Quote: والله يا شول الواحد ما يلقى الا انو يحترمك انت زول فاهم شديد ومتصالح مع نفسك وعارف انت عاوز شنو
دا ما اطراء لكن الكلمة السمحة والفاهمة لا بد من الاشادة بيها
السودان دا بلد كبير - رغم الناس العاوزين يضيقوهو - الزول اشايف نفسو عربي يبقى عربي عرق ولا جغرافيا والشايف نفسو زنجي و افريقي يبقى زي ما هو شايف بس في حالة التحدث باسم الجمع يكون التوب قومي بحت يلم العرب والزنوج ومافي شي بيلم اكتر من السودان الوطن الواحد الكبيييير دا
يا وليد ويا خيري خلو النفس بارد شوية وحولو دواسكم دا لنقاش هادي حول اعتقاد وراي كل واحد فيكم
تمام يا ود العمدة.
الف شكر وتقدير ياخ.
06-24-2010, 08:29 PM
شول اشوانق دينق شول اشوانق دينق
تاريخ التسجيل: 02-13-2006
مجموع المشاركات: 5332
شكرا ياملك ياود الملوك ربنا يدينا الصبر ذيكم كده ياشول لكن صاحبك ده شايله منى من حته تانيه الظاهر عليه لانو قال انى من زمن طويل وماعارف ايه على اى حال شكرا ليك على كلامك الجميل واسف جدا على خستكة البوست مع انى مابديت الخستكه
06-24-2010, 08:18 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: يا شول الزول ده ما دام علاقتو بالمسيرة زى ما قلتــه انت ...
طيب لماذا تريد ان تحاكم المسيرة ليه كلام زول واحد ...
كنا بنتكلم عن السودان ( بــس ) ..
الزول ده تكلم مع وسائل اعلام لا علاقة لاى واحد بيها لها كل الحرية فى ان تتكلم مع اى زول
المسيرة انتهت وتفرتقنــا ( للعلم اخر زول تحرك من اللقاء بين الصحفيين وزهبر كنت انا )
وقال كلمة جميلة جدا ختم بيها الكلام ( العايزيقبلنــا بيه سوادنــا ده يقبلنا والماعايز
مع السلامة ) ...
وكل الفلم ده بعد المسيرة ...
اها ده البزعل ... شغل البتر العملو ناس قناة المنار ده يا بدر الدين. زهير عارف إنو موضوعنا ما كان عن العروبة وفاهم كويس عشان كده قلنا نوضح ... وبس. الجملة الأخيرة دي بس لو قالا بدون ما يزيد عليهو ويدي الناس ديل فرقة في التلاعب في كلامو كان أرحم ليهو وأرحم لينا وكفانا شر القتال.
انا درست فى نيالا الفنيه وكنت من اشهر فنانى جنوب دارفور لو عندنا هنا خريج 82 هنا ممكن يحقق ليك كلامى ده ياجاهل وماخليت قرية صغيره فى دارفور ،،وبالجهاله الفيك ده الظاهر انك مافت جبل اوليا جنوبا ،،عشان تجى تدينا حصص فى الجغرافيا الساعه عشره الا ربع صباحا عندكم ،،دى كده شوية اسطباحيه بسيطه ونشوف الرياكشن بتاعك ،،تكون نمت كويس ولا ماقدرت تنوم ،احيّيينا من حناكيش امدرمان الاهليه ،،علمتونا وعزبتونا يا..نعمل شنو؟
06-25-2010, 08:34 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
انا ما قلت ليك انت حيوان عنصري كل ما تكتب كتابتك تفضحك زيادة اس
مشكلتك ياوليد انت بتأول الكلام وبتتعابط مع انك مش عبيط هسع ايه دخل العنصريه فى انك تكون من كتم ولا تلس ناس كتم وتلس ياسيدى ناس بيور افارقه ماعندهم البيدعو العروبه فهمت ولااشرح اكتر وكلمة حيوان ده الظاهر اتعلمتها جديد
06-24-2010, 09:34 PM
شول اشوانق دينق شول اشوانق دينق
تاريخ التسجيل: 02-13-2006
مجموع المشاركات: 5332
Quote: الفلاتة في السودان لهم عاصمة رئيسية وهي مدينة تلس في جنوب دارفور ولهم فيها نظارة بقيادة الناظر الحالي احمد السماني البشر وهي قبيلة كبيرة جدا ومتفرعة وتحتوي العديد من البطون الايكا والايبا وهناك مقولة شفاهية رواها لي احد كبار الفلاتة في نيالا حيث ذكر لي ان جدهم الكبير انجب توأمين احدهم رضع فسمي( ايكا) واصبح بعدها معرب بلسان عربي مبين اما الاخر الذي لم يرضع لبن امه فسمي (ابا )اصبح رطاني بلسان غير عربي مبين وعليه اصبح للفلاتة قسمين • ايكا يتحدثون العربية فقط وتضم: ام عثمانة (وتطلق عندهم ام عتمانة)..اولاد يحي؛ اولاد الشيخ؛ حجاج؛ نقرة؛ كيسوواولاد عيش • ايبا لايتحدثون العربية وتضم: ابائن؛كانمو؛لوي؛واررة؛فولبة هيلليجة واسوجي اختلف المؤرخون كثيرا في نسب الفلاتة حيث ينسبهم البعض الي فلات ابن عقبة بن نافع في حين ان بعض المصادر تنسبهم الي قبائل المي يورو التي هاجرت من بلاد العرب قديما.
اقرا يا بليد بدل حايم ساكت ومفتكر تلس وكتم ما فيها عرب
06-24-2010, 09:59 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
اقرا يا بليد بدل حايم ساكت ومفتكر تلس وكتم ما فيها عرب
هسع عليك الله ############ فينا منو قال حى العرب قال ايه الود العرب فى تلس الظاهر انت من هناك بس مامشيت فيها ############ الذييك البيأخذ معلوماته من مؤرخين منافقين زيفو فى تاريخنا وطلعو دينا ودين بلدنا ،يازول احسن امشى نوم عشان انا ذاتى مافاضى لى واحد اهبل ذييك كده معليش اخونا شول ده اخر مداخله عرب قال
06-24-2010, 10:25 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
الأخ خيري تحياتي مجدداً قرأت ردك وأشكرك عليه جزيل الشكر سأحاول الرد علي بعض ما جاء في كتابك
Quote: اشكرك على هذا الكلام الموزون الطيب لكن ذى ماانتو بتعتقدو ان اصولكم عربيه انا بعتقد انو كل سودانى يعتقد انو عربى زول وهم ساكت
يهمني أن تعرف ياخيري أنني إعتز بسودانيتي أولاً ـ وللأمانة ماعارفك جبت الكلام الفوق ده من وين لأنو بي صراحة مداخلاتي كلها هنا ما جبت سيرة عن أصولي عشان تعتقد في الحته دي . فدحين ياخيري نحن منو البنعتقد إنو أصولنا عربية ؟ الكلام ده إنت جبتوا من وين بالضبط عشان نكون ناس دقيقين في وصفنا وفي اعتقادنا ؟ أرجوا أن أجد عندك ما يفيد
Quote: وبصراحه كده هو ده مشكلتنا نحن مشكلة الهويه والموارد والهويه بالذات مشكله كبيره جدا والغلط شنو فى كلامى ده عشان واحد ذى وليد ده يجى يفنجط لينا هنا ومازلت اصر انو كلام زهير كلام مقرف ليس الا ناس زنوج مامعترفه بى عروبتهم وعروبة بلدهم وتعبانين عشان ناسهم الاتهذأو فى لبنان يجى يمسك الميكرفون ويقول عروبتنا والدفاع عنها وكده ياجماعه اصحو من نومتكم دى وكل واحد فيكم يقيف قدام المرايه ويشوف وشه لو واحد منكم بيشبه العرب
علي الاطلاق ياخيري مشكلتنا ما كده أو هكذا أظن ـ فطالما أسديت الينا النصح بأنو نصحوا من نومتنا فدحين أقبل كلامي ده ياخيري : حوجتنا ياعزيزي ما عندها أي علاقة بالوقوف قدام المراية ولا نشتري مرايه من اساسوا ـ وبالضرورة السلوك أياً كان سلباً أو إيجاباً برضوا ماعندوا علاقة بلون البشرة ـ أمس بالمناسبة في تلفزيون الحرة كان في واحد إسمو وديع الأسمر مدير المركز اللبناني لحقوق الانسان والله لم أجد سوي التصفيق له من قلبي لمسلكه ولوعيه الصادق ـ أها دي تفسرها كيف ياخيري ؟ الموقف الانساني والمسلك السوي ده بختلف من انسان لآخر ودي عندها علاقة بعوامل كتيرة ـ أنا ياخيري أعتقد إنو البلد دي ما حقت أبو زول شفت كيف ؟ وانو أكثر ما يميزنا كسودانيين ليس بشرتنا السوداء أو السمراء أو البيضاء بل تنوعنا العرقي واللي هو في الاساس كان مفروض يكون داعم لمعاني الوحدة والتمازج والتعايش السلمي ـ وأعتقد كذلك إنو الصراع الداير في السودان ماعندوا علاقة لا بالعوربة لا بالزنوجة ـ صراعنا ده صراع موارد وسوء تقسيم للسلطة والثروة . وأعتقد كذلك أن حكوماتنا الوطنية والدكتاتورية ساهموا ايما مساهمة في ما نحن فيه الآن . مسائل الهوية دي شابكة تماماً كتشابك غابات الجنوب ونخيل الشمال ـ دي بلد من الصعب أنك تعمل ليها فرز بإنو العرب يقيفوا بي جاي والما عرب يقيفوا بهناك ـ أنا بالمناسبة من أقصي أقاصي الشمال وأجد صعوبة حتي يومنا هذا في التحدث باللغة العربية كوني من الناطقين بغيرها وبطلاقة وبالتالي بي فرزك ده أنا خارج كرتلة العرب ـ وقرعتي بترميني مباشرة حيث أجدادي تهارقا وبعانخي ـ فهل كده حصل الشرف ؟ أنا إبن هذا الوطن ياخيري أولاً وأخيراً شرقاً وغرباً وجنوباً هؤلاء هم إخوتي في الوطن بهم أكون وهم تمام الشرف يا صاح . اكيد احترامي
06-24-2010, 10:43 PM
شول اشوانق دينق شول اشوانق دينق
تاريخ التسجيل: 02-13-2006
مجموع المشاركات: 5332
له ضوابط و شعارات و أهداف محددة و من تجاربنا نتعلم
نعم يابو العزائم التحيه ليك
اهداف محدد وهذا على مااعتقد الداعى من البوست ده لانو الهدف كان ندين العنصريه بتاعت عرب نادونا عبيد مش نمسك المكرفون وندافع على عروبتنا . وبصراحه انتماء السودانى للعروبه عيب زمان جدودنا بحبهم للدين الحنيف وجهلهم للحضارة الاصليه ايدو انتماءهم للعرب ونحن الاجيال الجديد بندفع التمن غالى للانتماء ده
الاخ خيري تحياتي عارف ياخيري أنا واحد من الناس الشاركت في القصة دي بي فكرة واحدة قلتها لي شول فوق إنو في في سودانيين كرامتهم اتمرمطت ـ ده كان الدافع سودانيين ياخيري بدون فرز ـ القصة بتاعت العروبة والزنوجة في البورد ده نقاشوا ما بكمل ولا طريقتكم انت ووليد بتوصلكم لي حل ـ ثم ياخ نحنا ما وهم ياخيري نحنا زاتنا موجوعيين ورمدانين وصليبنا طالع وقاعدين في واطاة الله دي وبنجابد زيكم حالمين بوطن محترم يحترم بنيه وبناته ـ ردك لود الصايم للأمانة ما بعجب ياخيري ولو ودالصايم نظم مسيرة باكر لازالة ما لحقه من عنصرية صدقني باكر بنمرق معاه تماماً كما فعلنا مع قضية السودانيين بلبنان ـ فياخ العنصرية دي ما اتجاه واحد يعني ممكن برضوا انت تكون بالحالة الافريقانية اللابسه دي عنصري وببقي في النهاية لكأنك يا خيري ماغزيت ولا شفت الغزو زاتو ـ ياخ أتمني أن تراجع ما كتبت ولك الشكر والاحترام وتذكر انو كلنا سودانيين ومتفقين في الكتير من القضايا .
اخى النوبى الاصيل سلام
هو ده المداخلة تبعك وكان رد لكلامى انو اى سودانى يتمادى بانه عربى هو زول واهم وعلى هذا الاساس انا ومن كلامك المطلى بالاحمر انااعتبرتك من الجماعه اياهم،دحين ياخضر البيعتقد انو عربى هو ناس وليد الوهم ده وزهير السببو كتبو البوست ده . انا ياخضر اخوى حكاية لون البشره مابيحدد العروبه من عدمه ده مابيخش فى راسى نهائى لان اهل افريقيا هم الزنوج يعنى نحن اهل افريقيا الزنوج ،ومايوهمك الزنجى الموجود فى الخليج ولالبنان ولاغير البلادالعربيه التانيه كلهم اصول افريقيه ومعروف هم وصلوا بى هناك كيف ،،خليك من وديع الاسمر هيفاء وهبى سمراء وغنت فين دبدوبى وفين القرد النوبى ،،وبعدين ياخضر المرايه مابتورى لون البشره بس انما الفيتشر بتاعنا بيختلف عن العرب مافى سودانى عربى ومافى داعى نجارى الوهم دول فى تاريخهم المزييف ،،انا ذييك محسى ومتزوج فلاتيه من نيالا واخر الزمن دايرين يرجعو اصول المحس الى قبيلة الخزرج العربيه . يااخوى البلد دى بلد نوبه والماعندو انتماء للنوبيه فى ستين الف داهيه ،يمشى فى شبه الجزيره العربيه وهناك الصحراء واسعة الجوانب ويشيل الملايين . بالنسبه للصراع انا بتفق انو صراعه بتاعت موارد بس المشكله الاساسيه هى مشكلة الهويه ،،لان الموارد والتنميه الناس البيدعو العروبه دول حصروها فى سودان وادى النيل وهمشو البقيه ،،الشعب السودانى يااخى محتكر وجدانيا ولابد من الحديث الصريح حتى لو اتطلب اننى نتوصف ب############ والحمار والجاهل او كما قال . طيب ياخضر انت مادم ماعربى ولو من اقصى الشمال وتعانى من فهم العربى ايه الخلاك تعتقد كلمة الوهم دى كانت موجه ليك،،يعنى انت ماكنت مقصود بالكلام داك خالص الود ياابن عمى
يا خيري يا اخي بس ارجع من اريزونا تبفوني في البروفايل اضرب لي بشرح لك الاقتباس بتعمل كيف لانك هريتنا هرييييييي(هههههههه)!
يا وليد لو سمحته ممكن تحدد المعيار اولا للسماحه؟؟؟
Quote: اسمع ارفع لينا صورتك نشوفك اسمح من ود الصايم قدر شنو ؟
اه انا السماحه مثلا عندي طول وبالتالي اسمحكمشول ايه رايك؟؟؟اها الغنايه زمان ما غنت قالت طويل اخضر قيافه!! اها الطول ده وضعته اول حاجه ايه رايكم؟؟!!(وجه غامز)!!
كل زول يخت معايره ومافي معايير متفق عليها وبالتالي ده كلام مطاط...عشان كده خلونا منه يا قصار انتو(ههههههههه)كاااااااااك!
06-25-2010, 07:08 AM
داليا الكباشى داليا الكباشى
تاريخ التسجيل: 07-23-2009
مجموع المشاركات: 4105
Quote: اه انا السماحه مثلا عندي طول وبالتالي اسمحكم شول ايه رايك؟؟؟اها الغنايه زمان ما غنت قالت طويل اخضر قيافه!! اها الطول ده وضعته اول حاجه ايه رايكم؟؟!!(وجه غامز)!!
كااااااااااكـ .. هووي يا ناس , انا مع تراجي دي بس !
----------- ترجرج يا صحبتي , اسمعي وليد دا قاصد كلامك دا زاتو , يعني معاكي في نفس السرج واحد , وبالمناسبه وليد دا ما قصير , غايتو اطول مني واااااااك !
انشاء الله والله حقيقة داير اعرف الاقتباس ده كيف وانشاءالله تجونا راجعين بالسلامه وبالله ياتراجى لازم تورونا الحاصل شنو اول باول عشان متابعنكم
واسمعى وصية ود الصايم ده فى مايخص السخانه عشان ماتجينا غبشه اصلو الجهله ديل مفتكرين السماحه باللون ،،عليكى الله لوجينا للوجاهه فى اوجه من ود الصايم هنا فى الموقع ده التحيه لكى ولكل الحادبين
06-25-2010, 07:38 AM
داليا حافظ داليا حافظ
تاريخ التسجيل: 06-06-2008
مجموع المشاركات: 5055
عايزاك تعرف ياشول ـوده كلامي انا داليا دي بعبر عن نفسي ـ إمكن بعضنا كسودانيين دخلتم دماء مختلفة عربية او غيرا والمؤكد أنهم لم يختاروا ذلك ،وإمكن برضو لو خيروهم ما كان رفضوا ..والشيء ده برضو كان ممكن يحصل مع الناس الما إختلطوا وده كلو ما كلام جديد ولا إكتشاف خطير ..لكنو واقع مجرد بس انا (كسودانية ) ..بحب بلدي كلو وبنتمي لناسوا فردا فردا بي لخبطوا العجيبة دي ..ولو كان شرط إنتماءنا ومحبتنا ووحدتنا أنو أبيع (العروبة ) كاسم بايعاها من هسة وبلا تردد..لكني ما بقدر أنقي دمي الإتلخبط ده..أنفع اتحبا كدة ؟
عزيزي شول حلنا في حبنا لبعضنا الظهر جليا في المحنة دي وياريت كلنا نبني عليهو وما نرفضو لانو واحد قرر انو عروبتو مهمة والمحك بكون في الاهم شنو ؟سودانيتو ولا عربتو ؟ وحتى لو أختار عربتو ده ما بقدح في سودانية الباقين ..ولا شنو؟
موقفك كان واضح شديد وأنت شخص محترم زاتا عليك شوية ..كسير تلج شديد لووول..
بي لخبطوا العجيبة دي ..ولو كان شرط إنتماءنا ومحبتنا ووحدتنا أنو أبيع (العروبة ) كاسم بايعاها من هسة وبلا تردد..لكني ما بقدر أنقي دمي الإتلخبط ده..أنفع اتحبا كدة
اختنا داليا جمعه مباركه بادن الله
شوفى ياغاليه العروبه امه قايمه بى ذاتها وماعندها علاقه بينا نحن السودانيين وليس الانتماء لقوم ما من لجل لغتهم او ثقافتهم الفرضوها عليناعن طريق الاستعمار
وبعدين نحن ناس كنا فى القمه وتداخلت علينا كثير من الامم غير العربيه ماقبل الميلاد ومابعده بى مراحل ،،يعنى ماشرط لونك الفاتح ده مزج عربى ،،ممكن يكون رومانى او اقريقى او اشورى او فرسى ويمكن يكون تركى ،والعرب اخر امه جاتنا واختلطت معانا ،يعنى العرب لامن جو غازين السودان اللون القمحى او الاصفر كان موجود عندنا فى الشمال ،والدماء الزنجى هو القاسم المشترك لكل اهل السودان والارض الذى نقف فيها ارض زنوج افارقه والعادات والتقاليد السمحه البنتسم بيها نحن السودانيين هى عادات نوبيه اصيله وليست عادات علابيه والدليل عدم وجود سماحتنا عند العرب ،،وهل تعلم ان قبائل الشوايقه والجعليين اعلنو انتماءهم العربى بعد انهيار اخر مملكه نوبيه والمعروفه بى خراب سوبا؟ والكلام ده بقى البيخلى ذى ناس وليد ديل يسلو انيابهم
وانتى الحب كلو يا غاليه
06-25-2010, 09:51 AM
داليا حافظ داليا حافظ
تاريخ التسجيل: 06-06-2008
مجموع المشاركات: 5055
Quote: ،،يعنى ماشرط لونك الفاتح ده مزج عربى ،،ممكن يكون رومانى او اقريقى او اشورى او فرسى ويمكن يكون تركى ،والعرب اخر امه جاتنا واختلطت معانا
وأنا أصلا قلت
Quote: دخلتم دماء مختلفة عربية او غيرا
وكلامك صاح ممكن نكون أتلخبطتنا بأي حاجة تاني ..الفكرة عندي هنا ما تأصيل ولا دايرة أثبت حاجة أو أنفيها ..وبدون الدخول في تفاصيل قبلية كتيرة ..
(اللغة العربية ) هي اللغة الإتخذنت بيها كل ذكرياتي ..لانو في نشاتي ما عرفت غيرا وده ما بنفي أنو في أصولي في ناس بتكلموا (النوبية ) او (لغة الدينكا)مثلا..المسالة معقدة شديد زي ما عارف مع كتار ..وإختزال أصحاب البشرة الفاتحة وليس البيضاء عندنا في شخص (العروبة ) لم أبتدعه انا ..
وفي كلامي قلت
Quote: العروبة كأسم
بس أنا لاجاية اثبت ولا أنفي حاجة التأكد منها صعب..لكن من حقي أني اتعامل مع الواقع الأنا متأكدة منو (سودانيتي ) .. وبتصور أنو واقعي لأنو جدل الهوية الجوانا لو مشينا وراهو بنطشش ..
Quote: ،احيّيينا من حناكيش امدرمان الاهليه ،،علمتونا وعزبتونا يا..نعمل شنو؟
الناس القروا في امدرمان الاهلية قلت لي مالهم يا جاهل يا عبيط امدرمان الاهلية فيها ارجل رجال دي الحته الوحيده الكانت بتنافح الانقاذ في التسعينات وكت كان الزيك دي راقدين واطه
وبهذا الرجاء انا اعتذر لك كثيرا اخى الوليد ونأسف لتلك الكلمات التى لم اقبلها فى سودانى عزيز لقلبى رغم كل مابدر منه واقول ليك جمعه مباركه يااخوى مودتى ياجماعه المداخله بيسحبو كيف
06-25-2010, 08:39 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: اه انا السماحه مثلا عندي طول وبالتالي اسمحكم شول ايه رايك؟؟؟اها الغنايه زمان ما غنت قالت طويل اخضر قيافه!! اها الطول ده وضعته اول حاجه ايه رايكم؟؟!!(وجه غامز)!!
كل زول يخت معايره ومافي معايير متفق عليها وبالتالي ده كلام مطاط...عشان كده خلونا منه يا قصار انتو(ههههههههه)كاااااااااك!
اسمعي كان كده وقياسا لمعيارك شول ده الاول والتاني طوالي حمور
ناس العوض راحو شمار في مرقة هاهاهاهاهاهاهاهاهاهاهاها هاهاهاهاهاهاهاهاهاهاهاها
عارفة يا تراجي فع شول اسمحنا لكن ما بي طولو بي اخلاقو
شول زول مهذب لحد بعيد ودود لحد ابعد واضح وصريح وواثق في نفسو ما معقد انا شخصيا اعتز بصداقتو جدا
شول و ضيوفه الكرام سلام للجميع فرداً فرداً بس إسمحوا لي أرد علي خضر حسين صحبي دا و لا أقول ليكم أصبنوا للربع الجاي أصلوا الربع الجاي دا انا نازل بتاع مشاكل يا جيت حازمها يا بكري ختانا كنب
Quote: صراعنا ده صراع موارد وسوء تقسيم للسلطة والثروة . وأعتقد كذلك أن حكوماتنا الوطنية والدكتاتورية ساهموا ايما مساهمة في ما نحن فيه الآن .
خضر كلامك صح لكن ما بالشكل المطلق ...أيوا جوهر الصراع صراع سلطة وموارد لكن تناول الصراع ,تحديد الياته , ومدخلها ثقافي يا خضر أخوي ... يعني ممكن يكون في شح في الموارد في اي بقعة من بقاع بلاد الله الواسعة دي لكن دايما بيكون في حل و في عدة سناريوهات للحل مجربة إنسانياً: السناريو الاول : المدخل لحل شح الموارد دي ممكن العقل البشري يتفتق (يتفتق دي جميلة صح) يعني العقل البشري يطلع من طوره و يجيب موارد بديلة و دي دايماً بتكون حلول بعيدة الاجل و أتخيل لي نحنا ناس TIA كما ورد في Blood diamond ما عندنا ليها صبر السناريو التاني: الهجرة (إن أرضي واسعة فاياي فأعبدون) السناريو التالت: تبيد جزء عشان الجزء التاني يعيش و دا السناريو بتاعنا الشغال هسي و بعدين يا خضر عشان تبيد ناس او تكتل زول لازم في البداية تجرد من انسانيته يعني تختهم في مرتبة أقل منك و بعداك وقت تجي تكتلهم الموضوع بيكون عادي (أمبايا و مات) عشان كدا يا خضر ما لم نعالج مشكلة الهوية كل ما الموارد دي تنقص شوية نشيل بنادقنا المهم يا بلدة الموضوع دا انا جايهو في الربع الجاي لو الله ما شال أمانتو
شول معذرة لو حرفت البوست دا وليد الشفت صحبي داير أسلم عليك ساي بس ؟
يا شول اسمع كلام وليد المبارك القال ليك نحن النظمنا المسيرة وما كان في سيرة عروبة لانو داك معترك تاني وسكته طويلة اسمع كلام خضر حسين عن العروبة واسمع كلامي يا شول انت من الجنوب وانا من أقصي الشمال...جيب مصحف احلفه ليك صفحة صحفة انا الما قدرت احصل المسيرة لفارق عشرة دقايق لو جابوا لي مايك وقالوا لي صرح كنت حقول ليهم انو نحن ما عرب في مفهوم غريب سائد بين السودانيين انو هم عرب بدوا يفيقوا من مفهومهم ده شوية شوية..فياخي هون عليك اتمني انو السودان المرقت ليه انت شول من جنوب السودان وخضر من اقصي شماله يلمنا ويلم غربه بشرقه وده المهم.والمهم فوق ده كله دولة تحفظ لينا انسانيتنا كان في الشمال ولا الغرب والجنوب او الشرق. المهم انسان كريم ليس الا
تحياتي يا مان
06-25-2010, 10:41 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: شكرا يا تراجي ياخ غايتو أنا لو مشيت أريزونا بلبس ردا وفنيلة كط! مش قالوا بلدا ما بلدكـ يقدل فيها ود الصايم!
يقدل ود الصائم ممكن لكن ما تقدل تراجي(هههههه) يجونا لك حسه ناس عماد موسى يقيموا علينا الحد هنا تقول لي شنو؟؟؟ مشتاقين يا اخي يهعلم الله واريت الناس الذاذ زيك يا ود الصائم كانوا قراب لينا كنا نطينه لكم كل يومين.
يا وليد ما ده كله عارفينه يا حبيب وده الجنن بوبي ذاته(وجه غامز):
Quote: عارفة يا تراجي فع شول اسمحنا لكن ما بي طولو بي اخلاقو
شول زول مهذب لحد بعيد ودود لحد ابعد واضح وصريح وواثق في نفسو ما معقد انا شخصيا اعتز بصداقتو جدا
كلامك مزبوط وصح يا صاحبي المسيرة كانت واضحة ومحددة جداً من آجل سودانيين انتهكت انسانيتهم بسبب لونهم وده الكلام الجاب قصة العروبة وغيرها المسألة دي واضحة جداً جداً والواضح اكتر بالنسبة لي في السودان كثيرين جداً ثقافتهم عربية ولغتهم الأم عربية ومن حقهم في ظل دولة ذات مؤسسات أن يعتقدوا في عروبتهم دون التقليل أو المساس بثقافة و إنتماء الاخرين أو قهرها واقصائيها ، كما أن غالبية أخري من السودانيين ثقافتهم و إنتمائيهم للثقافة الافريقانية وهذا ايضاً حقهم الذي يجب أن يكفل لهم من مؤسسات الدولة لكن الانتماء العرقي واللغوي هو انتماء بسيط يجب أن يتم التنازل عنه من آجل الانتماء المركب والهُوية المركبة وهي القومية السودانية التي ننتمي لها جميعاً وهي التي انتهكت في لبنان فحينما تم الاعتداء علي السودانيين هناك تم الاعتداء عليهم لانهم سودانيين سود .
اليوست جميل جداً ويمكنه أن يقودنا لحوار مثمر ومفيد والمشكلة (الاعتداء علي السودانيين في لبنان) هي نقطة مهمة وجوهرية لنفهم ازمة سؤال الهُوية فغالباً الحوادث والنكبات تقود لمفاهيم موضوعية إذما تم نقاشها بجدية
أتمني من الاخوة خيري و وليد أن التوقف من المواجهة التي بالفعل حرفت البوست عن هدفه ويمكنهم أن يفردا لنفسيهم بوست منفصل حينها سنتابع احداثهم ونقراء ما يكتبون .
مشكلة لبنان دي فرصة مهمة ما نضيعه يا جماعة.
مع عميق مودتي للجميع
06-25-2010, 01:12 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: لمن نفتح بوست حا نرسل ليك يا سفيان الى ذك الحين تابعنا هنا .. وممكن تجلي مداخلاتنا للبعدها
لمن تفتحوهو بشوفو براي دون مرسال يا شفت المصيبة مداخلاتكم ما بتتجلي لانها ماشية في داخل البوست وبالجد الحوار البتقولو فيهو مهم جداً جداً لو اصلاً من البداية اخونا خيري انتبه لتفادي الشتائم والاساءاة . ويا وليد تنبيهي ليكم ده قصدته بيه اننا محتاجين لدفع الحوار للامام ما قصدته اي وصاية علي احد . كن بخير .
شكرا للمجهود من النساء والرجال الذين واللائي خرجوا خرجن في المسيرة
في راي ان المشاكل كاملة لا تتجزا فمن يخرج ضد لبنان كان اجدر به ان يخرج في السودان ضد الحكم الفاسد الذي اغتال اهلنا في دارفور والجنوب بحجة الاسلام والعروبة
نصاري وزرقه انضربوا واغتيل الكثير من اهلهم واغتصبن النساء لكن الغالبية صامته ولا تندد بما جري
مشكلة السودان في العروبة والدين باسمهما تم كل الاستغلال والاهانة لاهل الوطن
فقضية نصرة حماس بالنسبة للاسلاموي هي درجة اولي افضل من نصرة اهل مريدي لانو المسلم الفلسطيني في الاخاء افضل له من النصراني
والخروج لمناصرة العراق او القدس اكثر من الخروج لايقاف القتال ضد الاهالي في كتم لانو العربي بيعتقد وفقا لثقافة الاستلاب ان فلسطين والعراق ديل اهلو وهو سلالة العباس وبني امية
الازمة ازمة وطن تظهر في الدين الحكم الفاسد الذي يتخذ الشريعة منهاج له
وازمة هوية لان السلطة وكثير من اصخاب العقول المستلبه يعتقدون انهم انهن عرب
طرفة
في امريكا اشتبك سودانيان وتنابذا وواحد قال للتاني يا عب
اشتكي المتضرر الي البوليس الامريكي فهرع الي مكان الاشتباك ووجد الاثنان زنوج
والعسكري زنجي فتبرم العسكري واعتبر ان هذه فوضي وقال لهم انتما الاثنان زنوج واذا اي منكما اتصل مرة اخري فالاثنان سوف تذهبات للقسم
والاتنين واحد يعتقد انه عربي والاخر من دارفور تخيل الامر
اذا ذهبت ورايت الفيديو وتمعنت في منظر اهلنا كلنا وحتي من لم يشارك لا تجد فيهم فيهن السمات العربية وعندما نتحدث ونقول عرب يضحك العرب علينا وهي عروبة كتابة وقراية فقط مثل عروبة الصومال وجيبوتي هسي الصومال معانا هنا لا نري انهم\ن عرب وعند الحديث للعرب تمشي علي اهل نجد والعراق
وهذه الثقافة اتت الي السودان بعد الاستقلال من قبله لم توجد مثل هذه الاحاديث فجمال عبد الناصر هو من ادخلنا للورطه
نحن سودانيين \ات لنا ثقافات متعددة واديان ولغات
من يعتقد ان جزوره عربية اوكي ومن يعتقد ان زوره زنجية اوكي لكن هذه ينظمها القانون في كلمة واحدة هي السودانوية وهي المخرج
لكن اذا حدد لنا اطار وقالب واحد هو العروبة والاسلام ده اس المشكلة ولا نستطيع ان نجد لها حلا مع وجود نصاري وغير دينيين واصحاب اديان افريقية
ووجود عدد من اللغات وليس الرطانة
وانظر مثلا الدناقلة هم وهن نوبيين يقول البعض بسبب الاستلاب نحن العرب ؟؟؟؟
عموما قاتل الله العنصرية فهي كامنه فينا ولها تاريخ مظلم اتمني ان نكشفه
التحيه ليك ياسفيان وشكرا على التوصيه بالحقيقه لو كان اللغه والثقافه هن البيحددن قومية الانسان فاذن تسعين فى الميه من الشعب السودانى عربى ،،لان اولادى مابيتكلمو الا العربى وانا هنا فى كندا مدخلهم فى مدرسه عربيه فى الاجازات الصيفيه والويك اند وانا شخصيا افصح فى العربى اكتر من وليد ظااااطو يامان ،،فانا هنا للاسف الشديد بختلف معاك ليه لانو اللغه ذى ماقلنا الواحد ممكن يتعلمها فى اى مدرسه (انت عارف بعد سبتمر الفن ال cia من اهم اللغات الاتعلموها هى العرب؟) والثقافه فى اى انسان بيتغيير بتغير البيئه البينتقل اليها الانسان وبالتالى مابتحدد الهويه ،،والشى الوحيد البتحدد الهويه هى الجينات الوراثيه .ناسف من المقاطعه الوليه دى جات وقفت لى عشان عندنا مواعيد مع دكتور اوعدك انى حاجى اواصل
06-25-2010, 08:12 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: وبهذا الرجاء انا اعتذر لك كثيرا اخى الوليد ونأسف لتلك الكلمات التى لم اقبلها فى سودانى عزيز لقلبى رغم كل مابدر منه واقول ليك جمعه مباركه يااخوى مودتى ياجماعه المداخله بيسحبو كيف
ما بناتنا مصارين البطن بتتشاكل
وسلامة المدام
06-25-2010, 08:41 PM
شول اشوانق دينق شول اشوانق دينق
تاريخ التسجيل: 02-13-2006
مجموع المشاركات: 5332
الفيديو ده بعد المسيرة: لاحظوا: - كلام السفير السوداني. - قارنوه بإستهزاء السفير اللبناني. - واسمعوا الناشط الحقوقي السوداني وخطابه القوي جداً. - بعديه صفقوا للمدير العام لمركز لبنان لحقوق الإنسان لصراحتو المنقطع النظير.
التحية للجميع
06-25-2010, 10:29 PM
خالد عبد الحليم سعيد خالد عبد الحليم سعيد
تاريخ التسجيل: 04-30-2010
مجموع المشاركات: 830
لازم أؤكد واثبت حاجات مهمة جداً ضروري الناس تعرفا: - البوست سببو ما عشان أتبرأ من المسيرة واتراجع عن الحصل من أجل الكلام الإتقال من أخونا زهير ... لا ... فتحت البوست كتنبيه للأخوان في إنو أي عمل مشترك جامع ناس كمية... لازم الناس تلتزم بضوابطه وأهدافه وإلا بتظهر كمية مشاكل مع مرور الوقت والعمل القام برجع ويكون مشوه. - الحصل ما ممكن يخليني اتراجع عن المشاركة في أي عمل ممكن يقام لاحقاً وبفعالية ... بل ساشارك بقدر ما امكن (حسب الإمكانية) في جعل العمل الموحد ممكناً وبعد العمل أي ملاحظة زي دي ما بموت بيها وآكلها في حناني ... لازم أجي للناس الأنا مشترك معاهم وأطرش الكلام زي هسع والقي تفسير ... والكلام ده برضو بينطبق علي بكل المقايسس لو انا اخليت بأي عمل مشترك وطلعت من أهدافه. - حكاية السودان دولة عربية ممكن البعض بيشير ليها دائماً وبقت في ثقافتهم العامة ثابتة بالرغم إنو البعض رامي طوبة الثقافة العربية وقنعانة من خيراً فيها ... ده طبعاً ما دعوة مني لإلغاء الثقافة العربية إنما لازم نضبط الثقافة العامة حقتنا لما نصرح بخصوص عمل جامع زي المسيرة. فمثلاً ما ممكن أكون مشترك مع ناس في عمل يخص الوحدة وامشي اصرح تصريحات يأصل ويشجع الإنفصال! كده بكون طلعت من البرنامج المحدد ولازم المعاي ينبهوني علي كده. - البوست دافعوا الأساسي تنبيهي كما ذكرت مسبقاً في المقام الأول ما بس مجرد زهجة من سماع كلمة عروبة السودان.
لي قدام.
06-25-2010, 11:12 PM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
صدقاً .... لوما عرّفوه على إنه سفير السودان ببيروت كان نفتكروا متعهد أحد مطاعم الكبّه البيروتيّه بالخرطوم لغة سماسرة ونخاسة ياخى ده قمّة الإنبطاح والسذاجة والإهتزاز والكذب . قال غبار .. كويس إنو الغبار ثار منتفضاً للكرامة السودانيه . بالفعل طمر فيه عرق التعابى وحفظ جميل شعب مشى أديمه ليته يعى ثورة الأرض ... مثله عار على الديبلوماسية السودانية
السفير السودانى مستبد وكلام ياهو نفس اسلوب الارزقيه المعروفه والتحيه للرجل الوقور الاسمر الذى طرح كلاما حقا يستاهل الاشاده فشكرا لصوت الحق قد قال عنه السيد خضر خليل فى هذا البوست ولكن لم افهم قصده عن الرجل وبالتو اعتبرته يقصد بانه لبنانى اسمر ولم اكمل قراءة كلامه فيه وهذا بمثابة اعتذار التحيه للجميع
06-26-2010, 04:10 AM
عزام حسن فرح عزام حسن فرح
تاريخ التسجيل: 03-19-2008
مجموع المشاركات: 8891
هو من قبيل ( منحرف زاوية حادة ) انت يا دوب عدلتــو ...
بس ما تخــت كل الدسـم فى هذا البوســت ... |( الربع الثالث )
Quote: عشان كدا يا خضر ما لم نعالج مشكلة الهوية كل ما الموارد دي تنقص شوية نشيل بنادقنا المهم يا بلدة الموضوع دا انا جايهو في الربع الجاي لو الله ما شال أمانتو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
شول اشوانق دينق
ahmed haneen
محمد عبد الماجد الصايم
وليد محمد المبارك
talha alsayed
خضر حسين خليل
ماضي ابو العزائم
Tragie Mustafa
داليا الكباشى
داليا حافظ
حافظ حسن ابراهيم
GamarBoBa
Zakaria Joseph
طارق جبريل
سفيان بشير نابرى
خالد عبد الحليم سعيد
خالد العبيد
عزام حسن فرح
بدر الدين اسحاق احمد
فيس بوك
تويتر
انستقرام
يوتيوب
بنتيريست