجمالي |
الف مرحب بزعيم الحزب الجمالى ( استاذ السنى )..
وياريت.. ياريت تكون معانا ..او نكون معاك ..
المهم وراك وراك ..
_____
بالمناسبة لقائك مع الجزيرة زادنا شرفنا على شرف .
| |
|
|
|
|
|
|
|
|
|
Re: حزب الخضر السودانى . (Re: AMNA MUKHTAR)
|
Quote: الاخت الكريمة آمنة
تحيايا خضر
هل من مؤسسي هذا الحزب د. كمال الطاهر؟
ولك الاحترام |
الأخ العزيز د. محمد حسن ..
كيف الحال
غايتو حزبنا ده لا علاقة له بدكتور كمال الطاهر..
وان كنا لا نمانع التنسق مع اذا كان له مشروع شبيه بمشروعنا
من حيث الرؤى والأهداف .
تحياتى لك وله .
| |
|
|
|
|
|
|
|
|
|
Re: حزب الخضر السودانى . (Re: AMNA MUKHTAR)
|
Quote: الكريمة آمنة مختار
قلت:
Quote: يسعى الى الغاء التمييزين العنصرى والنوعى
Quote: من الشباب والى الشباب
هلا تكرمت بايضاح نقطة تلاقي هاتين الصفتين للحزب المقترح..
لك شكري |
الأخت الكريمة رمانة ..
شكرا على سؤالك الحذق .
أما بعد :
هذه العبارة صيغت هكذا لغرض قد لا يخفى على اى متامل حصيف لواقع الحال السودانى ،
فالهدف لم يكن ابدا تمييزا نوعيا من اى نوع ، وانما كان الغرض اجتذاب شريحة كبيرة فى مجتمعنا
غابت او غيبت عن التعاطى فى الشانين السياسى والاجتماعى نسبة لاسباب وعوامل عديدة ،
ومن قبل بعض (الديناصورات ) الذين ذكرهم اخانا كمال سالم ..
فنحن وبكل وضوح نتوجه اساسا الى هذه الشريحة الزاهدة او الراكدة مثل البركان الخامد
ولكننا بكل تاكيد نستهدف كل الفئات العمرية ، بل وكل شرائح المجتمع السودانى لا نستثنى فئة
ولا ينبغى لنا ان نفعل ..
أختى : ارجو ان تتاملى معى الفرق بين هذه الصياغات الثلاث ، متعشمين ان تنظرى الى ما ذكرناه من زاوية اخرى :
1- ( حزب من الشباب ..والى الشباب )
2- ( حزب من الشباب فقط ..والى الشباب فقط )
3- ( حزب خاص بالشباب .. ومتوجه الشباب خاصة )
_____
عموما أكثر ما ينفر منه معظمنا هو التلاعب بالالفاظ بغية تبرير اى خطا كان ، فهذه من
صفات ( الديناصورات ) على قول كمال سالم ..
ومشروعنا ما زال فى طور الصياغة ، وبرنامجنا مرن جدا ومفتوح لكل نقد بناء ..
______
حاشية لابد منها : كثير منا قد تعدى فعليا طور الشباب ودخل طورى الكهولة أو الشيخوخة..
ولكن سيكون من شعارات حزبنا ان الشباب شباب القلب ( ابتسامة )..
وتحية تقدير .
| |
|
|
|
|
|
|
|
|
|
Re: حزب الخضر السودانى . (Re: AMNA MUKHTAR)
|
العزيز كوستاوى .. مشتاقون
اسفت على اننى لم اطلع على بوست الأخت سلوى السعيد فى حينه ..
فقبل أن نطرح طرحنا هذا حرصنا على البحث عن اى مشروعات مماثلة فى الساحة السودانية ، ولم نوفق فى العثور على مشروع يمكن ان يعبر عن طموحاتنا أو رؤانا ..
والطرح الذى طرحته سلوى السعيد واضح انه لا يتفق مع طرحنا الا فيما يتعلق بالاهتمام بالشان البيئى والرغبة فى التغيير الايجابى .
عموما نحنا جادين جدا فى هذا الطرح الذى خرج الى النور بعد مخاض عسير واحتاج منا الى كثير من الشجاعة وشخذ الهمم .
تحياتى لك ولها .
| |
|
|
|
|
|
|
|
|
|
Re: حزب الخضر السودانى . (Re: AMNA MUKHTAR)
|
Quote: الاخت امنة
سلام
نعم....
الاستشراف باعلام الفكر السوداني المعاصر....والمشاريع السودانية الحقيقية
هو التحليق باجنحة النسر(محمود+ قرنق)
ويا حبذا
لو كان بمرجعية الدكتور محمد سليمان وكتابه السودان حروب الموارد والهوية) |
الأخ العزيز عادل أمين..
وما المانع..
فنحن نتشرف ان نهتدى باطروحات اعلام الفكر السودانى المستنير..
والأمثلة كثيرة والحمد لله ..فالبلد بخيرها..بالرغم من كل شئ .
تحيات واحترامات .
| |
|
|
|
|
|
|
|
|
|
Re: حزب الخضر السودانى . (Re: AMNA MUKHTAR)
|
Quote: ما تنتظر نسمع باقي النشيد ياخ !
مش امكن تمرق من قد الابرة لحتة الابرة السنينة ديك تطرشق ليك بالونات فرح المرقة دي ؟!
الصابرات روابح كان يجن قماح |
الأخ العزيز قيقراوى ..
بصراحة حيرنى زجرك او تحذيرك لعماد عبد الله ..
فعماد عبد الله رجل ناضج وذكى ومخضرم سياسيا..
بمعنى انه يعرف أين يضع رجله ..
وما بجى معانا الا لانو عارفنا وراصدناكوييييس ...منذ سنوات ..فى هذا المكان وغيره..
اضافة الى انه مبدع متعدد المواهب ، والمبدعون لهم حساسية خاصة بهم تجاه الناس والأشياء ..
تميز لهم بين ماهو زائف ..وماهو ( أصلى ) ..
Quote:
------------
سلام استاذة / آمنة
كدي واصلي . . و ركزي على سؤال الاخت رمانة |
سؤال الأخت رمانة وركزنا عليهو..
ونرحب بكل التساؤلات والاستفهامات ..
وسنواصل ..
Quote:
و دا اسمي
فتح الرحمن خلف الله عبد الكريم حمودي |
اعتقد من يحتاج الى التحذير هو انت..
لان من المفروض أن تكون واثقا من خطوتك ..وتنظر جيدا موضع قدمك .
تحياتى.
| |
|
|
|
|
|
|
|
|
|
Re: حزب الخضر السودانى . (Re: AMNA MUKHTAR)
|
Quote: أكتبي عندك بالبنط العريض :
- شول اشوانق دينق
- موافق ادخل أي حاجة تمرقني منك يا هذا اليأس و القنوط .
- أبصم على أي شي يحاول يمرقنا من قد الإبرة الذي أدخلت إليه البلد و الناس . |
سلامات آمنة وحباب الرجعة.
| |
|
|
|
|
|
|
|
|
|
Re: حزب الخضر السودانى . (Re: AMNA MUKHTAR)
|
Quote: اعتقد من يحتاج الى التحذير هو انت..
لان من المفروض أن تكون واثقا من خطوتك ..وتنظر جيدا موضع قدمك .
تحياتى. |
ما فهمت حاجة ؟!
ليه حاسي انو الشغلة فيها حدة ؟
يا ستي كل القلتيهو عن عماد عارفو
باقي الكلام لو فهمتيهو انو تفكير بصوت عالي ، اكتر من انو ( تحذير ) لعماد بكون كدا انا قمت بالطلبتيهو مني بالضبط ، حسب فهمي الكتبت بيهو المداخلة المذكورة . . عماد ما محتاج مني نصيحة و لا انا في مقام البديهو ليها . . وهي ( المداخلة ) برضو بالمناسبة جات على خلفية نقة انقطعت بيني وبينو ذات احباط .. ياخ البينا عامرة ياخ ولا ما كدا يا عمدة ؟
يا استاذة آمنة لسه منتظر الباقي
قبل الاستفسارات منتظرنك تكملي عرض المعلومات
لحد اسي اخدنا شذرات مبتسرة . . هل في موقع الكتروني او ما شابه فيو بقية المعلومات ؟
البوست دا اعلان بس ، و لا دعوة للانضمام للحزب . . و كيف . . و بقية التفاصيل ؟
ما تضايقي مننا ياخ
و ما تنقطعي من البوست دا
و تحياتي
| |
|
|
|
|
|
|
|
|
|
Re: حزب الخضر السودانى . (Re: أبو ساندرا)
|
يا قيقراوي سلام
الفهمته من آمنه دعوتكم جميعا للمشاركه في التفكير بصوت عالي من اجل
حزب مهتم بالبئيه...واكيد لسه لا موقع الكتروني ولا غيره شمروا عن سواعد الجد
وقدموا البتقدروا عليه لو انتو مؤمنين بالفكره.
| |
|
|
|
|
|
|
|
|
|
Re: حزب الخضر السودانى . (Re: Tragie Mustafa)
|
Quote: يا قيقراوي سلام
الفهمته من آمنه دعوتكم جميعا للمشاركه في التفكير بصوت عالي من اجل
حزب مهتم بالبئيه...واكيد لسه لا موقع الكتروني ولا غيره شمروا عن سواعد الجد
وقدموا البتقدروا عليه لو انتو مؤمنين بالفكره. |
كلام زي قسم الدهب
عالياً
-------------
شكرن يا تراجي
| |
|
|
|
|
|
|
|
|
|
Re: حزب الخضر السودانى . (Re: قيقراوي)
|
Quote: يا قيقراوي سلام
الفهمته من آمنه دعوتكم جميعا للمشاركه في التفكير بصوت عالي من اجل
حزب مهتم بالبئيه...واكيد لسه لا موقع الكتروني ولا غيره شمروا عن سواعد الجد
وقدموا البتقدروا عليه لو انتو مؤمنين بالفكره. |
| |
|
|
|
|
|
|
|
|
|
Re: حزب الخضر السودانى . (Re: AMNA MUKHTAR)
|
| Quote: حزب الخضر السودانى . |
حمديلا على سلامة العودة :
أستاذة ..آمنة مختار ..
...............
: LET US SEE
حركة ( الخدر ! ) :
إنها مجرد شعارات ..
يختارها أعداء الديمقراطية ..
و منهم ديكتاتور ليبيا ( الواحد .. معمر .. الأوحد !! )
و من تبعهم بإحسان من أمثال ( بشير ! ) السودان ..
لتمرير أجندتهم المعادية للحرية و الإنسانية ...
مجرد حركات .. تتشجع للتظاهر فى ( وشنطون ! ) أو ( لندن ! ) ..
يعنى ( عارفين ! ) أن هنالك حرية راى :
لا إعتقال سياسى أو بيوت أشباح ..
أو سجون مثلما فى ( شانغاهاى ! ) أو مصحات كما فى ( سيبيريا ! ) ..
....
حركة ( الخدر ! ) دى ( بضم الخاء و الدال و تسكين الراء ! )
يوم واحد ما شفتها زرفت دمعة على مايعانيه إنسان السودان !!
أو شعوب العالم الآخر المنكوب بدكتاتوريات الحزب الواحد و ما يسمى ( باللجنة المركرية ! ) ..
بقدر ما يهمها التباكى على ( طيرة بحر ! ) او ( سمكايا ! ) :
تلوثت بالزيت على خليج المكسيك !!!
الحركات دى : يوم واحد ما شفتها تظاهرت أو قادت أى موكب إحتجاج فى عواصم مثل :
موسكو .. بكين .. هافانا .. طهران .. بيوم بينق .. الخرتوم .. كاركاس .. طرابلس ..أو دمشق ..
مطالبة بالحقوق المدنية أو الديمقراطية لشعوب تلك العواصم ..
إنشاء الله المنع خير !!!
من التظاهر ضد أعداء البيئة الحقيقيين !!!!!!!!!!!
عبدالماجد
| |
|
|
|
|
|
|
|
|
|
Re: حزب الخضر السودانى . (Re: ABDELMAGID ABDELMAGID)
|
أ. امنـة مختار ( السلام عليكم )
الحزب السياسي هوكيان يجمع عدد من الناس مؤمنون باهداف واحدة يسعون الى الوصول الى
السلطةالسياسية لتحقيق اهدافه ومصالح المنتمين اليه ..
باب الانتماء اليــه مفتوح لكل من يؤمن باهدافــه دون حجر على فئة عمرية او نوع ..
هــل ما تدعيــن اليــه يمكن ان يصنــف فى اطار الحزب السياسي ام الحركات المجتمعيــة ذات
الاهتمام بقضايا المجتمعات المختلفة ( بيئيــة / قيمية / ...) ؟
Quote:
* من الشباب والى الشباب ..لا يسعى الى الحكم بقدرما ما يسعى الى تسريع عجلة التغيير الايجابى لصنع واقع وغد أفضل . |
تعريــف الاقليــم السودانى تنطوى عليــه قضيــة هامــة ذات طابــع (عنصـرى فى صور من صور
العنصرية ) .. إثنيــة / لغويــة / دينيــة / .... وهذا ما تدعيــن الى محاربتــه ..
Quote:
* يسعى الى استعادة الديمقراطية وتكريس العدالة الاجتماعية وحق تقرير المصير لكل أقاليم السودان .
|
نبصــم بالعشــرة مــع السعــى .. الا ان( سـن القوانيــن يحتاج الى ان تكون من ضمــن اليات التغيير السياسية ..)
Quote:
* يسعى الى الغاء التمييزين العنصرى والنوعى ويسعى الى سن قوانين تجرم المصطلحات والتعابير العنصرية والثقافة القاصرة التى جعلت من المواطنة سلما له درجات يصنف به المواطنين حسب اعراقهم والوانهم وسحناتهم |
حركــة يمكــن .. فى قالب سودانــى يتسق مع موروثنــا ..
Quote:
* يتماهى مع مبادئ حركة الخضر العالمية التى تسعى الى تناغم الانسان مع البيئة والكون والدفاع عن المبادئ الانسانية العالمية النبيلة من أجل سلام عالمى أخضر .
|
سيدتــى حكمة محمود محمد طــه عبر عنها فى شكل حزب سياسي لدية برنامج انتخابـى قطعا لن يتســق مع
ما تدعيــن اليــه ...
د. قرنق ايضا عبر عن ذكائـه بحركة عسكرية مسلحة ذات شـق سياسي لديها برنامج سياسي وتسعى للسلــطة
وهى الان تمارس فى السلطة لتحقيق اهدافها...
Quote:
* بستلهم حكمة الشيخ محمود محمد طه ، وذكاء وجرأة جون قرنق مواصلا مسيرتهم النبيلة لصنع سودان جديد وعصرى |
| |
|
|
|
|
|
|
|
|
|
Re: حزب الخضر السودانى . (Re: بدر الدين اسحاق احمد)
|
Quote: معاكم ياخ ...
عسى ... ولعل.
أن تدم أنت أيها الوطن.
أمونة, عماد ... تحياتي
... وأشواقي |
الأخ العغزيز حيدر قاسم ..
عذرا على تاخر الرد ..
وأقول لك مثلما قلت للأخ عماد عبد الله ..
مكسب كبير ..خش من أى باب اخترت .
| |
|
|
|
|
|
|
|
|
|
Re: حزب الخضر السودانى . (Re: AMNA MUKHTAR)
|
Quote: الأخت امنة
تحية طيبة وصباح الخير ..
الفكرة ممتازة وكمان اديك خبر .. في اقدم ديمقراطية في العالم .. في بريطانيا في بلد لا يعشق التغيير ( احزاب قديمة ) احرزت رئيسة حزب الخضر البريطاني المقعد عن مدينة برايتون الدائرة الأولى .... رئيسة حزب الخضر كانت تعايش واقع المواطنين يوم بيوم منذ سنتين ..ساعدت كثير من الاسر .. واللاجئين والمهاجرين ...كانت لا تكل ولا تمل .. يوم في الجامعة .. ويوم في المجلس البلدي .... ويوم في المدارس وكأفئها المواطنون بان اوصلوها لمجلس العموم البريطاني واصبحت اول نائبة برلمان عن حزب الخضر في تاريخ بريطانيا اسمها كارولاين لوكاس قابلتها قبل اسبوعين في الجامعة كانت تتحدث عن برنامجها وهو برنامج طموح جذب اليها الناخبين .. الوصلة التالية لموقع حزب الخضر البريطاني حزب الخضر البريطاني بزعامة كارولاين لوكاس
لا يمكن لي ان اوصف الجو من داخل قاعة مجلس برايتون حيث اعلنت النتيجة ..اعضاء حزب الخضر والمتبرعين كانوا منذ صباح الامس على السيارات والبصات ...بل كان جزء منهم يتصل بمناصري الحزب ليتأكدوا من انهم ( اي المناصرين ) قد ذهبوا لمراكز الاقتراع ....
كل التوفيق لك ومن الآن معك وحتى النصر ....
|
الأخ العزيز أسامة محمد مرحب بيك..
والنصر لا يكون الا بامثالك .
| |
|
|
|
|
|
|
| |
AMNA MUKHTAR
عبد الحي علي موسى
كمال سالم
Emad Abdulla
Tragie Mustafa
محمد سنى دفع الله
د.محمد حسن
rummana
adil amin
قيقراوي
Kostawi
HAYDER GASIM
Osama Mohammed
GamarBoBa
شول اشوانق دينق
أبو ساندرا
بدر الدين اسحاق احمد
فيس بوك
تويتر
انستقرام
يوتيوب
بنتيريست