|
|
|
 Re: اغنيات قصيرة (Re: خدر)
|
غايتو يا حبوب المسدار جننته جن
انطربت للمرة التانية بعد غنية محمد عثمان حقت شفق المغارب ديك
واصل ياخ وخت غناك كلو ..بس خت وصلات الحفظ لو امكن
الغنية التانية بجيها بعد الشوط التاني
تحياتي يا حبوب
| |
 
|
|
|
|
|
|
|
 Re: اغنيات قصيرة (Re: GamarBoBa)
|
وهو الشغل النضيف يكون كيف?
بالمناسبة عندك حاجات كتيرة لى زمن ما عملت فيها حاجة,لو داير بنجدع ليك بعد ما تخلص من فلاشك ده :(
تسلم ياصاحب
...............
راجنك ,جر معاك الفردة داك
| |
|
|
|
|
|
|
|
|
|
Re: اغنيات قصيرة (Re: معاوية عبيد الصائم)
|
يعلم الله شكيت في اسمك ده قبل يومين , مشيت بروفايلك لقيتك سنقل , قلت لا ده ما هو
مع انو عبيد و الصايم ديل ما بتلاقوا إلا في معاوية
كيفك يا فنان و الله ده خبر حلو انك بقيت من ضمن رعايا طويل العمر بكري ابوبكر
علي الاقل نقدر نلم فيك بسهولة .. شوق شديد يا معاوية والله
| |
|
|
|
|
|
|
|
|
|
Re: اغنيات قصيرة (Re: محمد مكى محمد)
|
قمرنا ماك طيب
شكرا يا صاحب , و لنكات الحفظ عندك انت ياخي
موش عندي .. خليك قريب
دكتور محمد مكي
نزل طوالي ياخي و شاركني الحكي
ياريت تنزل عود بس عشان الونسة تبقي براحة
| |
|
|
|
|
|
|
|
|
|
Re: اغنيات قصيرة (Re: خدر)
|
السّور الشاعر امين صديق
الحان و غناء طارق ابوعبيدة
إتلحنت سنة 92 غنيتها مرة واحدة بالمركز الثقافي الالماني في إفتتاح معرض تشكيلي في 95 او 94
الشغل دة يا خدر يستحق كلمة واحدة :
إبداع
| |
|
|
|
|
|
|
|
|
|
Re: اغنيات قصيرة (Re: خدر)
|
البوست دا ... عند مستمعى صوت "طارق ابو عبيدة "... وأنا منهم
...
...
يُعتبر كنز ...
أول مرة أعرف انو السُور ...حقت امين صديق
| |
|
|
|
|
|
|
|
|
|
Re: اغنيات قصيرة (Re: عزيز عيسى)
|
يا طارق أغنية حَلمة كلماتها جميلة وإختيار اللحن والآداء روعة..
في رأيي لو أدخلت عليها آلة الفلوت الى جانب العود ستزيد
من روعة الأغنية لأنها تتناسب مع صوتك ولونك الخاص.
هذا مجرد رأي.
| |
|
|
|
|
|
|
|
|
|
Re: اغنيات قصيرة (Re: عزيز عيسى)
|
خضر الوغد :
كيفك؟
والله من شدة الخرمة لحاجات سمحة زي دي
خليت الفاينال المبكر وانزل
ياخ بعدك ضربنا الجفاف
لابد بشي زي دا؟
نزل وفتش كمان أكتر
تحياتي
بهاء /طوكيو
| |
|
|
|
|
|
|
|
|
|
Re: اغنيات قصيرة (Re: Baha Elhadi)
|
يا عزيز
اغنية حلمة من القصائد الحبيبة الي نفسي
بدأ الاستاذ عثمان النو تدوينها و تزويعها
قبل هجرتي التي كنت اظنها قصيرة ثم إستطالت
سنعود لها انا و عثمان يوما ما
بهاء يا حبيب
الفاينال محبط كلو (حسب أفادات المتابعين )
انا ما زول كورة لكن البرازيل هولندا يوم الجمعة
قطع شك متابعها و مشجع البرازيل 
خليك قريب يا صديقي
| |
|
|
|
|
|
|
|
|
 Re: اغنيات قصيرة (Re: Baha Elhadi)
|
الحبيب الرائع طارق
=========================================================
مافي اجمل من كدا
اتربع اللحن العرش
ومليت بصوتك استراحات
المدي..
والمحتفل بي كل كلمة من الغنا..
بجمع معاك من ضفة الانهار
صدي...
وما في اجمل من كدا
قدرت بي الصوت الحنين
تدخل قلوبنا وتسعدا...
خلينا نحلم ونصحي بي ايقاع
غناك...كلمة كلمة نرددا...
كل الاناشيد..
ننشدا...
ما بننتظر...غير صوتك الصافي
ونضيف...
يرفد همومنا يشردا...
---------------
خليك كدا
بطل الغته الشديييييده
وابعدا...
ومافي اجمل من كدا
مافي اجمل
من كدا
6-25-2010
| |
|
|
|
|
|
|
|
|
|
Re: اغنيات قصيرة (Re: Soumeta)
|
صلاح اسمعيل
دي قصيدة جميلة والله , لكن يلحنوها كيف عاد
إلا الحنها و اهديها لابوعركي (ترحيلا لمديحك لمن يستحق)
شكرا كتير يا صلاح
(عزيز القارئ .. صلاح ملحن و مغني خطير لكنو بخيل بألحانو و صوتو )
باقي الليل شنو يا عزوز
امشي شوفي ليك حاجة مفيدة اكتر من غناي ده
ده غنا مليان و زعلان من جعفر نميري
بجيك ابكباس لو سمعتيهو و نمتي
| |
|
|
|
|
|
|
|
|
|
Re: اغنيات قصيرة (Re: عزيز عيسى)
|
شكرا يا ملك علي المديح العالي
و شكرا علي صورة صديقي امين
لم يتغير كثيرا من ايام المعهد
سوي شوية جضيمات أظنهن أقمن صلبه
شكرا يا عزيز كتير
الالات موجودة في الاغنيات المعلنه حتي الان
الاغاني الهنا مشاريع مكتملة و بعضها غير مكتمل
ولم تنفذ بعض , ستنفذ وفق مقتضي الحال , لا تقلق يا صديقي
| |
|
|
|
|
|
|
|
|
|
Re: اغنيات قصيرة (Re: خدر)
|
Quote:
صفارة السكة حديد جزء من قصيدة طويلة للشاعر امين صديق , يحكي فيها إضراب عمال السكة حديد بعطبرة إبان حكم جعفر نميري
علي لسان طفل في المدرسة الابتدائية
الحان و غناء طارق ابوعبيدة
لُحنت في 91 و لم تتغني علي الاطلاق |
احب دينك يا طارق ياخ
يالقصيدة دي بي سببها قعد افتش في الصديق العزيز امين صديق فترة طويلة لمن لقيتو
ياخ متعك الله بالدهشة كما قال الدوش
خالص الود
| |
|
|
|
|
|
|
|
|
|
Re: اغنيات قصيرة (Re: GamarBoBa)
|
يا خدر,,
والله فنان حقيقى,,
صوت وأداء وكلمات,,
وعود رنان,,
مسدار حزن كامل ,,
وأغنياتك التى لم تكتمل
والغربة الأبت تنتهى,,
وأغنيات أحمد المصطفى,,
الف عافية يا إنسان,,| Quote: بس هو يواصل يرفع اغاني وما يكسل يا ناجي |
يا ريت يا بوبا,,,,
| |
|
|
|
|
|
|
|
|
|
Re: اغنيات قصيرة (Re: أيمن الطيب)
|
Quote: أها يا مولانا .. من مكتبتو وافتلو!
مطالبات من شهر تلاتة ألفين وتسعة!
وعارف السنة في الغربة بي كم! صاح؟
Re: يامان جازف لو بتقدر ..
Re: يامان جازف لو بتقدر ..
Re: يامان جازف لو بتقدر .. |
لقيتك قلبك اسود لكن , صاريها لي يا وغد موش
اعفي لي كان كدي و امسحها لي في حتات محددة اختارها انا
ما عندي ليها تسجيل بالعود والله يا محمد زي ما وضحت ليك بعد حريق الاستوديو. و دي ذاتها جبتها ليك من ويب سايد مجاور
غايتو الصادق الرضي رجع مني شايل 45 اغنية بالعود بس , لو صاحبك جازفو
ايمن الطيب
Quote: مسدار حزن كامل ,,
وأغنياتك التى لم تكتمل
والغربة الأبت تنتهى,,
وأغنيات أحمد المصطفى,,
الف عافية يا إنسان,, |
و الله لمن صِعبت علي روحي , ده كلو انا مستحملو ؟
والله يا فنان ما طالبني حليفة جد جد كلامك ده انا شايلو
في قلبي السنين دي كلها و ما حصل فكرت فيهو او اتذكرتو
شكرا يا صاخحب علي المواساة و الكلام الحنين
| |
|
|
|
|
|
|
|
|
 Re: اغنيات قصيرة (Re: خدر)
|
| Quote: يبدو انو بكري عطل كودات الاغاني و بالتالي شّل البوست |
أبدا يا مولانا
شغالة وتريانة عديل!
تسلم ياخ! وبجيكـ بلنكات الطلب
عشان ولد أساسي دا!
| |
|
|
|
|
|
|
|
|
|
Re: اغنيات قصيرة (Re: عمران حسن صالح)
|
بركة الاتلاقيتو يا بناوي
و سلم لي عليهو شديد او اجدع لي تلفونو
شكرا يا عمران يا صاحب
علي الورد و حضورك البفرح
انتو تمبس وين بقي ما بجي بوستاتي ؟؟
| |
|
|
|
|
|
|
|
|
|
Re: اغنيات قصيرة (Re: خدر)
|
أماتي القبيل بي حنهن لجني
كرفة وقدلة كيف شوق اللبن رجني
حزناً جاني في ميع الصبا يلجني
أطلع مني يا جلدي المنمل جني
وأطلع مني يا حزنا بقي مكجني
خلني ابدا مسداري
واودي قفاي لي دارا بقت مي داري
وجيتا وجيت بينا وبين عضاي الشحمة الا النار بقت قدامي
جلدي الليلة وبينو وبين عضاي المافي الا تراني
شوال الكبس نفيخ جراريب الورم هدامي
في جلدي الورم قولن لي ولا صحي الورم عضامي
ـــــــــــــــــــ
خدِر :
(1) إنت زول غناي
(2) نِحنا بِنْريدك
المُعادلة دي بِتنتهي بِالآتي :
لامِن تزِل لينا < وجع > أرفِق بِحالنا وأرفِق معاهو رابِط < حِفظ >
| |
|
|
|
|
|
|
|
|
|
Re: اغنيات قصيرة (Re: عزام حسن فرح)
|
يا مورتن يا صديقي
كلمتك زمان قلت ليك انا جاهز و حاضر
انت الطنشتني , اسوي شنو !!
المرة دي خلي مؤمن يجي معاي شايل معاهو
(ماينص ) لواحدة من الحاجات الفوق دي
ماينص شغل الساكس و الفايولين و الصوت
و ندخل استوديو عندك نضربها
انت و مؤمن و انا و الكجونكا بكور
عشان انت و الكجونكا تطلعوا من الكسل المزمن ده
إتفقنا؟
عزام الصُوفي
انا شايفك بي عيني صوفي والله
و الصوفي ده روحو و لسانو معلقات بالسمح
(هذا آن كان ما افعل سمح)
فشكرا يا فنان علي جبر الخاتر
و علي العين و الراس طلبك
| |
|
|
|
|
|
|
|
|
|
Re: اغنيات قصيرة (Re: خدر)
|
ابوالابداع طارق ابوعبيده شغل روعه X روعه
وفي اغنيه عندي احساس كبير انك لو اديتها حاتبدع فيها
وتكاد تكون مفصله عليك وهي للراحل عبدالله الحاج (الزوجه المثاليه)
والاغنيه دي ياطارق كدي كابس وفتشها وشوفها حاتكون ساهله كيف مع
طبقات صوتك .
معليش ياطارق البوست ده مالحقته قبل ما يتأرشف !!!!!
الصادق الرضي في لاهاي توثيق (صّور - فيديو)
Quote: فيما يخص ( جاروا اهلك ) و عشان النقاش و الونسة يبقوا فوق راي ,
احيلك الي نماذج من شيخي الامي و أخري من الشاعر العظيم سيد عبدالعزيز
لتحليل نصوصها ( اسلوب - افكار ) عشان نقرب الفكرة و نرجع تاني نتحاور.
شيخي الامي
- عيون الصيد
- انت حكمة
- ما بخاف من شي
- جاروا اهلك
- غرد يا حمام
سيد عبدالعزيز
- قائد الاسطول
- مداعب الغصن الرطيب
- نظرة يا ام عجن
- بأسم الحب
- سيدة و جمالها فريد
ابقي طيب و في إنتظاركـ |
ومعليش تاني اني حا اقحم عليك الموضوع في بوستك ده
والشغله غناء في غناء واتمني انها ماتفسد البوست مداخلتي دي !!!
بتفق معاك فيما اوردته انه شكل الاغنيه من ناحية التفصيل مقاس الامي
لكن تعرف مرجعي لانها لسيد عبدالعزيز امرين اولا الراحل بادي محمد الطيب
زكر في برنامج اسماء في حياتنا عن الكيفيه التي وصل بها الي الناس الذين كانوا
يعرفون لحنها (لانه لم يكن لها تسجيل موجود من مؤديها الاصلي سرور) وزكر من
خلال هذا السرد التاريخي انها لسيد عبدالعزيز ثانيا اكد لي احد الاخوه ان علي مصطفي
(الدكشنري) اكد انها لسيد عبدالعزيز والاغنيه فعلا حولها لغط كبير بين الشاعريين مثلها
مثل اغنية (وجه القمر) واللغط الدائر حولها بين الشاعرين ابوصلاح ومسعد حنفي
تحياتي مجددا
| |
|
|
|
|
|
|
|
|
|
Re: اغنيات قصيرة (Re: حمزه بابكر الكوبي)
|
سلامات يا كوبي و ماك طيب
اخوك ما بعرف الاغاني باسمائها لكن ان كنت تقصد باغنية الزوجة المثالية
الاغنية الشهيرة
الملازمة حياتي و المشاركة لروحي
منذ يافعة صغيرة ما سكنت لغيرها
فغنيتها في 2000 في اكتر من مناسبة زواج و إنشاء الله اعثر علي تسجيلها
و اهديك ليها
اما فيما يخص شيخي الامي ورغم احترامي للدكشنري و من قبله للراوي الاكبر
بادي لكن انا شيخي ما بلعب فيهو (بالقياس و المقارنة علي النص الشعري)
يا الكوبي ياخي حرام عليكم , الامي ده ظُلم حي و ظُلم ميت ورغم كده
ادانا غنا يفتت قلب ذو الصخرة. باري نَفّس القصيدة حا تلقي الامي قاعد بعاين ليك.
وابقي طيب
| |
|
|
|
|
|
|
|
|
|
Re: اغنيات قصيرة (Re: خدر)
|
Quote: سافر زمان رائعة محجوب شريف و صلاح مصطفي
نُفذت في تجربة موسيقية تأليف هيثم موسي
ادابتنق و غناء طارق ابوعبيدة
كانت مجرد تجربة لاغنية جميلة في غربة السجم دي , لم نخطط لها ان تذهب ابعد من اشواقنا للسودان |
سمعتها عشره وتلتين مره كدا وإنطربته جد يا لكم من فنانين أنت وهيثم موساك هذا
| |
|
|
|
|
|
|
|
|
|
Re: اغنيات قصيرة (Re: عمر سعد)
|
الاخ خدر
تنزل لينكات حفظ للاغانى اوعدك اوريك اى كوره بتنتهى كم وكيف ومين يجيب الاقوان
قصرته معاك وده فى الخاص بس عشان خاطرك
يالله نزل لينكات الحفظ
| |
|
|
|
|
|
|
|
|
|
Re: اغنيات قصيرة (Re: عمر سعد)
|
كل ما نقول نغوص في الخبوب نشكن
ولبابيـد الكدوب فـوق جلودنا مدمكن
تجي يا صابون العفن حتى الضفور يتمشكن
تتلاصف رهافـة ويبين الوراهـا مكنن
كل ما نقول نغوص في الخبوب نتعطن
ولبابيـد الكدوب فـوق جلودنا مطين
تجي يا صابون العفن تجلي الغميس ومبطن
من قبلك تشـوف كمين برود اتفطـن
يلا ...
رجعنا بالسلامة
| |
|
|
|
|
|
|
|
|
|
Re: اغنيات قصيرة (Re: المسافر)
|
عمر
يا فنان والله بدون اي عروض اجيك في مكانك
عشان انت تستاهل بس
مع انو الدوحة في وجود ابوساندرا و الصيف
صعب الواحد يغامر و يمشي ليها
اووووووووووووووووووو المسافر بهل اللعب كلو
واصل يا الارباب ود الارابيب
و حمدلله السلامة الجيت
| |
|
|
|
|
|
|
| |
خدر
GamarBoBa
محمد مكى محمد
مرتضى احمد عبد القادر
معاوية عبيد الصائم
ابو جهينة
الملك
عزيز عيسى
salah ismail
Soumeta
ياسر بيناوي
عمران حسن صالح
الجندرية
محمد عبد الماجد الصايم
أيمن الطيب
محمد زكريا
عزام حسن فرح
حمزه بابكر الكوبي
عمر سعد
المسافر
فيس بوك
تويتر
انستقرام
يوتيوب
بنتيريست